الاحتياج هو حالة الافتقار إلى شيء ضروري

‏راح ليل ، ولاح فجر ، وحرّك الشوق الحنايا
‏والهوى مثل الاسير اللي مايدري وش مصيرة

‏ودي اصافح يد الفرحة و ابادلها التحايا
‏وابتجح مثل الامير اللي خطب ودّ الاميرة

‏واتفقّد نور وجهك في الدروب وفي الزوايا
‏والمحه في كل عفريّة و ريمٍ مستذيره

‏وش يفيد الشوق لو ما يكسي قلوب العرايا ؟
‏وش يفيد النور لو ينقاد لـ العين الضريره ؟

‏انتي اسمى من هوى النزوه و اعزّ من الحمايا
‏في عيون الفارس اللي سلّ سيفه من جفيرة

‏وان ظفرت بـ بقبلةٍ من ثغر معسول الشفايا
‏ليه لا ؟ و انا الكبير اللي طموحاته كبيره !

‏بين عذبات الوصوف وبين ترفات الصبايا
‏شفت في وجهك ملامح سكرة الموت الاخيره

‏وان تمعّنت التفاصيل الصغيرة والحلايا
‏ضعت مابين الحلايا والتفاصيل الصغيره

‏في عيونك ما يورّد عاشقك حوض المنايا
‏وفي قصيدي ما يغيّر خارطة شبه الجزيره

‏غبتي وباقي لك بـ صدري من اللهفه بقايا
‏ياسرابٍ ماتت احلامي على رجوى غديرة

‏لو ما تلهمني الصبر ذيك الرسايل والهدايا
‏مت حزن ومت شوق ومت غبن ومت غيره

تخفي هيامك وأنت ميّت وملتاع
‏ماتدري إنه في ملامحك منحوت!

مستغرب ان القصايد في يدين البنات
‏ وشلون بنت وتحب الشعر و تقدره

‏والمشكله ذي غزالٍ صيدها النادرات
‏تختار كل القصيد العذب و تصدره

‏" بطلب الرب الكريم اللي يجيب الداعِي
‏منزّل الكوثر وقل ربْ الفلق والقدري

‏اطلبك يارب سَهل لي جميع اوضاعي
‏وفرّج همومي وونس وحشتي في قبري "
‏- سعد بن جدلان رحمه الله .

‏بين لحظات التجلّي ولحظات الشتات
‏روحي أدنى ؛ ما يتلّ - الشعور - يتلّها

‏كلّ ما قامت تغنّي طرب .. لـ المقبلات
‏رجّعتها - كل - « ثورة حزن » مَحلّها

‏يشتويها الخاطر اللي جروحه مرمسات
‏والعيون . . اللي ( تدوّر دموع ) تهلّها

‏صاحبي من باب ماجا على ألسنة الرواة
‏ماأطيب مْن الحاجة اللي تجي في حلها

‏الظروف اللي تحدّك من الاربع جهات
‏حلّها عند الله .. اللي جدير بـ حلها

‏والهقاوي حملها آثقل من جبال السرات
‏لا تعلّقها على اللي ماهو بـ كفوٍ لها

‏مشكلتك إنك تهقوى .. بدون مبررات
‏ماتحسب حْساب دق العلوم وجلها

‏ولّا من بد الشجر والغصون اليانعات
‏شجرة الزقوم من ينسدح في ظلها ؟

‏والله إنّي يوم أبدّي على الهرج السكات
‏تندبل كبدي . . بـ كثر الهروج وقلها

‏مبتعد عن كل زحمة بشر مجلود ذات
‏بين ( يا ليت الليالي ) .. ويا لعلّها

‏وسارحٍ مع ذكرياتٍ قديمة وأمنيات
‏خايف إن كبدي عليها تموت بـ غلها

‏من تركني حاير البال مهزوز الثبات
‏لا صمل ؛ يِجهز على روحي ولا بلّها

‏التشبث فيه مثل التشبث فالحياة
‏بس أنا حتى . . حياتي بديت آملها

‏ما بقى من حبه .. ألا بقايا ذكريات
‏ودي إنه « راح كله » وأخذها كلها

‏لا تسكتين ..
‏وعندك الدمع عادة
‏إبكي وضمّيني وبأنال حتفي
‏والله حرام الكحل فوق الوسادة
‏طيب وكفّيني/ وصدري/ وكتفي؟"

صبحتم بالخير

يوم سعيد
باذن الله

صباحيه مُشرقه عندي ارتباط عاطفي مع كل صبح لهذي القصيده احس الشمس تشرق ترددها
واوفقوني الرأي 🤚🏻

او مع صوت طالب

انا بدويٍّ .. مايعرف العولمه والانفتاح
‏لاتحرج الماذون ياخالد وقصتك دغما
‏.
‏ماهوب ذنبي يوم ادقق في شهادات النجاح
‏اعطيت .. خالد بندقٍ بلجيك لكن مارما
- صالح النشيرا

_