جاي اجاوب على الرسائل بالبوت فالي عنده استفسار يدز 🫡

@alsadis0_bot

السلام عليكم دكتور راشد من وجهة نظرك تشوف اذا اغير ملزمة الكيمياء الي دا اقرة عليها حالياً هذا الشي يضرني لو لاا؟

◻️من زمان اريد انشر عن الموضوع هذا لان من جنت طالب جنت كل ما اشوف طالب مطلع معدل او مدرس او قناة دراسية كلها تقول نفس الكليشة اعتمدوا على مدرس واحد ترى تضيعون والى اخره من هذا الكلام طبعا ان تعتمد على ملزمة وحدة طبعا شي جيد وافضل بس مو كل المدرسين يمشون على نفس المستوى اكو مدرس تقرا ملزمته مال الفصل الاول تشوف تاعب عليها ومطابقة للاجوبة النموذجية تروح للفصل الثاني كل شي ما تفتهم منها فهذا شي منتشر خصوصا جماعة المتميزين
فالي اريد اوصله ماكو مشكلة اذا تعتمدون على اكثر من ملزمة عادي جدا الفصل الاول تقراه على ملزمة والثاني على ملزمة انا سويت هيج بالكيمياء اكثر شي وبالاحياء همين وعادي جبت درجة ولا تخربطت علي الامور ولا شي

#عاجـــــــل |

وزارة التربية تعلن مواعيد امتحانات نصف السنة والامتحانات النهائية للصفوف المنتهية وغير المنتهية ( الدور الأول ) والامتحانات التمهيدية للطلبة الخارجيين للعام الدراسي ۲۰۲٤ / ٢٠٢٥ وللمراحل الدراسية كافة وكما موضح في الأدنى

#شبكة_نيوتن_التعليمية
https://t.me/Newton1998

شاطرة بالرياضيات بس مشكلتي بالاخطاء البسيطة مثلا هو ضرب انا أجمع او انسى الإشارات
شلون احل الموضوع؟ كل مره اكول حركز وارجع اخطأ

🔴بالنسبة لهاي الفقرة فانا همين جنت اعاني منها واتذكر جانت تطير علي هواي درجات بسبب هالشي لكن هي ويا كثرة الامتحانات والحل تروح ان شاء الله ولا تخافون بالامتحان الوزاري العقل تركيزه مليون فهيج اخطاء شلون ما تطيحون بيها وعندكم وقت ٣ ساعات فتقدر تراجع براحتك شخصيا بالوزاري ولا مرة خطات باشارة على الرغم بالشهريات جنت دوم اخطا


اي سوال على البوت
@alsadis0_bot

شلون انظم وقتي إذا عندي عطله مثلا بأيام المناسبات الي يطون بيه عطله أو مال راس ألسنه أو أيام المطر هاي الأيام حتى الخميس جاي اسخت بيها ماجاي اقرا بيها شي مااحس الي رغبه اقرا بيهن فهذا الشي طبيعي لو لا

🔴بالنسبة لهذا الموضوع شي جدا طبيعي انا من جنت اداوم قبل لا اسوي انتساب جنت كل خميس ما ادرس ابدا بالعكس جنت انام فد ١٢ ساعة او اكثر طبعا هذا تعويض للتعب مال الايام السابقة وكذلك بالنسبة لايام العطل اخذها فترة استراحة الك حتى لو جنت شوي متاخر بالمواد لا بد من استراحة بنهاية الاسبوع ترفه بيها شوي عن نفسك

اي سوال او استفسار موجود على البوت 🫡 @alsadis0_bot

هاي صورة قبل امتحان الفيزياء بساعة اتذكر وقتها سربوا الاسئلة وقعدت اقرا الي اقدر عليه🤣 ووقتها جنت منتهي ومالي خلك اقرا كلش للاسف وقتها تمرضت شوي وما لحكت اكمل المادة واجلت دور ثاني وجانت ثالث مادة ااجلها دور ثاني 🥲 فوقتها شبه راح علي المعدل بس طبعا ما استسلمت واجا معدلي بالدور الاول ٩٨.١٤ ورفعته بعدين ٩٨.٧٥ ودخلت القسم الي جنت اريده 🥼💖

طبعا اسئلة الفيزياء الدور الاول جانت كلش بسيطة حتى السؤال مال المتسعة الي خبصوا العالم اثرائي وقتها حليته طبيعي فلحد يخوفكم ويقلكم اسئلة صعبة واثرائية بالعكس الاسئلة جدا سهلة وبسيطة

اعتذر ما جاي ارد على البوت
امتحانات المد قربت🦧💔

الي عنده سؤال حاليا يرسل على الخاص او على البوت وان شاء الله اجاوبكم 🙏🏻
@alsadis0_bot

تردون انزل لكم نموذج جدول مراجعة لنص السنة؟👀
@alsadis0_bot

هذا نموذج لجدول مراجعة
من يوم
21/12 الى 10/1
يعني بالضبط ٢٠ يوم
طبعا اكثر شي صعب بالجدول هو تحديد كمية المادة لان تختلف من مدرسة لمدرسة مثلا بعض المدارس تدخل ٤ فصول فيزياء بعضهم ٥ بعضهم ٣ لكن انا اعتمدت على الاغلبية الي هي كالاتي:

رياضيات فصلين ونص
كيمياء ٣ فصول
احياء فصلين ونص
فيزياء ٣ فصول
عربي نفي واستفهام والادب الجزء الاول
اسلامية ٣ وحدات
انكليزي ٤ يونتات+ ادب

طبعا هذا النموذج تقدر تسوي على اساسه جدول يناسبك لكن اهم شي لمن تسوي جدول تحط حد معقول للمواد يعني ما تخلي لي فصلين بيوم او ٣ بيوم لا حط حد معقول تقدر انت تحققه

وطبعا كل مادة طريقة قراءتها كالاتي:

رياضيات : تقرا مراجعة مركزة او تحل كل الوزاريات ورقة وقلم فقط

انكليزي وكيمياء وفيزياء: تقرا مراجعة مركزة او تراجع على ملزمتك

احياء :تراجع على ملزمتك

عربي: تقرا على مراجعة مركزة وافضل الذهبية لعقيل الزبيدي

وانتم سويتم جدول لو بعدكم لو اصلا مثلي ما راح تراجعون لنص السنة؟🫠
@alsadis0_bot

اختبروا نفسكم بيها قبل اي امتحان