في عالم العلاج، ساعات بتبقى المشكلة واحدة… لكن الحلول كتير.
وتيجي تقف قدام الرف في الصيدلية، تلاقي اسمين بيكرروا على ودنك:
نانازوكسيد وفلاجيل.
الاتنين بيشتغلوا على الطفيليات، الاتنين بينضفوا البطن… بس كل واحد فيهم ليه طريقته، وسكته، وطبيعته.

وساعتها تسأل نفسك:
هو فيه فرق؟

دخلني راجل في الخمسينات، واضح عليه التعب، وقاللي:
"أنا جالي تنميل في رجليا، والدكتور كتبلي على دوا اسمه ثيوتاسيد... بس لقيت في الصيدلية نوعين: واحد مكتوب عليه Original وواحد Compound.
أجيبه أنهي؟"
ابتسمتله وقلتله:
"بص يا حاج، الاتنين اسمهم ثيوتاسيد، بس كل واحد فيهم ليه وظيفة مختلفة شويه.
تعالى أقولك الفرق كأنك بتقارن بين شاي سادة وشاي بالنعناع!"
---
أول نوع: Thiotacid 600 Original
ده النوع "السادة"، يعني فيه مادة واحدة بس وهي:
Alpha Lipoic Acid (أو زي ما بيتقال عليه كمان: Thioctic Acid)
وده يعتبر مضاد أكسدة قوي جدًا.
بيشتغل على:
تقليل التهابات الأعصاب
تحسين الدورة الدموية
خفض السكر في الدم
حماية الأعصاب من التلف، خصوصًا عند مرضى السكر
قلتله:
"يعني ده لو حضرتك عندك التهاب أعصاب بس، والدكتور مش كاتبلك حاجة تانية، يبقى ده كفاية عليك."
---
النوع التاني: Thiotacid Compound 600
"ده بقى زي ما تقول عليه تركيبة متكاملة.
بيحتوي على نفس المادة اللي في الـ Original وهي:
Alpha Lipoic Acid 600 mg
وكمان عليه حاجتين تانيين:
Benfotiamine (وهو شكل من أشكال Vitamin B1)
Cyanocobalamin (وده Vitamin B12)"
دول بيساعدوا في:
دعم الجهاز العصبي
تكوين كرات الدم الحمراء
تقوية الأعصاب الطرفية
تعويض نقص فيتامين B في الجسم
قلتله:
"فلو حضرتك عندك نقص في فيتامينات B، أو التنميل مصحوب بأنيميا أو إرهاق، يبقى النوع المركب (Compound) هو الأنسب ليك."
---
بصلي وقاللي:
"يعني ببساطة...
لو عايز تعالج التهاب الأعصاب بس = Original
لو عندك نقص فيتامينات كمان = Compound
صح؟"
قلتله:
"بالضبط يا حاج... والدكتور هو اللي بيحدد الأفضل على حسب حالتك."
---
الخلاصة؟
الفرق بينهم في التركيبة مش في القوة… وكل نوع له استخدام معين.
ودايماً، مفيش حاجة اسمها "الأقوى"، في حاجة اسمها "الأنسب ليك".

@OTCcourse

اللهم إني أعوذ بك من زوال نعمتك، وتحول عافيتك، وفجاءة نقمتك، وجميع سخطك.

في يوم من الأيام، دخل راجل في الأربعينات اسمه "عم حسام" صيدلية صغيرة في آخر الشارع، وكان باين عليه مخنوق... وشه أحمر، صوته مبحوح، وكل شوية يكح كحة ناشفة كأنها طالعاله من رئته!
قال للصيدلي: "أنا بجد تعبت… عندي بلغم ناشف، كل ما أكح أحس إنه مش راضي يتحرك! وكمان صدري مكتوم وكأني شارب إسمنت!"
الصيدلي قاله بهدوء: "أنا فاهمك يا عم حسام… بس عايز أسألك سؤالين: البلغم لونه إيه؟ وكحتك بليل ولا الصبح أكتر؟"
قاله: "الصبح! وأبيض أو شفاف شوية… بس كأنه لازق، مش بيطلع"
هنا الصيدلي ابتسم وقاله: "يبقى أنت محتاج واحد صاحبي اسمه استيل سستايين… فوار سحري كده بيشتغل شغلانه محدش يعرف يعملها زيه"
عم حسام استغرب وقاله: "فوار يعني زي فوار فيتامين سي؟ ده هيحللي البلغم؟"
الصيدلي قاله بثقة: "بص... الاستيل سستايين بيشتغل على البلغم كأنه بيكسر السلاسل اللي ماسكاه يعني البلغم اللي عندك عامل زي الغرا، الدواء ده بيحوّله لمية خفيفة تطلع مع الكحة بسهولة… وده بيساعدك تتنفس وتنام بليل من غير ما تقوم مخنوق!"

هنا عم حسام سأل: "بس يعني هو بس للبلغم؟"
الصيدلي بصله وقاله: "يا ريت! ده ليه دواعي استعمال تانية كتير ومهمة، ودي المفاجأة بقى:
بيتوصف لحالات التهاب الشعب الهوائية المزمن
مرضى الانسداد الرئوي (COPD)
وبيستخدم كعلاج مساعد في التليف الكيسي
وواحدة من أهم استعمالاته في الطوارئ: بيساعد في حالات التسمم بالباراسيتامول لأنه بيحمي الكبد
وكمان في ناس بياخدوه لتحسين وظائف الكبد خصوصًا لو عندهم مشاكل مزمنة"

عم حسام قاله: "ده طلع سوبرمان مش دواء! طب والأعراض الجانبية؟"
الصيدلي قاله ببساطة: "ممكن شوية دوخة، مغص، أو طعم مش حلو في البق، بس نادر جدًا ولو عندك حساسية من المادة الفعالة أو عندك قرحة في المعدة… ساعتها لازم تستشير دكتورك الأول."

وأهو قبل ما يمشي، الصيدلي إداله نصيحة ذهبية: "خد كيس واحد في نص كباية مية بعد الأكل، مرة في اليوم واشرب مية كتير وإياك تاخده قبل النوم… عشان مش هتعرف تنام من كتر ما البلغم هيبدأ يتحرك ويتكح"

عم حسام ضحك وقاله: "أهو كده الكلام… شكلي هاخد معايا كمان واحد لإبني، ده عنده حساسية صدرية وكحة مزمنة"
الصيدلي قاله وهو بيجهزله العلبة التانية: "تمام، بس لإبنك لو أقل من 12 سنة، لازم جرعة مخصوصة واستشارة دكتور لكن لو كبير، ممكن فعلاً يكون مفيد ليه بردو"

وفي الآخر، عم حسام خرج من الصيدلية وهو بيقول: "أهو فوار، بس طلع بيفك عقد كتير… مش بس البلغم!"
@OTCcourse
#ahmed_pharmacy
#ahmed_pharmacy_academy

فيه نوعين من الكحة ممكن يقابلوك وسط دور البرد... كحة بلغمها لازق ومش عايز يطلع مهما كحّيت، وكحة جاية مع برد وسخونية وتكسير في العضم وصداع وكأنك خابطك قطر.
هنا بييجي السؤال: "أستخدم استيل سستايين؟ ولا أخد فوار جي سي مول؟"
الفرق بينهم بسيط... بس مهم جدًا:

الاستيل سستايين ده مش فوار عادي... ده متخصص في تفتيت البلغم اللزج، يعني البلغم اللي واقف في صدرك ومش راضي يطلع؟ الاستيل بيدخل يكسره حتت صغيرة ويخليه يخرج بسهولة. مش هيريّح جسمك من السخونية ومش هيسكن وجعك، لكنه هيخلي نفسك أريح وكحتك تنضف.
كمان ليه استعمالات تانية زي:
بيحمي الكبد في حالات التسمم بالباراسيتامول
مفيد لمرضى الكبد المزمن
وبيستخدم في التليف الكيسي والتهابات الشعب المزمنة

الجي سي مول ده فوار "كامل الدسم" بقى مسكن، خافض حرارة، طارد بلغم خفيف ممتاز لو عندك:
برد
سخونية
تكسير
كحة خفيفة ببلغم مش لازق
احتقان أو صداع
الباراسيتامول هيريّحك الجوايفينيسين هيطرد البلغم وفيتامين سي هيزق المناعة لقدّام
بس خد بالك... الجي سي مول مش هيفك البلغم الثقيل زي الاستيل ولو خدت الاتنين، لازم تفصل بينهم بساعتين عشان ميبقاش فيه تعارض مع الباراسيتامول.

الخلاصة؟ 
لو كحتك "معقدة" والبلغم مش بيتحرك → خليك مع الاستيل سستايين
لو دور برد كامل وجسمك مكسر وكحة خفيفة → الجي سي مول هو اللي يشيل معاك

@OTCcourse
#ahmed_pharmacy
#ahmed_pharmacy_academy

سؤال بيتكرر كتييير اوي 🤦🏻‍♂️
"أنت تقصد الأسبرين بتاع الجلطات؟ ولا ريفو بتاع الصداع؟" 🤔
تعال نعرف الفرق في السريع ❤

"اللي واجعني مش معدتي… ده الأكل واقف بالعند!"
كريم دخل الصيدلية بعد العزومة، لابس تِيشيرت مش قادر يزرّره، ومشي بخطوات بطيئة كأن بطنه فيها طوبة، دخل وقال: "دكتور… أنا مش جايلك عشان برد ولا حرارة، أنا حاسس إن أكلي نايم في معدتي ومش راضي يتحرك!"
الدكتور الصيدلي بص عليه وقال بهدوء: "عزومة محشي؟ ولا كنت في فرح؟"
كريم ضحك وقال: "لا… محشي، لحمة، بشاميل… والنتيجة؟ كرش مفخخ ووجع وريح واقف"
الدكتور مد إيده على الرف، وطلّع شريط وقال له: "خد دا… دايجستوزيم"
كريم سأله: ده هضم؟
الدكتور ردّ وقال: "لأ… دايجستوزيم مش بينشّط، ده بيعوّض…"
"يعوّض؟!"
"أيوه… جوا القرص دا فيه إنزيمات اسمها بانكرياتين… ودي شبه اللي البنكرياس بيطلعها علشان يهضم الدهون، البروتين، والكربوهيدرات يعني لو جسمك مش شغّال بكفاءة، القرص ده بيكمل الشغل عنه."
كريم سأل: "طب وأنا مالي ومال البنكرياس؟!" رد الدكتور وقال: "لما تأكل أكل تقيل، أو جسمك مجهد، أو عندك ضعف هضم من الأساس… جسمك مبيكفّيش الإنزيمات وساعتها بتحس إن الأكل قاعد في معدتك زي الضيف اللي مش ناوي يمشي."
"وطب البابين اللي مكتوب على العلبة؟"
الدكتور قال: "البابين ده جاي من البابايا، وبيساعد على تفتيت البروتينات يعني لو أكلت لحمة كتير ومعدتك قالت لك (مش قادر)… البابين يقولها (أنا هكمّل)"

كريم خد القرص، وبلعه وهو واقف وبعد أقل من ساعة، رجع للبيت وقال وهو بيحكّي لمراته: "الصيدلي دا طلع أرحم من عزومة أمّي… فهمني اللي بيحصل في جسمي أكتر منها!"

ومن اليوم ده، كل مرة يحس إن معدته بتسحب في الهضم، بيروّح على الصيدلية، مش عشان دواء… لكن عشان دايجستوزيم… اللي رجّع له معدته على وضع المصنع.
@OTCcourse
#ahmed_pharmacy
#ahmed_pharmacy_academy

في يوم من الأيام، كانت "مريم" راجعة من المدرسة، بنتها الصغيرة، وبطنها بتوجعها جامد، كل شوية تدخل الحمام، وعينيها دموع… الأم اتخضّت وقالت: "دي مش مغص عادي، دي شكلها عدوى"
راحت بيها للدكتور، وبعد شوية تحليل… الدكتور قال: "فيه احتمال إنها جيارديا أو عدوى طفيلية، وده بيحتاج دواء مخصوص، مش أي مطهر معوي."
وقتها كتب لها على حاجة اسمها نانازوكسيد الأم قالت: "ده اسمه غريب، إيه هو بقى؟"

وهنا تبدأ الحكاية:
نانازوكسيد هو الاسم التجاري، لكن البطل الحقيقي جواه اسمه نيتازوكسنيد، مادة مشهورة بقدرتها إنها تضرب الطفيليات والبكتيريا اللي بتعمل مشاكل في الجهاز الهضمي، خصوصًا الحاجات اللي بتخلّي الأطفال والناس تدخل الحمام كتير، زي:
الجيارديا (Giardiasis)
الاميبا (Amoebiasis)
الروتا فيروس عند الأطفال
التهاب القولون البكتيري

بيشتغل إزاي؟ نيتازوكسنيد مش بيقتل الطفيليات بس، ده بيمنعهم من التكاثر، يعني يوقف المصيبة قبل ما تكبر ويخلي الجسم يخلص منهم بالتدريج.

يتاخد ازاي؟
موجود في صورة أقراص للكبار
وسوسبنشِن (معلّق) للأطفال
يتاخد بعد الأكل
الجرعة حسب السن والوزن، 

أعراضه الجانبية؟ عادة بسيطة:
شوية غثيان
دوخة
لون البول ممكن يصفر شوية بس نادرًا ما يسبب حاجة مزعجة

وبعد 3 أيام من العلاج، مريم خفّت… والأم قالت: "ماكنتش أعرف إن في دواء بالشطارة دي، يوقف الإسهال من جذوره مش يغطّي عليه بس"

نانازوكسيد مش مطهر معوي تقليدي، ده سلاح مخصص لعدوى معينة… وبياشتغل بصمت، لكن بقوة.
@OTCcourse
#ahmed_pharmacy
#ahmed_pharmacy_academy

😮💥 أوبلكس إن ولا أوبلكس مونو؟ دواين شبه بعض… بس واحد فيهم ممكن يزود مشكلتك بدل ما يحلها!
وليه أوبلكس مونو ساعات بيكون أحسن بكتير؟

"ده مش شد عضلي… ده شد نفسي كمان!"
ماجد دخل الصيدلية بيعرج بسيط، وشكله متعكنن، قال للصيدلي: "يا دكتور… ضهري وجنبي عاملين فيا حفلة بعد ما وقعت امبارح، ومكان الحقنة كمان مورّم!"
الصيدلي بص عليه، وابتسم وقاله: "أنت جاي في الميعاد… تعالى أقولك على صاحبي اللي دايمًا بيشيل الحمل عن العضلات، اسمه ريباريل جل"
ماجد قاله: "جل يعني؟ هيشيل وجع عضلة وتورم كمان؟!" قاله الصيدلي: "مش أي جل… ده بطل بصراحة، وبيشتغل من أول ما تدهنه، اسمع بس الحكاية"

"جواه مادتين أقوى من اللي في المسكنات التقليدية":
أيسِن – Aescin دي مادة بتشد الوعاء الدموي اللي متوسع وملخبط الدنيا بتقلل التورم والانتفاخ، خصوصًا في الكدمات والتجمعات الدموية يعني مكان الحقنة لو مورم؟ ده شغله
ثنائي إيثيل أمين ساليسيلات شبه الأسبرين لكن على البارد، بيتسلل جوه الجلد ويريّح الألم ويخفف الالتهاب وخصوصًا في ألم الضهر، الرقبة، وعرق النسا

ماجد قعد على الكرسي وقاله: "طب يعني ينفع لحاجات زي إيه غير الوقعة دي؟"
الصيدلي قاله وهو بيجهزله العلبة: "اسمع…
كدمة؟ أيوه
تورم؟ طبعًا
التواء؟ بيخففه
ألم عمود فقري؟ بينفع في الرقبة والضهر وعرق النسا
التهاب وريدي أو دوالي؟ ممتاز
مكان حقنة مورم؟ يهدّيه برضه "

ماجد خد العلبة وقال: "يعني ده ممكن أديه لأي حد عنده ألم خارجي أو تورم؟" رد الصيدلي: "طالما الجلد سليم ومفيش جروح مفتوحة، أيوه… بس مش للأطفال الصغيرين أو على أماكن حساسة"

ماجد وهو ماشي، بص للعلبة وقال: "ريباريل… طلع دكتور في نفسه!"
@OTCcourse
#ahmed_pharmacy
#ahmed_pharmacy_academy