သူတစ်ပါးက ကိုယ့်ကို မကောင်းပြောလာတဲ့အခါမှာ ကိုယ်က ပြန်ပြီး ဒေါသထွက်စရာမလိုဘူး။ '

သူပြောတာ ဟုတ်သလား' လို့ ကိုယ့်ကိုယ်ကိုယ် အရင်ဆင်ခြင်ပါ။

မဟုတ်ဘူးဆိုရင်တော့ အဲ့ဒီစကားတွေက ကိုယ့်ဆီမရောက်ဘဲ ပြောတဲ့သူဆီမှာပဲ ကျန်ခဲ့မှာပါ။

လေညာကို ပစ်လိုက်တဲ့ ဖုန်မှုန့်ဟာ ပစ်တဲ့သူဆီပဲ ပြန်ရောက်သလိုပဲ။

မကောင်းပြောတတ်သူတွေကို မေတ္တာနဲ့ပဲ တုံ့ပြန်ပါ။ ကိုယ့်ရဲ့ စိတ်ထားဖြူစင်မှုကိုပဲ ထိန်းသိမ်းပါ။

သူတစ်ပါးရဲ့ ပါးစပ်ကို ပိတ်လို့မရပေမဲ့ ကိုယ့်ရဲ့ စိတ်ကိုတော့ အေးချမ်းအောင် ထားနိုင်ရမယ်။

ဒါဟာ အဆင့်မြင့်တဲ့ သူတော်ကောင်းတို့ရဲ့ နည်းလမ်းပဲ ဖြစ်တယ်။"

ပါမောက္ခချုပ်ဆရာတော် ဒေါက်တာနန္ဒမာလာဘိဝံသ

◾️မနေ့က သမ္မတ ရွေးချယ်မှုလည်း ပြီးသွားခဲ့ပြီ။ ကြိုက်ခြင်း၊ မကြိုက်ခြင်းတွေ ခဏထား။ သမ္မတ ဦးမင်းအောင်လှိုင် အနေနဲ့ မဲ အပြတ်အသတ်ရှိခဲ့တာလည်းကလည်း သမိုင်း တစ်ခုပါ။ အနီပါတီတွေ အနိုင်ရပြီး သမ္မတ ရွေးချယ်တုန်းကတောင် ဒီလောက် လူစိတ်ဝင်စားမှု မများခဲ့ဘူ။ မများဘူးဆိုတာကလည်း အကြောင်းရှိတယ်။ သမ္မတအထက် မှာ ကျမ နေမယ်ဆိုတဲ့စကားနဲ့တင် ဖြစ်လာမယ့် သမ္မတက ဘာကောင်မှမဟုတ်တော့ ဘူးဆိုတာ နိုင်ငံတကာကလည်း သိသွားခဲ့ကြတာကိုး။ ဒီတော့လည်း သမ္မတ ဦးထင်ကျော် ဖြစ်လာတယ်ပေါ့။ ဦးထင်ကျော်လည်း အဆောင်အယောင်အားဖြင့်သာ သမ္မတ ဆိုပေမယ့် သူလည်း လုပ်ပိုင်ခွင့်ရခဲ့တာမှမဟုတ်ဘဲ။ နီပေါတွေက တခြားသူကို အာဏာရှင်တွေ ပြောနေကြပေမယ့် တကယ့်တကယ်တမ်း အာဏာရှင်အစစ်က ဒေါ်စုကိုယ်တိုင်ပါ။ စစ်တပ်ရဲ့ ဦးပိုင်ကိစ္စကို ဘလာ၊ဘလာ လုပ်နေကြသူတွေက… ဒေါ်စုအမိန့်နဲ့ လွှတ်တော် ကိုယ်စားလှယ်တွေရဲ့လစာရာခိုင်နှုန်းကို ဖြတ်ပြီး ပါတီရံပုံငွေ ထားတဲ့ကိစ္စကိုတော့ အရူးကွက်နင်းနေကြတာ အံ့အားသင့်စရာပါ။
-------
◾️သမ္မတ ဦးထင်ကျော်နဲ့ သူ့ဇနီးဆိုတာကလည်း နိုင်ငံရေးမှာ မျိုးနဲ့ရိုးနဲ့ ရှိကြသူတွေပါပဲ။ နောက်ဆုံး ရုပ်သေးရုပ်ဆိုတာထက် ဂုဏ်သိက္ခာကိုပဲ ရွေးသွားကြတဲ့အခါ ကျန်းမာရေး အကြောင်းပြပြီး သိမ်သိမ်မွေ့မွေ့ နားလိုက်ကြတာပဲ မဟုတ်ဘူးလားပေါ့။ နောက်တော့ လည်း လင်းတ လောက်တော့ ငှက်တိုင်းလှတယ်ဆိုတဲ့ ကာရာအိုကေ၊ ခြင်းသမ္မတကြီး ပေါ်လာခဲ့တာပဲလေ။ အရင်အတိုက်အခံဘဝတုန်းက ပိုင်ဆိုင်မှုတွေ ချပြသင့် ပါတယ် ဆိုတဲ့ လွှတ်တော်ကိုယ်စားလှယ်ကြီးက…သမ္မတ ဘဝလည်းရောက်ရော… ဒီအဆိုတွေလည်း မသိချင်ယောင်ဆောင်သွားခဲ့ကြတာပါပဲ။
--------
◾️ ဘယ်လိုပဲဖြစ်ဖြစ် အင်အားကြီးတဲ့ ရုရှား၊ တရုတ်၊ ဘီလာရုဇ်တို့က သမ္မတကို ထောက်ခံ ကြောင်း သဝဏ်လွှာပေးပို့ခဲ့ကြပါပြီ။ အာဆီယံတွေ ခဏနောက်ထား။ ပြည်တွင်း လက်နက်ကိုင် ပဋိပက္ခကို အရင်ရှင်းသင့်တာရှင်းပြီး စီးပွားရေးအားကောင်းအောင်ပဲ ကြိုးစားသွားသင့်တယ်လို့ မြင်ပါတယ်။ ကျန်တာတော့ မယုတ်မလွန်ပဲ ဆက်ဆံပေါ့။ NSPNC က တက်လာမယ့် ဖွဲ့စည်းပုံပြင်ဆင်ရေးတွေက ငြိမ်းချမ်းရေး အားကောင်းလာဖို့ အရေးကြီးပါတယ်။ ငြိမ်းချမ်းရေးမှာ လာတဲ့သူက အကျိုးအမြတ်ရမယ်ဆိုတဲ့ မက်ဆေချ့် ပေးဖို့လိုသလို မလာတဲ့သူလည်း တုတ်စာမိမယ်ဆိုတာမျိုးနဲ့ပဲ ချဉ်းကပ်သင့်ပါတယ်။ All Inclusive ဘာတွေက ခဏထားလိုက်ပါ။ သမိုင်းကြောင်းမတူကြတဲ့ လက်နက်ကိုင်တွေကို တပြေးညီ ဆက်ဆံနေစရာအကြောင်းလည်းမရှိပါဘူး။
---------
◾️ဆိုတော့…အစိုးရ ဖွဲ့စည်းမှုနဲ့ ရက် (၁၀၀)စီမံကိန်းတွေက ဘာတွေဖြစ်မလဲ ဆိုတာကိုပဲ စောင့်ကြည့်ကြရအောင်ပါ။

(နရီမိုး)

◾️အစိုးရ ဖွဲ့စည်းမှုအပိုင်းနဲ့ ပတ်သက်ရင်…ဒီ (၅) နှစ်တာကာလမှာ လူကြီးအကြိုက် ဖောရှောမဟုတ်ဘဲ တကယ် Result ထွက်အောင် လုပ်နိုင်ခဲ့သူတွေ ပြန်ပါလာ ရင်…ဝမ်းသာစရာပါပဲ။ ဒါပေမယ့် မလုပ်မရှုပ်၊ မပြုတ် နေခဲ့သူတွေကိုတော့ ရိုးရိုးသားသား ပြောရရင်…ပြန်မပါစေချင်တော့ပါဘူး။ နားလိုက်တာကောင်းပါတယ်။
---------
◾️ ဒီကာလက ၂၀၁၀တုန်းကလိုမျိုးထက်စာရင် စိန်ခေါ်မှုတွေ ပိုပြီး များပါတယ်။ စီးပွားရေးမှာလည်း စိန်ခေါ်မှုတွေရှိသလို ငြိမ်းချမ်းရေးဘက်မှာ လည်း အရွေ့ဖြစ်အောင် တွန်းယူရမယ့်ကိစ္စတွေအများကြီးပါပဲ။ နောက်ဆုံး စစ်ရေးဘက်မှာတောင် ဆုံးရှုံးထားတဲ့ နယ်မြေတွေ အများကြီး ကျန်နေပါသေးတယ်။ လက်ရှိ လက်လွှတ်ထားတဲ့ မြို့နယ် (၆၀)လောက်ကို နောက် ၂ နှစ်ကြာမှာကျင်းပမယ့် ကြားဖြတ်ရွေးကောက်ပွဲမှာ အတိုင်းအတာတစ်ရပ်အထိ ကျင်းပပေးနိုင်ဖို့ လုပ်ကြရဦးမှာ ပါ။ ဒီကြားထဲ စွမ်းအင်ပြဿနာကလည်း အစိုးရအတွက် သီးခြားစိန်ခေါ်မှုတစ်ခုပါ။
-------
◾️ ငြိမ်းချမ်းရေးနဲ့ပတ်သက်ရင် Union Accord ဖြစ်ထားတဲ့ကိစ္စတွေကို အခြေခံဥပဒေ ပြင်ဆင်ပြီး တကယ်လက်တွေ့ခံစားနိုင်အောင် ပြုပြင်ပြောင်းလဲပေးနိုင်ခဲ့ရင်…NCA က အသက်ပြန်ဝင်ပါလိမ့်မယ်။ UWSA အနေနဲ့ ပြည်နယ်လိုချင်တယ်လို့တောင်းပေမယ့် ၂၀၀၈ ခြေဥမှာပါတဲ့ပြည်နယ်ပြင်ဆင်ခွင့်ပုဒ်မတွေအတိုင်းက သီးခြားကန့်သတ်ချက်တွေအဖြစ် ရှိနေမှာပါ။ ဆိုတော့ လက်ရှိနယ်မြေအတိုင်း ပြည်နယ်အာဏာရဖို့ ကြိုးစားတာက အကောင်းဆုံးဖြစ်ပါလိမ့်မယ်။ ဒီလိုပဲ အပြန်အလှန်အားဖြင့် လက်ရှိဖွဲ့စည်းထားတဲ့ တပ်ကို လုံးဝ DDR/SSR လုပ်ပေးတာမျိုး၊ ဒါမှမဟုတ် ပြည်နယ်/ဒေသရဲအဖြစ် ဗဟိုနဲ့ညှိ နှိုင်းထားတဲ့ အင်အားမျိုးနဲ့ပဲ ဆက်သွားသင့်ပါတယ်။ အဓိက ပြည်မထဲက ပြည်သူတွေရဲ့ အသံကို နားထောင်ကြည့်ရင် UWSA အနေနဲ့ ဘာဆက်လုပ်သင့်တယ်ဆိုတာ မြင်နိုင်မယ် ထင်တယ်။
----------
◾️အရေးကြီးတာကတော့ ခွေးတိုးပေါက်က ဝင်လာကြမယ့် နိုင်ငံရေးပေါချောင် ကောင်းသမားတွေ အားမကောင်းဖို့အရေးကြီးပါတယ်။ ဒီလို အားမကောင်းစေဖို့အတွက် နဲ့ အစိုးရအတွက်လည်း လုပ်သာကိုင်သာရှိအောင် လက်ရှိ နိုင်ငံရေးပါတီထဲက တစ်ချို့ကို ကော်မရှင်၊ ကော်မတီတွေထဲမှာ ထည့်သုံးပေးခြင်းနဲ့ အစိုးရနဲ့တပ်မတော်ကို ဝန်းရံထား စေသင့်တယ်လို့ပဲ မြင်ပါတယ်။ နိုင်ငံတော်တည်ဆောက်ရေးအခန်းကဏ္ဍမှာ ဖယ်ကျဉ် ထားပြီး အတိုက်အခံဖြစ်နေတာထက်စာရင်…မိတ်ဆွေဖွဲ့ပြီး သွားကြတာက တည်ငြိမ်မှု ကို ပိုပြီး အကျိုးသက်ရောက်စေပါလိမ့်မယ်။

(နရီမိုး)

နိုင်ငံတော်က သိပ် ဒီမိုကရေစီ ဆန်မရတော့တာ အရှိတရားပဲ။

ဒီမိုကရေစီနဲ့ ဖက်ဒရယ်တွေ အသံထွက်လာရင် တွင်းခေါင်းထဲက ဖားတွေလို အလျိုလျို ထွက်လာကြတယ်။

ကိုယ့်သဘောအရတော့ ပူတင် သမ္မတအဖြစ်နဲ့ တာဝန်ယူခဲ့ချိန်....တိုင်းပြည်တည်ငြိမ်မှုရအောင် အရင် လုပ်တဲ့ စနစ်ပဲ ပိုသဘောကျတယ်။ ဗီယမ်နမ်လည်း တပါတီ စနစ်ပါပဲ။ အဓိက ပြည်သူတွေ ဗိုက်ဝ ချောင်လည်ရင် စနစ်က လက်ညိုးထိုးစရာ ကိစ္စမဟုတ်ဘူးလို့ မြင်မိတယ်။

အမေရိကန်ဆိုတာကလည်း ကိုယ်တွေအနေအထားနဲ့ တိုက်ရိုက် ဆက်ဆံပြီး အကျိုးရှိတဲ့ နိုင်ငံ မဟုတ်ပါဘူး။ အာဆီယံ ဒေသတွင်းနိုင်ငံတွေထဲမှာလည်း အားလုံးက အကျိုးစီးပွားကိုပဲ ဦးတည်ကြတာ တွေ့နိုင်တာပဲ။ လက်ရှိ ၅ နှစ်တာကာလမှာ စင်ကာပူဆိုလည်း ရင်းနှီးမြှုပ်နှံမှု အများဆုံးပဲ။ နိုင်ငံရေးမှာသာ ဘလာ၊ဘလာ လုပ်နေတာ အကျိုးစီးပွားအရတော့ ဆက်ဆံရတာပဲ။

ဆိုတော့ ချင်းနဲ့ နာဂကို တည်ငြိမ်အောင်လုပ်ပြီး အိန္ဒိယ အဝေးပြေးလမ်း ပွင့်အောင်လုပ်နိုင်ရင် အိန္ဒိယရဲ့ အရှေ့ ၇ ပြည်နယ် အကျိုးစီးပွားက ကိုယ်တွေ အတွက်ပဲ။ တရုတ်နဲ့ နယ်စပ်ကုန်သွယ်ရေးလမ်း ပြန်ပေါက်ရင် မဲခေါင်-လျန်ချန်နိုင်ငံတွေကြားထဲထိ စီးပွားရေးလမ်းက ဖြူးမှာပဲ။ လက်ရှိ မြဝတီလမ်းကို လုံခြုံရေးအရ အကောင်းဆုံး ထိန်းထားနိုင်ရင် ထိုင်း-မြန်မာ အတွက်လည်း အဆင်ပြေဦးမှာပဲ။

တချို့ကိစ္စ ကြိတ်သင့်တာ ကြိတ်ပလိုက်တာ၊ ကောင်းတယ်။ အဓိက ပြည်တွင်း လက်နက်ကိုင်မရှိဘဲ နယ်စပ်လမ်းတွေ ပြန်ပွင့်ရင် ကုန်ဈေးနှုန်းတွေ အဆင်ပြေသွားလိမ့်မယ်။ နိုင်ငံရေးအရ ဈေးခေါ်ခွင့်ရအောင် စစ်ပွဲတွေက အဖြစ်ပြမှပဲ။ ဒါမှလည်း နိုင်ငံရေး စားပွဲဝိုင်းပေါ် တက်ခွင့်ရမှာကိုး။ ခု ဖားကန့်ကိစ္စက ဒီလို အကြောင်းတရားတွေရှိပါတယ်။ မြေပြင် ကွန်မန်ဒါတွေမှာ နိုင်ငံရေး ဦးနှောက်ပါ ရှိဖို့ ပိုအရေးကြီးပါတယ်။ ရန်သူကတော့ နိုင်ငံရေး ဖဲချပ်ပြစ်နိုင်ဖို့ တိုက်မှာပဲ။ ကိုယ်မခံရဖို့ပဲ အဓိက လိုတာပါ။


(နရီမိုး)

🍀 မင်္ဂလာရှိသော နေ့ရက် အခါသမယ ဖြစ်ပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

လောဘ၊ ဒေါသ၊ မောဟ အကြောင်းပြုပြီး ဖြစ်ပေါ်လာသမျှဟာ အကုသိုလ်အဆိုးတရားတွေချည်းပဲ။

လောဘကို အခြေခံပြီးတော့ တွေးတာ ကြံတာ ပြောတာဆိုတာ လုပ်ကိုင်တာ မှန်သမျှတွေဟာ အေးချမ်းမှုကို မစွမ်းဆောင်နိုင်ဘူး တဲ့။ ဒါတင်မကဘူး လောဘ၊ ဒေါသ၊ မောဟ လွှမ်းမိုးခြင်းခံရတဲ့ ပုဂ္ဂိုလ်တစ်ယောက်ရဲ့လုပ်ရပ်တွေဟာ ဒုက္ခဖြစ်ဖို့ပဲလို့... မြတ်စွာဘုရားကဒီလိုဟောတာနော်...။

ဒါတင်လားလို့ဆိုတော့ မဟုတ်သေးဘူး။

လောဘ၊ ဒေါသ၊ မောဟ အကြောင်းပြုပြီး ဖြစ်ပေါ်လာသမျှဟာ အကုသိုလ်တွေချည်းပဲ။ ကောင်းတာ အင်မတန်မှ ရှားတယ်။ အကုသိုလ်တွေဟာ စဉ်ဆက်မပြတ်တိုးပွားလာနိုင်တယ်။ အကုသိုလ်ဆိုတာ ဆိုးကျိုးပေးမယ့်တရားတွေ မိမိရဲ့ ရင်ထဲနှလုံးထဲမှာ ပွားလာတာကိုပြောတာနော်..။

လောကလူတွေက ငရဲကြီးမှာတော့ကြောက်တယ်။ အကုသိုလ်ဖြစ်မှာ မကြောက်ဘူး။ အဲဒါဟာ ပြောင်းပြန်ဖြစ်နေတယ်နော်။

ငရဲဟာ သူ့ဖာသာသူ လာမကြီးပါဘူး။ ရင်ထဲမှာ အကုသိုလ်တွေဖြစ်နေရင်တော့ ဒါငရဲကြီးတာပဲပေါ့ နော်။

ငရဲကြီးတာက အကျိုး...
အကုသိုလ်ဖြစ်တဲ့အကြောင်းကို ကြောက်ရမှာ။

ဒီလို တွေးကြရမှာပေါ့။


ပါမောက္ခချုပ်ဆရာတော်ဘုရားကြီး
#ဒေါက်တာဘဒ္ဒန္တနန္ဒမာလာဘိဝံသ

◾️ နိုင်ငံတကာက နိုင်ငံတစ်ခုရဲ့ နိုင်ငံရေးကို ရှုမြင်သုံးသပ်တဲ့နေရာမှာ ထွက်ပေါ်လာတဲ့ သတင်းအချက်အလက်တွေကို အခြေခံပြီး သုံးသပ်ကြတာ များတယ်။ အရင်တုန်းက သတင်းတွေမှာတော့ တပ်က အာဏာသိမ်းတယ်၊ ဘာညာဆိုပြီး ဖော်ပြခဲ့ကြတယ်။ သိမ်းတယ်နဲ့ထိမ်းတယ်ဆိုတဲ့ စကားလုံးက ပြည်ပ/နိုင်ငံတကာမှာ ဥပဒေလမ်းကြောင်း အရ သိပ်ရှင်းပြရခက်တယ်။ နစကမှာ တစ်ခုခံသာသွားတာက အစိုးရဖွဲ့စည်းမှုအပိုင်းမှာ နိုင်ငံရေး ပါတီတွေထဲက ထိပ်ပိုင်းခေါင်းဆောင်တွေကို အစိုးရအဖွဲ့ထဲ ထည့်သွင်းဖွဲ့စည်း ခဲ့တာပဲ။ ဆိုတော့…အာဏာသိမ်းထားတယ်လို့ နိုင်ငံတကာက သိထားကြပေမယ့်… အရပ်သားတွေ အုပ်ချုပ်နေတာမျိုးပဲ မြင်ခဲ့ကြတယ်။
------
◾️ မနေ့က နိုင်ငံတကာသတင်းတစ်ခုမှာ တပ်မတော်က အာဏာပြန်အပ်ပြီး ရွေးကောက်ပွဲ ကျင်းပတယ်။ ရွေးကောက်ပွဲအရ ဖြစ်ပေါ်လာတဲ့ လွှတ်တော်မှာ အငြိမ်းစားယူလာမယ့် တပ်ခေါင်းဆောင်က သမ္မတအဖြစ် Voting ဘယ်လောက်အရ ရွေးချယ်ခံရတယ်ဆိုပြီး ဖော်ပြလာတယ်။ မင်းဖာသာ ပြည်တွင်းမှာ ဘလာ၊ ဘလာအော်နေနေ။ နိုင်ငံတကာအမြင် မှာတော့ ရွေးကောက်ပွဲလုပ်တယ်။ ရွေးကောက်ပွဲအရ အရပ်သားအစိုးရပေါ်လာတယ်။ ဒီတော့ မြန်မာဟာ ဒီမိုကရေစီလမ်းကြောင်းပေါ် ပြန်ရောက်လာတယ်။ ဒီလိုပဲ သုံးသပ်တယ်။
------
◾️ လက်ရှိ ဗိုလ်ချုပ်မှူးကြီး မင်းအောင်လှိုင်က သမ္မတအဖြစ်ရွေးချယ်ခံရချိန်မှာ အိမ်နီးချင်း အင်အားကြီးတဲ့ တရုတ်က ချက်ခြင်း ထောက်ခံကြောင်းဆိုထားတယ်။ ကျန်တဲ့ မဟာမိတ် ရုရှား၊ ဘီလာရုဇ်တို့ကလည်း Welcome ပဲ။ ပြည်ပနိုင်ငံတွေတင်လားဆိုတော့မဟုတ် သေးဘူး။ ပြည်တွင်းက နိုင်ငံရေးပါတီတွေ၊ UWSA နဲ့ NDAA တို့လို အဖွဲ့တွေက သမ္မတ အပြင် တပ်ချုပ်အသစ်၊ဒုချုပ်အသစ်ထိပါ ကြိုဆိုထားတယ်။ ကြိုက်တာတွေ၊ မကြိုက်တာ တွေ လာမပြောနဲ့။ သတင်းအရကြည့်ရင်၊ ဒေတာအရသုံးသပ်ရင် …ဗိုလ်ချုပ်မှူးကြီး ဦးမင်းအောင်လှိုင်အပေါ် ပြည်တွင်းထောက်ခံမှု အင်အားက ဒီလိုရှိတယ်ဆိုတာကို ပြတယ် ။ ဆိုတော့…ဗိုလ်ချုပ်မှူးကြီးနဲ့ ပြည်တွင်းနိုင်ငံရေးအင်အားစုတွေ၊ လက်နက်ကိုင် အဖွဲ့အချို့နဲ့ ပြည်ပနိုင်ငံတွေကြားမှာ Strategic Space တစ်ခုရှိနေတယ်ဆိုတာ ပြနေ တယ်။
----------
◾️နိုင်ငံရေးရှု့ထောင့်အရ သုံးသပ်မယ်ဆိုရင်လည်း အားလုံးက ပဋိပက္ခထက်စာရင် တည်ငြိမ်မှု၊ ဖွံ့ဖြိုးမှုကို လိုလားတယ်။ ဒီတော့…ဒီ (၅)နှစ် အချိန်ကာလကို ဖြတ်သန်းဖူးတဲ့ ဗိုလ်ချုပ်မှူးကြီးနဲ့ အေးအေးဆေးဆေးဆက်သွားချင်ကြတယ်။ နောက်လူလာရင် မူ တမျိုး ပြောင်းချင်ပြောင်းနေဦးမှာ။ ဆိုတော့…နိုင်ငံရေးလမ်းကြောင်းအရလည်း ဖွဲ့စည်းပုံ ပြင်ဆင်နိုင်ရေးအပိုင်းမှာ လမ်းပွင့်နိုင်တဲ့ Point Node တွေရှိထားကြတယ်။
-----
◾️ ပါဆင်နယ်အရ သုံးသပ်တာပါ။ ခြေဥပြင်မယ့် တစ်ချို့အချက်တွေ လွှတ်တော်ကနေ မြန်မြန်ဆန်ဆန် အကောင်အထည်ဖော်လိုက်နိုင်ရင် All Inclusive တွေခဏထားလိုက်ပါ၊ တင်းခံနေတဲ့ လက်နက်ကိုင်တွေ ပြိုဆင်းလာဖို့များပါတယ်။ ဒီတော့ ဦးဆောင်သူကိုတော့ ထောက်ခံသူတွေအများကြီး ရှိနေခဲ့ပါပြီ။ ဦးဆောင်သူကို ဝန်းရံကြမယ့်သူတွေထဲမှာ မလိမ်တမ်း၊ မညာတမ်း တကယ်အလုပ်လုပ်တဲ့သူတွေပါလာဖို့ပဲ လိုတော့တာပါ။

(နရီမိုး)

◾️၂၀၀၈ ခြေဥရဲ့ ပုဒ်မ ၂၆၁ က သိပ်အရေးကြီးတယ်။ ဒါနဲ့ပတ်သက်ပြီး အရင် မိတ်ဆွေ တစ်ချို့နဲ့ဆွေးနွေးဖူးတယ်။
“မင်းကွာ ရခိုင်ကိုပဲ ဥပမာပေးမယ်။ သမက်က လက်နက်ကိုင်သူပုန်။ ယောက္ခထီးက လွှတ်တော်ဥက္ကဋ္ဌ ဖြစ်နေချိန်၊ ပုဒ်မ ၂၆၁ ကိုသာ ပြင်လိုက်ရင်…အဲ့ဒီပြည်နယ် ခွေး ဖြစ်ပြီလို့ ပြောလို့ရတယ်”
ဆိုတော့…ဒီလိုအမြင်တွေရှိခဲ့ကြတော့ ပုဒ်မ ၂၆၁ ပြင်ဆင်ရေးဟာ အစိုးရနှစ်ဆက် လက်ထက်မှာ ဖြစ်မလာခဲ့ဘူး။
◾️ လက်ရှိ ဖွဲ့စည်းပုံ ပြင်ဆင်ရေးကဏ္ဍမှာ ပုဒ်မ ၂၆၁ က အရေးကြီးတဲ့ပုဒ်မ တစ်ခု ဖြစ်လာခဲ့တယ်။ ပုဒ်မ ၂၆၁ မှာ ဝန်ကြီးချုပ်ကို သမ္မတက တိုက်ရိုက်ရွေးချယ်ခန့်အပ်ရတာ ဖြစ်သလို ဒီပုဒ်မကို ပြင်ပေးပြီး ပြည်နယ်ဝန်ကြီးချုပ်ကို သက်ဆိုင်ရာလွှတ်တော်က ရွေးချယ်ခန့်အပ်ခွင့်ပေးလိုက်ရင်…လုပ်ပိုင်ခွင့်တွေပိုများပြီး ငြိမ်းချမ်းရေးအတွက် အထောက်အကူဖြစ်နိုင်တယ်လို့ မြင်တဲ့ အမြင်တွေလည်းရှိတယ်။ ဆိုတော့… ဥပဒေ တစ်ခုက မကျင့်သုံးရသေးဘဲနဲ့တော့ ဆိုးခြင်း၊ ကောင်းခြင်း သုံးသပ်ဖို့ သိပ်ခက်တယ်။ အမေရိကန်မှာတောင် အမျိုးသမီးတွေ မဲပေးခွင့်ရတာက နှစ်ပေါင်းအတော်ကြာပြီး မှ ရလာတဲ့ အခွင့်အရေးပဲမဟုတ်ဘူးလား။
◾️ တကယ်တော့ ပြောချင်တာက ဒီအကြောင်းအရာတွေမဟုတ်ပါဘူး။ လက်ရှိ ကြားနေရတာ…မြဝတီ-ကော့ကရိတ်အာရှလမ်းဖွင့်တော့…ဘာအဖွဲ့အစည်း ၊ ညာအဖွဲ့ အစည်းဆိုသူတွေက ကရင်ဝန်ကြီးချုပ်နဲ့ နယ်လုံဝန်ကြီးဆီမှာ ဂိတ်နေရာတွေ တောင်းတယ် ဆိုတဲ့ သတင်းလေး ဖတ်မိလိုက်လို့ပါ။
◾️အဖွဲ့အစည်းတစ်ခုထဲမှာတောင် ဒီလမ်းကြီး ပြန်ပွင့်ဖို့ တပ်မတော်ကိုကူခဲ့တဲ့ အဖွဲ့ တစ်ချို့ကသပ်သပ်ရှိသလို ဒုချုပ်ကြီးကိုယ်တိုင် ဆင်းရတဲ့အထိ ပူးသတ်အဖွဲ့တွေ၊ ကလန်ကဆန်လုပ်ခဲ့တဲ့၊ တနည်းအားဖြင့် ရေနစ်နေတုန်း ဝါးကူထိုးခဲ့ကြတဲ့ အဖွဲ့အစည်း တွေလည်း ရှိတာ မမေ့ကြဖို့ပါ။ ၂၀၂၃ မှာ ကော့ကရိတ်အတိုက်ခံရချိန်၊ တောင်ကြာအင်း ဖြစ်စဉ်တွေ၊ ဗောဓိကုန်းမှာ သစ္စာဖောက်လို့ ကိုယ့်စစ်သည်တွေ ကျဆုံးဖြစ်ခဲ့ရတာ တွေ မမေ့ဖို့ လိုပါတယ်။ နိုင်ငံတော်အဆင့် အောင်ဇေယျစစ်ကြောင်းက ဘယ်လိုလဲ ဆိုပြီး ခနဲ ခဲ့ကြတဲ့စကားသံတွေ မမေ့ကြဖို့ပါ။
-------
◾️ ချမ်းသာချင်ရင် တခြားလုပ်ငန်းကနေ စီးပွားရေးရှာတာကောင်းပါတယ်။ ငြိမ်းချမ်းရေးအကြောင်းပြပြီး တသက်လုံး without ကားတွေ တင်သွင်းခဲ့ကြတာလည်း တော်လောက်ပါပြီ။ ခုလည်း တပ်မတော်သားတွေအသက်သွေးချွေးတွေနဲ့ရယူထားတဲ့ အာရှလမ်းမကြီးပေါ်မှာ အခန့်သင့် ဂိတ်ထောင်စားဖို့အတွက်တော့ ခွင့်မပြုကြပါနဲ့။ ဒီအဖွဲ့အစည်းတွေအနေနဲ့ သိပ်ကို ပိုက်ဆံရှာချင်ရင်…လက်နက်ဖြုတ်သိမ်းပြီး ပြည်မထဲ မှာ ကုမ္ပဏီထောင်ခွင့်ပြုလိုက်တာ နားအအေးဆုံးဖြစ်မယ်ထင်ပါတယ်။
------
◾️ခြုံပြောရရင် လူတိုင်း၊ အဖွဲ့အစည်းတိုင်းကိုတော့ မဆိုလိုပါဘူး။ ဒါပေမယ့် ပုဒ်မ ၂၆၁ က အန္တရာယ်ကြီးတယ်ဆိုတာနဲ့ တစ်ချို့အဖွဲ့အစည်းတွေက ယုံဖို့ မထိုက်တန်ဘူးဆိုတာ ပြောလိုတာပါ။ လိုချင်ရင်တော့ Give and Take တစ်ခုခု ပြန်ပေးဖို့လိုပါတယ်။ တသက်လုံး ကရင်ပြည်နယ်၊ ကရင်လူထုကောင်းစားရေးဆိုပြီး လက်နက်ကိုင်လာကြတာက စီးပွားရှာဖို့ သပ်သပ်အတွက်လား မေးရမလိုပါပဲ။ ဆိုတော့ ၂၆၂ က အသွား နှစ်ဖက်ပါတဲ့ ဓား လို ဖြစ်နေတာတော့အမှန်ပဲ။

(နရီမိုး)

ဒီနိုင်ငံက ငဒူတွေများတယ်။ ငဒူဆိုတာထက် ပြစ်ချက်ရှာချင်တာ ပိုများတယ်လို့ ပြောလို့ရတယ်။

ခုလည်း မြင်နေရတာ....တပ်ချုပ်ကြီးကို သမ္မတအဖြစ်နဲ့ ရွေးကောက်ခံရတာကို ကြိုဆိုဂုဏ်ပြုကြတာ ၃ နိုင်ငံပဲ ရှိသေးတယ်တဲ့။ တခြား အာဆီယံနိုင်ငံတွေ မပါသေးဘူးတဲ့။ ထုံးစံအတိုင်း ဘလာ၊ ဘလာပေါ့။ ပြီးရင် ကုလ စာရင်းမှာလည်း ဝင်းမြင့်နာမည်ကျန်သေးတယ်ဆိုလားပဲ။

သိဖို့ လိုတာက မင်းတို့ သိပ်အမြင်ကပ်နေတဲ့ ပါပါး သမ္မတ ဦးမင်းအောင်လှိုင် က လွှတ်တော်မှာ ကျမ်းတောင်မကြိမ်သေးဘူး။ ကျိမ်းမကြိမ်သေးတဲ့ သမ္မတကို တရားဝင် သဝဏ်လွှာပေးပို့ပြီး ဂုဏ်ပြုတာက ဒီပလိုမက်တစ်မှာ လွန်တာထက်တောင် ပိုနေသေးတယ်။

နောက်သတင်း တခု တွေ့သေးတယ်။ တပ်ချုပ်ကြီးက ဗိုလ်ချုပ်မှူးကနေ လွှဲပြောင်းတယ် ပြောပြီး သမ္မတ ရွေးကောက်ခံ နေရာမှာ ဗိုလ်ချုပ်မှူးကြီး အဆင့်နဲ့ တွေ့လို့တဲ့။ ခြေဥထဲက သတ်မှတ်ချက်တွေ ထောက်ပြပြီး တကူးတက တင်ထားတာ တွေ့ရသေးတယ်။

ခြေဥ ပြဌာန်းချက်အရ သမ္မတအဖြစ် ရွေးကောက်ခံရရင် သက်ဆိုင်ရာ ဝန်ထမ်းဆိုလည်း အငြိမ်းစားယူပြီး ဖြစ်သည်ဟု သတ်မှတ်ရသည်လို့ပဲ ခြေဥမှာ ပြဌာန်းထားတာလေ။ သမ္မတ ဦးမင်းအောင်လှိုင်က ပြည်ထောင်စု လွှတ်တော်မှာ ကျမ်းကျိမ်ရသေးတဲ့ အဆင့်လည်း မရောက်သေး။ သမ္မတအဖြစ် အမည်တင်သွင်းတဲ့အချိန်မှာ ဘာပဲဖြစ်ဖြစ် တပ်ချုပ်နေရာ လွှဲပြောင်းထားခဲ့ပြီးပြီပဲ။ တပ်ချုပ်နေရာ မလွှဲပြောင်းဘဲ သမ္မတအမည်စာရင်း တင်သွင်းခဲ့တာလည်း မဟုတ်ဘူး။ ဘာတွေ နားရွက် ပတ်ကိုင်နေလည်းတော့ မပြောတတ်။

ဆိုတော့ ....တရားဝင် ကျမ်းကြိမ်တဲ့အထိ ခဏစောင့်ပါဦး။ အာဆီယံထဲက ဘယ်နိုင်ငံတွေ ပါဦးမလဲ ကြည့်တာပေါ့။ ပါလာရင်လည်း ထုံးစံအတိုင်း ဒီနိုင်ငံတွေပဲမလား ဆိုပြီး ထ လုပ်ဦးမှာပါ။ ဘယ်သူမှ ကြိုကြို၊ မကြိုကြို ။ ကိုယ့်နိုင်ငံထဲက သမ္မတကို ပြည်တွင်းနိုင်ငံရေးပါတီတွေ ကြိုဆို ထောက်ခံရင် ရပါပြီ။

ဘုလက်ဦးလှဆွေစကား ခဏငှားသုံးရရင် ....

NLD ပါတီ ကမဟုတ်ရင်ကို ပြီးရော မဟုတ်ဘူးလား။


(နရီမိုး)

ထစ်ခနဲရှိရင် စိတ်တိုတယ်၊
စိတ်ဆိုးတယ်၊ အလိုမကျ ဖြစ်တယ်။
လူတွေကတော့ မဟုတ်မခံရင်
ထက်မြက်တယ်လို့တောင် ယူဆကြသေးတယ်။
တချို့က ဒီအတိုင်းငုံ့နေလို့ရှိရင်
လူနုံလို့တောင် ထင်ကြသေးတယ်။

ကောဓ ဆိုတာ ......
ထစ်ခနဲရှိ အလိုမကျ ဖြစ်ပြီး တစ်ဖက်သားကို
ရန်လုပ်လိုတဲ့ သဘောထား။
အမျက်ထွက်ခြင်းလက္ခဏာ ရှိတယ်။

အမျက်ဆိုတာ သစ်တုံးမှာရှိတဲ့ အမျက်နဲ့ တူတယ်။

အဲဒီအမျက်ဟာ ဓားနဲ့ခုတ်ဖို့လည်း ခက်တယ်၊
လွှနဲ့တိုက်ဖို့လည်း ခက်တယ်။ အဲဒါလိုပဲ
ဒေါသရှိတဲ့ ပုဂ္ဂိုလ်ဟာလည်း ဖြောင့်ဖြောင့်ဖြူးဖြူး
ချောချောပြေပြေဖြစ်ဖို့ အလွန်ခက်တယ်။

ဒေါသရှိနေတဲ့ လူတစ်ယောက် ပေါင်းရသင်းရ
အလွန်ခက်တယ်။ ပြောကြတယ်။
" လူပု စိတ်တို၊ လှေတို ပဲ့ခက် " တဲ့။
လူရှည်ကရော စိတ်မတိုဘူးလား၊ တိုတာပဲ။

အမှန်ကတော့ လူပု စိတ်တိုဆိုတာ
ပုမှ စိတ်တိုတာ မဟုတ်ဘူး။
လူထွားကြီးတွေ စိတ်တိုတာလည်းရှိတာပဲ။
လူပု စိတ်တိုတဲ့၊ လူက ပုရတဲ့အထဲမယ်
စိတ်ကလည်း တိုသေးတယ်။ လှေတို ပဲ့ခက်တဲ့။
လှေကလည်း ဝိုင်းချောနေတဲ့ လှေကို
လမ်းဖြောင့် အောင် ပဲ့ကိုင်ဖို့ ခက်တယ်လို့ ပြောတာ။

" လူပု စိတ်တို၊ လှေတို ပဲ့ခက် " တဲ့။
ဘယ်ဟာပဲဖြစ်ဖြစ် ဒေါသထွက်တတ်တဲ့
လူတစ်ယောက်ကို ပေါင်းရသင်းရ အလွန်ခက်တယ်။
ထစ်ခနဲရှိ သူက စိတ်တိုပြီ။
အကျိုး အကြောင်း မပြောရသေးဘူး
ဖြန်းခနဲ ရိုက်ကုန်ပြီ ဒီလိုတွေ ဆိုတာပေါ့။
အကျိုး အကြောင်း ရှင်းပြလို့ မရဘူး။
နားမထောင်ဘူး။

အဲဒါကြောင့်မို့လို့ စိတ်တိုတတ်ခြင်းလက္ခဏာ ရှိတယ်။
တစ်နည်း ကြမ်းတမ်းခြင်းလက္ခဏာ ရှိတယ်။
မြွေပွေးတွေ သွားမထိလိုက်နဲ့ " ရှူး "။
မြွေဟောက်ကို သွားမထိနဲ့ခေါင်းထောင်လာတယ်။

ရန်ငြိုးဖွဲ့ခြင်း ကိစ္စရှိတယ်၊ တေးမှတ်ထားတယ်။
" မင်းတော့ နေဦး၊ တစ်ကွေ့ကွေ့တော့ တွေ့မယ် "
ဒီလိုဟာမျိုးနဲ့ အတေးအမှတ်တွေ လုပ်ထားတတ်တယ်။
တေးမှတ်ခြင်း၊ စိတ်ထဲမှာ စွဲမှတ်ထားခြင်း ကိစ္စရှိတယ်။

ဖျက်ဆီးတတ်တဲ့ သဘာဝအနေနဲ့ ပေါ်လွင်တယ်။
သူ့ရဲ့သဘာဝက ဖျက်ဆီးတယ်။
သူများမဖျက်ဆီးရခင် ကိုယ့်ကိုကိုယ်ဖျက်ဆီးပြီး
ဖြစ်တယ်။

ဘာနဲ့ ဥပမာတူတုန်းဆိုရင် မစင်ကိုင်ပြီး
သူများပေါက်တဲ့ လူလိုပဲ။ အပေါက်ခံရတဲ့လူက
တိမ်းလိုက်ရင် မစင်လူးချင်မှ လူးမယ်၊
ပေါက်တဲ့လူရဲ့လက်တော့ မစင်လူးသွားတာ
သေချာတယ်။

မီးခဲကိုင်ပြီးတော့ ပေါက်ရင် အပေါက်ခံရတဲ့ လူက
တိမ်းလို့ ရတယ်။ ကိုင်သူတော့လောင်သွားပြီ။
ဒေါသသမားက အဲဒီအတိုင်းပဲ၊ ကိုယ်အရင် ခံရမယ်။

ဒီလို တရှူးရှူး တဒိုင်းဒိုင်းနဲ့ စိတ်တိုမှု
အရာရာ သည်းခံမှု မရှိတဲ့ သဘောတရားတစ်ခုဟာ
စိတ်ကို ဖျက်ဆီးတတ်ပြီး စိတ်ယုတ်မာကို
ဖြစ်စေတတ်တဲ့ တရားဖြစ်တယ်။
စိတ်တိုရင် စိတ်မတိုအောင် ကိုယ့်ဟာကိုယ်
ကြိုးစားဖို့ပဲ လိုတယ်။

#သည်းခံခြင်းခွင့်လွှတ်ခြင်းနဲ့ဖြေဖျောက်ရမယ် .။

* ပါမောက္ခချုပ်ဆရာတော်ကြီး
ဒေါက်တာ အရှင်နန္ဒမာလာဘိဝံသ

◾️ မနေ့က ထုတ်ပြန်လာတဲ့ သတ္တိဆိုင်ရာ စွမ်းရည်ဂုဏ်ထူးဆောင်ဘွဲ့ ရသူတွေကို နိုင်ငံတော်က အသိအမှတ်ပြန်ပြုတဲ့ လုပ်ဆောင်ချက်က အတော်လေး ထိရောက်မှုရှိ တယ်။ နိုင်ငံတော်၊ တပ်မတော်နဲ့ မိမိအဖွဲ့အစည်းအတွက် အသက်စွန့်လွှတ်ပြီး တာဝန် ထမ်းရွက်ခဲ့ကြသူတွေကို သူတို့တွေရဲ့ မိသားစုတွေအပါ မြန်မာ့မီးရထား အထက်တန်းမှာ အခမဲ့ စီးနင်းခွင့်နဲ့ မီးရထား မရောက်တဲ့ဒေသမှာ လေကြောင်းကနေ အသွားအပြန် တစ်နှစ်ကို နှစ်ကြိမ်ဆိုတဲ့ အခွင့်အရေးမျိုး နိုင်ငံတော်က ချီးမြှင့်မြှောက်စားလာခဲ့တာက အတော်လေး ကျေနပ်ပီတိ ဖြစ်စရာပဲ။
-------
◾️ တကယ်တော့ မီးရထားစီးနင်းခွင့်ဆိုတာမျိုးက ငွေကြေးအားဖြင့် သိပ်တော့ မရှိလှဘူး။ ဒါပေမယ့် ဂုဏ်သိက္ခာပိုင်းအရတော့ အတော်လေး တာသွားတယ်။ ကိုယ်တိုင် အသက်စွန့်ပြီး တာဝန်ထမ်းရွက်တဲ့သူကို ချီးမြှင့်မြှောက်စားတဲ့အပြင် မိသားစုကိုပါ ခံစား ခွင့်ပေးထားတာက …ရေရှည်အားဖြင့် အမြော်အမြင်ရှိတဲ့ လုပ်ရပ်လို့ ဆိုရမယ်။
-------
◾️ ခုလက်ရှိလည်း ပြည်သူ့စစ်မှုထမ်းအပတ်စဉ်တွေ နှုတ်ထွက်ခွင့်ပေးလိုက်တဲ့ ကိစ္စတွေ ရှိတယ်။ အချိန်တဖြည်းဖြည်း ကြာလာတာနဲ့အမျှ မြန်မာနိုင်ငံမှာ စစ်မှုထမ်း မိသားစု အင်အားထု တစ်ရပ် အနာဂတ်မှာ ပေါ်ထွက်လာတော့မယ်။ တပ်မတော်မှာ တာဝန်ထမ်း ဆောင်ခဲ့ဖူးတာဖြစ်လို့ တပ်မတော်ရဲ့ လုပ်ဆောင်ချက်တွေကို အထူးတလည် ရှင်းပြနေ စရာလည်း မလိုလောက်တော့ဘူး ထင်တယ်။
------
◾️ ဆိုတော့…အနာဂတ်မှာ ပေါ်ထွက်လာတဲ့ အစိုးရတစ်ရပ်အနေနဲ့ နိုင်ငံတော် ဝန်ထမ်းတွေ၊ အစိုးရဝန်ထမ်းတွေနဲ့ စစ်မှုထမ်းဟောင်း/မိသားစုတွေကို အခမဲ့(ဒါမှမဟုတ်) သက်သာတဲ့ နှုန်ထားမျိုးနဲ့ ထောက်ပံ့ပေးနိုင်ရင်…အတိုင်းထက်အလွန် ဖြစ်သွားလိမ့်မယ် လို့ ယူဆမိတယ်။

(နရီမိုး)

လက်ရှိ တိုင်းနဲ့ပြည်နယ် ဝန်ကြီးချုပ်တွေ အမည်စာရင်း အသီးသီး ထွက်လာခဲ့တယ်။ တစ်ချို့လည်း ပြန်ပါလာသလို တစ်ချို့လည်း ပြန်ပါမလာခဲ့တော့ဘူး။ တချို့ကတော့ ပိုကောင်းလိမ့်မယ်လို့ ယုံကြည်ပြီး လူစားလဲခဲ့တာလည်း တွေ့ရတယ်။

ဥပမာ ရန်ကုန်နဲ့ စစ်ကိုင်းဆိုရင် ...ရဲဘက်က တာဝန်ကြီးကြီး ထမ်းဆောင်ခဲ့ဖူးသူတွေ ဖြစ်လာတယ်။ တကယ်တော့ စီးပွားရေးမြို့တော်နဲ့ စစ်ကိုင်းလို လက်နက်ကိုင်ပဋိပက္ခ ပြင်းထန်နေတဲ့ ဒေသတွေမှာ ဒေသအကြောင်း နှောကျေနေတဲ့၊ ထိန်းချုပ်နိုင်မယ့်သူတွေ ဖြစ်ဖို့ အရေးကြီးတယ်။

အရေးကြီးတာကတော့ ဒီ ၅ နှစ်အတွင်းမှာ ဘယ်သူက ဘာလဲ ဆိုတဲ့ အခင်းအကျင်းကို အကြီးအကဲအနေနဲ့ မသိစရာ အကြောင်းမှ မရှိဘဲ။ လူသစ်အပါအဝင် လူဟောင်း တချို့ချန်ထားတာက တည်ငြိမ်မှုအပြင် တချို့နေရာတွေမှာ လုပ်သင့် လုပ်ထိုက်လို့ လုပ်တယ်လို့ပဲ မြင်မိတယ်။

ဒါနဲ့ပတ်သက်ပြီး သမ္မတကြီးကို သူတင်ချင်တဲ့သူ၊ သူခန့်ချင်တယ်သူပဲ ရွေးလို့ အာဏာရှင်ဆန်တယ်ဆိုတဲ့ သတင်းလည်း ဖတ်လိုက်ရသေးတယ်။ သမ္မတ ဆိုတာက ဒီ ၅ နှစ်မှာ သူခေါင်းခံရမယ့် အဖွဲ့အစည်းကို သူအားကိုးလို့ရနိုင်မယ်လို့ ယုံကြည်ရသူတွေပဲ ထည့်မှာပေါ့။ ဒါကအရင်အစိုးရအဆက်ဆက်တိုင်းလည်း ဒီလိုပဲ ရွေးချယ်ခဲ့ကြတာပဲ။

ဒါနဲ့ NLD လက်ထက်မှာ ဖြစ်လာခဲ့တဲ့ ဝန်ကြီးတွေကရော ဒေါ်စု သဘော၊ ပါတီမှတ်ချက်နဲ့ ဖြစ်လာခဲ့တာ မဟုတ်ဘူးလား။ ဘယ်သူက ကျွန်တော်အရည်အချင်းအရ ဝန်ကြီး ဖြစ်သင့်ပါတယ်လို့ တောင်းဆိုပြီး ဖြစ်လာတာ ရှိလို့လဲ။ သူတို့ ထောက်ခံတဲ့ ပါတီက အနိုင်ရထားတာလည်း မဟုတ်။ ဒါတောင် ဒီလူတွေခန့်တာ မဖြစ်သင့်ဘူးဆိုတာက ပါလိုက်သေးတယ်။ မြန်မာပြည်က နီပေါတွေနဲ့လည်း ခက်တော့ခက်တယ်။


(နရီမိုး)

🍀 မင်္ဂလာရှိသော နေ့ရက် အခါသမယ ဖြစ်ပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

"မနာလိုစိတ်ကြောင့် ဘုန်းကံမမှိန်စေနဲ့"
<><><><><><><><><><><><><>

သူတစ်ပါးကို သွားပုပ်လေလွင့် ပြောတတ်တဲ့သူဟာ ကိုယ့်မှာ ကိုယ်ရောင်ကိုယ်ဝါတွေ မှေးမှိန်သွားတယ်။

သူတစ်ပါးကို ဂုဏ်သတင်းမှေးမှိန်အောင်၊ သိက္ခာကျသွားအောင်လုပ်ချင်တဲ့ စေတနာဇောတွေကြောင့် ကိုယ့်မှာလည်း ဘုန်းရှိန်၊ ကံရှိန်တွေ သေးသိမ် မှေးမှိန်သွားစေပါတယ်။

သူများမကောင်းကြောင်း ပြောလွန်းသူဟာ ကိုယ့်အရှိန်ဝါတွေ ဆုတ်ယုတ်နေပါတယ်။ သူများမကောင်းကြောင်း ပြောတတ်သူတွေရဲ့ မျက်နှာ၊ ကိုယ်အမူအရာတွေကို သတိထားပြီးကြည့်ကြည့်ရင် သိပ်သိသာပါတယ်။

ချမ်းသာမှန်သမျှလိုချင်ရင် သူများအတင်း မပြောနဲ့တဲ့။ ဘုရားရှင်က ဒီလို ဆုံးမထားတယ်နော်။

သူများအတင်း၊ သူများအကြောင်းထက် အကုသိုလ် ကင်းလား၊ မကင်းဘူးလား ဆိုတာ ကိုယ့်ကိုယ်ကိုကြည့်ပြီး ကိုယ့်ကိုယ်ကိုပဲ ပြန်ပြီးဝေဖန်နေတာ အကောင်းဆုံးပါပဲ။

သူတစ်ပါးတို့ရဲ့မလျော်သော အပြစ်၊ အနာအဆာတို့ကို လိုက်ကြည့်မနေပါနဲ့။ သူက ကောင်းတာတွေ လုပ်နေတာလား၊ မကောင်းတာတွေ လုပ်နေတာလားဆိုတာ ကိုယ်နဲ့လည်း မသက်ဆိုင်တာမို့ လိုက်လံကြည့်ရှုမနေပါနဲ့။

ကိုယ်ကိုယ်တိုင်က ကောင်းတာ လုပ်၊ မလုပ်ကိုဘဲ အမြဲမပြတ် ကိုယ့်ကိုယ်ကိုသာသုံးသပ် ကိုယ့်စိတ်ကိုသာ အမြဲစစ်ဆေးနေပါတဲ့။

ပြီးရင် အတင်းပြော ဝါသနာပါသူကိုလည်း ရှောင်ပါ။ အတင်းအဖျင်းပြောတတ်တဲ့ အသိုင်းအဝန်းမှလည်း တတ်နိုင်သမျှ ဝေးဝေးကရှောင်ပါ။

အတင်းအဖျင်းပြောနေတဲ့အချိန်မှာ ဒီ အဆင့်အတန်းနိမ့်တဲ့ စိတ်ကို ပြန်ပြီးစမ်းစစ်ကြည့်၊ သုံးသပ်ကြည့်ပါ... အေးချမ်းကြည်လင်နေသလားလို့။

ကိုယ်က... အတင်းပြောတဲ့အချိန်မှာ တစ်ဖက်လူက... ဂုဏ်တော်ပွားနေချိန်၊ မေတ္တာပွားနေချိန်၊ တရားနာချိန်၊ ပရိတ်ပဋ္ဌာန်း ရွတ်ဖတ်ပူဇော်နေချိန်၊ ကောင်းမှုကုသိုလ် လုပ်နေတဲ့အချိန်တို့နဲ့များ ကြုံကြိုက်ခဲ့တယ် ဆိုရင်... ကိုယ့်မှာ ပိုပြီး အပြစ်ဖြစ်မှာ ကြောက်စရာကောင်းပါတယ်။

ပါမောက္ခချုပ်ဆရာတော်ကြီး ဒေါက်တာ အရှင်နန္ဒမာလာဘိဝံသ
🙏🙏🙏

◾️ စည်း (၃) စည်းတားထားတဲ့ တရုတ်ရဲ့လုပ်ရပ်ကို ပြန်သတိရမိစေတယ်။ ဒါနဲ့ပတ်သက်ပြီး မနေ့က မြန်မာနိုင်ငံဆိုင်ရာ တရုတ်သံအမတ်ကြီး က သမ္မတကြီး ဦးမင်းအောင်လှိုင်ကို ပထမဆုံး လူချင်းတွေ့ဆုံ ဂုဏ်ပြုစကားဆိုခဲ့တယ်။ ဆိုတော့… တရုတ်ဟာ ရွေးကောက်ပွဲသာမက တက်လာတဲ့အစိုးရကိုလည်း welcome ဆိုတဲ့ သင်္ကေတ ပြထားတယ်။
-------
◾️ ပွင့်ပွင့်လင်းလင်းပြောရရင်…ဒီလိုအနေအထားရှိနေတဲ့ဆက်ဆံရေးမှာ…(တချို့ဟာ တွေ မကြိုက်လှဘူးဆိုတောင်) ဘယ်အာဆီယံနိုင်ငံတွေမှ ဂုဏ်မပြုလည်း တရုတ်က ဒီလိုအနေအထားရှိနေတာနဲ့တောင် ကျေနပ်လို့ရပြီ။ သဘောက… တရုတ်ကိုယ်တိုင် လက်တွေ့ကျတဲ့ထောက်ခံမှု အဖြစ်နဲ့ ရှင်းရှင်းလင်းလင်း လူလုံးထွက်ပြတာလို့လည်း ယူဆလို့ရတယ်။
-----
◾️ တရုတ်အနေနဲ့ အဓိက အချက် ၃ ချက်ကို တန်ဖိုးထားတယ်လို့ မြင်တယ်။ ပထမက နိုင်ငံရေးအရ ထောက်ပံ့ပေးပြီး မြန်မာဟာ ငါတို့လူဆိုတဲ့ပုံရိပ်မျိုး ဖန်တီးထားတယ်။ ဒုတိယ အချက်က အီရန်ဖြစ်စဉ်ပြီးတဲ့နောက်မှာ မလက္ကာရေလက်ကြားက တရုတ်အတွက် အိပ်မက်ဆိုးပဲ။ နောက်ဆုံးထိုင်ဝမ်အရေးကိစ္စဖြစ်လာလို့ မလက္ကာပိတ်သွားရင်တောင်… မြန်မာက သူ့လူဖြစ်ထားရင်…ထွက်ပေါက် ရှိလာသေးတယ်။ တတိယအချက်က… နယ်စပ်တည်ငြိမ်ရေးရဖို့လိုတယ်။ ဒါမှ သူ့ရဲ့ စီးပွားရေးမဟာဗျူဟာအရ ပင်လယ်ထွက် ပေါက်အတွက် အဆင်ပြေမယ်။
-------
◾️ ခြုံပြောရရင်…မြန်မာမှာ ပဋိပက္ခတွေ ဆက်ဖြစ်နေရင်…နယ်စပ်ကုန်သွယ်ရေးလည်း မပွင့်သလို သူ့ရဲ့ ပင်လယ်ထွက်ပေါက်ကလည်း ပိတ်မြဲပိတ်နေဆဲ ဖြစ်နေဦးမှာပဲ။ ဒါ့ကြောင့်လည်း အချိန်တိုတိုအတွင်း ပလောင်တွေ ပြည်ထောင်စုလမ်းမပေါ်က ဆုတ်သွား ရတယ်လို့ မြင်တယ်။ မြန်မာအစိုးရဘက်မှာလည်း ၂၀၀၈ ခြေဥနဲ့ အချုပ်အခြာအာဏာ ပိုင်ဆိုင်မှုဆိုတဲ့ စိန်ခေါ်မှုရှိနေတယ်။ တရုတ်ဘက်က ပြရမှာက မြန်မာပြည်သူတွေအပေါ် တကယ်စေတနာရှိတယ်ဆိုတဲ့ ပုံရိပ်မျိုး ပြဖို့လိုတယ်။ ဆိုလိုတာက…တစ်ဖက်တည်း မကြည့်တဲ့ စီးပွားရှာပုံမျိုးနဲ့ မြန်မာကို ချဉ်းကပ်သင့်တယ်။ ဘယ်လိုပဲဖြစ်ဖြစ်…G to G ကတော့ အတော်လေး အားကောင်းနေတယ်လို့ပဲ မြင်ပါတယ်။ တရုတ်တားတဲ့စည်းက စိတ်ခံစားချက်ကို ဦးစားပေးတဲ့ “ထုံး”မှမဟုတ်ဘဲ။ အကျိုးစီးပွားအရ အခြေခံတဲ့ စည်း တွေက ပြောလို့ဆိုလို့၊ ဆွေးနွေးလို့တော့ ကောင်းမှာပါ။ အဓိက သံတမန်အရေးမှာ နပ်ဖို့ ပဲမဟုတ်လား။

(နရီမိုး)

မီဒီယာက တမင်သပ်သပ်ဖွတာလား။ လွှတ်တော် ကိုယ်စားလှယ်တွေပဲ ပိန်းတာလားတော့မသိဘူး။

ဧပြီလ ၆ ရက်နေ့၊ ပြည်ထောင်စုလွှတ်တော် တက်ရောက်ချိန်ရောက်မှ သမ္မတက ပေးပို့လာမယ့် စာရင်းကို လွှတ်တော်‌တွေက ဖတ်ကြား၊ အတည်ပြု၊ ထောက်ခံကြရတာ။ ဒါက ထုံးစံပဲ။ ဧပြီ ၆ ရက်မှာ သမ္မတကနေ ပြည်ထောင်စု လွှတ်တော်ကို အဆိုပြုလွှာ တင်သွင်းမယ့်ကိစ္စကလည်း တစ်နိုင်ငံလုံးက သိနေတဲ့ကိစ္စကြီး။ ဒါကို ပါတီငယ်တွေဆိုသူများက မသိဘူးဆိုတော့....ပြည်သူ့အကျိုးကို ဘာတွေ ထမ်းရွက်၊ အဆို တင်သွင်းကြမလဲ မသိဘူး။

နောက်တခါ....သမ္မတက တင်သွင်းအဆိုပြုပြီဆိုကတည်းက ပြစ်ချက်ကင်းတဲ့သူမျိုးနဲ့ အနိုင်ရပါတီကိုယ်စားပြုတဲ့ ပုဂ္ဂိုလ်မျိုးကို ဦးစားပေးလေ့ရှိတယ်။ ထုံးစံအရလည်း ဘယ်လွှတ်တော်မှ ထူးထူးခြားခြား ကန့်ကွက်မနေဘူး။ ကန့်ကွက်ခဲ့တာလည်း အတိတ်အစိုးရအဆက်ဆက် တစ်ကြိမ်တစ်ခါမှ မရှိဖူးဘူး။

ဒါကို.... အသိမပေးလို့ ပါတီငယ်တွေက မကျေနပ်ရတာလဲ ဆိုတာ နားကို မလည်နိုင်ဘူး။


(နရီမိုး)

အစိုးရဖွဲ့စည်းပုံက အားရစရာ ကောင်းတယ်။ ဘာလို့ အဲ့ဒီလို ပြောရလည်း ဆိုတော့....

ပထမအချက် အရေးကြီးတဲ့ နေရာတွေကို အထိုင်မဖျက်ထားခဲ့ဘူး။ ဥပမာ ဒေါက်တာချာလီသန်းတို့၊ ဒေါက်တာ ကံဇော်တို့၊ ဦးကိုကိုလွင်တို့၊ ဦးမြင့်ကြိုင် တို့ စသဖြင့် မြင်ရတယ်။ ဒီဝန်ကြီးဌာနတွေက စဉ်ဆက်မပြတ် ဆိုတဲ့ Process နဲ့ Run ရတာ။ ဆိုတော့...ဒီ ၅ နှစ်တာကာလအရ ယုံကြည်မှုလည်း ရနေတော့ သမ္မတ အနေနဲ့ နောက်လူ အစားထိုးပြီး အထိုင်ဖျက်တာမျိုး မလုပ်တော့ဘူး။

ဝန်ကြီးအသစ်တွေထဲမှာ အတွေ့အကြုံရင့်တဲ့သူတွေလည်း ပါတာပဲ။ ပိုပြီး လုပ်ပြရမယ့် ဝန်ကြီးဌာနတွေလည်း ရှိတယ်။ ဥပမာ အမျိုးသမီး၊ အားကစား၊ လူငယ် ရေးရာတွေက ဘာအသစ်အဆန်းတွေ ချပြနိုင်မလဲ။ Nation Building အတွက် ဘယ်လို အထောက်အကူပြုပေးနိုင်မလဲပေါ့။

ဒီ ၅ နှစ်က လူကြီးကြိုက်ထက် ပြည်သူကြိုက်အောင် လည်း လုပ်ပြတတ်ဖို့ အရေးကြီးတယ်။ ဘယ်လို ဖောက်ထွက် စဉ်းစားနိုင်ကြမလဲ။ ဒါက တိုင်း/ပြည်နယ် ဝန်ကြီးချုပ်တွေရဲ့ တာဝန် ဖြစ်သွားပြီ။ တပ်ထဲမှာ ဆိုရင်တော့ စွမ်းရည် ၃ ရပ်ပြိုင်သလိုမျိုး ဖြစ်သွားတယ် ခေါ်မလားပဲ။ ဒေသန္တရ ကွဲပြားတော့ လုပ်ဆောင်ပုံခြင်းတော့ မတူနိုင်ဘူးပေါ့။ ဥပမာ ပူပြင်းတဲ့ရာသီဥတုကာလမှာ အစိုးရလည်း မျက်နှာရ၊ ပြည်သူလည်း ကျေနပ်တဲ့ ဘာအစီအစဉ်တွေ ချပြကြမလဲ။ ဒါက ဦးဆောင်မယ့် ဝန်ကြီးချုပ်ဘေးမှာ Think tank တွေ လိုတယ်ဆိုတာ မီးမောင်းထိုးပြတာ။

ဆိုပါစို့....အရင်ပညာရေး ဝန်ကြီးထက်စာရင် Dr ချောချောစိန်က လုပ်ကွက်ပိုပြနိုင်တော့ ခုအစိုးရဆက်ထဲ ရွေးကောက်ခံ မဟုတ်ဘဲ ဝန်ကြီး ဖြစ်လာတာတွေ သတိပြုမိစေချင်တယ်။ နိုင်ငံရေးဆန်ဆန် ပိုတွေးရမယ်။ လက်တွေ့ကျရမယ်။ အလုပ်ဖြစ်ရမယ်။ ပြည်သူမကြိုက်ဘူး။ အစိုးရ မျက်နှာ မပွင့်ဘူးဆိုရင် ၅ နှစ်နဲ့ တာတာ့ ပြသွားလိမ့်မယ်။




(နရီမိုး)

🍀 မင်္ဂလာရှိသော နေ့ရက် အခါသမယ ဖြစ်ပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

“သီလ က ပေးတဲ့ ချမ်းသာ”

သီလ ဆိုတာ
အနဝဇ္ဇသုခ´ ကို ပေးစွမ်းနိုင်တယ်၊
အဓိပ္ပါယ်က အပြစ်ကင်းတဲ့ချမ်းသာ´ ဖြစ်တယ်။

လောကမှာ အပြစ်ကင်းတဲ့ချမ်းသာ´ ဟာ
တခြားချမ်းသာတွေနဲ့ မတူဘူး။

အပြစ်ကင်းတဲ့ချမ်းသာတစ်ခုဟာ
ထာဝရချမ်းသာသုခမျိုးကို ပေးနိုင်တယ်။

ကိုယ့်ဘဝကို, ကိုယ့်အနေအထားကို ဆင်ခြင်
သုံးသပ်လိုက်တဲ့ အချိန်တိုင်း, အချိန်တိုင်းမှာ
ငါ အပြစ်ကင်းတယ် လို့ ဆိုတဲ့စိတ်ဟာ
အင်မတန်မှ ကြည်လင်အေးမြသွားစေနိုင်တဲ့အရာ
ဖြစ်တယ် ပေါ့

ဒါ သီလ´ က တိုက်ရိုက်စွမ်းဆောင်ပေးမှုပဲ
သီလ ဆောက်တည်ထားတဲ့ ပုဂ္ဂိုလ်တစ်ယောက်ဟာ
ငါ ဒီပြစ်မှုတွေ တစ်ခုမှ ကျူးလွန်ထားတာ မရှိဘူး
ငါ သီလ လုံနေတယ်´ လို့ ဆိုရင်
စိတ်နှလုံး ကြည်သာတယ် လို့ ခေါ်တယ်။

အဲဒီကနေ တဆင့် ထပ်မံပြီးတော့
သီလ ဆင်ခြင်လိုက်တဲ့အခါ
အရတော်လိုက်တာ ဆိုတဲ့ ဝမ်းမြောက်မှု´တွေ
ဖြစ်လာနိုင်တယ်
နှစ်သက်ကြည်နူးမှု ဆိုတဲ့ ပီတိ´လည်း ဖြစ်လာတယ်
ပီတိ ဖြစ်လာလို့ရှိရင်
ဆက်တိုက် ကိုယ်ရော,စိတ်ရော ငြိမ်းချမ်းမှု ဆိုတဲ့
ပဿာဒ္ဓိ ´ ဖြစ်လာတယ်။
ပဿဒ္ဓိ ´ ဖြစ်လာရင် သုခ´ ဆိုတဲ့
မလွဲမသွေ ကိုယ်ချမ်းသာမှု, စိတ်ချမ်းသာမှုကို
ရတယ်။

အဲဒီချမ်းသာဟာ အနဝဇ္ဇသုခ´
လို့ ခေါ်တယ်၊ အပြစ် ကင်းလို့ ရတဲ့ ချမ်းသာမျိုး
ဒိပြင့် ချမ်းသာနဲ့ မတူဘူး တဲ့

မြတ်စွာဘုရားက ...
ချမ်းသာအမျိုးမျိုးကို ဟောထားတာ ရှိတယ်

အနဝဇၨသုခ´ ကို
သာမန်ချမ်းသာတွေက တုပြီးတော့ မမှီနိုင်ဘူး..

လောကလူတွေ ရနိုင်တဲ့ ချမ်းသာ´ တွေကို
ပြောရမယ်ဆိုရင်
ပစ္စည်းဥစ္စာ ရှိတယ်၊ နေစရာ ရှိတယ်၊ စားစရာ ရှိတယ်
မိမိပိုင်ဆိုင်မှု ပစ္စည်းတွေ အများကြီး ရှိတယ်
ရှိတာကို အကြောင်းပြုပြီးတော့
စိတ်ထဲမှာ အားရမှု ဖြစ်တာကို အတ္ထိသုခ´ လို့
ခေါ်တယ်၊ ရှိလို့ ချမ်းသာတာ။

အဲဒီ ရှိလို့ ချမ်းသာတာ ဆိုတာလည်း
ခိုင်မာတာ မဟုတ်ဘူး၊ မရှိတော့ဘူး ဆိုလို့ရှိရင်
ဆင်းရဲဒုက္ခကို ဖြစ်ပေါ်စေတတ်တယ်။ အဲဒီ
အတ်ထိသုခ´ ဆိုတာ
#ရှိခိုက်မှာ ချမ်းသာတာ ဖြစ်သောကြောင့်
အင်မတန် တိုတောင်းတဲ့ ချမ်းသာ တစ်ခု လို့
ပြောရမယ် ။

ရှိတဲ့ပစ္စည်းကို အသုံးပြုတယ်
ကိုယ့်ကားရှိလို့ ကားနဲ့သွားရတယ်
ကိုယ့်အိမ်မှာ ပြည့်ပြည့်စုံစုံရှိလို့
အနေအထိုင် ချမ်းချမ်းသာသာ နေနိုင်ထိုင်နိုင်တယ်
အသုံးပြုလို့ရတဲ့ချမ်းသာကို ဘောဂသုခ´
လို့ ခေါ်တယ်။

ဒါလဲပဲ စားသုံးနေတုန်း, အသုံးပြုနေတုန်းသာ
ချမ်းသာမှုကို ပေးနိုင်တာ , ပြီးသွားတာနဲ့ တပြိုင်နက်
ချမ်းသာမှုဟာ ဆုံးရှုံးသွားပြန်တယ်
တိုတောင်းတဲ့ ချမ်းသာတစ်ခုပဲ ။

နောက်တစ်ခုက ဘာတုန်းဆိုရင်
လောကမှာ လူတွေဟာ
ပစ္စည်းဥစ္စာ မပြည့်စုံ၍ဖြစ်စေ
မိမိ အသုံးအဖြုန်းများ၍ဖြစ်စေ
သူတပါးထံက ကြွေးယူပြီးတော့ သုံးကြရတာတွေ
ဖြစ်တတ်တယ်။ အဲဒီကြွေးတင်နေပြီဆိုရင်
လူတွေဟာ တအုံနွေးနွေးနဲ့ ကြွေးပေးစရာရှိတယ်
လို့ ဆိုတဲ့စိတ်ဆင်းရဲမှုတွေနဲ့ ကြုံရတယ်

အေး - ကြွေးကင်းသွားတဲ့ပုဂ္ဂိုလ်တွေ
ကြွေးဆပ်လိုက်လို့ သူများကြွေး ကိုယ့်မှာ လုံးဝ
မရှိတော့ဘူး ဆိုတဲ့ လူတစ်ယောက်ဟာ
လက်မထောင်နိုင်ပြီး အာနဏျသုခ´

ကြွေးကင်းတဲ့ချမ်းသာလို့ ခေါ်တယ်
ငါ့မှာ ကြွေးမရှိတော့ဘူး လို့ * တွေးလိုက်တဲ့အချိန်မှာ
ဒီ ချမ်းသာမှုကို ရတယ်။ ဒါလည်း
တိုတောင်းတဲ့ ချမ်းသာလေး တစ်ခုပဲ ...

အဲဒီ ချမ်းသာတွေထက်
သာလွန်တဲ့ ချမ်းသာကတော့ အနဝဇ္ဇသုခ´ တဲ့
အပြစ်ကင်းလို့ ရတဲ့ချမ်းသာ

ဘာအပြစ်မှ မိမိအနေနဲ့ ကျူးလွန်ထားတာ မရှိဘူး
ဘယ်အချိန်တွေးလိုက်တွေးလိုက်
အေး - ငါ့ ကိုယ်ကျင့်တရား ကောင်းတယ်
ဒီဘဝ သေသွားမှာလည်း ပူစရာမလိုဘူး
ဘာဖြစ်လို့လဲ ၊ ငါ့မှာ ဘာအပြစ်မှ ကျူးလွန်ထားတာ
မရှိဘူး၊ ကုသိုလ်ကောင်းမှုတွေ ငါ့မှာရှိတယ်´ ဆို

ဘယ်အချိန်တွေးတွေး
စိတ်အေးစရာကောင်းတဲ့ ချမ်းသာ မျိုးကို
ဒါ အနဝဇ္ဇသုခ´

ဘယ်သူက ပေးလဲ ဆို
`သီလ´ က ပေးတာ ။

ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ အရှင်နန္ဒမာလာဘိဝံသ
🙏🙏🙏

◾️ မနေ့က ရုရှားနိုင်ငံ အာကာသ ကော်ပိုးရေးရှင်းကနေ သမ္မတကြီးကို ဝမ်းမြောက် ကြောင်း သဝဏ်လွှာပေးပို့ခဲ့တယ်။ တကယ်တော့ ဒီလို အခြေအနေ ဖြစ်လာဖို့ SAC လက်ထက်ကတည်းက ရုရှား-မြန်မာဆက်ဆံရေးကို အကောင်းဆုံး နီးနီးကပ်ကပ် ဖြစ်အောင် အပင်ပန်းခံပြီး ကြိုးစားခဲ့တဲ့ လုပ်ရပ်တွေကပဲ ရလဒ်ထွက်လာတယ်လို့ မြင်တယ်။ သမ္မတကြီးရဲ့ ခရီးစဉ်တွေတိုင်းမှာ အဝတ်လဲဖို့လောက်ပဲအချိန်ရခဲ့တဲ့အထိ တွေ့ဆုံခဲ့ရတဲ့ ကိစ္စတွေ များခဲ့တယ်။ ဒါတွေကတော့ သာမန်လူတွေ မမြင်နိုင်၊ မသိနိုင်ခဲ့တဲ့ အရာတွေပါပဲ။ ထားတော့။
------------
◾️ စစ်ရေးဘက်မှာဆိုရင်လည်း ၂၀၂၆ ကနေ ၂၀၃၀ အထိ ပူးပေါင်းဆောင်ရွက်ရေး သဘောတူညီချက် လက်မှတ်ရေးထိုးထားတယ်။ တကယ်တော့ တပ်မတော်နှစ်ရပ်ကြား မှာ ဆက်ဆံရေးကတော့ ဆယ်စုနှစ် နှစ်စုကျော်ကြာအကောင်းဆုံးဖြစ်နေခဲ့တာ ကြာခဲ့ပြီလို့လည်း ပြောလို့ရတယ်။ ဒါပေမယ့် တပ်မတော်ကာကွယ်ရေးဦးစီးချုပ်ဆိုတဲ့ အနေအထားကနေ ရုရှားသမ္မတ ပူတင်နဲ့ တိုက်ရိုက်တွေ့ဖို့ဆိုတာတွေက သံတမန် လောကကျင့်ဝတ်အရ နည်းနည်းခက်ခဲခဲ့တာရှိခဲ့တယ်။ ဒါတောင် နောက်ပိုင်းမှာ မြန်မာ့ တပ်မတော်က ရင်ပြင်နီမှာ စစ်ရေးပြလျှောက်ဖို့ ကမ်းလှမ်းခံရတဲ့အထိ တိုးတက်မှုတွေ သိပ်ကောင်းခဲ့တယ်။ ရုရှားလူမျိုးတွေအတွက် သိပ်ကို အထွတ်အမြတ်ထားတဲ့ နာဇီတွေကို အောင်ပွဲခံနိုင်ခဲ့တဲ့ အခမ်းအနားမှာ ကိုယ့်နိုင်ငံရဲ့ တပ်မတော်က နိုင်ငံတော်အလံကို ကိုင်ပြီး စစ်ရေးပြခွင့်ရခဲ့တယ်ဆိုတဲ့ သမိုင်းက SAC လက်ထက်မှာမှ အစပျိုးခဲ့တာလို့ ပြောလို့ရတယ်။
-------
◾️ တစ်ဖက်မှာ…အာဏာထိမ်းအစိုးရဖြစ်တဲ့ SAC အစိုးရလက်ထက်မှာ သမ္မတကြီးအနေနဲ့ ရုရှားနိုင်ငံကို အခေါက်ခေါက်အခါခါ သွားခဲ့တယ်။ နိုင်ငံအတွက် အကျိုးရှိမယ့် အဖွဲ့အစည်းပေါင်းစုံနဲ့တွေ့ရတယ်။ အင်ဒို-ပစိဖိတ်ဒေသမှာရှိတဲ့ နိုင်ငံတစ်ခုရဲ့ခေါင်းဆောင်က BRICS တို့လို၊ ရုရှား၊ ဘီလာရုဇ်၊ ကာဇက်စတန်တို့ ပါတဲ့ EAEU စသဖြင့် ဒီအသင်းအဖွဲ့တွေကနေ စီးပွားရေး နလန်ထူဖို့ ကြိုးစားခဲ့တာတွေ ရှိခဲ့တယ်။ ထူးခြားတဲ့ အောင်မြင်မှုကတော့ သမ္မတပူတင်နဲ့ တွေ့ဆုံပြီး နောက်ပိုင်း ကရင်မလင်နန်းတော်ကို ဖိတ်ခေါ်ပြီး တွေ့ဆုံရတဲ့အထိ၊ တဖြည်း ဖြည်း အာကာသ ဖိုရမ်တွေမှာပါ ဖိတ်ခေါ်ကမ်းလှမ်းလာတဲ့အထိ မြန်မာရဲ့ Geopolitics အနေအထားကို ရုရှားဘက်က သဘောပေါက်ခဲ့တယ်။ နောက်ပိုင်း ထားဝယ်ရေနက် ဆိပ်ကမ်း စီမံကန်းတွေ၊ ရုရှား-မြန်မာ ချစ်ကြည်ရေးအသင်းတွေ၊ နျူကလီးယား ဓာတ်ပေါင်းဖို ကိစ္စတွေ၊ ခု ပူပူနွေးနွေးဆိုရင် လည်း Roscosmos အကြီးအကဲကိုယ်တိုင် သမ္မတကြီးနဲ့တွေ့ပြီး မြန်မာနိုင်ငံရဲ့ ပထမဆုံး အာကသ ယာဉ်မှူး ပေါ်ပေါက်လာအောင် လေ့ကျင့်ပျိုးထောင်ပေးမယ်ဆိုတဲ့ ကမ်းလှမ်း ချက်တွေ၊ GLONASS ဂြိုလ်တုလမ်းညွှန် စနစ်အတွက် ဒေတာစုဆောင်းရေးစခန်းတွေ… စသဖြင့် ဒီလိုအကျိုးအမြတ်တွေ ရရှိ လာတာ မြင်ရလိမ့်မယ်။ သေချာတာကတော့…ဒါလိုလုပ်ငန်းကြီးတွေက သူ့အလိုလို ပေါ်လာတာတွေတော့မဟုတ်နေဘူး။
----
◾️ သမ္မတ အဖြစ်ရွေးချယ်ခံရတာ ကောင်းတဲ့အချက်က အကောင်းမြင်ရှုထောင့်အရ ကြည့်ရင်…ဒီလို အခြေခံအုတ်မြစ်ချထားတဲ့ကိစ္စတွေမှာ…ယုံကြည်မှု ရှိထားပြီးသားဖြစ်လို့ ဆက်ပြီး လုပ်သွားနိုင်တဲ့ အခင်းအကျင်းတွေ ရှိနေတယ်။ လူသစ်ပြောင်းရင်…၊ မူဝါဒ တွေကအစ ပြောင်းလဲတာများတတ်လို့ တစ်ချို့ စီမံကိန်းတွေကို အစကနေ ပြန်စတတ် ရတာများတယ်။ Level 5 လောက် ရောက်နေတဲ့ တိုးတက်မှု အရှိန်က zero ကနေ ပြန်စရတတ်တာမျိုးက တိုင်းပြည်အတွက် သိပ်နာတယ်။ ဒါ့ကြောင့်လည်း အစိုးရ စုဖွဲ့မှုမှာ အထိုင်မဖျက်တဲ့ ကိစ္စတွေကို ဝမ်းသာ ကြောင်းဆိုခဲ့တာ။ နောက်ပိုင်း အောင်မြင်ခြင်း၊ မအောင်မြင်ခြင်းကတော့ ဒီ Sector တွေကို ဦးဆောင်ကြမယ့် ဝန်ကြီးတွေ၊ ဝန်ကြီးချုပ် ဆိုသူတွေရဲ့ Leadership နဲ့ပဲ ဆိုင်တော့တယ်။ သမ္မတကြီးကတော့ ယုံကြည်စွာနဲ့ပဲ တာဝန်ပေးအပ်ခဲ့ပြီးပြီ။
----------
◾️ ဘာပဲဖြစ်ဖြစ် UN မှာ ဗီတိုအာဏာကိုင်ထားတဲ့ ရုရှားရယ် ၊ တရုတ်ရယ်က သမ္မတသစ် ကို ဦးဦးဖျားဖျား ဂုဏ်ယူကြောင်း သဝဏ်လွှာပေးပို့ထားတာတွေက မြန်မာ့နိုင်ငံရေးမှာ မဟာမိတ်ဆက်ဆံရေးထက် ပိုတယ်လို့တောင် ပြောလို့ရတယ်။ ဆိုလိုတာက မြန်မာ့နိုင်ငံရေး အသွင်ကူးပြောင်းရေးမှာ ဒီနိုင်ငံကြီးတွေရဲ့ အားပေးထောက်ခံချက်နဲ့တင် ကျွဲကူးရေပါဆိုသလို သွားလို့ရနိုင်တဲ့ အခွင့်အရေးတွေ ရှိနေခဲ့ပြီ။ ဖြစ်စေချင်တာပါ… သမ္မတကြီးအနေနဲ့ အရေးပါတဲ့ ဝန်ကြီးတွေ ခြံရံပြီး တရုတ်၊ ရုရှား၊ ဘီလာရုဇ်နိုင်ငံတွေကို သမ္မတ ဆိုတဲ့ ဂုဏ်ပုဒ်နဲ့အတူ သံတမန်ရေးခရီးစဉ် အမြန်ဆုံး စတင်နိုင်ရင် အကောင်းဆုံး ဖြစ်သွားပါလိမ့်မယ်။

(နရီမိုး)

ကာကွယ်ရေးဝန်ကြီးဌာနကိုယ်တိုင် ဦးဆောင်ပြီဆိုတော့ ...နောက်ပိုင်း ကြမ်းပြီထင်တယ်။

အညာမြေမှာလည်း ပြည်ထောင်စု အစိုးရ ဆိုသူတွေက L PDF တွေနဲ့ ညှိကြပြီး သယံဇာတ ‌ခွဲဝေယူကြဖို့ ညှိနေကြသတဲ့။

ကြည့်ရတာ....ဒီ ၅ နှစ်အတွင်း အတွေ့အကြုံအရ၊ မျှဝေသုံးစွဲမယ် ဆိုတဲ့ မူ ထက် ရသလောက်ယူမယ်ဆိုတဲ့ မူဝါဒ ပြောင်းလဲ လိုက်ပြီ ထင်တယ်။

ကာကွယ်ရေးဌာနအောက် L PDF တွေ တစ်စုတစ်စည်းတည်း မဖြစ်တာ မဆန်းတော့ဘူး။ NUG ရဲ့ နိုင်ငံရေး ဦးဆောင်မှုနောက်ကို မလိုက်ကြတော့ဘဲ စီးပွားဖြစ် ကိုယ်ထူ ကိုယ်ထ ဒေသန္တရ လက်နက်ကိုင် အင်အားစုတွေ ပဲ အားကောင်းလာတာ ဒီ နွေဦးတော်လှန်ရေး ကျရှုံးရခြင်း အကြောင်းတရားတွေပဲ။ ပညာတတ်တဲ့ လူငယ်တချို့ကတော့ အလင်းဝင်ပြီး လမ်းမှန် ပြန်ရောက်လာကြပေမယ့် ကိုယ်ကျိုးစီးပွားပါတဲ့ အဖွဲ့တွေကတော့ ဆက်ပြီး မိုက်တွင်း နက်နေဆဲပဲ။

ဘာလိုလိုနဲ့ ....ငါတို့ သမ္မတ ပြန်လွတ်ပေးဆိုတဲ့ အသံတွေ မကြားရတာတောင် ကြာခဲ့ပြီပဲ။

(နရီမိုး)