🍀 မင်္ဂလာရှိသော နေ့ရက် ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

နှစ်သစ်မှာ ရရှိတဲ့ အကြီးမားဆုံးသော
အခွင့်အရေးဆိုတာ 'ကိုယ့်ကိုယ်ကိုယ် ပြန်လည်ပြုပြင်ခွင့်ရခြင်း' ပဲ ဖြစ်ပါတယ်။

အတိတ်က အမှားတွေကို သင်ခန်းစာယူပြီး ရှေ့ဆက်မယ့် လမ်းကြောင်းကို အသိဉာဏ်နဲ့ ပြန်ပြီး ပုံဖော်ခွင့်ရတာဟာ ဘယ်အရာနဲ့မှ မလဲနိုင်တဲ့ အခွင့်အရေးသစ်တစ်ခုပဲ။

နှစ်ဟောင်းမှာ ငါ ဘာတွေ မှားခဲ့သလဲ
ငါ့ရဲ့ စိတ်နေစိတ်ထားတွေ ဘယ်လောက်အထိ ပူလောင်ခဲ့သလဲဆိုတာကို ပြန်ဆန်းစစ်ပြီး
နှစ်သစ်မှာ အဲ့ဒီအမှားမျိုးတွေ ထပ်မဖြစ်အောင်ပြင်ဆင်နိုင်တာဟာ အသိဉာဏ်ရှိသူတွေအတွက်တော့ အလွန်မြတ်တဲ့ အခွင့်အရေးပဲ။

အခွင့်အရေးဆိုတာ အပြင်က လာမှာကို စောင့်နေရမှာ မဟုတ်ဘူး၊ ကိုယ့်ရဲ့ စိတ်ဓာတ်ကို အသစ်လဲလှယ်လိုက်တာနဲ့ အခွင့်အရေးတွေက အလိုလို ပွင့်လာတာ။

နှစ်သစ်မှာ
'ငါဟာ မေတ္တာတရား ပိုထားမယ်
ငါဟာ သည်းခံခြင်း ပိုရှိမယ်
ငါဟာ အချိန်ကို ပိုပြီး အကျိုးရှိအောင်
သုံးမယ်ဆိုတဲ့ ဆုံးဖြတ်ချက်မျိုး
ချမှတ်လိုက်တာဟာ ဘဝသစ်ကို စတင်ဖို့ တံခါးဖွင့်လိုက်တာနဲ့ တူတူပဲ။

လောကမှာ အသက်ရှင်ခွင့်ရနေသေးသရွှေ့ ငါတို့မှာ ကောင်းတာတွေလုပ်ဖို့ အခွင့်အရေး ရှိနေပါသေးတယ်။

ဒါကြောင့် နှစ်သစ်မှာ ရရှိမယ့်
အခွင့်အရေးသစ်တွေကို ရှာဖွေတဲ့အခါ
အပြင်ပန်း အခွင့်အလမ်းတွေထက် ကိုယ့်ရဲ့ အတွင်းသန္တာန်က စရိုက်ဟောင်းတွေကို စွန့်လွှတ်ပြီး စရိုက်ကောင်းတွေနဲ့ ဘဝကို
အသစ်တည်ဆောက်ခွင့်ရတာကို အမိအရ ဆုပ်ကိုင်ကြရမယ်။

အဲ့ဒီလို ကိုယ့်ကိုယ်ကိုယ်
ပြုပြင်ပြောင်းလဲနိုင်တဲ့သူအတွက် နှစ်သစ်ဟာ အမြဲတမ်း တောက်ပနေမှာ ဖြစ်ပါတယ်"

#ပါမောက္ခချုပ်ဆရာတော်ဘုရားကြီး
🙏🙏🙏🙏🙏🙏🙏🙏🙏

မနေ့က ဦးဝင်းမြင့်ကို လွှတ်ပေးလိုက်တာက နိုင်ငံရေးအရတော့ ကစားကွက်မှာ အစိုးသစ်အတွက် အများကြီး အားသာချက်တွေ ရှိသွားတယ်။ ခဲတလုံးတည်းနဲ့ ငှက်ကို အုပ်လိုက်မှန်အောင် ပစ်နိုင်ခဲ့သလိုပဲ။

ပထမဆုံး ပစ်ခံရတဲ့ "ခဲ" က NUG ရင်ဘက်ကို တည့်တည့် မှန်ခဲ့တာလို့ ပြောလို့ရတယ်။ တကယ်လို့များ ခု ကောလာဟလ ထွက်နေသလို ဒေါ်စုကို နေအိမ်အကျယ်ချုပ်များ ဖြေလျှော့ပေးလာခဲ့ရင်....တစ်ခါ NUG ရဲ့ လုပ်ဆောင်ချက်တွေကို ကျွန်မမသိပါဘူး။ မသက်ဆိုင်ပါဘူးလို့များ ဖြေလာခဲ့ရင်....NUG ဘဝက မတွေးရဲ စရာပဲ။

ဆိုတော့ နိုင်ငံတကာကလည်း ထောက်ခံမှု လျော့သွားမယ်။ တော်လှန်ရေးကို ဆက်ပြီး တော်လှန်ရအောင်ကလည်း အရေးပါတဲ့ လူနှစ်ယောက်က ထောင်ထဲမှာ မရှိတော့ဘူး ဆိုတဲ့ အခြေအနေ။ ဒီအခြေအနေကြားမှာ နိုင်ငံတကာကနေ စစ်ရှောင်ခေါင်းစဉ်နဲ့လာမယ့် ကမ်းပိန်းတွေကလည်း လုပ်စားစရာ ရှိမှာ မဟုတ်တော့ဘူး။

ဒုတိယက အာဆီယံ။ NLD ပါတီရဲ့ ခေါင်းကိုင်တွေ လွတ်ပေးလာတဲ့ အခြေအနေမှာ NUG ကို All inclusive ထဲ ဆက်ထည့်ဦးမလား။ တကယ့်ကို မြွေခြောက်ကိုက်တဲ့ ကိစ္စကြီး။ အစိုးရက ဒီအနေအထားမှာ အနေသာကြီး။ ဦးဝင်းမြင့်ကို ပေးတွေ့ခိုင်းပြီး NLD လား၊ NUG လား ရွေးခိုင်းလိုက်တာနဲ့ အိုးစားကွဲပြီလို့ ပြောလို့ရတယ်။


တတိယက EAO နဲ့ NUG ကြားက ဆက်ဆံရေး။ နဂိုကတည်းက အဖက်မလုပ်ခံရတဲ့ NUG အစိုးရအတွက် ဒီအနေအထားက အတော်လေး အခက်တွေ့စေတော့မယ်လို့ ပြောလို့ရတယ်။ ဇော်ဝေစိုးတို့ကအစ ပလောင် တာဘုန်းကျော်တို့ရဲ့ ဘော ပြေးမ ရတဲ့ အခြေအနေမှာ ပလောင်ကလည်း ကြိုဆိုပါတယ် သမ္မတကြီး ထလုပ်တော့ အစိုးရပါလို့ ခံယူထားတဲ့ NUG အတွက်က အရှိုက် လက်တီးနဲ့ အထိုးခံရသလိုပဲ နေမှာ။ ဆိုတော့ ....တကယ်လို့သာ ဦးဝင်းမြင့်က NUG က သူနဲ့ မသက်ဆိုင်ပါဘူးလို့ မှတ်ချက်ပေးရင်၊ (ဆိုင်တယ်ပြောရင်တော့ ထောင်ထဲ ပြန်ဝင်ပေါ့) NUG အတွက်က EAO ကြားမှာ ဘာမှသုံးစားမရတဲ့ အဖွဲ့အစည်း ဖြစ်သွားတော့မယ်။ တခုရှိတာက ဦးဝင်းမြင့်ကလည်း လွယ်လွယ်တော့ မှတ်ချက်ပေးမှာ မဟုတ်ဘူး။

ဒါပေမယ့် ဘယ်လိုပဲ သုံးသပ်သုံးသပ်၊ NUG အတွက် လားရာ မကောင်းဘူး။ အရှင်ထွက်မလား၊ အသေထွက်မလား ဒါပဲ ရွေးရတော့မယ်။ အရှင်ထွက်ချင်ရင်တော့ NUG အဖွဲ့အစည်းကို ဖျက်သိမ်းကြောင်း ကြေညာပေါ့။ ဒါပဲ ရှိတာပဲ။ အဲ့လို မဟုတ်ဘဲ။ ဦးဝင်းမြင့်က ငါတို့ NUG ရဲ့ သမ္မတ ၊ ဝမ်းသာပါတယ်။ ကြိုဆိုပါတယ် သွားလုပ်ရင် .....


(နရီမိုး)

ဦးဝင်းမြင့်က NUG နဲ့ ပတ်သက်လား၊ မပတ်သက်ဘူးလားဆို ဘယ်သူက မေးမေး မဖြေဘူး ဆိုတာ ကလေးတောင် သိတဲ့အနေအထား။

ကိုယ်တွေလိုချင်တာက ဦးဝင်းမြင့်ဆီက အဖြေလည်း မဟုတ်ဘူး။ ခြင်း သမ္မတကလည်း ဝှေ့လည်ကြောင်ပတ် လုပ်မှာလည်း သိနေတာပဲ။

ဒါပေမယ့် ပါတီထိပ်ပိုင်းခေါင်းဆောင်တွေ ထွက်လာတဲ့အနေအထားမှာ NUG က မြေအောက်တော်လှန်ရေး လုပ်လို့ကို မရတော့တာ။ NLD ရဲ့ အရိပ်ကို ခိုပြီး ၂၀၂၀ ရွေးကောက်ပွဲ ရလဒ်ကို အသိအမှတ်ခံချင်နေသေးတဲ့ နောက်ဆွဲတွေက ဘာတွေ မျှော်လင့်နေသေးတာလဲလို့ မေးရမှာ။

ငချွတ်‌တွေက ကုလမှာ ဦးဝင်းမြင့်ကို သမ္မတ နာမည်မချိန်းသေးဘူး ဆိုတာတွေနဲ့ NUCC က မြန်မာနိုင်ငံရဲ့ သမ္မတအဖြစ် ကြိုဆိုနေတာတွေကို Role တင်ရေးနေသေးတယ်။ တစ်ခုပဲ ထောက်ပြမယ် ဘာ Legitimacy ရှိလဲလို့ပဲ ပြန်မေးကြည့်။ 😇😇😇

လောလောဆယ် EAO ထဲက ဦးဝင်းမြင့် ပြန်လွတ်လာတာကို ဘယ်သူတွေက စာထုတ်ပြန်ပြီ ကြိုဆိုသလဲ။ ဘာမှအရေးမပါတဲ့ ၂ ယောက်တဖွဲ့တွေ တော့ စကားထဲ ထည့်ပြောစရာကို မရှိသေးဘူး။ ဘယ်လိုပဲဖြစ်ဖြစ် ကိုယ်တွေက စင်ပေါ်က‌ အနေအထားပါပဲ။


(နရီမိုး)

🍀 မင်္ဂလာရှိသော နေ့ရက် ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

“မမေ့မလျော့နေတယ်ဆိုတာ”
🔷🔷🔷🔷🔷🔷🔷🔷🔷🔷

မေ့လျော့တယ်ဆိုတာ ဘာကိုပြောတာတုံးဆိုတော့ အပျော်အပါးတွေ လိုက်စားပြီးတော့ ကိုယ့်စိတ်ကို ကာမဂုဏ်တွေထဲမှာ လွှတ်ထားတာဟာ ဒါ မေ့လျော့တယ် လို့ ခေါ်တယ်ပေါ့။

သဘာဝတရားကို မစဉ်းစားနိုင်ဘဲနဲ့ ကာမဂုဏ်အာရုံတွေထဲ စိတ်ကို လွှတ်ထားတယ်၊ ဒါဟာ မေ့လျော့ခြင်းပဲ၊ တစ်ဖက်ကနေကြည့်မယ်ဆိုရင် စဉ်းစားကြည့်ပေါ့။

ဘုန်းကြီးတို့တစ်တွေဟာ မမေ့လျော့သင့်ဘူးဆိုတာ ဘာလဲလို့ဆိုရင် ကုသိုလ်ကောင်းမှု လုပ်ဖို့ သတိရတာဟာ မမေ့လျော့ခြင်းပဲ ဖြစ်တယ်။

လူ့လောကရောက်လာတဲ့အခါ စားစရာ ရှာရတာတို့ နေစရာ ရှာရတာတို့နော်၊ ဒါတွေဟာ သဘာဝသာလျှင် ဖြစ်တယ်။

လောကမှာ တိရိစ္ဆာန်တွေဟာလည်းပဲ အတူတူပဲ၊ အိပ် စား ကာမ လို့ ဆိုတဲ့အတိုင်း အိပ်တာရယ် စားတာရယ် ကာမဂုဏ်ရယ် ဒီသုံးမျိုးကတော့ သတ္တဝါတိုင်းမှာ ရှိကြတယ်။ အဲဒီ သုံးမျိုးနဲ့ အချိန်ကုန်နေရင် မေ့လျော့တယ်လို့ ခေါ်တယ်။

လူတွေဟာလည်း နေ့စဉ် စီးပွားရေးကိစ္စ ဒီကိစ္စတွေနဲ့ချည်းပဲ အချိန်ကုန်နေရင် မေ့လျော့တယ်လို့ ခေါ်တယ်။ ဘာဖြစ်လို့လဲဆိုရင် စဉ်းစားကြည့်ပေါ့-

စားစရာတို့ ၊ နေစရာတို့ ၊ ဝတ်စရာတို့ ၊ စီးပွားရေးကိစ္စတို့ ဒီကိစ္စတွေနဲ့ချည်း အချိန်ကုန်ပြီးတော့ နေမယ်ဆိုလို့ရှိရင် လူ့ရဲ့ ဘဝတစ်သက်တာ ကာလဆိုတာ ထာဝရမှ မဟုတ်တာ၊ မကြာခင်ပဲ ကုန်ဆုံးသွားမှာ၊ အချိန်ဆိုတာ ထာဝရ ရွေ့လျားနေတဲ့ အရာကြီးသာ ဖြစ်တယ်၊ အချိန်ကုန်သွားလို့ရှိရင် ဒီထဲက ဘာအကျိုးတွေ ရလိုက်မှာလဲ၊ ဘာမှ မရဘူး။

ကိုယ်လုပ်နေတဲ့ အလုပ်တွေဟာ တစ်ဘဝ တစ်နပ်စာအတွက်တွေချည်းပဲ၊ သံသရာအတွက်လည်း ဘာမှ ပါမှာ မဟုတ်ဘူး၊ နောင်ဘဝအတွက် ဘာမှ ပြင်ဆင်ထားတာ မရှိဘူး။

ဒီ ဖြစ်လာတဲ့ ဘဝမှာ မေ့မေ့လျော့လျော့ အာရုံကာမဂုဏ်တွေထဲမှာ စိတ်ပျော်သလို နေသွားပြီးတော့ သေဆုံးသွားတဲ့ အခါမှာကျတော့ ဘာမှ ပါမလာတဲ့အပြင် အကုသိုလ်တွေနဲ့ သွားရတဲ့အခါ နောင်ဘဝမှာ ဒီထက် ပိုနိမ့်ကျသွားနိုင်တယ်လို့ ဒီလို ဆိုတာ။

ဒါကြောင့်မို့လို့ ဘဝရလာတဲ့အခါ မမေ့မလျော့ နေရမယ်၊ မမေ့မလျော့ဆိုတာ တန်ဖိုးရှိတဲ့ အလုပ်ဟာ ဘာလဲ၊ အဲဒီ တန်ဖိုးရှိတဲ့ အလုပ်ကို လုပ်ဖို့ လိုတယ်ပေါ့၊ တန်ဖိုးရှိတယ်၊ ဒီ ဘဝတင် မဟုတ်ဘူး၊ သံသရာမှာ ဘဝကောင်းစားဖို့အတွက် ဘာတွေ လုပ်သင့်သလဲ။

ဆိုပါစို့ -
ဒီဘဝနေတဲ့ ပုဂ္ဂိုလ်တွေဟာ စားစရာနဲ့ ဝတ်စရာ ဒါနဲ့တင် အချိန်ကုန်ရမှာလား မဟုတ်ဘူး၊ လုပ်စရာတွေ ဘာတွေရှိတုံးဆိုရင် အသိပညာတွေ ဆည်းပူးအားထုတ်ရမယ်။

အသိပညာဆိုတဲ့နေရာမှာ စီးပွားရေးပညာလည်းပါတယ်၊ လူမှုရေးပညာလည်း ပါတယ်၊ ဒီထက်အရေးကြီးတဲ့ပညာကတော့ လုပ်သင့်တာနဲ့ မလုပ်သင့်တာ ခွဲခြားသိတဲ့အသိ ဓမ္မပညာမျိုးဆိုတာ ဆည်းပူးအားထုတ်ရမယ်။

အဲဒီလိုမှ မသိဘူးဆိုလို့ရှိရင် ကိုယ့်ဘဝဟာ တန်ဖိုးအလွန်နည်းသွားလိမ့်မယ်၊ ဒါကြောင့်မို့လို့ ရလာတဲ့ဘဝရဲ့အသိတွေ မရ ရအောင် ကြိုးစားရှာဖွေကြရမယ်၊ အသိရှိတဲ့လူ အသိရှိတဲ့ သားတစ်ယောက်ဖြစ်ဖို့ လုပ်ရမယ်၊ အဲဒါကို မမေ့မလျော့နေတယ်လို့ ဒီလိုပြောတာ။

ကျေးဇူးတော်ရှင် ပါမောက္ခချုပ်ဆရာတော် ဒေါက်တာနန္ဒမာလာဘိဝံသ

တပ်က အတော်လေး အတောင်စုံစ ပြုနေပြီလို့ ပြောလို့ရမယ်ထင်တယ်။ အဓိက အင်အားကို ညွှန်းချင်တာ။ ပြည်သူ့စစ်မှုထမ်းဥပဒေက သိန်းဂဏန်း‌ ဆိုတဲ့ အနေအထားမှာ အလှည့်ကျ ဝင်လာသူနဲ့ ထွက်သွားသူကြားမှာ တပ်ရဲ့အင်အားက စနစ်တကျ Rotate ဖြစ်နေလိမ့်မယ်။ တကယ်လို့ နည်းပညာပိုင်းကိုသာ လိုသလောက်ထုတ်မယ်ဆိုတဲ့အနေအထားကနေ လိုအပ်ရင် ဒေသတွင်းကိုပါ ရောင်းမယ်ဆိုတဲ့အထိ ရင်းနှီးမြှုပ်နှံခဲ့ရင်တော့ အကောင်းဆုံးပဲ။

လက်ရှိ ကရင်ပြည်နယ်မှာလည်း တဆုံးကြိတ်နေတာ တွေ့ရတယ်။ ကြည့်ရတာ အောင်ဇေယျ စစ်ကြောင်း ဘာလဲ၊ ဘယ်လဲ လို့ မေးသူ မရှိတော့ဘူး ထင်တယ်။ ဒီကြားကာလတွေမှာ အတော်လေး စိတ်ရှည်သည်းခံပြီး ကိုယ့်အလုပ်ကိုယ် လုပ်နေခဲ့ကြတာကတော့ ချီးကျူးစရာပဲ။ ဒေါနတောင်တန်းပေါ်မှာ အောင်မြင်စိုက်ဖို့ အသက်တွေ၊ ချွေးတွေ အများကြီး ရင်းထားကြရတာ မဟုတ်လား။

ရှမ်းမြောက်ဘက်က နိုင်ငံရေးလမ်းအတိုင်း သွားဖို့ များနေတယ်။ ဒါကလည်း အဓိက နောက်ကွယ်က Game plan တွေအတိုင်း အလုပ် လုပ်သွားမယ့်ပုံပါပဲ။ ဒီအနေအထားကိုသိလို့လည်း တအာင်းဘက်က နိုင်ငံရေးကွက်တွေ ထုတ်သုံးလာတာပေါ့။ မြင်နေရတဲ့ တချို့အကြောင်းအရာလည်း သိပ်မကြာခင် ဖြစ်လာမယ်လို့ပဲ မှန်းဆမိတယ်။

အဓိက လက်ရှိ အာရုံ စိုက်ရမှာက ရခိုင်၊ အညာနဲ့ ကချင်ပဲ။ ရခိုင်မှာ တောင်ပိုင်းမြို့တွေ ပြန်သိမ်းနိုင်ရင်ကို နိုင်ငံရေး Image ရော၊ တပ်မတော် Image ရော အတော်လေး ထောင်တက်သွားနိုင်မယ်။ တပ်ချုပ်ကြီးအသစ်အတွက်လည်း အတော်လေး Lucky ကောင်းသွားမယ်။ ရခိုင်တောင်ပိုင်းရရင် တရုတ် BRI လမ်းကြောင်းလည်း ပွင့်ပြီလို့ ပြောလို့ရသလို ချင်းပြည်ပေါ်လည်း သက်ရောက်မှု အနည်းအများ ရှိလာလိမ့်မယ်။ ဘာပဲဖြစ်ဖြစ် တိုင်းစစ်ဌာနချုပ် ပြန်ရဖို့တော့ အကြွေးကျန်သေးတယ်။

ထီးချိုင့်တပ်တွေ အသံမကြားရတာ ကြာပြီ။ မိုးကုတ်၊ မိုးမိတ်လည်း လုပ်လို့ကိုင်တုန်း ထင်ရဲ့။ အောင်မြင်နင်း အလံစိုက်တဲ့ အသံတွေ ကြားချင်လှပြီ။


(နရီမိုး)

🍀 မင်္ဂလာရှိသော နေ့ရက် ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

"ကြွေးဆိုတာ ပေးဆပ်ရတယ်"
🔷🔷🔷🔷🔷🔷🔷🔷🔷🔷

ဝဋ်ကြွေးတဲ့ ၊ လည်ပတ်ပြီးတော့ ဖြစ်လာတာ၊ တစ်ချိန်တုန်းက ကိုယ်ကိုယ်တိုင် လုပ်ခဲ့တဲ့ လုပ်ရပ်တွေ
က ပြန်ပြီးတော့ Reaction တုံ့ပြန်ပြုလုပ် လာတာတွေ ရှိလာတယ်။

ဒါ သဘာဝတရားရဲ့ တုံ့ပြန်မှုလို့ ပြောတာ၊ အဲဒီ တုံ့ပြန်မှုလေးတွေက ဘုရားပဲ ဖြစ်စေ၊ ရဟန္တာပုဂ္ဂိုလ်တွေပဲဖြစ်စေ မည်သူ့ သန္တာန်ပဲဖြစ်ဖြစ် ကံကြမ္မာဝဋ်
ကြွေးတွေက အကြောင်းညီညွှတ်ရင် တုံ့ပြန်လာတတ်သေးတယ်။

အဲဒီ ဝဋ်ဟာ ကိုယ်လုပ်ခဲ့တာ ဖြစ်သည့်အတွက်ကြောင့် ကိုယ်က ပြန်ပေးဆပ်ရလို့ ကြွေးနဲ့ အလားသဏ္ဍာန်တူလို့ ကံကြမ္မာဝဋ်ကြွေးလို့ ပြောတာ။

ကြွေးဆိုတာ မဆပ်ဘဲ နေလို့မရဘူး၊ ဆပ်ရတယ်နော်၊ ကြွေးဆိုတာ တစ်နေ့ တစ်ချိန် ဆပ်ရတယ်၊ဒါ
ကြောင့် ဒီကံကြမ္မာဝဋ်ကြွေးဟာလည်းဘဲ ပေးဆပ်ကြရတယ်၊ အကယ်၍ မပေးဆပ်ရသေးလို့ ရှိရင် ဒီကံရဲ့ အရှိန်အဟုန်က ကုန်ပြီးတော့ မသွားဘူး။

ကိလေသာ ကုန်သွားရင် ဘဝအကျိုးပေးစရာ မရှိ
တော့သည့် အတွက်ကြောင့် ဘဝတစ်ခုကို အကျိုးမပေးနိုင်ဘူး၊ သို့သော် ကိလေသာရဲ့ အကျိုးဆက်
ဖြစ်တဲ့ ခန္ဓာကြီး ရှိနေသေးရင်တော့ ပေးဆပ်ကြရသေးတယ်လို့ ဒီလိုပြောတာနော်။

ဘုန်းကြီးတို့ ဘဝလည်း ကိုယ့်ကိုယ်ကို ပြန်စစ်ပြီးတော့ ကြည့်ပေါ့၊ အသက်(၃၀)အရွယ်ရှိတဲ့ ပုဂ္ဂိုလ်က ဒီ(၃၀)အတွင်းမှာ ဘာတွေဖြစ်ခဲ့သလဲ၊ အသက်၄၀၊၅၀၊ ၆၀၊ ၇၀ ရှိတဲ့ ပုဂ္ဂိုလ်ကလည်း ကိုယ့် ဒီဘဝအတွင်းမှာ ဘာဖြစ်ခဲ့သလဲ ပြန်ပြီးတော့ ကြည့်။

မဖြစ်ချင်တာတွေ ဖြစ်လာလို့ရှိရင် ကံကြမ္မာဝဋ်ကြွေးနဲ့ သက်ဆိုင်မှု ရှိ,မရှိ အတော်အသင့် ခန့်မှန်းလို့ ရမယ်။

ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ အရှင်နန္ဒမာလာဘိဝံသ

◾️ မန္တလေး-မတ္တရာဘက်မှာ PDF တွေ ရာနဲ့ချီပြီး အလင်းဝင်ရောက်ခဲ့တဲ့ဖြစ်စဉ် ပြီးတဲ့ နောက်…ဒေသငယ်လေးတွေရဲ့ လက်နက်ကိုင် PDF တွေလည်း တဖြည်းဖြည်း အလင်းဝင်လာကြတာ ခပ်စိတ်စိတ် ဖြစ်လာခဲ့တာ ဆန်းတော့မဆန်းဘူး။ ခုလည်း မင်းကွန်း အခြေစိုက် ပလဖ/PDF က ဒုတာဝန်ခံအပါအဝင် (၁၅) ဦး၊ လက်နက် (၆) လက်နဲ့ ခဲယမ်း(၃၀၀၀)ကိုယူပြီး အလင်းဝင်လာခဲ့တယ်။
-------
◾️ အင်အားအရ (၁၅) ဦးဆိုပေမယ့် မင်းကွန်းဒေသက စစ်ကိုင်းတိုင်း အလယ်ပိုင်းရဲ့ အချက်အခြာနေရာဖြစ်သလို ပလဖအဖွဲ့ရဲ့ ဒုတိယတာဝန်ခံအဆင့်ရှိတဲ့ ခေါင်းဆောင် တစ်ဦးကိုယ်တိုင် အလင်းဝင်လာတဲ့ကိစ္စက… အကောင်းမြင်ရှုထောင့်အရကြည့်ရင် ကျန်ခဲ့မယ့် အဖွဲ့ဝင်တွေမှာတောင် စိတ်ဓာတ်ပျက်ပြားနေတာမျိုး၊ ဒါမှမဟုတ် ယုံကြည်ချက် မရှိတော့ တာမျိုးအဆင့်လောက်အထိ ဖြစ်နေလောက်ပြီ။ ပိုပြီး လေးလေးနက်နက်သုံးသပ်ရရင် နယ်မြေခံအင်အားစုတွေပြိုကွဲစပြုလာတာ၊ စိတ်ဓာတ် ခံယူချက်နဲ့ ရေရှည်ရပ်တည်နိုင်မှု မရှိတော့ဘူးဆိုတဲ့ ပုံရိပ်မျိုး တဖြည်းဖြည်း မြင်လာရ တာပဲ။
--------
◾️ သေချာတာကတော့ NUG ရဲ့ MOD က တိုက်ရိုက်ကိုင်တွယ်နိုင်တဲ့ အဆင့်အထိ မရှိတော့တာ ပိုပြီး သိသာလာခဲ့တယ်။ NUG ကိုယ်တိုင် စိတ်ဝင်စားတဲ့အရာကလည်း ရွှေထွက်တဲ့ဒေသ၊ စီးပွားရေးအရ တရားမဝင်လုပ်ငန်းတွေရှိတဲ့ ဒေသတွေကိုပဲ ပိုပြီး အားစိုက်လာတာ မြင်ရတယ်။ တခြားဘာစီးပွားရေးမှ မရှိတဲ့ဒေသအခြေစိုက် PDF တွေမှာ တဖြည်းဖြည်း ရိက္ခာပြတ်လာတာမျိုး၊ ခဲယမ်းထောက်ပံ့မှုတွေ မရှိတော့တာမျိုး ဖြစ်လာ တယ်လို့သုံးသပ်ရတယ်။ ဆိုပါစို့ ခု အလင်းဝင်လာတဲ့ ခဲယမ်း ၃၀၀၀ ဆိုတဲ့ ပမာဏဟာ ၁၅ မိနစ်စာအတွက် တိုက်ပွဲတစ်ပွဲ ဖြစ်စာဆိုတဲ့ နှုန်းထားတစ်ခုပဲရှိနေတယ်။
---------
◾️ တပ်မတော်ရဲ့ ထိုးစစ်တွေ တဖြည်းဖြည်း အရှိန်ရအားကောင်းလာချိန်မှာ NUG ကိုယ်တိုင်အားကိုးအားထားပြုခဲ့ကြတဲ့ MDY-PDF တောင် ကစင့်ကလျား မြို့တွေ စွန့်ခွာ ထွက်ပြေးနေရချိန်မှာ…ဒေသခံပြည်သူတွေရဲ့ထောက်ခံမှုလည်း မရ၊ NUG ရဲ့ ထောက်ပံ့မှု ကလည်း မရှိ၊ လက်နက်ကိုင်တပ်ဖွဲ့ဆိုပြီး ကြာရှည်ရပ်တည်ရမယ့် ဓနအင်အားလည်း အဆင်မပြေတော့တဲ့အခါ…အလင်းဝင်ဖို့အတွက်ပဲ သူတို့ဆုံးဖြတ်ခဲ့ကြပုံရတယ်။ ပြည်ပ အခြေပြု NUG ဝန်ကြီးတွေနဲ့ အနုပညာရှင် Cele တွေက မိသားစုတွေနဲ့ အိုးအိမ်မကွာ တော်လှန်ရေးကိုအကြောင်းပြပြီး ခွက်ခေါက်အလှူခံနိုင်ကြတယ်ဆိုပေမယ့် မျက်နှာကြီး ရာ ဟင်းဖက်ပါသလို ဘာသံယဇာတမှ မထွက်တဲ့ မျက်နှာမွဲ ဒေသအခြေစိုက် PDF တွေဆီတော့ လိုအပ်တဲ့ လက်နက်/ခဲယမ်း/ရိက္ခာတွေ ဆင်ပါးစပ် နှမ်းပက်သလို ဖြစ်နေခဲ့ တာက…တော်လှန်ရေးပျက်စီးခြင်း လမ်းစလို့ပဲ ဆိုရတော့မယ်။
-------
◾️ နဂါးလိုအဖွဲ့ကိုတောင် NUG က စည်းမထားဘဲ အချင်းချင်း သတ်ဖြတ်ကြတဲ့ အခြေအနေတစ်ခု အောက်မှာ …အောက်ခြေ PDF တွေအနေနဲ့ ခပ်စောစော အလင်းဝင် ကြတာက အသက်အန္တရာယ်ကင်းတယ်လို့ပဲ ကိုယ်က တွေးမိတာပဲ။ ဒါမှမဟုတ်…ပြည်ပမှာ လက်သုံးချောင်းထောင်းရင်း လစဉ်ဝင်ငွေတွေရနေတဲ့ ဝန်ကြီးများနဲ့ အနုပညာရှင်တွေအတွက် အောက်ခြေမှာ အသက်ပေးဖို့ တန်တယ်လို့ ယူဆရင်လည်း သဘောပဲပေါ့။ လူတိုင်းကတော့ …ကိုယ့်ဆုံးဖြတ်ချက်နဲ့ ကိုယ်ပါပဲ။ ဒါပေမယ့် အသက်တွေကတော့ ဘယ်သူမှ အပိုမပါကြဘူးမဟုတ်လား။ ကိုယ့်ဒေါသနဲ့ ကိုယ်ပါပဲ။

(နရီမိုး)

🍀 မင်္ဂလာရှိသော နေ့ရက် ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

သဒ္ဓါ စိတ်ပြည့်လာပြီဆို ကောင်းတဲ့အလုပ်တွေ လုပ်လာတယ်။ဘုရားပန်းလှူချင်တယ်။ တရားနာချင်တယ်။

ဘာလှူ ရမလဲဆိုတာ ကိုယ့်ပစ္စည်းတွေ စွန့်လွှတ်ပြီး
လှူ ချင်လာတယ်။

သဒ္ဓါဆိုတာ လက်နဲ့တူတယ် ရတနာကိုတွေ့နေသော်လည်း လက်နဲ့ကောက်ယူမှ ကိုယ့်ဆီပါလာမှာဖြစ်တယ်။

အလှူ လုပ်ချင်တဲ့ သဒ္ဓါရှိလာမှသာ ပေးလှူ ဖြစ်မှာဖြစ်တယ်။သဒ္ဓါက မျိုးစေ့နဲ့တူတယ်။

လောကမှာ အမြတ်ဆုံးဥစ္စာဟာ ဘာလဲဆိုရင် သဒ္ဓါတရားရှိတဲ့ ပုဂ္ဂိုလ်မှာ ရှိတဲ့ပစ္စည်းတွေဟာ
အမြတ်ဆုံးရတနာတွေ ဖြစ်တယ် ။

သဒ္ဓါရှိရင် ကိုယ်ကျင့်သီလတွေ မြဲလာတယ်။

ဘုရားတရားတော်တွေ ကို နာကြားပြီး သုတပါရှိလာတယ်။

စွန့်လွှတ်ဝန်တိုစိတ်ကင်းတဲ့ စာဂပါရှိလာမယ် ။

တရားတော်တွေ နာယူရင်း သောကလျော့ချဖို့ရာ တွယ်တာမှု လျော့ချ မှသာ ရမယ်ဆိုတာ သိလာတဲ့
ပညာ ဆိုတာရလာတယ် ။

သဘာဝတရားတွေ ဖြစ်ပျက်မမြဲ တဲ့ အကြောင်းတွေ ကိုယ်လိုတာမရ တာ ဘာ့အတွက်လဲ ဆိုတာတွေ မြင်လာတဲ့ ပညာရရှိလာမယ် ဆင်ခြင်သုံးသပ်လာနိုင်မယ်

မြင်စရာ အာရုံက နာမ်တရား မျက်စိနဲ့အဆင်းအာရုံက ရုပ်တရား ဆိုတဲ့ ရုပ်နာမ်နှစ်မျိုးသာရှိတယ်ဆိုတာသိလာတဲ့ နာမရူက ပရိစ္တေဒ ဥာဏ်ဆိုတဲ့ ပညာရလာမယ်။

မြတ်စွာဘုရားဟောကြားသောတရားများကို နာယူမှတ်သားရင်း အမြင့်ဆုံးပညာဖြစ်တဲ့ မဂ်ပညာ ဖိုလ်ပညာ ရပြီးနောက်ဆုံးနိဗ္ဗာန်ကို မျက်မှောက်ပြု နိုင်ကြပါစေ။

ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ

◾️ လက်ရှိ အစိုးရသစ်ရဲ့ ငြိမ်းချမ်းရေးဆောင်ရွက်ချက်အပိုင်းကို ကြည့်ရင်…ဧပြီ ၁၁ ရက်နေ့မှာ ထုတ်ပြန်ခဲ့တဲ့ အမျိုးသား စည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ဗဟိုကော်မတီ (NSPCC)၊ အမျိုးသား စည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု လုပ်ငန်းကော်မတီ (NSPWC)နဲ့ ညှိနှိုင်းရေးကော်မတီတို့ကိုပဲ အဓိက ထား သုံးသပ်ရမယ် ထင်တယ်။ ဗဟိုကော်မတီမှာ သမ္မတက ဦးဆောင်ပြီး လုပ်ငန်းကော်မတီမှာတော့ ဒုတိယသမ္မတက ဦးဆောင်ထားသလို ညှိနှိုင်းရေးမှာတော့ ဒုတိယဗိုလ်ချုပ်ကြီး ရာပြည့် ကပဲ တာဝန်ဆက်ယူထားတဲ့ အနေအထားလည်းဖြစ်တယ်။ ဒီအဖွဲ့တွေရဲ့ အဓိက တာဝန်က NCA ကိုအခြေခံပြီး EAO တွေနဲ့ ငြိမ်းချမ်းရေးဆွေးနွေးဖို့၊ လက်မှတ်မထိုးရသေး တဲ့ အဖွဲ့တွေ ပါဝင်လာနိုင်ဖို့နဲ့ အဆုံးသတ်မှာ ဖက်ဒရယ်ပြည်ထောင်စု တည်ဆောက်နိုင် ရေးအတွက် ရည်ရွယ်ထားတယ်။
-----
◾️ ဒီနေရာမှာ အရေးကြီးတာကတော့ သဘောတူညီထားတဲ့ (၄၃) ချက်ကို လွှတ်တော်ကို တင်သွင်းပြီး အတည်ပြုချက်ရယူမယ့် ကိစ္စတွေ အပါအဝင်…လက်ရှိ အပစ်ရပ်ထားတဲ့ EAO တွေနဲ့ NCA လက်မှတ်ရေးထိုးထားတဲ့ အဖွဲ့တွေကို ပြန်လည်ထိတွေ့ရမယ့် လုပ်ငန်းစဉ်တွေ အဓိက ပေါ်ပေါက်လာဖို့က အရေးကြီးအချက်တစ်ခုလို့လည်း သုံးသပ် မိတယ်။
---------
◾️ဆိုလိုချင်တာက…ပထမရက် (၃၀) ကာလအတွင်းမှာ (သမ္မတကြီးရဲ့ ရက် (၁၀၀) ကန့်သတ်ချက်ထဲလည်းဘောင်ဝင်အောင်) ငြိမ်းချမ်းရေးကမ်းလှမ်းချက်တွေစတင်ပြီး တွေ့ဆုံဆွေးနွေးရေး ကိစ္စတွေ မြန်မြန် အကောင်အထည်ဖော်ရေးက အဓိက ပိုကျလိမ့် မယ်။ ဒါမှလည်း ပြည်သူတွေဘက်ကကြည့်ရင်…ဘယ်အဖွဲ့က ငြိမ်းချမ်းရေးအတွက် တွေ့ဆုံဆွေးနွေးရေးကို ဆန္ဒရှိတယ်ဆိုတာမျိုး မြင်သာစေလိမ့်မယ်။
------
◾️ လက်တွေ့လည်းကျမယ်၊ ငြိမ်းချမ်းရေးအတွက် ရုပ်လုံးလည်း ကြွစေချင်ရင်တော့… ပထမဆုံး ရက် (၃၀) ကာလအတွင်းမှာ NSPNC အနေနဲ့ EAO တွေကို တွေ့ဆုံနိုင်ဖို့ အားထုတ်သင့်တယ်လို့ ယူဆရတယ်။ အောက်ခြေထိတွေ့မှုယူတဲ့အဆင့်မှာ မူကြမ်း သဘောတူညီချက်လောက်ရရင်ကို မဆိုးလှသေးဘူး။ တစ်ခု သတိပြုရမယ့်အချက် က…EAO တွေဘက်က လက်နက်မစွန့်ဘဲ အပစ်ရပ်ရုံနဲ့ ပြည်ထောင်စု လမ်းပိုင်းနေရာတွေ၊ သယံဇာတ ရှိတဲ့နေရာတွေမှာ ခွ ထိုင်ချင်တဲ့ စိတ်ဓာတ်တွေ ပြင်နိုင်ရေးက အဓိက ပိုကျမယ်ထင်တယ်။ ဒါကလည်း တကယ်တော့ နိုင်ငံရေးအရ သယံဇာတ ခွဲဝေရေးအပိုင်း မှာ ဆွေးနွေးလို့ရတဲ့ကိစ္စပါပဲ။ လက်နက်မစွန့်ကြဘဲ အချိန်မရွေးပျက်စီးနိုင်တဲ့ နိုင်ငံတော် အဆင့် စီမံကိန်းတွေ တော့ မစစေချင်မိသေးတာအမှန်ပဲ။ လက်နက်ကိုင်ထား ပြီး… ဒီသယံဇာတအကျိုးစီးပွားကို လက်နက်ကိုင် EAO တစ်ခုတည်းနဲ့ သာ သီးသန့် သက်ဆိုင် တယ်လို့ ထင်နေလို့တော့ ဘယ်ဖြစ်လိမ့်မလဲ။ ဒီသယံဇာတ ခွဲဝေမှုကလည်း လူမျိုးစု ဒေသ/ပြည်နယ်နဲ့ တိုင်းဒေသကြီးအတွက် ရည်ရွယ် တဲ့ ဆွေးနွေးမှုကိုပဲ အခြေခံကြ ရမှာ ဖြစ်တယ်။
-------------
◾️ ခြုံသုံးသပ်ရရင်တော့ တွေ့ဆုံပွဲတွေဖြစ်လာဖို့အရေးကြီးတယ်။ လွှတ်တော်မှာ တင်သွင်းမယ့် သဘောတူညီချက်တွေ ဥပဒေအဖြစ် မြန်မြန်အကျိုးခံစားခွင့်ရှိဖို့ လိုအပ်တယ်။ အမြင်ကျဉ်းမြောင်းပြီး ကိုယ့်လူမျိုးစု တစ်ခုတည်းကို သီးသန့်ရည်ရွယ်တဲ့ ဆွေးနွေးမှုမျိုးနဲ့ချဉ်းကပ်ရင်တော့…အောင်မြင်တဲ့ ငြိမ်းချမ်းရေးတွေ ဖြစ်လာနိုင်ဖို့ ကန့်သတ်ချက်တွေရှိနေမှာပါပဲ။ နိုင်ငံရေးပဲဖြစ်ဖြစ်၊ ငြိမ်းချမ်းရေးပဲဖြစ်ဖြစ် နှစ်ဖက် နားလည်မှုတွေ၊ ယုံကြည်မှုတွေအပြင် အပြန်အလှန် အလျော့အတင်း/အပေးအယူ ဘယ်လောက်လုပ်နိုင်ကြမလဲဆိုတဲ့ စံတန်ဖိုး ရှိနေမှပဲ အောင်မြင်မှုရှိပါလိမ့်မယ်။

(နရီမိုး)

◾️အစိုးရသစ်ဖွဲ့စည်းပြီးကာလမှာ အလုပ်လုပ်ပြနိုင်နေတဲ့ ဝန်ကြီး ဌာန တစ်ခုကို ပြောပါဆို ရင်…လျှပ်စစ်နဲ့ စွမ်းအင်ဝန်ကြီးဌာနပဲဖြစ်ပါလိမ့်မယ်။ တကယ်တော့သူ့မှာလည်း အီရန်-အမေရိကန်စစ်ပွဲရိုက်ခတ်မှုကြောင့် နဂိုကတည်းက နိုင်ငံခြားငွေ ဘီလီယံနဲ့ချီသုံးစွဲနေရတဲ့ စက်သုံးဆီအရေးကြောင့် စွမ်းအင် အကျပ်အတည်းနဲ့ အရေးပေါ်ဖိအားအများဆုံးအဖြစ် ရင်ဆိုင်နေရသလို ရှေးအစိုးရ အဆက် ဆက်တိုင်းမှာ စိန်ခေါ်မှုရှိခဲ့တဲ့ လျှပ်စစ်ဝန်ကြီး ဌာနကိုပါ တပေါင်းတည်းကိုင်တွယ် နေရ တာဖြစ်လို့လည်း ပိုပြီး တာဝန်ကြီးလာတဲ့ သဘောမျိုး မြင်ရတယ်။
---------
◾️ ရုရှားခရီးစဉ်ကို ရည်ရွယ်ပြီး သွားတယ်ဆိုပေမယ့် တရုတ်နိုင်ငံ (တစ်ထောက်နားရပ်မှာ တင်) မှာ လျှပ်စစ်ကုမ္ပဏီတွေနဲ့ ထိတွေ့ခွင့်ရသွားတာကလည်း ရုရှား-တရုတ်-မြန်မာ စွမ်းအင်ပေါင်းစည်းရေးမှာ အထောက်အပံ့ဖြစ်နိုင်တယ်လို့လည်း သုံးသပ်မိတယ်။ ဝန်ကြီးရဲ့ ရုရှားခရီးစဉ်မှာ MoU ထိုးနိုင်ခဲ့သလို ထားဝယ်ရေနက်ဆိပ်ကမ်းမှာ ကျောက်မီး သွေးသုံး လျှပ်စစ်ဓာတ်အားပေးစက်ရုံ၊ ရေနံချက်စက်ရုံနဲ့ LNG ဆိပ်ကမ်းတွေ ပေါ်ပေါ် လာဖို့လည်း ဆွေးနွေးခဲ့တာရှိခဲ့တယ်။ ရေနံချက်စက်ရုံတွေအပိုင်းက ပြည်တွင်း ရေနံစိမ်း တွေကို အဆင့်မြှင့်တင်ချက်လုပ်ဖို့ ရည်ရွယ်တယ်လို့ ယေဘူယျ သတ်မှတ်နိုင်သလို LNG ဆိပ်ကမ်းပေါ်ပေါက်လာရင် ဒေသတွင်းနိုင်ငံတွေကို တဆင့်ဖြန့်ဖြူးနိုင်မယ့် စွမ်းအင် ဗဟိုချက်ပုံစံမျိုးအထိ မျှော်လင့်တည်ဆောက်နေတဲ့ အနေအထားမျိုး တွေ့ရတယ်။ စီမံကိန်းက နောက်နှစ်မှစမယ်ဆိုပေမယ့် ခပ်စောစော စနိုင်ရင်တော့ အကောင်းဆုံးပဲ။ ဒါမှ အစိုးရအဖြစ်နဲ့တာဝန်ယူတဲ့ ကာလအတွင်း Result ထွက်တဲ့ အနေအထားမျိုး ရသွားလိမ့် မယ်။
--------
◾️ ကြည့်ရတာ…ယူကရိန်းစစ်ကနေ ဆန်ရှင်လုပ်ခံထားရတဲ့ ရုရှားကလည်း အင်ဒို-ပစိဖိတ်ဒေသကို စွမ်းအင်ဈေးကွက်ရှာဖို့ မျက်စိကျနေပုံပဲ။ တကယ်လို့ ထားဝယ်ရေနက် ဆိပ်ကမ်းသာ အောင်မြင်ခဲ့ရင်…ထားဝယ်က အိမ်ရှင်ဖြစ်တဲ့ မြန်မာအပြင် မလက္ကာ ရေလက်ကြားကိုရှောင်ပြီး ထိုင်း၊ ဗီယမ်နမ်အထိပါ ကုန်တွင်းလမ်းကနေလည်း စွမ်းအင် ဖြန့်ဖြုးနိုင်မယ့် အခြေအနေမျိုး ရှိသွားနိုင်တယ်။ လက်တွေ့ဆန်ဆန် ချဉ်းကပ် သုံးသပ်ရရင်တော့ Geo-Economic Alignment ပုံစံမျိုးပဲ။ ထားဝယ်နဲ့ကျောက်ဖြူတွေက သာမန်စီးပွားရေးထက်ပိုတဲ့ ပထဝီနိုင်ငံရေးဆိုင်ရာ တန်ဖိုးတွေပါ ထည့်ပေါင်းစပ် ထားတယ်။ ဒါပေမယ့် လက်ရှိ ဖြစ်နေတဲ့ စိန်ခေါ်မှုက နိုင်ငံရေးမတည်ငြိမ်မှုနဲ့ လုံခြုံရေး ပြဿနာပဲ။ Refinery၊ LNG terminal တည်ဆောက်တာဟာ နည်းပညာမြင့် စက်မှုလုပ်ငန်းဖြစ်လို့ အနာဂတ်မှာနည်းပညာလွှဲပြောင်းတာတွေနဲ့ HR Resources တွေမွေးဖို့ကလည်း အချိန်တစ်ခုတော့ ပေးရဦးမယ်။
-----------
◾ ဘယ်လိုပဲဖြစ်ဖြစ်…မလက္ကာရေလက်ကြားကို ရှောင်ချင်တဲ့ တရုတ်အတွက်လည်း ကျောက်ဖြူ-ကူမင်း ရထားလမ်းက သာမန်စီးပွားရေးစင်္ကြံလမ်းကြောင်းဆိုတာထက် ပိုလိမ့်မယ်။ မလက္ကာရေလက်ကြားမှာ ၈၀ ရာခိုင်နှုန်းလောက် သွားနေရတဲ့ တရုတ်အတွက် ကျောက်ဖြူကနေသာ ယူနန်ကို အချိန်တိုအတွင်း ဖြတ်သန်းနိုင်ခဲ့ရင်…၊ ရုရှားအနေနဲ့ လည်း ဈေးကွက်စီးပွားရေးရှာဖွေဖို့ ထားဝယ်ကိုသာ အားစိုက်လာခဲ့ရင်…. ရုရှား-တရုတ်-မြန်မာဆိုတဲ့ စွမ်းအင် အခင်းအကျင်းက မျှော်လင့်ထားတာထက်ပိုတဲ့ အောင်မြင်မှုမျိုး လည်း ရသွားနိုင်သလို သုံးနိုင်ငံ စွမ်းအင်အချိတ်အဆက်က ဒေသတွင်းမှာ အရေးပါတဲ့ Energy Corridor တစ်ခုဖြစ်လာနိုင်တယ်။
-------
◾ ဒါပေမယ့် တစ်ခု သတိပြုရမယ့်အချက်က (၅)နှစ်တာကာလ အစိုးရတစ်ဆက်အတွက် ပြည်တွင်းလျှပ်စစ်လိုအပ်ချက်ကို ရေတို အတွင်းဖြည့်ဆည်းပေးနိုင်မယ့် Quick-win ကိစ္စ တွေကိုလည်း ပြည်နယ်နဲ့ တိုင်းဒေသကြီးအလိုက် ရှာဖွေကြရဦးမှာပါ။ စွမ်းအင်နဲ့ပတ်သက်ပြီး Regional hub ဖြစ်ဖို့ဆိုတာက ချက်ခြင်းရနိုင်တဲ့ ကိစ္စမျိုးတော့ မဟုတ်နေသေးဘူး။ ဒါပေမယ့် ကမ္ဘာလုံးဆိုင်ရာစွမ်းအင်အကျပ်အတည်းကာလမှာ ရုရှား လိုမျိုး နိုင်ငံနဲ့ မိတ်ဖက်ဆက်ဆံရေးရှိထားတာကတော့ အားသာချက်တစ်ခု ဖြစ်နေဆဲပါပဲ။

(နရီမိုး)

ငြိမ်းချမ်းရေးနဲ့ ညှိနှိုင်းရေးမှာ Limitation ထားတာ အကောင်းဆုံးပါပဲ။ NCA လည်း ဒီသဘောတရားအတိုင်း သွားသင့်တယ်။ ၂၀၁၅ မှာ လက်မှတ်ထိုးခဲ့ကြတယ်။ ရှေ့ မှာ အကြိမ်ပေါင်းထောင်ချီ တွေ့ရ၊ ဆွေးနွေးရ၊ ညှိနှိုင်းခဲ့ရတယ်။ ခုဆို ၁၀ နှစ်ကျော်ဆိုတဲ့ အနေအထား။ ဘယ်သူတွေ နောက်ပြန်ဆုတ်သွားသလဲ။ ပြည်သူတွေဘက်ကကြည့်ရင် တကယ်ရော ငြိမ်းချမ်းရေး အရသာ ခံစားကြရရဲ့လား။ ဘာ်မျိုးဆက်အထိ ဒါကို ဆွဲခေါ်သွားကြမလဲ။ စဉ်းစားဖို့ ကောင်းတယ်။
-------
အစိုးရတိုင်းက ဖြစ်သင့် ဖြစ်ထိုက်တဲ့ နှုန်းထားနဲ့ ချဉ်းကပ်ကြတာပါပဲ။ အရမ်းထောက်ခံမှု အားကောင်းရင်တော့ လုပ်ရကိုင်ရ ပိုကောင်းတာပေါ့။ ဒါပေမယ့် အစိုးရမှာလည်း နိုင်ငံရေး ဩဇာဆိုတဲ့ ဘရမ်း တစ်ခု ရှိသင့်တယ်။ ဒါကို စစ်ရေးနဲ့ တည်ဆောက်မလား။ ပေးကမ်းတာမျိုးနဲ့ သွားနိုင်မလား။ တွေးရတော့မယ်။
-------
အဓိကကတော့ အစိုးရကို Backup လုပ်ရတဲ့ တပ်ဟာ အင်အားအရ ခိုင်မာ တောင့်တင်းနေဖို့ လိုတယ်။ အစိုးရကတော့ လောလောဆယ် ရက် ၁၀၀ အချိန်ပေးထားတယ်။ ဒီရက် ၁၀၀ အသက်ဝင်ဖို့က ထိုင်စောင့်နေလို့တော့ မဖြစ်ချေဘူး ထင်တယ်။ အသံတွေ နားစွန့်ကြည့်‌ရမယ်။ တကယ်လိုချင်တဲ့ အဖွဲ့နဲ့ ဟန်ပြ အဖွဲ့ ကာလာ ခွဲရမယ်။ ဗျင်းသင့်တာလည်း ဗျင်းရလိမ့်မယ်လို့ တွေးတယ်။ ကိုယ့်မှာ ပါဝါ တစ်ခု မပြနိုင်ဘဲနဲ့တော့ ငြိမ်းချမ်းရေး အသံတွေ ထွက်ပါ့မလား။ နောင်ချို၊ ကျောက်မဲ သိမ်းခံထားရချိန် ပလောင် တပ်တွေ ဘာအသံ ထွက်ခဲ့လဲ။ စစ်ရှုံးလာခဲ့ချိန် ဘယ်လို အသံ ထွက်ကြလဲ။ ဒါက နမူနာယူရမယ့် သင်ခန်းစာ တခုလို့ပဲ မြင်တယ်။
----
ပါဆင်နယ်အမြင်အရတော့ .....လူလို သူလို ကမ်းလှမ်းခဲ့တာ ၂၀၂၂ ခုနှစ် ကာလ ကတည်းကပဲ။ ခုဆို ၂၀၂၆ တောင် ရောက်ပြီမဟုတ်လား။ ၄ နှစ်တောင် ကြာခဲ့ပြီလေ။ အစိုးရကို နိုင်ငံရေး ဩဇာ ရှိစေချင်တယ်။ တပ်မတော်ကိုလည်း နိုင်ငံရေး ကကွက်အတိုင်း မဟုတ်ဘဲ ကိုယ့်နည်း ကိုယ်ဟန်နဲ့ မာမာထန်ထန် ဖြစ်စေချင်တယ်။


(နရီမိုး)

🍀 မင်္ဂလာရှိသော နေ့ရက် ဖြစ်ပါစေ။ အကုသိုလ်ကင်းသော နေ့ရက်များ ပိုင်ဆိုင်ကြပါစေ။

🍀စိတ်၏ချမ်းသာ၊ ကိုယ်ကျန်းမာခြင်း ရှိကြပါစေ။

🍀ဘေးအန္တရာယ်ကင်းရှင်းပါစေ။ အနာမျိုး ၉၆ ပါး ကင်းဝေးပါစေ။

🍀 စာဖတ်သူအပေါင်း ဘေးအန္တရာယ် ကင်းပါစေ🙏🙏🙏

နိဗ္ဗာန်ဆိုတာ အလကားရတာမဟုတ်ဘူး။ သူ့လမ်းစဥ် သူ့လုပ်ထုံး၊လုပ်နည်းအတိုင်း ကျင့်ကြံ ကြိုးစားမှရတာ..လူတိုင်းလည်း ရနိုင်တာမဟုတ်ဘူး..
ကြိုးစားအားထုတ်သူသာရနိုင်တယ်။

လမ်းကြောင်း လည်း တိတိကျကျ ရှိနေတယ်။စိတ်ဝင်စားစရာ အကောင်းဆုံး ဖြစ်တယ်။လုပ်ရင် ဖြစ်တယ်။မလုပ်ပဲ မရှိဘူးလို့ ပြောတာ လက်ခံနိုင်ဖွယ်မရှိဘူး။

ဗုဒ္ဓ ဘာသာတွေရဲ့ နိဗ္ဗာန်ကတော့ ခန္ဓာ၊ အာယတန၊ ဓာတ် တရားတွေ အကြောင်းကို သတ်လိုက်ရင်
ကိလေသာနဲ့ ကံ ဖျတ်ဆီးလိုက်လို့
အကြောင်းကင်းသွားတဲ့ နိဗ္ဗာန်...

ပထမ ဆုံး အမှန်မြင်မှု စရမယ်။ သတ္တဝါ မရှိဘူး၊ ရုပ်နာမ်သာရှိတယ်။
ရုပ်နာမ်တွေရဲ့ အကြောင်းကို သိအောင်လုပ်ရမယ်။ရုပ်နာမ်တွေရဲ့ ဖြစ်မှု၊ပျက်မှုမှာ ပျက်မှုတွေကြည့် မြင်လာတာကြတော့ ဘင်္ဂဉာဏ်ကို ရောက်လာတယ်။

ဖြစ်မှု၊ ပျက်မှု က အင်မတန်မှ မြန်လွန်းတယ်။ သိတဲ့ ဉာဏ်က နှေးနေလို့သာ မသိနိုင်တာ...ဝိပဿနာ ရှုတာရဲ့ အထွတ်အထိပ်ကို ရောက်နေပြီလို့ ဆိုလို့ရတယ်။

အပျက်မြင်လိုက်တာနဲ့ အနိစ္စ ဆိုတာ ရှင်းရှင်းကြီး ဖြစ်သွားမယ်။အပျက်ကို ရှု့တဲ့ ဉာဏ် ရင့်သန်လာအောင် ကြိုးစား အားထုတ်ရမယ်။အရှု့ခံ ရုပ်နာမ်တရားတွေကို ကြောက်စရာလို့ မြင်လာတယ်။

အနိစ္စ၊ဒုက္ခ၊ ဖြစ်ပျက်မှု တွေ စဥ်ဆက်မပြတ် ဖြစ်နေတာဟာ ကြောက်စရာပါလားလို့ သိလာတယ်။ အတိတ်တုန်းက သင်္ခါတရားတွေ ဟာ ချုပ်ခဲ့ပြီ၊ ခု ပစ္စုပ္ပန်ကာလမှာ ချုပ်နေတုန်းပဲ...နောင်လည်း ချုပ်အုံးမှာပဲ..ပျက်စီးနေပါလား လို့ သိလာတာ ဘယဉာဏ်လို့ ခေါ်တယ်။

(ကြောက်စရာလို့ ဆုံးဖြတ်တာ..)

သင်္ခါရတရားတွေဟာ ဖြစ်ပြီးပျက်နေတယ်။အနိစ္စမမြဲတာကို ကြောက်စရာလို့မြင်လာတယ်။ဆက်လက်ပြီး ဖြစ်နေပျက်နေလို့ ဒုက္ခ...ဖြစ်ပြီးပျက်သွားတာမို့ အနတ္တတရားတွေ

သင်္ခါရတရားတွေကို ကြောက်စရာအနေအားဖြင့် မြင်လာတယ်။ဘယ်လို ဘဝမျိုးပဲ ဖြစ်နေပါစေ ဘဝဟာ မီးကျီးတွင်းလိုကြီးပဲ စိတ်ထဲမှာ ထင်မြင်လာတယ်။

ဓာတ်ကြီး ၄ပါး ဟာ အဆိပ်ပြင်းတဲ့ မြွေကြီး ၄ကောင်နဲ့ အတူတူနေရသလို စိတ်ထဲမှာ ခံစားရတယ်။ဓာတ်ကြီး ၄ပါး တစ်ခုနဲ့တစ်ခု မမျှတရင် အန္တရာယ်ရှိလာမယ်။ တစ်ခုက လွန်ကဲနေရင် သေမှာပဲ..

(အာသီဝိသောပမသုတ်၊ ဟိုဘက်ကမ်းက ငြိမ်းချမ်းတယ်)ဆိုတဲ့ တရားတော်တွေ နာယူကြည့်ပါ။

ရုပ်၊ဝေဒနါ၊ သညာ၊ သင်္ခါရ ၊ ဝိဉာဏ် ခန္ဓာ၅ပါးဟာ ဓားမိုးထားတဲ့ ရန်သူလို မြင်လာတယ်။သေတယ်ဆိုတာ ဒီခန္ဓာ က ပြန်သတ်လို့သေရတာ..။ဒွါရ ၆ ပေါက်က လူသူမရှိတဲ့ ရွာပျက်ကြီးလိုပဲတဲ့..

အဆင်း၊ အသံ၊ အနံ့၊ အရသာ၊ အထိတွေ့ ကြံတွေး အာရုံတွေ ဟာ ဓားပြ နဲ့ တူတယ်။မျက်စိထဲ အဆင်းဝင်ရောက်လာရင် ကုသိုလ် တရားတွေ ဆုံးရှုံးလိုက်ရပြန်..လောဘ၊ဒေါသ၊မောဟ ဝင်လာပြန်တယ်။

မျက်စိဆိုတဲ့ရွာကို ဓားပြ အဆင်းက ဝင်တိုက်ပြန်တယ်။ဒွါရ ၆ပေါက် ကိလေသာတွေ ဝင်နေရင် ကုသိုလ် တရားတွေ ဆုံးရှုံးနေရတယ်။

ဒီလိုပဲ ကိုယ့်သန္တန်မှာ ရှိတဲ့ အပြစ်အနာစာတွေကို မြင်လာတာ အာဒီနဝဉာဏ်လို့ ခေါ်တယ်။ခုခေတ်ဆို ပိုပေါတာပေါ့..။သင်္ခါရ တရားတွေ အားလုံးဟာ အပြစ်အနာစာတွေပဲ..အန္တရာယ်များတယ်...

ကြောက်စရာ လို့မြင်တာ..ဉာဏ်တစ်ခု
အပြစ်အနာလို့ မြင်လာတာ ဉာဏ်တစ်ခု...

ဘဝ တစ်ခုမှာ ဖြစ်လာတာ အန္တရာယ်ကြီးပဲအိုနာသေ ဘယ်သူမှ မလွတ်ဘူး။ ဘဝ ရလာတာဟာ ဘေးဒုက္ခကြီး...
မဖြစ်မှပဲ အေးချမ်းမယ်...ဖြစ်နေသ၍ ဆင်းရဲနေမှာပဲ လို့...အာဒီနဝဉာဏ် နိဗ္ဗာန်ကို ရိပ်စားမိလာတဲ့ သဘော..

ဖြစ်နေတာက သင်္ခါရ၊ မဖြစ်တာ နိဗ္ဗာန်
အတိတ်ကံကြောင့် ဖြစ်လာတာ ဒုက္ခ ရောက်ဖို့ပဲ..အာဒီနဝဉာဏ် နဲ့ မြင်တဲ့ အပြစ်အနာစာတွေပဲ..အာဒီနဝဉာဏ် က နှစ်ခုမြင်တယ်..

တစ်ဖက် အပြစ်ကိုမြင်တယ်။ တစ်ဖက်က နိဗ္ဗာန်ဘက်ကို မြင်တယ်။သင်္ခါရ တရားတွေပေါ်မှာ စိတ်ပျက်ငြီးငွေ့လာတယ်။ အဲ့ဒိဉာဏ်ဟာ နိဗ္ဗိတ ဉာဏ်လို့ခေါ်တယ်။ပျော်စရာမကောင်းဘူး၊ မလိုချင်တဲ့ အနေထားမျိုး ရှု့မြင် သုံးသပ်လာတယ်။

ပျက်တာတွေ မြင်ပြီးရင် ကြောက်စရာလို့မြင်လာတာ ၊ အပြစ်အနာစာတွေပဲ မြင်လာတယ်..ငြီးငွေ့ စိတ်ပျက်လာတာ တစ်ခု..

ဒီ ၃ခုက အတူတူပဲ...သင်္ခါရ တရားတွေကို ဘေးရန်လို့မြင်လာတဲ့အခါ ဘေးကင်းတဲ့နေရာကို လှမ်းမြင်လာတယ်။နိဗ္ဗာန်ကို စမြင်လာပြီ...

ပုထုဇဥ် တွေဟာ ဒီဉာဏ်ကို မရပဲ နိဗ္ဗာန်ကို လိုချင်တယ်ဆိုတာ ကြားဖူးရုံနဲ့ လိုချင်တာပဲဖြစ်မယ်။

ဒီဉာဏ်တွေ ရထားမှ နိဗ္ဗာန်ဆိုတာ ပိုထင်ရှားလာမယ်။ကိုယ်ရထားတဲ့ ဘဝပေါ်မှာ စိတ်ပျက်ငြီးငွေ့လာမှ နိဗ္ဗာန်ရဲ့ တန်ဖိုးကို သိလာမှာဖြစ်တယ်။

ဒါကြောင့် ဝိပဿနာ ကြိုးစား အားထုတ်ကြတဲ့ ပုဂ္ဂိုလ်တွေရဲ့ အမြင်တွေဟာ တစ်ဆင့်ပြီးတစ်ဆင့် မြင့်တက်လာမှာဖြစ်တယ်။တကယ်လက်တွေ့လုပ်ရင် တကယ်ဖြစ်လာတဲ့ အရာတွေ...

မြတ်စွာဘုရား ရဲ့ လမ်းစဥ်ရှိနေသမျှ ကာလပတ်လုံး..လမ်းစဥ်လုပ်ထုံးနဲ့ အညီ ကြိုးစား ရင်ဒီ တရားထူးတရားမြတ်ရနိုင်တယ်။ မရနိုင်ဘူးဆိုတာမရှိဘူး..

နောက်ဆုံးမှာ ဒီဘဝ မသိတောင် နောင်ဘဝတွေ သိလာနိုင်တယ်။တရားချစ်ခင်သူတော်စင်အပေါင်းတို့...
သံသရာထဲမှာရှိတဲ့ ရုပ်နာမ်တရားတွေရဲ့အပြစ်ကို ရှု့မြင်သုံးသပ်နိုင်မှ နိဗ္ဗာန်ရဲ့ တန်ဖိုးကို သိမှာ ဖြစ်တယ်လို့ နိဗ္ဗာန်တရားကို ကြိုးစားအားထုတ်နိုင်ကြပါစေကုန်သတည်း..

ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ

တန့်ဆည်ထဲက ကံထူးမဆိုတဲ့ ရွာက အရေးအခင်းကာလကတည်းက တိုက်နယ်ဆရာဝန်ကို ပြဿနာရှာဖူးတဲ့ ရာဇဝင်ရှိတဲ့ ရွာ။

တပ်ကလေကြောင်းတိုက်ခိုက်မှုကို နေ့ခင်းကြောင်တောင်တောင် ဆိုတဲ့ အချိန် ရွေးသွားတယ်။ ထိခိုက်မှုက PDF ၅ ဦး ဆိုလားပဲ။ သေချာတာကတော့ ဒီထက်များဖို့ပဲ ရှိတယ်။ ပြောချင်တာက ဘယ်လောက်တောင် သတင်းတိကျမှု ရှိလိုက်သလဲ ဆိုတာ အဓိကပြောချင်တာပါ။ နေ့လယ်၊ နေ့ခင်းဆိုတာက သာမန် ထမင်းစား နားနေချိန်မျိုးမှာ PDF တွေရှိနေတယ်ဆိုတဲ့ မက်ဆေ့ခ်ျကို တပ်က ဘယ်လို ရခဲ့တာလဲ။ စဉ်းစားဖို့ မကောင်းဘူးလား။

တဖက်မှာ အစိုးရက PDF တွေကို အလင်းဝင်ဖို့ ပြတ်ပြတ်သားသားကြေညာထားတယ်။ PDF တွေဆိုတာက NUG နောက်မြည်းဆွဲ လက်နက်ကိုင်ကြသူတွေဆိုတော့ ဘာနိုင်ငံရေး စကားမှလည်း ပြောစရာ မရှိဘူး။ ငါတို့ သမ္မတ ပြန်လွှတ်ပေးလို့ အော်ရအောင်ကလည်း ဦးဝင်းမြင့်က အပြင်ရောက်နေပြီ။

NUG ဆိုတာကလည်း လေလှိုင်းပေါ်က အစိုးရ။ PDF တွေအတွက် အားကိုးစရာအခြေအနေလည်း မရှိနေဘူး။ ငှက်ကင် ပရောဂျက်၊ နွေဦးထီ စသဖြင့် ခေါင်းစဉ်ပေါင်းစုံနဲ့ ခွက်ခေါက်ခဲ့ကြပေမယ့် မြေပြင်အတွက် အဓိက ကြတဲ့ လက်နက်/ခဲယမ်း ထောက်ပို့တွေ မလာနိုင်တော့ဘူး။ အဓိက တတိယနိုင်ငံတွေမှာ သူတို့ရှင်သန်ရေးကသာ အဓိက ဖြစ်သွားပြီလို့ ပြောလို့ရတယ်။

PDF တွေအနေနဲ့ တွေးရမှာက တပ်မတော်စစ်ကြောင်းတွေနဲ့ ယှဉ်ပြီး နာရီနဲ့ချီပြီး တိုက်ပွဲ ဖြစ်ဖို့ လက်နက်/ ခဲယမ်း လုံလောက်ရဲ့လား ဆိုတဲ့ မေးခွန်းပဲ။ ဒီကာလတွေမှာ အခွန်ဆက်ကြေးနဲ့ ရှင်သန်နိုင်သေးပေမယ့် ရေရှည် မှာ ပြည်သူလူထုက အခွန်ဆက်ကြေး ပေးချင်ပါ့မလား။ ရိက္ခာအခက်အခဲနဲ့ မကျန်းမာရင်တောင် ဆေးကုဖို့ မလွယ်တဲ့ အခြေအနေကြားမှာ ဘယ်နှစ်နှစ်အထိ ဆက်သွားနိုင်ကြမလဲ။

ကံထူးမလိုမျိုး သတင်းပေး သေချာမှုနဲ့ လေကြောင်း ရှင်းခံရတာမျိုးဆိုရင် ဘယ်လို လုပ်ကြမလဲ။ ဉာဏ်ရှိရင်တော့ သေနတ်တစ်လက်ယူပြီး နီးစပ်ရာမှာ အလင်းဝင်လိုက်တာက ဆုကြေးငွေ သိန်း ၁၀၀ နဲ့ ဘဝအာမခံချက် သေချာဦးမယ်။


(နရီမိုး)

◾️ PDF တွေအတွက် အလင်းဝင်ဖို့ ရက်(၁၀၀) အချိန်ပေးပြီးတဲ့နောက်မှာ NSPCC ကနေ EAO တွေအတွက် တိုက်ရိုက်ရည်ရွယ်တဲ့ ငြိမ်းချမ်းရေးဖိတ်ခေါ်ကြေညာချက်တစ်စောင် ထုတ်ပြန်လာခဲ့တယ်။ ဒီထဲမှာ အရေးပါတဲ့ စကားလုံးတွေပါသလို ထူးခြားချက်တွေလည်းရှိ တယ်။ ပထမဆုံးအချက်ကတော့ “လွတ်လပ်ပြီး ကြိုတင်ကန့်သတ်ချက်မထားတဲ့ ဆွေးနွေးပွဲ” ဆိုတာနဲ့ “လေးနက်စွာ ဖိတ်ခေါ်ပါတယ်” ဆိုတဲ့ အသုံးအနှုန်းပဲ။

----------

◾️ ဒုတိယထူးခြားမှုအပိုင်းမှာ NCA လက်မှတ်ရေးထိုးတဲ့ အဖွဲ့တွေအပြင်၊ လက်မှတ်မထိုးရ သေးတဲ့အဖွဲ့တွေကိုပါ တပြေးညီ ဖိတ်ခေါ်ထားတဲ့ ကိစ္စပဲ။ ဒါက အရင် ဆွေးနွေးပွဲတွေမှာ မမြင်ရတဲ့ ကမ်းလှမ်းချက်ပုံစံလည်းဖြစ်တယ်။ ဆိုလိုတာက…NCA လက်မှတ်ရေးထိုးထား တဲ့အဖွဲ့မဟုတ်လည်း ဒီဆွေးနွေးပွဲကို လာပြီး နိုင်ငံရေးစကားလာပြောလို့ရတယ်ဆိုတဲ့ ဖိတ်ခေါ်ချက်မျိုးပဲ။

--------

◾️ တတိယအချက်ကတော့ အချိန်ကန့်သတ်ချက်ပေးထားတဲ့ DeadLine မျဉ်းပဲ။ ဖိတ်ခေါ်စာရဲ့ အကျုံးဝင်မှုက ဧပြီ ၂၁ ရက်ကနေ ဇူလိုင်လ ၃၁ ရက်နေ့အထိပဲ အကျုံးဝင် မယ်။ တစ်ဖက်မှာ NUG နဲ့ပူးပေါင်းထားတဲ့ SCEF ဆိုတဲ့ စင်ပြိုင်တစ်ဖွဲ့ရှိနေ တယ်။ ဆိုတော့…ဘယ်လိုအလားအလာတွေ ရှိလာနိုင်မလဲဆိုတာ..အတော်လေးစိတ်ဝင် စားဖို့ ကောင်း တယ်။

--------

◾️ ကိုယ့်အနေနဲ့ အစိုးရဘက်က Deadline မျဉ်းတားထားတာကို ပိုသဘောကျတယ်။ နဂိုကတည်းက ငြိမ်းချမ်းရေးလည်း စိတ်မဝင်စားတဲ့ အဖွဲ့တွေကတော့ အကြောင်းပြချက် မျိုးစုံပေးပြီး ငြင်းမှာပဲ။ ဒါပေမယ့်အစိုးရသစ်တက်လာပြီးကတည်းက နိုင်ငံရေးအကျဉ်း သားတွေ လွတ်ပေးသလို ပြစ်ဒဏ်လျော့ပေါ့တာတွေလည်း လုပ်ပေးနေတယ်။ တစ်ဖက်မှာလည်း ငြိမ်းချမ်းရေးအတွက် တွေ့ဆုံဆွေးနွေးဖို့ အစိုးရဘက်က ကမ်းလှမ်း တယ်ဆိုတဲ့ အနေအထားက ပြည်တွင်း/ပြည်ပ မီဒီယာတွေမှာ ဝေဝေဆာဆာ ဖြစ်နေ လောက်ပြီ။

--------

◾️တစ်ခုရှိတာက…ကန့်သတ်မထားတဲ့ ငြိမ်းချမ်းရေးဆွေးနွေးပွဲဆိုပေမယ့် စည်းလွတ်၊ ဘောင်လွတ်အနေ အထားမျိုးတော့ ခွင့်ပြုမှာမဟုတ်ဘူး။ ဖြစ်သင့်ဖြစ်ထိုက်တဲ့ အနေ အထားမျိုးတော့ သွားဖို့လိုတာမျိုး တွေ့ရတယ်။ ဒီသတ်မှတ်ထားတဲ့ ကာလမှာ ငြိမ်းချမ်းရေး ဆွေးနွေးပွဲကို ဘယ်အဖွဲ့တွေ လေးလေးနက်နက် လာပြီး ဆွေးနွေးလဲဆိုတာ က နိုင်ငံတကာကစောင့်ကြည့်နေသလို လွှတ်တော်တွေကလည်း မှတ်တမ်းတင်သွားမှာပဲ။ အစိုးရသစ်လက်ထက်မှာ လက်နက်ကိုင် ပဋိပက္ခကို နိုင်ငံရေး နည်းလမ်းနဲ့ ဖြေရှင်းဖို့ ပထမဆုံး တရားဝင် ကမ်းလှမ်းချက်ကို ငြင်းလိုက်ရင် ဘာအကျိုး သက်ရောက်မှု ရှိလာနိုင်မလဲဆိုတာ EAO တွေကိုယ်တိုင်ဆုံးဖြတ်ကြဖို့လိုလာပြီလို့ မြင်တယ်။ လိုအပ်ရင်… အစိုးရအနေနဲ့ ပြည်သူ့ ဆန္ဒသဘောထားမှတ်ချက်တောင်းခံလိုက်ပေါ့။ စစ်ကိုမုန်းနေတဲ့ ပြည်သူတွေဆီမှာ လူမျိုးတစ်မျိုးခြင်းစီအလိုက်သာ ကိုယ်စားပြုနေတဲ့ EAO တွေကို ဘယ်လို သဘောထားမှတ်ချက်ပေးမယ်ယူဆသလဲ။ ငြိမ်းချမ်းရေးကဏ္ဍက သိပ်တော့ စိတ်ဝင်စားစရာကောင်းလာသလိုပဲ။



(နရီမိုး)

◾️ တကယ်တော့ အစိုးရသစ်ရဲ့ ရက် (၁၀၀) စီမံကိန်းထဲမှာ ချက်ချင်းခံစားခွင့်ရနိုင်တဲ့ ကိစ္စ ဆိုလို့ နည်းနည်းပဲပါတယ်။ အဲ့ဒီအထဲက မြန်မြန်ဆန်ဆန်ရမယ့်ကိစ္စဆိုလို့ တောင်သူတွေ အတွက် ချေးငွေ ကိစ္စလို့ပဲ မြင်တယ်။ ကျန်တဲ့ လမ်းတွေ အဆင့်မြှင့်တင်မှာ၊ ငလျင်ကြောင့် ထိခိုက်ပျက်စီးခဲ့ရတဲ့ အဆောက်အအုံတွေ ဆောက်လုပ်မယ့်ကိစ္စတွေ၊ ပညာရေး ဘတ်ဂျက်သုံးမယ့် ကိစ္စ တွေ…ဒါတွေက ရက် (၁၀၀)နဲ့ လုံလောက်တဲ့ကိစ္စတွေ မဟုတ်နေ ဘူး။ သဘောက… ချက်ခြင်းမြင်တွေ့ခွင့်ရတဲ့ စီမံကိန်းတွေမဟုတ်ဘူး။

---------

◾️ ဒါပေမယ့် သက်ဆိုင်ရာ ဝန်ကြီးဌာနတွေအနေနဲ့ သမ္မတကြီးရဲ့ မိန့်ခွန်းတွေကို (လွှတ်တော် မခေါ်ခင် (၁) ကြိမ်၊ ကျမ်းသစ္စာဆိုချိန် (၁) ကြိမ်နဲ့ နှစ်သစ်ကူးမိန့်ခွန်းမှာ (၁)ကြိမ်) နားထောင် နေမယ်ဆိုရင်တော့…ကိုယ့်ဝန်ကြီးဌာနအလိုက် ဘာလုပ်သင့်တယ် ဆိုတာမျိုးတော့ မြင်သင့်တယ်လို့ ယူဆတာပဲ။ ဒီချိန်မှာ သမ္မတကြီးရဲ့ ရက်(၁၀၀)စီမံကိန်း ကို ချပြရှင်းလင်းတာထက်…ငါတို့ ဘာဆက်လုပ်ကြမယ်ဆိုတာမျိုးအထိ ဖြစ်သင့်နေပြီလို့ တွေးမိတာပဲ။

------

◾️ ဒီရက်ပိုင်းမှာ ရက် (၁၀၀) ပုံစံနဲ့ ကိုက်ညီတဲ့ ကိစ္စလေးတွေတော့ တစ်ချို့မြင်ရတယ်။ ဥပမာ ပြည်တွင်းထုတ်စွမ်းအင်တွေကို တောင်သူတွေကို ရောင်းပေးတာမျိုး၊ သက်ကြီး ဘိုးဘွားတွေကို အပူရှောင်စခန်းမှာ ထားပေးတာမျိုး၊ မနေ့က ကြေညာလာတဲ့ ငြိမ်းချမ်းရေးဆိုင်ရာ ဖိတ်ခေါ်ချက်မျိုး၊ ပဲခူးတိုင်းမှာ အငြိမ်းစားဝန်ထမ်းတွေကို အခမဲ့ ကျန်းမာရေးစောင့်ရှောက်ပေးတာမျိုး၊ ပို့ဆောင်ရေးအပိုင်းမှာ DEMU အမြန်ရထားကို ရန်ကုန်-မန္တလေးအထိ ပြေးဆွဲလာတာမျိုး…စသဖြင့် ဒါလေးတွေတော့ မြင်လာရတယ်။

--------

◾️ တကယ်ဆိုရင် ဝန်ကြီးဌာနအလိုက် ဒီရက် (၁၀၀)အတွင်းမှာ ဝန်ကြီးဌာနအတွက်ရော၊ အစိုးရအတွက်ပါ မျက်နှာပွင့်မယ့် Quick-win ကိစ္စတွေအများကြီး လုပ်လို့ရသေးတယ်။ ဥပမာ-သာမန်အောက်ခြေပြည်သူတွေအတွက် အခြေခံစားသုံးကုန်တွေ ဘယ်လို ထောက်ပံ့ပေးမလဲ။ ဘယ်လိုစောင့်ကြည့်စစ်ဆေးအယူနိုင်မယ့် အဖွဲ့တွေ ဖွဲ့စည်းပေး နိုင်မလဲ၊ ချေးငွေအပြင် စိုက်/မွေးအတွက် မျိုးစေ့၊ မြေဩဇာနဲ့ ပိုးသတ်ဆေးတွေကို ဘယ်လိုထောက်ပံ့ပေးမလဲ။ ရန်ကုန်လိုမျိုး မြို့ပြကြီးရဲ့ သယ်ယူပို့ဆောင်ရေးစနစ်ကို ဘယ်လို Upgrade လုပ်မလဲ။ မြစ်ရေတင်စီမံကိန်းနဲ့ မီးလင်းဖို့အတွက် ဆိုလာစနစ်ကို ဘယ်လိုမူဝါဒတွေနဲ့ တင်သွင်းခွင့်ပြုနိုင်မလဲ၊ တစ်နိုင်ငံလုံးအတိုင်းအတာနဲ့ အခမဲ့ ကျန်းမာရေးစစ်ဆေးမှုတွေ၊ အငြိမ်းစားနိုင်ငံဝန်ထမ်းတွေကို ဘယ်လို ကျန်းမာရေး စောင့်ရှောက်မှုပေးမလဲ၊ လူမှုဝန်ထမ်းဆိုရင်လည်း သက်ကြီးရွယ်အိုနဲ့ မိဘမဲ့ကလေး တွေကို ဘယ်လိုထောက်ပံ့ပေးမလဲ။ နိုင်ငံခြားရေး၊ လဝက၊ ကညန တွေဆို ဘယ်လို One Stop Services ပေးနိုင်မလဲ..စသဖြင့် အများကြီးပဲ။

----------

◾️ဆိုတော့….ဝန်ကြီးဌာနတစ်ခုချင်းစီတိုင်းမှာ …အိပ်ကပ်ထဲက စိုက်ပေးရတာမဟုတ်တဲ့ ပြည်သူ့ဝန်ဆောင်မှု Services တွေ အများကြီး ထုတ်ပေးလို့ရတယ်။ ပြည်သူအတွက် စေတနာရှိတဲ့ ရေရှည်မဟာဗျူဟာမြောက်စီမံကိန်းတွေ လုပ်တာကလည်း တစ်ပိုင်း သပ်သပ်ပေါ့။ နိုင်ငံရေးမှာတော့ (၅)နှစ်သက်တမ်းနဲ့သွားရတဲ့အချိန်မှာ…ပြည်သူတွေ မျက်စိရှေ့မှောက် “ဟပ်ချလောင်း”ဆိုပြီး ပြောင်းလဲသွားတဲ့ကိစ္စတွေ ဖြစ်ဖို့လည်း လုပ်ပြနိုင်ဖို့ အရေးကြီးတယ်။



(နရီမိုး)