" ရဲရဲရှာ " လူထုကမ်ပိန်း 🔴

ဧပြီလ (၂) ရက်၊တနင်္ဂနွေနေ့တွင် " ရဲရဲရှာ " လူထုကမ်ပိန်းကို နိုင်ငံတော်အနှံ့အွန်လိုင်းမှပြုလုပ်သွားမည်ဖြစ်သည်။

ပြည်သူလူထုတရပ်လုံးအနေဖြင့် Facebook ရှိ Search Bar တွင် အောက်ပါစကားလုံးများကို အတူတကွ ရေးသားရှာဖွေကြမည်။

နွေဦးတော်လှန်ရေး
တော်လှန်သင်္ကြန်
FDC

နေ့ရက် - ဧပြီ (၂) ရက်၊ ၂၀၂၃ ခုနှစ်

#ရဲရဲရှာလူထုကမ်ပိန်း
#OCTOPUS #ရေဘဝဲ

ရန်ကုန်မြို့ရဲ့" ပြန်ဆုံနိမိတ်နဲ့ ရန်ကုန်သပိတ် " (ရုပ်၊သံ)

အကြမ်းဖက်စစ်ကောင်စီ၏ မတရားဖမ်းဆီးသတ်ဖြတ်မှုများပြုလုပ်နေသည့် ရန်ကုန်မြို့တနေရာတွင် ရေဘဝဲနှင့်မဟာမိတ်အဖွဲ့အစည်းများမှ "ပြန်ဆုံနိမိတ်နဲ့ ရန်ကုန်သပိတ်" စာသားပါတပ်ဦးအလံကိုကိုင်ဆွဲကာ စစ်အာဏာရှင်ဆန့်ကျင်ရေး ပြောက်ကျားသပိတ်တိုက်ပွဲဆင်နွှဲခဲ့ကြသည်။

အဆိုပါသပိတ်ကို

- ရေဘဝဲ (ပြည်သူ့အကျိုးပြု လူငယ်အဖွဲ့အစည်း)မှ ဦးဆောင်ကာ ပြည်သူလူထုနှင့်အတူ

- အခြေခံပညာကျောင်းသားလူငယ်များအစည်းအရုံး(အကလ-ဗဟို)

- Labour Alliance အဖွဲ့ဝင် (CTUM)

- စမ်းချောင်းပင်မ သပိတ်စစ်ကြောင်းတို့ပေါင်းဆုံ၍ Youth Scout for Democracy (Y.S.D) ၏​မြေပြင်ကင်း​ထောက်ပံ့ပိုးမှုဖြင့် လူထုသပိတ်တိုက်ပွဲကိုဆင်နွှဲခဲ့ကြသည်။

ဇွန်လ ၅ ရက်၊ ၂၀၂၃ ခုနှစ်

#ပြန်ဆုံနိမိတ်နဲ့ရန်ကုန်သပိတ်
#OCTOPUS #ရေဘဝဲ

မြို့ပြကို CCTV နဲ့မသတ်နဲ့ 🚫

ရန်ကုန်၊ မန္တလေးအပါအဝင် မြို့ပြနေမိဘပြည်သူများခင်ဗျာ
ကျွန်ုပ်တို့တော်လှန်ရေးအဖွဲ့အစည်းများနှင့် တော်လှန်ရေးရဲဘော်များဟာ အာဏာရှင်၏လက်အောက်မှရုန်းထွက်ပြီး ညီညွတ်မျှတ အေးချမ်ဖွံ့ဖြိုးသော ဖက်ဒရယ်နိုင်ငံ‌တော်သစ်တည်ဆောက်နိုင်ရေးနှင့်ပြည်သူတရပ်လုံးဆုံးရှုံးနေခဲ့ရသော လွတ်လပ်ခြင်း၊ တရားမျှတခြင်း၊ ကိုယ်ပိုင်လူ့အခွင့်အရေးများပြန်လည်ရရှိနိုင်ရန် လိုအပ်နေသောဒီမိုကရေစီစနစ်အား ပြန်လည်ရယူနိုင်ရန်အတွက် အသက် သွေး ချွေး အနာဂတ်နှင့် မိသားစုဘဝများကိုပါစွန့်လွှတ်တိုက်ပွဲဝင်လျက်ရှိပါသည်။

ထိုသို့တိုက်ပွဲဝင်နေသောကာလအတွင်း အသက်များကိုစတေးခဲ့ရသည်မှာလည်းစာရင်းပြုစု၍ပင်မရအောင် အလွန်အမင်းများပြားခဲ့ပါပြီ။ ထိုသိုစတေးခံခဲ့ရသည်များထဲမှ အချို့မှာမစတေးသင့်ပဲစတေးလိုက်ရသည့်အခြေအနေများလည်းရှိခဲ့ပါသည်။ ထိုအကြောင်းအရာမှာ လမ်းမများပေါ်မှ CCTV ဟူသည့် လုံခြုံရေးကင်မရာများကြောင့်သာဖြစ်ပါသည်။

🔴 မြို့ပြနေ မိဘပြည်သူများခင်ဗျာ
တရားဥပ ဒေစိုးမိုးမှုမရှိသည့် ခေတ်ပျက်ကာလအတွင်း ပျက်စီးယိုယွင်းနေသော နိုင်ငံအတွင်းနေထိုင်ရသောကြောင့် မိမိတို့၏အိုးအိမ်ဥစ္စာများအား ကာကွယ်စောင့် ရှောက်ရန် CCTV များတပ်ထားခြင်းမှာ ဖြစ်သင့်သောလုပ်ဆောင်ချက်တစ်ခုဟု ကျွန်ုပ်တို့ နားလည်သိရှိပြီးဖြစ်ပါသည်။

သို့ပါသော်ငြားလည်း CCTV များအား မလိုအပ်သောနေရာများသို့ ချိန်ထားခြင်း၊ မလိုအပ်သောနေရာများတွင် အပိုတပ်ဆင်ထားခြင်းများကြောင့် မလိုလားအပ်သောဆုံးရှုံးမှုများဖြစ်ပါ်နေသည့်အတွက် CCTV တပ်ဆင်ရာတွင် မိမိတို့ပစ္စည်းဥစ္စာများ၊ မိမိတို့အိမ်အဝင်တံခါးများ၊ ဆိုင်အတွင်းဧရိယာ၊ ကားပါကင်၊ ခြံဝင်းအတွင်းသို့သာလှည့်ပြီးတပ်ဆင်ထားကြပါရန်နှင့် မလိုအပ်သည့်အများပြည်သူသွားလာလှုပ်ရှားနေသော လမ်းမများ၊ မိမိတို့အိမ် ဆိုင် ရုံးခန်းဧရိယာကို ကျော်လွန်၍ချိန်ရွယ်တပ်ဆင်ထားခြင်းများကို မပြုလုပ်ကြပါရန်၊ CCTV မှတ်တမ်းများကိုလည်း ရက်အနည်းငယ်တစ်ကြိမ်ဖျက်ပေးကြရန်အနူးအညွတ် တောင်းဆိုလိုက်ပါရစေခင်ဗျာ။

မိမိတို့နေအိမ်၊ ရုံးခန်း၊ ဆိုင်ခန်းများအနီး သပိတ်အသံကြားခြင်း၊ ပြစ်ခတ်ပေါက်ကွဲသံကြားခြင်း၊ တော်လှန်ရေးရဲဘော်များကမ်ပိန်းလုပ်ခြင်းများ တွေ့မြင်ရလျှင်လည်း မိမိတို့ CCTV မှတ်တမ်းများကို ကြိုတင်ဖျက်ပေးထားကြပါရန်လည်းတောင်းဆိုပါရစေ။

မိမိတို့ကိုယ်ရေးကိုယ်တာ ပိုမိုလုံခြုံစေရန် မလိုအပ်သော CCTV တပ်ဆင်ထားခြင်းဟာ မြို့ပြ‌တွင်တိုက်ပွဲဝင်နေကြပါသော တော်လှန်ရေးတပ်သား၊ ရဲဘော်များ၏ လှုပ်ရှားမှုများကိုထိခိုက်စေရုံမျှမက ထိုလှုပ်ရှားသူတို့အား အသက်များပေးဆပ်စေနိုင်သည်မှာ အမှန်ပင်ဖြစ်ပါသည်။ ထိုသူများတွင်လည်း မိသားစုရှိပါသည်၊ အနာဂတ်များ၊ အိပ်မက်များ၊ တန်ဘိုးထားရသောသူများရှိပါသည်။

အကြမ်းဖက်စစ်တပ်ဟာ တော်လှန်ရေးရဲဘော်များအားဖမ်းဆီးသတ်ဖြတ်ပြီး ၎င်းတို့၏အာဏာတည်မြဲရေးနှင့် ပြည်သူလူထုအားစစ်ကျွန်ဘဝတွင်းနှစ်မြှုတ်နိုင်ရေးအတွက် CCTV များအကူအညီဖြင့်စုံစမ်း ဖော်ထုတ်လျက်ရှိပါသည်။ ယခုလ ပထမအပတ်ထဲအတွင်း မြို့ပြရဲဘော်များ mission ပြုလုပ်အပြီး အဖွဲ့လိုက်ဖမ်းဆီးခံလိုက်ရသည့်အဖြစ် နှစ်ကြိမ်ရှိပြီး ရဲဘော်ဆယ်ဦးထက်မနည်းမတရားဖမ်းဆီးနှိပ်စက်ခံလိုက်ရပါသည်။

သို့ပါသောကြောင့် မြို့ပြနေမိဘပြည်သူများအနေဖြင့် မိမိတို့၏ CCTV ဖြင့် မြို့ပြတော်လှန်ရေးရဲဘော်များအား အကျဉ်းစံ၊ ကြိုးစင်ပေါ်မတက်ရအောင် ကူညီစောင့် ရှောက်ပေးကြပါရန် လေးစားစွာ မေတ္တာရပ်ခံပါသည်။ တော်လှန်ရေးရဲဘော်များအားမှတ်တမ်းမယူထားမိခြင်းဖြင့်တော်လှန်ရေးတွင် နိုင်ရာတာဝန်ထမ်းဆောင် ပေးပါခင်ဗျာ။

🔴 CCTV ဓာတ်ပုံကမ်ပိန်း

ဤကမ်ပိန်းအား ရက်အကန့်အသတ်မရှိပြုလုပ်ပါသည်။
မိမိတို့မျက်နှာအားလုံခြုံ စွာအုပ်၍ စာရွက်အဖြူပါ်တွင် ယခုကမ်ပိန်းနှင့်သက်ဆိုင် သောစာသားရေး၍ဖြစ်စေ၊ No CCTV on public area, No CCTV, မြို့ပြကို CCTV နဲ့မသတ်နဲ့၊ No CCTV for Urban Revolution, CCTVသည် ဝောာ်လှန်ရေးအဖွဲ့အစည်းများကို ဒုက္ခပေး‌ေနသည်၊ CCTV အန္တရာယ်ကို UGများအထူးသိတိထားကြပါ စသောစာသားများရေး၍ဖြစ်စေ၊ လက်နှစ်ချာင်းအား cross ❌ sign လုပ်၍ဖြစ်စေ ပါဝင် ပေးနိုင်ပါတယ်။

ပြည်သူ့အရေးတော်ပုံ မုချအောင်မြင်ရမည်

#NoCCTVforUrbanRevolution
#OCTOPUS #ရေဘဝဲ

သောကြာနေ့ လကုန်ပါပြီ 💸
နတ် Pay ကနေ ၅၀၀၀ ထောက် > ရေဘဝဲတွေဆီအရောက်

ကျွန်မတို့ဟာ လူငယ်တွေစုပေါင်းပြီးလှုပ်ရှားနေတဲ့ အကြမ်းမဖက် လမ်းပေါ်နိုင်ငံရေးအထူးပြုအဖွဲ့အစည်းဖြစ်တယ်ဆိုတာ အားလုံးလည်းသိရှိပြီးဖြစ်မှာပါရှင်

ကျွန်မတို့အားလုံး လုံခြုံရေးအတွက်အိမ်တွေကိုစွန့်ခွါ
အလုပ်တွေလည်းရပ်နားထားကြရလို့ ကာလကြာလာတဲ့အခါ လှုပ်ရှားမှုတွေအတွက်အပြင် နေရေးထိုင်ရေးတိမ်းရှောင်စားသောက်ဖို့တွေအတွက်ပါ အကူညီလိုအပ်လျက်ရှိပါတယ်

အဲ့ဒါကြောင့် ကျွန်မတို့ရဲ့မိဘပြည်သူတွေအနေနဲ့ လစာထုတ်ရက်လေးမှာ ကိုယ့်ရဲ့ဝင်ငွေအချို့ကို တော်လှန်ရေး မှာပါဝင်နေတဲ့ မြေပြင်အဖွဲ့အစည်းတွေအတွက် တိုက်ရိုက်ထောက်ပို့မယ်လို့ စိတ်ကူးထားရင် ကျွန်မတို့ ရေဘဝဲ (ပြည်သူ့အကျိုးပြု လူငယ်အဖွဲ့အစည်း) ကိုလည်းသတိရပေးပါလို့မေတ္တာရပ်ခံချင်ပါတယ်ရှင်

ဆက်သွယ်ရန် 👇👇👇
OCTOPUS Facebook Page:
https://www.facebook.com/octopusyangon/

#OCTOPUS #ရေဘဝဲ #ရန်ကုန်

လူထုအင်အား ✊️

#PeoplePower2023
#OCTOPUS #ရေဘဝဲ

▪️အာဏာလု ရက်ပေါင်း (၁၀၀၀)

အာဏာလု ရက်ပေါင်း (၁၀၀၀) ပြည့်မယ့် အောက်တိုဘာ (၂၉) ရက်နေ့မှာ စင်ကာပူအစိုးရကို စာပို့ပြီး စင်ကာပူနိုင်ငံကနေ အကြမ်းဖက်စစ်တပ်ကို လက်နက် ရောင်းချနေတာတွေကို တားမြစ် အရေးယူပေးဖို့နဲ့ စင်ကာပူ ဘဏ္ဍာရေးစနစ်တွေ အကြမ်းဖက်စစ်အုပ်စုကို အသုံးပြုခွင့်ပေးနေတာတွေကို ရပ်တန့်ပေးဖို့ တောင်းဆိုသွားကြပါမယ်။

ဒီလှုပ်ရှားမှုမှာ ပြည်သူတစ်ဦးချင်းစီတိုင်း လက်မှတ်ရေးထိုးပြီး ပါဝင်ကြမှာဖြစ်ပါတယ်။

✒️လက်မှတ်ထိုးရန် အောက်ပါလင့်အားနှိပ်ပါ -

https://actionnetwork.org/petitions/c3fbe2d39f1663281b48a93e6c2300e0e9598300?source=direct_link

#DoMoreSingapore #Singapore
#WhatsHappeningInMyanmar
#OCTOPUS #ရေဘဝဲ

❝ ငါတို့ပြန်လာမယ် ❞

ယနေ့ကျရောက်သော နွေဦးတော်လှန်ရေး ရက်ပေါင်း (၁၀၀၀) ပြည့်တွင် ရေဘဝဲ (ပြည်သူ့အကျိုးပြု လူငယ်အဖွဲ့အစည်း) မှ ကဗျာဆရာ ကေဇဝင်း၏ " ငါတို့ပြန်လာမယ် " ကဗျာအားရွတ်ဖတ်ခြင်း။ (စတုတ္ထအကြိမ် နွေဦးအောင်လံ ဆုတောင်းပွဲအခမ်းအနားမှ ရုပ်သံ)

ရက်ပေါင်းတစ်ထောင်မှသည် လူထုအောင်ပွဲဆီသို့

ရေဘဝဲ ဖေ့စ်ဘုတ် - https://www.facebook.com/octopusyangon?mibextid=ZbWKwL

ရေဘဝဲ တယ်လီဂရမ် - https://t.me/OCTOPUSMYANMAR

#တော်လှန်အလင်းဆောင်ရက်တစ်ထောင်
#ကေဇဝင်း
#OCTOPUS #ရေဘဝဲ

" ရန်ကုန်မှာပြန်ဆုံမယ် " စာတန်းအား ရွှေတိဂုံစေတီတော် အရှေ့ဘက်စောင်းတန်းတွင် ရေဘဝဲချိတ်ဆွဲ၊
အရပ်ဝတ်များမှ လိုက်လံဖမ်းဆီး

နိုဝင်ဘာ ၂၇၊ရန်ကုန်

လုံခြုံရေးအထူးတင်းကြပ်ထားသည့် ရန်ကုန်မြို့၊ရွှေတိဂုံစေတီတော် အရှေ့ဘက်စောင်းတန်းတွင် ရေဘဝဲ (ပြည်သူ့အကျိုးပြု လူငယ်အဖွဲ့အစည်း)မှ ရန်ကုန်မှထွက်ခွာ၍ နိုင်ငံတော်တဝှမ်းနှင့် ကမ္ဘာ့နိုင်ငံအသီးသီးသို့ ရောက်ရှိနေကြသောတော်လှန်ရေးရဲဘော်ရဲဘက်များ၊အကျဥ်းထောင်အသီးသီးသို့ရောက်ရှိနေကြသော နိုင်ငံရေးအကျဥ်းသားရဲဘော်ရဲဘက်များ နှင့် ရန်ကုန်ပြည်သူလူထုတို့ ရန်ကုန်တွင်ပြန်ဆုံကြမည်ဟူသော ရည်ရွယ်ချက်ဖြင့်ရန်ကုန်လူထုနှင့်အတူ "ရန်ကုန်မှာပြန်ဆုံမယ်" စာတန်းအားချိတ်ဆွဲ၍ စစ်အာဏာရှင်ဆန့်ကျင်ရေးလှုပ်ရှားမှု ပြုလုပ်ခဲ့ကြသည်။

အဆိုပါ စာတန်းအားချိတ်ဆွဲနေစဥ် ဂေါပကအဖွဲ့ဝင်လုံခြုံရေးများ၏လှုံ့ဆော်မှုဖြင့် အနီးဝန်းကျင်ရှိအရပ်ဝတ်များမှ အော်ဟစ်ဆဲဆိုကာ လိုက်လံဖမ်းဆီးခဲ့ကြသော်လည်း ရေဘဝဲများ ဘေးကင်းလွတ်မြောက်ခဲ့သည်။

ရေဘဝဲ ဖေ့စ်ဘုတ် - https://www.facebook.com/octopusyangon?mibextid=ZbWKwL

ရေဘဝဲ တယ်လီဂရမ် - https://t.me/OCTOPUSMYANMAR

#ရန်ကုန်မှာပြန်ဆုံမယ်
#YangonStrikes #ရန်ကုန်သပိတ်
#OCTOPUS #ရေဘဝဲ

ရန်ကုန်မြို့တွင် "အာဏာရှင်အလိုကျ ကြိုးဆွဲရာကမင်းတို့ဘဝ" ဟူသောစာသားဖြင့် သရုပ်ပြသပိတ်လှုပ်ရှားမှုပြုလုပ်

၂၀၂၄ခုနှစ်၊ ဇန်နဝါရီလ (၂၈)ရက်၊

ရန်ကုန်တွင် "အာဏာရှင်အလိုကျ ကြိုးဆွဲရာက မင်းတို့ဘဝ" ဟူသောစာသားပါ ဘန်နာအား ဖြန့်ခင်းလျက် သရုပ်ပြသပိတ်လှုပ်ရှားမှုပြုလုပ်ခဲ့သည်။

ယင်းသရုပ်ပြ၊ သပိတ်လှုပ်ရှားမှုတွင် လူထုကြား၌ ဘီလူးခေါင်းဆောင်းထားသော သွေးစွန်းနေသည့်ဝတ်စုံဝတ်ထားသည့် Non-CDM ကျောင်းဆရာမှ ဆုတံဆိပ်ကိုင်ထားသော Non-CDM ကျောင်းသားအား ရုပ်သေးရုပ်ကဲ့သို့ ကြိုးများဖြင့် ထိန်းချုပ်နေသကဲ့သို့ ပုံရိပ်ဖြင့် ကြွေးကြော်သံအော်ပြီး သရုပ်ပြလှုပ်ရှားခဲ့ကြခြင်းဖြစ်သည်။ ယင်းလှုပ်ရှားမှုသည် အာဏာရှင်လက်အောက်မှ ထိန်းချုပ်ခံနေသည့် အဖြစ်ကို စစ်ကောင်စီဘက်တော်သားများနှင့် Non-CDM ကျောင်းသားများအား ကျွန်အဖြစ်မှ ရုန်းထွက်ကြရန်ဆိုလိုပြီး ရက်စက်သောအာဏာရှင်၏ သရုပ်မှန်ကိုဖော်ပြထားခြင်းဖြစ်သည်။

ယင်းလှုပ်ရှားမှုကို အခြေခံပညာကျောင်းသားလူငယ်များအစည်းအရုံး (အကလ-မြေပြင်)မှ ဦးဆောင်ထားပြီး ရေဘဝဲ (ပြည်သူ့အကျိုးပြုလူငယ်အဖွဲ့အစည်း)၊ Owl Community တို့၏ ညီညွတ်သောမဟာမိတ်လှုပ်ရှားမှုဖြင့် ပြုလုပ်ခဲ့ကြပြီး Youth Scout for Democracy မှ ကင်းထောက်ပံ့ပို့ပေးခဲ့ခြင်းဖြစ်သည်။

ထိုသပိတ်လှုပ်ရှားမှုပြုလုပ်ရာတွင် အကြမ်းဖက်စစ်တပ်၏ အရပ်သားဟန်‌ဆောင်ထားသော စစ်ကျွန်များမှ လိုက်လံဖမ်းဆီးခြင်းရှိပြီး မြေပြင်သပိတ်ရဲဘော်များအနေဖြင့် ဘေးကင်းလွတ်မြောက်ခဲ့ပါသည်။

#YangonStrike
#OCTOPUS #ရေဘဝဲ