“မပြီးဆုံးသေးတဲ့ ၈ လေးလုံး

လူထုလွတ်မြောက်ရေး ဒို့အတူရုန်း”
▬▬▬▬▬▬▬▬▬▬▬▬▬▬▬

ယခုလာမယ့် ဩဂုတ်လ (၈) ရက်ဟာ မြန်မာ့နိုင်ငံရေးသမိုင်းမှာ အထင်ကရ နေ့ရက်တစ်ခုဖြစ်တဲ့ ရှစ်လေးလုံး (၈၈၈၈) လူထုအရေးတော်ပုံကြီး (၃၄) နှစ်ပြည့် နှစ်ပတ်လည်နေ့ ဖြစ်ပါတယ်။

မြန်မာ့နိုင်ငံရေးမှာ ရှစ်လေးလုံး အရေးတော်ပုံကြီးရဲ့ အခန်းကဏ္ဍက လေးနက်စွာ မှတ်တမ်းတင်ထားရမယ့် လူထုသမိုင်းမှတ်တိုင်ကြီးလည်း ဖြစ်ပါတယ်။ ဒီအရေးတော်ပုံကြီးအတွင်းမှာ လူထုတိုက်ပွဲအင်အားကြောင့် အာဏာရှင် သမ္မတဆိုး (၃) ယောက်ဆက်တိုက် ပြုတ်ကြတဲ့အထိ လှုပ်ရှားနိုင်ခဲ့ပြီး တစ်ပါတီအာဏာရှင်စနစ်ကို အဆုံးသတ်နိုင်ခဲ့ပါတယ်။

ဒီရှစ်လေးလုံးအရေးတော်ပုံကြီး (၃၄) နှစ်ပြည့်မြောက်တဲ့ အချိန်ကာလမှာလည်း ပြည်သူလူထုဟာ သမိုင်းတကျော့ပြန်အနေနဲ့ စစ်အာဏာရှင်စနစ်ကို တွန်းလှန် တိုက်ပွဲဝင်နေကြရပြန်ပါတယ်။ ယခု နွေဦးတော်လှန်ရေးကြီးမှာတော့ အာဏာရှင်စနစ်ပေါင်းစုံကို တွန်းလှန်ကြတဲ့နေရာမှာ အဆုံးသတ်တိုက်ပွဲအဖြစ် မှတ်ယူပြီး (၈၈) က မပြီးဆုံးသေးတဲ့ တိုက်ပွဲအလံတော်ကို ဆက်လက် သယ်ဆောင်နေကြခြင်း၊ လွှင့်ထူနေကြခြင်းလည်း ဖြစ်ပါတယ်။

ဒါကြောင့် ဒီသမိုင်းဝင် ရှစ်လေးလုံးအရေးတော်ပုံကြီး (၃၄) နှစ်ပြည့်အခါသမယမှာ ပြည်သူလူထုတစ်ရပ်လုံးအနေနဲ့ (၈၈၈၈) အရေးတော်ပုံရဲ့ တိုက်ပွဲဝင် စိတ်ဓာတ်တွေကို ထုံမွှမ်းရယူ၊ လက်ဆင့်ကမ်း သယ်ဆောင်ပြီး စစ်အာဏာရှင်စနစ်ဆိုးကို အမြစ်ကနေ တွန်းလှန်လို့ ဖက်ဒရယ်ဒီမိုကရေစီ နိုင်ငံတော်သစ်တစ်ရပ်ကို ပုံဖော်ထုဆစ်ကြဖို့၊ တော်လှန်ရေးမှာ ကဏ္ဍအသီးသီးကနေ အတူ ရုန်းကန် ဆောင်ရွက်ကြဖို့ အထူး တိုက်တွန်းနှိုးဆော်လိုပါတယ်ခင်ဗျား။

နိုင်ငံတကာအစိုးရများနှင့် အသိုင်းအဝိုင်းများအနေဖြင့်လည်း မြန်မာပြည်သူတစ်ရပ်လုံးရဲ့ ရန်သူ ဖက်ဆစ် အကြမ်းဖက်စစ်အုပ်စုကို ပတ်သက် ဆက်ဆံခြင်းမပြုဘဲ အမျိုးသားညီညွတ်ရေးအစိုးရ (NUG) အပါအဝင် တော်လှန်ရေး အင်အားစုများကို ထောက်ခံ ကူညီသွားခြင်းဖြင့် ပြည်သူ့ဆန္ဒကို အလေးထားကြောင်း ပြသပေးကြပါရန် အလေးအနက် နှိုးဆော်လိုက်ရပါတယ်။

ဒါကြောင့် ရှစ်လေးလုံးအရေးတော်ပုံကြီးရဲ့ တော်လှန်စိတ်ကို နှလုံးသွင်းပြီး ပြည်သူလူထု တစ်ရပ်လုံးရဲ့ တော်လှန်ရေးလှုပ်ရှားမှုများအဖြစ် သံပုံးတီးခြင်း၊ လူထုလှုပ်ရှားမှုများ ဖော်ဆောင်ခြင်းဖြင့် ပါဝင်တော်လှန်ကြပါရန် ဆော်ဩလိုက်ရပါတယ် ခင်ဗျား။

#8888MemoirStrike

#နွေဦးတော်လှန်ရေး_သန္နိဋ္ဌာန်_၈၈ရဲ့မပြီးဆုံးသေးတဲ့_တိုက်ပွဲအလံ

#Accept_NUG_Reject_FascistMilitary

#အာဏာရှင်စနစ်ဟူသမျှ_မုချကျရှုံးရမည်

#အရေးတော်ပုံ_အောင်ရမည်

ကြည့်မြင်တိုင် ပန်းလှိုင်လမ်းနှင့် ကမ်းနားလမ်းထောင့် ဘန်ကာရှေ့ ဘဲဥနှစ်ကောင် တစ်ချို့ကားတွေတားပြီး ပိုက်ဆံတောင်းနေ။

1:02 PM

@YSDinformer

သတင်းပေးရန်

စခ DC 1 စီး ကြည့်မြင်တိုင်ကမ်းနားလမ်းအတိုင်း သီရိမင်္ဂလာစျေးဟောင်းဘက်မှ ထီးတန်းဘက်ဘက်သို့ဦးတည်။

1:08 PM

@YSDinformer

သတင်းပေးရန်

စခ DC ၁ စီး အင်အားအပြည့်ပါ စခ ၁ ကောင် အသံဖွင့်ပြီး ဗားကရာလမ်းမှ ကြည့်မြင်တိုင် ကမ်းနားလမ်းဘက်သို့ကွေ့ပြီး ကမ်းနားလမ်းပန်းခြံဘက်သို့ဦးတည်။

1:23 PM

@YSDinformer

သတင်းပေးရန်

စခ အလုံပိတ်ကားကြီး ၃ စီး ကမ်းနားလမ်းအတိုင်း စံပြငါးစျေးဘက်မှ ဆငိမလိုက်ဘက်သို့သွား။

11:50 AM

@YSDinformer

သတင်း​ပေးပို့ရန်

တော်လှန်ရေးပန်းခြံရှေ့တွင် မင်းအောင်လှိုင်ခေါင်း
ပြတ်ကိုမီးရှို့ပြသည့် ရေဘဝဲ နှင့် မဟာမိတ်အဖွဲ့
အစည်းများ၏ "ပြန်ဆုံနိမိတ်နဲ့ ရန်ကုန်သပိတ်"

စစ်ကောင်စီ၏လုံခြုံရေးတင်းကျပ်နေသည့်တော်လှန်ရေးပန်းခြံအနီးတွင် "ပြန်ဆုံနိမိတ်နဲ့ ရန်ကုန်သပိတ်" ခေါင်းစဥ်ဖြင့် မင်းအောင်လှိုင်ပုံတူခေါင်းပြတ်ကို မီးရှိို့ကာ "သို့၊ စစ်အာဏာရှင်မင်းအောင်လှိုင် နှင့် အ​ပေါင်းအပါတစ်စုတို့သည် ဒီနိုင်ငံတော်နှင့်လုံးဝမသက်ဆိုင်ပါသဖြင့် သက်ဆိုင်ရာငရဲပြည်သို့အမြန်ဆုံးသွားနိုင်သည်။ကောင်းရာသုဂတိ လီးမှမလားပါစေနဲ့ " ဟူ၍ အမိန့်ပြန်တမ်းကိုဖတ်ကြားခဲ့ကြသည်။

အဆိုပါသပိတ်ကို

- ရေဘဝဲ (ပြည်သူ့အကျိုးပြု လူငယ်အဖွဲ့အစည်း)မှ ဦးဆောင်ကာ ပြည်သူလူထုနှင့်အတူ

- Youth Association Of Thingangyun (Y.A.T)

- ပညာနန်း​တော်ကိုယ်ပိုင်​ကျောင်း​ကျောင်းသားများသမဂ္ဂ

- Owl Community

- စမ်းချောင်းပင်မသပိတ်စစ်ကြောင်း(Sc Strike)

- Labour Alliance အဖွဲ့ဝင် (CTUM)

- အခြေခံပညာကျောင်းသားလူငယ်များအစည်းအရုံး(အကလ-ဗဟို)

- LGBT Community Yangon

- ဗမာ့လူငယ်ကွန်ရက်

- တော်လှန်သွေးမကုန် တောင်ဒဂုံသပိတ်အင်အားစုတို့ပေါင်းဆုံ၍ Youth Scout for Democracy (Y.S.D) ၏​မြေပြင်ကင်း​ထောက်ပံ့ပိုးမှုဖြင့် လူထုသပိတ်တိုက်ပွဲကိုဆင်နွှဲခဲ့ကြသည်။

သြဂုတ် ၁၃ ရက်၊ ၂၀၂၂ ခုနှစ်

#ပြန်ဆုံနိမိတ်နဲ့ရန်ကုန်သပိတ်
#OCTOPUS #ရေဘဝဲ

#YSD

⚠️ စမ်းချောင်း ⚠️

ဩဂုတ်လ ၁၃ ရက် မနေ့ည ၁၀ကျော်ခန့်က မြေနီကုန်း ဓမ္မာရုံလမ်းနှင့်ဗိုလ်မိုးလမ်းထဲသို့ စစ်ကားကြီးသေး ရဲကားကြီးသေး စုစုပေါင်းအင်အား၅၀ ခန့် ကားအစီးရေ ၁၂ စီးခန့်ဖြင့် ဧည့်စာရင်းစစ်ဆေးများပြုလုပ်ခဲ့ကာ အပြစ်မဲ့ပြည်သူ ၂၀ ခန့်ဖမ်းဆီးခံလိုက်ရကြောင်းသိရပါသည်။ ထိုသို့ဖမ်းဆီးရာတွင် ပြည်သူတချို့အား ရိုက်နှက် ကန်ကျောက်ကာ FAWကားပေါ်သို့တင်ဆောင်သွားသိရှိရပြီး ယခုအချိန်အထိ ပြန်လည်လွတ်ပေးခြင်းမရှိသေးကြောင်းလည်း သိရှိရပါသည်။

ယခုည၌လည်း အဆိုပါ နေရာအတွင်းသို့ ဧည့်စာရင်းထပ်မံဝင်ရောက်နိုင်ပါသဖြင့် ဂရုစိုက်နေထိုင်ကြပါရန် အသိပေးနှိုးဆော်ပါသည်။

8:17PM
@YSDinformer

⚠️⚠️⚠️

ကမ်းနားလမ်း​ပေါ် မြို့ထဲမှအလာ စံပြငါးဈေးအကျော်တွင် စခ ၊ ရခ အများအပြားမှ ကားများနှင့် လမ်း​​ဘေးမှလမ်းလျှောက်သူများ အဓိက ယော်င်္ကျားလေး များကို စစ်နေပါတယ်။ ဖုန်းများနှင့် ကားနောက်ဖုံးများကိုပါဖွင့်ရှာ​နေပြီး အင်အားအတော်များ​ကြောင်းသတင်းရရှိပါတယ်။

လမ်းသွားလမ်းများ၏ဖုန်းတွေလည်း ယူစစ်ပါတယ်။

9:00 AM

@YSDinformer

Delayed

ကမ်းနားလမ်း ဆီကန်ရှေ့ စခ DC 2 စီး၊ ရခ FAW ကား ၁ စီးရပ်ထားပြီး ဆီကန်ဝန်းထဲမှ လူအချို့နှင့် စကားပြောနေ။

11:10 PM

@YSDinformer

သတင်းပေးရန်

ရေ ဘ ဝဲ အောင် သံ 🚩
(ရုပ်/သံ ကြည့်ရှုရန်အောက်ပါလင့်ကိုနှိပ်ပါ)

https://www.facebook.com/101804595415892/posts/pfbid0381uttv2DAnnfXcVKbjpxotuVfQ5dvgNyCUrEbjqCaBMH7rVrsaVcvp1LZ8haxMB5l/

📸 - လူငယ့်ခေတ်

⚠️⚠️ စမ်းချောင်း

မြေနီကုန်း Sprit ဆိုင်အကျော် ကုက္ကိုပင်အောက် ဖုန်းတွေပါ ယူစစ်နေ
လူငယ် 4 ယောက်ကို ဝိုင်းပီး စစ်ခံနေရ

4:42 PM
@YSDinformer