"တသံတည်းညီ တချီတည်းရုန်း"

●──●──●──●──●──●──●

တိတ်ဆိတ်ခြင်းရဲ့ ကျယ်လောင်တဲ့ အသံတွေနဲ့ ကျနော်တို့ဟာ စစ်အာဏာရှင်ကို ခြောက်ခြား တုန်လှုပ်အောင် အကြိမ်ကြိမ် အခါခါ ပြုလုပ်ပြီးခဲ့ကြပြီးပါပြီ။ လာမယ့် ၂၀၂၃ ခုနှစ်၊ ဖေဖော်ဝါရီလ ၁ ရက်နေ့ဟာ စစ်အာဏာသိမ်းမှု (၂) နှစ်ပြည့်ချိန် ၊ ပြည်သူ့နွေဦးတော်လှန်ရေး (၂) နှစ်ပြည့်ချိန်လည်းဖြစ်ပါတယ်။ အဲ့ဒီနေ့မှာ ကမ္ဘာကြီးကို ကျွန်တော်တို့ ပြည်သူတွေဟာ အကြမ်းဖက်စစ်ကောင်စီရဲ့ ရက်စက်ဖိနှိပ်မှုတွေကြားထဲကပဲ ရရာ နည်းပေါင်းစုံနဲ့ ဆက်လက်တိုက်ပွဲဝင်နေကြောင်း ထပ်မံ မှတ်ကျောက်တင်ဖို့လိုပါတယ်။

ဒါ့ကြောင့် ကျနော်တို့ဟာ နွေဦးတော်လှန်ရေးကြီး (၂) နှစ်ပြည့်တဲ့ (၁ ဖေဖော်ဝါရီ ၂၀၂၃)နေ့မှာ ပြည်သူတွေရဲ့ တိတ်ဆိတ်တဲ့အသံတွေ၊ ခြောက်ကပ်နေတဲ့လမ်းမတွေ၊ ပြင်းပြတဲ့အောင်စိတ်တွေနဲ့အတူ “Silent Strike” ကို ထပ်မံ ပုံဖော်ကြဦးမှာပဲ ဖြစ်ပါတယ်။

၂၀၂၃ ခုနှစ်၊ ဖေဖော်ဝါရီလ ၁ရက်နေ့မှာ မနက် (၁၀) နာရီကနေ ညနေ (၃) နာရီတွင်းမှာ

ကျနော်တို့အားလုံး အပြင်ကို (လုံးဝ) မထွက်ကြဘဲ မိမိတို့အိမ်အတွင်းမှာသာ နေထိုင်ကြမယ်။ အဲ့ဒီနေ့၊ အဲ့ဒီအချိန် လမ်းတွေထက်မှာ၊ အများပြည်သူနေရာတွေမှာ လူသူကင်းမဲ့ ခြောက်သွေ့နေ တိတ်ဆိတ်နေခြင်းနဲ့ စစ်ကောင်စီကို ကြောက်လန့်စေကြမယ်။ ကျွန်တော်တို့ပြည်သူတစ်ရပ်လုံးဟာ အကြမ်းဖက်စစ်အာဏာရှင်ကို သွေးမအေးသေးပဲ ဆက်လက်တော်လှန်နေဆဲဖြစ်ကြောင်း ထပ်မံပြသကြရမှာလည်း ဖြစ်ပါတယ်။ ပြည်သူတစ်ရပ်လုံးအနေဖြင့် စစ်ကောင်စီဘက်မှ ခြေလှမ်းပြင်လာတဲ့ “တရားမဝင်အတုအယောင်ရွေးကောက်ပွဲ”ကိုလည်း လက်သင့်မခံကြောင်းကိုပါ တပါတည်း ကမ္ဘာသိ ထုတ်ဖော်ပြသရမှာဖြစ်ပါတယ်။

"တသံတည်းညီ တချီတည်းရုန်း"ရင်း ၂၀၂၃ ခုနှစ် တော်လှန်နှစ်ရဲ့ အဆုံးသတ်အတွက်၊ အဆုံးဖြတ်အဖြစ် ဆက်လက်တိုက်ပွဲဝင်ကြဖို့ မေတ္တာရပ်ခံအပ်ပါတယ်။

#တရားမဝင်အတုအယောင်ရွေးကောက်ပွဲ_လူထုအားနဲ့တိုက်ဖျက်ကြ”

#SilentStrike #လုံးဝအုပ်ချုပ်ခွင့်မရစေရ

#တိတ်ဆိတ်ခြင်းဖြင့်_အကျယ်လောင်ဆုံးဟစ်ကြွေးကြ

သောကြာနေ့တိုင်း မေးခွန်းတွေရှိနေ့မယ့် သွေးစွန်းငွေဖြတ်တောက်ရေးလှုပ်ရှားမှုရဲ့ “မေးကြည့်မယ်အစီစဉ်”
…………………………………………………………………………………………………………………………………….

အကြမ်းဖက်စစ်အုပ်စုအနေနဲ့ မြန်မာပြည်သူလူထုကို နေ့စဉ်သတ်ဖြတ်လျက်ရှိပါသည်။ ဒီလိုတွေဘာကြောင့်လုပ်နေနိုင်တာပါလဲ???

အဖြေမှန်အား စနေ့နေ့တွင်ပြန်လည်တင်ပြသွားပါမည်။ မိမိတို့ သိထားသည့်အဖြေများကို Commentတွင်ဝင်ရောက် ဆွေးနွေးနိုင်ပါသည်။

👉 https://t.me/BloodMoneyMM 👈

#PTTmustStopPaymentToJunta
#BloodMoneyCampaignMM

စနေနေ့တိုင်းအဖြေပေးနေမယ့် သွေးစွန်းငွေဖြတ်တောက်ရေးလှုပ်ရှားမှုရဲ့ “မေးကြည့်မယ်အစီစဉ်”
…………………………………………………………………………………………………………………………………….

အကြမ်းဖက်စစ်အုပ်စုအနေနှင့် မြန်မာပြည်သူလူထုကို နေ့စဉ်သတ်ဖြတ်လျက်ရှိပါသည်။ ဒီလိုတွေဘာကြောင့်လုပ်နေနိုင်တာပါလဲ???
ရေနံနဲ့သဘာဝဓာတ်ငွေ့ကရတဲ့ပိုက်ဆံတွေအများကြီးရှိနေလို့ ပဲဖြစ်ပါတယ်။
အာဏာရှင်စနစ်အမြစ်ပြတ်ဖို့ သွေးစွန်းငွေကို ဖြတ်တောက်ကြပါစို့။

👉 https://t.me/BloodMoneyMM 👈

#PTTmustStopPaymentToJunta
#BloodMoneyCampaignMM

တော်လှန်ရေး ၂ နှစ်ပြည့် ပြည်လုံးကျွတ် အသံတိတ်သပိတ် လူထုလှုပ်ရှားမှု
===========================
- နံနက် ၁၀ နာရီမှ - ၃ နာရီထိ တနိုင်ငံလုံး အပြင်မထွက်ဘဲ ငြိမ်သက်တိတ်ဆိတ်မှုကို ဖော်ထုတ်ပြသကြမည်၊
- Silent Strike အချိန်တွင်းမှာ တော်လှန်ရေးရန်ပုံငွေတိုးစေမည့် Digital Stirke ( Click Strike) ကို ဖော််ဆောင်ကြမည်၊
- Silent Strike အချိန်အတွင်း စစ်အာဏာရှင်ကို ဆန့်ကျင်ရေး ဖော်ထုတ်သရုပ်ပြနိုင်သည့် Performance မှန်သမျှ၊ နည်းနာမှန်သမျှကို  ဉာဏ်ရှိသလို ကွန့်မြူး၍ ​ဆောင်ရွက်ကြမည်။
ပြည်လုံးကျွတ် Silent Strike လှုပ်ရှားမှုကြီးသည် -
- စစ်အာဏာရှင်၏ တရားမဝင် အတုအယောင်ရွေးကောက်ပွဲကို ပြည်သူလူထုတစ်ရပ်လုံးမှ  လုံးဝလက်မခံ ဆန့်ကျင်ကြောင်းကို တညီတညွတ်တည်း ထုတ်ဖော်ပြသခြင်းဖြစ်သည်။
- အာဏာလုအကြမ်းဖက်စစ်အုပ်စုကို လုံးဝအုပ်ချုပ်ခွင့်မရစေရေး လူထုမှ သွေးမအေး၊ သွေးမကြောင်၊ သွေးမခွဲစတမ်း ဆက်လက်တိုက်ပွဲဝင်နေကြောင်း ထုတ်ဖော်ပြသခြင်းဖြစ်သည်။
လာမယ့် ဖေဖော်ဝါရီ (၁) ရက်၊ ၂၀၂၃ ခု၊ မနက် (၁၀) နာရီ ကနေ ညနေ (၃) နာရီ အတွင်း လမ်းမတွေမှာ၊ အများပြည်သူဆိုင်၊  နေရာတွေမှာ တိတ်ဆိတ် ခြောက်ကပ်နေဖို့၊  ပြည်သူတွေ အပြင်မထွက်ကြဖို့ ၊ ကိုယ့်အိမ်၊ ကိုယ့်ဈေးဆိုင်၊ ကိုယ့်ရုံး၊ ကိုယ့်အမိုးအကာအောက်မှာပဲ နေကြပါဖို့ ပြည်သူမှ ပြည်သူချင်း တိုက်တွန်းနှိုးဆော်ကြပါစို့..။
Silent Strike ကို ပညာသားပါပါနဲ့ ပါဝင်ဆင်နွှဲကြပါစို့
ရဲဘော်တို့၊ ပြည်သူတို့-
ညီစေနော်၊ ညီကြမယ်။
အရေးတော်ပုံ အောင်ရမည်။

#SilentStrike
#Revolution
#လုံးဝအုပ်ချုပ်ခွင့်မရစေရ
#ကြောက်ခေတ်ကိုမှောက်ပစ်
#အရေးတော်ပုံမုချအောင်ရမည်
#တိတ်ဆိတ်ငြိမ်သက်
#စစ်အာဏာရှင်စနစ်ကျဆုံးရေး
#ဖယ်ဒရယ်ဒီမိုကရေစီပြည်ထောင်စုတည်ဆောက်ရေး

အကြမ်းဖက်စစ်ကောင်စီအာဏာသိမ်းမှု (၂) နှစ်ပြည့်တွင် ပြည်သူလူထုအနေဖြင့် အသံတိတ်သပိတ်-Silent Day မှာ ပူးပေါင်းပါဝင်ပေးပါရန် မေတ္တာရပ်ခံခြင်း။
_______
ယခုလာမည့် ၂၀၂၃ခုနှစ်၊ ဖေဖော်ဝါရီလ (၁) ရက်နေ့တွင် အကြမ်းဖက်စစ်ကောင်စီက ပြည်သူလူထုထံမှ ဆင်းသက်လာသော အာဏာကို မတရားသဖြင့် အာဏာသိမ်းလုယူခဲ့တာ အချိန်ကာလအားဖြင့် (၂) နှစ်တိုင် တိတိပြည့်ခဲ့ပြီဘဲ ဖြစ်ပါတယ်။

မြန်မာနိုင်ငံအဝန်းတွင် အကြမ်းဖက်စစ်ကောင်စီက လူ့အခွင့်အရေးချိုးဖောက်မှုများနဲ့ စစ်ရာဇဝတ်မှုမြောက်သော လူမျိုးတုန်း သတ်ဖြတ်မှုများကို အရှိန်အဟုန်ပြင်းစွာဖြင့် ကျူးလွန်နေဆဲဖြစ်ပြီး စစ်ကောင်စီတပ်သားများ၏ ရက်စက်မှုများကို ပြည်သူ့ကာကွယ်ရေးတပ်မတော်နှင့် ERO ပူးပေါင်းမဟာမိတ်တပ်ဖွဲ့များမှ အရှိန်အဟုန်ပြင်းစွာဖြင့် ယနေ့အထိ ရင်ဆိုင်အံ့တုတိုက်ပွဲဝင်နေကြရဆဲ ဖြစ်တယ်။

ယခုကျရောက်မယ့် ဖေဖော်ဝါရီလ (၁) ရက်နေ့ကို အကြမ်းဖက်စစ်ကောင်စီက ပြည်သူ့အာဏာကို မတရားသဖြင့် လုယူခဲ့သော (၂ ) ပြည့်အဖြစ် မြန်မာနိုင်ငံတနိုင်ငံတည်းသာမကပဲ တကမ္ဘာလုံးသို့ ဆန္ဒထုတ်ဖော်တဲ့ အနေနဲ့ဖော်ဆောင်သော " တိတ်ဆိတ်ငြိမ်သက်ခြင်းသပိတ် " ကို ပြည်သူလူထုတစ်ရပ်လုံး ပူးပေါင်းပါဝင်ပေးကြပါရန် မေတ္တာရပ်ခံအပ်ပါတယ်။ ပြုလုပ်မယ့်အချိန်ကတော့ မနက် ၁၀ နာရီမှ ညနေ ၃နာရီအထိဘဲ ဖြစ်ပါတယ်။

ပြည်သူ့ကာကွယ်ရေးတပ်မတော်ဟာဆိုရင် အာဏာရှင်စနစ်အပြီးတိုင်ချေမှုန်းရေးနဲ့ အနာဂတ်ဖယ်ဒရယ်ဒီမိုကရေစီနိုင်ငံတော်သစ် တည်ဆောက်ရေးတို့တွင် မည်သို့သောစိန်ခေါ်မှုမျိုးကိုမဆို ပြည်သူနှင့်အတူ တစ်သားတည်းရပ်တည်ကာ အရှိန်အဟုန်ပြင်းစွာဖြင့် ဆက်လက်ရင်ဆိုင်တိုက်ပွဲဝင်မယ်လို့လည်း သစ္စာအဓိဌာန်ပြုပါတယ်။

••••••••
သတင်းနှင့် ပြန်ကြားရေးဌာန
စစ်ဒေသခွဲ အမှတ် ၃

#SilentDay
#သတင်းနှင့်ပြန်ကြားရေးဌာန_စစ်ဒေသခွဲအမှတ်၃

“တသံတည်းညီ တချီတည်းရုန်း” ကြပြီး အဆုံးသတ်တိုက်ပွဲကို အတူလျှောက်လှမ်းကြဖို့ ဖေဖော်ဝါရီ ၁ ရက်နေ့မှာ ဆင်နွှဲမယ့် အသံတိတ်သပိတ်မှာ အင်တိုက်၊ အားတိုက် ပါဝင်ကြပါစို့။