جديدنا.... 🆕

قصة.....

#هو_وهي👫

#اللهجة: سورية

#عدد_الأجزاء: ثمانية أجزاء

#نوعها: اجتماعية ذات طابع كوميدي مرح

#الابطال: سعيد ورويدة

#بقلم: مال الشام

تابعوها....

اتمنى لكم قراءه ممتعة
وحياكم بقناتنا 💕

https://t.me/joinchat/AAAAAD-xrVl62QWJj-y3Ug
ــــــــــــــــــــــــ
للتواصل معنا عبر البوت التالي :-

@NovelsStoriesBot 🍃

#قصص_وروايات ✏

#هو_وهي 👫

#بقلم_مال_الشام...
@novels_stories
الجزء الأول...

لك ااااخ بس اااخ شو بدا تقول الوحده ازا ما تجوزنا بيصرعونا عانس و هم البنات للممات
ازا تجوزنا ما منخلص من هم الرجال.. لك الله يعين البنت على حياتها

سعيد: لك شو عم تحكي اه؟ سمعيني اكيد عم تحكي علي

رويدة: لااااا تئبرني عم احكي ع حالي ليش لاحكي عليك

سعيد: ايه خير ان شاء الله

رويدة بقلبها (( خيرررر اه؟ قلتلي خير انا بورجيك يا سعيد ازا ما بخليك تلف حوالين حالك متل المجنون بسيطة))

سعيد راح مع امو ليطلبو عروس
العروس كانت رويدة او اختها ميرا .. كانت رويدة مخلصه جامعه تخصص حقوق و ميرا سنه تالته اعلام و ما عجبهن مواصفات العريس لانو مو مكمل دراسه
فاتو التنتين لتنقي منهن الحمايه و قعدت تفصلهن من فوق لتحت متل الي رايح يشتري جوز برادي... هيك لوقت قامت امهن و تركتهن مع المخلوقة
رويدة: حماتي... ييه يييه اصدي خالتي ☺️ ☺️ .... ابنك الله يسلمو بحب السمر متل اختي لما الشقر متلي؟ الله يوفقك خديني انا شنو خايفه عنس
ميرا: لا لا ما حزرتي مبين عليهن جماعه اكابريه و بحبو السمر مو هيك حماتي؟ اصدي خالتي 🙈 🙈
و المخلوئة قلب وشها الوان و فاتت بالحيط لك العمى شو هاد!!
اجت امهن و عم تاهل و تسهل و بعدا انصمدت عالكرسي و نفشت ريشها متل النعامه و قالت: والله انا بناتي ما بدهن يتزوجو بس انا قلتلهن عيب و لازم يفوتو لعندك
@novels_stories
برمت الحمايه بوزها و كان رح يغط ع قلبها.... ما طلعت من عندهن من البيت الا و هي معها بوادر اسهال و حمى البحر الابيض المتوسط
و البنات فكرو انهن خلصو منها
بس سبحان الله لما يقولو النصيب اجا محدا بوقف بوشو
سعيد كان طلبو مواصفات حفر و تفصيل متل رويدة و لما امو قالتلو عن مواصفاتهن ركب راسو يروح يشوفا و ما قدرت تفهمو انن قاتلين حالن عالجواز!!
والله اخدو موعد و طلبو يشوفو رويده
لبس سعيد البنطلون القماش الخمري و الجاكيت الاسود و للوزة بيضا و طلع متل سوبر مان الله يذكرو بالخير...
وهيك صار النصيب بعد ما اهل رويده ما تركولها مجال ترفض..
كان زواجها تقليدي جداً.... بارد... و روتيني
يوم حلوة يوم خناق يوم ملل يوم تعب يوم حب 10 ايام حردانه و هيك متلها متل كل هالنسوان...
@novels_stories
المهم...
قامت رويده ع غرفتها بعد ما فار دمها من سعيد و جابت هالموبايل و فتحت الفيس بوك و نزلت بوست بقروب الي بتتابعو: صبايا ساعدوني انا جوزي رح يجنني لاقولي حل الله يوفقكن بدي افكاركن الحلوة يلا..
و ب 10 دقايق بلشت توصلها الافكار الجهنمية
و رويدة صافنه مع ابليس و عم تتكتك ع مهلها شو بدها تعمل بهل مغضوب
@novels_stories
#يـتـبـع

#قصص_وروايات ✏

#هو_وهي👫

#بقلم_مال_الشام

الجزء الثاني...

@novels_stories
صار ع البوست 1000 تعليق كلهن بحبو الخير ما شاء الله 😂 😂

طلعولي بأفكار ازا بطبقها بتطلق…. اخر شي ضليت سهرانه و اخترت خطة عجبتني انو اعمل حساب وهمي
و فوراً عملت حساب و سميتو الاميرة النائمة 😍 😍
و حطيت صورة وردة بيضا انو انا كتير كيوت و ظريفه و خليت كل الي علقو عالبوست يضيفوني و يعملو حالهن بيعرفوني و يعلقولي و بعتت لجوزي حبيبي ادد الله يرضى عليه
كان قاعد بالصالون بوزو شبر و ربع و بياكل بزر و بزت بالارض

تناوقت من الباب شفتو مسك موبايلو و جلس قعدتو و صار يحك براسو يؤبرني معقول يطلع جوزي وفي و بحبني و يرفض اضافتي؟ قصدي اضافة الاميرة النائمة 😍 😍 😍
و انا عم فكر بهل افكار الحلوة وصلتني رسالة من جوزي للاميرة النائمة ((مسا الخير يا اميرة))
عضيت على جراباتي الي الهن اسبوع ما انغسلو و صرت شد بشعري متل التور الهايج
قلت وحدي الله يابنت… هلا بجرجرو بالحكي و بعدين بعملو مسخرة العيلة و بقلهن ابنكن العاقل الراكز بركض ورا بنات الفيس بوك والله لخليه يخجل يرفع عينو فيني لسنه لقدام انا بورجيك يا سعيد…

هي : هاي مسا الفل يا حلو

هو: الله يحلي ايامك انتي باعتيتلي اضافة اكيد شفتي صورتي و عجبتك ؟

يبعتلك ستمية حمى يا مئوص…. حاطط صورة طالع فيها متل السندباد… بسيطة

هي : بصراحة؟ انا ما شفت رجال بوسامتك و جذبتني كتيرررر الي اسبوعين براقبك و بعدين قررت ابعتلك نتعرف ع بعض
@novels_stories
طبعاً جوزي انجلئ فرد جلئة لوش الفجر عم يحكي مع الاميرة النائمة لا وشو طلع نكتي يؤبر البي… قلتلو انو انا مطلقه و ساكنه لحالي و هلا سجلت بالجامعه ف اعترفلي انو متجوز و ضلينا نحكي كتير يعني شو بدي احكي الا شري نسيت حالي و قلت يا عيب الشوم عليكي يا رويدة بتخوني جوزك!!
قررت اسحب منو حكي بالاول و بعدا بقلو انو الي عملت فيه هالفصل و بشمت فيه… ضليت اخد و اعطي معو يومين

قمت تاني يوم لقيتو متدوش و متعطر و عم يغني لفيروز انا لحبيبي و حبيبي الي
قلت العمى الرجال طق عقلو مو مسدء انو في بنت التكشتو…
قمت عملت فنجان قهوة و صرت غنيلو ختيار و ع العكازة عنت ع بالو الجازة اجا لعندي و قلي شو عم تقولي؟

قلتلو حبيبي و لا شي بس هيك عم غني لفارس كرم ما بتعرفا هالاغنيه؟؟؟

هو: فارس كرم مو؟؟؟ ….. لك انا ختيار؟
اي بدي اتجوز يا ستي و لشوف شو بدو يطلع بايدك

انا ما استغربت لان عطول بقلي هيك بس هالمره جوزي كان بحكي جد!!

هي: ايه حبيبي ريتو الف مبروك بس مين بترضى فيك!!

هو: انتي مو مقدرة النعمه الي بين ايديكي انا بنات الفيس بوك قاتلين حالهن علي و في وحده بدي اتجوزها

كتمت ضحكتي مشان ما انكشف لان لسه بدي وقت و عملت حالي مصدومة

هي: شووووووو بتخووووني مع بنات عالفيس؟

هو: لا ما بخونك بدي اتجوزها ع سنة الله و رسولو… بنت غير شكل… مرحة و مهضومة عنجد انثى مو متلك بتشبهي كل شي الا المرا

انا هون غصيت و جد عصبت

هي: اي استرجي اعملها يا سعيد و الله بفضحلك ياها هالفلتانه الي بتحكي مع رجال متجوز
@novels_stories
ما شفتو الا ضربني كف و بقلي بقص لسانك ازا بتحكي عليها
و ازا بتجربي توصليلها والله والله لامسح فيكي الارض
مع كل شي اول مره كنت باكل كف منو!!!
كان متل الوحش… كأنو خايف ع ابنووو
طلع من البيت و تركني و انا اعصابي فرطت و حسيت انو حطيت حالي بكارثه ما منها مخرج!!
@novels_stories
#يـتـبـع

#قصص_وروايات ✏

#هو_وهي👫

#بقلم_مال_الشام

الجزء الثالث
@novels_stories
ضليت مصدومة من الكف الي اكلتو و مو فهمانه شبو هاد جن!!
هيك بيعمل فيني ع وحده تعرف عليها من يومين!!

و فجأة بتوصلني مسج ع حساب الاميرة النائمة

هو: رزان وينك؟

هي: ليكني شو في؟

هو: تتجوزيني؟؟

انصدمت و صرت قلو لا و مستحيل و انت متجوز و مرتك بنت حلال ليش لتتحوز عليها انا ما بقبل و عيب عليك

و كانت الصدمة بردو…
صار يحكيلي عن حياتو التعيسة و مرتو الباردة و المهملة
و يحكيلي اديش تعبان بحياتو و انو انظلم كتيرر و ضحى مشان اهلو و اولادو كتيرر
و لما تجوز ما تهنى بسبب الخناق المستمر بين مرتو و امو و انو متمني الحياة تعوضو عن القهر الي عاشو و قلي معك وقت فكري و زوجتي ما رح اظلمها و راح…

انا دموعي ما نشفووو و جسمي كلو يرجف وجعني قلبي عليه و تألمت قديش هو شايف حالو انسان تعيس معي!! هون صار مستحيل واجهو انو انا هي الاميرة النائمة لان بيجن
و صرت لوم حالي على هالمقلب الغبي وكيف سمعت كلام البنات
مرقو يومين و انا قول لجوزي يا حبيبي افهم علي بنات النت كزابيييين و حاولت كرهو فيها ما كان يرد…
@novels_stories
حسيت بالمسؤولية و انو لازم خلص هالمقلب ع خير بدون ما ينخرب بيتي…
رحت ع حساب الاميرة و بعتت ادد ل سفلي اخو جوزي
و بعتلو هاي و كيفك و هداك متل اخوه صار ياخد و يعطي معي و رحت علقتلو على منشوراتو الي كان معلق عليهن جوزي مشان ينتبه جوزي انو الاميرة النائمة عم تعلق لاخوه
اجاني جوزي جانن و طاير عقلو

هي: حبيبي شبك معصب؟
هو: مافي شي خلص

يعلي عليه كان مصدوم عاطفياً 😢
قمت حبيت غير جو فتت ع غرفتي فتحت عالنت مقطع لفيفي عبدو و هي عم ترقص قلت بدي اتعلم كم حركة و طبقهن بلكي بنسالي الاميرة المدفوسة
انحولت و انا حاول اتعلم حركاتها…. بتتزكرو بيكاتشو الي كان ببرنامج بوكيمون؟
لما كان يتكهرب…. هي كانت تعمل متلو 😱 😱
قلت مو مشكلة يا بنت بدك تتلحلحي

طلعت لعندو كان عم يأركل و معصب… شغلت الاغاني و ربطت ع خصري
و صرت هز لا اراديا ارفع ايدي لليمين و رجلي لليسار و جوزي عم يتفرج علي 😍 😍
فهمت من نظراتو انو مبسوط ف تحمست كتير و تزكرت الحركة اللولبية تبع فيفي عبدو
لفيت ايدي اليسار ورا ضهري و طلعتها من عند خصري و صرت حرك شعراتي يمين و شمال متل الي معها صرع و اجتها النوبة
لسه بدي ارفع راسي اتطلع بجوزي لشوف ردة فعلو على الحركة الاخيرة مشان ازا عجبتو عيدها مسكني من شعراتي و سحبني عالغرفة
انا قلت شكلو روق و تفاجئ فيني ☺️ ☺️ وهلأ بدنا نسهر سهرة حلوة

هو: خلصتي هبل؟ انقبري بغرفتك لاني عم خانق دبان وشي ها

هي: يعني ما عجبتك رقصتي؟

هو: رقصتك؟ فكرت في شي وقع ع راسك و جنيتي يخرب بيت سنتك

و طلع و طرق الباب
و انا حطيت ايدي ع خدي و محتارة شو اعمل للافندي لينسى البطيخه…
@novels_stories
فجأة بعتلي عالفيس

هو: رزان تعي لهون انتي ليش ضايفه اخي و معلقيتلو

هي **: مين اخوك… انا بضيف اي شب و بعدين ما دخلك فيني انا حرة لتكون جوزي وما عندي خبر

هو: انتي عملتي هيك بس لغار عليكي صح؟

قلت العمى شبو هاد لك والله ما بعرف سعيد مجلوئ هيك لك شو اعمل بحاليييييي
صفنت هيك وقلت ولك يا بنت شغلي مخك
ازا الاميرة النائمة هي انتي بقى من شو خايفه!!

هي: مممم بصراحة ايه مشان تغار..

هو: يعني ليش هيك بتعملي قلتلك انا رايدك بالحلال

هي: سعوودتي انا ما بدي اظلم مرتك ما بقدرررر

هو: لك مااااارح نظلمها افهمي عاد

هي: اثبتلي طيب

هو: كيف؟

هي: اول شي روح اشتريلي دهب سلسال و محبس و حلق و لمرتك متلهن و بتصورلي

هو: لك ما معي مصاااااري من وين بدي جيب

هي: مو شغلتي انا رح هنيك و اسعدك و بستاهل التعب انت بعدك ما شفت جمالي اصلاً

هو: ولي على البي و ايمت رح شوف؟

هي: بس تنفذ شروطي

هو: طيب بدبر حالي شو بدك كمان

هي: بدي تستأجرلي بيت قبل بشهر ما تجي تتجوزني و تفرشو من احسنوووو

هو: لك يا بنت الحلال انا وضعي ع قدي!!!

هي: برجع بقلك انا جمالي دباح و بستاهل التعب و اخر شرط ما بكلفك مصاري لا تخاف

هو: شوووو هووووو

هي: قبل ما نكتب كتابنا بدي تحكي مع مرتك و هي تنصحني انك زوج منيح و ادمي و تقلي انها رضيانه عن جوازتنا
@novels_stories
هو: اي والله هاد الطلب تعجيزي كيف بدي اعملو!!!

هي: انا رح سكر هلا شوف حالك ازا قد هالشروط بعد شهر بتبعتلي صور الشقه و صور الدهب و موضوع مرتك كمان خلصو!!

تناوقت من الباب لقيت جوزي واقف ع الكنبايه و بشد شعرو
فتحت الباب و ركضت لعندو سعيدددد سعيدددد شبك جنيت حبيبي؟؟؟
قام صار يحكي حكي ما مفهوم و طلع من البيت 😂 😂

والله يا جماعه بلش جوزي حبيبي يشتغل شغلين الله يرضى عليه مشان اميرتو و اخد دهبات امو بعد مية خناقه لحنت عليه و قلها بدي اتجوز ع رويده قامت اعطتو هن هالسرنوة

و جهز بيت بياخد العقل كان يبعت الصور للاميرة النائمة 😍 😍

و صار معي متل الليرة و يا

#قصص_وروايات ✏

#هو_وهي 👫

الجزء الرابع
@novels_stories
كان جوزي بغرفة النوم… جابلي الدهب و خبى دهبات مرتو و البيت كان جاهز تماماً و صار يحكني جسمي لانتقل عليه 😍

بعتلو من حساب الاميرة النائمة

هي**: سعيد شو صار معك؟

هو: يا لطيف شو بنت حلال كنت بدي احكي معك.. تقريباً كل شروطك تمام بس ان شاء الله تقتنع رويده انها تقلك خير عني

هي: حلووو… طيب هلا مو مشتاق تشوفني؟ مشان تعرف مين بدك تتجوز

هو: والله. ناطف قللي قد ما وصفتيلي جمالك رح جن لشوفك

هي: طيب غمض عيونك رح ابعتلك صورتي يلا

هو: ولي على البي يلااااا

بعتتلو صورة وحده كان منزلها طبيب جلدية على صفحتو و عم يشرح انو الجرب لما يوصل للبشرة بسبب تشوهات و تسلخات بعتقد وصلتكن الفكرة اديش صورة البنت رح تكون بتخوف، الله يعافيها يارب و يعافينا

بعتتها و بعد صفنة عشر دقايق بعتلي

هو: ههههههه ايه حاجتك مزح

هي: شبك؟

هو: شو شبني هي وحده وشها مشوه بدو عمليات تجميل لتصير بني ادم و انتي قلتيلي انك حلوة
و سودا كتير و ما الها رموش… بلا مزح بايخ

هي: سعيد لو سمحت لا تجرحني… الله يسامحك انا معي حساسيه بسيطه بس عادي عم اتعالج

هو: لحظة… عنجد هي انتي؟؟

هي: لك شببببك!!

هو: ولك يخررررب بيتك لك انتي اميرة نائمة
لك انتي ضفدع مهروس
فرس نهر ممعوس
صحن بيض مفقوس
انتي مو انسانه انتي انثى الجاموس
و لك الله ينعن ابوه لليوم الي عرفتك فيه شو انو يوم اسود و منحوووس
@novels_stories
و عملي بلووووك و انا صرت اضحك و بلعط بايدي و رجلي و من الضحك صرت انزل سجود و ركوع… مافي لحظة و لا عم يندهلي يئبرني

هو: رويددددددة…. رويدددددة تعي لهون

ضبيت الموبايل و رحت لعندوو

هي: شو في سعيد خير؟؟؟

قرب لعندي و شلح من رجلو حفاية البيت الي لابسها انتو اكبر قدر وقلي اضربيني بهي على وشي 😂 😂

قلتلو يووووه شبك شو صايرلك؟؟

هو: لك انا حمار

هي: ع سلامتك ابن عمي

هو: لا لا انا حمار و ما بفهم

هي: لك ليش هيك بتحكي ع حاااالك

هو: لك اي اي انا حمار و ما بفهم

هي: لا ع سلامتك

هو: بربي انا حمار و ما بفهم

هي: طيب انت حمار و ما بتفهم

هو: لك امبلى انا حما… نعم؟ شو قلتي؟

هربت عالمطبخ و قفلت الباب و انفتحت نفسي عالاكل عملت كيك و عملت عشا و صرت اكول و اضحك و سعيد كان فيه عقل و طار 😝
@novels_stories
تاني نهار طلعت لعندو و قلت صار لازم ننتقل عالبيت الجديد الي خليتو يجهزو 😍 😍

هي: سعيد بدي قلك شي

هو: قولي لشوف

هي: انا عرفت انك عم تجهزلي بيت جديد مفاجئة مزبوط؟ 🙈 🙈

هو: مين قلك؟

هي: خلص عرفت شو بدك انت… ايمت بدنا ننتقل عليه؟

هو: هاد البيت مو الك

انا هون انصدمت شو البيت مو الي الاميرة النائمة و خلصنا منا شو قصدو

هي: كيف ما فهمت؟

هو: انا بدي اتجوز و هاد البيت لضرتك

شهقت شهقة حسيت روحي طلعت

هي: لك مين بدك تتجوز

و جوابو كان اكبر صدمة بتلقاها بحياتي
ابداً ما توقعت يصير فيني هيك بسبب مقلب فيسبوك صغير. و لا توقعت يكون في ناس ولاد حرام بهل شكل هاد ..
رد علي و قال.....
@novels_stories
#يـتـبـع

#قصص_وروايات ✏

#هو_وهي👫

#بقلم_مال_الشام

الجزء السادس
@novels_stories
رويدة : لكن اسمع شو رح قلك ... انا تحملتك يا سعيد كتير تحملت كل مسخرتك علي تحملت اسائتك علي
وتحملت انك ما عيشتني متل باقي النسوان ما شفت عندك لا دلال ولا راحة بال ولا يوم هني
و لهون و بس انا ما رح هين كرامتي اكتر من هيك
بدي اتجوز بدي اتجوز بدي اتجوز سمعتني ياها كتييييييير
بس ما تخيلت انك تلم زبالة النت و تجيبها تصير ست النسا عندي انا
لهل درجة قاتل حالك لتتجووووز !!

سكت سعيد وما حكى ولا حرف بنوب

ع شوي بدي احكيلو انو انا هي الأميرة النائمة و انو هي الي بعتتلو ما بتخاف الله
واشرحلو كيف وصلتلو بس خفت يكون الحق معي يصير علي سكتت و قمت ضبيت شناتية تيابي

وصلت ع بيت اهلي و صار متل ما كنت متوقعه
بلش تسميع الحكي انتي شو جايبك لهون و انتي كيف بتطلعي من بيت جوزك و نحنا ما منحويكي
و لا ترجعي تفتحيلنا سيرة الطلاق روحي انضبي عند جوزك نحنا ما عندنا بنت ترجعلنا مطلقه

كانت نفسيتي تعبانه كتير قلتلهن لك مين جايب سيرة الطلاق بس عم ندهن البيت ف سعيد بعتني لعندكن
يعني اهلي ربع اقتنعو بس المهم عندهن اني ما قلهن طلاق سكتولي يومين
@novels_stories
ضليت بغرفتي ابكي واتنشوح و لوم حالي لان خربت بيتي يعني بأسوء الأحوال كنت مستورة
هييييك لوقت ما قلت انا لازم حل هالموضوع ما ارح اسمحلها تمسكني من ايدي الي بتوجعني
انا رح اتصررررف و متل ما بلشت مشكلتي بالفيس بوك رح حلها هنيك

فتحت هالفيس و عملتلها حظر مشان ما تشوف شو رح انشر و نشرت بوست قلتلهن انا الي طلبت منكن
تساعدوني وانا رح ينخرب بيتي بسببكن و بدي وحده بتعرف تهكر حسابات

ضليت ساعات عدد قليل رد عالبوست
وقت المشكلة الكل اعطاني افكار ووقت وقعت بمصيبه ما حدا التكش
اصلا شو بهمهن ازا انخرب بيتي !! سبحان الله

بالأخير رب العالمين بعتلي بنت حلال كانت حبل النجاة بالنسبه الي من بعد رب العالميين

علقتلي قالتلي انا محترفة بالهكر بس بدك تفهميني شو القصه لان ما بعرف عن شو عم تحكي حضرتك

بعتلها اضافه و فوراً حكيت معها و شرحتلها كل القصة من طقطق للسلام عليكم

عايشة : يا لطيف الله يسامحك يا اختي في وحده بتعمل عملتك !!ليش هيك صغرتي عقلك هيك
ازا انتي عرفانه جوزك عقلو قليل لشو تنغصي حياتك
مين رح ينضر غيرك ؟ مفكرة شطارة انو تعملي هيك وتكشفي جوزك انو بيحكي بنات ؟
الله وكيلك لمين ما قلتي رح يحط الحق عليكي !!

رويدة : والله الحق معك بس بفهم انك ما رح تساعديني مو ؟

عايشة : انا رح ساعدك لوجه الله لاني تعلمت الهكر لاعمل شي للخير
و قلبي بقلي انو ازا ساعدتك رح اعمل خير بأنو عمر بيت وما اسمحلو ينخرب

رويدة : لك دخيييييييل قلبك عنجد شكراً كتير والله ما رح انسى معروفك بنوب

عايشة : لا تقولي هيك كلنا مغلط و كمان الله يعينك على جوزك بس هاد نصيبك .. هلا فهميني انا شو مطلوب مني

رويدة : حلو ... ليكي شو الي رح نعملو

@novels_stories
#يـتـبـع

#قصص_وروايات ✉

#هو_وهي👫

#بقلم_مال_الشام

الجزء السابع
@novels_stories
عايشة : ايه معك قولي

رويدة : هلا انا جوزي ما كتير بيعرف بالفيس حتى حسابو انا عاملتلو هو
بدي تهكري حسابو و انا رح ارجع عالبيت واتعامل معو عادي ليطلب مني اعملو حساب
رح اعملو ياه بغير اسم و بغير صورة

عايشة : طيب مو مشكلة بس هيك ؟

رويدة : لا ما بس بدي تهكري حسابها لهديك وانا رح اعمل حساب بنفس اسمها و حط نفس الصورة
هلا هي احتمال تعمل حساب تاني بس رح ترجع ما تلاقي اسمو الي بتعرفو وهيك ما بتلاقيه
وهو بس يعمل الحساب رح يبعتلها على اسمها الي انا رح كون عامله حساب فيه يعني رح يبعتلي الي فهمتي؟

عايشه : يااااخ لك مانك قليلة .. وشو بدك تعملي ؟

رويدة : شو بدي اعمل ؟ والله لخليه يحررم يعيدا بحيااااااااااتو

عايشة : كيف يعني ؟

رويدة : رح ورجيكي بعيونك بس اعطيني مهلة اليوم رح ارجع ع بيتي و اتصالح معو
وقلو انو اهلي ما استقبلوني و خلص رضيت بزواجو التاني
مشان يوثق فيني لاعملو حساب بايدي

عايشة : ماشي حبيبتي بس زبطت امورك خبريني لاتصرف

_________________________________________

رجعت ع بيتي و صار الي صار وحكيت عايشه لتعمل الي قلتلها عليه و فعلاً

هو : رور حبيبتي انتي بتعرفي بهاد الفيسبوك تعي شوفيلي ليش سكر حسابي

هي : ورجيني لشوف ... ييييه لك سكرولك ياه ما عاد يفتح

هو : له له له مين سكروووو والله لورجيهن

هي : لك الفيس بوك سكرلك ياه في كتير حسابات طارت لان بدهن تأكيد هوية

هو : طيب وشو بدنا نعمل ؟

هي : لا تدايق حبيبي هلا بعملك غيرو بس بغير اسم لان ازا عملتو بنفس الاسم برجعو بسكروه
ورح ارجع ضيفلك اهلك والكل ايه تئبرني ؟

هو : عنجد ؟ الله يسلم ايديكي

هي : لك موووو على عيني يا جوزي يا تاج راسي انته
@novels_stories
عملتلو حساب باسم سعيد ابو محمد مشان هديك ما توصلو بنوب ما يخطرلها انو هو
يعني ما حطيت كينتو ابداً
وضفت اهليتو و رفقاتو وضفت حالي عندو و قلتلو تفضل حبيبي انا تعبانه و رايحه نام
وهو ما كزب خبر راح يبعت للعروس الي كنا مطيرين حسابها و عاملين واحد تاني بنفس الاسم والصورة تماماً

وبلشت قلو وين رحت وانشغل بالي عليك وفكرت بدك تتركني وغيرت رأيك وماعد بدك تتجوزني
وهو يقلي لا يوم خلص بدي اتجوزك يعني بدي اتجوزك وامورنا كلها تمام

هي: اكيد ؟

هو : طبعاً

وههون بلشت انا احكي معو حكي رومنسي
حبيبي واشتئتلك وبدي ضمك و هو طبعاً تجاوب وانبسط
وصار يقلي انا خاتم بايدك وتحت امرك
وانا بدي ضمك وانتي ست النسوان وبعطيكي شو مابدك

هي : حبيبي بلكي بكره امك ما حبتني ؟

هو : بالناااااااااقص المهم انا كون راضي عليكي وانا امي بحطلها حد

هي : واخوانك شو وضعهن ؟

هو : يوووه كل واحد متل الارنب لمرتو لا تخافي ما بيتدخلو

هي : و مرتك ؟

هو : لك هي عقلها ع قدها بتعمل الي بدي ياه هي عملتلي الحساب
بتخاف مني وبتحسبلي الف حساب ولا يهمك انا ضابعها

هي : ايوووه قلتلي

انا قلبي يتقطع على حكيو الي عم يحكيه لوحده ما بتخاف الله وناوي من كل عقلو يجيبلي هي ضرة

بس قلت بسييييييييطة
@novels_stories
#يـتـبـع