‏ميز جرح عن جرح
‏بيهن يطيب بدوة
‏وبيهن يطيب بجرح
‏وبيهن يطيب بزعل
‏وبيهن يطيب بصلح
‏وجرحي عرفت علتة
‏جرحي دواه الملح
‏جرحي الگبل يستحي
‏شو هسة صاير وكح
‏بي حالة من الغجر
‏الليل يگضي سهر
‏وينام وكت الصبح

‏كاظم إسماعيل گاطع

وردة ماتت المن ترشلها ماي؟
وهذا ياهو الگالك تحييها؟
صرت كتالي برگبتك دمي صار
وذيچ روحي بذمتك خليها
سالفه العاف القفص يرجع علي؟؟
شعنده راجع ؟ هاي لاتحچيها
انا ردتك لمن چانت بيه روح
ترجع المن ؟ بعد روحي شبيها
ولاتعيرني بجرح غير انتَهاذ
انا لو اعرف جروح اشريها؟؟؟؟
تطيب لو مهما تمر بيها السنين
جروح المسودن شمس تچويها
ما دوم وداعتك يوميا راي
بدمعة وبضحكة السنين أگضيها شالتك دنياك بس باجر اطيح وترجع اسحكك سحك رجليه

‏لا تكن سيئًا على الإنترنت. الحياة قصيرة جدًا.

أن جمالِك يا سيدتي هو وجودِك في الحياة.. وجودك المجرّد فقط جمال ما بعده جمال.

يكتم اﻹنسان غضبه في قلبه.ويظن أنه إختفى..فيظهر فجأة في الوقت الخطأ ولﻷسباب الخطأ وللناس الخطأ الذين لاذنب لهم فيه.
تلك هي رذيلة عدم خوض المعارك في وقتها .

من يقتل مع الذئب ويأكل مع الراعي يصبح جيفة للثعالب عندما يحين وقته.

من يجيد الغياب يتقن النسيان. فلا تصدق غائبا يقول لك لم أقدر على نسيانك...

الشخص الذي يحتضنك بعينيه قبل يديه لاتفرط فيه..

انظموا لهاي القناة مرتبة

وافرفح چم تعال بسد تصاويرك
يالبروحي كبر غصنك
ولا حطن عصافيرك

عباس الغالبي

نهرهم مو عذب بس الضما يوازيك

الكره يبطل وضوء
والتبات ابحضنه غيـبه يغتسل باقرب نهر
للشوگ دافي ـ على الأحوط ـ مرّت ابجرفه حبيبه
ولو سمعها- وإن سهوا –
يشطف اذنه نص نهار ابنده تغريد البلابل!!
اليمس خد الورد كفارته يزرع حديقه
واليصافح چف جراده... امنين ماچان
انتماءه وانتماءات الجراده فهو باطل..
ديّه يدفع للسنابل .. حرگ گونية مناجل!!
البيوت الخالية من طير للحب ما تصح بيها صلاه
اليطوف الناس باحرام المحبه
حجته مقبوله ولا يحتاج للكعبه وصول
اليصلي وقبلته ارموش الفقير..
وما إجه ابّاله اشحچه اشگال الأمير
اشلون ما رايد يكبـّر خل يكبـّر
آنه اضمنله ابتسامه من الرسول
الدعاء ابلا شعر للناس.. للحب
للأمل.. ما مستجاب.
ولو إجه فرض القصيده ما تصح
تـُكتب قضه.
لوحة المليانه حب .. تبقه
..وتموت لوحة المرسومه لون امچفنه
اعله الحايط بتابوت خشباته شعار
واليعض شفته ابوجه باب الشتيمه
إنتصار.
ريحة البارود محظوره بتاتا
واليلامس سيف يكفلّه يتيم
الشبابيچ التجيلك منها ريح
إرسم اعله اخدودها بوسة اشراع
وابحر اشما مدلك الله ابروجه بجناح الضوه
لاصلاه للخوف بمتون الرسالة
ركعة الرجفه حرام
ليش خايف؟
القصور العاليه خدرانه حيل
والحچي بس للصرايف
واللسان موفقط للضوگ..
والله موفقط لبوس خالقها الشفايف..
ليش خايف؟
اللسان الينگص ايخضر اهلال
يركض اعله الباچر ابحلم الامس
ويجي باچر ويجي شاعر
يكتب الجملة الكتبناها أمس!!!
الچان باچر يوم چنه اول أمس
وهاي هيه ..
الغيمة غيمة اشما يدثرها الظلام
اتطيح من تضحك شمس
النجمه من تموت لاتلبس عليها الدمع الاسود
الگمره تحبل كل شهر تنطيك نجمه
إرسم الطيف اليعجبك
وافتح اعيونك اتشوفه..
وابصم ابخد السمه اللون التريده
وللأمانه..
الگاع حره.. فشله تتخطط سجن!!
وللأمانة..
الدين حل المشكله.. عيب يصبح
مشكله وتبچي اعله حل
الله خير اچفوفه مليانه فراشات وسلام
المحبه اقرب طريق الباب حنية الإله
الزكاه واجب عله كل المشاعر
ابلايه حب .. تكفض اجفون البراءه
تنطفي الدنيه ويخوط الليل چايه بالصبح
تنچفي الذلـّه عله خدود الملح جربة دمع.
ابلايه شوگ ..
تنشف اللهفه ويفرخ ابليس بعيون الشمع
النخله أم
شجرة التفاح أم
ونومة العاشگ عبادة شرط
ماناسيله موعد
الگلوب الليلو اكلادة عرش
ما يطب الجنه من يرعب فراشه
آثم اليصنع مخده نوم من ريش الحمام
الشهور الحرم عشره الباقي عيد..
أحمر الشفه غروب يفتح الليل
اعله موسيقى الجمال
والتيمم جائز ابكحلة عراقيه اصيله
العراقية الأصيله
الشدّت ايزار الحصار
وطبخت ابجدر الصبر لمن سجد..
يمها كلشي ابّالك ايصبّح حلال
العراقي ..الينحني ابنيّة وقوف ايعبـّرالجيل الوراه !!
الخط الأحمر يبدي من باب الطفوله
من ابتسامة طفل مثلومه
عله اضفاف الشفايف
تاكل ابلبّة لهاته
شوغة اخرس ترفس ابگلبه قصيده
حوبة البلبل چبيره
اتعثر الشط ّ و ثلث ترباع
من بحر التلوحه
الخط الاخضر يبدي من باب الطفولة ..
ابطور "داخل"
والدللوش الحنينه ابصوت فيروز
اليذكرني ابوطن منهوبه ترچية فراته
طور داخل حرز عن غول المكابر
والـ (بنفسج) تنقره حين الولاده
اتگطـّر ابإذن الرضيع
ويّه كل فرة اگماط اتلولي فيروز
ابدللوش امهاته
الخط الاحمر يبدي من باب الطفولة
وينتهي ابخيط البريسم
خيط البريسم مقدس ..
شيلة الأم علم والـ (چِــلاّب) راية
والشبگ تنور أم حته ـ لو باقي أثر ـ
يعتبر طالب لجوء
اكتشاف ا


نوفل الصافي

الإمام علي عليه السلام يكول:

"دعِ الأمور تجري في أعنّتها، ونم نوماً قريرَ العين هانئ البال، فما بين غمضة عينٍ وانتباهتها يغيّر اللّٰه من حالٍ إلى حال."

إحنا مرات نريد كلشي يصير بوقته، ونظل قلقانين على باجر، ونفكر شراح يصير وشراح ما يصير، وكأنما كلشي بإيدنا. بينما الحقيقة أن هواي أمور اللّٰه دبرها إلنا قبل لا نفكر بيها.
موكل تأخير حرمان، وموكل ضيق نهاية. يمكن الشي اللي تزعل عليه اليوم، باجر تحمد اللّٰه ألف مرة أنه ما صار. ولهذا لا تخلي القلق ياكل عمرك، ولا تخلي الخوف يسرق راحتك. توكل على الله، واسع، والباقي خله عليه.
وتذكر... بين غمضة عين وانتباهتها، اللّٰه يكدر يبدل حزنك فرح، وضعفك قوة، وضيقك فرج. فلا تستعجل أقدار الله، لأن تدبيره دائمًا أحكم من تدبيرنا