يا كثير المماطلة والتسويف تذكر

ترا المادة براسك براسك .. اجل شكد متريد وسوف وكل يوم كول باجر اقرا وظل هيجج شكد ماتريد

بالنهاية حتمتحن بكل المادة وكلها مطلوبة منك ومحد راح يقراها وياكلها غيرك ...عود يفيدك الندم والحسرة
لمن تشوف صديقك مخلص وديراجع وانت كلها متراكمة عليك
ولمن هو يفوت كلية احسن منك وكتها حتكره نفسك ..

مبارك عليك المماطلة عزيزي

الذي تزرعه اليوم تجنيه غداً

#سالم_ال_منصور

طلاب المدارس 😂💔
https://www.instagram.com/p/B7bEuz6pfWS/?igshid=1w9f6hi3b46ke

سيحل الأستاذ #سالم_ال_منصور مؤسس و مدير شبكة نيوتن التعليمية
ضيفا على معهد سما المعرفة الأهلي في ملتقى لطلبة الصف السادس الاعدادي سيتم التحدث من خلاله على هذه المرحلة و تحدياتها و كيفية التغلب على القلق و كيفية الدراسة الصحيحة.
الملتقى سيكون يوم الجمعة 19 - 11 الساعة الثانية مساء
و الدعوة عامة ((( للبنات فقط )))

للمزيد من المعلومات يرجى مراجعة المعهد في
حي سومر - شارع المولدات
او الاتصال على الأرقام التالية :
📞 07507820499
📞07729111182
انضموا لمجموعة سما المعرفة على فيسبوك من خلال هذا الرابط
https://www.facebook.com/groups/samaalmarefa
انضموا لقناتنا على التيليكرام من خلال هذا الرابط
https://t.me/samaalmarefa_institute
#معهد_سما_المعرفة_الأهلي
#حيث_لا_حدود_للمعرفة

بالنسبة للي يكولي الاسئلة هواية وتتعب وهي بس محاضرتين؟!

تدرون أني كل أمتحان امتحن طلابي هو هيج
يشلع القلب ومطول ويتعب الطالب ..

بس هذا الشي من صالح الطالب نفسو ،تعرف ليش؟!

لأنه :

١- يتعود على هالحالة لان الأحياء بالوزاري مطولة.
٢- يتعرف على كل انماط وصيغ الاسئلة.
٣- يتعلم يجاوب بيدو كل الأسئلة الوزارية.

لأنه اني خلال الامتحانات مستحيل أعبر سؤال وزاري الا واجيبو بالامتحان ... عدنا هواية امتحانات موزعة حسب المحاضرات او تراكمية او شاملة فيصير عندي مساحة امتحن الطالب بكل كلمة بالكتاب بدون ميحس😂.


اني نشرتها حتى تستفيدون ف حلوها بيدكم
لأنه الإطلاع عليها ميفيدكم .. حل قلب قلبي حل.

#سالم_ال_منصور

أهلا وسهلا ..

قريبًا ان شاء الله نوضحلكم نظام الدورة
والتوقيت والسعر وكل تفاصيلها ...


#سالم_ال_منصور

• دفاتر طلاب بعض طلابي وطالباتي👆👆 للأمتحان التراكمي الأول للفصل الثالث ..

كان الامتحان عبارة عن 17 فرع ..

اجابات جميلة وان شاء الله تستفيدون منهم❤️

#سالم_ال_منصور

- ‌‏فمن كان لنا في قلبه شيء من محبة، ‏فليدعُ لنا في هذه الليلة ❤️

#سالم_ال_منصور

مثِال لهم لست مثلهم.

- ما أحب احچي بهيج أمور بس حرفيًا كلشي داسويه ديتقلد ، الأسلوب والأفكار والطرق والمحتوى وكلشي ..


• يعني لو بيدهم حتى الصوت يقلدوه ..

هالشي مفرح ترى ❤️❤️

بس اني مع أنه الشخص يحاول يتميز ومايكون مُقلد للغير لأنه بهيج طريقة حيكون مُقلد للأفكار وأمور موجودة ومارح يضيف شي ولا يتقدم ولا يعتبر إنجاز..


الإنجاز للأصل دائمًا وكل ما اشوف ناس تحاول تقلدني وتصير مثلي أفرح بنفس الوقت اضوج عليهم ✅

#سالم_ال_منصور

وداعاً رمضان وإن كان بالعمر ملتقى نلتقي بأحسن حال.

كل عام وانتم جميعاً بخير ❤️

#سالم_ال_منصور

بالمختصر |

• أنتهى شي اسمو تحسين معدل.

#سالم_ال_منصور

والأهم أنه المصطلحات مكتوبة بشكل دقيق وصحيح على عكس الملازم المتعارف عليها ..

وان شاء الله حنكمللكم امتحانات المنهج
+ حنسويلكم ملزمة منهجية دقيقة وممتازة ٢٠٢٣

كذلك ملحقات ك المقارنات النموذجية وغيرها❤️

#سالم_ال_منصور

إذا أنا أكبرتُ شأنَ الشباب
فإن الشبابَ أبو المعجزاتْ
حُصونُ البلادِ وأسوارُها
إذا نامَ حُراسُها والحماةْ.

#سالم_ال_منصور

مضى على رحلتهِ معَ طلبةِ السادس خصوصاً وطلابِ العراق في الجامعات والمدارس عموماً أكثر من 5 سنين، 5 سنين وهو يدعم الطلاب بتوجيهاتهِ العلمية والنفسية.
والمتابع لمسيرة سالم آل منصور في (شبكة نيوتن التعليمية) و ( شبكة جامعيون) يعي أن لهذا الرجل فضلاً عظيماً على طلبة العراق في السادس الإعدادي خصوصاً. لما رسمهُ من خطواتٍ للطلبة تكفلت لهم بالمسير الصحيح وتسخير ما أمكن من ملازم وخطط وملخصات ومن ثم النجاح..
فجزاهُ الله عن الطلبة وذويهم خير الجزاء، وتمنياتنا لهُ بالموفقية والعطاء الدائم.

اسمع واستفق ...

• انطلق في صناعة ذاتك كن انت الاستثناء.

#سالم_ال_منصور

خلاصة الكلام :

● إذا انت اول سنة الك بالسادس هي هاي السنة (2023) فأنت مشمول بقرارين :

١- نظام التحميل بدرس او درسين لا أكثر.
٢- إذا عدت السنة تنحسبلك عدم رسوب.

#سالم_ال_منصور

#شبكة_نيوتن_التعليمية
https://t.me/Newton1998

#للمرة_الالف

● لحد يستعجل بالتقديم لان ابسط خطأ يكلفك تروح كلية ماتريدها ..

● أي خطأ بالتقديم يكلفك تخسر سنة من حياتك ..

● جماعة الدور الثاني محد يقدم إلا يمتحن دور ثاني وتطلع نتيجتو يلا يقدم .. اياكم تقدمون وانتوا بعدكم ماتعرفون معدلاتكم النهائية .

#سالم_ال_منصور

#احصائيات ..

● قبل ال ٢٠٠٣ كان عدد العطل الرسمية بالسنة هي ١٦ عطلة اي ١٦ يوم فقط عدا الجمعة والسبت.

● العام السابق ٢٠٢٢ كان عدد العطل ١١٠ !!! يعني ١١٠ عطلة بالسنة كانت ( ثلث السنة ) طبعاً هاي عدا الجمعة والسبت !

لأنه للإسف صار على اي مناسبة لازم عطلة رسمية صار اذا مطر عطلة اذا توز عطلة اذا حارة عطلة 😂 ... كارثةة ها.

زين شنو تبعات هاي العطل ؟ شنو كمية الخسارة بسببها ؟ شكد شغل راح يتأجل بسببها او ينتهي ؟ شكد اعمال شكد دروس ....الخ

وبما أنه احنا بمجال تعليمي زين شلون مع كمية العطل هاي يكدر المدرس او الطالب يخلص المنهاج خلال العام الدراسي ؟؟؟؟؟؟

المدرس مستحيل يكدر يخلص المادة مستحيل لان المناهج عملاقة جداً جداً بالتالي تكع براس الطالب المادة ولازم الطالب بهاي الحالة هو يدرسهم بالبيت على مدرسين خصوصي لو يوتيوب ويمشي بالمادة .. لأنه إذا اعتمد ع المدارس فلو مايخلص ٧٠% من المنهج لو يخلص بس ركض ركض.

زين اكو حل لهاي المشكلة ؟

الحل هو تنلغي هاي العطل وهالشي مستحيل بسبب تعدد الطوائف بالعراق وكل طائفة الها طقوس خاصة وتريد عطل !

اذا الحل هو تخفيف المناهج.

غير هالشي مستحيل يتعدل التعليم بالعراق وراح تفشل المدارس سنة ورا سنة والطلاب راح يجي يوم كلها كاعدة بالبيت تدرس وتعتمد على نفسها.

للإسف واقع حال.

بالتوفيق

#سالم_ال_منصور

#توجيه_شكر

- للادمنية والاخوة والأخوات :

عذراء مهدي.
علي شعبان الجبوري.
طيبة أحمد.
عبيدالله أحمد الدباغ.
إسراء الطائي.
بَشائر حمود علي.

● هذولي مجموعة أشخاص رائعين فعلاً تعبوا بكتابة الاسئلة اليومية والشهرية لكل المواد بدون كلل او ملل ..

هذا العمل العظيم راح يكون صدقة جارية مستمرة الكم .. هنيئاً لكم .. بصمة عظيمة بحياتكم هاي راح تكون ذخر الكم دائمًا ان شاء الله.

تنويه : حسب خطتنا ف المواد حتخلص بقناتنا يوم ٢٠-٤ ..

التزامك مع خطتنا يعني تفوقك ..

#سالم_ال_منصور

الخلاصة : هالسنة اكو تحميل وهاي اخر سنة ..

والتحميل يشمل الطالب اللي راسب بمادة او مادتين كحد اقصى.

ف الطالب بدال ما يعيد السادس بسبب هاي المادتين او المادة .. يروح يكعد بالبيت ويعيد بس بهاي المادة او المادتين وتبقى درجاتو مثل ماهي بباقي المواد.

#سالم_ال_منصور