#توضيح |

▪️ وزارة التربية: قرار إلغاء الانتساب جاء متناغماً مع إطلاق مشروع المدرسة الإلكترونية الحكومية لأنها ستفسح المجال للطالب الذي لا يرغب بالدوام في المدارس النظامية او لديه ظرف خاص الالتحاق بالمدرسة الإلكترونية كخيار بديل عن الانتساب مع إبقائه على العملية التعليمية.

#شبكة_نيوتن_التعليمية
https://t.me/Newton1998

#توضيح

▪️ كل مايشاع عن موعد الامتحانات هي مجرد اجتهادات شخصية وكلام غير رسمي ولا معترف بي.

لحد الان لا يوجد أي خبر عن موعد الامتحانات ونرجوا منكم متابعة منصاتنا او منصات وزارة التربية الرسمية.

#شبكة_نيوتن_التعليمية
https://t.me/Newton1998

#توضيح |

▪️ وزارة التربية لازم توضح الأمور للرأي العام
لأنه هذا الموعد المنتشر حالياً اللي هو 20-6 يتضارب مع موعد الامتحانات لطلبة الجامعات ، وهذا يخالف تعليمات وزارة التعليم العالي إللي تنص على انه ما يصير ولا يجوز انه تتصادف أمتحانات طلاب السادس مع الجامعات.

ودائما موعد امتحانات السادس يصير بتنسيق مع وزارة التعليم العالي وبعد نهاية امتحانات طلاب الجامعات اللي تخلص هاي السنة يوم 2-7 فهسه اختلطت الأمور ولازم الوزارة توضح على موقعها الرسمي.

#شبكة_نيوتن_التعليمية
https://t.me/Newton1998

#توضيح |


▪️ انتشر تصريح على أساس هو لوكيل وزير التربية ، وإني ماعرف إذا التصريح فعلاً ذكرو الوكيل او لا واللي ينص على :


• فلاح القيسي : #الاسئلة_الوزارية ستكون واضحة لكن بعضها ستميز بين الطلبة لقياس مستويات الذكاء و ستكون مناسبة لمستويات الطلبة.

أريد #اوضحلكم واگول :

كل سنة هيج أمور تنتشر وهيج اشاعات ، وناس تجر بالعرض وناس بالطول بخصوص الاسئلة .. بالنهاية الأسئلة الوزارية هي هي مثل كل سنة ، بيها المباشر والوسط واللي يحتاج واحد فاهم ، هاي أمور واضحة بالاسئلة الوزارية وروح بنفسك شوفها ، حتلاحظ أنه اكو أمور كلش واضحة وسهلة واكو وسط واكو تحتاج واحد فاهمها للمادة وكلها منهجية.

هذا معروف من زمان مو جديد أصلا !
وأطمنوا مستواها حيكون مثل العام وقبل العام وقبلو وقبلو !

فلا تربكم هيج تصريحات أو هيج أمور
التهي بمراجعتك ولا تهتم لشي ثاني توكل على الله وامشي بنفسك.

بالتوفيق

#ســــالـــــم_ال_منصـــــــور

#شبكة_نيوتن_التعليمية
https://t.me/Newton1998

#توضيح |


▪️ وزارة التعليم العالي خربت تقويمها وإذت طلابها (طلبة الجامعات) وقدمت أمتحاناتهم 20 يوم وصارت 1--6 بدل 20-60 بسبب موعد امتحانات طلبة السادس حتى لا يصير تضارب ! وهالشي اذى طلبة الجامعات كلش ..

فلا تجي تعتقد أنه هسه وزارة التربية تأجل الامتحانات او اصلا عدها نية!

لأنه هي طلبت من وزارة التعليم تقدم امتحانات طلبة الجامعة حتى تسوي أمتحانات طلبتها طلبة السادس 21-6.

فأنت تعتقد أنه وزارة التربية هسه تجي تأجل امتحانكم ؟ لو نفكر بعقل ما جان اعتقدنا هيج ودرسنا وما ضيعنا وقتنا على أحلام وردية ..

لأن تأجيل الامتحانات بي تبعات كثيرة على وزارة التربية وهو مو لعبة .. ومستبعد. بعدين الجدول الحالي أحسن من أنه يتغير ويصير بين كل امتحان وامتحان يوم واحد بس ! يا جماعة كونوا منطقيين واركض ورا مصلحتك قبل لا يفوت الأوان.

لذلك نصيحة لا تضيعون وقتكم واكعدوا اقروا واخلصوا من السادس ولا تعيش احلام اليقظة.

بالتوفيق

#ســــالـــــم_ال_منصـــــــور

#شبكة_نيوتن_التعليمية
https://t.me/Newton1998

#توضيح |

▪️ وزارة التربية خلال هذا الاجتماع دتوجه رسالة لطلبة الثالث المتوسط والسادس الاعدادي أنه إحنا دنجهز للامتحانات ونرتبها وهي على موعدها وماكو تأجيل لموعد الامتحانات ..

#شبكة_نيوتن_التعليمية
https://t.me/Newton1998

#توضيح |

● وزارة التربية تعلن ان 9-9 هو موعد انطلاق امتحانات الدور الثاني للمراحل غير منتهية ( من الاول ابتدائي لللخامس + اول وثاني متوسط + رابع وخامس إعدادي ).

#ســـالـــم_ال_مــنـــصـــور

#توضيح |

• بخصوص #موعد امتحانات الدور الثاني لطلبة السادس ، على الأغلب هي حتكون بعد منتصف الشهر التاسع ، يعني بعد امتحانات المراحل غير المنتهية والله أعلم قد تكون ١٧-٩ او شي قريب منها ..

• بخصوص #موعد إعلان نتائج السادس الاعدادي فمن المتوقع إعلانها في الاسبوع الثاني من الشهر الثامن .. ( يعني تقريباً يوم ٧-٨ الى ١٠-٨ بهاي الحدود).


والعلم عند الله ...

#ســــالـــــم_ال_منصـــــــور

#توضيح

● شنو هو نظام المحاولات ( التحميل ) ؟
● شنو يعني عدم رسوب ؟


- نظام المحاولات : هو نظام يسمحلك تعيد السادس بالمادة أو المادتين ( كحد اقصى) اللي بقيت راسب بيهم او ما نجحت بيهم فقط ، اما باقي المواد اللي ناجح بيهم فخلاص تبقى ناجح بيهم ميحتاج تعيدهم.

يعني : انت امتحنت المواد كلهم لكن بقت مادة او مادتين كحد أقصى ( اذا أكثر ميصير) ماكدرت تنجح بيهم ، فبدل ما تعتبر راسب بالمرحلة وتعيد السنة بكل المواد من وراهم ، فتسوي تحميل بهاي المادة او المادتين فقط وتعيد السنة بيهم اما باقي المواد اللي ناجح بيهم تبقى ناجح بيهم ودرجاتك مثل ماهي وخلص تعيد بهاي المادة او المادتين وتبقى بالبيت بدون اي دوام مدرسي تنتظر لحد ما تجي امتحانات الدور الاول للدفعة اللي بعدك ( دفعة ٢٠٢٤) وتروح تمتحن معاهم هاي المادة أو المادتين دور أول بشكل طبيعي وأذا ما نجحت دور اول تمتحن دور ثاني واذا ما نجحت فلو تبطل احسن والله .

● شنو هي سنة عدم رسوب ؟

- يعني السنة ما تعتبر راسب بيها ولا كأنه مداوم عند الوزارة.

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#تنويه

● لجنة #التربية_النيابية توصي بإلغاء الاعمام الخاص بإيقاف العمل بنظام المحاولات وإعادته للسنة الحالية فقط.

#توضيح :

- يعني اللجنة النيابية دتوصي او دتقترح او دتطلب من وزارة التربية انه تبقي التحميل لهاي السنة فقط وهذا مجرد طلب مو امر أو قرار لذلك ننتظر الرد.

#شبكة_نيوتن_التعليمية
https://t.me/Newton1998

#توضيح |

■ وزارة التربية قررت منح ( دور ثاني تكميلي ) او بالأحرى هو #دور_ثالث .. يشمل المراحل المنتهية فقط وكالاتي :

1⃣ السادس الابتدائي : يحقلو يمتحن دور ثاني تكميلي ( دور ثالث) اذا كان راسب بدرس او درسين فقط.

2⃣ الثالث متوسط : يحق للطالب يمتحن دور ثاني تكميلي ( دور ثالث) اذا راسب بدرس او درسين او ثلاثة كحد اقصى.

3⃣ السادس اعدادي : لا هذولي سباحي يحقلهم يمتحنون كل الدروس بالدور الثاني التكميلي ( دور ثالث).

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#توضيح |

- لجنة التربية تكول قررنا مع وزارة التربية انه راح نرجع المواضيع والفصول اللي كانت سابقاً محذوفة لدراستها لكن بشكل تدريجي ..

يعني مثلا نجي للاحياء ..

العام كان محذوف منها نص الفصل الثالث والفصل الرابع كامل والوراثة كامل ..

فهاي السنة ممكن يرجعون نص الفصل الثالث اللي كان العام محذوف مع الفصل الرابع .. اما الوراثة ف يرجعون مثلا جزء منها سنة الخ .. وهكذا لحد ما ترجع المواد كاملة.

هذا مثال فقط يوضح كلام لجنة التربية ( يعني مو شي رسمي).

والعلم عند الله دنشوف فعلا راح يطبقون الكلام لو مجرد تصريحات.

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#توضيح

أوضحت وزارة التربية/المديرية العامة للتعليم العام والأهلي والاجنبي بعضا من الفقرات الواردة في كتاب دوام بالانتساب للتلاميذ والطلبة الراغبين بالانتساب للعام الدراسي ٢٠٢٣_٢٠٢٤ موجهة المديريات العامة للتربية كافة للعمل بموجبه.

#شبكة_نيوتن_التعليمية
https://t.me/Newton1998

#توضيح |

- حسب الكتاب أعلاه بما يخص الأنتساب ..

- اي طالب يسوي انتساب فلازم يمتحن امتحان شهري واحد في الفصل الأول.

- ثم يمتحن نصف السنة.

- ثم يمتحن أيضاً امتحان شهري واحد في الفصل الثاني.

ثم امتحان نهاية السنة.

وانتبه : سابقاً اللي يحدد دخولك للوزاري هو امتحانات نصف السنة فقط بالانتساب أما الآن صار عندك فصل اول ونصف سنة وفصل ثاني وتتقسم على ٣ فيطلع سعيك السنوي لكل مادة وهو اللي راح يحدد دخولك للوزاري.

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#توضيح |

● القرار يكول أنه الطالب بعد مايرسب بالصباحي مرتين بنفس الصف ويتحول للمسائي .. ورجع رسب هم بنفس الصف فراح يتحول خارجي مايبقى مسائي.

سابقا كان الطالب حتى يتحول خارجي لازم يرسب ٤ مرات بنفس الصف .. مرتين بالصباحي ومرتين بالمسائي ..

حالياً لا .. اذا ٣ مرات يرسب يتحول خارجي

هذا المفهوم من الكتاب والعلم عند الله

#ســـالـــم_ال_مــنـــصـــور

#توضيح |

- التكييف ماراح يكون مثل العام.
- على الأغلب الحذف يكون من نهايات المنهج لأن المدارس تقريبا خلصت الجزء الأول من كل مادة.

هذا والله اعلم ننتظر التفاصيل الرسمية ..

#شبكة_نيوتن_التعليمية
https://t.me/Newton1998

#خطة_عطلة_العيد ...

▪️ طلاب عدكم عطلة 9 أيام أن شاء الله قبل عيد الاضحى المبارك باذن الله ..

ف شلون ممكن استغل هاي الايام واستفيد منها ؟ معقولة كلها يبقون لمادة وحدة ! لا اكيد لازم تعرف تستغلها بشكل صحيح وك الآتي :-


● بالنسبة لمادة الامتحان اللي بعد العيد مباشرةً واللي هي :-

- #أحياء لجماعة العلمي.
- #تاريخ لجماعة الأدبي.

انت المفروض بهاي المواد يكون طموحك بيها عالي ( يعني فوك ال 95 ) لأنه عندك وقت كافي الهم ف يعني جريمة ما يكون طموحك بيهم عالي ..

لذلك انت تقدر كل مادة كم يوم تحتاج من هاي العطلة ؟ هل  3 أيام ؟ لو 4 ؟ براحتك حسب تقديرك بس لا تبالغ بتقديرك.

حدد كم يوم تحتاج المادة اللي قبل العيد ونقصهم من هاي العطلة والزايد من ايام العطلة استغلوا لباقي المواد كالاتي :-

1- تحدد مادة تحس نفسك محتاج ترجع عليها مرة الخ قبل الامتحان.
2- تخصصلها شي من العطلة هاي حسب الحاجة ( مثلا يوم يومين ممكن ٣).


#توضيح_اكثر |

● يعني ممكن انت عندك مواضيع معينة بالرياضيات او كيمياء او تاريخ مثلاً تحس مو كلش بيهم ، فهنا ترجعلهم وتنطيهم شي من العطلة او ممكن فصل معين ...الخ.

● إذا عندك مادة مثلا قبلها يوم واحد بالجدول وتحس ميكفيها بس يوم ، تكدر تاخذ من أيام عطلتك هاي و تنطيها و هسه تراجع مثلاً نصها او حتى كلها حتى من يجي امتحانها أنت مسيطر تكون.

وهكذا ..


#ريست |

● انطيك حق تاخذ من هاي العطلة يوم واحد ريست واللي هو أول يوم العيد ، تطلع بي حالك حال البشرية تعيد تشوف الناس شلون تاكل شلون تتنفس شلون تحجي شلون تضحك وتسترجع ذكرياتك لمن كنت انسان عادي مثلهم ، ثم ترجع لدرسك 😁.


#شبكة_نيوتن_التعليمية
https://t.me/Newton1998

#توضيح |

- رسمياً تم تقليص منهج الأحياء ( حُذف من المنهج مايقارب الـ ٤٢ صفحة ) وهذا التقليص هو ثابت ، بمعنى المنهج ثبت على هذا الحذف للدفع القادمة ايضاً.

▪️ زين شنو هي الحذوفات ؟

ج : الحذوفات تشمل الفصل الثالث والرابع والخامس.

ملاحظة : بنسبة ٩٩% هو نفس حذوفات العام وكانت حذوفات العام جيدة جداً لأنه الوزارة حذفت مجموعة من المواضيع المعقدة اللي يكرهه الطالب ويعاني منها.

بس نتأكد ١٠٠% من المواضيع المقلصة ان شاء الله راح نعلنها بالقناة.

#شبكة_نيوتن_التعليمية
https://t.me/Newton1998

#توضيح |


" بخصوص قرار الأنتساب "

▫️ الأنتساب صار للكل بدون قيود أو شروط واي طالب يكدر يقدم على الأنتساب.

من تسوي انتساب خلي ببالك :

عندك امتحانات وهي كالآتي :

١- امتحان واحد شهري ( يحدد درجتك بالفصل أول ).
٢- امتحان نصف السنة.
٣- امتحان شهري واحد ( يحدد درجتك بالفصل ثاني).


ثم بعدها تنجمع هاي الـ ٣ امتحانات لكل مادة وتتقسم على ٣ ويتحدد سعيك السنوي اللي هو حيقرر دخولك للوزاري.

دخول الوزاري الرسمي هو درسين و5 درجات
وعلى الأغلب بالنهاية يجي قرار ويصير 3 دروس و10 درجات.

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#توضيح_مهم |

مجلس الوزراء يوافق على إجراء امتحانات الدور الثالث للطلبة الراسبين بالدور الثاني للعام الدراسي (2023-2024) لجميع الدروس بالنسبة للصف الثالث المتوسط ولثلاثة دروس للصف السادس الإعدادي ويستثنى من ذلك الراسبين بسبب الغش ولا يسمح لهم بأداء الامتحانات.

#شبكة_نيوتن_التعليمية
https://t.me/Newton1998