#الاسلامية |

▪️ برأيي الشخصي أنه أهم مادة بالسادس هي مادة الإسلامية لسببين :

١- مادة سهلة وطموح الطالب لازم يكون بيها ١٠٠.
٢- مفتاح الامتحانات الوزارية.

لذلك انصحك #نصيحة :

• ضروري تنطي الإسلامية حقها ولازم يكون طموحك بيها 100 لأنه حرفياً اهم امتحان هو امتحان الإسلامية لأنه اول ضربة معنوية للطالب فإذا كانت هاي الضربة هي إيجابية وبأول امتحان تطلع مجاوب وفرحان فاني اضمن بنسبة 80٪ امورك ان شاء الله حتمشي بباقي الامتحانات عدلة.

أما إذا اول امتحان وبأسهل مادة رايح دارس آيتين من اصل 3 ودارس مرشحات لو مدري ايش وتخربط ف والله تستاهل ..

لذلك تدرسها للمادة زين كلها مع الاسئلة الوزارية وتتعود شلون تجاوب بطريقة صحيحة ومرتبة مثل ترتيب الأجوبة النموذجية وتروح للامتحان حتى تكون الأمور ان شاء الله لوز.

لذلك جهز نفسك لهالشي خوش !

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#مهم ..

شدني كلام طالب أو طلب طالب كتبلي فيه " نريد رسالة توعوية تخص هاي الفترة "

معرف بس حسيت أنه فعلاً طلب من قلب كل طالب سادس ، ف حرد الطلب واجاوب واكول :

" نصيحة لوجه الله هاي الفترة ترى كلش حساس كُلش وأي كلمة أي شي ممكن يضرب على نفسيتك او يوترك ويطلعك من جو الدرس لذلك #نصيحة لله ابتعدوا قدر الإمكان عن أي مشتت ! ابتعدوا عن النت ،عن التليكرام عن القنوات عن الكروبات عن أصدقاء السوء عن كلشي ، جديات إذا طبقت هالشي راح تشوف نفسيتك شكد حتستقر ! ترى هاي البلبلة وكل شوية خبر وإشاعة وحجي وكلام دتأثر عليك بشكل مباشر أو غير مباشر ودتشد بالك !

انت متوازي لهالشي ؟ مجبور ؟

والله العظيم لو منك دطلع من كلشي واخفف عن نفسي شدعوة اطلب التليكرام وألف قناة عندي وألف كروب!! جديات معرف المن يعني ؟

انت تابع فقط اللي يفيدك وخلص !

أسمع النصيحة وراح ترتاح .. وبعد براحتك.

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#الانتساب

شنو هو الانتساب ؟!

• هو بكل بساطة أخو الخارجي بالرضاعة 😁.

بمعنى | أنه تداوم سادس لكن بالبيت المطلوب منك فقط تروح لامتحانات نصف السنة وهاي هي تنتظر الامتحانات الوزارية وخلاص انتهت السنة.

#ملاحظة | يشترط عليك أنه تنجح ب 5 مواد بنصف السنة بالانتساب حتى يحقلك تمتحن وزاري نهاية السنة.

• يعني اللي يحدد دخول للوزاري بنظام الإنتساب هو امتحانات نصف السنة لأنه هي الامتحانات الوحيدة المطلوبة منك من تكون منتسب بالنظام وعلى شرط أنه تنجح ب5 من أصل 7 مواد.

• ما مطلوب منك لا امتحانات شهرية ولا يومية ولا أي شي ،فقط امتحانات نصف السنة اللي هي تأهلك للامتحان الوزاري.

#ايجابيات_الانتساب |

١- الوقت كلو بيدك لا طلعة لا دخلة على المدرسة و لا أي شي ف الوقت بيدك وهذا يقلل الضغط عليك خصوصاً إذا عندك دورات.
٢- ينطيك وقت أنه تقرا الأمور بشكل أعمق وأكثر اريحية.

#سلبيات_الانتساب |

١- ماكو أي رقابة من أحد عليك.
٢- كعدة البيت تملل وروتين.
٣- ميفيد الطالب إللي يسخت وميكدر على نفسو لأنه ماكو أحد يحاسبك.
٤- تخسر امتحانات المدرسة اليومية والشهرية وهاي أهم نقطة.
٥ كذلك تخسر اجواء الدراسة والمدرسة.

طبعا هاي السلبيات في حال ماعندك دورات خصوصي ومعتمد على نفسك لكن إذا عندك ف هذولي كلهم ينحلون.


فكر وشوف نفسك وقرر قرار وطبق.

#بالنهاية |

• كثير طلاب انتساب كدروا ينجحون ويضبطون امورهم وطلعوا بنتائج حلوة ، بنفس الوقت كثير طلاب فشلوا بهذا النظام لأنه ماستغلوه والتهوا بالنت وسختوا بالنهاية وما سيطروا على نفسهم و ضاعوا.

إذا الموضوع يعتمد عليك أنت نفسك قيس ظروفك ووضعك وقرر.

#نصيحة |

• إذا ماعندك دورات وخصوصي ف أبقى على المدرسة أحسنلك ،على الأقل اكو امتحانات أكو احد يحاسبك هاي الأمور كلش تفيدك وبراحتك بعد ، لكن الطالب اللي داخل دورات خصوصي ف هيج نظام يفيدهم ب إعتبار اكو عدهم امتحانات واجواء دراسية لكن كونك طالب معتمد فقط على اليوتيوب فصراحة ما انصحك بي.

• فكر مع نفسك زين بالموضوع ، شوف نفسك إذا أنت من نوع مسؤول وتعرف مصلحتك وين وتكدر عليها ؟ وتعرف تنظم امور دراستك واللهو ؟ وعندك شي تعتمد علي إذا ماعندك مدرسة ودوام ؟ تكدر تمتحن نفسك وتتابع نفسك ؟ .. الخ

بالتوفيق

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#نصيحة ...

- نصيحة جميلة وصحيحة.

#نصيحة_لله ..

- الى جميع طلبة المدارس سواء الحكومية أو الأهلية ... راح تشبعون عطل هاي السنة .. لان العطل عدنا تعتمد على حالة الطقس وبما انه مقبلين على فصول شتوية يعني تشبعون عطل لذلك :

- كل واحد بيكم ياخذ احتياطو ويشوف لكل مادة مدرس شارحها على اليوتيوب ويكعد هو يمشي بالمادة ويعتمد على نفسو .. ترى كلشي متوفر عندك وانت مو بحاجة لاحد غير لستر ربك...

انطلق ❤️.

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#نصيحة |

- سدوا تليفوناتكم وكافي ضياع للوقت نصف السنة جايتكم .. مايفيد بعد شي غير انكم تشدون حيلكم .... كوم اقرا !!!!

#شبكة_نيوتن_التعليمية
https://t.me/Newton1998

#نصيحة

#نصف_السنة

حنطيكم كم نصيحة لو كنت مكانكم كنت حمشي بيهم واني مغمض ! لأن الديكتبلكم هي هو شخص مجرب وعدا هيج مرحلة سابقًا ف كل كلمة حتفيدك.

1⃣ خلال فترة نصف السنة ابتعد عن التلفون شكد متكدر وإذا تكدر تتركوا فأنت بطل ودتسوي شي كلش زين وحلو ، لأنه التلفون مثل السم بيد الطالب السادس ، يستنزف طاقتك ووقتك وصحتك وأنت متحس.

2⃣ شكد تكدر تعب نفسك ب امتحانات نصف السنة لأنه كل كلمة تقراها او تراجعها هي مكسب كلش جبير الك ، لكن اياك تهمل الأكل والشرب والنوم لأنه حزعل عليك ، واني من ازعل ما ارضى ، من ما أرضى خلاص انت راح تضيع بالسادس وبكيفك بعد.

3⃣ تركزون على وزاريات المادة لأنه ٨٥٪ من الأساتذة يجيبون اسئلة وزارية كثير بالامتحان ف ركز عليهم هم واسئلة الفصول.

4⃣ لا يكتلك خوفك من إلامتحانات ! ترى هي امتحانات بالاخير ، إللي عليك هو انك تقرا ألهم وتسوي العليك وتتوكل وبس هاي هي والله.


طبق هاي النصائح الأربعة إللي فوگ تمام ؟ مو نصائح ترى أوامر.

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#جدول_الامتحانات ..

▫️ مبدئياً نتفق أنه موعد الامتحانات هو موعد غير مدروس من قبل اللجنة الدائمة للامتحانات ووزارة التربية إذن ( ترا تنكتب هيج لحد يكولي اذًا) هو موعد غير موفق وكان بالإمكان أفضل من ما كان ... خوش؟

▪️ أحنا اليوم كأشخاص نحاول نساعدكم لازم نستخلصلكم الأمور الايجابية من بؤرة الأمور والظروف السلبية .. على الرغم من هذا الموعد الا أنه بي إيجابيات لازم نسلط الضوء عليها الا وهي :

1⃣ عطلة عيد الأضحى المبارك حتصادف أنه تكون في منتصف الامتحانات الوزارية إذن انت حتكون عندك عطلة بنصف الامتحانات ما تقل عن اسبوع (8_10 أيام ).

شنو فوائدها لهاي العطلة ؟

١- تخفف عليك تعب وضغط الامتحانات المتواصل لأنه حتكون فاصل بين مواعيد امتحان كل مادة.

٢- تنطيك فرصة أنك تراجع المواد اللي بعد العطلة بشكل مريح أكثر وعلى الأغلب حتكون هاي المواد هي المواد العلمية الضخمة بالتالي مسألة خوفك انك ما تلحك تخلصها لهاي المواد نستبعدها لأنه انت حترتب وضعك وتوزع ايام العطلة على المواد حسب حاجتك.

2⃣ إعلان موعد الامتحانات هو بحد دافع حافز للطالب أنه خلص الأمور صارت جدية بحت ولازم يشد حيلو ويدرس ويجهز لهذا الموعد.

#لا_تنسى | اني ماجاي اكولك هو خوش موعد لا هو مو خوش .. لكن داسلط الضوء على ايجابية هذا الموعد واللي هي عطلة عيد الأضحى اللي ممكن تكون الك متنفس وهم عطلة تستغلها تراجع بيها المواد العلمية.

#نصيحة | شد حيلك شكد ماتكدر .. اعرف حتتعب والموعد يضغط ويتعبك .. بس ان شاء الله هذا الضغط يولد دراسة أكثر وتكدر ترتب وضعك .. ادرس ترى الكل وحوش وجاي تدرس لا تقبل تكون اقل من غيرك وخلي طموحك بين عيونك واتعب لهالشي.

ولا تنسى قوله تعالى :

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ...)

( لَا يُكَلِّفُ اللَّهُ نَفْسًا إِلَّا وُسْعَهَا)

وشد حيلك وسوي العليك وفعل شخصية البطل .. وعندك بعد وقت .. إذن الكرة بملعبك.

ربي يوفقكم ويسهللكم ويفتحها بوجهكم❤️

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#نصيحة_مهمة_جدًا ..

• الحمد لله أنه خطر على بالي هذا الموضوع هسه حتى لا تتأخر النصيحة عليكم ..

المهم أسمع :-

- من تبدي تراجع ، وتمشي ، لازم تخصصلك دفتر خاص بالاسئلة اللي بيهم افكار ولوفات او تواجه صعوبة بيهم مثل بعض المسائل العلمية ( فيزياء كيمياء رياضيات أحياء أو حتى بعض الجمل بالقواعد ) .. أو أي مادة كانت ..

بهذا الدفتر شكو سؤال يمر عليك وبي فد فكرة أو لوفة ، أول شي تسويه هو تكتبو بهذا الدفتر.

زين ليش ؟!

لأنه هذا الدفتر بفترة #الامتحانات_الوزارية حيكون كنز حقيقي الك ، لأنه انت من كنت دتراجع حطيت بي الاسئلة اللي بيها أفكار ولوفات ومهمات ف صارت هاي الأسئلة بيدك مباشرةً فأنت بهيج حالة حتضمن انك راح تقرا الاسئلة اللي ممكن يغلطوك بالامتحان وضمنتهم أما باقي الأمور اللي مو كاتبها ف أكيد تكون واضحة عندك وهيج أنت ضمنت أنك درست المادة بيوم الامتحان ب أصعب أفكارها.

ف جيب دفتر وقسمو إلى أجزاء وكل جزء خصصو لمادة حتى من تراجعها تكتب هذا النوع من الاسئلة داخلو وتكون امورك عدلة.

✍ : سالم ال منصور

#شبكة_نيوتن_التعليمية
https://t.me/Newton1998

#نصيحة |

▪️ الطلبة المُقبلين للسادس من الخامس ، لا تمسكون كل المواد حضوري .. لأنه ماراح تلگي لنفسك مجال حتى تتنفس بسبب الضغط ! خصوصاً مناهج كاملة.

لذلك نصيحة وازن بين المواد ، تگدر تاخذ جزء او نص المواد أما المتبقي فلو تعتمد على نفسك بيهم باليوتيوب أو أضعف الإيمان تمسك بيهم خصوصي لكل الكتروني !

لأنه ضغط المحاضرات ممكن يأذي نفسيتك وصحتك لذلك لا تستعجل وامسك حضوري بمواد معينة والباقي لو يوتيوب لو الكتروني ، وأسأل القبلك عن هذا الموضوع وتعرف قصدي.

▫️ زين إلا امسك خصوصي حتى اطلع معدل بالسادس ؟

ج : أكيد لا ، إذا التزمت مع اليوتيوب وعرفت تحاسب نفسك وتجبر نفسك على الإلتزام والامتحانات فأكيد تكدر تطلع المعدل إللي ببالك ان شاء الله.

وقريبا ان شاء الله راح نوضحلكم دراسة الخصوصي واليوتيوب بالتفصيل ان شاء الله ..

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#نصيحة ..

■ الوقت كالسيف إن لم تقطعه قطعك.

#ســـالـــم_ال_مــنـــصـــور ✔️

#العطلة ..

▪️ الاحظ كثير من الطلبة يسأل عن ؟

- شكد زين اخلص من كل مادة بالعطلة ؟
- على اي مواد أركز بالعطلة ؟
- تنصحني على اي فصل اركز بالعطلة ؟

#الجواب |

¤ شكد بيك حيل تخلص بالعطلة فخلص.
¤ ركز على المواد المطولة كثير مثل الفيزياء الكيمياء الأحياء رياضيات.
¤ ركز على كل الفصول زي بعضها.

#نصيحة |

١- اعتمد على نفسك وادرس وراقب نفسك وحاسبها قبل لا تنتظر متابعة ومحاسبة غيرك.

٢- فكر بنفسك كثير وكون اناني في سبيل مصلحتك.

٣- فكر بعقلك وابتعد عن عاطفتك وكون مع اي شي يصب في مصلحتك وابتعد عن اي شي يأثر عليك مهما كان.

احبــك ...

#ســــالـــــم_ال_منصـــــــور

#شبكة_نيوتن_التعليمية
https://t.me/Newton1998

#نصيحة |

▫️ اللي مانجح ويريد دور ٣ خلي يقرا ..
النتائج مال دور ثاني ماتبشر بخير
ونسبة المعيدين مخيفة ، ف أعتقد الوزارة لازم تقر بالدور الثالث !!

لذلك اقروا للدور الثالث
وزارة التربية على الاغلب حتنطي دور ثالث
لأن هالشي صار لازم.

بالتوفيق