#التراكمات ..

• كثير من الطلبة تعاني من موضوع التراكمات وثقل التراكمات عليهم .. ف دائمًا ينطرح علي سؤال ، اللي هو ..

سالم ... عندي تراكمات ! ماعرف شسوي ومدالحك شكد اقرا هم يصير تراكمات ، شنو اسوي ؟!

• سوادس قلبي لازم نعرف أنه موضوع التراكمات ترى طبيعي ، يعني نادر ماتشوف طالب يداوم مدرسة وماعندو تراكمات معينة ! خصوصاً إذا طالب عندو مدرسة ودورات هذا الشي ينطي إحتمال اكيد لوجود تراكمات عند الطالب ف ترى التراكم موجود عند الكل.

يعني لا تخاف مو بس انت ...

#كمية_التراكم ..

- احنا هسه عرفنا أنه موضوع التراكمات هو طبيعي عند الكل ، لكن شكد عندك تراكمات ؟ هالشي يختلف من طالب لطالب ، أنت حاول قدر الإمكان أنه تدرس وتقلل تراكماتك على كد حيلكم ، ف شكد تكون تراكماتك أقل شكد يكون افضل الك.

#شلون_اتعامل_مع_التراكم

- انت حاول تنطي نسبة من وقتك للتراكم حتى مع الوقت تقلل تراكماتك ،ف مثلاً انت يوم الجمعة من الظهر للمغرب تفرغ نفسك تقرا تراكمات من مواد معينة.. وهكذا حتى تخفف وتقلل من التراكمات مع الوقت وما تصير كثيرة عليك قبل نصف السنة.

وماكو أي حل سحري للتراكم إلا أنه تقراها ترى براسك براسك.

لكن مهما كان عندك تراكم ف تذكر انت عندك وقت وتكدر تخففهم مع الوقت والاستمرار أن شاء الله ف ماريد تكعد تأيس وتسود الحياة بوجهك ، لا ترى عادي اكو كثير طلاب تراكماتهم اضعاف تراكمك ف كول الحمد لله وطبق كلامي.

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

يكول أمير الشعراء :

وما نيل المطالب بالتمنِّي ... ولكن تُؤخذ الدُّنيا غِلابا.

ممكن تكون اهم بصمة بحياتك.

#ســـالـــم_ال_مــنـــصـــور

قريباً ان شاء الله ...

- أضافة امتحانات يومية في كل محاضرة من محاضرات الأحياء ان شاء الله داخل بوت السهل الممتنع مع إدراج الإجوبة النموذجية لكل امتحان.

وبهالشكل حيكتمل البوت ان شاء الله ويصير بي كل محاضرات المنهج مع امتحانات شهرية وملفات خطوات رسم واسئلة وزارية مع الإجوبة النموذجية لوزارة التربية بالإضافة الى امتحانات شاملة + امتحانات نهاية الكتاب.

راح تكون ان شاء الله خطوة جبارة تفيد اي طالب معتمد على اليوتيوب بدراستو لأنه حيلكي امتحانات لكافة تفاصيل المنهج داخل البوت.

بالإضافة الى إدراج خطة لدراسة المنهج توضحلك تقسيم المادة.

انتظرونا قريباً ❤️.

#ســـالـــم_ال_مــنـــصـــور
https://t.me/Salimalmansour98bio

#ماريد ..

ما جنت اريد احجي بهيج لهجة
بس للضرورة أحكام.

#ســـالـــم_ال_مــنـــصـــور

توضيح لقرار الأنتساب |


- طالب الأنتساب راح يمتحن بالمدارس ٣ امتحانات لكل مادة وكالاتي :

" الامتحان الأول "

هذا يشمل كل المادة اللي راح يخلصها المدرس بالمدرسة خلال الفصل الأول من العام الدراسي.

وهالكلام مو معناه الحرفي أنه الفصل الأول من المنهج! لا معناه شيخلص من المادة خلال فترة ( زمن) الدراسة في الجزء الأول من العام الدراسي حيدخل بالامتحان.

وعلى الأغلب فصلين على الأقل من المنهج

" الامتحان الثاني "

هذا يشمل امتحان نصف السنة وحتدخل كل المادة اللي درسوها الطلاب بمدارسهم لحد نصف السنة.

يعني ٣ فصول على الأقل من كل مادة.

" الامتحان الثالث "

هذا الامتحان يشمل كل المادة اللي تاخذوها مابعد نصف السنة شوف الى وين يصل المدرس بالمدرسة قبل لا تكعدون للمراجعة وتمتحنون بالمادة.


ثم :

يتم جمع درجات هاي الامتحانات الثلاثة لكل مادة ويتم تقسيمها على ٣ وتطلع درجتك بالسعي بالمادة.

وهكذا يطلع سعيك السنوي لكل المواد واللي هو يقرر دخولك للوزاري من عدمو.

وقرار الدخول للوزاري الرسمي لحد الآن هو درسين و١٠ درجات.

[ يعني تنجح بالسعي على الاقل لازم ب ٥ مواد ]

وعلى الأغلب في نهاية السنة يجي قرار ويصير ٣ دروس و١٠ درجات مثل كل سنة.

هذا كل مايتعلق بالانتساب!

#ســـالـــم_ال_مــنـــصـــور
https://t.me/Newton1998

#تنبيه |

على الطالب ( قدر الإمكان) ... ان يكمل قبل امتحانات نصف السنة :

1- اول ٣ وحدات إسلامية ..
2- اول ٤ او ٥ فصول فيزياء ..
3- اول ٤ او ٥ فصول كيمياء ..
4- اول ٣ او ٤ فصول احياء ..
5- اول ٣ فصول رياضيات..
6- اول ٤ او ٥ وحدات انكليزي ..

احرص على هذا الشي او حاول تنجز هذا الشي ، هو صح صعب عليك بس بصراحة لازم لأنه الوقت بعد نصف السنة هو قليل جداً وقصير لذلك لازم خلال هاي الفترة قبل نصف السنة تكون شكد تكدر ماشي بيها للمواد بنسبة ٦٥% من كل مادة ، لأنه الوقت بعد نصف السنة ضيق وقليل مو مثل قبل نصف السنة.

حاول تخطط وترتب وضعك
ممكن تكون متأخر بالمادة انت وتقرا هذا كلامي ويجوز تتوتر او تتكأب من كلماتي لكن هذا الشي الصح ، ف رتب وضعك هيج.

#ســـالـــم_ال_مــنـــصـــور

#شبكة_نيوتن_التعليمية
https://t.me/Newton1998

#انتبه ..

- بانزينك صحتك ...

#ســـالـــم_ال_مــنـــصـــور