Hindistonda maktab bitiruvchisi frontendni telefon orqali o'rgandi

Hindistonda yosh yigit HTML, CSS, va Javascriptni faqatgina mobil telefon orqali o'rgandi. Bu haqda uning React-dasturchi akasi LinkedIn platformasida habar bergan.

Uning yozishicha, ukasi unga web-saytlar yaratishni o'rgatishni so'rab murojaat qilgan. Ammo, akasi unga hali yosh ekanligini, oldin o'qishga kirishi kerak ekanligini aytgan. Shuningdek, ukasining noutbuki yo'qligi ham unga to'siq bo'lgan.

Shundan so'ng, yigitcha baribir o'z niyatidan qaytmagan, va smartfonga tashqi klaviatura ulab, mustaqil ta'limni boshlagan. Ukasining ishtiyoqini ko'rgach, akasi unga qo'lidan kelgan barcha yordamni bergan. Ikki oy ichida u HTML, CSS, Sass, Bootstrap, Material Design va Javascriptni o'rgangan.

Voqea ommaga ma'lum bo'lgach, tarmoq foydalanuvhilari unga noutbuk sovg'a qilish niyatida ekanligini bildirganlar. Hind IT kompaniyasi CEO si Moxit Kumar esa uning krovatda shug'ullanishini bilgach, unga ish stoli sovg'a qilgan.

✅ @javohir_webdev

⚠️Diqqat

Bu post barchamiz bilishimiz kerak bo'lgan tobora xavfli qurolga aylanib borayotgan loyiha haqida bo'ladi.

Deepfake texnologiyasining yuksalishi bilan tasvir va videolarni reallikdan deyarli farqlanmaydigan usullarda manipulyatsiya qilish har qachongidan ham osonlashdi. Bu bizning maxfiyligimiz, xavfsizligimiz va shaxsiy obro'-e'tiborimizga jiddiy ta'sir ko'rsatadi.
Xususan, men qizlar va ayollarni ogohlikka chaqirmoqchiman. Hozirgi davrda ijtimoiy tarmoqlarda fotolar yuklash kundalik hayotning odatiy qismiga aylangan. Shuni bilishimiz kerakki, bu fotolarni keyinchalik xohlagan ko'yga solish, osonlikcha o'zgartirish va bizga qarshi ishlatish mumkin.
Ayrim shaxslarning suratlaridan foydalangan holda, ko'pincha ularni sharmanda qilish yoki obro'sini to'kish maqsadida soxta videolar yaratilgan holatlar ko'payib ketgan. Masalan, p.rnografik tasvirlar yoki videolarga yuzlarini qo'yish. Buning oqibatlari haqiqatan ham dahshatli, odamlar sharmandalikdan hatto o'zini o'ldirishgacha borishi mumkin. Agar siz hech qachon nomaqbul xatti-harakatlar qilmagan bo'lsangiz ham, soxta video orqali sizni yuzingizni tasvirlab berishlari mumkin.

Ijtimoiy tarmoqlarga bo'lar-bo'lmas rasmlarni yuklashni to'xtatishimiz kerak, agar menga baribir, rasm yuklayveraman desangiz ba'zi xavflardan xabardor bo'lishingiz va o'zingizni himoya qilish uchun choralar ko'rishingiz kerak. Mana bir nechta maslahatlar:
• Har qanday fotosuratlarni Internetga joylashtirishdan oldin ikki marta o'ylab ko'ring. O'zingizdan so'rang: "Bu fotoni menga yoqmagan tarzda qayta ishlatishlariga rozi bo'larmidim?"
• Fotosuratlarni kim bilan bo'lishayotganingizga e'tibor bering. Rasmlarni faqat o'zingiz ishonadigan odamlar bilan baham ko'rganingizga ishonch hosil qiling.
• Suratlaringizni kim ko‘rishini nazorat qilish uchun ijtimoiy media akkauntlaringizdagi maxfiylik sozlamalaridan foydalanishni o‘ylab ko‘ring.
• Tasviringizdan foydalanadigan deepfake videodan xabardor bo'lsangiz, darhol chora ko'ring. Bu haqda tegishli organlarga xabar bering va agar kerak bo'lsa, yuridik maslahat so'rang.

Xulosa qilib aytganda, biz fotosuratlarni Internetda baham ko'rishdagi xavflardan xabardor bo'lishimiz kerak, ayniqsa deepfake rivojlangan davrda. Opalar-singillar, rasmlaringizni tarqatishda, yoki ijtimoiy tarmoqlarga yuklashda ehtiyot bo'ling, iloji bo'lsa umuman yuzingiz tushirilgan rasmni yuklamang.

Bu shunchaki shaxsiy fikrlarim va maslahatlarim, xohishingiz o'z qo'lingizda.

@mabrur_dev

Assalaamu alaykum!

Videoni MB “o’ta kotta!”

Agar bir qultum mativatsiya kere bo’masa yuklamasezam bo’ladi In Shaa Allaah!

BaarakAllaahu feekum)

@ustozation_official

​​"Mohiyat menga kerak emas", yohud "ChatGPT yonimda bor, istalgan muammoyingizni hal qila olaman!"

Bir qiziq savol berishdi menga: "Nima uchun aksariyat suhbatlarda ishda odatda ishlatilmaydigan narsalar so'raladi? Nima uchun ChatGPTni yaxshi bilgan va unda ma'lumot izlay olgan odam har doim ham ish topa olmaydi? U ham muammoni yechimini tez bera oladi-ku?"

Oddiy bir misol keltiraman. Qaynoq choy damlangan choynak turibdi oldimizda. Agar yonimizda biror go'dak paydo bo'lsa, biz shu ondayoq bolani shu choynakdan uzoqlashtirishga harakat qilamiz. Nima uchun? Javob oddiy – Qaynoq suv bola tanasini kuydirib, shikast yetkazmasligi uchun. Biz buni o'z tajribamizdan o'tkazganimiz uchun, yoki eng kamida yaqinlarimizda ko'rganimiz uchun bilamiz.

Qizig'i shundaki, aynan shu qaynoq suvning tanaga salbiy ta'siri haqida ChatGPTdan ham so'rab bilsa bo'ladi. Sizdan ko'p narsa ham talab etilmaydi, savol bersangiz bo'ldi. GPT Sizga joyida kamida 10ta gapdan iborat bir matnni ko'rsatadi va unda shu zararlar haqida bayon qiladi.

Diqqat savolar: GPT buni tajribasidan kelib chiqib qildimi? U ham o'z ustiga qachondir shunday aynoq suvni to'kib yuborganmi? O'zi bayon qilayotgan narsaga u qanchalik ishonadi?

Tajriba va ilmning o'rnini hech qaysi sun'iy intellekt bosa olmaydi. Bilimi chuqur inson har bir qilayotgan ishini nima uchun qilayotganini; u qilgan ish kelajakda qanday natijalarga olib kelishini; agar u qilgan ishda muammo chiqsa qanday yechim qilish kerakligini bemalol ayta oladi.

ChatGPT ustingizga suv to'kib bo'lganingizdan keyin Sizga yordam bermaydi. U faqat o'qib berishni biladi, bayon qilishni biladi, ammo shu bayonotiga hech qachon javob bera olmaydi.

Ilm izlashdan to'xtamang!

@app_hbs

Dasturchilikda tajribangiz bir yilmi, O'qituvchilik qilish Sizga mumkin emas!

Hozirgi davrda IT o'quv markazlar juda ko'p. Ular har xil sifatda dars beradilar, turli yo'nalishlarda ilm ulashishga harakat qilishadi. Ammo har bir markazning eng katta muammosi bu sifatli, ilmli Ustozni topa bilishdir.

Lekin e’tiborimizni bir narsa tortdi. Hali tajribasi ikki yil bo'lmagan juda ko'p yoshlar markazlarda dars berishga oshiqishadi. Bu narsa o'ta yomon natijalarga olib borishi haqida esa deyarli hech qayerda gapirilmaydi. Joriy maqolada shu mavzularni yoritishga harakat qilamiz.

Haqiqiy proyekt qanday amalga oshirilishini bilmaysiz.
Tajribasi hali yo’q, yoki kam bo’lgan odam proyekt qanday yuritilishi haqida hali yetarlicha ma’lumotga ega bo’lmaydi. O’rgatiluvchi har bir mavzu keyinchalik proyektda qayerda yordam bera olishini bilish — dars berishdagi eng muhim joy! Proyektni bajarishda kimlar ishtirok etadi, qanday vazifalar bajariladi — bularni bilish darsni mazmunli qilib o’tishga sababchi bo’ladi.

Mijoz kimligi haqida ma’lumotingiz yo’q.
Hali tajribasi kam bo’lgan odam, o’zi yozayotgan kodning mijoz qo’lida qanday ishlashi haqida ma’lumotga ega bo’lmaydi. Kod soddaligi, effektivligi, katta yuklamalarga bardoshliligi tajribasi faqat mijoz uchun real proyektda ishtirok eta olgan odamda bo’ladi. Mijozning xohishlari, uning injiqliklarini ko’rmagan odam dasturlashdagi tushunchalar qanday qilib muammolarni hal qilishini bila olmaydi.

Hayotiy tajriba o’lchamini o’quvchi o’ta tez ilg’ay oladi.
Xohlaysizmi, yo’qmi — Sizni eshitayotgan odam Sizning tajribangizni tez ilg’aydi. Buning uchun dasturchi bo’lish shart emas. Umuman tajribasi bor odam bilan tajribasiz odam fikrlashida, gapirishida va mavzuni tushuntirib berishida juda katta farq bo’ladi va bu narsani o’quvchi birinchi darsning o’zidayoq ilg’ay oladi.

Muammolar qanday hal qilinishini bilmaysiz.
Istalgan dasturiy ta’minot real hayotda ishlatilganidan keyin muammolarga duch kelishi aniq — hakerlar hujumi, katta yuklamadagi murojaatlar, dasturiy ta’minot arxitekturasi o’sishga tayyormasligi yoki noto’g’ri tuzilganligi va boshqalar. Tajribasiz odam bunday muammolarni ko’rmagan bo’ladi, ularni hal qilish bo’yicha fikrga ega bo’lmaydi. Axir, o’qituvchiga borishdan aynan maqsad shu-ku — hayotiy muammolarga yechimlarni o’rganish. Dasturlash tillarini o’qituvchisiz o’rganib olsa ham bo’ladi. Onlayn kurslar buni sifatliroq ham qila oladilar. Ammo hayotiy tajriba faqat tajribali ustozdan olinadi.

Haqiqiy mas’uliyat o’quvchi o’qishni bitirganida boshlanadi.
Endigina dars berishni boshlaganimizda, biz dars berishni mas’uliyati yuqori ish deb bilar edik, ammo bu mas’uliyat qayerda namoyon bo’lishini bilmagan ekanmiz. Uch yil dars berib bir fikr paydo bo’lgan — O’qituvchilik mas’uliyati o’quvchi o’qishni bitirib, ishini topib o’zini ko’rsatishni boshlagan kunida boshlanar ekan. Dars jarayoni bu sun’iy jarayon. Undagi masalalar sun’iy (ya’ni dars uchun o’ylab topilgan) bo’ladi. Ustozning mahorati, o’quvchiga singdirgan ilmi faqatgina shu o’quvchining haqiqiy ishida bilandi. Agar ishxonadagi odam o’quvchingiz haqida: “Shuni ham bilmaysizmi? O’qituvchingiz kim bo’lgan o’zi?”, desa, Sizning mas’uliyatsizligingiz bilinadi. Agar o’quvchingiz zarracha bo’lsa ham Siz bergan ilmga norozilik his qilsa, biling-ki, qilayotgan ishingizda halollikka e’tibor kamaygan bo’ladi. Shuning uchun ham ustozlik og’ir kasb deyiladi. Ustoz bergan ilk ilm o’quvchining professional hayotining har bir nuqtasida bilinib turadi, shuning uchun ham Ustozman degan odam yelkasiga katta yuk olgan bo’ladi.

Yakun o’rnida…
Yakun o’rnida bir narsani aytib o’tish joiz — umuman istalgan kasbda Ustozlik qilish uchun katta tajriba o’ta muhim. Shundagina ushbu kasb egalari sifatli ish qila oladilar. Dasturlashda esa ayni damda dars beraman deb yonib turgan, hali yetarlicha tajribaga ega bo’lmagan yoshlar ko’payib qoldi. Maslahatimiz: Dasturlashda yana bir necha yil tajriba yig’ing, zero Siz bergan ilm birovning kelajagini sindirib qo’ymasin!

Ilm izlashdan to’xtamang!

@app_hbs

Dasturchilikda tajribangiz kammi, Kanalingizga post yozishingiz mumkin emas!

Yaxshiyam shu tajribali ustozlarimiz bor, bo'lmasam miyyani ishlatib kanalga post yozishga majbur bo'lardik. 😅😂

@Nazirov_Blog

Bir joyda navbatimni kelishini kutayapman.

Navbatsiz kirsam bo'ladi lekin ko'pchilik navbatda turgani uchun ularni oldida hijolat bo'lishni hohlamadim.

3 ta erkak o'tiribdi qarshimdagi stollarda.

Uchchalasi ham instagram yoki tiktokda. Uchchalasiga ham qizig'i yo'q yon atrofidagi insonlarga halaqit qilayotgani. Ovozini baland qilib social mediada o'tiribdi.

Bittasini kuzatib o'tirdim. Qanaqa videolar ko'rayotganini. Komediya(agar shu videolarni shunaqa atab bo'lsa), filmlardan parchalar, motivatsion so'zlar, qo'shiqlar, konsertlar, experiment, trend videolar(ashley look at me)), mashina videolari va tonnalab kategoriya. Miyyani bo'tqasi chiqib ketdi. Hamma narsani aralashmasidan tayyorlangan bo'tqa qorin og'ritadi. Hamma kategoriyani aralashmasidan qilingan "bo'tqa" esa boshni.

Bir soatlardan keyin uyg'onadi, va nega hech omadim kelmaydiya deb hayotdan noliydi. Nega hech narsaga fokusimni qarata olmayapman deb o'zidan noliydi.

Social mediada men ham ko'p o'tiraman. Men kun so'ngida social mediadan nima o'rgandim. Nimalarni o'zimda qo'llay olaman, ishimdan nima yangiliklar qila olaman deyman. Savol beraman.

O'zingizga ko'p ko'p savol berib turing. Bugun kun so'ngida shu savolni o'zingizdan so'rang.

🚀 PHP va MySQL ni 0 dan bepul onlayn kursimiz orqali o’rganib, dinamik veb-ilovalarni dasturlashdagi samarali texnologiyalarni to’liq egallang.

🔗 Kurs mavzular ro’yhati

💻 Kursimizda PHP va MySQL texnologiyalarini qulay va qiziqarli tarzda egallashingiz uchun zaruriy bo’lgan barcha material, topshiriq va loyihalarni topishingiz mumkin bo'ladi.

📚 Kurs darslari video darslik formatida muntazam ravishda telegram kanalga yuklanib boriladi. Barcha darslar to'liq BEPUL o'tiladi.

🎓 Birinchi dars 2-noyabrda soat 21:00 da telegram kanalda boshlanadi.

Kelajagingizni keyinga qoldirmang! Bepul kursimizga qo’shilib, veb-dasturlash sohasida o’z faoliyatingizni boshlang.

Telegram | Youtube | Instagram | Facebook

❌ Boykot qilingan mahsulotni qayerdan bilsam bo'ladi?

Yaxshi sayt va kanal topdim. Nima uchun boykot qilinganligi sababigacha aniq va tiniq yozadi.

http://boykotqildim.com
https://t.me/boykot_qildim

Genotsid hamma din va qonunda qoralangan!

#genotsid

@todaysobirjonov

“Umid yo’q. Siz xohlagan ishingizni topa olmaysiz. Balki 1000ta joyga topshirsangiz chiqib qolar. Vaqtingizni bekorga sarflayapsiz”

deb Computer Science yo’nalishini o’qib tugatgan bir odam dardini yozibdi.

Bu gaplarga Y Combinator kompaniyasi CEOsining javobini qarang:

Haqiqiy loyihlarda, side projectlarda, open source loyihalarda, shunchaki qiziqish uchun qilinayotgan loyihalarda ishlash bu muammoga davodir.

Computer Science bitiruvchilarining ko’pchiligi hech narsa yasay olmaydilar.

Agar siz nafaqat loyihalar qura olishingizni, balki o’zingiz qiziqqaningiz uchun loyihalar qilganingizni isbotlay olsangiz, imkoniyatlar eshiklari siz uchun ochiladi.

E’tibor beringa. Loyiha, loyiha, loyiha. Qurish, yasash, qiziqish.

Ish topa olmayotganlardan so’rasangiz qilgan ishi CRUDdan uyo’giga o’tmagan. Oddiy web loyihadan uyog’iga o’tmagan.

Dasturchilikdek imkoniyatlari cheksiz kasbni o’rganasizu, o’zingizga qiziq bo’lgan birorta proyekt qilib ko’rmaysizmi? Nima bu hamma yoq CRUD bo’lib yotibdi? Bu hamma yozayotgan blog, internet magazin, yangiliklar sayti hech kimni e’tiborini tortmaydigan bo’lib qolgan. Eng yomon tarafi bularning hammasi uchun deyarli bir xil qobiliyatlar kerak. Qisman farq qiladi holos.

O’yin yozib ko’rmaysizmi? Linux uchun Command-Line loyiha qilib ko’rmaysizmi? Data Engineering qilib ko’rmaysizmi? Bot yozib ko’rmaysizmi? 3D qilib ko’rmaysizmi? Yangi dasturlash tili yozib ko’rmaysizmi? Yangi framework yozib ko’rmaysizmi?

Boshqalardan ajralib turish vaqti keldi.

@jakhonrakhmonov

Ushbu videoni ko‘rishni tavsiya qilaman!

Video: https://www.youtube.com/watch?v=G5t_L4EudcU

Ketkazgan vaqtingizga achinmaysiz.

Ramazon oyi muborak bo’lsin!

Oshga to’ygan norveg mehmonlar haqida

Bundan 2 yil avval klinikamizga investor bo’lib kirgan bir tadbirkor haqida yozgan edim.

Klinika sohasida hech qanday tajribaga ega bo’lmagan bu bola, 2 yilda 2 ta qo’shimcha filial ochdi, 6 million dollar pul jalb etdi. Klinikani 10 milliondan 100 million baholanishga olib chiqmoqchi.

Maqsadlari katta.

O’sha odamni va yana bir sherikni o’tgan oy O’zbekistonga olib bordim.

Birga ishlaymiz ular bilan. Ikkisida ham avvalgi bizneslaridan puli bor. Investitsiyaga biznes qidirishmoqda. Chetdan.

Mendagi maqsad ular pulini Uzbga olib kirish edi. Ma’qul bo’lsa yarim mil investitsiya haqida gaplashdik.

Uzb haqida uzoq suhbatlar qilganmiz oldin. Potensialini sota olganman. Shu sabab o’z ko’zlari bilan ko’rishmoqchi bo’ldi. Potensiali katta, yosh avlod, soliqlar jozibador, to’yinmagan bozor va hok.

Sayohat oxirida ular katta imkoniyatlarni ko’rishgan bo’lsada hozircha sabr qilishlarini aytdi.

Xohlasang bizsiz davom etaver deyishdi.

Sabablarini so’radim (tahminan bilsam ham).

To’rtta misol keltirdi haligi yigit.

- birinchi kecha yotgan mehmonxonasini Bookingdagi bahosi 9,1/10 edi. Asl sharoit esa unday bo’lmadi. Kirishda kanalizatsiya hidi kelib turar edi. Ertasiga chiqib ketishdi. Bookingda 4/10 baho berdi. Mayli bu ham tajriba bo’ldi dedi.

Ertasi kuni mehmonxona ular bilan bog’lanib past bahoni o’chirib tashlashini iltimos qilgan. Yalingan. Xulosa: «bu biznes yolg’on ustiga qurilgan. Mijozlarni aldayapti»

- oradan 2 kun o’tdi, yana bir boshqa hoteldan joy band qildik. Kechroq bordik, faqat uxlash uchun. Bizga «siz bron qilgan xonadagi tualet quvuri yorilib ketdi. Afsus boshqa xonamiz yo’q» dedi resepshndagi yigit. Yorilgan quvur rasmini ko’rsatdi. Ahmoqlikni qarangki rasmda u olingan sana turipti va u 2023-yilni ko’rsatmoqda. Xonalarni ortiqcha sotib yuborishgan. Boshqaruv joyida emas. Xulosa: «mijozni aldamoqda». Hech kim aldanishni xohlamaydi!

- bir xususiy maktab egasi bilan uchrashuv belgiladik. Birga tushlik qiladigan bo’ldik. Maktabga investitsiya haqida gaplashmoqchi edik. Akamiz 30 min kech qolib keldi. Kech qolayotganini aytmadi ham. Kelgandan keyin ham sababini aytmadi. «Uzr ozgina ushlanib qoldim» dedi xolos. Xulosa: «vaqtingni qadrlamagan, pulingni ham qadrlamaydi»

- klinikalar ko’p pul topadigan lazer operatsiyalari bor. Ularni qanday qilinishi haqida so’rashdi. Qoidaga ko’ra ko’zoynakdan qutulish uchun qilinadigan lazer operatsiyalar ko’z stabil holatda bo’lgandagina qilinadi. Ya’ni minus yoki plyus o’smagan bo’lishi kerak. Bunga ishonch hosil qilish uchun bemorni kamida 6 oy kuzatiladi. Bu eng muhim talablardan biri. Stabil bo’lmagan bemorlar operatsiya uchun yaxshi kandidat emas. Uzbda bunga ko’p xirurglar amal qilmasligini ko’rishdi. Xulosa: «daromad bemordan ustun»


Kelgan mehmonlarda baraka degan tushuncha yo’q. Qadriyatlar haqida bong urganini eshitmaganman. Ammo biznesi rivojlanishi uchun aldov bo’lmasligiga juda katta e’tibor berishadi. Mijozni aldagan, hamkorni ham aldaydi degan fikr bor ularda. Ishonch eng muhim ko’rsatkich, biznesdagi asosiy kompas darajasida.


Men esa o’zimcha hursand bo’ldim.

«Zato rosa osh bilan go’shtga mehmon qildim bularni» deb.


Bek Olimjon
Eidsvoll, Norvegiya
09.05.25

PS. Investitsiya fikridan butunlay voz kechilgani yo’q. Sababi uchrashgan tanishlarimiz ichida kelishuvga amal qilganlari ham ko’p edi. Ular biznesi hali katta bo’lgani yo’q, yo ular chetga ketmoqchi bo’lganlar. Umid katta.

Bu mavzuga yana qaytamiz…