#توجيهات لدراسة أفضل
أسئلة الامتحان الوطني غالباً عم تركز عالشي العام والواضح فحاولوا تركزوا بكل مرض على:

🔴 العرض الأشيع
🔴 التشخيص الأفضل
🔴 طرق الاستقصاءات (تعداد)
🔴 أول اجراء
🔴 استطبابات إعطاء علاج ما
🔴 مضادات استطبابات
❗https://t.me/National_Exam888

#توجيهات

حقائق علمية مثبتة 👇:

⭕️ العلامة العالية بالوطني مالا علاقة بالبدء بالدراسة عبكير والوقت ما ضيق.

⭕️ كل مصادر الدراسة نفس بعضا ، بس الفرق بالطالب يلي عم يدرسن🧠(نقطة مهمة⛔️)..

⭕️ 3 شهور هو الوقت الذهبي والمتعارف عليه بين كافة الطلاب لدراسة الوطني بشكل كامل + إعادتو دورين .

⭕️ الدورات(الشوامل) بتندرس مع اول دور🚫، مو وقت المراجعة❌(الدور التاني) ، ولا قبل الوطني ب اسبوعين❌ لأن بأكدلك ما رح يلحقو🤝 ، لأن الدورات لحالن مقرر، و دراستن بشكل متين بدون طف شي وحفظ الاسئلة الخلافية فيهن بشكّل من ٥٠٪ الى ٧٠٪ من علو علامتك بالوطني (وباقي النسبة بشكلها #أساسك العلمي + كمية الأسئلة الخلافية يلي ممكن تجي).

⭕️ لا ترد على يلي بقلك الامتحان الوطني بدراسة شهر بتنجحو.
هاد يا بكون بدو 60، أو بكون حاطط ببالو سفرة وما فارقة معو العلامة ، فمتل هيك كلام بضر ما بينفع.

⭕️ القلق #المعتدل تجاه الوطني هو أمر طبيعي عند الكل.

⭕️ كتلة الجراحات اقصر شي #حجماََ 👈 دراستها بتصير آخر شي .

⭕️ أهم ابحاث #بالداخليات ، يلي الهم اولوية بالدراسة : (قلبية١٤ ثم هضمية١٢ثم صدرية١٢).

⭕️ أهم الأبحاث #بالأطفال2 يلي الهم اولوية بالدراسة : (صدرية_خمجية_هضمية_قلبية_كلية).

⭕️ أهم #الجراحات يلي الهم أولوية بالدراسة : (عامة_ عظمية _بولية ).
__ كلمة الهم اولوية بالدراسة : معناها بيندرس قبل غيرهم زمنياََ + نوعياََ .
مثال : غلط تترك الداخلية القلبية لآخر شي ❌ وتدرس قبلها رثوية مثلاََ .

⭕️ ببساطة : الوطني بدك #علامات ، وبالتالي بتدرس يلي بيجي عليه أسئلة #أكثر ثم الأقل فالأقل وبتأمن عليه ، مثال :
س : مين ادرس أول أذنية ولا أطفال 1 ؟
ج : أذنية طبعا ، لأنها ١٢ سؤال ، والأطفال 1 عليها 6± اسئلة .
_ يعني الأمر تفاضل بين المواد لا أكثر.

موفقين 🌸

#توجيهات #مداواة_سريرية

🔴 شو وضع آخر فصل بمرجع الداخلية المداوة السريرية ؟
إذا درسنا أدوية قسم الداخليات بدون ما نفتح قسم الأدوية اللي بالأخير كافي ولا لا؟

⭕️ أي غالبا يكفي إن شاء الله لأنو حتى ب بيتا في دورات قديمة ل أدوية ،
فحفظ خياراتن + حفظ التعليق يلي كاتبينه تحت السؤال يكفي بشكل شبه كامل بالنسبة للادوية ، بدون الرجوع لقسم المداواة..

و أصلا يلي بهمنا هو الأدوية الواضحة يلي جاية بالدورات غير هيك برأينا هو أقل أهمية.

ويلي حابب يتصفح شيء من المداواة أثناء دراستو لكل داخلية بداخليتها
فينا مثلا : ونحنا عم نقرأ الفقرة ، نخلصها ، ونتصفح بسرعة الأدوية يلي مريت ب هالفقرة #مباشرةََ من المداواة مشان تربط معلوماتك ببعضها ( بس طبعاً هي أمر كمالي للفهم للطالب اللي ملحق ) .

#توجيهات
يقولون : آفةُ العلم، النسيان

كطلاب طب، ما هي أفضل الطرق التي يجب أن نستعين بها لنبقى متذكرين لهذا الكم الهائل من المعلومات خصوصاً في سنة التخرج؟

لقد وجدَ الباحثونَ في الذاكرةِ أنَّ التكرارَ المتباعدَ أكثرُ كفاءةً من التعلُّمِ التراكميِّ أو الحشو، فالتكرارَ على فتراتٍ زمنيةٍ متباعدةٍ يؤدي إلى تذكرٍ أفضلَ من حشوِ المعلوماتِ في وقتٍ واحد.

الذاكرة السمعية من أقوى أنواع الذاكرة، فسماع تسجيلات صوتية مفيد جداً لمراجعة الكميات الكبيرة خصوصاً.

لا تبدل مصدر دراستك الأول وراجع من نفسو لحتى تشكل ذاكرة بصرية.

تدوين الفقرات الصعبة عل شكل خارطة مفاهيم له نتائج إيجابية جداً.

ادرس بطريقة الشرح لنفسك أو لغيرك وهذا أفضل مُثبّت للمعلومات في رأيي.

ممكن تتفق أنت و رفقاتك واحد أو تنين تلاتة بالكتير و تراجعوا سوا و تشاركوا أفكاركم وتفيدوا بعض.

أهم شي وأنتو عم تدرسوا اربطوا المعلومات ببعضها، يعني عم تدرس جراحة و عديت عليك معلومة متشابهة من الداخلية روح راجعها واربطها مع معلومة الجراحة.

من أفضل طرق تثبيت المعلومات في الطب حل مسائل سريرية متل نمط اليوورد، يعني بدل ما تحفظ تعدادات عن المرض احفظ المرض بشكل قصة نموذجية تخيل نفسك دكتور أجا لعندك عالعيادة أو عالمشفى، ف شو هو العرض الأساسي يلي رح يراجعك فيو و شو التصرف الصحيح و ...
اسألوا الطلاب يلي عم تدرس ستيبات في نسبة كبيرة بس بدرسوا مسائل يوورد

طبعاً أنا ما عم قلكم هلق تحلوا ما بقي وقت بس عم أنصح تدرسوا على هالنمط لأنو أسئلة الامتحان الوطني غالباً عم تركز عالشي العام والواضح فحاولوا تركزوا بكل مرض على:
العرض الأشيع، التشخيص الأفضل، طرق الاستقصاءات (تعداد)، أول اجراء، استطبابات إعطاء علاج ما، مضادات استطبابات..

ونحن طبعاً أسئلتنا أتمتة لازم تحلوها لتثبتوا معلوماتكم وحكينا سابقاً كل ما حليت أكتر بصير عندك مهارة أكتر.