#تجارب
تجربة صاحب المرتبة الثالثة على مستوى جامعة البعث ❤️

🔺الاسم : ياسين خليل حوا
المسؤول العملي ل فريق بيتا للسنوات 4-5 طب بشري البعث
🔺الجامعة : البعث
🔺العلامة : 94 من مئة (الثالث عالبعث والخامس عمستوى سوريا)
🔺مدة التحضير : 10 شهور تقريبا

1️⃣ متى بدأت بالدراسة للفحص الوطني وكيف كانت طريقة دراستك ؟
بدأت من الشهر 10 بس بمقدرات 2-4 ساعات بالنهار فقط وكنت خلال الأشهر 9-10-11 قضي كتير من وقتي بالمشافي ومع الدكاترة والعمليات

2️⃣ ما هي الوسائل المساعدة التي استعنت بها لفهم المواد ؟
الحمد لله عندي أساس قوي من السنة 4-5 وخصوصا اني كنت دقق دورات البعث للسنوات 4-5
اعتمدت بشكل أساسي عمراجع الوطني
+ محاضرات دكاترتي + بالبداية كان عندي شغف بأني وسع معلوماتي فكنت اقرأ عن الأمراض الي بحبها من الMedscape + فديوهات macropage

3️⃣ ما هي مصادر الدراسة التي اعتمدت عليها ؟
🔹#الداخليات: مرجع
🔹الأطفال: مرجع
🔹#العيادات MRI
🔹#النسائية والتوليد : مرجع + محاضرات دكاترتي
🔹#الجراحات: انا مولع فيها كتير😍
العامة: CMD + مقرر د.فهد شريباتي (من السنة 4)
بولية: RBC روعة روعة روعة بتختم البولية ... يتضمن أي سؤال ممن ينسئل خصوصا اذا حليت دورات جامعة دمشق البولية (سنة 5 فصل 1)
العظمية (اختصاصي المستقبلي 💪 بإذن الله) : انا كنت عامل دورة اونلاين السنة 5 طلاب البعث الجراحة العظمية والطب النفسي ،والفضل لله هدول اكتر شي استفدت منن سواء بدراسة الطب النفسي أو الجراحة العظمية + اطلعت عملخص غدير اطلاع كرام
بقية الجراحات كانت من الMRI
🔺#مصادر_المراجعة :
انا من النوع الي بيدرس من كد يده وعرق جبينه( مثلنا الشعبي المعروف😉)
ما بحب امسك المرجع وانزل فيه قراءة 😅, وكمان ما بحب امسك ملخصات غير شغلي وانزل فيها قراءة 😂 ,بحب دائماً اقرأ ملاحظاتي وتلخيصي وأسلوبي (أنا من أول ما بلشت دراسة.. كنت اقرأ المرجع واكتب الشي الي حاسه مهم أو ضروري حفظه عشكل سلايدات بوربوينت .. كلنا طلاب جامعة ومتعودين ان ناخد محاضرات عشكل بوربوينت (البوربوينت كتير بيعطيك ميزات ... كطريقة عرض حلوة وملفتة للانتباه مابتخليك تمل + فيك تعدل اي معلومة أو تضيف عليها معلومات تانية .. + فيك تضيف عالسلايدات صور تشخيصية وتوضيحية من النت كتير بتساعدك عالتذكر..) حبيت هالطريقة كتير, وما كنت حس بالملل أو الضجر ابدا بالعكس تماما تميت محافظ عهاد الروتين وقدرت بفضل لله تعالى اعمل سلايدات لكل المواد وكانت كتير كتير رائعة) ووقت المراجعة فقط راجعت هاي السلايدات + الدورات (ليس المرجع وليس أي ملخص لأن الصراحة قد ما تكون الملخصات حلوة ومرتبة بتم شغلك الخاص الو طعمة أحلى وبيرسخ بالذهن أكتر من أي مصدر تاني👍👍)

🌀 هل قمت بحل بنوك اسئلة أخرى بجانب اسئلة دورات الوطني ؟
نعم , فقط أسئلة دمشق للجراحة البولية

4️⃣ لو عاد بك الزمن ، هل هناك أي اخطاء تتمنى لو تلافيتها ؟
الحمد لله ما كان في أي أخطاء ... أنا مبسوط من كل ثانية مرت معي بالسنة السادسة ,الحمد لله استثمرت وقتي بشي المفيد الي بالوطني ,تفاديت كل شي ممكن يعرقل مسيرة الجدية والتميز بالوطني ,وطلعت من السنة السادسة وعندي سلايدات ممتازة بقدر فيد فيها أي طالب وطني جديد

5️⃣ نصيحتك التي تقدمها لطلاب السادسة المستجدين ؟
1- بالنسبة للألماني : أنا من الناس الواقعيين ,والي بيحسبها لقدام (كنت فكر بالسفر ودراسة اللغة, لكن في كتير عوائق لا اعتقد اني سأتجاوزها أولاً مبلغ الحساب البنكي ليس لدى أهلي قدرة عليه, وحتى الكفيل رح يتم هالشي دين عليي وعلى أهلي وما أحب هالشي.., ثانياً الألماني بده متابعة يومياً وهالشي ما كتير رح يقدر عليه طالب الوطني)
2- بالنسبة لمجموعات الوطني عالتلغرام أنا انضميت لشي 17 مجموعة للوطني😂, بس الفضل لله ما فحت ولا وحدة وما روحت وقتي متابعة حكي الناس (عندي قناعة ان علامتي بالوطني ما رح تجي من التلغرام وأقوال العالم ... وإنما من دراستي تعبي)
3- بالنسبة لمصدر الدراسة: بنصح بدراسة المراجع بالطريقة الي كل شخص بحبها وبفضلها بحيث ما يمل ,والتلخيص للمعلومات المهمة مشان يراجعها بشكل منفصل قبل الامتحان👍 + الجراحات لقيت الmri حلو ,لكنه غير كافي للعظمية , الأذنية والعينية : mRI لقيته كافي للعينية والأذنية

🌀 هل قمت بأي نشاطات أخرى بجانب التحضير للوطني خلال العام ؟
قدمت ألماني A1 ونجحت ,لكن بعدها ما عاد اقدر كفي .. فرجعت كأني من الصفر 😅

#تجارب (التجربة 12)
تجربة مميزة تقديم Step 1 + اجتياز الوطني بعلامة 93 في أقل من شهر ❤️

🔺الاسم : محمد براء بوظو
🔺الجامعة : جامعة دمشق
🔺العلامة : ٩٣%
🔺مدة التحضير : ١١ يوم قبل الكتلة الاولى و الاسبوعين بين الكتلتين

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بالواقع انا كان هدفي من فترة اني امشي بطريق المعادلة الامريكية ... صار معي بعض الظروف اضطريت اتأخر بتقديم ال step 1 و ما كنت حاطط ببالي اني لح قدم وطني هلدورة باعتبار انو معدلي بسنوات الجامعة فوق ٩٠% وطريق امريكا مو مضمون لهيك ما كنت بدي اكتفي بمجرد النجاح او معدل متوسط
لكن بنصيحة من بعض الاصدقاء قررت ادرس شو ما كانت العواقب وباسوأ الاحوال بنسحب من احد الكتلتين
قدمت فحص step1 قبل ١٣ يوم من الوطني ... مع راحة يومين يا دوب سحبت فيهم انفاسي 😅 بلشت التحضير للوطني قبل ١١ يوم يلي حرفيا ما كنت بعرف عنو شي حتى توزيع بعض المواد على الكتل 😅

🌀 ما سبب اختيارك لدراسة الستيبات بدلاً من اللغة الالمانية ؟
صراحة متل ما حكيت بالسنة الرابعة كنت مبلش الماني واخدت ٣ كورسات ... ولكن بعد اعادة النظر بسبب تسهيل قبول السوريين نسبيا بهديك الفترة ...قررت اخد ريسك اعلى واخد الطريق الاصعب و الاقل ضمانا لكن الافضل على المستوى العلمي وحتى المادي على المدى البعيد
الموضوع مو مجرد انو امشي عكس التيار😅... بس قسم لا بأس فيو من الطلاب يلي بدأت بطريق المانيا نسيو الطب وانكبو عللغة فصارت شغلون الشاغل
+ يمكن لبعض الاعتبارات الشخصية خيار اني ضل بالبلد كان مطروح بالنسبة الي وربما تجاوز حتى خيار السفر الى المانيا
+ طريق المانيا ممكن تداركه بالاختصاص بسنة دراسة علمرتاح اما طريق امريكا فصعب جدا تداركه بمرحلة متأخر

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : بالواقع دراستي لل step 1 ساعدتني جدا بمضاعفة سرعة دراستي بالكتلة الاولى تحديدا ... جزء لا بأس فيو من الافكار كان مارق عليي بالستيب ناهيك عن انو الستيب بشكل عام بعزز مدى استيعابك للمعلومات بشكل اسرع من خلال ربطو بقاعدة معلومات كبيرة مبنية على الفهم ثم الحفظ ...
أما بالنسبة للكتلة التانية فصراحة ما كان للستيب دور كبير بتسريع الدراسة نسبيا مقارنة بالكتلة الاولى

3️⃣ ما هي مصادر الدراسة التي اعتمدت عليها ؟
MRI + أسئلة الدورات
التركيز بالمقام الاول على الفقرات ... وقراءة ما تبقى قراءة مبنية على الفهم مع حفظ بعض المعلومات يلي تبدولي انها كانت مهمة

🔺#مصادر_المراجعة
تركت اخر ٣ ايام للمراجعة و ٨ ايام كدراسة مرة اولى
والمراجعة كانت : 1-لملاحق الMRI ايضا
2- اخطاء الدورات يلي مرت معي بأول وجه لها

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : بالسنة الرابعة بدأت طريق المانيا يلي هوي خيار موفق وسديد بالنسبة لكتير من الطلاب ... لكن بالسنة الخامسة قررت وقف وغير الطريق و تأخر قراري هاد بغض النظر عن مبرراتو ممكن يكون أبطألي خطواتي بهلطريق 😕

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : حدد هدفك من مرحلة مبكرة و ابدأ بالتحضير العملي الو باسرع وقت ممكن من دون ما تهمل مواد جامعتك
ولكن بمرحلة ما من سنين الدراسة بالكلية الاولويات لازم ينعاد ترتيتبها من جديد بناء على الطريق يلي راسمو لحالك بدون اهمال اي منها(كلون اسمون اولويات بالنهاية😗)

🌀 حسب تجربتك هل تنصح بقية الطلاب بدراسة الستيبات ؟
بالنسبة لتجرتبي بال step 1 فاكيد الجميع عندو اطلاع نسبي عطريق المعادلة بشكل عام ... ولكن كنصيحة حتى لو انت مالك ناوي تسافر و تشق هلطريق و حتى لو حدا بدأ بهلطريق وما انكتبلو فيو الخير ليكملو ... فالعلم يلي حيحصلو ما حيقدر يجنيه من اي مكان اخر و استحالة يندم عليه او علوقت يلي قضاه فيه ... نقلة نوعية بكافة المقاييس

نعم محاضراتنا غنية بالمعلومات وكنت ارجعلها صراحة لاستيضاح بعض الافكار او التوسع فيها ... بس طريقة مقاربة المعلومات بشكل سريري .. ونمط الأسئلة المدروس يلي بيعتمد على توظيف المعلومة مهما كانت تفصيلية بمنحى علمي وعملي مدروس بيعطي بعد اخر للطب حقيقة وبغير مفهومك عن مواد بأكملها

6️⃣ ما تقييمك لمستوى اسئلة الامتحان ؟
👈🏻 الاجابة : متوسطة تميل للسهولة في جزء منها و للصعوبة في البعض الاخر وهو الاقل

#تجارب (التجربة 16)
تجربة صاحب المرتبة الثانية على مستوى جامعة تشرين ❤️

🔺الاسم : لؤي اسماعيل
🔺الجامعة : تشرين
🔺العلامة : 95
🔺مدة التحضير : 4 أشهر

1️⃣ متى بدأت بالدراسة للفحص الوطني وكيف كانت طريقة دراستك ؟
بدأت الدراسة نهاية الشهر الرابع بداية الخامس
درست بنفس الوتيرة من اعلان موعد الامتحان الى قبل بيومين من الكتلة الاولى واخدت استراحة اخر يوم
هي ايجابية انك تبلش متأخر بتضل بنفس الحماس وما بتمل
سكرت الفيس من بداية الرابع لحتى خلصت الكتلة التانية وبعدت عن التشتت تبع الفرق
بالدور الأول درست بطريقة الدمج أطفال+داخليات
بالمراجعة دمج كل داخلية مع اطفالا وجراحتا
وهذه الطريقة وفرت كثير من الوقت بالنسبة لي وخلتني اقدر قارن المعلومات المتشابهة بين الاقسام

2️⃣ ما هي الوسائل المساعدة التي استعنت بها لفهم المواد ؟
القلبية: دافيدسون الانجليزي (كتير كتير مفيد كونو العربي مختصر واخدين منو المفيد وتاركين الحشو)
+فيديوهات د. طارق عبد الحميد
النسائية والتوليد: الدكتور المميز عبد الرحمن مجدي
جلدية: صور كتير بالاضافة لكتاب جامعة تشرين
الأطفال: اسئلة نقاط دار القدس ٢٠١٩
بالاضافة الى صديقي Amboss تطبيقي المفضل من السنة الرابعة
+فيديوهات د. طارق عبد الحميد لبعض المواضيع المتفرقة

3️⃣ ما هي مصادر الدراسة التي اعتمدت عليها ؟
اعتمدت على فريق MRI الرائع بكلشي ❤️
الله يعطين العافية
🔺#مصادر_المراجعة
نفس المصدر الأصلي ولكن بس الافكار اللي علمتا بالهايلايتر وهالشي بخليك تعيد اسرع وهاد هوي المطلوب بالوطني

4️⃣ لو عاد بك الزمن ، هل هناك أي اخطاء تتمنى لو تلافيتها ؟
ما في اي شي بتمنى غيرو لأن كلشي عملتو جاب نتيجة الحمدالله

5️⃣ نصيحتك التي تقدمها لطلاب السادسة المستجدين ؟
اذا ما كنت من هواة التشويق والاثارة بلش بكير
حرام تطلع من السادسة ما عامل شي غير الوطني
لا تغير طريقة دراستك وخصوصي اذا كانت جايبة نتيحة بالسنوات القبل
حلوا Uworld

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
الاسئلة كانت مائلة للسهولة ارتفاع المعدلات جاء بسبب تكرار كبير لأفكار من الدورات السابقة ببعض المواد كالداخلية التي اعتاد ان يكون اصعب
بالاضافة الى اهتمام الطلاب بالدراسة للامتحان وتحضيرهم الجيد له

📍ما رأيك بفكرة وجود الامتحان الوطني ؟
الامتحان الوطني كفكرة جيد ويعطي فرصة لإعادة ترميم ما فات منك سابقا وتجميع معلوماتك وربطها مع بعضها
ولكن اعترض على اسئلة الامتحان بحد ذاتها التي تميل للبصمية بشكل يميل الى الازعاج احيانا
ورغم ذلك أنا مع استمرار بقاؤه فوجوده يشكل نقطة قوة للشهادة السورية
أتمنى من القائمين عليه تطويره بما يتناسب مع المعايير العالمية

📍هل توقعت الحصول على هذه العلامة بعد تقديمك الامتحان؟
نعم كانت متوقعة وهي كانت هدف ولكن الترتيب كان مفاجأة سارة ❤️❤️❤️

7️⃣ ما هو سر حصولك على هذه العلامة وسر النجاح برأيك ؟
السر هو اهتمامي بالسنوات السابقة وتحصيل المعلومات من مصادر تعليمية احترافية ك Amboss و Osmosis

8️⃣ ما الاختصاص الذي تطمح له وهل تنوي السفر؟
أطمح لاتخصص الجراحة التجميلية
ونعم يوجد نية السفر

اتمنى التوفيق لزملائي في كلية الطب واخص منهم دفعة ٢٠٢٣❤️❤️❤️
——————————
كل الشكر للدكتور لؤي اسماعيل على مشاركتنا تجربته ونتمنى له التوفيق في المرحلة القادمة من حياته ❤️❤️
@NationalExamFiles

#تجارب (التجربة 17)
تجربة صاحبة المرتبة الثانية على مستوى جامعة تشرين ❤️

🔺الاسم : ولاء خالد قيراطة
🔺الجامعة : تشرين
🔺العلامة : 95
🔺مدة التحضير : تقريبا ٨ اشهر

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بدأت الدراسة بالشهر الأول كدراسة خفيفة واطلاع على المنهاج وتلخيص المعلومات المهمة وبدأت اول شي بالداخليات والاطفال اخدو قريب ال٣ اشهر اما الكتلة التانية اخدت تقريبا شهرين بالاعادة فقط راجعت المعلومات اللي علمت عليها وكانت الامور سلسة وما اخدت وقت متل اول مرة بلشت الاعادة اول شي بالكتلة التانية بعدها بدأت بالكتلة الاولى بالفترة اللي قبل الفحص وطبعا بعد كل مادة كنت حل الاسئلة من بيتا وزيد الخارجي واستعنت كمان بأهم الافكار لعموري

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : كتيير استفدت من قناة macropage الله يجزيه الخير الدكتور ماهر علي وكنت استعين احيانا من YouTube

3️⃣ ما هي مصادر الدراسة التي اعتمدت عليها ؟
🔹#الداخليات: المرجع
ماعدا الانتانية The Best والعصبية فقط اهم الافكار لعموري
🔹الأطفال: المرجع
🔹#العيادات
👈🏻جلدية: مرجع
👈🏻عينية واذنية: mri
🔹#النسائية والتوليد : مرجع
🔹#الجراحات العامة CMD
العظمية : غدير
البولية :نيرد
الباقي : نقاط
🔺#مصادر_المراجعة
نفس مصادر الدراسة الاولى وهاد برأي اهم شي انو ما تغيرو مصادر الدراسة الأولى منشان الذاكرة البصرية وطبعا راجعت فقط اللي مسطرة عليه من الدور الأول لأن اكيد ما بيلحق الواحد يعيد كل شي

4️⃣ لو عاد بك الزمن ، هل هناك أي اخطاء تتمني لو تلافيتها ؟
👈🏻 الاجابة : نعم بالسنوات الأولى تمنيت لو غيرت طريقة دراستي

🌀 هل قمت بأي نشاطات أخرى بجانب التحضير للوطني خلال العام ؟
نعم سجلت كورس ستيب كلية كان للفائدة وتقوية السريريات عندي والمصطلحات طبعا

5️⃣ نصيحتك التي تقدميها لطلاب السادسة المستجدين ؟
👈🏻 الاجابة : اهم شي ما تتوترو لأنو هي اكتر سنة حتكونو فاضين فيا وفينكم تعملو الشغلات اللي بتحبوها او تدرسو لغة وبحس انو هي حالة نفسية اكتر بينما هو عادي متلو متل اي فحص قدمناه قبل والمعلومات متقاربة حتى الاسئلة مانا هالمعقدة واغلبها منطقية ف الواحد يعمل اللي عليه ويتوكل على الله

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : لا يخلى الامر من بعض الأسئلة الخلافية ولكن بالمجمل تعتبر منطقية ومتوسطة الصعوبة

🌀ما رأيك بالامتحان الوطني ؟
صراحة استفدت من هالسنة كتير وراجعت معلوماتي ورممتن كمان ف هي سنة مهمة بتراجع فيها كل شي

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : التوكل على الله أولا ودعاء الوالدين ووضع برنامج للدراسة هاد شي ضروري لتنظيم الوقت والدراسة ليضل الواحد مرتاح وما يتوتر ويقدر بنفس الوقت يدرس ويمارس الشغلات اللي بيحبا

🌀 هل كنت تتوقعي الحصول على هذه العلامة أو الترتيب في بداية العام ؟
صراحة لا 😅 كنت اكيد ادرس وانا حاطة ببالي جيب علامة عالية بس الله كرمني بأعلى من يلي ببالي الحمدلله دائما وابدا

8️⃣ ما الاختصاص الذي تطمحي له وهل تنوي السفر؟
👈🏻 الاجابة : احب الداخليات اكتر وافكر في اختصاص الداخلية الهضمية
السفر امر مطروح ولكن ليس الآن

9️⃣ كلمة ختامية بتحبي توجهيا للطلاب
👈🏻 اهم شي تحطو خطة وتمشو عليها ولو تعتبو شوي معلش صدقا فرحة النجاح بتنسي اي تعب وكمان الاستمرارية مهمة وبالنهاية انا بآمن بمقولة :
المرء لا يصل بجهده، أنت تبذل جهدك ثم يفتح الله عليك فلذلك احسنو الظن بالله وان شاء الله الامور ميسرة وتكون سنة حلوة وتغتنموها بأشياء مفيدة
——————————
كل الشكر للدكتورة مولاء خالد قيراطة على مشاركتنا تجربتها ونتمنى لها التوفيق في المرحلة القادمة من حياتها ❤️❤️
@NationalExamFiles

#تجارب (التجربة 18)
تجربة صاحبة قناة Medical Sciences الغنية عن التعريف ❤️

🔺الاسم : نيرمين محمد عماد الكردي
🔺الجامعة : دمشق
🔺العلامة : ٩٣
🔺مدة التحضير : ٣ أشهر ونصف

📍أريد أن أنوه إلى أن تجربتي مليئة بالأخطاء الفادحة.. ولكنني وافقت على كتابتها لأمنح الأمل لمن قد يتعثّر بالظروف أو يبدأ متأخراً ولكي لا يقع أحد بما وقعت به من أخطاء

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الإجابة : بدأت جدياً من الشهر السابع.. وخلال السنة درست بما يعادل الشهر قبل كل مقابلة بشكل متفرق جداً .. لم يكن هناك أي طريقة منظمة للأسف وكنت مشتتة جداً بالمصادر وهذا خطأ فادح

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : لا شيء مهم.. أحياناً ألجأ لToronto notes أفضله كثيراً بسبب ترتيبه وملاحظاته القيمة
فيديوهات د.ماهر حسين في القلبية
كما أنني أحب الدراسة مع صديقتي المقربة فترة الامتحان..

3️⃣ ما هي مصادر الدراسة التي اعتمدت عليها ؟
🔹#الداخليات: The best بالإضافة إلى أنني في الدموية والرثوية درست تفريغاتي الخاصة لمحاضرات السنة الخامسة وآخر دورة لدمشق وكان ذلك فوق ما يتطلبه الأمر بكثييير (كان دافعي لذلك محبة هذه المواد)
العصبية دورات بشكل أساسي مع فقرات الأمراض الهامة مع تفريغي لCVA
الخمجية دورات وبعض فقرات الأمراض الهامة المكررة

🔹#الأطفال: ملخص DNA (ولكن تطبيق بيتا يغني عنه فهو عبارة عن دورات مطبوعة ورقياً ولا أنصح به إطلاقاً) + دورات + First aid دار القدس بالإضافة لدراسة تفريغاتي الخاصة في السنة الخامسة لقسم د.أسد ونادر وهالة وغيرها

🔹#العيادات
👈🏻جلدية: MRI بالإضافة لملخصي الخاص لبعض محاضرات السنة ٤
👈🏻عينية: دورات وبعض الفقرات
👈🏻أذنية: دورات بشكل أساسي وملحق دريم

🔹#النسائية والتوليد فقرات من المرجع بالإضافة لمحاضرات دمشق في المواضيع المهمة الكبيرة + اضطررت لدراسة بعض فقرات الدورات الخارجية من مقرر البعث ولكن كان ذلك متأخراً جداً في الفترة بين الكتلتين

🔹#الجراحات
العامة CMD لكن تجاوزت الكثير من الفقرات والمعلومات غير الهامة فيه.
عظمية: الوجه الأول PTR وللأسف لم تتسنى لي فرصة المراجعة منه.
بولية: نيرد الجديد المصغر ٣٦ ص.
بقية الجراحات
دورات بشكل أساسي مع بعض الفقرات من نيرد + First aid دار القدس وكان الأفضل برأيي للمراجعة

🔺#مصادر_المراجعة
الدورات وبعض الفقرات.. لم تتح لي فرصة كافية للمراجعة بسبب البدء المتأخر

🌀 هل قمت بحل بنوك اسئلة أخرى بجانب اسئلة الدورات ؟
نعم حللت ٥ نماذج Be Ready للكتلة الأولى وكانت جيدة.. بالإضافة لدورات د.عمار الزين دمشق + دورات الأطفال د.نادر ود.أسد ودورات متفرقة للجراحات بالإضافة ل٤ دورات نسائية وتوليد من تشرين وحلب والبعث

4️⃣ لو عاد بك الزمن، هل هناك أي اخطاء تتمنى لو تلافيتها ؟
👈🏻 الاجابة:
الكثير الكثير من الأخطاء :''') سأذكر أهمها في هذه الفقرة والبقية سأوردها ضمن الفقرات
١. تمنيت لو بدأت أبكر وبتنظيم أكبر فقط لأتجنب الضغط النفسي وليس لأن الفحص يتطلب أكثر من ذلك.
٢. تمنيت أيضاً لو كانت ملخصات MRI كاملة من أول العام ولو أنني اعتمدت عليها..
٣. تمنيت لو لم أضع وقتاً بين الكتلتين، فبسبب عدم مراجعتي للأذنية والعظمية خسرت ٤ درجات 💔 وأيضاً تمنيت لو ركزت أكثر في الكتلة الثانية خلال الحل فبسبب الاستعجال أضعت ٣ أسئلة دورات مكررة أكثر من دورة 💔
٤. تمنيت لو حالفني الحظ بقراءة دورة البعث للأطفال؛ فسبحان الله قرأت كثيراً من دورات الأطفال للجامعات لكنني لم أنتبه لذلك الملف الذي جاءت منه ٣ أسئلة أخطأت بها..
٥. تمنيت لو أعطيت اهتماماً أكبر للجانب السريري خلال ستاجات الباطنة فقط.. ولكن للأسف سرعان ما كان يسيطر علي الكسل والملل لأعود إلى المنزل بسرعة :''')

#تجارب (التجربة 19)
تجربة الأول على سوريا بعلامة 98 بدورة ايلول 2022 🔥

🔺الاسم : محمد تيسير نضال عباس
🔺الجامعة : دمشق
🔺العلامة : 98%

1️⃣ متى بدأت بالدراسة للفحص الوطني وكيف كانت طريقة دراستك ؟
💫 اول شي الوطني شي تراكمي وانا الحمد لله خلال سنوات الجامعة كنت متابع حالي بمواد الجامعة ومأسس صح

💫 بلشت مع بداية السادسة حضر للUSMLE STEP1 وتقديم هاد الفحص خلاني أفهم الأمور صح وأبني معلوماتي كطبيب قبل ما يكون للوطني
👈🏻 لأنو الشي يلي بتدرسو بالستيب ما حتلاقيه بأي مكان تاني هوي بيعطيك جوهر المعلومة وبيعطيك ياها واضحة وبتضل معك خلال حياتك العملية مستقبلاً.

💫 بعد ما قدمت الستيب بلشت بالمصادر تبعات الوطني يلي قدرت أمشي فيها بسلاسة وبسرعة لأني كنت فهمان كل شي من الستيب والشي يلي كنت لاقي مو واضح او بدو شرح أكتر كنت أرجع شوفو من الستيب.

2️⃣ ما هي الوسائل المساعدة التي استعنت بها لفهم المواد ؟
⭐️ فيديوهات bnb
⭐️ وايضا Amboss library

3️⃣ ما هي مصادر الدراسة التي اعتمدت عليها ؟
👈🏻 كان اعتمادي الاساسي علىMRI لكل المواد
🔺#مصادر_المراجعة:MRI وبيتا

🌀 ما سبب اعتمادك على فريق mri كمصدر للدراسة؟
⭐️ هنن عبارة عن المرجع بتنسيق افضل وضايفين افكار الدورات الاضافية لهيك حبيت شغلن

🌀 هل قمت بحل بنوك اسئلة أخرى عدا عن الدورات ؟
⭐️ لا ما حليت غير اسئلة دورات الوطني

🌀 هل هناك اي اختلاف ما بين دراسة الستيبات والوطني ؟
🔸 اكيد في اختلاف جوهري سواء بطريقة طرح المعلومة او بطريقة طرح الأسئلة.
🔸مصادر الستيب أفضل شي ممكن تدرسو لتصير طبيب ناجح.
🔸منهاج الوطني فيو كتير حشو وما بفيدك للستيب.

4️⃣ لو عاد بك الزمن ، هل هناك أي اخطاء تتمنى لو تلافيتها ؟
💫 الحمد لله مافي شي بندم عليه والواحد ما بياخد غير نصيبو بهالحياة

🌀 هل قمت بأي نشاطات أخرى بجانب التحضير للوطني خلال العام ؟
💫 خلال السنة السادسة داومت بمشفى المجتهد بقسم الإسعاف لمدة شهر وقويت الإنكلش عندي اكتر وحضرت الستيب

🌀 ما سبب اختيارك لدراسة الستيبات بدلاً من اللغة الالمانية ؟
📍التنين مفيدين والطريقين حلوين بس كل واحد حسب رغبتو وين بدو يكمل طريقو وأنا كانت رغبتي بالستيبات.

5️⃣ نصيحتك التي تقدمها لطلاب السادسة المستجدين ؟
💫 السنة السادسة سنة فيها وقت حاولو تستغلو هاد الوقت مو بس دراسة للوطني
👈🏻 حاولو تتعلمو لغة او تمارسو هواياتكن أو اي شي تاني مفيد.
👈🏻 أهم شي الواحد يعرف ينظم وقتو ويحط هدف أدام عيونو وبالتعب والجهد مافي شي مستحيل.

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
💫 الأسئلة كانت متوسطة الصعوبة وكان في بعض الأسئلة الصعبة.
💫 سبب ارتفاع المعدلات هوي قلة مقاعد الاختصاص بالمقارنة مع عدد الطلاب الخريجين

7️⃣ ما هو سر حصولك على هذه العلامة وسر النجاح برأيك ؟
💫 الدراسة لأنك بتحب الطب ولأنك رغبان هاد المجال ولأنك عم تدرس هاد العلم لحتى تستخدمو بالمستقبل لتبني حالك كطبيب ناجح فوقت يكون التفكير هيك العلامة حتكون تحصيل حاصل.
💫 والتوكل عرب العالمين يلي هوي الأساس ولولا فضلو ما كنت وصلت لهون.

🌀 هل تحضيرك لامتحانات المعادلة الاميركية له دور في حصولك على المركز الأول بالامتحان الوطني السوري ؟
📍أي الها دور بس أكيد مو هيي الشي الوحيد أو كان الاعتماد الكلي عليها متل ما قلت هيي بتبنيلك أساس قوي وبتعطيك أساس المعلومة وهاد بيساعدك أنو تدرس مصادر الوطني بفهم وسلاسة.

8️⃣ ما الاختصاص الذي تطمح له؟
💫 داخلية قلبية

9️⃣ كلمة اخير حابب تقولا
بالنهاية بحب أشكر أهلي يلي ألن فضل كبير عليي ورفقاتي يلي كانو معي خطوة بخطوة.
——————————
كل الشكر للدكتور محمد تيسير نضال عباس على مشاركتنا تجربته الغنية والمميزة باحرازه المرتبة الأولى ونتمنى له التوفيق في المرحلة القادمة من حياته ❤️❤️
@NationalExamFiles

#تجارب (20)
تجربة صاحبة المرتبة الثانية على مستوى جامعة تشرين ❤️

🔺الاسم : ايفانا سيروب فرح
🔺الجامعة : تشرين
🔺العلامة : 95
🔺مدة التحضير : 9 أشهر

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بدأت بداية الشهر 11 دراسة خفيفة حوالي ساعتين الى ثلاث ساعات كان الهدف منها تنظيم مصدر الدراسة بإضافة أفكار الدورات وترميم النقص بالاضافة للفهم أكثر من كونها دراسة لحفظ المعلومات في البداية.

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : اكثر ما فادني هي قناة macro page على اليوتيوب
أيضا قناة osmosis
و قناة نيرد على التيليغرام وأكيد غوغل لا غنى عنو 😅

3️⃣ ما هي مصادر الدراسة التي اعتمدت عليها ؟
🔹#الداخليات: المرجع
🔹 #الأطفال: المرجع
🔹#العيادات
👈🏻جلدية: المرجع مع الترميم من مقرر جامعة تشرين لبعض الفقرات
👈🏻عينية واذنية mri
🔹#النسائية والتوليد: المرجع
🔹#الجراحات: عظمية غدير
عامة cmd
بولية نيرد
والجراحات الصغيرة mri
🔺#مصادر_المراجعة
نفسها مصادر الدراسة لكن مع حذف الفقرات التي أصبحت بديهية او غير الهامة

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : ممكن كنت درست الداخلية مع الاطفال من الدور الأول وليس فقط بالمراجعة.

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : السنة السادسة صحيح طويلة و في وقت للدراسة و لنشاطات تانية بس اذا الشخص ضل يقول هيك ما بيشوف الا الوقت مرق
لهيك بنصح اي طالب يحط برنامج ويمشي عليه و يشوف قديش ممكن ياخد منو وقت و على أساسو بيعرف ايمت يبدأ
بس برايي الدراسة الخفيفة على بكير اريح من كل النواحي.

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : بالعموم متوسطة الصعوبة
يوجد بعض الاسئلة الصعبة ولكن نسبتها قليلة
سبب ارتفاع المعدلات قد يكون بسبب تكرار الدورات ولكن بكل سنة يوجد نسبة تكرار مشابهة .. لذلك صراحة لا أعلم 😅

🌀ما رأيك بفكرة وجود الامتحان الوطني ؟
فرصة لترميم النقص واعادة المعلومات الهامة ، ولكن برأيي نمط الاسئلة يجب ان يكون بالغالب اقرب للفهم من البصم.

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : المثابرة والاجتهاد و ان يكون لدى الشخص هدف معين.
طريقة دراستي هي نفسها منذ السنة الأولى لم تتغير وكذلك معدلي خلال السنوات قريب من معدل الوطني.

🌀 هل كنت تتوقعي الحصول على هذه العلامة بعد تقديمك الامتحان ؟
نعم توقعت علامة قريبة من علامتي

8️⃣ ما الاختصاص الذي تطمحي له وهل تنوي السفر؟
👈🏻 الاجابة : أحب العيادات بشكل عام و الجلدية بشكل خاص
في الوقت الراهن لا أنوي السفر ، ممكن بعد الاختصاص.

9️⃣ كلمة اخيرة للطلاب
👈🏻 الاجابة : السنة السادسة فرصة لأي طالب حابب يرمم نقص معلوماتو او يتعلم لغات جديدة او يمارس هواياتو
في وقت لكلشي بس الفكرة بتنظيم الوقت والله يوفق الجميع.
——————————
كل الشكر للدكتورة ايفانا سيروب فرح على مشاركتنا تجربتها ونتمنى لها التوفيق في المرحلة القادمة من حياتها 💛💛
@NationalExamFiles

#تجارب (التجربة 23)
تجربة مميزة تقديم Step 1 + اجتياز الوطني بعلامة 96 ❤️

🔺الاسم : محمد يمان المتني
🔺الجامعة : دمشق
🔺العلامة : 96
🔺مدة التحضير : 4 اشهر

1️⃣ متى بدأت بالدراسة للفحص الوطني وكيف كانت طريقة دراستك ؟
🔆 بدأت الدراسة منتصف الشهر الخامس بعد حوالي شهر من تقديمي امتحان المعادلة الأمريكية ستيب 1.
🔆 طريقة دراستي أعتقد كان لها دور في تحقيقي العلامة و ذلك بأني كنت ألقي نظرة على أسئلة الوطني في السنوات السابقة لأفهم طريقة كتابة الأسئلة و أعرف أكثر المواضيع التي يهتم بها كاتبو الاسئلة و بعدها أدرس المادة من مصدرها.

2️⃣ ما هي الوسائل المساعدة التي استعنت بها لفهم المواد ؟
🔆 أي مصدر موثوق للمعلومة كنت أستعين به. مصادر ستيب1, مراجع, مواقع طبية موثوقة, ولكن بشكل كبير أي معلومة خلافية كنت أرجع لموقع UPTODATE لأنه من الصعب ألا تحصل على جواب لسؤالك فيه.

3️⃣ ما هي مصادر الدراسة التي اعتمدت عليها ؟
🔹#الداخليات: المرجع باستثناء الخمجية MRI
🔹الأطفال: المرجع
🔹#العيادات MRI
🔹#النسائية والتوليد المرجع
🔹#الجراحات العامة و العظمية و البولية MRI و الباقي نقاط
🔺#مصادر_المراجعة : نفس مصادر الدراسة الأساسية

4️⃣ لو عاد بك الزمن ، هل هناك أي اخطاء تتمنى لو تلافيتها ؟
🔆 الحمد لله راضي جدا عن التجربة

🌀 هل مررت بتجربة في السنة السادسة ترغب في مشاركتها ؟
🩺 نعم قمت باجتياز امتحان المعادلة الامريكية ستيب 1, بدأت بدراسته فورا بعد انتهاء السنة الخامسة و كنت اتوقع انه سيأخذ دراسة سنة و لكن الحمد لله دراسته اخذت حوالي الست أشهر, كنت في فترة التحضير احضر الستاجات بدون دراسة من مصادر الوطني .

🌀 ما هي مصادر الدراسة التي استخدمها في التحضير لامتحان الستيب؟
🩺 بالنسبة لمصادر دراسة ستيب 1 فقد اعتمدت على فيديوهات BOARDS AND BEYOND و بنكي الاسئلة AMBOSS و UWORLD و كتاب FIRST AID.

🌀 ما سبب اختيارك لدراسة الستيبات بدلاً من اللغة الالمانية ؟
🩺 سؤال صعب و أخذ الموضوع وقتا لاجاوب نفسي على السؤال قبل البدء بطريق امريكا.
🩺 ببساطة هي جودة التعليم في الولايات المتحدة و نظام الاختصاص المُحكم الموجود عندها. بالاضافة الى ان امريكا قارة و بالتالي فرص الاختصاص و البحث العلمي أكبر .
🩺 هذا لا يعني ان الاختصاص بالمانيا سيء, لا ابدا و لكن عند مقارنته مع الاختصاص في امريكا فالميزان يرجح لامريكا.

5️⃣ نصيحتك التي تقدمها لطلاب السادسة المستجدين ؟
🔆 السنة السادسة وقت جيد لربط المعلومات الطبية التي تم تحصيلها في السنتين الرابعة و الخامسة و هي وقت جيد أيضا في حال كان عندك امتحان لغة أو معادلة

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
🔆 الاسئلة متوسطة الصعوبة و اتفاع المعدلات سببه أن السنة تواجدت مصادر دراسة جيدة لم تكن في السنين الماضية
🔆 و أيضا تعوّد الطلاب على نمط الاسئلة و هي ظاهرة طبيعية تحدث في كل الامتحانات مثلا امتحان المعادلة الامريكية STEP 2CK كان متوسط العلامات قبل خمس سنين 235 اليوم هو 245. المهم أن يكون واضع الاسئلة مقتنع بأن المعلومات في الاسئلة مهمة لأن تكون متواجدة عند شخص مُرشّح أن يكون طبيبا عاما.

7️⃣ ما هو سر حصولك على هذه العلامة وسر النجاح برأيك ؟
🔆 الاهتمام بمواد السنتين الرابعة و الخامسة و عدم الملل من التكرار , جميعنا نمل قبل فترة الامتحان من التكرار و لكن هو المفتاح لتحصيل علامة ممتازة.

💢 هل هناك فائدة من دراسة ستيب 1 على معدلك في الامتحان الوطني ؟
🩺 الجواب نعم . و لكن أريد التوضيح, ستيب 1 و الوطني متشابهان في المواضيع فكلاهما يهتم بدراسة احتشاء القلب مثلا و لكن كل منهما يهتم من زاوية معينة فمثلا ستيب 1 يهتم بنوع الخلايا الموجودة مجهريا في منطقة الاحتشاء, بالمقابل الوطني يهتم بصفات الألم القلبي مقارنة مع باقي مسببات الألم الصدري.
🩺 و لكن دراسة الاثنان معا يعطيك نظرة أكبر للموضوع المدروس و يجعل دراسة الوطني بعد ستيب 1 أسلس و أمكن

8️⃣ ما الاختصاص الذي تطمح له وهل تنوي السفر؟
🩺 الباطنة بشكل عام و على الأخص العصبية و نعم أطمح للاختصاص في الولايات المتحدة إن شاء الله

9️⃣ كلمة اخيرة لطلاب السادسة الجدد
🩺 لا تقارن دراستك مع الأخرين من الطبيعي أن ترى أشخاص في الاعادة الثالثة للمنهاج وأنت لم تنهي المرة الاولى المهم ان تبقى واثقا من نفسك و معلوماتك.

🌀 ما هي الخطوة القادمة التي ستقوم بها في المستقبل ؟
🩺 تقديم امتحان المعادلة الامريكية STEP 2CK . من امتحان لامتحان الحمد لله 😅
——————————
كل الشكر للدكتور محمد يمان المتني على مشاركتنا تجربته المميزة والمختلفة ونتمنى له التوفيق في باقي الامتحانات وتحقيق حلمه في الاختصاص في الولايات المتحدة ❤️❤️
@NationalExamFiles

#تجارب (التجربة 24)
تجربة باجتياز الامتحان الوطني بعلامة 92 ❤️

🔺الاسم : هاني فاروق صابوني
🔺الجامعة : حلب
🔺العلامة : 92
🔺مدة التحضير : 7 أشهر

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بلشت فعليا بالشهر التاني بدراسة ملخصات MRI وكانت خطتي بتعتمد بشكل أساسي على الفهم لهيك بالبداية اشتريت MTB و حاولت افهم منو كل داخلية قبل ما ادرسا من الملخص كان رائع جدا و ساعدني أفهم كتير شغلات
👈🏻 و بعد فترة قصيرة بلشت أحضر فيديوهات BnB و حل مسائل Uworld طبعا هون تغير كل نمط دراستي و صرت شوف فيديوهات كل قسم قبل ما ادرسوا من الملخص و حل كم مسألة بعد ما خلصو وبالأخير افتح بيتا و حل الأسئلة

2️⃣ ما هي الوسائل المساعدة التي استعنت بها لفهم المواد ؟
⭐️ BnB (board and beyond)
⭐️ MTB (master the boards)
⭐️ Uworld
⭐️ فيديوهات دكتور ماهر

3️⃣ ما هي مصادر الدراسة التي اعتمدت عليها ؟
اعتمدت MRI لكلشي و كان كافي
🔺#مصادر_المراجعة
راجعت من نفس النوط يلي درست منا أول مرة مشان الذاكرة البصرية + سمعت تسجيلات صوتية عملتن خلال السنة للمراجعة و ركزت فين على الفقرات الهامة والأفكار المكررة وللصراحة اختصرولي كتير وقت

🌀 هل قمت بحل بنوك اتمتة اخرى بجانب الدورات؟
لا أبدا الدورات بتكفي و زيادة مافي داعي لأي بنك إضافي

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : يمكن لو بلشت أبكر شوي و ما توترت بالفحص لأنو في كتير أسئلة سهلة ممكن تضيع بسبب هاد الشي

🌀 هل قمت بأي نشاطات أخرى بجانب التحضير للوطني خلال العام ؟
حاولت ركز على اللغة و مشيتا مع الوطني

5️⃣ نصيحتك التي تقدمها لطلاب السادسة المستجدين ؟
⭐️ السنة السادسة هي فرصة ذهبية لحتى ترمموا معلوماتكن السابقة و تدرسوا لغة إذا حاطين ببالكن السفر لهيك استغلوها منيح ولا تضعيوها وبنفس الوقت لا تحملوها كتير و عيشوا حياتكن

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : الأسئلة سهلة نوعا ما عدا قسم الأطفال بالكتلة الأولى و بعض الأسئلة الخلافية بالكتلة التانية
👈🏻 المعدلات ارتفعت لأنو اخر سنتين زادت شوي نسبة الأسئلة المكررة والطلاب صارو يدرسوا اكتر

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : الخطة الواضحة و الالتزام و انك تركز على المعلومة و تعرف شو تدرس و شو تعيد

🌀 هل كنت تتوقع الحصول على هذه العلامة في بداية العام ؟
👈🏻 ببداية السنة كنت متوقع أنو معدلي رح يطلع متل السنوات السابقة بين 87 و 89

8️⃣ ما الاختصاص الذي تطمح له وهل تنوي السفر؟
👈🏻 الاجابة : عبحضر لغة حاليا و للصراحة لسع ما اخدت قراري بالنسبة للاختصاص بس بشكل عام بميل للداخليات

9️⃣ في الختام ما رأيك بتجربة تقديم الفحص الوطني ؟
⭐️ امتحان سهل جدا بشبه أي فحص تاني و ما بحتاج اي خوف أو توتر
——————————
كل الشكر للدكتور هاني فاروق صابوني على مشاركتنا تجربته ونتمنى له التوفيق في المرحلة القادمة من حياته ❤️❤️
@NationalExamFiles

#تجارب (التجربة 26)
تجربة باجتياز الامتحان الوطني بعلامة 92 ❤️

🔺الاسم : محمد جلال سلهب
🔺الجامعة : تشرين
🔺العلامة : 92
🔺مدة التحضير : 10 أشهر

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بدأت بالشهر 11 بمعدل جلستين دراسيتين (كل جلسة مدتها 90 دقيقة طبعا هاد باستخدام تقنية ال pomodoro)

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : اكتر شي استفدت منه هو بنوك الاسئلة Uworld step 2ck و USMLE rx
👈🏻 بالإضافة لموقع dynamed
👈🏻 كتاب cmdt 2022

3️⃣ ما هي مصادر الدراسة التي اعتمدت عليها ؟
🔹#الداخليات: المرجع و رممت القلبية من cmdt 2022
🔹#الأطفال: المرجع و النقاط الذهبية
🔹#العيادات
👈🏻جلدية: المرجع
👈🏻عينية: success و شفت انو متلو متل MRI
👈🏻أذنية: success
🔹#النسائية والتوليد: المرجع
🔹#الجراحات: عامة cmd
👈🏻 #بولية نيرد
👈🏻 #عظمية غدير
👈🏻 باقي الجراحات نيرد و نقاط ذهبية
🔺#مصادر_المراجعة
نفسها مصادر الدراسة ما عدلت أي شي

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : يتمنى لو درست التوليد و النسائية من ملخص MRI لان كنت وفرت وقت كبير

🌀 هل قمت بأي نشاطات أخرى بجانب التحضير للوطني خلال العام ؟
👈🏻 درست ألماني للمستوى A2
👈🏻 قرأت كتير من كتب تطوير الذات و تحسين الانتاجية

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : الوقت أكتر من كافي التحضير الوطني و نصحية حاولوا تعملوا شي تاني جنب الدراسة لغة او نشاط ترفيهي أو أي وسيلة لتطوير الذات

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : الأسئلة كان فيها نسبة كتير دورات و بصراحة بعد صدور المراجع صار نمط الأسئلة كتير مفهوم و ما عاد في صعوبة لأي طالب مهمة كان مستواه انو ينال علامة عالية

🌀ما رأيك بالامتحان الوطني ؟
👈🏻 الوطني كما قلت يبدو انو صار امتحان أسهل بكتير من السنوات السابقة. و ما عاد البعبع يلي بخوف

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : التوفيق من الله و تنظيم وقتي بأسلوب ما خلاني أشعر بالملل أو التوتر

🌀 هل كنت تتوقع الحصول على هذه العلامة في بداية العام ؟
👈🏻 العلامة كانت متوقعة و متناسبة مع نوعية و عدد ساعات الدراسة

8️⃣ ما الاختصاص الذي تطمح له وهل تنوي السفر؟
👈🏻 الاجابة : داخلية غدية
👈🏻 لا أنوي السفر حاليا

9️⃣ كلمة اخيرة حابب تقولها للطلاب
🔺نصيحة أخيرة: لكل شخص حاسس انه وقت ما بأيدو و عم تضيع منه الأيام بسرعة و بدون اي انتاجية بنصحه يستخدم أسلوب ( عام 12اسبوع) فيه فيديو ل علي محمد علي بيحكي عن هاد الأسلوب بكتير تفصيل و كمان بنصح باستخدام نظام الحلويات ( pomodoro techniques). لمعالجة الملل أثناء الدراسة

🧷 فيديوهات ملحقة بالتجربة
▪️مشاهدة "تخطيط 2020 - كتاب عام الـ12 أسبوع" على YouTube
https://youtu.be/b2q5yBL4XYI

▪️مشاهدة "لا تذاكر أكثر من ٢٥ دقيقه⏰| تقنية البومودورو Pomodoro Technique" على YouTube
https://youtu.be/qiYDYsPslrc
——————————
كل الشكر للدكتور محمد جلال سلهب على مشاركتنا تجربته ونتمنى له التوفيق في المرحلة القادمة من حياته ❤️❤️
@NationalExamFiles