#تجارب
تجربة صاحبة المرتبة الأولى على مستوى جامعة تشرين ❤️

🔺الاسم : مرح سامي حناوي
🔺الجامعة : تشرين
🔺العلامة : 96
🔺مدة التحضير : تقريبا بين ٧ل ٩ شهور بحيث ما اضغط حالي على أقل من مهلي اول فترة .

1️⃣ متى بدأت بالدراسة للفحص الوطني وكيف كانت طريقة دراستك ؟
👈🏻 الاجابة : بدأت بالدراسة بالشهر ١١ كانت بداية ساعات قليلة مع الكثير من التسلية و تدريجيا كنت زيد ساعات الدراسة شوي شوي للشهرين قبل الامتحان .

2️⃣ ما هي الوسائل المساعدة التي استعنت بها لفهم المواد ؟
👈🏻 الاجابة : الوسائل المساعدة قناة نيرد مفيدة للمراجعة جدااا
و قناة على اليوتيوب اسماmacropage أكثر من رائعة
و كنت افتح غوغل اذا شي ما فهمتو و ابحث عن الموضوع .

3️⃣ ما هي مصادر الدراسة التي اعتمدت عليها ؟
🔹#الداخليات: المرجع
🔹#الأطفال: المرجع
🔹#العيادات درست MRI رائعين
🔹#النسائية والتوليد المرجع
طبعا المرجع بدو ترميم من الدورات و و في حكي كتيير ما الو معنى للمراجعة منشان هيك كلو هاد عملتو باول دور و خاصة بالأطفال و النسائبة و التوليد يعني انا كنت ضيف لحالي و اشطب .
🔹#الجراحات #عامة درست CMD
👈🏻 #بولية نيرد
👈🏻 #عظمية غدير
👈🏻 الجراحات الصغرى بين النقاط الذهبية و MRI
🔺#مصادر_المراجع نفسا مصادر الدراسة بس لازم تعرف شو لازم تراجع و هاد الشي عملتو خلال الدور الاول بتحديد و حذف شغلات و كيف عرفت حدد و احذف هاد الشي تعلمتو خلال السنوات الخمسة الجامعية انو اعرف ميز بين المعلومة الامتحانية و المعلومة البديهية
🔺 #بنوك_الاسئلة حليت بعض اسئلة الجامعات بس الأساس هو الدورات ثم الدورات

4️⃣ لو عاد بك الزمن ، هل هناك أي اخطاء تتمنى لو تلافيتها ؟
👈🏻 الاجابة : ممكن طريقة دراستي كنت حسنتا خلال سنواتي الاولى

🌀 هل قمت بأي نشاطات أخرى بجانب التحضير للوطني خلال العام ؟
اكيد ما فينو الواحد يقضي تقريبا سنة كاملة دراسة
كنت إلى جانب دراستي عم اتعلم لغة جديدة و اعمل كورسات و انضميت إلى فرق تطوعية .

5️⃣ نصيحتك التي تقدمها لطلاب السادسة المستجدين ؟
👈🏻 الاجابة : لا تتوتروا لسا بكير حاولو تنظموا وقتكون منشان تقدر تعملو كلشي بدكون ياه خلال اليوم .ولا تغيرو مصادر الدراسة لانو الذاكرة البصرية مهمة جدا .

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
👈🏻 الاجابة : كانت متوسطة هناك أسئلة سهلة و تلقائية و هنالك اسئلة خلافية نوعا ما
ارتفاع المعدلات بسبب ارتفاع معدلات الطلاب المجتهدين اولا و ثانيا و خاصة بعد صدور المراجع المعتمدة و بعد عدة دورات تعودنا على نمط الاسئلة نوعا ما فصارت الأمور اسهل علينا

7️⃣ ما هو سر حصولك على هذه العلامة وسر النجاح برأيك ؟
👈🏻 الاجابة : سر حصولي على هذه العلامة هو الدراسة و خاصة في الأشهر الأخيرة الحاسمة
سر النجاح هو تنظيم الوقت

8️⃣ ما الاختصاص الذي تطمح له وهل تنوي السفر؟
👈🏻 الاجابة : الاختصاص الذي أطمح له هو الجلدية و هو سبب من اسباب اجتهادي الزائد خلال السنة السادسة
موضوع السفر موضوع يشغل تفكيري داىما و تفكر اي طالب برأيي يطمح لمزيد من التفوق و النجاح .

9️⃣كلمة اخيرة للطلاب
👈🏻 الاجابة : لا شك خلال السنة كل انسان معرض لعقبات أو احداث حياتية تؤثر فيه لكن دائما نحاول ان نسعى و نتقدم نحو الأمام مهما كانت الظروف .
——————————
كل الشكر للدكتورة مرح سامي حناوي على مشاركتنا تجربتها ونتمنى لها التوفيق في المرحلة القادمة من حياتها 💛💛
@NationalExamFiles

#تجارب (التجربة 28)
تجربة مميزة رح نتعرف فيا على الشخص وراء الكواليس في قناة Nerd يلي قدمت عشرات البثوث والشروحات الصوتية بشكل مجاني وتطوعي لطلاب دفعة 2022 السابقة ❤️

🔺قبل أن نبدأ حدثنا عن نفسك قليلا
💫 أنا خالد حســن بن وليد ، مواليد 1999 ، تولّد محافظة الحسكة ، درست الابتدائية بمدرسة العذراء ،وأكملت الإعدادية والثانويّة بالفارعة الشيبانية للمتفوقين .

💫 والدي لم يكمل تعليمه ،ولكن كان إلي المدرسة الأكبر يلي صنعت مني شخص ييحلم، والـدتي خريجة أدب عربي وهي يلي كانت المعلّمة الأولى إلي منذُ الصِغَر.

🔺الجامعة : تخرّجت من جامعة دمشق العريقة

🔺العلامة : حصدت علامة قدرها 93 ،

🔺مدة التحضير : من بداية الشهر 9 ( قبل امتحان الوطني دورة تشرين للدفعة السابقة بشهرين) تواترت ساعات الدراسة بزيادة كبيرة من بداية التحضير حتى النهاية أي لم أتوانى منذُ البداية .

1️⃣ متى بدأت بالدراسة للفحص الوطني وكيف كانت طريقة دراستك ؟
✨ أنا شخص بيحب المعلومة ، سعيت جاهداً إني ألحق ورا فهم الأسباب وبعّد عن بصمها ،
✨ بدأت بدراسة البواطن تليها أطفال ثمَ نسائية وتوليد وعيادات وختمتها أخيراً بالجراحات .
✨ دراسة شاملة ،بحيث رمّم كل النواقص من أي مكان.

2️⃣ ما هي الوسائل المساعدة التي استعنت بها لفهم المواد ؟
✨ غوغل لأقدر أتخيل بعض المتلازمات ، لأفهم بعض الأسباب ،
✨ محاضرات جامعة دمشق بكل تأكيد ، كانت المحاضرات مرافقتني قبل البدء بأي فصل ، ولكن هي الطريقة متعبة بس أتبعتها بسبب الوقت الواسع عندي.

3️⃣ ما هي مصادر الدراسة التي اعتمدت عليها ؟
🔹#الداخليات: بيست فقط مع ترميم من محاضرات جامعة دمشق

🔹#الأطفال: مرجع بالنسبة للأطفال 2 و 1
⭐️ ولكن مؤخراً رجعت بالأطفال 1 لنيرد الجديد ببعض البحوث وليسَ كلها.

🔹#العيادات
👈🏻جلدية: MRI ولا أنصح بغيرها أساساً
👈🏻عينية: MRI ورممت من ملخص دريم (السنة الخامسة دمشق)
👈🏻أذنية: CMD 2018

🔹#النسائية_والتوليد: ما تركت مصدر ،سواء محاضرات دمشق. ، مرجع وبيست وسكسيس واهم النقاط لدريم بفترة بين الكتلتين.
⭐️ ولكن تجنباً للضياع اعتمدت بيست مع الاضافات من سكسيس وأهم النقاط لدريم

🔹#الجراحات :
#عامة CMD صغير ،وما بحبذ الكبير
#صدرية ملخص خلف الرائع
#عظمية غدير المهم للفهم ،ولكن بين الكتلتين راجعت من نيرد الصغير
#البولية : نيرد
#البقية شوامل

🌀 هل تنصح بدراسة الأطفال دمج مع الداخليات ؟
✨ نعم ولكن ليسَ بالدور الأول ، لأن الطالب بحاجة يشوف الموضوع من بعيد ، بعدها يدمج ويلاحظ الفروقات ويقارب بالدور الثاني فما بعد.

🌀 هل قمت بحل أي بنوك اسئلة أخرى عدا عن الدورات ؟
✨ أي لجات لحل نماذج جانبية لعوّد ذهني على حل الأسئلة، لم اقم بحل اسئلة الجامعات، سوا الجلدية بجامعة حلب

4️⃣ لو عاد بك الزمن ، هل هناك أي اخطاء تتمنى لو تلافيتها ؟
✔️ نعم ، كون واثق من نفسك ولكن ليسَ لحد الثقة المطلقة ،
✔️ كنت كرست السنة هي بدراسة الألماني او نشاطات تانية لأني فرغتا للوطني فقط ،
✔️ أني خليت العلامة هاجس وخليت المركز هاجس آخر ،ولكن هالنقطة صارت عبء بفترة الامتحان وما بعده .

🌀 ما هي المدة التي تنصح بها الطلاب للدراسة للوطني ؟
🔺 6 أشهر

🌀 هل قمت بأي نشاطات أخرى بجانب التحضير للوطني خلال العام ؟
✨ كرست نفسي كاملاً للتحضير للفحص الوطني ، ولكن بنفس الوقت عملت شغلات ما كنت عم أقدر قوم فيها بشكل عادي خلال سنوات دراستي متل شوفة أهلي وأني عيش الحياة بحالة رخاء.

5️⃣ نصيحتك التي تقدمها لطلاب السادسة المستجدين ؟
✨ احلم ، احلم ،احلم
✨ اتعب خلال هي السنة، لان هي الأساس لمستقبل رح تبنيه بإسمك وبالاختصاص يلي يناسبك ،انت اختار الاختصاص مو هو يختارك.
✨ الحياة معركة، كون أنت القائد فيها.

🌀 هل كان دوام الستاجات مفيدا بالنسبة لك وماذا تنصح الطلاب ؟
✨ لا ، سوا بالعيادتين أذنية بالدرجة الاولى والجلدية بالدرجة الثانية ، ولكن من آراد الاستفاد بالتأكيد بيقدر .

6️⃣ ما تقييمك لمستوى اسئلة الامتحان وبرأيك ما سبب ارتفاع المعدلات ؟
✨ لم تقيّم الدراس من غير الدارس بالشكل الكافي و المطلوب ، اعتمدِت على الفقرات والدورات بشكل كبير
✨ مالي ضد بعض الصعوبة بغرض فرز المستويات ، وهالشي انعدم بهي الدورة ،
✨ وبتمنى من قلبي يتم النظر بهالموضوع مستقبلاً لأن بيضر الشخص الدارس بالدرجة الأولى.

🌀 وين راحت علاماتك على الرغم من تحضيرك الجيد للوطني ؟!
✨ راحت بالأسئلة الخلافية يلي أذت أغلبنا ، القسم التاني من العلامات راح بسبب فقرات ما قدرت لحق أقراها وقت المراجعة بآخر كم يوم ، لأن بيصير الطالب قبل الفحص انتقائي بيركز عالمهم.

🌀ما رأيك بفكرة وجود الامتحان الوطني ؟
✨ بتمنّى من قلبي ما ينلغى ، هالامتحان ضرورة وضرورة ما لازم تنلغى ، لأنو الفرصة الاخيرة لحتى الطالب يرمم ويكون مستعد قبل خوض مرحلة الإختصاص.