የክፍለ ጦሩ ከፍተኛ አመራሮች ከወረዳው ነዋሪዎች ጋር በፀጥታ ጉዳዮች ዙሪያ ውይይት አደረጉ።

በሆሮ ጉድሩ ወለጋ ዞን በሀባቦ ወረዳ በቁብሳ ቀበሌ የሚኖሩ የህብረተሰብ ክፍሎች ከክፍለ ጦሩ ከፍተኛ አመራሮች የዞኑ የፀጥታ ዘርፍ ኃላፊዎች ጋር በሰላም እና በወቅታዊ ጉዳዮች ላይ ውይይት አካሂደዋል።

ቀጠናው ላለፉት ሶስት አመታት የአሸባሪው ሸኔ ቡድን ዋነኛ የመንቀሳቀሻ መንገድ ሆኖ ቢቆይም ሰራዊቱ በወሰደው የተጠናከረ እርምጃ አካባቢውን ወደ ተረጋጋ ሠላም መመለስ ችሏል።

ውይይቱን የመሩት የክፍለ ጦሩ አዛዥ ሌተናል ኮሎኔል ገዛኸኝ በቀለ ሠራዊቱ ላለፉት ሁለት ወራት በጥፋት ቡድኑ ላይ በተወሰደው እርምጃ በርካታ የሸኔ አባላት እጅ እየሰጡ መሆኑን እና ቡድኑ መውጫ መንገድ ሲያጣ እየተፈረካከሰ መሆኑን ተናግረዋል።

የጥፋት ቡድኑ ለህብረተሰቡ የቆመ በመምስል የራሱ የዘረፋ ስልት ሲያዳብር ነው የቆዬው ያሉት የሆሮ ጉድሩ ወለጋ ዞን የወንጀል መከላከል ኃላፊ ኢንስፔክተር ጋሩማ ሱጫ ናቸው።

ኢንስፔክተሩ አክለውም ሰላምን ለማስቀጠል ከመከላከያ ሰራዊቱ ከፖሊስ እና ከሚሊሺያው ብቻ መጠበቅ በቂ አለመሆኑን ገልፀው ለሰላሙ የአካባቢው ህብረተሠብ የበኩሉን ሊወጣ ይገባል ብለዋል።

የሀባቦ ወረዳ አስተዳደር አቶ ከበደ ጉርሜሳ በበኩላቸው የሸኔ ቡድን ብሔርን ከብሔር ለማጋጨትና ሰርተው የሚበሉ የህብረተሰብ ክፍሎችን የማይሆን ስም እየሰጠ ሲዘርፉ እና ሲያፈናቅል ቆይቷል። አሁን ላይ ቡድኑ በመመታቱ በአካባቢው ሠላም ወርዷል ብለዋል።

ላለፉት አመታት በቀበሌዎች ወርደን መሰራት አንችልም ነበር አሁን በተገኘው ሠላም ህብረተሰባችን በተረጋጋ መንገድ የአፈር መዳበሪያውን  እየወሰደ ይገኛል። በየቀበሌዎች ሲኒሱ የነበሩ ጥያቄዎችንም መፍታት ችለናል ሲሉ ተናግረዋል።

በውይይቱ ላይ የተሳተፉ የአካባቢው ነዋሪዎችም ላለፉት አመታት ያሳለፍነው የጨለማ ጊዜ አብቅቶ ብርሃን ማየት ጀምረናል። ሠላምን ላስገኘልን የመከላከያ ሰራዊት እናመሰግናለን ሲሉ ተናግረዋል።

ጠቅላይ ሚኒስትር ዐቢይ አሕመድ(ዶ/ር) የቢል እና ሜሊንዳ ጌትስ ፋውንዴሽን ዋና ሥራ አስፈጻሚ ተቀብለው አነጋገሩ

ጠቅላይ ሚኒስትር ዐቢይ አሕመድ(ዶ/ር) የቢል እና ሜሊንዳ ጌትስ ፋውንዴሽን ዋና ሥራ አስፈፃሚ ማርክ ሱዝማንን ተቀብለው አነጋግረዋል። ጠቅላይ ሚኒስትሩ በማህበራዊ ትስስር ገጻቸው ባሰፈሩት መረጃ ዛሬ የቢል እና ሜሊንዳ ጌትስ ፋውንዴሽን ዋና ሥራ አስፈፃሚ ማርክ ሱዝማን እና ቡድናቸውን በመቀበሌ ደስታ ተሰምቶኛል ብለዋል።

የቢል እና ጌትስ ፋውንዴሽን በግብርና፣ ጤና፣ በስርዓተ ምግብ፣ በአካታች የፋይናንስ ስርዓት እና በሌሎች ዘርፎች የሚሰጠው ጠቃሚ ድጋፍ ለኢትዮጵያ እድገት ከፍ ያለ አስተዋጽዖ እንዳለው ገልጸዋል። ይህን ትብብር በማላቅ እና በአዳዲስ ዘርፎች በመተባበር እንሰራለንም ብለዋል።

መነሻውን መቀሌ መዳረሻውን ባህርዳር ያደረገ የከባድ ጭነት መኪና 8,900 ክላሽ ጥይት ከሹፌርና ረዳቱ ጋር
በክልል የመረጃና ደህንነት ባለሙያዎች ከፍተኛ ክትትል በደቡብ ጎንደር ዞን ደብረታቦር ከተማ እጅ ከፍንጅ መያዙን የደቡብ ጎንደር ዞን ሠላምና ፀጥታ መምሪያ አስታውቋል።

የዞኑ የሰላምና ደህንነት መምሪያ ኋላፊ አቶ ጌትነት ዓላማው የክልሉን ህዝብና መንግስት የማያባራ ቀውስ፣ትርምስና ጦርነት ውስጥ ለማስገባትና ቀጠናውን የጦርነት አውድማ ለማድረግ የሚንቀሳቀሱ የወስጥና የውጭ ጠላቶች ሴራ በተለይ ህውሃት አማራ ክልልን ለማተራመስና ባህር ዳርን ማዕከል አድርጎ እየተንቀሳቀሰም ነው" ብለዋል።
መረጃው የክልሉ መንግስት ኮምኒኬሽን ነው።

የኦቪድ ታላቅ የመኖሪያ ቤት ሽያጭ ማብቂያ እስከ ሰኞ ሚያዚያ 21 ድረስ ተራዘመ
**
ታላቅ ቅናሽ ያለው የኦቪድ ገላን ጉራ ከተማ የ6 ሺህ 124 ቤቶች ሽያጭ ለአንድ ቀን ብቻ ተራዝሟል፡፡ ፈጥነው ይመዝገቡ ፣ ሰኞ ሚያዚያ 21 ቀን 2016 ዓ.ም የመጨረሻ የሽያጭ ቀን ነው !

በርታካታ ቤት ገዥዎችን እየተሳተፉበት ያለው የኦቪድ ታላቅ የመኖሪያ ቤት ሽያጭ ገዥዎች በቂ የመግዣ ቀናት እንዲኖራቸው ታሳቢ በማድርግና በገዥዎች ጥያቄ መሰረት የማብቂያ ቀኑን ለአንድ ቀን ብቻ ያራዘመ መሆኑን አቪድ ሪል ስቴት አስታውቋል፡፡

• የኦቪድ የ6 ሺህ 124 ቤቶች ሽያጭ በአድዋ ዜሮዜሮ ሙዚየም እየተከናወነ ነው

• ቀድመው ለገዙ 1000 ሰዎች ከ 415 ሺህ ብር ቅድመ ክፍያ ጀምሮ የቤት ባለቤት ይሆናሉ

• በርካታ የቤት ገዥዎችም በአድዋ ሙዚየም እየተካሄደ ባለዉ ታላቅ የመኖሪያ ቤት ሽያጭ ላይ ተገኝተው ምዝገባ እያከናወኑ ነው

• ግንባታን በአጭር ጊዜ እና በጥራት በመገንባት ከፍተኛ ስምና ዝና ያተረፈው ኦቪድ ግሩፕ ቦሌ ቡልቡላ አካባቢ ኦቪድ ገላን ጉራ የተሰኘ መለሰተኛ ከተማን በሦስት ዓመታት ዉስጥ ገንብቶ
ለማጠናቀቅ በቅርቡ ግንባታ አስጀምሯል፡፡

• ኦቪድ በ18 ወራት ግዙፍ የመኖሪያ መንደር፣ በ69 ቀናት 11 ወለል ሕንጻ እንዲሁም በ8 ወራት ግዙፍ የገበያ ማዕከል ገንብቶ ማጠናቀቅ የቻለ ተቋም ነው፡፡
• የኦቪድ ገላን ጉራ ከተማ መለስተኛ ከተማ ውስጥ 6 ሺ124 ቤቶችን ሽያጭ ለአንድ ሳምንት ብቻ የሚቆይ ሲሆን ታላቅ ቅናሽ የሽያጭ አውደርዩ ሚያዚያ 21 ይጠናቀቃል፡፡

• የኦቪድ ገላን ጉራ ከተማ ከቦሌ አየርመንገድ በ8 ኪ.ሜ ርቀት ላይ የሚገኝ ሲሆን ግንባታው ተጀምሯል፡፡
የመመዝገቢያ ሊንክ: https://bit.ly/ovid2024
ለበለጠ መረጃ በ 9727 ይደውሉ!
ኦቪድ ገላን ጉራ ከተማ የነገ መኖርያዎ!!!

በአየር ወለድና ኮማንዶ ዕዝ ስር የሚገኝ አንድ ሻለቃ በወሰደው ህግ የማስከበር ዘመቻ የፅንፈኛውን ቡድን መደምሰሱ ተገለፀ።

የፅንፈኛው ቡድን የተደመሰሰው በአማራ ክልል ሰሜን ሸዋ ዞን በእንሳሮ ወረዳ ልዩ ስሙ በሬሳና ይድኖ በተባለ ቦታ መሆኑን የሻለቃው አዛዥ ሻለቃ ኢሬና መንገሻ ተናግረዋል ።

በተደረገው ህግ የማስከበር ዘመቻም በርካታ የጦር መሳሪያ እና የፅንፈኛው አባላት መማረካቸውን አዛዡ ገልጸዋል።

በወረዳው በተፈጠረው ሰላም ለወረዳው አርሶ አደሮች በሰራዊቱ አጋዥነት የአፈር ማዳበሪያ እስከ ቀበሌ ድረስ እየቀረበ መሆኑን ሻለቃ ኢሬና ተናግረዋል። አርሶ አደሮች ከዚህ በፊት ይደርስባቸው የነበረው መጉላላት ተቀርፎ እና ካልተገባ ወጪ ተላቀው ወደ እርሻ ሥራቸው እንዲመለሱ ማሥቻሉም ተገልጿል ።