НамДУ талабаси кунгабоқар кўринишидаги қуёш панелини яратди

👉 https://xs.uz/uzkr/112824

Расмий саҳифаларимиз 👇

Instagram | Facebook | Youtube | Telegram

Олий таълим: хорижий ҳамкорлик ривожланмоқда

Давлатимиз раҳбарининг 2024 йил 25-26 март кунлари Наманган вилоятига ташрифи чоғида етакчи олийгоҳлардан бири саналган Наманган давлат университетида ўзгариш қилиш вақти келганлиги таъкидланиб, таълим сифатини ошириш бўйича топшириқлар берилганди.

Батафсил: https://uza.uz/posts/595404

📱Мобил илова 👉 iOS | Android

O`zbekcha | Ўзбекча | Русская | Илм-фан | Тезкор

Наманган давлат университети ректори Собитхон Турғуновнинг Хотира ва қадрлаш куни муносабати билан
БАЙРАМ ТАБРИГИ

Ассалому алайкум, азиз устозлар, фахрийлар, нуронийлар!

Барчангизни азалий қадриятлар, меҳр-оқибат, саховат байрами бўлмиш - Хотира ва қадрлаш куни муносабати билан самимий муборакбод этаман ва энг эзгу тилакларимни изҳор этаман.

Дарҳақиқат, ушбу сана чин маънода қалбимизни фахр ва шукроналик ҳисларига тўлдирадиган айём. Негаки, бу кунда ота-боболаримиз, момоларимиз жасорати, мардлиги, матонати, фидокорлиги эътироф этилади. Бугунги тинч-осуда, фаровон, эмин-эркин ҳаёт учун шукроналар келтирамиз, беихтиёр.

Инсон қадри улуғ юртимизда Иккинчи жаҳон уруши қатнашчилари ва фронт ортида меҳнат қилган ватандошларимизга юксак эҳтиром кўрсатилмоқда. Мазкур байрам муносабати билан куни кеча муҳтарам Президентимизнинг фармони қабул қилингани ва байрам табригининг эълон қилингани фикримиз далили бўла олади.

Давлатимиз раҳбарининг байрам табригида уруш ва меҳнат фахрийларини эъзозлаш, уларга ижтимоий-моддий ёрдам кўрсатиш борасида амалга оширилаётган ишлар ўз ифодасини топган.

Айниқса, табрикдаги: «Ҳозирги ғоят мураккаб ва таҳликали замонда ёшларимизни ватанпарварлик руҳида тарбиялаш, фарзандларимизни турли зарарли таъсирлардан ҳимоя қилиш, бебаҳо бойлигимиз бўлган тинчлик ва барқарорликни, миллатлар ва динлараро дўстлик ва аҳилликни асрашдек ўта муҳим вазифаларни бажаришда қаҳрамон фахрийларимизнинг жасорати, шонли анъаналари биз учун ҳамиша ибрат мактаби бўлиб хизмат қилади», деган фикрлар барчамизнинг фаолиятимиз мезонига ҳамоҳангдир.

Азиз уруш ва меҳнат фахрийлари!

Барчангизни яна бир бор Хотира ва қадрлаш куни муносабати билан табриклайман. Танингиз сиҳат, умрингиз зиёда бўлсин. Ўтганларни Аллоҳ раҳматига олсин. Юртимиз тинч, ҳаётимиз доим обод ва фаровон бўлсин.

Байрамингиз муборак, азизлар!

Наманган давлат университети ректори
Собитхон ТУРҒУНОВнинг 21 май – Кутубхоначилар куни муносабати билан
ТАБРИГИ

Ассалому алайкум, азиз ҳамкасблар, ахборот-кутубхона соҳасининг жонкуяр вакиллари!

Сизларни «Кутубхоначилар куни» муносабати билан табриклайман ва қалбимдаги энг самимий тилакларимни изҳор этаман.
Маълумки, китоб инсонни ердан кўкка кўтарувчи, унинг маънавий қувватини оширувчи буюк, мўъжизакор кучдир. Қолаверса, китоб инсониятнинг тарихий хотираси демакдир.

Бугунги тезкор ва замонавий шароитда интеллектуал салоҳияти юксак кадрларни тайёрлашда ёшларнинг китобга муносабатини янада яхшилашдек долзарб вазифа Сиз – муҳтрам кутубхоначилар зиммасига жуда катта масъулият юклайди.

Президентимиз: «Китобсиз тараққиётга, юксак маънавиятга эришиб бўлмайди. Дунёдаги ҳар қайси давлат, ҳар қайси миллат биринчи навбатда ўзининг интеллектуал салоҳияти, юксак маънавияти билан қудратлидир. Бундай енгилмас куч манбаи эса, аввало, инсоният тафаккурининг буюк кашфиёти – китоб ва кутубхоналарда», дея таъкидлаганларида, юз карра ҳақ эдилар. Мана шу сўзларнинг ўзиёқ, Сизларнинг нақадар эзгу касб эгаси эканлигингизни исбот этади.

Ҳурматли кутубхоначилар, зиё масканининг фидойи вакиллари! Касб байрамингиз қутлуғ бўлсин. Сиҳат-саломатлик, шижоат, оилавий бахт ва муваффақият ҳамиша ҳамроҳингиз бўлсин. Университет талаба-ёшларининг билимли, маънавияти юксак инсонлар бўлиб камолга етишлари йўлидаги самарали меҳнатларингиз роҳатини кўринг.

Байрамингиз муборак бўлсин!

Ўзбекистон Республикаси Президентининг "Олий таълим ташкилотларига ўқишга қабул қилиш ва давлат буюртмасини жойлаштириш тизимини такомиллаштириш тўғрисида"ги Фармони
—
Указ Президента Республики Узбекистан "О совершенствовании системы приема на учебу в высшие образовательные организации и размещения государственного заказа"

Prezident.uz|Facebook|Instagram|YouTube|X

Наманган давлат университети ректори Собитхон Турғуновнинг «Талабалар лигаси» спорт мусобақалари республика босқичи ғолиби бўлган волейболчи қизлар жамоасига
ТАБРИГИ

Қадрли жамоамиз аъзолари, талаба-қизларим, азиз ёшлар, фидокор мураббийлар!

Барчангизни аввало, 63-Халқаро «Гуллар фестивали» ҳамда мамлакатимизда биринчи бор ўтказилаётган «Талабалар лигаси» республика финал босқичи муносабати билан табриклайман.

«Талабалар лигаси» спорт мусобақалари - бу ёшлик, кучлилик, эпчиллик, кучли маҳорат ва заковат баҳсидир, аслида. Мана шундай беллашувнинг бир неча босқичларида ғолиб бўлиб республика босқичига етиб келган ва бугун мутлақ ғолибликка сазовор бўлган Наманган давлат университетининг волейболчи қизлар жамоасининг ҳар бир аъзосига энг самимий тилакларимни изҳор этиб қоламан.

Азиз дилбандларим, спортсевар қизларим!

Ҳар бирингиз университетда аъло баҳоларга ўқиш баробарида спортни ҳаётингизнинг бир қисмига айлантира олганингиз бизнинг энг катта ютуғимиз. Чунки сизларнинг соғлигингиз - жамият софлиги, соғломлиги демак. Бугун эса спортдаги маҳоратингизга  ҳам гувоҳ бўлиб турибмиз. Юксак ва машаққатли ғалаба барчангизга муборак бўлсин!
Келгусида бундан-да юксак муваффақиятлар ҳамроҳ бўлсин.

Наманган давлат университети шарафи, шони учун қилган меҳнатингиз, фидокорлигингиз учун ташаккур айтаман. Мураббийларингиз, устозларингиз меҳнатини эътироф этган ҳолда таъкидламоқчиманки, сизлар каби юраги Ватанга садоқат туйғуларига лиммо-лим ёшлар бор экан, нафақат университетимиз, балки Янги Ўзбекистонимиз қудрати ва нуфузи тобора юксалаверади.

Янa бир бор ғалаба муборак бўлсин!