الرجلين الها استخدامات مبتكره مو بس المشي 🙃
جربتيها؟
عددي وياي
نسد الباب
ناخذ الموبايل
تشيل مكعبات من الكاع
نمدها جوه القنفة نطلع شي واكع بعيد ... وبعد؟ 😁
دكتور سيف سمير

عندما يتعود جسمك على الرياضة ، يصبح كالإدمان اذا لم تتمرن تشعر بالقلق ومرهق وتحتاج إلى شيئ ما
وعندما تتدرب تشعر بالإرتياح النفسي والجسدي وبمعنويات مرتفعة
فالرياضة إدمان فوائدها كثيرة وعديدة تساعدك نفسيا وتخفف ضغوط الحياة فإدمان الرياضة نعمة عكس المخدرات والسموم الأخرى .

.

.

اللهم صل على محمد وال محمد وعجل فرجهم والعن عددوهم ☘☘🌿🧡

من ننطي خافض حراره
مو الا تنزل الحراره للطبيعي
فالخافض ينزل بمعدل درجه الى درجتين مئويه
اللي يعادل درجتين الى ٣ درجات فهرنهايت
لعد ليش انطي خافض؟
حتى يرتاح الطفل لا اكثر
زين دكتور مو خاف ينشمر
نجاوب و نكول
الشمره مالها علاقه بالحراره
د. سيف سمير البياتي
اخصائي طب الاطفال

قبل شويه بالتعليقات
اخت سائله كم قطره فيتامين دي
و اخرى مجاوبتها ٥ قطرات
اختي الكريمه
فيتامين دي ٤٠٠ وحده دوليه تحت سنه
و ٦٠٠ وحده دوليه فوق سنه
كل قطاره تفرق عن قطاره
اكو قطاره بيها القطره 200 وحده دوليه مثل قطره كوليف دي ثري
و اكو قطاره القطره الوحده بيها ٤٠٠٠ وحده دوليه مثل قطره سوبر ديلي
يعني لو اللي تشتريها قطره كوليف دي ثري راح ياخذ ١٠٠٠ وحده
اما اذا اخذ ٥ قطرات من قطرات سوبر ديلي راح تنطيه 20 الف وحده دوليه
و هذا الفرق كارثي
في حين ان الجرعه الصحيحه من قطرات فيتامين دي ثري هي
قطرتين من قطرات كوليف دي ثري تحت عمر السنه
و ٣ قطرات فوق عمر السنه
و تترك قطره سوبرديلي للطبيب
مثلها اكو الكثير من العلامات التجاريه المعروفه و تكدرون تستفسرون من الصيدلاني بخصوصها و بخصوص الجرعه
.
.
موضوع لشوكت ابقى انطي
اكو دول تنطيه السنتين
و اكو دول تنطيه لل ٥ سنين
فيتامين دي هذا يا دوب الاحتياج اليومي
يعني مو مشكله اذا انت و اني و باقي البالغين أخذنا ٦٠٠ وحده دوليه باليوم
بالأخص اذا اكلنا قليل بالحليب و ما نتعرض للشمس
لذلك تكدرون تستمرون عليه دام اكل طفلكم مو كلش غني بالحليب او ما يتعرض للشمس
و اوضح وواكول
ام الرضاعه الطبيعيه لازم تنطي
ام الرضاعه المختلطه و أغلبها طبيعي لازم تنطي
ام الرضاعه الصناعيه اذا الطفل يشرب ٣٢ رقم باليوم ما يحتاج فيتامين دي
د. سيف سمير البياتي اخصائي طب الاطفال

الاسهال مو عدد مرات
الإسهال هو ليونه الخروج و زياده عدد مرات أكثر من المعتاد
مثال: الطفل اللي يرضع طبيعيا ممكن يصير عنده خروج ١٢ مره باليوم و بالمقابل يرضع زين و يكبر و يتدرر زين
هذا مو اسهال
ممكن طفل يرضع حليب صناعي و يصير عنده خروج ٣ إلى ٤ إلى ٥ مرات يوميا و الطفل زين و حركته زينه و ينمو و يكبر هذا مو اسهال
الاسهال من طفل يصير عنده خروج مره او مرتين البارحه و اليوم صار عنده ٤ إلى ٥ مرات و الخروج عباره عن سائل اخف قواما من البارحه
و شكرا
#تعاريف

عمره يوم او يومين
و حتى شهر او شهرين
و السؤال هو:
من يتدرر او من يصير عنده خروج الطفل ينكلب احمر طماطيه لو يزرك و يعيط و يطلع الخروج لين اصلا !
الجواب :
الجواب سهل اصلا
نرجع للاساسيات حتى يصير عند الطفل خروج او ادرار او غازات يحتاج ان ترتخي عضلات الحوض و تتقلص عضلات البطن
الوضعيه اللي ما يعرفها ابن اسبوع او اسبوعين او شهر او شهرين
ممكن بعمر 6 اشهر يبدي يتعلم يسوي توافق بين العضلات
و شنو اسوي بهذه الحاله؟
و لا شي ممكن تحملين طفلك بوضعيه القرفصاء او تدفعين بافخاذه على بطنه و تنتظرين طفلك يتعلم لا اكثر
د. سيف سمير البياتي اخصائي طب الاطفال

#الاب

انت اول من يسقي العائلة حبا وامآنا واحتواء
فلا تهمل دورك
لان اثرك كبير
فيك يزهر البيت ويشرق
وبغيابك تذبل الاحلام والآمال💔❤️‍🩹

.
.
.

د.اسماء

.