အိန္ဒိယတွင် ရဲဘော် ၁၀ ဦး အသတ်ခံရကြောင်း တမူးခရိုင်ပအဖ အတည်ပြု
------------------------
နယ်စပ်ရှိ တော်လှန်ရေးအဖွဲ့ဝင် ၁၀ ဦးကို အိန္ဒိယတွင် နှိပ်စက်သတ်ဖြတ်ခံရသည်ဟု တမူးခရိုင်ပအဖ အဖွဲ့က ပြောသည်၊ အိန္ဒိယစစ်တပ်ကမူ တိုက်ပွဲဖြစ်စဉ် သေဆုံးခြင်းဖြစ်သည်ဟု ဆိုသည်။

“ဘာကြောင့်လဲဆိုတော့ ည သို့မဟုတ် မနက်အစောကြီးမှာ ခေါ်ဆောင်သွားတယ် ဆိုရင် အိပ်ရာတွေ သိမ်းချိန်ရမှာမဟုတ်ပါဘူး။ စောင်တွေခေါက်ချိန် ရမှာမဟုတ်ပါဘူး။ အဲ့ဒီတော့ ကျွန်တော်တို့ သုံးသပ် တာက ၁၃ ရက်နေ့ ည ၊ ညနေစောင်း ၆ နာရီနဲ့ ၇ နာရီကြားမှာ ခေါ်ဆောင်သွားတယ်။ ခေါ်ဆောင်သွား ပြီးတော့ နှိပ်စက်ညှဉ်းပန်းပြီးတော့ သတ်တယ်လို့ယူဆရတယ်” ဟု ခရိုင် ပအဖ တာဝန်ရှိသူက ဆိုသည်။

အပြည့်အစုံဖတ်ရန် > https://myanmar-now.org/mm/news/63778/

သပိတ်ကျင်း လိပ်ကျရွာ ဗုံးကြဲခံရ၊ ဆယ်ကျော်သက်များ သေဆုံး ဒဏ်ရာရ
----------------------
မန္တလေး၊ သပိတ်ကျင်းမြို့နယ်တွင် လေတပ်က ပစ်မှတ်ထားသည့် လိပ်ကျကျေးရွာသည် ရွှေတူးဖော်ရေးလုပ်ငန်းများ အခြေစိုက်သဖြင့် စည်ကားသည့်ရွာကြီး ဖြစ်သည်။

ထိုရွာ ဗုံးကြဲခံရမှုကြောင့် ဆယ်ကျော်သက်အရွယ် ၁ ဦး သေဆုံးပြီး ၂ ဦး ဒဏ်ရာရရှိသွားသည်။

ဧပြီနှင့်မေလအတွင်း စစ်ကောင်စီက တော်လှန်ရေးတပ်များသိမ်းထားသည့် သပိတ်ကျင်းမြို့နယ်ကို လေကြောင်းတိုက်ခိုက်မှုများဆက်တိုက်လုပ်နေရာ သေဆုံးသူ ၄၀ ထက်မနည်း ရှိလာသည်။

အမျိုးသားညီညွတ်ရေးအစိုးရ (NUG) တပ်များက တိုက်ခိုက်သိမ်းပိုက်ထားသည့် သပိတ်ကျင်းမြို့နယ် တွင် စစ်ကောင်စီ၏ လက်ကျန် ၃ တပ်ကျန်ရှိနေသေး၍ တိုက်ပွဲများဆက်ရှိနေပြီး စစ်ကောင်စီတပ်က လည်း ရွှေတူးဖော်သည့်နေရာများ၊ ကျေးရွာများကို ပစ်မှတ်ထား တိုက်ခိုက်နေသည်။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) မှ ကောက်ယူထားသော စာရင်းများအရ ၂၀၂၅ ခုနှစ်၊ ဧပြီလ ၁ ရက်နေ့မှ မေ ၁၄ ရက်နေ့အထိ စစ်ကိုင်းတိုင်း ၊ မကွေးတိုင်း၊ မန္တလေးတိုင်းတို့မှ
၁၆၃ ဦး သေဆုံးခဲ့ရာ ထိုအထဲမှ ၁၁၇ ဦးမှာ လေကြောင်း တိုက်ခိုက်မှုကြောင့် သေဆုံးရခြင်းဖြစ်သည်။

အပြည့်အစုံဖတ်ရန် > https://myanmar-now.org/mm/news/63781/

‌ဗန်းမော်တွင် စစ်ရဟတ်ယာဉ်နှစ်စီး KIA ပစ်ချ၊ တစ်စီးပျက်ကျပြီး တစ်စီး အရေးပေါ်ဆင်းသက်ရ
--------------------
ဗန်းမော်စစ်မြေပြင်သို့လာသော ရဟတ်ယာဉ်များ တော်လှန်ရေးအင်အားစုက ပစ်ခတ်သဖြင့် ထိခိုက်သွားသည်ဟု KIA က ပြောသည်။

အပြည့်အစုံဖတ်ရန် > https://myanmar-now.org/mm/news/63786/

မြင်းခြံတွင် လေတပ်ဗုံးကြဲ၍ အမျိုးသမီး ၃ ဦးသေ၊၂ ဦး ဒဏ်ရာပြင်းထန်
------------------------
တိုက်ပွဲပြင်းထန်နေသည့် မြင်းခြံခရိုင်အတွင်း မြင်းခြံမြို့အနီး ကန်သုံးဆင့်ကျေးရွာ ဗုံးကြဲခံရသဖြင့် ဒေသခံ အမျိုးသမီးများ သေဆုံး၊ ဒဏ်ရာရသွားကြသည်။

“မြင်းခြံခရိုင် အထူးစစ်ဆင်ရေး” အမည်ဖြင့် စစ်ကောင်စီတပ်စခန်းများကို အရှိန်ဟုန်ဖြင့် ထိုးစစ်ဆင်ခဲ့ ကြသော မြင်းခြံ၊ နွားထိုးကြီး၊ တောင်သာမြို့နယ်များတွင် မေ ၁၄ ရက်နေ့မှ စတင်ကာ တကျော့ပြန်တိုက်ပွဲ ဖြစ်ပွားနေသည်။

တိုက်ပွဲများပြင်းထန်နေမှုကြောင့် တော်လှန်ရေးပူးပေါင်းတပ်များဘက်ကလည်း အကျအဆုံး ရှိနေသည်။

အပြည့်အစုံဖတ်ရန် > https://myanmar-now.org/mm/news/63792/

ချင်းတောင်တန်းပေါ် စစ်ကောင်စီစစ်ကြောင်းထိုးနေ
----------------------
အင်အားအလုံးအရင်းဖြင့် တက်လာနေသည့် ထိုစစ်ကြောင်းကို ဖြတ်တောက်နိုင်ရန် ဒေသတွင်း ချင်းတော်လှန်ရေးအင်အားစုများကခုခံစစ်ပြင်ဆင်နေရာ တိုက်ပွဲ ရှိလာနိုင်သည်။

ချင်းပြည်နယ်တွင် စစ်တပ်က တီးတိန်၊ ဟားခါးနှင့် ထန်တလန်တို့ကို ထိန်းချုပ်ထားသည်။

အပြည့်အစုံဖတ်ရန် > https://myanmar-now.org/mm/news/63796/

ဖားစည်သံ ဟိန်းနိုင်တော့မည်လော
******************
စစ်ကောင်စီတပ် အထိနာနေချိန်တွင် KNU က တဖြည်းဖြည်း ထိုးစစ်ဆင်ကာ နယ်စပ်စခန်းများကို ဆက်တိုက် သိမ်းပိုက်နေသည်၊ ပစ်ခတ်မှုနည်းပါးသည့် တပ်မဟာ (၇) နယ်မြေတွင်ပင် တိုက်ပွဲများ ရှိလာသည်။

၂၀၂၂ ခုနှစ်သည် KNU နယ်မြေအတွင်း စခန်းသိမ်းတိုက်ပွဲအများဆုံးနှစ်ဟု ဆိုရပေမည်။

တပ်မဟာ (၅) တွင် ကျောက်ညှပ်စခန်း၊ တပ်မဟာ (၆) သေ့ဘောဘိုးစခန်း၊ ဝေါလေရဲစခန်း၊ ကြိတ်စခန်း၊ တပ်မဟာ (၃) တွင် ကြောင်ပြာ၊ အောင်းလောင်းစိန်၊ ကျွန်းပင်ဆိပ်၊ ကော့ပြင်နှင့် ကျောင်းစုစခန်းတို့ကို သိမ်းပိုက်နိုင်ခဲ့သည်။

၂၀၂၄ ခုနှစ်တွင် KNU နှင့်၎င်း၏လက်နက်ကိုင်တပ်ဖြစ်သော ကရင်အမျိုးသားလွတ်မြောက်ရေးတပ်မတော် (KNLA) အတွက် သမိုင်းမှတ်တမ်းသစ်ရေးထိုးနိုင်သည့် အောင်ပွဲများရှိခဲ့သည်။ ကြာအင်းဆိပ်ကြီးမြို့နယ်အတွင်းရှိ ကျိုက်ဒုံဗျူဟာ၊ မြဝတီမြို့ သင်္ကန်းညီနောင်ဗျူဟာ၊ ခြေမြန် တပ်ရင်း ၃ ခု ကို သိမ်းပိုက်နိုင်ခဲ့သည်။

ဖာပွန်တွင် အခြေချစစ်ဗျူဟာ၊ ခမရ (၃၄၀) နှင့် ခမရ (၃၄၁) တို့မှအပ မြို့ကို ထိန်းချုပ်ထားနိုင်ပြီ ဖြစ်သည်။

ယခုနောက်ဆုံးဆိုလျှင် မွန်-ကရင်နယ်စပ် မဲပလီဗျူဟာနှင့် KNU ၏ ဌာနချုပ်ဟောင်းနယ်မြေဖြစ်သော မာနယ်ပလောဒေသတို့ကိုပါ သိမ်းပိုက်နိုင်ခဲ့ပြီးဖြစ်သည်။

အပြည့်အစုံဖတ်ရန် > https://myanmar-now.org/mm/news/63799/

ငလျင်ကြောင့် ရန်ကုန်မြို့အထပ်မြင့်တိုက်ခန်း ဈေးကျ၊ အရောင်းအဝယ်အေးနေ
---------------------------
အထပ်မြင့်အဆောက်အအုံများ ငလျင်ကြောင့် အပျက်အစီးများပြားသဖြင့် မြို့ကြီးများတွင် အိမ်ခြံမြေစျေးကွက် အပြောင်းအလဲ ကြီးမားသည်ကို တွေ့နေရသည်။

လုံးချင်းအိမ်နှင့်မြေကွက်များ အရောင်းအဝယ်သွက်လာပြီး တိုက်ခန်းများမှာမူ ပုံမှန်ငှားရမ်းနေရသည်ဟု သိရသည်။

ငလျင်ဒဏ်သင့်ထားသည့် မန္တလေးတွင်မူ အိမ်ငှားခများ အဆမတန်တက်နေသဖြင့် အိမ်ရာ ထိခိုက် ပျက်စီးသွားသူများ ပိုမို အခက်တွေ့နေသည်။

အပြည့်အစုံဖတ်ရန် > https://myanmar-now.org/mm/news/63811/

စစ်ကောင်စီ လွှဲပြောင်းယူပြီးနောက် လားရှိုးမှာ အုပ်စုဖွဲ့ သေနတ်ထောက်လုယက်မှု ပိုများလာ
----------------------------
တရုတ်အကူအညီဖြင့် ပြန်ရယူထားသော လားရှိုးမြို့တွင် စစ်ကောင်စီက အုပ်ချုပ်ရေးယန္တရား လည်ပတ်နိုင်ရေးသာကြိုးပမ်းနေပြီး လုံခြုံရေးကို အာရုံစိုက်မှုနည်းပါးသောကြောင့် အမှုအခင်းများ ဖြစ်ပွားနေသည်။

ကိုးကန့်တပ်များ မသိမ်းပိုက်မီ လားရှိုးမြို့ပေါ်တွင် ဖြစ်ပွားခဲ့သော ဓါးပြတိုက်မှု၊ လုယက်မှုပုံစံများနှင့် ယခု ဖြစ်ပွားနေသည့်အခြေအနေများနှင့် ဆင်တူနေသည်ဟု မြို့ခံများက ပြောကြသည်။

လားရှိုးမြို့ကို လက်လွှတ်လိုက်ရသော်လည်း MNDAA သည် ၁၀၂၇ စစ်ဆင်ရေး နှစ်ကြိမ်အတွင်း ကိုးကန့် ကိုယ်ပိုင်အုပ်ချုပ်ခွင့်ရမြို့များဖြစ်သည့် လောက်ကိုင်နှင့် ချင်းရွှေဟော်အပြင် သံလွင်မြစ် အနောက်ဘက် မုံးကိုး၊ ကုန်းကြမ်း၊ ကြူကုတ် (ပန်ဆိုင်း)၊ ကွမ်းလုံနှင့် သိန္နီမြို့များကို သိမ်းပိုက်ရရှိခဲ့သည်။

အပြည့်အစုံဖတ်ရန် > https://myanmar-now.org/mm/news/63815/

တမူးခရိုင်ပကဖ ၁၀ ဦးအသတ်ခံရမှု စုံစမ်းအရေးယူပေးရန် အိန္ဒိယကို NUG တောင်းဆို
------------------------
မြန်မာနိုင်ငံသား ပကဖ ၁၀ ဦးကို အိန္ဒိယ အာသံရိုင်ဖယ်တပ်က နှိပ်စက်သတ်ဖြတ်ခဲ့သည့်အပေါ် စုံစမ်း စစ်ဆေး အရေးယူပေးရန် NUG က တောင်းဆိုထားသည်။

ထိုကိစ္စနှင့်ပတ်သက်၍ အိန္ဒိယအစိုးရနှင့် အမျိုးသားညီညွတ်ရေးအစိုးရတို့ တွေ့ဆုံဆွေးနွေးမှု ရှိခဲ့ပြီး
နစ်နာသူမိသားစုများအား နစ်နာကြေးပေးရန်နှင့် နယ်ခြားစည်းညှိနှိုင်းမှု မပြီး ပြတ်သေးသည့် ကာလတွင် တဖက်သတ်ခြံစည်းရိုးခတ်ခြင်းကို ယာယီရပ်ဆိုင်းထားရန်တို့ပါ တောင်းဆိုထားသည်။

နှစ်ဖက်တိုက်ပွဲဖြစ်သည်၊ နှစ်ဖက်ဆက်ဆံရေးမထိခိုက်စေရန် ကြိုးပမ်းမည်ဆိုသော အိန္ဒိယဘက်က တုံ့ပြန်ချက်မျိုးကိုသာ လတ်တလောပြန်ရထားသည်ဟု ထိုအခြေအနေကို သိရှိထားသူတစ်ဦးက ပြောသည်။

အပြည့်အစုံဖတ်ရန် > https://myanmar-now.org/mm/news/63825/

မြို့သိမ်းတိုက်ပွဲများအတွင်း ဖမ်းမိသည့် စစ်သုံ့ပန်းနှင့်မိသားစုဝင် ၇၀၀ ကျော်ကို AA လွှတ်ပေး
--------------------------
ဖမ်းမိထားသော စစ်ကောင်စီတပ်ဖွဲ့ဝင်များနှင့်မိသားစုဝင် ၇၀၀ ကျော်ကို ဧပြီနှင့်မေလအတွင်း ၄ ကြိမ်ခွဲ၍ AA က ပြန်လွှတ်ပေးလိုက်သည်။

AA က ရခိုင် ၁၄ မြို့နှင့် ချင်း ၁ မြို့ကို သိမ်းထားပြီး ရိုးမနှင့်ထိစပ်နေသော ဧရာဝတီ၊ မကွေး၊ ပဲခူးတိုင်း အနောက်ခြမ်းများတွင်ပါ စစ်မျက်နှာဖွင့်ထားသည်။ ကချင်လွတ်လပ်ရေးတပ် (KIA) ၏ စစ်ကိုင်း နှင့် ကချင်နယ်စပ်တိုက်ပွဲများ၊ ချင်းဒေသနှင့် ရှမ်းမြောက် တိုက်ပွဲများတွင် AA က မဟာမိတ်တပ်များနှင့် အတူ ပူးတွဲတိုက်ခိုက်ခဲ့သည်။

အပြည့်အစုံဖတ်ရန် > https://myanmar-now.org/mm/news/63828/

ဆန္ဒပြသော လှိုင်သာယာ Adidas စက်ရုံတွင် နေ့စားခ ၁၂,၀၀၀ သို့ တိုးပေး
-------------------------
ရန်ကုန်မြို့ ချန်းရိ (Tsang Yih) စက်ရုံတွင် တစ်နေ့လုပ်အားခ ၁၂,၀၀၀ ကျပ်သို့ တိုးမြှင့်ပေးလိုက်သည်။ ၂ ဒေါ်လာခွဲနှင့် ညီမျှသောထိုပမာဏ နေ့စဉ်ရရှိရေးအတွက် အလုပ်သမားတို့က ၄ ရက်ကြာ ဆန္ဒပြခဲ့ရသည်။

လတ်တလောတွင် ရန်ကုန်မြို့ စက်မှုဇုန်များရှိ စက်ရုံ ၅ ရုံခန့်တွင် လုပ်အားခ တိုးမြှင့်ပေးရန် တောင်းဆိုဆန္ဒပြနေကြောင်း အလုပ်သမားသမဂ္ဂ အဖွဲ့အစည်းများထံက သိရသည်။

အပြည့်အစုံဖတ်ရန် > https://myanmar-now.org/mm/news/63833/

ငလျင်ထိခိုက်ပျက်စီးမှု ဒေါ်လာ ၁၁ ဘီလျံခန့်ရှိကြောင်း ကမ္ဘာ့ဘဏ်ပြော
----------------------
အဆောက်အဦပျက်စီးမှု များပြားသည့် မတ်လ ငလျင်ကြောင့် ထိခိုက်ပျက်စီးမှုပမာဏသည် ဒေါ်လာ ၁၁ ဘီလျံခန့် (ဂျီဒီပီ၏ ၁၄ ရာခိုင်နှုန်း) ရှိကြောင်း ကမ္ဘာ့ဘဏ်က ခန့်မှန်းသည်။

ငလျင်ဒဏ်ကြောင့် သေဆုံးသူ ၃၇၂၈ ဦးရှိပြီး zထိခိုက်ဒဏ် ရာ ရသူ ၅၁၀၄ ဦးနှင့် ပျောက်ဆုံးသူ ၇၉ ဦး ရှိသည်။

ကုလသမဂ္ဂလူသားချင်းစာနာမှုဆိုင်ရာညှိနှိုင်း‌ရေးရုံး (OCHA) က ငလျင်ဘေး အထိခိုက်ခဲ့ဆုံးဒေသများ ရှိ လူဦးရေ ၆ ဒသမ ၃ သန်းသည် အကူအညီများနှင့် ကာကွယ်စောင့်ရှောက်ပေးမှုများ အရေးတကြီး လိုအပ်လျက်ရှိကြောင်း ဧပြီ ၃၀ ရက်က ထုတ်ပြန်ထားသည်။၊

အပြည့်အစုံဖတ်ရန် > https://myanmar-now.org/mm/news/63845/

Myanmar Net က စစ်ကောင်စီအတွက် ထောက်လှမ်းရေးလုပ်ပေးနေ
---------------------
Myanmar Net ၏ ရန်ကုန်အခြေစိုက် Frontiir ကုမ္ပဏီသည် စစ်တပ်က အင်တာနက်သုံးစွဲသူတို့ကို စောင့်ကြည့်နိုင်ရန် တရုတ်နည်းပညာသုံးပြီး ကူညီပေးနေသည်။

ဗြိတိန်၊ နော်ဝေနှင့် ဒိန်းမတ်အစိုးရများကလည်း ထိုကုမ္ပဏီတွင် ဒေါ်လာ သန်း ၄၀ ရင်းနှီးမြှုပ်နှံထားကြောင်း တွေ့ရှိရသည်။

အပြည့်အစုံဖတ်ရန် > https://myanmar-now.org/mm/news/63850/

ပစ်ချခံရသည့် ရဟတ်ယာဉ်တွင် ရုပ်အလောင်း ၁၈ ခုတွေ့ဟု KIA ပြော
------------------------
ဗန်းမော်တွင် စစ်ရဟတ်ယာဉ်များကို KIA က ထိထိရောက်ရောက် တိုက်ခိုက်နိုင်ခဲ့ပြီး ပျက်ကျရဟတ်ယာဉ်အနီးတွင် ရုပ်အလောင်း အများအပြား တွေ့လိုက်ရသည်။

စစ်ကောင်စီကလည်း ရဟတ်ယာဉ်တစ်စီး ပျက်ကျသွားကြောင်း အတည်ပြုထားသည်။

အပြည့်အစုံဖတ်ရန် > https://myanmar-now.org/mm/news/63864/

ရှမ်းတောင် ပင်လောင်းမြို့တွင် တိုက်ပွဲပြင်းထန်နေ
----------------------
ရှမ်းတောင်-ကယားလမ်းပိုင်းကို ပြန်ထိန်းချုပ်လိုသည့် စစ်ကောင်စီက ပင်လောင်းမြို့ တောင်ဘက်အခြမ်းနှင့် မိုးဗြဲ -ဆီဆိုင် လမ်းကြောင်းကို အဓိကထား စစ်ကြောင်းထိုးနေသည်။

ဆောင်းပြောင်းရွာတွင် တပ်စွဲထားသည့် စစ်ကောင်စီတပ်၊ ပအို၀်းပြည်သူ့စစ်(PNO) တို့ကို ကရင်နီတော်လှန်ရေးပူးပေါင်းအဖွဲ့က ပစ်ခတ်ပြီးနောက် တိုက်ပွဲများ ဖြစ်ပွားနေသည်ဟု ဒေသခံတစ်ဦးက ပြောသည်။

အပြည့်အစုံဖတ်ရန် > https://myanmar-now.org/mm/news/63870/

တီးတိန်တွင် စစ်တပ်နှင့်တိုက်ပွဲဖြစ်ပြီး ချင်းကာကွယ်ရေးတပ်ဖွဲ့ဝင် ၁ ဦးသေဆုံး
--------------------------
ချင်းတောင်တန်းပေါ် အင်အားဖြည့်ရန် စစ်ကိုင်းတိုင်း၊ ကလေးမြို့ဘက်မှတက်လာသည့် စစ်ကောင်စီ စစ်ကြောင်းကို ချင်းတော်လှန်ရေးတပ်များက ဖြတ်တောက်တိုက်ခိုက်ခဲ့စဉ် ချင်းဒေသကာကွယ်ရေးအဖွဲ့ မှ ၁ ဦး သေဆုံးခဲ့သည်။

အင်အား ၁၀၀ ကျော်ပါ စစ်ကြောင်းသည် ဖလမ်းနှင့်တီးတိန်သို့ ဆက်သွယ်ထားရာ လမ်းပန်းဆက်သွယ် ရေးအရ အချက်အချာ ကျသည့် သိုင်းငင်းစခန်းကို အင်အားဖြည့်နိုင်ရန် ဦးတည်စစ်ကြောင်းထိုးလာခြင်း ဖြစ်ကြောင်း ချင်းတော်လှန်ရေးအင်အားစုများက ယူဆသည်။

တရုတ်ဖိအားကြောင့် ရှမ်းမြောက်တွင် ညီနောင်မဟာမိတ်သုံးဖွဲ့၏ ထိုးစစ်ဆင်တိုက်ခိုက်မှုများ ယခုနှစ် ဆန်းပိုင်းကစပြီး အရှိန်လျော့သွားချိန်တွင် စစ်ကောင်စီတပ်က ၎င်းတို့လက်လွှတ်ခဲ့ရသည့် နယ်မြေများ ပြန်သိမ်းယူရန် မြေပြင်စစ်ကြောင်း၊ လေကြောင်းပစ်ကူများဖြင့် ကြိုးပမ်းလာသည်။

အပြည့်အစုံဖတ်ရန် > https://myanmar-now.org/mm/news/63899/

ငလျင်ဘေးသင့်မန္တလေးတွင် ရုပ်အလောင်းများ ဆက်လက် ဖော်ယူရရှိ
-----------------------
အဆောက်အအုံ ဖြိုချရှင်းလင်းမှု မနိုင်နင်းသေးသည့် မန္တလေးတွင် အပျက်အစီးပုံအောက်မှ ရုပ်အလောင်းများ ထပ်မံ ဖော်ထုတ်တွေ့နေရသည်၊ နောက်ဆက်တွဲငလျင်များကြောင့်လည်း စိုးရိမ်နေကြရသည်။

Sky Villa အမည်ရှိ အထပ်မြင့်အဆောက်အအုံပြိုကျတွင် အပျက်အစီးများအောက်မှ ရုပ်အလောင်း ၁၃၀ ကျော် ဖော်ထုတ်နိုင်ခဲ့ပြီး အသက်ရှင်လျက် ကယ်ဆယ်နိုင်ခဲ့သူ ၅၀ ကျော်ရှိသည်ဟု သိရသည်။

ကုလသမဂ္ဂလူသားချင်းစာနာမှုဆိုင်ရာညှိနှိုင်း‌ရေးရုံး (OCHA) က ငလျင်ဘေး အထိခိုက်ခဲ့ဆုံးဒေသများ ရှိ လူဦးရေ ၆ ဒသမ ၃ သန်းသည် အကူအညီများနှင့် ကာကွယ်စောင့်ရှောက်ပေးမှုများ အရေးတကြီး လိုအပ်လျက်ရှိကြောင်း ဧပြီ ၃၀ ရက်နေ့တွင် ထုတ်ပြန်ထားသည်။

အပြည့်အစုံဖတ်ရန် > https://myanmar-now.org/mm/news/63905/

ယဉ်ကျေးမှုနယ်မြေ ပုဂံ-ညောင်ဦး စစ်ကြောင်းထိုးမှုကြောင့် ဒေသခံတို့ တိမ်းရှောင်နေရ
--------------------
စစ်တပ်ရန်ကြောင့် ပုဂံ-ညောင်ဦးဒေသခံတို့ ရှောင်နေရစဉ် ရွာတချို့ မီးရှို့ခံရ၊ ဗုံးကြဲတိုက်ခိုက်ခံရသည်၊ နေအိမ်မှ ပစ္စည်းများ လုယက်ခံရသည်ဟု ဒေသခံများက ပြောသည်။

ပုဂံ-ညောင်ဦးဒေသတွင် ယခုနှစ်ဆန်းပိုင်းမှစတင်၍ တိုက်ပွဲများ မကြာခဏဖြစ်ပွားလာနေပြီး ရှေးဟောင်းစေတီပုထိုးများ ထိခိုက်ပျက်စီးမည်ကိုလည်း ဒေသခံတို့က စိုးရိမ်နေသည်။

အပြည့်အစုံဖတ်ရန် > https://myanmar-now.org/mm/news/63910/

လူငယ်များ ရခိုင်ပြည်ပြင်ပထွက်ခွင့် AA ပိတ်ပင်
-------------------------
ရခိုင်ပြည်နယ်ပြင်ပသို့ ခရီးထွက်လျှင် အန္တရာယ် ကြုံတွေ့နိုင်ခြင်း၊ ကာကွယ်ရေးဆိုင်ရာအရေးပေါ် ပြဋ္ဌာန်းချက်တို့ကြောင့် လူငယ်များ ရခိုင်ပြည်နယ်အတွင်း ဆက်လက်နေထိုင်ကြရန် AA က အမိန့်ထုတ်လိုက်သည်။

အပြည့်အစုံဖတ်ရန် > https://myanmar-now.org/mm/news/63913/

ဖားကန့်မြို့အနီး တိုက်ပွဲပြင်းထန်နေသော်လည်း ကျောက်တူးဖော်မှုများ မရပ်
------------------
ဖားကန့်ဝန်းကျင်တွင် တိုက်ပွဲများ၊ ပစ်ခတ်သံများ ရှိနေလင့်ကစား ကျောက်စိမ်းတူးဖော်ရေးလုပ်ငန်း ပုံမှန်လည်ပတ်နေသကဲ့သို့ လမ်းပေါ်ထွက် ဆန္ဒပြမှုပင် ရှိနေတတ်သည်။

နှစ်ဖက်အကျိုးစီးပွားများရှိနေသော ဖားကန့်မြို့ကို ပြန်ရယူရန် စစ်ကောင်စီတပ်က အင်အား ၆၀၀ ဖြင့် မြေပြင်စစ်ကြောင်းထိုးလာရာ မြို့နှင့် ၁၅ မိုင်ခန့်သာ ဝေးတော့သော်လည်း မြို့ပေါ်ရှိ ကျောက်လုပ်ငန်း များ၊ ဈေးရောင်းဈေးဝယ်များဖြင့် ပုံမှန်စည်ကားနေသည်။

မြို့ အရှေ့ဘက် ၁၅ မိုင်အကွာတွင် လေကြောင်းဗုံးကြဲမှုများ၊ လက်နက်ကြီးပေါက်ကွဲမှုများ ဆူညံနေ သော်လည်း မြို့ပေါ်တွင် အရောင်းအဝယ် အရပ် အသွားအလာ မပြတ်ပေ။

ပုံစာ-ဖားကန့်မြို့ပေါ်ရှိ ကျောက်တူးဖော်ရေးလုပ်ငန်းတစ်ခုကို မေလ တတိယပတ်က တွေ့ရစဉ်။ (ဓာတ်ပုံ- Tarlin Mg)

အပြည့်အစုံဖတ်ရန် > https://myanmar-now.org/mm/news/63916/