يامظلوم الزمن
اخو حسين الحسن
كريم ال النبي ،، الة بالطف وطن
............
ياهو الگال منسي شلون ننساه
اذا شفنة الحسين نشوفك اوياه
الگالو عن مصابك عازته الاه
ندور زين بالطف كون نلگاه
الك بگلبي طف ، ممتد للنجف
يدمعي الما نشف ، وي گلبي الحزٓن
...........
اليكرم كون مثلك يكرم بروح
صيتك باقي بالطف ابد ميروح
يا رابع جرح مهد للجروح
ما شايف طشت بي چبد مذبوح
هذا اول طشت ، لتشوفة الاخت
وبعد ثاني شفت ، عسه عيوني عمن
............
يا اول نعش كاشخلة بسهام
عوزك طف زغير وحرگت اخيام
الحسن يعرف حسين بعازت ايتام
اخذ من چبدة وصلة وسوة جسام
بدر يشبه بدر ، الك هذا ذخر
بمحرم بالعصر ، افصلّه چفن
.........
الحسن ادري بدليلك حيل مكسور
نشوفك باجر بطف كربلة تزور
ردت اولاد عشره وكلهم بدور
وتقدمهم هدية بيوم عاشور
مو بس هالولد ، ردت بعد وبعد
النام وما گعد ، و ما ماشه الضعن
...........
اليثوب بالحزن يكرم بالعيون
عشر ايام واجب مجلسك كون
يدورت سنتك اتصير اويه الضعون
وعلى الناگه يسون مجلس امتون
او يدورت كل سنة
العقيلة امدوهنه
الك لو للضنة ، العيون البچن
............
كريم الدراجي

مظلوم الزمن
الحبيب المخلص والقريب من القلب
عزيزي وصديقي وابي
#كريم_الدراجي

سولف للشام او گله
جتك جم حرمة وطفلة
طافن من ديرة بديرة
وشبعن ضيم من الهزلة
يا غريبة يا مصيبة من ضرب سوط وزجر
ياهضيمة بالشتيمة يعلى صوت اهل القصر
وما تشفي بروحي العله
.........،،،،،،،........
يشيلة الطشت ليش الشالته الزهرة
وعلى عيون الزلم ما تستر العثرة
يخوية ترادفو عالسوط اضن عشرة
شنشاگف السوط انشاگف النضرة
سالوفت عيني و عينك
جروح الما بيني و بينك
ضاعت بالشام اسنيني
وضاعن بالطف اسنينك
ياجروحي ونته روحي راحت بشيل الرمح
شكد بچينة وما حچينة والجرح خلّف جرح
ضلن من ذيچ التلة
،،،،،،،،
اجة وكت الخرابة وصارت الشدة
عباية بصف عباية او وحدة يم وحدة
جرح متونهن ما طاب لا بعده
حرمة اكبال حرمة ونومهن كعده
دارت عيني وما شفتك
تسمع ها يابعد اختك
اتلوذ ابسد العلوية
لچانت مهيوبة ابختك
ياخرابة والطلابة نحترگ مثل الشمع
وانه بيه من رقية ،، شوغة امتون ودمع
وما تغفه اعيون الثكلى
،،،،،،،،،،،
طلعن وستحن بس طلعن بريبة
ولا جنهن بنات الشيخ و الهيبة
بنات الشام ما عدهن وجه طيبة
حجيهن لو تسمعة راسك ايشيبة
ابنيات اطفال يطلعن
وما گلك خوية اشسمعن
الرايح والجاي ايعاين
قنعن بالشوف وشبعن
بالنواضر ضل يكابر جرحي ويلچمة الحچي
طفلة هاية چنها آيه ،، نامت وشبعت بچي
وتدور ضلت ختله
،،،،،،،،،،،،،،،
يحسين الطشت چا شنهي سالفته
امسير عالخرابة وما گلت سكته
رقية تريدك انته وهذا مو انته
الحوافر و الشمس وجهك امغيرته
وبروحي صوابك حرگه
شتسوي بحالي الفرگه
عوف الطشت وحضن اختك
شايلك دمعه وملگه
هاية جية بهل مسية امسير الها لو الي
ما عرفتك واني اختك ياهلا بشيبة علي
والموت بجالك يحله
،،،،،،،،،،،،
على طاري الستر ضربو مثل بيه
و راحت بالسبي هيبت العلوية
الاميرة شلون تالي تصير مسبيه
ودفنة بيا خرابه اترف ابنية
يالما خذ شوف عيوني
لا تسأل خوية شلوني
فوگ الالفين جروحي
بس الشافنها امتوني
يا حسرتي انه وأختي ندخل المجلس سوه
يا حسافة طولي شافة وضاگ بنفاسي الهوى
،، الديوان بحالي شخلة
،،،،،،،،
كريم الدراجي

سولف للشام
الحبيب المخلص والقريب من القلب
وصديقي وعزيزي وابي
#كريم_الدراجي

يمه عباس..صارت ابعيده عليه الغاضريه
يمه عباس..اشگد ردتكم وآنه بفراش المنيه
ميته وعيوني عليكم
والله لو أگدر أجيكم
يمه عباس..يمه عباس

يمه وينك..مابقت لحضات واتغمض عيوني
يمه وينك..خلص عمري ابچلمة اليمته يجوني
والله محتاجه تحضرون ابمماتي
الهسه ريحتكم اشمنهه ابعباتي
يمه عباس..انت موتدري الولد عازتهه عازه
يمه عباس..ردت اشوفنكم تشيلون الجنازه
ردت اموت ابين اديكم
والله لو اكدر اجيكم
يمه عباس..يمه عباس

من مشيتو..يمه نار افراكم ليهسه بيه
من مشيتو..يمه لوتدري شسوي المغربيه
نكعد انه والعليله ابعتبة الباب
مستهلنه النقره بي يافكد الاحباب
يمه عباس..تدري شتصيح العليله ابكل مسيه
يمه عباس..اتصيح طك كلبي عله شوفة رقيه
واشكثر سولفنه بيكم
والله لو اكدر اجيكم
يمه عباس..يمه عباس

امنياتي..ردت اشوف حسين لحضات المنيه
امنياتي..حتى اگله افراكم شمسوي بيه
خاف يعگوب الهجر عينه عماهه
آني محبوبي مشه وروحي خذاهه
يمه عباس..يالخذيتو الحيل كلشي مابقالي
يمه عباس..غير دمعه وسايله ابسهر الليالي
ضلمه مابيهه حچيكم
والله لو اكدر اجيكم
يمه عباس يمه عباس

عندي كلمه..هاي هيه وهايه اخير انفاس اليه
عندي كلمه..ردت ملك الموت يستعجل عليه
وداعة اختك زينب ولوعة سبيهه
دنيتي المابيهه انتم شلي بيهه
يمه عباس..كافي من ليل الضلام ودمعة العين
يمه عباس..كافي مااحمل بعد مشتاگه لحسين
أقسم ابزهرة نبيكم
والله لو اگدر اجيكم
يمه عباس يمه عباس

حسره بيه..وداعة المكسوره خاطر بالدواوين
حسره بيه..راح اموت ابغربتي وماشايفه حسين
اهواي زينب سولفتلي عن همومه
نايم وسوده عليه اشلون نومه
يمه عباس..هم شفت خيل العده لمن تدوسه
يمه عباس..كون يمه حاضره واگعد وابوسه
أحظر وأبچي البچيكم
والله لو اگدر اجيكم
يمه عباس يمه عباس

هذا يومي..راح يبچون الموالين المصابي
هذا يومي..راح يقرون ابدمع قصة عذابي
لو نعه الناعي وبده ابهايه المصيبه
ايصيح هاي الفاجده الماتت غريبه
يمه عباس..نلتقي يم فاطمه وحگنه تطلعه
يمه عباس..والخدمنه ام الحسن باچر ترفعه
شكرا الهذا سعيكم
والله لو اگدر اجيكم
يمه عباس يمه عباس

خادمكم سيد علي

🌹 علي الحبيب الغزي 🌹
🌹 الشاعر سيد علي 🌹
🌹 يمه عباس 🌹
🌹 إعادة توجيه للتحب يسمعها وياك🌹
@Mulaali4

ان شاء الله يكمل معكم المُلا علي الغزي
عظم الله أجورنا واجوركم باستشهاد الامام السجاد⚫️

استودعكم الله ✋🏼

شهادة السيده رقـــيه ع
.
.
.

اباب الخرابه گاعده وايدي اعله خدي
مايـرضه ادري والـدي يتركـني وحدي
عمـه لو رد من غيابه
ارد اراويـه هالخرابه
انــه رقيــه

_______

عــمـه هاي انـي رقــيـه طـفــلـته المـسبــيه
رايحـه البـاب الـخـرابه بلـكي لـن بـي جـيه
انـه اول وحـده اريـد ايـحـط اديـه بـيـديه
ارد اگـله اشلون صحتك شـو بطيت اعـليه

مـن السـفر كلمن يجـي ياعـمه تعبان
بالماي اريد استقبله ادريــبه عطشان
وخاف ازيد انه ابعذابه
ارد اراويـه هــالـخـرابه
انه رقيه

_______

عمه كل ماعنه اسئلچ انتي گلتي امسافر
مـن غـيابه الـيوم يـرجع لـو يظـل البـاچر
والله آخـر مـره شفـته چـان يـوم الـعاشر
شلون يبعد يدري بعده اكسـر انه الخاطر

ابحظنه غفيت انه اشكثر من چان موجود
اتـراب الـخرابـه ردت اگــله چـوه الخــدود
نومي صار اعله الترابه
ارد اراويــه هالــخرابه
انه رقيه

_______

لـو اجــه بـاچـر ابـويـه عمـه شــو حلــيها
ويـن يگـعد والـخرابه افـراش لا مـابــيها
راح افـرشـلـــه عـبـاتـي ولازم اتغـسـليها
حتـى اثـر سـوط السباني مايظل اعليها

لا مـا اريـده ينفـجـع مـن بعـد الغـياب
ماراح اراويه اذنــي اغطيها بالحجاب
وخوفي ازيد انه ابمصابه
ارد اراويـــه هـــالخـــرابه
انه رقيه

_______

مـن يــرد والـدي عـمه عـنــه لتــبعـدوني
رايـده ويــاه احچــي ابـراحتي خــلـوني
امـن الالم مانمـت انـي يوجعـني امتوني
انشالله الليـله يعمه تغـفــه زيـن اعـيوني

بلكت الليله من يجيني اتهيد الآلام
لـَمـن علـى راسه رقيه تـغـفه وتـنام
ومن انـادي بابا بابا
ارد اراويه هالخرابه
انه رقيه

_______

انچـان مـايـرجـع اريـده حتـى لــو بـطيـوفي
لـچــن ياعمــه يــزينــب حــل الــيــه شـــوفي
من دخلنه الكوفه عمـه عتـني حيــل الكـوفي
اچفوفي طبع الحبل بيهن وين اظم اچفوفي

ياعمه بس لاينـتـبه مـن الـزم الراس
لو شاف اديه ينجرح ادريبه حساس
واجب انه احسب حسابه
ارد اراويــــه هــالــخــرابه
انه رقيه
_______
حيدر تركي الكربلائي

باب الخرابه

عمه لو رديتي باجر يالعقيله
وصلي شوگي وسﻻمي للعليله
باجر تسألج عليه 〰️عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه گعدي اعتاب عندي اوياج العتاب
عمه ليش اتأمليني ابطاري الغياب
اقسم اعليج ابمصيبه امي والباب
هم بعد ياعمه ترجع ذيج اﻻحباب
عـمه گـليلي الصراحه وﻻ تـضـمين
حسين ياعمه بسفر لو ميت حسين
عليج بالزهره الزجيه 〰 ️عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه باجر لو رجع ضعنج يعمه
سلميلي اعله العليله وهاي ذمه
اخذي ثوبي اوياج خليهه تضمه
عمه من تشتاگلي اتطلعه وتشمه
هـذا ثـوبـي نـاگـع ابـدمع البواجي
وبـي نگط دم من اثر جر التراجي
باجر اتگلج خطيه 〰️ عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه ثوبي والعبايه اخذيهه تذكار
عمه بس طرف العبايه ﻻحته النار
عمه لتكليلهه اعليه اشجره وصار
يكفي ياعمه عليهه وحشه الدار
يكفي ياعـمـه عليهه امساهر الليل
عمه ما يحمل مصايب طبع العليل
عله وفراگ واذيه 〰️ عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه لو غسلتي جسمي وثوبي شلتيه
متني مجروح علكيفج لا تلجميه
الماي ياعمه اعله ضهري بهيده صبيه
لازگ الثوب اعله جرحي براضه شيليه
جنهم ايطلبوني حيف او اخذو الحيف
وانـه لـعـابـه ابـاديـه مـا شـلـت سـيـف
اخباري خليهه خفيه 〰️عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
ادري هيه محضره اهدوم ولعايب
حگها ما تدري جوت خدي الترايب
فرشت الدار ابأمل جيت الحبايب
ما درت ياعمه خلونه بخرايب
لـو تـمـر نـسمه هوه ويتحرك الباب
تركض ونصرخ هله بيكم يالاحباب
اتصيح بدموع الجريه 〰️ عمه شو ماهي رقيه
🔻🔺🔻🔺🔻🔺🔻🔺🔻
الحبيب
حسين باهض الحلفي

رساله شوك

لو عندي خوان محد حجه جان
جم شامت اكبالي ابتسم حرمه واطفي بالخيم
**************************

الما عنده بالدنيه اخو بالشده يلزم ظهره
امن يطيح وليه ينولي وتخنكه حيل العبره
عندي اخو اسمه الكمر الشاطي ماخذ عمره
والثاني مات امن السحك بالخيل خسفو صدره

اهتزت الكاع من حل الاوداع
ولا اخو بخواني سلم حرمه واطفي بالخيم
***************************


هيج انهظم والله وكت حرك الخيم بجاني
اركض واطيح امتربه هيج الوكت خلاني
هاي العقيله ام الخدر واحد يكل للثاني
عاديه صارت انظرب امن اتذبخو خواني

بالطف شفت ناس بس همه مو ناس
لا غيره عدهم لا شيم حرمه واطفي بالخيم
***********************
شوج وجمر جدمي سحك زين ولهسه عدله
النار هدت عالخيم درب الخيم تندله
شكد فزعت يهل الرحم وكوه صعدت التله
باجر تره بيدي الحبل و محد يكوم ايحله

جي انتم ابعاد طب عيني اللرماد
حاجوني مو كلبي انجسم حرمه واطفي بالخيم
الدخان يتشلبه الهوه بايك ثلث عافيتي
محتاجه اشم نسمت اخو دخان شبعت ريتي
سالوني ليش امن التعب نص الدرب رديتي
رديت كمت اسمع بجي عمه خذو ترجيتي

واليسلب ازغير شيخلي تقدير
فوكي جبل حزني انهدم حرمه واطفي بالخيم
**************************
كلش رخص سوك الدمع جي ما اله شرايه
خلوني اروحن للنهر لا مو محبه ابمايه
رايح يجي وكت الفجر محتاجه حيل الرايه
موعد صلات الليل اجه اوما عندي امصلايه

وحاجيته بحساس اكعد يعباس
بعينه الهه يحرك السهم حرمه واطفي بالخيم

شماتي وكفو دائره وبنصهم انه الوحدي
بالنار ايدي امحركه وتركض دمعتي ابخدي
بس العبايه ورحمتك باربي ظلن عندي
ماريد اسمع عالهزل كومي يزينب صعدي

اذكر دلاالي وابجي اعله حالي
بدرب السبي عمري انختم حرمه واطفي بالخيم
****************************
تمت____ علاء الزيدي

لو عندي خوان
الحبيب
علاء الزيدي

من ردن سبايا الغاضريه➖بيهن ماشفت أختي رقيه
يمكن فارگوها أبغير ديره➖يمكن ماترد أختي الزغيره
✡✡✡✡✡✡✡✡✡✡✡✡✡✡✡
زينب گبلت أوياها نسوان أذاهن يسرهن
وصلن للمدينه جروح بجروح مسبيات جنهن
ياوسفه التراب أمغطي الهدوم ومغير رسمهن
حادي ضعونهن ماجنه عباس جاوينه الكفلهن
شوحادي الرجايب ماأعرفه➖موعباس هذا الزلمه وسفه
يمكن عمتي ردت أسيره
يمكن ماترد أختي الزغيره
✡✡✡✡✡✡✡✡✡✡✡✡✡✡✡
أنضر للنياگ وگلبي مكسور أبجي وتهل العين
ماشوف الهواشم تحدي بالنوگ
شو بس النساوين
وين حسين أبوي وعمي عباس جا باجي الزلم وين
زينب عمتي ليش أمدنكه الراس ليش أبهيده تبجين
لتسألين ياعمه عليه ➖ذبحت كل أخوتي الغاضريه
حيره أتحيرت ياعمه حيره
يمكن ماترد أختي الزغيره
✡✡✡✡✡✡✡✡✡✡✡✡✡✡✡
حسين أدري بقه ميت تگولين برض الغاضريه
وآنه أدري بعد يم جسم الحسين خليتي رقيه
بس أختي الزغيره أمن الهوه تخاف تستوحش خطيه
زين أوياها من عبدالله عفتيه بي تتسله هيه
تستانس إذا هزت أخوها-- ومن يبجي يذكرها أبأبوها
يافگد الأبو ماصح نضيره
يمكن ماترد أختي الزغيره
✡✡✡✡✡✡✡✡✡✡✡✡✡✡✡
عمه شلون بس لو جلجل الليل خافن مايگدرون
هيمه ولو بجو ما ينسمع صوت جاعدمن يدخلون
بلكت بالگبر لو مسهم الخوف ياعمه يلوذوون
وي عبدالله كون امشابگ أتنام بلكن ساعه يغفون
من تنام ترتاح اليتيمه➖تغفه أمن البجي وتنسه الهضيمه
ليل أووين نأضرها تديره
يمكن ماترد أختي الزغيره
✡✡✡✡✡✡✡✡✡✡✡✡✡✡
عبدالله يعمه يبجي كلساع خوفي أمن البجي عليه
أنكول اتهزه مره ولوبجه أنوب أتلوليله وتشاغيه
علمتيهه زين أتشد الگماط خافن يرخن إيديه
وصيتيهه خافن يفز عطشان شربت ماي تنطيه
خلينه يعمه نرجعلهه➖ترجع هيه وآنه أبقى أبمحلهه
واجب آنه أضل أنه الجبيره
يمكن ماترد أختي الزغيره
✡✡✡✡✡✡✡✡✡✡✡✡✡✡✡
هم عدهم غطه ياعمه وفراش لو بس الترابه
آنه أدري ابرقيه أبكل مسه أتصيح غطيني يبابا
زينب حنت وصاحت وويلاه يالشام وعذابه
عبدالله إنذبح وختج عله الراس ماتت بالخرابه
شبگت راس أبوها وماتت أعليه➖الصخرحال أختج إيهده ويبجيه
ماتت ما بعد جانت أسيره
يمكن ماترد أختي الزغيره
✡✡✡✡✡✡✡✡✡✡✡✡✡✡✡
حسين باهض الحلفي

سبايا الغاضريه
الحبيب
حسين باهض الحلفي

مملكة الغرام
ما بين چفينك نهر وبراگك الخيام
مملكة الغرام
شگد شايل بعينك وفه لو ينّكر حرام
صورة حُسين بعينه راسم
ماكو بحلاته گمر هاشم
،،،،،،،،،،،،،،،،
انت بظلام الدنيا بصيص
وكثر علي من روحي حريص
شنو اغلى منك مامو اكيد
اعكال ابوي كبالك رخيص
ياشيخ الزلم
ادنك اركاب الزلم لو اسمه ينذكر
ياشيخ الزلم
اتأمن عشيره برايتك لو طلبت الستر
راية وفى بجفوفه لازم
ماكو بحلاته كمر هاشم
————-
يامن على الطف غيرة استوى
دمعة وعشك مختلطة سوى
الما يقره اسمك بالطف يموت
تركيبت اسمك ماي وهوى
يالبيده الهوى
رادو يخنگون الحرم وعالخيمة ما يفوت
يالبيده الهوى
خليني اشمن غيرتك لو ماكو كون اموت
بس ظهر اخيّك كونه سالم
ماكو بحلاته گمر هاشم
————-
ماريد اعيشن دنية الملوك
ويكفيني احظر مجلس لخوك
الموت بحضرتك يعني حياة
وبروحي عالم ثاني لكوك
يا كشخت علي
من كثر ماطولك حلو وعيونك الملاك
يا كشخت علي
مر هيجي من عنده السهم من شافك اشتراك
حتى السهم بعيونه هايم
ماكو بحلاته كمر هاشم
—————
عايش حياتي لخاطر هواك
كون الله لا يحرمني رضاك
كلبي وحياتي وروحي بديك
يل مالي عين الدنيه ضواك
يا اول كمر
غافي اعله جودك يانهر وبعينك اندثر
يا اول كمر
وبشوكك ايتعبه العشگ ذوبته بالسهر
جم نهر بيدك شفته نايم
ماكو بحلاته كمر هاشم
————-
ابابك التل واگف جريح
وشعرة بلحيتك لو هزها ريح
لو كالو. اختك طبت مظيف
تهتز عبايت امي وتطيح
وربات الخدر
يم العقيلة يستحن. لو رفرف اللواء
وربات الخدر
چان بوكت يوم العطش يرويهن الحياء
ترچية من اذن الفواطم
ماكو بحلاته كمر هاشم
...............
كريم الدراجي

مملكة الغرام
الحبيب والقريب من القلب
كريم الدراجي

طــــاح الــقــصر بـيهم بـــــس طــبت علـــيهم
خاطب يزيده أتهدمت أركاني
هاي السبيه لو حسيـن الثاني
******************
1= ياحـيره هسه الشـام ويـن نضمه زينب أذا داســـت بضهره تـفـصمه
أكتب كتاب أنغـير أبسرعه أسمه حته الهوى لو جتــنه كوه أنشمه
---------------------------------------------------------------------
بس تبدي صولتها تـــنهـــــينه خطبــــتها
قم يايزيد أمن العرش شمتاني
هاي السبـيه لو حسين الثاني
**********************************************
2= صار أرتجاج بروسهم حـيرهم مشــــراد رادو محــــد أيـسيــرهم
ماكال جلمه خــورست خيرهم خفوا وزينب بالـــــــــهوى أطيرهم
--------------------------------------------------------------------
ماطلـــعــت حجايه محــد طـــرح رايه
واحد الواحد صاح وين الساني
هاي السبيه لو حسـيـن الثاني




3= صار أجتماع بنص قصرهم عاجل نشـــرد أذا طبت علينه أنــقـاتـــــل
ماكال جلمه الجـــان هــوه القائل من الله ويــــــن يروح مجرم قاتل
----------------------------------------------------------------------
بس ترجف جفوفه سيطر علـــيه خــوفه
خلصوني كلهم مــــا أريده أمجاني
هاي السبيه لـــــو حسين الـثاني
*****************************************************
4= طبت أم راس المايطخ معـــدوله كـــرسيك شخـــــيره أيرجف كـــلوله
غير أنته أبن هـند البطل معقوله ربعه يوكـــفـــونه ويكع من طوله
----------------------------------------------------------------------
كـلهم علــي شجابه وأبتــــلـــــت أثـــــيابه
ذكروني بسمي تيهت عنواني
هاي السبيه لو حسيـــن الثاني
***************************************************
5= صاحت يزيد ومــا يجاوب سكته هالراس عــندك بالطـــشت أنه أخته
أكلب عليك الشام لــــو حركته أرفـــع أعـــــوادك لا تلامس شفته
---------------------------------------------------------------------
يسوه القـصر دمه لا تـقـــتــــرب يــــمه
ناداها صار وذني ألج عـيداني
هاي السبيه لو حسين الثاني
******* الخادم عبد الجليل المالكي *********

طاح القصر
عبد الجليل المالكي