Forwarded from Gozilla Bot | Youtube Video Downloader
Media is too big
VIEW IN TELEGRAM
📼 720p, 💾 40.6MB, @Gozilla_bot
🕊1
Bahorning nafasi
(shoira Zulfiya xotirasiga)
Siz ila tabiat tug‘ilar yana,
Uyg‘onar hayotning umid onlari.
Sizdan boshlanadi bugungi sana,
SHoxlar taqib olmish baxt nishonlari.
Umr daftarining har sahifasi,
Yilda o‘zingizdek yozilar yangi.
Gulgun yuzlar aro bahor nafasi,
O‘nlab shoiralar intizor tongi.
Go‘yo ikki shoir maktublaridan,
To‘lib-toshib ketmish bog‘ novdalari.
Hamid Olimjonning maktablarida
O‘qishar Zulfiya nabiralari.
Sizdagi sevgida yorga sadoqat,
Hayot varaqlari xayol shomida.
Umrining so‘nggiga qadar, beshafqat
Sog‘inchdan halovat yo‘q oromida.
Intizor tonglarning quyoshli oni,
Birinchi mart deya uni olqishlar.
Ko‘klam zavqin kuylar qushlar zaboni,
Yana sizdek kimlar she'rlar o‘qishar.
O‘rik gullariga emasman xushtor,
Lek unda shirin bir xotiralar bor.
Sizda ko‘klamdagi bari fazilat,
Balki ulug‘ shoir, shungami iqror!
Bugun izingizda yuzlab gul yuzlar,
Sizga intilishar qaldirg'och kabi
Osmonimiz uzra yonsin yulduzlar,
Dunyo Zulfiyasin ko‘rsin, sababi!
Bahor tarovatin bog'larga sochar,
Totli tonglarimni qarshilar taftli.
Bugun gulg‘unchalar yuzini ochar,
Siz ila tug‘ilgan tabiat baxtli!
Hamid Ikrom
Hamidjon Pozilov Ikromjon o'g'li
Qo‘qon universiteti talabasi
(shoira Zulfiya xotirasiga)
Siz ila tabiat tug‘ilar yana,
Uyg‘onar hayotning umid onlari.
Sizdan boshlanadi bugungi sana,
SHoxlar taqib olmish baxt nishonlari.
Umr daftarining har sahifasi,
Yilda o‘zingizdek yozilar yangi.
Gulgun yuzlar aro bahor nafasi,
O‘nlab shoiralar intizor tongi.
Go‘yo ikki shoir maktublaridan,
To‘lib-toshib ketmish bog‘ novdalari.
Hamid Olimjonning maktablarida
O‘qishar Zulfiya nabiralari.
Sizdagi sevgida yorga sadoqat,
Hayot varaqlari xayol shomida.
Umrining so‘nggiga qadar, beshafqat
Sog‘inchdan halovat yo‘q oromida.
Intizor tonglarning quyoshli oni,
Birinchi mart deya uni olqishlar.
Ko‘klam zavqin kuylar qushlar zaboni,
Yana sizdek kimlar she'rlar o‘qishar.
O‘rik gullariga emasman xushtor,
Lek unda shirin bir xotiralar bor.
Sizda ko‘klamdagi bari fazilat,
Balki ulug‘ shoir, shungami iqror!
Bugun izingizda yuzlab gul yuzlar,
Sizga intilishar qaldirg'och kabi
Osmonimiz uzra yonsin yulduzlar,
Dunyo Zulfiyasin ko‘rsin, sababi!
Bahor tarovatin bog'larga sochar,
Totli tonglarimni qarshilar taftli.
Bugun gulg‘unchalar yuzini ochar,
Siz ila tug‘ilgan tabiat baxtli!
Hamid Ikrom
Hamidjon Pozilov Ikromjon o'g'li
Qo‘qon universiteti talabasi
❤1
#ijod_lahzasi
Qor yog‘ar...
Qor yog‘ar, iymondek pokiza,
Qor yog‘ar, armonlar erigach.
Qor yog‘ar, osmonning chokicha,
Haqning Rahmatiga erishgach!
Qor yog‘ar dillarni erkalab,
Qor yog‘ar, ko‘zlarda sevinch bor.
Ezgulik ulashib ertalab,
Yo‘llarga to‘shalmish oppoq qor.
Maylida, Allohning ne'mati,
Osmonning bag‘richa cheksiz qor.
Yil bo‘yi dehqonning zahmati,
Biroz tin olgani qishi bor.
Qir-u, adirlarda, tog‘larda.
Bo‘ralab yog‘aver oppoq qor,
Dala-yu, dashtlarda, bog‘larda,
Bo‘lsin hosillarga xirmon tor!
Daryo va soylarda suvlar mo‘l,
Oqadi bahorda, ilohim!
Zora to‘lib-toshib ketsa ko‘l,
Orolga nazar sol, Allohim!
Sen O‘zing yo‘qdan bor qilguvchi,
Qishmi, yozmi, bahor, kuzda ham!
Ertamiz taqdirin bilguvchi,
Berguvchi O‘zingsan shodlik-g‘am!
Yog‘ayotgan qorda ne sir bor,
Balki rizq-ro‘zimiz bepayon!
Barini xohlasang qil oshkor,
Foydalisin bergin har qachon!
Qor yog‘ar, umidli qalblar shod,
Orzular maktubin bitar yor.
Sog‘inchli dil rozi hur, ozod,
Parchalanib tushar beozor!
Unda sevgi to‘la poklik bor,
Unda dillashadi dilso‘zlar!
Yorni kutganimdek kutdim zor,
Yog‘ishing to‘rt bo‘lib bu ko‘zlar!
Kelajak yo‘lida oqlik bo‘l,
Istiqbolning oydin manzili.
Sendan so‘ng yashnasin dashtu cho‘l,
Iymonda so‘zlasin xalq tili!
Yog‘aver, poklikda surating,
Qadring shuning ila ziyoda.
Allohim cheksizdir qudrating,
Uni manfaatli qil dunyoda!
Sinoving haq erur, shiddat-la,
Birgina zarrangda ne xitob!
Bizlarga Rahm qil shafqat-la,
Bilamiz, Rahmating behisob!
Har bir qor parchasi sonicha,
Banda gunohlarin kech Alloh!
Iymon ber tugal jon onicha,
U bizga bo'lsa bas, chin hamroh!
Gumrohligimizning cheki yo‘q,
Undanda behisob Ne'mating!
Kechirguvchi O‘zing, ko‘nglim to‘q,
Qor-la, yog‘ilmish ko‘p hikmating!
Yog‘aver, oppoq qor, yog‘aver,
Haq yo‘lga hidoyat etsang, bas!
Diningda sobit qil, iymon ber,
Ezgulik yo‘lida bo‘lsin kas.
Qor yog‘ar dillarni erkalab,
Qor yog‘ar, ko‘zlarda sevinch bor.
Ezgulik ulashib ertalab,
Yo‘llarga to‘shalmish oppoq qor...
Hamid Ikrom
Pozilov Hamidjon Ikromjon o‘g‘li
Qo‘qon universiteti talabasi
Qor yog‘ar...
Qor yog‘ar, iymondek pokiza,
Qor yog‘ar, armonlar erigach.
Qor yog‘ar, osmonning chokicha,
Haqning Rahmatiga erishgach!
Qor yog‘ar dillarni erkalab,
Qor yog‘ar, ko‘zlarda sevinch bor.
Ezgulik ulashib ertalab,
Yo‘llarga to‘shalmish oppoq qor.
Maylida, Allohning ne'mati,
Osmonning bag‘richa cheksiz qor.
Yil bo‘yi dehqonning zahmati,
Biroz tin olgani qishi bor.
Qir-u, adirlarda, tog‘larda.
Bo‘ralab yog‘aver oppoq qor,
Dala-yu, dashtlarda, bog‘larda,
Bo‘lsin hosillarga xirmon tor!
Daryo va soylarda suvlar mo‘l,
Oqadi bahorda, ilohim!
Zora to‘lib-toshib ketsa ko‘l,
Orolga nazar sol, Allohim!
Sen O‘zing yo‘qdan bor qilguvchi,
Qishmi, yozmi, bahor, kuzda ham!
Ertamiz taqdirin bilguvchi,
Berguvchi O‘zingsan shodlik-g‘am!
Yog‘ayotgan qorda ne sir bor,
Balki rizq-ro‘zimiz bepayon!
Barini xohlasang qil oshkor,
Foydalisin bergin har qachon!
Qor yog‘ar, umidli qalblar shod,
Orzular maktubin bitar yor.
Sog‘inchli dil rozi hur, ozod,
Parchalanib tushar beozor!
Unda sevgi to‘la poklik bor,
Unda dillashadi dilso‘zlar!
Yorni kutganimdek kutdim zor,
Yog‘ishing to‘rt bo‘lib bu ko‘zlar!
Kelajak yo‘lida oqlik bo‘l,
Istiqbolning oydin manzili.
Sendan so‘ng yashnasin dashtu cho‘l,
Iymonda so‘zlasin xalq tili!
Yog‘aver, poklikda surating,
Qadring shuning ila ziyoda.
Allohim cheksizdir qudrating,
Uni manfaatli qil dunyoda!
Sinoving haq erur, shiddat-la,
Birgina zarrangda ne xitob!
Bizlarga Rahm qil shafqat-la,
Bilamiz, Rahmating behisob!
Har bir qor parchasi sonicha,
Banda gunohlarin kech Alloh!
Iymon ber tugal jon onicha,
U bizga bo'lsa bas, chin hamroh!
Gumrohligimizning cheki yo‘q,
Undanda behisob Ne'mating!
Kechirguvchi O‘zing, ko‘nglim to‘q,
Qor-la, yog‘ilmish ko‘p hikmating!
Yog‘aver, oppoq qor, yog‘aver,
Haq yo‘lga hidoyat etsang, bas!
Diningda sobit qil, iymon ber,
Ezgulik yo‘lida bo‘lsin kas.
Qor yog‘ar dillarni erkalab,
Qor yog‘ar, ko‘zlarda sevinch bor.
Ezgulik ulashib ertalab,
Yo‘llarga to‘shalmish oppoq qor...
Hamid Ikrom
Pozilov Hamidjon Ikromjon o‘g‘li
Qo‘qon universiteti talabasi
🕊3👍1
AYOL - ALLOH NURI
Gohi sevinch porlar, gohida sog‘inch,
Gohida hayotning tashvishi ayon.
Ko‘zidan tomchi yosh to‘kmagan chog‘i,
Jim turib oh chekar bu qalbi giryon.
Dunyoni istamas, bor yo‘g‘i mehr,
Afsus, bu matohning qadri yo‘q hozir.
Mungli ko‘zlarida shunda ham sehr,
Shunda ham tabassum qilishga qodir.
Biz undan qarz ila olamiz hayot,
Lekin ojiza deb, suramiz nari.
Uning qalb qo‘rida ulg‘ayib, hayhot,
Qaraymiz gohida cho‘ri singari.
Ayol, kim o‘zi u, o‘ylamaymiz ham,
Ko‘chada ko‘ngilga izlaymiz xushtor.
Biroz dardlariga hamdardu, malham,
Bo'lishni o'ylamay beramiz ozor.
Yana yengiltak deb, qilamiz ta'na,
Avaylash o‘rniga, yog‘dirib toshlar.
Tirikchilik yukin ortamiz, yana
Devdayin erkaklar g‘iybatin boshlar.
Bola ulg'aygach so'ng ona begona,
Bundan ortiq zulm ko‘rmagan dunyo.
Tunlari uxlamay bo‘lsa parvona,
Shirin orzulardan topsa bir ro'yo.
Boshidan yechganda oriyatimiz,
Ko‘z-ko‘z qilmoq bo‘ldi ayol aslini.
Iymonimiz edi hamiyatimiz,
Asraylik bokira ayol naslini.
Bir gul erur asli ayol xilqati,
Uni nogoh uzib so‘litmoq tayin.
Bilgin, Yaratganning buyuk xil'ati,
Mehr, parvarishdan yashnar kun sayin.
Ayol bor, dunyoning umri bardavom,
Ayol bor, jamiyat topar baxt-iqbol.
Avvalo, ayolga ona deb, avom
Qarasa, jaholat bo‘lmas, ehtimol.
Beg'ubor, beozor qizaloqqa boq,
Bugun yonimizda turar erkalab.
Xizmatimiz qilar "labbay" deb, har choq,
Issiq non-choyimiz tutar ertalab.
Bir kun u bo‘ladi palaxmon toshi,
Bir kun ko‘zingizni ketar yoshlatib.
Har bir otaning ham qular bardoshi,
Ortidan ayoling qolar tosh otib.
Ana, endi o‘yla, zulm neligin,
Birgina firoqning o‘zi ming azob.
Ayolni xo‘rlashni ne deb atayin!?
Ayol — jannat uchun yaralgan kitob!
Islom nur sochgan kun — Ayollar kuni,
Qadrini tog'dayin tikladi Qur'on.
Muslima ayollar - dinning ustuni,
Undan tug'iladi har bir musulmon.
Allohning nuri bor ayol yuzida,
Ayol suratida — inson qudrati.
Masihdek jon ato etar so‘zida,
Hayot sinoviga — shukur ibrati.
Qadrli ayolim, mushtipar singlim,
Mehribon, qalb qo‘rim — onajon, qizim.
Baxtu saodatim bosgan izingiz,
Har on o'zingizdan olamiz ta'lim.
Hamid IKROM
Hamidjon Pozilov Ikromjon o'g'li
Qo‘qon universiteti talabasi
Gohi sevinch porlar, gohida sog‘inch,
Gohida hayotning tashvishi ayon.
Ko‘zidan tomchi yosh to‘kmagan chog‘i,
Jim turib oh chekar bu qalbi giryon.
Dunyoni istamas, bor yo‘g‘i mehr,
Afsus, bu matohning qadri yo‘q hozir.
Mungli ko‘zlarida shunda ham sehr,
Shunda ham tabassum qilishga qodir.
Biz undan qarz ila olamiz hayot,
Lekin ojiza deb, suramiz nari.
Uning qalb qo‘rida ulg‘ayib, hayhot,
Qaraymiz gohida cho‘ri singari.
Ayol, kim o‘zi u, o‘ylamaymiz ham,
Ko‘chada ko‘ngilga izlaymiz xushtor.
Biroz dardlariga hamdardu, malham,
Bo'lishni o'ylamay beramiz ozor.
Yana yengiltak deb, qilamiz ta'na,
Avaylash o‘rniga, yog‘dirib toshlar.
Tirikchilik yukin ortamiz, yana
Devdayin erkaklar g‘iybatin boshlar.
Bola ulg'aygach so'ng ona begona,
Bundan ortiq zulm ko‘rmagan dunyo.
Tunlari uxlamay bo‘lsa parvona,
Shirin orzulardan topsa bir ro'yo.
Boshidan yechganda oriyatimiz,
Ko‘z-ko‘z qilmoq bo‘ldi ayol aslini.
Iymonimiz edi hamiyatimiz,
Asraylik bokira ayol naslini.
Bir gul erur asli ayol xilqati,
Uni nogoh uzib so‘litmoq tayin.
Bilgin, Yaratganning buyuk xil'ati,
Mehr, parvarishdan yashnar kun sayin.
Ayol bor, dunyoning umri bardavom,
Ayol bor, jamiyat topar baxt-iqbol.
Avvalo, ayolga ona deb, avom
Qarasa, jaholat bo‘lmas, ehtimol.
Beg'ubor, beozor qizaloqqa boq,
Bugun yonimizda turar erkalab.
Xizmatimiz qilar "labbay" deb, har choq,
Issiq non-choyimiz tutar ertalab.
Bir kun u bo‘ladi palaxmon toshi,
Bir kun ko‘zingizni ketar yoshlatib.
Har bir otaning ham qular bardoshi,
Ortidan ayoling qolar tosh otib.
Ana, endi o‘yla, zulm neligin,
Birgina firoqning o‘zi ming azob.
Ayolni xo‘rlashni ne deb atayin!?
Ayol — jannat uchun yaralgan kitob!
Islom nur sochgan kun — Ayollar kuni,
Qadrini tog'dayin tikladi Qur'on.
Muslima ayollar - dinning ustuni,
Undan tug'iladi har bir musulmon.
Allohning nuri bor ayol yuzida,
Ayol suratida — inson qudrati.
Masihdek jon ato etar so‘zida,
Hayot sinoviga — shukur ibrati.
Qadrli ayolim, mushtipar singlim,
Mehribon, qalb qo‘rim — onajon, qizim.
Baxtu saodatim bosgan izingiz,
Har on o'zingizdan olamiz ta'lim.
Hamid IKROM
Hamidjon Pozilov Ikromjon o'g'li
Qo‘qon universiteti talabasi
🕊2
AYOLGA MAKTUB
Ne sinovlar yoshlaridan yogʻilgan yomgʻir,
Ne qirovlar boshlarida boʻlganda zohir.
Ne birovlar toshlaridan gʻiybati ogʻir,
Olam uchun ona boʻlgan mushtipar ayol.
Buyuklarning ortida sen boʻlgansan zoʻr kuch,
Munis qalbing ila butun olamlarni quch,
Orzularing osmonida yuksaklarga uch.
Odam uchun Havvo boʻlgan moʻtabar ayol.
Yovga boʻyin egmas Toʻmaris timsolida,
Yorga sadoqating Zulfiya misolida.
Mardlikda alpga teng Barchinoy kamolida,
Onam uchun hamdard boʻlgan dilovar ayol.
Dunyoga zeb berar chiroying olib bahor,
Visoling deb yonib, boʻy choʻzar Quyosh nahor.
Sen tomon talpinib oshiqar takror-takror
Bolam uchun hayot boʻlgan munavvar ayol.
Sening iforingcha yoʻq oʻzga totli ifor,
Lobar ruxsoringcha topilmas goʻzal ruxsor,
Sening nisoringcha, bizlarga boʻlmas nisor.
Koʻklam uchun kelinchaksan muattar ayol.
Menga tengsiz oʻzing, poyingdadir Jannatim,
Yor boʻl yolgʻiz oʻzing, ilk kelgan muhabbatim.
Menga dengiz oʻzing, tugʻilgan shijoatim,
Qalam uchun ilhom boʻlgan muzaffar ayol.
Hamid IKROM
Hamidjon Pozilov Ikromjon o'g'li
Qo'qon universiteti talabasi
Ne sinovlar yoshlaridan yogʻilgan yomgʻir,
Ne qirovlar boshlarida boʻlganda zohir.
Ne birovlar toshlaridan gʻiybati ogʻir,
Olam uchun ona boʻlgan mushtipar ayol.
Buyuklarning ortida sen boʻlgansan zoʻr kuch,
Munis qalbing ila butun olamlarni quch,
Orzularing osmonida yuksaklarga uch.
Odam uchun Havvo boʻlgan moʻtabar ayol.
Yovga boʻyin egmas Toʻmaris timsolida,
Yorga sadoqating Zulfiya misolida.
Mardlikda alpga teng Barchinoy kamolida,
Onam uchun hamdard boʻlgan dilovar ayol.
Dunyoga zeb berar chiroying olib bahor,
Visoling deb yonib, boʻy choʻzar Quyosh nahor.
Sen tomon talpinib oshiqar takror-takror
Bolam uchun hayot boʻlgan munavvar ayol.
Sening iforingcha yoʻq oʻzga totli ifor,
Lobar ruxsoringcha topilmas goʻzal ruxsor,
Sening nisoringcha, bizlarga boʻlmas nisor.
Koʻklam uchun kelinchaksan muattar ayol.
Menga tengsiz oʻzing, poyingdadir Jannatim,
Yor boʻl yolgʻiz oʻzing, ilk kelgan muhabbatim.
Menga dengiz oʻzing, tugʻilgan shijoatim,
Qalam uchun ilhom boʻlgan muzaffar ayol.
Hamid IKROM
Hamidjon Pozilov Ikromjon o'g'li
Qo'qon universiteti talabasi
🕊2
JANNATI AYOL
Ayol – biz bilmagan sirli mo‘jiza,
Ayol – haqiqatning eng baland tog‘i.
Kapalakdan hatto qalbi ojiza,
Lek kuchli siyrati onalik chog‘i.
Ayol – xayollarda yaralgan olam,
Ayol – ko‘ngillarning so‘zsiz malhami.
Sizdan ilhomlanib rang olar ko‘klam,
Tabassumingizdan uchar dil g‘ami.
Ayol – zamin uzra bo‘ldi nur xilqat,
Ayol – zamon uchun olmoqda nafas.
Odamda topilmas undagi xislat,
Hatto farishtalar qilsinlar havas.
Ayol – olam aro aziz mukarram,
Ayol – onadir-ki, hayotbaxsh oni.
Uning bag‘rida bu dunyo xotirjam,
Asrab avaylaylik jannat siymoni!
Hamid Ikrom
Hamidjon Pozilov Ikromjon o'g'li
Qo‘qon universiteti talabasi
Ayol – biz bilmagan sirli mo‘jiza,
Ayol – haqiqatning eng baland tog‘i.
Kapalakdan hatto qalbi ojiza,
Lek kuchli siyrati onalik chog‘i.
Ayol – xayollarda yaralgan olam,
Ayol – ko‘ngillarning so‘zsiz malhami.
Sizdan ilhomlanib rang olar ko‘klam,
Tabassumingizdan uchar dil g‘ami.
Ayol – zamin uzra bo‘ldi nur xilqat,
Ayol – zamon uchun olmoqda nafas.
Odamda topilmas undagi xislat,
Hatto farishtalar qilsinlar havas.
Ayol – olam aro aziz mukarram,
Ayol – onadir-ki, hayotbaxsh oni.
Uning bag‘rida bu dunyo xotirjam,
Asrab avaylaylik jannat siymoni!
Hamid Ikrom
Hamidjon Pozilov Ikromjon o'g'li
Qo‘qon universiteti talabasi
🕊2
ONA
Onalar poyida yotibdi Jannat,
Onalar royida dunyo-saodat.
Koʻngil saroyida ona bolasin,
Haqqiga saqlagan doim sadoqat.
Qirq jon deymiz qirqqa kirmay qaritib,
Halovatin tinmay undan aritib.
Umrining gullagan bahorini ham,
Mehnat-mashaqqatda qoʻydik horitib.
Dunyoda sizdayin bormi fidoyi?!
Orzulardan kechmas hatto sahroyi.
Yoshlik nafasidan toʻymasdan hali,
Bolangiz gʻamida yurdingiz, oyi!
Gohida erkamiz, sizni jerkamiz,
Koʻksingizni tigʻlab armon ekamiz.
Ulgʻaygach suyanchiq boʻlmasdan turib,
Yorga tutib, sizdan burdik yelkamiz.
Shunda ham bolam deb, duoda qoʻli,
Qayerda boʻlmasin sogʻ boʻlsa o'gʻli.
Ming azobda joni ogʻrib turganda,
Dardini yashirgan yuragi choʻgʻli.
Bugun bir gul emas, qir toʻla lola,
Toʻshasam arziydi onam poyiga.
Bir dona gul olib borsa ham bola,
Shodligi yetarkan osmon oyiga.
Allohdan yozilmish taqdiri azal,
Onalar berarkan Jannatga sayqal.
Koʻkdan yulduz olib marjon taqmassan,
Chin solih farzand boʻl, unga loaqal.
Koʻzidan seni deb oqmasin jola,
Koʻklarni tutmasin alamli nola.
Dilidan tilida roziman desin,
Koʻksida shodlik, baxt yashasin toʻla!
Hamid IKROM
Hamidjon Pozilov Ikromjon o'g'li
Qoʻqon universiteti talabasi
Onalar poyida yotibdi Jannat,
Onalar royida dunyo-saodat.
Koʻngil saroyida ona bolasin,
Haqqiga saqlagan doim sadoqat.
Qirq jon deymiz qirqqa kirmay qaritib,
Halovatin tinmay undan aritib.
Umrining gullagan bahorini ham,
Mehnat-mashaqqatda qoʻydik horitib.
Dunyoda sizdayin bormi fidoyi?!
Orzulardan kechmas hatto sahroyi.
Yoshlik nafasidan toʻymasdan hali,
Bolangiz gʻamida yurdingiz, oyi!
Gohida erkamiz, sizni jerkamiz,
Koʻksingizni tigʻlab armon ekamiz.
Ulgʻaygach suyanchiq boʻlmasdan turib,
Yorga tutib, sizdan burdik yelkamiz.
Shunda ham bolam deb, duoda qoʻli,
Qayerda boʻlmasin sogʻ boʻlsa o'gʻli.
Ming azobda joni ogʻrib turganda,
Dardini yashirgan yuragi choʻgʻli.
Bugun bir gul emas, qir toʻla lola,
Toʻshasam arziydi onam poyiga.
Bir dona gul olib borsa ham bola,
Shodligi yetarkan osmon oyiga.
Allohdan yozilmish taqdiri azal,
Onalar berarkan Jannatga sayqal.
Koʻkdan yulduz olib marjon taqmassan,
Chin solih farzand boʻl, unga loaqal.
Koʻzidan seni deb oqmasin jola,
Koʻklarni tutmasin alamli nola.
Dilidan tilida roziman desin,
Koʻksida shodlik, baxt yashasin toʻla!
Hamid IKROM
Hamidjon Pozilov Ikromjon o'g'li
Qoʻqon universiteti talabasi
❤3👍1
Forwarded from MUHAMMAD IBROHIM via @like
This media is not supported in your browser
VIEW IN TELEGRAM
8- Mart xalqaro xotin-qizlar
bayrami bilan yurtimizdagi
barcha xotin-qizlarni
samimiy muborakbod etamiz!!!
Bayramingiz bilan aziz ayollar!!!
Kanalimiz yigitlari nomidan
cheksiz hurmat bilan
Muhammad Ibrohim
@Muhammad_Rahmatullayev
bayrami bilan yurtimizdagi
barcha xotin-qizlarni
samimiy muborakbod etamiz!!!
Bayramingiz bilan aziz ayollar!!!
Kanalimiz yigitlari nomidan
cheksiz hurmat bilan
Muhammad Ibrohim
@Muhammad_Rahmatullayev
🕊5
MOHI RAMAZON
G‘aribxonadagi sag‘ir bechora,
Murg‘ak go‘dak kabi kutdim har zamon.
Sog‘inchdan ichikdim pinhon-oshkora,
Onamsan — Qur'onim, mohi Ramazon!
Go‘yo himmat o‘zing, ofiyat o‘zing.
Haqqa chorlaguvchi eng go‘zal azon.
Qalbga lazzat o‘zing, oriyat o‘zing,
Oxirat bo‘stonim — mohi Ramazon.
Yonimda sodiq do‘st qish, kuz, yoz, bahor,
Umrimning har oni o‘zingsan mehmon.
Intizor tonglarni o‘tkazgan bedor,
To‘lin oy — iymonim, mohi Ramazon!
Do‘zax olovidan to‘silgan dunyo,
Tavba eshiklarin ochganda Darbon.
Insof, vijdon bo‘lsa, qilarsan hayo,
Kufrga isyonim — mohi Ramazon!
Mehru sahovatga to‘lib-toshgan oy,
Xayru barokotli, har uy dasturxon.
Keksayu yosh bari kutar, hoynahoy,
Iftorlik — darmonim, mohi Ramazon!
Kechalar umidvor namozda qoim,
Mag‘firat, hidoyat istar musulmon.
Sabru toqat ila nafsiga hokim,
Ro‘zador har jonim, mohi Ramazon!
Bahordek tashna dil yozar kurtaklar,
Sahovat yomg‘irin yog‘adi osmon.
Tuproqdek ko‘pchiydi mahzun yuraklar,
Oftobim — ehsonim, mohi Ramazon!
Rasululloh suygan saodat onim,
O‘nni ikki oyimga bo‘lganda sulton.
Zikru salovatda qalbim, zabonim,
Senga fido jonim, mohi Ramazon!
Ming oydan charog‘on porlar bir kecha,
Alloh rahmatiga to‘lar keng jahon.
Jannatda ochilur barcha daricha,
Izzatim — Rayyonim, mohi Ramazon!
Hayotim mazmuni, ulug‘ maslagim,
Savobga sarbonsan, gunohga qalqon.
Sahar va shom aro sensan tilagim,
Bo‘lmagin hijronim, mohi Ramazon!
Hamid IKROM
Hamidjon Ikromjon o‘g‘li Pozilov
Qo‘qon universiteti talabasi
G‘aribxonadagi sag‘ir bechora,
Murg‘ak go‘dak kabi kutdim har zamon.
Sog‘inchdan ichikdim pinhon-oshkora,
Onamsan — Qur'onim, mohi Ramazon!
Go‘yo himmat o‘zing, ofiyat o‘zing.
Haqqa chorlaguvchi eng go‘zal azon.
Qalbga lazzat o‘zing, oriyat o‘zing,
Oxirat bo‘stonim — mohi Ramazon.
Yonimda sodiq do‘st qish, kuz, yoz, bahor,
Umrimning har oni o‘zingsan mehmon.
Intizor tonglarni o‘tkazgan bedor,
To‘lin oy — iymonim, mohi Ramazon!
Do‘zax olovidan to‘silgan dunyo,
Tavba eshiklarin ochganda Darbon.
Insof, vijdon bo‘lsa, qilarsan hayo,
Kufrga isyonim — mohi Ramazon!
Mehru sahovatga to‘lib-toshgan oy,
Xayru barokotli, har uy dasturxon.
Keksayu yosh bari kutar, hoynahoy,
Iftorlik — darmonim, mohi Ramazon!
Kechalar umidvor namozda qoim,
Mag‘firat, hidoyat istar musulmon.
Sabru toqat ila nafsiga hokim,
Ro‘zador har jonim, mohi Ramazon!
Bahordek tashna dil yozar kurtaklar,
Sahovat yomg‘irin yog‘adi osmon.
Tuproqdek ko‘pchiydi mahzun yuraklar,
Oftobim — ehsonim, mohi Ramazon!
Rasululloh suygan saodat onim,
O‘nni ikki oyimga bo‘lganda sulton.
Zikru salovatda qalbim, zabonim,
Senga fido jonim, mohi Ramazon!
Ming oydan charog‘on porlar bir kecha,
Alloh rahmatiga to‘lar keng jahon.
Jannatda ochilur barcha daricha,
Izzatim — Rayyonim, mohi Ramazon!
Hayotim mazmuni, ulug‘ maslagim,
Savobga sarbonsan, gunohga qalqon.
Sahar va shom aro sensan tilagim,
Bo‘lmagin hijronim, mohi Ramazon!
Hamid IKROM
Hamidjon Ikromjon o‘g‘li Pozilov
Qo‘qon universiteti talabasi
🕊3❤2
NAVRO‘Z NAFASI
Navro‘z nafasida hayot topgan chog‘,
Umr bahorining ochilgan guli.
Nurdek yashar endi yashnab har bir bog‘,
Ko‘ngilda ezgulik ungan sunbuli.
Tabiat rozini aytar ushbu dam,
Sochadi, ochadi bor go‘zalligin.
Qancha qilmay ta'rif, unga bo‘lur kam,
Guldan novdalarga taqilgan nigin.
Insonlar qalbida tug‘ilgan Navro‘z,
Balki, yoshlik bo‘lur doimiy hamroh.
Sana'tin olamga qiladi ko‘z-ko‘z,
Yer yuzin u bilan qiladi uchmox.
Mehr-sahovatda qaynagan qozon,
Oqibat, do‘stlikning unar in'omi.
Qushlar navosida yangraydi azon,
Har bir mo‘jizaning bor unda nomi.
Muzliklar eriydi uning taftida,
Ariqlar bo‘yida jonlanar hayot.
Samodan suv olib tutar kaftida,
Chanqog‘in qondirib butun nabotot.
Qaldirg‘och qanoti qizlar qoshida,
O‘smalar tomganda nozli nigohi.
Bahor tarovati buloq boshida,
Bunchalar latofat bo‘lmasa gohi.
Qirlarda chopadi qo‘zi, qulunlar,
Yerlarni yopadi zangori gilam.
Uloqda yechilar g‘amli tugunlar,
Tuyoqlar ostida uyg‘onar ko‘klam.
Bolalar uyma-uy aytar boychechak,
Bolari tilida totli har bir gul.
Tinchlik, qut-baraka, qaynar sumalak,
Shoxda hayot zavqin kuylaydi bulbul.
Tandir to‘la onam yopgan ko‘ksomsa,
Adir to‘la, olam – qizg‘aldoq, lola.
Har giyoh labidan muhabbat tomsa,
Har qoya toshlardan shoshar shalola.
Quyosh nurlarida tovlanar billur,
Maysalar yuzini yuvganda shabnam.
Chamanda sayr etar kapalak masrur,
Sayr etar borliqni Navro‘zi olam!
Hamid IKROM
Hamidjon Pozilov Ikromjon o'g'li
Qo‘qon universiteti 4-kurs talabasi
Navro‘z nafasida hayot topgan chog‘,
Umr bahorining ochilgan guli.
Nurdek yashar endi yashnab har bir bog‘,
Ko‘ngilda ezgulik ungan sunbuli.
Tabiat rozini aytar ushbu dam,
Sochadi, ochadi bor go‘zalligin.
Qancha qilmay ta'rif, unga bo‘lur kam,
Guldan novdalarga taqilgan nigin.
Insonlar qalbida tug‘ilgan Navro‘z,
Balki, yoshlik bo‘lur doimiy hamroh.
Sana'tin olamga qiladi ko‘z-ko‘z,
Yer yuzin u bilan qiladi uchmox.
Mehr-sahovatda qaynagan qozon,
Oqibat, do‘stlikning unar in'omi.
Qushlar navosida yangraydi azon,
Har bir mo‘jizaning bor unda nomi.
Muzliklar eriydi uning taftida,
Ariqlar bo‘yida jonlanar hayot.
Samodan suv olib tutar kaftida,
Chanqog‘in qondirib butun nabotot.
Qaldirg‘och qanoti qizlar qoshida,
O‘smalar tomganda nozli nigohi.
Bahor tarovati buloq boshida,
Bunchalar latofat bo‘lmasa gohi.
Qirlarda chopadi qo‘zi, qulunlar,
Yerlarni yopadi zangori gilam.
Uloqda yechilar g‘amli tugunlar,
Tuyoqlar ostida uyg‘onar ko‘klam.
Bolalar uyma-uy aytar boychechak,
Bolari tilida totli har bir gul.
Tinchlik, qut-baraka, qaynar sumalak,
Shoxda hayot zavqin kuylaydi bulbul.
Tandir to‘la onam yopgan ko‘ksomsa,
Adir to‘la, olam – qizg‘aldoq, lola.
Har giyoh labidan muhabbat tomsa,
Har qoya toshlardan shoshar shalola.
Quyosh nurlarida tovlanar billur,
Maysalar yuzini yuvganda shabnam.
Chamanda sayr etar kapalak masrur,
Sayr etar borliqni Navro‘zi olam!
Hamid IKROM
Hamidjon Pozilov Ikromjon o'g'li
Qo‘qon universiteti 4-kurs talabasi
🕊2
BAHORIM BORLIG‘IMSAN!
Navro‘z – bahor bayrami,
Kelinchak go‘yo zamin.
Tinmay shoir qalami
Madh qiladi otashin.
Qushlar zavqli kuylaydi,
Gullarga burkangan bog‘.
Sevinchdan qalb so‘ylaydi,
Tabiat uyg‘ongan chog‘.
Mehrin sochar quyosh ham,
Sehrin ochar Ona Yer.
Sog‘inganim shu – ko‘klam,
Sevgimdan yozdim bir she'r.
Shoirlar ko‘p bitgan xo‘b,
Senga atalgan ash'or.
Lekin meni bir bor o‘p,
Qalbimdan ketsin g‘ubor.
Shodlikdan ko‘ngil obod,
Bog‘larda tug‘ilar nur.
Senga maftun odamzod,
Sendan oladi huzur.
Navro‘z – bahor bayrami,
Dunyoda bo‘lsin tinchlik!
Xush yoqar tong shabnami,
Senda yashar go‘zallik.
Orzularga qanotsan,
Xayollarga keng osmon,
Tiriklikka sirotsan,
Har zamonda navqiron.
Bolalarning quvonchi –
Varrak tutgan shamolsan,
Har yurakning ishonchi
Har umrda qirolsan!
Bahor ketma uyimdan,
Uzoqlashmagin uzoq,
Ketmas aslo o‘yimdan,
Sen-la ungan qizg‘aldoq.
Har on yodimda sensan,
Senda tug‘ilar tonggim.
Bag‘ringda kular savsan,
Undan rang olar onggim.
Bahorim – Navro‘z o‘zing!
Nahorim – Navro‘z o‘zing!
Sarkorim – Navro‘z o‘zing!
Gulzorim – Navro‘z o‘zing!
So‘zimda qol bol kabi,
Seni sog‘inib yashay.
Hayotimning matlabi,
Sen-la, bo‘lmoq harqalay.
Sen abadiy yoshlikning,
Jamoli bo‘lib qolgin!
Olam uzra tinchlikning,
Timsoli bo‘lib qolgin!
Bahordayin har chehra,
Tabassum ila boqsin.
Hayot asli hazora
Gullardan nishon taqsin.
Muhabbatdan yaralgan,
Asli Navro‘zi olam.
Unda bog‘lar yasangan,
Bog‘boni ahli qalam.
Tog‘lardan kelgin shoshib,
Soylarda oqqin toshib.
Bog‘larda sabo bo‘lgin,
Hovlimga kirgin oshib.
Mening suyukli do‘stim,
Va yoki yorim bo‘lgin!
Sen ila shodon o‘sdim,
Bahorim – borim bo‘lgin!
Hamid IKROM
Hamidjon Pozilov Ikromjon o'g'li
Qo‘qon universiteti 4-kurs talabasi
Navro‘z – bahor bayrami,
Kelinchak go‘yo zamin.
Tinmay shoir qalami
Madh qiladi otashin.
Qushlar zavqli kuylaydi,
Gullarga burkangan bog‘.
Sevinchdan qalb so‘ylaydi,
Tabiat uyg‘ongan chog‘.
Mehrin sochar quyosh ham,
Sehrin ochar Ona Yer.
Sog‘inganim shu – ko‘klam,
Sevgimdan yozdim bir she'r.
Shoirlar ko‘p bitgan xo‘b,
Senga atalgan ash'or.
Lekin meni bir bor o‘p,
Qalbimdan ketsin g‘ubor.
Shodlikdan ko‘ngil obod,
Bog‘larda tug‘ilar nur.
Senga maftun odamzod,
Sendan oladi huzur.
Navro‘z – bahor bayrami,
Dunyoda bo‘lsin tinchlik!
Xush yoqar tong shabnami,
Senda yashar go‘zallik.
Orzularga qanotsan,
Xayollarga keng osmon,
Tiriklikka sirotsan,
Har zamonda navqiron.
Bolalarning quvonchi –
Varrak tutgan shamolsan,
Har yurakning ishonchi
Har umrda qirolsan!
Bahor ketma uyimdan,
Uzoqlashmagin uzoq,
Ketmas aslo o‘yimdan,
Sen-la ungan qizg‘aldoq.
Har on yodimda sensan,
Senda tug‘ilar tonggim.
Bag‘ringda kular savsan,
Undan rang olar onggim.
Bahorim – Navro‘z o‘zing!
Nahorim – Navro‘z o‘zing!
Sarkorim – Navro‘z o‘zing!
Gulzorim – Navro‘z o‘zing!
So‘zimda qol bol kabi,
Seni sog‘inib yashay.
Hayotimning matlabi,
Sen-la, bo‘lmoq harqalay.
Sen abadiy yoshlikning,
Jamoli bo‘lib qolgin!
Olam uzra tinchlikning,
Timsoli bo‘lib qolgin!
Bahordayin har chehra,
Tabassum ila boqsin.
Hayot asli hazora
Gullardan nishon taqsin.
Muhabbatdan yaralgan,
Asli Navro‘zi olam.
Unda bog‘lar yasangan,
Bog‘boni ahli qalam.
Tog‘lardan kelgin shoshib,
Soylarda oqqin toshib.
Bog‘larda sabo bo‘lgin,
Hovlimga kirgin oshib.
Mening suyukli do‘stim,
Va yoki yorim bo‘lgin!
Sen ila shodon o‘sdim,
Bahorim – borim bo‘lgin!
Hamid IKROM
Hamidjon Pozilov Ikromjon o'g'li
Qo‘qon universiteti 4-kurs talabasi
🕊3
NAVRO‘ZI OLAM
Chehralarda shodlik, gulgun tabassum,
Tabiat oʻzini qilmoqda koʻz-koʻz.
Tugʻilar qaytadan goʻdakdek ma’sum,
Olamga oy kabi nur sochib Navro‘z.
Har bir giyohida umid kurtagi,
Turfa nozlanadi yana novdalar.
Zamin nigohida hayot ertagi,
Ko‘kdan yogʻiladi billur shodalar.
Asta bogʻlarini sayr etar sabo,
Gullar iforidan bo‘lganicha mast.
Shoxlarda bulbullar kuylar sho‘x navo.
Shohlardek koʻngilni qilgancha sarbast.
Samolardan quyosh boqar oʻzgacha,
Taftida zaminga boʻlib doyadek.
Oʻlanlar qoplaydi bahor, kuzgacha,
Baxmal vodiylarni ellab soyadek.
Oilamiz bilan qozon boshida,
Ezgu tilaklardan qilamiz taom.
Yillik armonlar ham koʻklam oshida,
Ostida oʻt boʻlib yonadi tamom.
Qanoti rang-barang uchgandek qushlar,
Bolalar qoʻlida oʻynar varraklar.
Qani, bo‘lmasaydi aslo urushlar,
Shodlik, zavqqa toʻlib ursa yuraklar.
Totuvlik ramzi boʻl, tinchlik matlabi,
Omonlik, obodlik, fayzu baraka.
Pokiza islomim – iymon maktabi,
Navroʻzim bosh boʻlgin toʻyu ma’raka.
She’rlar bitar sendan olgancha ilhom,
Shoir bogʻlaridan terib har bir soʻz.
Yaratgandan bizga boʻlasan in’om,
Shu qadar qadrli, onamsan Navroʻz!
Hamid IKROM
Hamidjon Pozilov Ikromjon o'g'li
Qoʻqon universiteti talabasi
Chehralarda shodlik, gulgun tabassum,
Tabiat oʻzini qilmoqda koʻz-koʻz.
Tugʻilar qaytadan goʻdakdek ma’sum,
Olamga oy kabi nur sochib Navro‘z.
Har bir giyohida umid kurtagi,
Turfa nozlanadi yana novdalar.
Zamin nigohida hayot ertagi,
Ko‘kdan yogʻiladi billur shodalar.
Asta bogʻlarini sayr etar sabo,
Gullar iforidan bo‘lganicha mast.
Shoxlarda bulbullar kuylar sho‘x navo.
Shohlardek koʻngilni qilgancha sarbast.
Samolardan quyosh boqar oʻzgacha,
Taftida zaminga boʻlib doyadek.
Oʻlanlar qoplaydi bahor, kuzgacha,
Baxmal vodiylarni ellab soyadek.
Oilamiz bilan qozon boshida,
Ezgu tilaklardan qilamiz taom.
Yillik armonlar ham koʻklam oshida,
Ostida oʻt boʻlib yonadi tamom.
Qanoti rang-barang uchgandek qushlar,
Bolalar qoʻlida oʻynar varraklar.
Qani, bo‘lmasaydi aslo urushlar,
Shodlik, zavqqa toʻlib ursa yuraklar.
Totuvlik ramzi boʻl, tinchlik matlabi,
Omonlik, obodlik, fayzu baraka.
Pokiza islomim – iymon maktabi,
Navroʻzim bosh boʻlgin toʻyu ma’raka.
She’rlar bitar sendan olgancha ilhom,
Shoir bogʻlaridan terib har bir soʻz.
Yaratgandan bizga boʻlasan in’om,
Shu qadar qadrli, onamsan Navroʻz!
Hamid IKROM
Hamidjon Pozilov Ikromjon o'g'li
Qoʻqon universiteti talabasi
🕊2
BAHOR
Lahzalarga teng umrim, asli,
Ko‘z ochib yumguncha o‘tadi.
Ostonamda go‘zallik fasli,
Uyg‘onishim intiq kutadi.
Samolarda minglab yulduzlar,
Nigohida sirli kelajak.
Shodlik aro necha gul yuzlar,
Tug‘iliboq uni ko‘rajak.
Balki birdan mast bo‘lib qolar,
Gul taqqanda daraxtlar shoxi.
Tashrifinga sumalak solar
Qiz-ayollar, o‘tli nigohi.
Armonlar ham erib ketadi,
To‘lib-toshib oqadi soylar.
Yalpizlaring terib ketadi,
Gul shoxingdan yuzi chiroylar.
Vasling aro tug‘ilar olam,
Tuproq uzra unib chiqar nish.
Seni qancha bitmasin qalam,
Bir maysangcha bo‘lolmas olqish.
Hayot sendan boshlanar doim,
Xayol uchar bog‘laring aro.
Izlaringni bosar har odim,
Umrimizga berarsan oro.
Bugun tongni quchoqlagayman,
Xuddi sendek olamni suyib.
Har bir jondan so‘roqlagayman,
Sen haqingda sevgingni tuyib.
Balki, qushlar tinmay sayraydi,
Jilg‘alarda tinmay oqar suv.
Seping uzra endi yayraydi,
Qir-adirni to‘ldirib suruv.
Kelinchakdek bezanmish bog‘lar,
Bu dunyoni etgancha maftun.
Hatto erib ketmoqda tog‘lar,
Mehr nuring tushgani uchun.
Men vaslingga intizor oshiq,
Nafasingdan xushhol mastona.
Quchganimcha bag‘ringni issiq,
Bolaligim qo‘msayman, Ona!..
Hamid IKROM
Hamidjon Ikromjon o'g'li Pozilov
Qo‘qon universiteti talabasi
Lahzalarga teng umrim, asli,
Ko‘z ochib yumguncha o‘tadi.
Ostonamda go‘zallik fasli,
Uyg‘onishim intiq kutadi.
Samolarda minglab yulduzlar,
Nigohida sirli kelajak.
Shodlik aro necha gul yuzlar,
Tug‘iliboq uni ko‘rajak.
Balki birdan mast bo‘lib qolar,
Gul taqqanda daraxtlar shoxi.
Tashrifinga sumalak solar
Qiz-ayollar, o‘tli nigohi.
Armonlar ham erib ketadi,
To‘lib-toshib oqadi soylar.
Yalpizlaring terib ketadi,
Gul shoxingdan yuzi chiroylar.
Vasling aro tug‘ilar olam,
Tuproq uzra unib chiqar nish.
Seni qancha bitmasin qalam,
Bir maysangcha bo‘lolmas olqish.
Hayot sendan boshlanar doim,
Xayol uchar bog‘laring aro.
Izlaringni bosar har odim,
Umrimizga berarsan oro.
Bugun tongni quchoqlagayman,
Xuddi sendek olamni suyib.
Har bir jondan so‘roqlagayman,
Sen haqingda sevgingni tuyib.
Balki, qushlar tinmay sayraydi,
Jilg‘alarda tinmay oqar suv.
Seping uzra endi yayraydi,
Qir-adirni to‘ldirib suruv.
Kelinchakdek bezanmish bog‘lar,
Bu dunyoni etgancha maftun.
Hatto erib ketmoqda tog‘lar,
Mehr nuring tushgani uchun.
Men vaslingga intizor oshiq,
Nafasingdan xushhol mastona.
Quchganimcha bag‘ringni issiq,
Bolaligim qo‘msayman, Ona!..
Hamid IKROM
Hamidjon Ikromjon o'g'li Pozilov
Qo‘qon universiteti talabasi
🕊2
BAHOR YOMG‘IRI
Men bahorni yaxshi ko‘raman,
Mo‘l-ko‘l bo‘lar hayot ne'mati.
Har nahorda cho‘milar Zamin,
Yog‘iladi Alloh rahmati.
Tong – musaffo, qara, naqadar,
Go‘daklarning yuzidek havo.
Nafasidan esar muattar,
Yangrar yana bog‘larda navo.
Tomchilarda hayot yog‘ilar,
Har zarraga berganicha jon.
Osmon tuynugidan yog‘dular,
Sochiladi yerga bearmon.
Jilg‘alarda shoshadi bahor,
Sabolarda erkalab gohi.
Qo‘shiq aytar sevinchdan anhor,
Qo‘shilganda bulutlar ohi.
Men bahorni yaxshi ko‘raman,
Unda porlar o‘zgacha Quyosh.
Men nahorni yaxshi ko‘raman,
Har tong qalbim uyg‘onadi yosh.
Mayda-mayda yo‘llarimga yog‘,
Zamin uzra bo‘lgin hayotbaxsh.
Guldan libos kiyib olgan bog‘,
Sen tufayli go‘zal va dilkash.
Men yomg‘irni yaxshi ko‘raman,
Yomg‘ir meni erkalar asta.
Tongdan tongga xayol suraman,
Novdalardek bo‘lib orasta.
Samolarning sevinch yoshi bor,
Shodlik unar tuproq ostidan.
Tabiat ham diydoriga zor,
Qovushgandek oshiqlar rostdan.
Chindan ajib bahor yomg‘iri,
Undan hech kim topmaydi ozor.
Ko‘kdan yerga tabiat siri,
Aytiladi shu taxlit takror.
Hamid IKROM
Pozilov Hamidjon Ikromjon o'g'li
Qo‘qon universiteti talabasi
Men bahorni yaxshi ko‘raman,
Mo‘l-ko‘l bo‘lar hayot ne'mati.
Har nahorda cho‘milar Zamin,
Yog‘iladi Alloh rahmati.
Tong – musaffo, qara, naqadar,
Go‘daklarning yuzidek havo.
Nafasidan esar muattar,
Yangrar yana bog‘larda navo.
Tomchilarda hayot yog‘ilar,
Har zarraga berganicha jon.
Osmon tuynugidan yog‘dular,
Sochiladi yerga bearmon.
Jilg‘alarda shoshadi bahor,
Sabolarda erkalab gohi.
Qo‘shiq aytar sevinchdan anhor,
Qo‘shilganda bulutlar ohi.
Men bahorni yaxshi ko‘raman,
Unda porlar o‘zgacha Quyosh.
Men nahorni yaxshi ko‘raman,
Har tong qalbim uyg‘onadi yosh.
Mayda-mayda yo‘llarimga yog‘,
Zamin uzra bo‘lgin hayotbaxsh.
Guldan libos kiyib olgan bog‘,
Sen tufayli go‘zal va dilkash.
Men yomg‘irni yaxshi ko‘raman,
Yomg‘ir meni erkalar asta.
Tongdan tongga xayol suraman,
Novdalardek bo‘lib orasta.
Samolarning sevinch yoshi bor,
Shodlik unar tuproq ostidan.
Tabiat ham diydoriga zor,
Qovushgandek oshiqlar rostdan.
Chindan ajib bahor yomg‘iri,
Undan hech kim topmaydi ozor.
Ko‘kdan yerga tabiat siri,
Aytiladi shu taxlit takror.
Hamid IKROM
Pozilov Hamidjon Ikromjon o'g'li
Qo‘qon universiteti talabasi
🕊3
BAHOR TAROVATI
Umrning eng go‘zal fasli nabahor,
Dillarning olamga yoyilgan rozi.
Qushlarning navosi yangragan nahor,
Bilginki, uyg‘onar tabiat nozi.
Hayot quvonchiga yam-yashil zamin,
Qushlar parvoziga kerak keng osmon.
Kelajak kemasi kezishi uchun,
Urushlardan holi bo‘lsin bu makon.
Uyg‘onar dildagi sirli sinoat,
Har bir gul ostidan ungan kurtakda.
Qadamlari ortga yurmagan soat,
Bugun bir on to‘xtab o‘tsin yurakda.
Qozonlar osilgan, bayramu to‘ylar,
Har lahza shodlikni kuylar betakror.
Keksalar ham bugun boladek o‘ylar,
O‘ynar shamollarda orzular bedor.
Gulgun yuzlar kulgu, sevinchdan porlar,
Quyosh tafti asta mehrin sochadi.
Gohi yomg‘ir yog‘ib, bizlarni chorlar,
Yam-yashil vodiylar sirin ochadi.
Nastarin va jambil, rayhon, yalpizlar,
Yana taratadi xushbo‘y tarovat,
Gul taqqan novdadek yasangan qizlar,
Tabiat sehridan olar harorat.
Umidlar qaytadan yozadi kurtak,
Bulutlar kemasi suzadi oppoq.
Ruhim parvoz qilar yanada yuksak,
Bahor, go‘zallikdan berasan saboq.
Sen-la, tug‘ilamiz qayta dunyoga,
Qolmaydi olamda tabiat jonsiz.
Qish zaxmini to‘kib tog‘lar daryoga,
Nahor shabnamida uyg‘onar ongsiz.
Men sening izingdan izlayman faqat,
O‘n beshinchi yilning mart chaqalog‘in.
Dunyoga kelgandi shoir tabiat,
Balki shundan ko‘klam ochdi qarog‘in.
Nazm bog‘i aro eng nafis gullar,
Qushlar xonishida ochilar chaman.
O‘tmasin shu taqlid necha ming yillar,
Seni oshiqlardek intiq kutaman.
Seni sevmagan el bo‘lmasa kerak,
Seni sog‘inmagan biror-bir yurak.
Zaminning turfa xil suratin chizgan,
Yaratib ranglardan rangin kamalak.
Bahorim, bog‘ingda bog‘boning bo‘lay,
Sendan nafas olgan har biri novda.
Qaldirg‘och in solgan ayvoning bo‘lay,
Aslo qoldirmagin qor-u, qirovda.
Hamid IKROM
Pozilov Hamidjon Ikromjon o'g'li
Qo‘qon universiteti talabasi
Umrning eng go‘zal fasli nabahor,
Dillarning olamga yoyilgan rozi.
Qushlarning navosi yangragan nahor,
Bilginki, uyg‘onar tabiat nozi.
Hayot quvonchiga yam-yashil zamin,
Qushlar parvoziga kerak keng osmon.
Kelajak kemasi kezishi uchun,
Urushlardan holi bo‘lsin bu makon.
Uyg‘onar dildagi sirli sinoat,
Har bir gul ostidan ungan kurtakda.
Qadamlari ortga yurmagan soat,
Bugun bir on to‘xtab o‘tsin yurakda.
Qozonlar osilgan, bayramu to‘ylar,
Har lahza shodlikni kuylar betakror.
Keksalar ham bugun boladek o‘ylar,
O‘ynar shamollarda orzular bedor.
Gulgun yuzlar kulgu, sevinchdan porlar,
Quyosh tafti asta mehrin sochadi.
Gohi yomg‘ir yog‘ib, bizlarni chorlar,
Yam-yashil vodiylar sirin ochadi.
Nastarin va jambil, rayhon, yalpizlar,
Yana taratadi xushbo‘y tarovat,
Gul taqqan novdadek yasangan qizlar,
Tabiat sehridan olar harorat.
Umidlar qaytadan yozadi kurtak,
Bulutlar kemasi suzadi oppoq.
Ruhim parvoz qilar yanada yuksak,
Bahor, go‘zallikdan berasan saboq.
Sen-la, tug‘ilamiz qayta dunyoga,
Qolmaydi olamda tabiat jonsiz.
Qish zaxmini to‘kib tog‘lar daryoga,
Nahor shabnamida uyg‘onar ongsiz.
Men sening izingdan izlayman faqat,
O‘n beshinchi yilning mart chaqalog‘in.
Dunyoga kelgandi shoir tabiat,
Balki shundan ko‘klam ochdi qarog‘in.
Nazm bog‘i aro eng nafis gullar,
Qushlar xonishida ochilar chaman.
O‘tmasin shu taqlid necha ming yillar,
Seni oshiqlardek intiq kutaman.
Seni sevmagan el bo‘lmasa kerak,
Seni sog‘inmagan biror-bir yurak.
Zaminning turfa xil suratin chizgan,
Yaratib ranglardan rangin kamalak.
Bahorim, bog‘ingda bog‘boning bo‘lay,
Sendan nafas olgan har biri novda.
Qaldirg‘och in solgan ayvoning bo‘lay,
Aslo qoldirmagin qor-u, qirovda.
Hamid IKROM
Pozilov Hamidjon Ikromjon o'g'li
Qo‘qon universiteti talabasi
🕊4👍1
Forwarded from HAMID IKROM (Hamid Ikrom)
Media is too big
VIEW IN TELEGRAM
Assalomu alaykum va rohmatullohi va barokatuh!
21-Mart Navro‘z ayyomi bilan chin yurakdan barchangizni muborakbod etamiz. Navro‘z yangilanish, yasharish, qayta tug'ilish kuni. Ushbu kunda sizlarga dunyodagi eng ezgu va pok niyatlar armug'on bo'lsin! Barcha orzu-maqsadlaringiz amalga oshishida tilakdoshmiz! Shunday ajoyib, fayzli kunlarda uzoq-umr, sixat-salomatlik, oilaviy tinchlik-xotirjamlik va baxt-saodatda umrguzaronlik qilishlik barchamizga nasib aylasin!
Yana bir bor bayram muborak bo‘lsin!🌹🌸🌹🌸🌹🌸🌹🌸🌹🌸🌹🌸🌹🌸
XUSH KELDING NAVROʻZ!
Kirib kelmish Navroʻzi olam,
Baxtga toʻla orzular bilan.
Guldan libos kiyganda koʻklam,
Qushlar zavqli kuylaydi oʻlan.
Zamin uzra esmoqda hidi,
Har novdada, har bir giyohda.
Har irmoqda oqar umidi,
Yangi hayot boshlab sabohda.
Senda yayrar yurak qush kabi,
Samolarda qilgancha parvoz.
Tabiatning asl matlabi,
Umrimizga beradi pardoz.
Doshqozonda qaynar sumalak,
Dalalarda unadi rizq-roʻz.
Tovlanadi rangin kamalak,
Onam kabi hayotbaxsh – Navroʻz!
Hamid IKROM
21-Mart Navro‘z ayyomi bilan chin yurakdan barchangizni muborakbod etamiz. Navro‘z yangilanish, yasharish, qayta tug'ilish kuni. Ushbu kunda sizlarga dunyodagi eng ezgu va pok niyatlar armug'on bo'lsin! Barcha orzu-maqsadlaringiz amalga oshishida tilakdoshmiz! Shunday ajoyib, fayzli kunlarda uzoq-umr, sixat-salomatlik, oilaviy tinchlik-xotirjamlik va baxt-saodatda umrguzaronlik qilishlik barchamizga nasib aylasin!
Yana bir bor bayram muborak bo‘lsin!🌹🌸🌹🌸🌹🌸🌹🌸🌹🌸🌹🌸🌹🌸
XUSH KELDING NAVROʻZ!
Kirib kelmish Navroʻzi olam,
Baxtga toʻla orzular bilan.
Guldan libos kiyganda koʻklam,
Qushlar zavqli kuylaydi oʻlan.
Zamin uzra esmoqda hidi,
Har novdada, har bir giyohda.
Har irmoqda oqar umidi,
Yangi hayot boshlab sabohda.
Senda yayrar yurak qush kabi,
Samolarda qilgancha parvoz.
Tabiatning asl matlabi,
Umrimizga beradi pardoz.
Doshqozonda qaynar sumalak,
Dalalarda unadi rizq-roʻz.
Tovlanadi rangin kamalak,
Onam kabi hayotbaxsh – Navroʻz!
Hamid IKROM
🕊4
Forwarded from HAMID IKROM (Hamid Ikrom)
Assalomu alaykum, azizlarim!
Sizni va siz orqali barcha oila a'zolaringizni qutlug' "Ramazon Hayiti" bayrami bilan chin qalbimdan muborakbod etaman! Sizlarga sog'lik-omonlik, oilaviy tinchlik-xotirjamlik, dasturxoninggizga qut-baraka, kasbu koringizga ulkan muvaffaqiyatlar tilab qolaman! Ramazon oyida ixlos ila tutgan ro'zalaringiz va qilgan solih amallaringizni Alloh dargohida qabul qilsin, ilohim!
Yana bir bor Hayit bayramingiz muborak bo'lsin!
Sizga hurmat va ehtirom ila,
HAMIDJON IKROMJON O'G'LI POZILOV
Sizni va siz orqali barcha oila a'zolaringizni qutlug' "Ramazon Hayiti" bayrami bilan chin qalbimdan muborakbod etaman! Sizlarga sog'lik-omonlik, oilaviy tinchlik-xotirjamlik, dasturxoninggizga qut-baraka, kasbu koringizga ulkan muvaffaqiyatlar tilab qolaman! Ramazon oyida ixlos ila tutgan ro'zalaringiz va qilgan solih amallaringizni Alloh dargohida qabul qilsin, ilohim!
Yana bir bor Hayit bayramingiz muborak bo'lsin!
Sizga hurmat va ehtirom ila,
HAMIDJON IKROMJON O'G'LI POZILOV
JIMJITLIK
Osmonga bo‘ylashgan cho‘qqilar aro,
Mening gung yoshligim uchib ketmoqda.
Sarobga joylashgan yomg‘irsiz sahro,
Maxzun bulutlarin intiq kutmoqda.
Ishtiyoq yonmoqda shijoat bilan,
Ko‘k ham olovini sochmoqda shitob.
Orzulari ila so‘nmoqda bir tan,
Faqat unda qoldi tundagi mohtob.
Sevdi, muhabbatin abadiy ko‘mib,
Tilini tishida ezgancha, besas.
Ufqqa tikilib, xayolga cho‘mib,
Kuzgi yaproqlardek olmoqda nafas.
Soniyalar o‘tar yillardek og‘ir,
Ahir, o‘tib bo‘ldi umri ham zumdek.
Ortiga boqarkan vijdoni og‘rir,
Iymoni ketmoqda suv tekkan qumdek.
Nahotki boy berdi butun hayotin,
Shu sarob orzular sari chopgancha.
Kim edi do‘st bo‘lib ko‘ringan xoin,
Yana shundek yanglish yashagan qancha?!
Yo‘llarim sochimda ko‘ringandek oq,
Ko‘rinsa, qaniydi olardim taskin.
Ko‘nglim hech yorishmas yoqsamda chiroq,
Oysiz tun qo‘ynida yotibman sokin.
Sukunat hukmron, sadosiz borliq,
Hatto shildiramay oqmoqda suv ham.
Balki, qabristondir G‘azo ham to‘liq,
So‘nggi manziliga yetgandek olam.
Hamid IKROM
Hamidjon Ikromjon o‘g‘li Pozilov
Qo‘qon universiteti talabasi
Osmonga bo‘ylashgan cho‘qqilar aro,
Mening gung yoshligim uchib ketmoqda.
Sarobga joylashgan yomg‘irsiz sahro,
Maxzun bulutlarin intiq kutmoqda.
Ishtiyoq yonmoqda shijoat bilan,
Ko‘k ham olovini sochmoqda shitob.
Orzulari ila so‘nmoqda bir tan,
Faqat unda qoldi tundagi mohtob.
Sevdi, muhabbatin abadiy ko‘mib,
Tilini tishida ezgancha, besas.
Ufqqa tikilib, xayolga cho‘mib,
Kuzgi yaproqlardek olmoqda nafas.
Soniyalar o‘tar yillardek og‘ir,
Ahir, o‘tib bo‘ldi umri ham zumdek.
Ortiga boqarkan vijdoni og‘rir,
Iymoni ketmoqda suv tekkan qumdek.
Nahotki boy berdi butun hayotin,
Shu sarob orzular sari chopgancha.
Kim edi do‘st bo‘lib ko‘ringan xoin,
Yana shundek yanglish yashagan qancha?!
Yo‘llarim sochimda ko‘ringandek oq,
Ko‘rinsa, qaniydi olardim taskin.
Ko‘nglim hech yorishmas yoqsamda chiroq,
Oysiz tun qo‘ynida yotibman sokin.
Sukunat hukmron, sadosiz borliq,
Hatto shildiramay oqmoqda suv ham.
Balki, qabristondir G‘azo ham to‘liq,
So‘nggi manziliga yetgandek olam.
Hamid IKROM
Hamidjon Ikromjon o‘g‘li Pozilov
Qo‘qon universiteti talabasi
🕊3👍1
JANNATIM – ONAM!
Ona degan so‘zda olam mujassam,
Onajon, yo sizdan tug‘ilgan olam.
Go‘zallik topilmas mehringizcha ko‘p,
Yaralmish osmondek bu qalb muazzam.
Jonimiz og‘risa jonini tutgan,
Sho‘xlik, tashvishimiz horitgan biram.
Shunda ham baxtimiz orziqib kutgan,
Jannatim, yagonam, munis, mukarram!
Aziz joningizdan jon qarz olib biz,
Bag‘ringizda unib o‘sgan bir nihol.
Sizda fidoyilik, sadoqat yolg‘iz,
Tuproqdek xokisor yashagan timsol.
Odamlar ko‘ziga ko‘ringan shodlik,
Yuzida kulsa ham, ichi to‘la g‘am.
Hayot sinovlari qilsa bedodlik,
Qaddini tog‘lardek tutgan mustahkam.
Onam, daryo kabi bardoshli, vazmin,
Quyoshdek betinim, doim bag‘ri cho‘g‘.
To kamol topguncha bo‘lgancha zamin,
Farzand iqboliga tutib turgan tug‘.
Orzulari oydin, oqko‘ngil, oqil,
Ko‘plarni haq yo‘lga solgan muallim.
Naqadar nurafshon, nafis va sarxil
Bilim durlaridan bergansiz ta’lim.
Bolalari kabi naqd yuzlab yoshga,
Mehribon onayu, ham g‘amxo‘r ustoz.
Nolimay, kam demay bir oz maoshga,
Kasbini muqaddas deb bilgan jonboz.
Neki kasb qildingiz – luqmayi halol,
Pok niyat, ezgu ish, toza iymonda.
Shirin tashvishlarni surgancha xayol,
Navqiron yoshlik ham qoldi armonda.
Bugun yaxshi-yomon kunlarni eslab,
Balki umringizdan bo‘larsiz rozi.
Butun hayotingiz eng ulug‘ matlab –
Savob amalingiz bosar tarozi.
Ulg‘aydik, siz kutgan keldi o‘shal dam,
Qanotingiz bo‘lib uchmoqqa shaymiz.
Keksalik gashtini suring xotirjam,
Allohdan rizolik, umr tilaymiz!
Endi yelkangizni ezmasin qayg‘u,
G‘am-g‘ussadan holi qilingiz parvoz.
Ka’bada bo‘lmoqlik – eng oliy tuyg‘u,
Bu baxtdan, volidam, bo‘ling sarafroz!
Hamid IKROM
Pozilov Hamidjon Ikromjon o‘g‘li
Qo‘qon universiteti talabasi
Ona degan so‘zda olam mujassam,
Onajon, yo sizdan tug‘ilgan olam.
Go‘zallik topilmas mehringizcha ko‘p,
Yaralmish osmondek bu qalb muazzam.
Jonimiz og‘risa jonini tutgan,
Sho‘xlik, tashvishimiz horitgan biram.
Shunda ham baxtimiz orziqib kutgan,
Jannatim, yagonam, munis, mukarram!
Aziz joningizdan jon qarz olib biz,
Bag‘ringizda unib o‘sgan bir nihol.
Sizda fidoyilik, sadoqat yolg‘iz,
Tuproqdek xokisor yashagan timsol.
Odamlar ko‘ziga ko‘ringan shodlik,
Yuzida kulsa ham, ichi to‘la g‘am.
Hayot sinovlari qilsa bedodlik,
Qaddini tog‘lardek tutgan mustahkam.
Onam, daryo kabi bardoshli, vazmin,
Quyoshdek betinim, doim bag‘ri cho‘g‘.
To kamol topguncha bo‘lgancha zamin,
Farzand iqboliga tutib turgan tug‘.
Orzulari oydin, oqko‘ngil, oqil,
Ko‘plarni haq yo‘lga solgan muallim.
Naqadar nurafshon, nafis va sarxil
Bilim durlaridan bergansiz ta’lim.
Bolalari kabi naqd yuzlab yoshga,
Mehribon onayu, ham g‘amxo‘r ustoz.
Nolimay, kam demay bir oz maoshga,
Kasbini muqaddas deb bilgan jonboz.
Neki kasb qildingiz – luqmayi halol,
Pok niyat, ezgu ish, toza iymonda.
Shirin tashvishlarni surgancha xayol,
Navqiron yoshlik ham qoldi armonda.
Bugun yaxshi-yomon kunlarni eslab,
Balki umringizdan bo‘larsiz rozi.
Butun hayotingiz eng ulug‘ matlab –
Savob amalingiz bosar tarozi.
Ulg‘aydik, siz kutgan keldi o‘shal dam,
Qanotingiz bo‘lib uchmoqqa shaymiz.
Keksalik gashtini suring xotirjam,
Allohdan rizolik, umr tilaymiz!
Endi yelkangizni ezmasin qayg‘u,
G‘am-g‘ussadan holi qilingiz parvoz.
Ka’bada bo‘lmoqlik – eng oliy tuyg‘u,
Bu baxtdan, volidam, bo‘ling sarafroz!
Hamid IKROM
Pozilov Hamidjon Ikromjon o‘g‘li
Qo‘qon universiteti talabasi
❤4👍1
O‘TINCH
Bu shunday zamonki, zabonsiz tillar,
Ming xil ohanglarda so‘zlaydi oyna.
Bir biridan yiroq bo‘lsada ellar,
Oqu qora birga ko‘rinar yana.
Ko‘z ochib yumguncha chaqirar azon,
Bir on qo‘ng‘iroqning chalinar bongi.
Qaydadir dengizdek musaffo osmon,
Qaydadir quyoshsiz otmoqda tongi.
Kimdir g‘alabadan mag‘rur va masrur,
Kimdir g‘azab bilan dod solar giryon.
Kimdir och, yalong‘och bo‘lishar mashhur,
Kimlardir to‘qlikda qilishar isyon.
Po‘lat qanotlarda uchar sovuq ruh,
Qaylarga elitar qo‘rquv va daxshat.
Hamon sarson bo‘lar tinchlik degan sulh,
Olamni bulutdek kezarkan vahshat.
Ko‘kda ham, yerda ham hasad olovi,
Yurakni ezadi qora bulutlar.
Dunyoni qaritar urush sinovi,
Qayda avtobusdek qatnar tobutlar.
Sakson yil urushning sovuq nafasi,
Ichimdan chiqmoqqa shay turgan vulqon.
Vasvasa qiladi shaytonlar sasi,
Pishib yetilganda nafs degan o‘pqon.
Zamin bor budini berdi odamga,
Odam ham betinim oqizmoqda qon.
Bu ko‘hna tuproq ham ko‘ndi motamga,
Shaharu qishloqlar bo‘ldi qabriston.
Yashaydi Sharqu G‘arb bo‘lingandek oy,
Bu avlod Odam va Havo farzandi.
Hobildek mo‘minlar yashar, hoynahoy,
Qobildek qotillar nafsiga bandi.
Bu taqdir azaliy, bitilgan Haq so‘z,
Jannatdan quvilgan iblis nayrangi.
Qanoatli bo‘lsa, hayoli har ko‘z,
Qonga belanmasdi olamning rangi.
Kamina Allohning ojiz bir quli,
Ikromi oldida hamd aytishga qarz.
Har ishda bo‘lmasa Rahmonning qo‘li,
Allaqachon olam ketar edi darz.
Kurashing, faqat va faqat or uchun,
Kurashing, yengilmang kufr yoviga.
Kurashing, Haq So‘zi bo‘lguncha ustun,
Qurboni bo‘lmangiz nafsning oviga.
Bu urush tugamas qiyomat qadar,
Ey, Odam avlodi, qurolingni ol!
Ilmsiz dunyodan o‘tma darbadar,
Usiz iymoning ham topmaydi kamol.
Qanoat, sabr va shukr quroli,
Iblisni falajlab qo‘yar, ehtimol.
Go‘zal xulq, chin ixlos, taqvo qiroli
Mo‘minning qalbida bo‘lmasin zavol.
Keling do‘st bo‘laylik, bag‘ri keng dunyo,
Faxshdan yuz buramiz ko‘rgandek moxov.
Yolg‘onlar yo‘qolur, o‘ng bo‘lur ro‘yo,
Mazlumlar kuylaydi, zolimlar soqov.
Jahon urushlardan bezdi begumon,
Jahonga kerakmas g‘olibu mag‘lub.
Xotirjam yashaylik, endi tinch-omon,
Bu — olam o‘tinchi yozilgan maktub.
Hamid IKROM
Hamidjon Ikromjon o‘g‘li Pozilov
Qo‘qon universiteti talabasi
Bu shunday zamonki, zabonsiz tillar,
Ming xil ohanglarda so‘zlaydi oyna.
Bir biridan yiroq bo‘lsada ellar,
Oqu qora birga ko‘rinar yana.
Ko‘z ochib yumguncha chaqirar azon,
Bir on qo‘ng‘iroqning chalinar bongi.
Qaydadir dengizdek musaffo osmon,
Qaydadir quyoshsiz otmoqda tongi.
Kimdir g‘alabadan mag‘rur va masrur,
Kimdir g‘azab bilan dod solar giryon.
Kimdir och, yalong‘och bo‘lishar mashhur,
Kimlardir to‘qlikda qilishar isyon.
Po‘lat qanotlarda uchar sovuq ruh,
Qaylarga elitar qo‘rquv va daxshat.
Hamon sarson bo‘lar tinchlik degan sulh,
Olamni bulutdek kezarkan vahshat.
Ko‘kda ham, yerda ham hasad olovi,
Yurakni ezadi qora bulutlar.
Dunyoni qaritar urush sinovi,
Qayda avtobusdek qatnar tobutlar.
Sakson yil urushning sovuq nafasi,
Ichimdan chiqmoqqa shay turgan vulqon.
Vasvasa qiladi shaytonlar sasi,
Pishib yetilganda nafs degan o‘pqon.
Zamin bor budini berdi odamga,
Odam ham betinim oqizmoqda qon.
Bu ko‘hna tuproq ham ko‘ndi motamga,
Shaharu qishloqlar bo‘ldi qabriston.
Yashaydi Sharqu G‘arb bo‘lingandek oy,
Bu avlod Odam va Havo farzandi.
Hobildek mo‘minlar yashar, hoynahoy,
Qobildek qotillar nafsiga bandi.
Bu taqdir azaliy, bitilgan Haq so‘z,
Jannatdan quvilgan iblis nayrangi.
Qanoatli bo‘lsa, hayoli har ko‘z,
Qonga belanmasdi olamning rangi.
Kamina Allohning ojiz bir quli,
Ikromi oldida hamd aytishga qarz.
Har ishda bo‘lmasa Rahmonning qo‘li,
Allaqachon olam ketar edi darz.
Kurashing, faqat va faqat or uchun,
Kurashing, yengilmang kufr yoviga.
Kurashing, Haq So‘zi bo‘lguncha ustun,
Qurboni bo‘lmangiz nafsning oviga.
Bu urush tugamas qiyomat qadar,
Ey, Odam avlodi, qurolingni ol!
Ilmsiz dunyodan o‘tma darbadar,
Usiz iymoning ham topmaydi kamol.
Qanoat, sabr va shukr quroli,
Iblisni falajlab qo‘yar, ehtimol.
Go‘zal xulq, chin ixlos, taqvo qiroli
Mo‘minning qalbida bo‘lmasin zavol.
Keling do‘st bo‘laylik, bag‘ri keng dunyo,
Faxshdan yuz buramiz ko‘rgandek moxov.
Yolg‘onlar yo‘qolur, o‘ng bo‘lur ro‘yo,
Mazlumlar kuylaydi, zolimlar soqov.
Jahon urushlardan bezdi begumon,
Jahonga kerakmas g‘olibu mag‘lub.
Xotirjam yashaylik, endi tinch-omon,
Bu — olam o‘tinchi yozilgan maktub.
Hamid IKROM
Hamidjon Ikromjon o‘g‘li Pozilov
Qo‘qon universiteti talabasi
🔥2❤1
ONAMSAN, VATAN!
Osmonim kechalar yongan to‘lin oy,
Yo olis yulduzlar sochganda chiroy.
Betinim dalamga oqayotgan soy,
Ruhimga jon o‘zing, onamsan Vatan!
Shirin tushlarimda momom allasi,
Bobomning namozga qoyim pallasi.
Dehqonim uyqusiz yiqqan g‘allasi,
Tuganmas don o‘zing, onamsan Vatan!
Umidim tongida porlagan oftob,
Har vaqt Robbim sari chorlagan mehrob.
Manguga nur bo‘lib yoritar Kitob,
Haq So‘z - Qur'on o‘zing, onamsan Vatan!
Balki, ajdodlarim qonisan ulug‘,
Temurning qo‘lida hilpiragan tug‘.
Ming yillik tarixga qadalgan urug‘,
Turkiy xoqon o‘zing, onamsan Vatan!
G‘animga bo‘ysunmas To‘maris misol,
To‘qson alp qoshida yengilmas timsol.
Sevgi va sadoqat bobida qirol,
Sharafu shon o‘zing, onamsan Vatan!
Qushday ozodligim bo‘lib qil parvoz,
Dildan muhabbatim yangragan ovoz.
Shoir, yuragingda qasidangni yoz,
Buyuk doston o‘zing, onamsan Vatan!
Gohi jim turib ham, sevishing mumkin,
Gohi qanot qoqib uchasan erkin.
Bir kun shu tuproqda topasan taskin,
Qutlug‘ oshyon o‘zing, onamsan Vatan!
Suv sepib poyingni yuvgan kelinchak,
Yalpiz va rayhonlar ungan gul, chechak.
Alpomish ulg‘aygan zamin belanchak,
Yeru osmon o‘zing, onamsan Vatan!
Bugun kechagidan shiddatli zamon,
Balki tug‘ilmoqda har uyda Cho‘lpon.
Navoiyni o‘qir butun bir jahon,
O‘zbekiston o‘zing, onamsan Vatan!
Hamid IKROM
Hamidjon Ikromjon o‘g‘li Pozilov
Qo‘qon universiteti talabasi
Osmonim kechalar yongan to‘lin oy,
Yo olis yulduzlar sochganda chiroy.
Betinim dalamga oqayotgan soy,
Ruhimga jon o‘zing, onamsan Vatan!
Shirin tushlarimda momom allasi,
Bobomning namozga qoyim pallasi.
Dehqonim uyqusiz yiqqan g‘allasi,
Tuganmas don o‘zing, onamsan Vatan!
Umidim tongida porlagan oftob,
Har vaqt Robbim sari chorlagan mehrob.
Manguga nur bo‘lib yoritar Kitob,
Haq So‘z - Qur'on o‘zing, onamsan Vatan!
Balki, ajdodlarim qonisan ulug‘,
Temurning qo‘lida hilpiragan tug‘.
Ming yillik tarixga qadalgan urug‘,
Turkiy xoqon o‘zing, onamsan Vatan!
G‘animga bo‘ysunmas To‘maris misol,
To‘qson alp qoshida yengilmas timsol.
Sevgi va sadoqat bobida qirol,
Sharafu shon o‘zing, onamsan Vatan!
Qushday ozodligim bo‘lib qil parvoz,
Dildan muhabbatim yangragan ovoz.
Shoir, yuragingda qasidangni yoz,
Buyuk doston o‘zing, onamsan Vatan!
Gohi jim turib ham, sevishing mumkin,
Gohi qanot qoqib uchasan erkin.
Bir kun shu tuproqda topasan taskin,
Qutlug‘ oshyon o‘zing, onamsan Vatan!
Suv sepib poyingni yuvgan kelinchak,
Yalpiz va rayhonlar ungan gul, chechak.
Alpomish ulg‘aygan zamin belanchak,
Yeru osmon o‘zing, onamsan Vatan!
Bugun kechagidan shiddatli zamon,
Balki tug‘ilmoqda har uyda Cho‘lpon.
Navoiyni o‘qir butun bir jahon,
O‘zbekiston o‘zing, onamsan Vatan!
Hamid IKROM
Hamidjon Ikromjon o‘g‘li Pozilov
Qo‘qon universiteti talabasi
🕊2