Gulxan atrofidagi qizgʻin ijodiy mushoira boʻlib oʻtdi
🏫 Qoʻqon universitetida "Ma'rifat ulashib" loyihasi doirasida gulxan atrofida unutilmas mushoira boʻlib oʻtdi. Mazkur mushoira Qoʻqon universiteti hamda O‘zbekiston davlat san'at va madaniyat instituti Farg‘ona mintaqaviy filiali hamkorligida tashkil etildi.
Talaba yoshlarni adabiyot va sheʼriyatga oshno qilish ularni isteʼdodini roʻyobga chiqarish maqsadida tashkil etilgan kechada Oʻzbekiston xalq shoiri Usmon Azim oʻz ijodidan parchalar oʻqib, oʻz oʻrnida yosh iqtidorli talabalar ijodidan, kuy va qoʻshiqlaridan bahramand boʻldi.
🔠 Bir soʻz bilan aytganda, gulxan atrofida ijodkorlarni jamlagan kecha oʻzgacha fayz va tarovatni baxsh etdi, adabiyotga boʻlgan mehr va muhabbatni ifoda etdi.
🌐Web-site🕊Telegram|📱Facebook|📱Instagram|📺YouTube
🏫 Qoʻqon universitetida "Ma'rifat ulashib" loyihasi doirasida gulxan atrofida unutilmas mushoira boʻlib oʻtdi. Mazkur mushoira Qoʻqon universiteti hamda O‘zbekiston davlat san'at va madaniyat instituti Farg‘ona mintaqaviy filiali hamkorligida tashkil etildi.
Talaba yoshlarni adabiyot va sheʼriyatga oshno qilish ularni isteʼdodini roʻyobga chiqarish maqsadida tashkil etilgan kechada Oʻzbekiston xalq shoiri Usmon Azim oʻz ijodidan parchalar oʻqib, oʻz oʻrnida yosh iqtidorli talabalar ijodidan, kuy va qoʻshiqlaridan bahramand boʻldi.
🔠 Bir soʻz bilan aytganda, gulxan atrofida ijodkorlarni jamlagan kecha oʻzgacha fayz va tarovatni baxsh etdi, adabiyotga boʻlgan mehr va muhabbatni ifoda etdi.
🌐Web-site🕊Telegram|📱Facebook|📱Instagram|📺YouTube
GULXAN ATROFIDA
Oydin tunlar aro yig‘ilgan o‘ylar,
Yurakdan otilar vulqon singari.
Kimning aytolmagan dardini so‘ylar,
Jur'at qilolmagan sira ilgari.
O‘rtada lovullab yonayotgan o‘t,
SHoir ohlarimi, yo ko‘ngil tafti!?
Dunyo ishlariga qilmayin sukut,
Olovdek guvillar kimningdir shaxti!
Bu tun dillashadi tilsiz bo‘lsa ham,
Bu tun quchog‘iga sig‘maydi dardi.
Ko‘ngil sohiblari bo‘lganida jam,
Gulxanda kul bo‘lar olamning gardi.
Hamid IKROM
Oydin tunlar aro yig‘ilgan o‘ylar,
Yurakdan otilar vulqon singari.
Kimning aytolmagan dardini so‘ylar,
Jur'at qilolmagan sira ilgari.
O‘rtada lovullab yonayotgan o‘t,
SHoir ohlarimi, yo ko‘ngil tafti!?
Dunyo ishlariga qilmayin sukut,
Olovdek guvillar kimningdir shaxti!
Bu tun dillashadi tilsiz bo‘lsa ham,
Bu tun quchog‘iga sig‘maydi dardi.
Ko‘ngil sohiblari bo‘lganida jam,
Gulxanda kul bo‘lar olamning gardi.
Hamid IKROM
🕊1
SOG‘INGANIM, SEN!
Ona allasida sog‘inganim, sen,
Oqshom samolarda sayr etar ruhim.
Yoshim o‘tib borar xuddi shu yo‘sin,
Umrimni o‘g‘irlab ketar berahm.
Xayollar daryoday oqmoqda sokin,
Hayot ham o‘tmoqda osmon ostidan.
Bolaligim mendan qochgancha sekin,
Qushdek uchib ketar yillar ortidan.
Qanotsiz kezadi bulutlar aro,
Gohi chaqmoqdayin shovqin soladi.
Yomg‘irday ko‘nglimga beradi oro,
So‘ng yana ro‘yoday tinchib qoladi.
Ajib dunyo ekan bolalik chog‘i,
Zilol suvlar oqar tushlarida ham.
Bir olam orzuga to‘la quchog‘i,
Shodlik kulgusidan baxtiyor har dam.
Ariq bo‘ylarini kezgan izlari,
Gulu rayhonlarga burkangan bugun.
Shu aziz tuproqda o‘q ildizlari,
Unib o‘sayotir kelajak uchun.
Umrimning eng totli onlarini men,
Shamolday yugurib-yelib o‘tqazdim.
Doim g‘olib bo‘ldim, mag‘lub eding sen,
Lekin, vaqt oldida aniq yutqazdim.
Ajinlar o‘radi onam yuzini,
Oq ro‘moli kabi sochi ham oppoq.
Shom aro so‘ngandek nurli ko‘zini,
Munavvar tongidan ayladi firoq.
Otamning tog‘lardek mag‘rur qaddi xam,
O‘tli qadamlari sustlashib qoldi.
Sherdek quvvatini balki oldi g‘am,
Turmush tashvishlardan ruhi ham toldi.
Yolg‘onlar, g‘iybatlar bizni qaritar,
Aldangan yoshlikning go‘zal husniga.
Qorong‘u yo‘llarni yana yoritar,
Umid yulduzlari yog‘ib ustiga.
Tabiat qonuni shunday o‘tarkan,
Yillarni yillarga qo‘shib, oshirib.
Milliardlab jonlarni qanday ko‘targan,
Zaminni zamona qo‘ydi shoshirib.
Quvnoq bolalikka ko‘z tegdimi, yo
O‘lmoqda beg‘ubor yuraklar o‘qdan.
Jaholat, zalolat, qabohat dunyo
Ayrildi iymondan, balki, bor-yo‘qdan…
Ammo, bolalik, sen – shirin xotira,
Barchaning yodida intizor so‘zing.
Bokira ko‘nglingni buzmagin sira,
Bolam bilan takror yashaysan o‘zing!
Senda hali bordir musaffo osmon,
Hali yam-yashildir yoshlik bog‘laring,
Bolaning hech biri bo‘lmaydi yomon,
Qularkan ulug‘vor ishonch tog‘laring.
Murg‘ak qalbingga gard qo‘nmasa agar,
Kapalak umringni qilarsan shodon.
Dunyo saodati ko‘ksingdagi zar,
Bola bo‘lib qolgin, ey, katta inson!
Sog‘inganim sensan, qaytmas bolalik!…
Hamid IKROM
Ona allasida sog‘inganim, sen,
Oqshom samolarda sayr etar ruhim.
Yoshim o‘tib borar xuddi shu yo‘sin,
Umrimni o‘g‘irlab ketar berahm.
Xayollar daryoday oqmoqda sokin,
Hayot ham o‘tmoqda osmon ostidan.
Bolaligim mendan qochgancha sekin,
Qushdek uchib ketar yillar ortidan.
Qanotsiz kezadi bulutlar aro,
Gohi chaqmoqdayin shovqin soladi.
Yomg‘irday ko‘nglimga beradi oro,
So‘ng yana ro‘yoday tinchib qoladi.
Ajib dunyo ekan bolalik chog‘i,
Zilol suvlar oqar tushlarida ham.
Bir olam orzuga to‘la quchog‘i,
Shodlik kulgusidan baxtiyor har dam.
Ariq bo‘ylarini kezgan izlari,
Gulu rayhonlarga burkangan bugun.
Shu aziz tuproqda o‘q ildizlari,
Unib o‘sayotir kelajak uchun.
Umrimning eng totli onlarini men,
Shamolday yugurib-yelib o‘tqazdim.
Doim g‘olib bo‘ldim, mag‘lub eding sen,
Lekin, vaqt oldida aniq yutqazdim.
Ajinlar o‘radi onam yuzini,
Oq ro‘moli kabi sochi ham oppoq.
Shom aro so‘ngandek nurli ko‘zini,
Munavvar tongidan ayladi firoq.
Otamning tog‘lardek mag‘rur qaddi xam,
O‘tli qadamlari sustlashib qoldi.
Sherdek quvvatini balki oldi g‘am,
Turmush tashvishlardan ruhi ham toldi.
Yolg‘onlar, g‘iybatlar bizni qaritar,
Aldangan yoshlikning go‘zal husniga.
Qorong‘u yo‘llarni yana yoritar,
Umid yulduzlari yog‘ib ustiga.
Tabiat qonuni shunday o‘tarkan,
Yillarni yillarga qo‘shib, oshirib.
Milliardlab jonlarni qanday ko‘targan,
Zaminni zamona qo‘ydi shoshirib.
Quvnoq bolalikka ko‘z tegdimi, yo
O‘lmoqda beg‘ubor yuraklar o‘qdan.
Jaholat, zalolat, qabohat dunyo
Ayrildi iymondan, balki, bor-yo‘qdan…
Ammo, bolalik, sen – shirin xotira,
Barchaning yodida intizor so‘zing.
Bokira ko‘nglingni buzmagin sira,
Bolam bilan takror yashaysan o‘zing!
Senda hali bordir musaffo osmon,
Hali yam-yashildir yoshlik bog‘laring,
Bolaning hech biri bo‘lmaydi yomon,
Qularkan ulug‘vor ishonch tog‘laring.
Murg‘ak qalbingga gard qo‘nmasa agar,
Kapalak umringni qilarsan shodon.
Dunyo saodati ko‘ksingdagi zar,
Bola bo‘lib qolgin, ey, katta inson!
Sog‘inganim sensan, qaytmas bolalik!…
Hamid IKROM
AHLI SHAYTANAT
Zamin o‘z o‘rnida aylanar hamon,
Mag‘ribdan otmadi haligacha tong!
Ammo ming tuslanib yuribdi inson,
Kimlardir g‘aflatda uxlamoqda dong.
Sarob xayollarning siniq qanoti,
Yana qayergacha qilarkan parvoz?!
Hatto, yashayotgan yolg‘on hayoti
Tugasa bu zamin poklanar biroz.
Pul deb, orzu-havas yashnaydi bog‘i,
Yonmoqda xazondek bir chetda vijdon.
Ko‘rinmas shaytanat ahlin adog‘i,
Qo‘rqaman, olamda qolmasa iymon!
Rizqimizga kafil bo‘lganda Alloh,
Nechun behudaga chopamiz har yoq.
Ochiq oyatlardan qildiku ogoh,
Afsus, ketmoqdamiz Haqdan biz yiroq!
Boy berdik dunyo deb, farzi namozni,
Mehnat — ibodat deb, barisi qazo.
Azonning o‘rniga dardli ovozni
Tinglaydi mozorga aylangan G‘azo!..
Vijdon erkin deya qo‘ydik holiga,
Endi, qarang unga maymunlar hayron!
Ribodan mast bo‘lgan el ahvoliga,
Musulmon deyishga aylanmas zabon!
Halol luqmasiga qilmas qanoat,
Ochko‘z tamagirning maoshi — pora.
O‘tkinchi dunyoga qo‘ydik muhabbat,
O‘pqon nafs dardiga topilmas chora!
Alafdek o‘smoqda har yerda zino,
Firibgar, fosiqlar yolg‘ondan guvoh.
Kibrda osmon qadar qurishib bino,
Yana kim o‘zarga qilishar gunoh.
Mo‘min birodarin yemaydi haqqin,
Aslo bir-biriga qilmas xiyonat!
Dunyo ishlaridan qiyomat yaqin,
Molimiz, jonimiz har on omonat!
G‘iybatlar shamoli esmoqda uzoq,
Qalblar ham shom qadar ketar qorayib.
Shaytonlar nafs uchun qo‘yarkan tuzoq,
Olam qabr kabi qolar torayib.
Yaxshiyam osmonning tutuvchisi bor,
Yo‘qsa, allaqachon tushardi qulab.
Yashar bu zamin ham islomi bedor
Taqvodor, iymonli bandalar sabab.
Ey do‘stim, qo‘y endi yovli boqishni,
Gullasin, yuksalsin insoniy qadr!
Yonib bo‘ldi dunyo, bas qil yoqishni,
Hech yo‘q, o‘z joningga qilmagin jabr!
Yaratganga qasam: qayt egri yo‘ldan,
Buning nihoyasi alamli azob!
Nasihat mendanmas, Haqdan, rasuldan,
Istagim, oxiring bo‘lmasin xarob!
Hamid IKROM
Zamin o‘z o‘rnida aylanar hamon,
Mag‘ribdan otmadi haligacha tong!
Ammo ming tuslanib yuribdi inson,
Kimlardir g‘aflatda uxlamoqda dong.
Sarob xayollarning siniq qanoti,
Yana qayergacha qilarkan parvoz?!
Hatto, yashayotgan yolg‘on hayoti
Tugasa bu zamin poklanar biroz.
Pul deb, orzu-havas yashnaydi bog‘i,
Yonmoqda xazondek bir chetda vijdon.
Ko‘rinmas shaytanat ahlin adog‘i,
Qo‘rqaman, olamda qolmasa iymon!
Rizqimizga kafil bo‘lganda Alloh,
Nechun behudaga chopamiz har yoq.
Ochiq oyatlardan qildiku ogoh,
Afsus, ketmoqdamiz Haqdan biz yiroq!
Boy berdik dunyo deb, farzi namozni,
Mehnat — ibodat deb, barisi qazo.
Azonning o‘rniga dardli ovozni
Tinglaydi mozorga aylangan G‘azo!..
Vijdon erkin deya qo‘ydik holiga,
Endi, qarang unga maymunlar hayron!
Ribodan mast bo‘lgan el ahvoliga,
Musulmon deyishga aylanmas zabon!
Halol luqmasiga qilmas qanoat,
Ochko‘z tamagirning maoshi — pora.
O‘tkinchi dunyoga qo‘ydik muhabbat,
O‘pqon nafs dardiga topilmas chora!
Alafdek o‘smoqda har yerda zino,
Firibgar, fosiqlar yolg‘ondan guvoh.
Kibrda osmon qadar qurishib bino,
Yana kim o‘zarga qilishar gunoh.
Mo‘min birodarin yemaydi haqqin,
Aslo bir-biriga qilmas xiyonat!
Dunyo ishlaridan qiyomat yaqin,
Molimiz, jonimiz har on omonat!
G‘iybatlar shamoli esmoqda uzoq,
Qalblar ham shom qadar ketar qorayib.
Shaytonlar nafs uchun qo‘yarkan tuzoq,
Olam qabr kabi qolar torayib.
Yaxshiyam osmonning tutuvchisi bor,
Yo‘qsa, allaqachon tushardi qulab.
Yashar bu zamin ham islomi bedor
Taqvodor, iymonli bandalar sabab.
Ey do‘stim, qo‘y endi yovli boqishni,
Gullasin, yuksalsin insoniy qadr!
Yonib bo‘ldi dunyo, bas qil yoqishni,
Hech yo‘q, o‘z joningga qilmagin jabr!
Yaratganga qasam: qayt egri yo‘ldan,
Buning nihoyasi alamli azob!
Nasihat mendanmas, Haqdan, rasuldan,
Istagim, oxiring bo‘lmasin xarob!
Hamid IKROM
👍1🕊1
YOMG‘IR
Haqdan nido keldi bu tun ilohiy,
Chaqmoqqa aylanib xitob, so‘zlari.
Go‘yo ummat uchun kelmoqda vahiy,
Yarim tun ularning uxlar ko‘zlari.
Yer uzra yubordi rizq, obi-hayot,
Shiddatli yog‘ilar tomchilarda dur.
Sabo ila kelar samodan bayot,
Dardli dillar aro bag‘ishlab huzur.
Balki, duolarning ijobatidan
Bu hol Yaratganning ishorasidir.
Balki, chin mo‘minning ibodatidan
Robbimning bizlarga nazorasidir.
Balki, g‘uborlardan poklamoq uchun,
Kavsarni quymoqda boshimizdan Haq.
Balki, gunohlardan qoraydi ochun,
G‘aflat uyqusidan bo‘lmoqda ilhaq.
Har yerda jaholat ko‘rsatmoqda bo‘y,
Har yerda kezmoqda shamolday qotil.
Meni qiynamoqda yagona bir o‘y,
Avj olar dunyoda har ishda botil.
Ko'kdan yomg'ir yog'sa, shodlanar ko'ngil,
Tuproqqa jon kirib, yashnaydi bog'lar.
Lekin, yog'dirsachi o'qlar jazoyil,
Parchalanib ketar, hattoki tog'lar.
Turfa xil o'simlik, xilma xil jonzot,
Robbimizning bergan ko'p inoyati.
Buzg'unchilik odam ishlari, nahot,
Kechirilmas uning bu jinoyati!
Ne'matlar ziyoda, shukronalik yo‘q,
Illatlar chivinday tarqadi bugun.
Fursatlar o‘tdimi, otildimi o‘q,
Musulmonlar buncha bo‘lmasa zabun?!
G‘azoda go‘daklar chekmoqda afg‘on,
G‘azabdan yo samo to‘kmoqda qahrin.
Jazoga loyiq ish qilmoqda inson,
Yoqmoqda qiymalab onalar bag‘rin.
Qasos deb, haddidan oshdi bir to‘da,
Bahona shu edi, asli adovat.
Zolimlar do‘zaxga haydalgan poda,
Mazlumlar jannatda topar halovat.
Asrlar o‘tdiki, o‘zgarmadi kas,
Nuqul nafsi qonlar to‘kdi behuda.
O‘tkinchi dunyoda xudosiz nokas,
Iblis nayranggiga aldandi juda.
Ko‘plar zalolatda, gunohga botdi,
Kimning qulog‘i kar, kimning ko‘zi ko‘r.
Qabohat avj oldi, dillar dong qotdi,
Nahot, Odam nasli bo‘lsa odamxo‘r!
Balki osmon qalbin bo‘shatdi bu tun,
Dardli yukidan u bo‘lgancha xalos.
G‘azoda qoldimi bir bag‘ri butun,
Qoldimi ko‘zida yonmagan qasos!?
Hatto, zolimlardan to‘ydi bu zamin,
Bulg‘adi har yerga yetgan qadami.
Dunyoning umriga bo‘lmoqda zomin,
Bostirib kelmoqda qiyomat g‘ami.
Tavba qil, tavba qil, tavba qil inson,
Ko‘kdan tushayotgan tomchilar qadar.
Allohdan mehribon zot yo‘qdir, ishon,
Iymonga, insofga kelsang sen, agar!
Yomg'ir yog'ib yuvgin zamin bag'rini,
Poklanib yashnasin har yer, dala, qir.
Qondirgin chanqog'in Orol bahrini,
Hasad olovin ham o'chirgin oxir.
Hamid IKROM
Haqdan nido keldi bu tun ilohiy,
Chaqmoqqa aylanib xitob, so‘zlari.
Go‘yo ummat uchun kelmoqda vahiy,
Yarim tun ularning uxlar ko‘zlari.
Yer uzra yubordi rizq, obi-hayot,
Shiddatli yog‘ilar tomchilarda dur.
Sabo ila kelar samodan bayot,
Dardli dillar aro bag‘ishlab huzur.
Balki, duolarning ijobatidan
Bu hol Yaratganning ishorasidir.
Balki, chin mo‘minning ibodatidan
Robbimning bizlarga nazorasidir.
Balki, g‘uborlardan poklamoq uchun,
Kavsarni quymoqda boshimizdan Haq.
Balki, gunohlardan qoraydi ochun,
G‘aflat uyqusidan bo‘lmoqda ilhaq.
Har yerda jaholat ko‘rsatmoqda bo‘y,
Har yerda kezmoqda shamolday qotil.
Meni qiynamoqda yagona bir o‘y,
Avj olar dunyoda har ishda botil.
Ko'kdan yomg'ir yog'sa, shodlanar ko'ngil,
Tuproqqa jon kirib, yashnaydi bog'lar.
Lekin, yog'dirsachi o'qlar jazoyil,
Parchalanib ketar, hattoki tog'lar.
Turfa xil o'simlik, xilma xil jonzot,
Robbimizning bergan ko'p inoyati.
Buzg'unchilik odam ishlari, nahot,
Kechirilmas uning bu jinoyati!
Ne'matlar ziyoda, shukronalik yo‘q,
Illatlar chivinday tarqadi bugun.
Fursatlar o‘tdimi, otildimi o‘q,
Musulmonlar buncha bo‘lmasa zabun?!
G‘azoda go‘daklar chekmoqda afg‘on,
G‘azabdan yo samo to‘kmoqda qahrin.
Jazoga loyiq ish qilmoqda inson,
Yoqmoqda qiymalab onalar bag‘rin.
Qasos deb, haddidan oshdi bir to‘da,
Bahona shu edi, asli adovat.
Zolimlar do‘zaxga haydalgan poda,
Mazlumlar jannatda topar halovat.
Asrlar o‘tdiki, o‘zgarmadi kas,
Nuqul nafsi qonlar to‘kdi behuda.
O‘tkinchi dunyoda xudosiz nokas,
Iblis nayranggiga aldandi juda.
Ko‘plar zalolatda, gunohga botdi,
Kimning qulog‘i kar, kimning ko‘zi ko‘r.
Qabohat avj oldi, dillar dong qotdi,
Nahot, Odam nasli bo‘lsa odamxo‘r!
Balki osmon qalbin bo‘shatdi bu tun,
Dardli yukidan u bo‘lgancha xalos.
G‘azoda qoldimi bir bag‘ri butun,
Qoldimi ko‘zida yonmagan qasos!?
Hatto, zolimlardan to‘ydi bu zamin,
Bulg‘adi har yerga yetgan qadami.
Dunyoning umriga bo‘lmoqda zomin,
Bostirib kelmoqda qiyomat g‘ami.
Tavba qil, tavba qil, tavba qil inson,
Ko‘kdan tushayotgan tomchilar qadar.
Allohdan mehribon zot yo‘qdir, ishon,
Iymonga, insofga kelsang sen, agar!
Yomg'ir yog'ib yuvgin zamin bag'rini,
Poklanib yashnasin har yer, dala, qir.
Qondirgin chanqog'in Orol bahrini,
Hasad olovin ham o'chirgin oxir.
Hamid IKROM
🕊2
TOG‘LAR BAG‘RIDA
Men tog‘lar bag‘rida yashayotgan bog‘,
Yaproqlari qadar orzulari mo‘l.
Yuksalgan shoxlarning quvonchidek chog‘
Dilimni erkalar sho‘x-shodon shamol.
Soylarida oqar obi-hayot, dur,
Unda yuzin yuvar oqshomlari oy.
Chamanzor ichidan quyosh olib nur,
Olamga beradi yanada chiroy.
Qishloqdan boshlanar aslida hayot,
Savdo karvonidan uyg‘onar shahar.
Savdogari saxiy, baxilligi yot,
So‘zidan bol tomar to shomu sahar.
Fayzi, sehri tortar har bir ko‘chasin,
Ariq bo‘ylarida xushbo‘y rayhonlar.
Yulduzlari mangu porlar kechasin,
Bog‘u bo‘ston bo‘lib chorlar sayhonlar.
Odamiylik yuki har bir yelkada,
Tog‘ni talqon qilar Farhodlari bor.
Hidoyat yor bo‘lgan qutlug‘ o‘lkada,
Saodat kutmoqda bizni intizor.
Samoga bo‘ylashgan cho‘qqilar aro,
Orzu, maqsadimiz ulardek ulug‘.
Vodiyda tug‘ilgan bari shuaro,
Shu zamin bag‘rida nish urgan urug‘.
Yaratar bog‘boni Jannat qo‘lida,
Dehqoni tuproqqa ato etar jon.
Fidokor xalqi bor, Alloh yo‘lida
Yurtini yanada aylar farovon.
Men tog‘lar bag‘rida hayqiraman shod,
Sa’va, bulbullarning baxtli navosi.
Qaniydi suv bo‘lib oqsam umrbod,
Qora loy tuprog‘i, bo‘lsam havosi.
Musaffo osmonin ozod qushiman,
Charx urib olamni qilsam sarafroz.
Bu elning saodat orzu, tushiman,
Porloq kelajakka intilgan parvoz.
Bolasin ko‘zida chaqnagan umid,
Gulu lolalardek ko‘kka qaraydi.
Qaytadan tug‘ilgan ming-minglab jadid,
Shu vatan koriga bir kun yaraydi.
Men tog‘lar bag‘ridan ko‘chayotgan tosh,
Istiqloling uchun ming bor qulayman.
Sinovlar kelsa gar qilaman bardosh,
Xalqimga omonlik Haqdan tilayman.
O‘zing bizni shunday yaratding Egam,
O‘zing panohingda asragin har chog‘.
Yurtimni dunyoda qilsang bas, bekam,
Yashasin yosh-qari baxtiyor va sog‘!
Hamid IKROM
Men tog‘lar bag‘rida yashayotgan bog‘,
Yaproqlari qadar orzulari mo‘l.
Yuksalgan shoxlarning quvonchidek chog‘
Dilimni erkalar sho‘x-shodon shamol.
Soylarida oqar obi-hayot, dur,
Unda yuzin yuvar oqshomlari oy.
Chamanzor ichidan quyosh olib nur,
Olamga beradi yanada chiroy.
Qishloqdan boshlanar aslida hayot,
Savdo karvonidan uyg‘onar shahar.
Savdogari saxiy, baxilligi yot,
So‘zidan bol tomar to shomu sahar.
Fayzi, sehri tortar har bir ko‘chasin,
Ariq bo‘ylarida xushbo‘y rayhonlar.
Yulduzlari mangu porlar kechasin,
Bog‘u bo‘ston bo‘lib chorlar sayhonlar.
Odamiylik yuki har bir yelkada,
Tog‘ni talqon qilar Farhodlari bor.
Hidoyat yor bo‘lgan qutlug‘ o‘lkada,
Saodat kutmoqda bizni intizor.
Samoga bo‘ylashgan cho‘qqilar aro,
Orzu, maqsadimiz ulardek ulug‘.
Vodiyda tug‘ilgan bari shuaro,
Shu zamin bag‘rida nish urgan urug‘.
Yaratar bog‘boni Jannat qo‘lida,
Dehqoni tuproqqa ato etar jon.
Fidokor xalqi bor, Alloh yo‘lida
Yurtini yanada aylar farovon.
Men tog‘lar bag‘rida hayqiraman shod,
Sa’va, bulbullarning baxtli navosi.
Qaniydi suv bo‘lib oqsam umrbod,
Qora loy tuprog‘i, bo‘lsam havosi.
Musaffo osmonin ozod qushiman,
Charx urib olamni qilsam sarafroz.
Bu elning saodat orzu, tushiman,
Porloq kelajakka intilgan parvoz.
Bolasin ko‘zida chaqnagan umid,
Gulu lolalardek ko‘kka qaraydi.
Qaytadan tug‘ilgan ming-minglab jadid,
Shu vatan koriga bir kun yaraydi.
Men tog‘lar bag‘ridan ko‘chayotgan tosh,
Istiqloling uchun ming bor qulayman.
Sinovlar kelsa gar qilaman bardosh,
Xalqimga omonlik Haqdan tilayman.
O‘zing bizni shunday yaratding Egam,
O‘zing panohingda asragin har chog‘.
Yurtimni dunyoda qilsang bas, bekam,
Yashasin yosh-qari baxtiyor va sog‘!
Hamid IKROM
🕊1
YOMG‘IRLI O‘YLAR
Osmon bilan sirlashdim bugun,
Sirlashgani yaramadi lek.
Dardlarimni tingladi butun,
Bir so‘z demay turganicha tek.
Tongga yaqin charchadim, yotdim,
Bir zumgina ko‘zim ilinib.
Shu ondayoq uxladim, qotdim,
Kimdir yig‘lay boshlar ezilib.
Yaramadi sirlashgani ko‘k,
Sirlarimni olamga yoydi.
Sening darding bo‘ldi og‘ir yuk
Deya, samo meni koyidi.
Yog‘di, yog‘di maydalab yomg‘ir,
Dilim go‘yo yig‘lar u bilan.
Yig‘lab, yig‘lab bo‘shadi bag‘ir,
Xursand bo‘ldi alaf yo gulshan.
Tashvishim ham kimlargadir to‘y,
Saodatim kimlarga aza!?
Yomg‘ir bo‘lib yog‘ayotgan o‘y,
O‘z holimga qo‘ymas bir lahza.
Ko‘k yuzida porlamas quyosh,
Xuddi mening yuragim kabi.
Gohi to‘xtab, yana to‘kar yosh,
Mazlumlarning ohi – sababi.
Dunyo dardi qiynar falakni,
Urushlardan charchadi olam.
Dod-faryodlar ezar yurakni,
Qonsiragan bunchalar odam!!!
Qo‘rqaman bu falak yoshidan,
To‘xtatishga bizlar ojizmiz!
Qushlar otgan sopol toshidan,
Qanday omon qolar jonimiz!?
Nuh qavmi g‘arq bo‘ldi to‘fonga,
Fir’avndek g‘ofil, imonsiz.
Qachon ibrat bo‘lar insonga,
Yo so‘nggi dam qolar imkonsiz!..
O‘ylarimdan yorishdi osmon,
Har tugul o‘y surdi falak ham.
Dunyoni shu saqlasa omon,
Kel, tinchlikda yashaylik birdam!
Yomg‘ir mo‘l-ko‘l rizq yog‘aversin,
Quyosh, oy – bu, kecha-kunduzlar.
Ariq to‘la suv oqaversin,
Tunda porlab tursin yulduzlar.
Hamid IKROM
Qo‘qon universiteti
Osmon bilan sirlashdim bugun,
Sirlashgani yaramadi lek.
Dardlarimni tingladi butun,
Bir so‘z demay turganicha tek.
Tongga yaqin charchadim, yotdim,
Bir zumgina ko‘zim ilinib.
Shu ondayoq uxladim, qotdim,
Kimdir yig‘lay boshlar ezilib.
Yaramadi sirlashgani ko‘k,
Sirlarimni olamga yoydi.
Sening darding bo‘ldi og‘ir yuk
Deya, samo meni koyidi.
Yog‘di, yog‘di maydalab yomg‘ir,
Dilim go‘yo yig‘lar u bilan.
Yig‘lab, yig‘lab bo‘shadi bag‘ir,
Xursand bo‘ldi alaf yo gulshan.
Tashvishim ham kimlargadir to‘y,
Saodatim kimlarga aza!?
Yomg‘ir bo‘lib yog‘ayotgan o‘y,
O‘z holimga qo‘ymas bir lahza.
Ko‘k yuzida porlamas quyosh,
Xuddi mening yuragim kabi.
Gohi to‘xtab, yana to‘kar yosh,
Mazlumlarning ohi – sababi.
Dunyo dardi qiynar falakni,
Urushlardan charchadi olam.
Dod-faryodlar ezar yurakni,
Qonsiragan bunchalar odam!!!
Qo‘rqaman bu falak yoshidan,
To‘xtatishga bizlar ojizmiz!
Qushlar otgan sopol toshidan,
Qanday omon qolar jonimiz!?
Nuh qavmi g‘arq bo‘ldi to‘fonga,
Fir’avndek g‘ofil, imonsiz.
Qachon ibrat bo‘lar insonga,
Yo so‘nggi dam qolar imkonsiz!..
O‘ylarimdan yorishdi osmon,
Har tugul o‘y surdi falak ham.
Dunyoni shu saqlasa omon,
Kel, tinchlikda yashaylik birdam!
Yomg‘ir mo‘l-ko‘l rizq yog‘aversin,
Quyosh, oy – bu, kecha-kunduzlar.
Ariq to‘la suv oqaversin,
Tunda porlab tursin yulduzlar.
Hamid IKROM
Qo‘qon universiteti
👍3❤2
ZIYOKORIM
Nurli yo‘llaringdan oshiqmoqdaman,
Saodat manzilin oliy uyiga.
Ulug‘ maqsad uchun yashamoqdaman,
Hozirdan sho‘ng‘idim uning o‘yiga.
Maktab hovlisida ming xil xayollar,
Bolalar ko‘zida umid va ishonch.
Yomg‘irdek yog‘ilar turli savollar,
Javoblar izlayman, yuzlarda quvonch.
Bo‘r bilan taxtaga yozilgan ilk so‘z,
Bolalik chog‘imni esga soladi.
Menga boqar ekan o‘nlab qorako‘z,
Ularda yoshligim mangu qoladi.
Orzular haqiqat eshigin qoqar,
Yuragimda urar momaqaldiroq.
Kiprigim ostidan ichimga oqar,
Yosh to‘la hayajon, yangrar qo‘ng‘iroq!
Shirin xayollarning ko‘lankasida,
Osmonni boshimga kiyib olibman.
Saratonning saxiy alangasida,
Tandirdagi nondek pishib qolibman.
Bilimyurtimizning sahovati keng,
Orzu, umidlarga bo‘ladi zamin.
Doimo chorlaydi yuksaklikda eng,
Porla der yulduzlar singari yorqin.
Tushlar hayotimga aylanar chog‘i,
Kim neni tilasa, yetar murodga.
Ezgu niyatlarning yashnasin bog‘i,
Ziyokor nur bo‘ling har iste'dodga.
Hamid IKROM
QO‘QON universiteti
Nurli yo‘llaringdan oshiqmoqdaman,
Saodat manzilin oliy uyiga.
Ulug‘ maqsad uchun yashamoqdaman,
Hozirdan sho‘ng‘idim uning o‘yiga.
Maktab hovlisida ming xil xayollar,
Bolalar ko‘zida umid va ishonch.
Yomg‘irdek yog‘ilar turli savollar,
Javoblar izlayman, yuzlarda quvonch.
Bo‘r bilan taxtaga yozilgan ilk so‘z,
Bolalik chog‘imni esga soladi.
Menga boqar ekan o‘nlab qorako‘z,
Ularda yoshligim mangu qoladi.
Orzular haqiqat eshigin qoqar,
Yuragimda urar momaqaldiroq.
Kiprigim ostidan ichimga oqar,
Yosh to‘la hayajon, yangrar qo‘ng‘iroq!
Shirin xayollarning ko‘lankasida,
Osmonni boshimga kiyib olibman.
Saratonning saxiy alangasida,
Tandirdagi nondek pishib qolibman.
Bilimyurtimizning sahovati keng,
Orzu, umidlarga bo‘ladi zamin.
Doimo chorlaydi yuksaklikda eng,
Porla der yulduzlar singari yorqin.
Tushlar hayotimga aylanar chog‘i,
Kim neni tilasa, yetar murodga.
Ezgu niyatlarning yashnasin bog‘i,
Ziyokor nur bo‘ling har iste'dodga.
Hamid IKROM
QO‘QON universiteti
👍2🕊2❤1
BITIRUV OQSHOMI
Shom aro ufqning yuzida shafaq,
Rom etar, naqadar, gulgun chehralar.
Baxmal lolalardan rangin zavqu shavq,
Dillarga ulashar cheksiz bahralar.
Talabalar gavjum ayriliq oni,
Lekin ko‘kdan ko‘ngil oydin, to‘lin oy.
Yanada charog‘on nurli osmoni,
Yulduzlar yer uzra kezar, hoynahoy.
To‘rt yil qadrdonim, bilim makonim
Bag‘rida ulg‘ayib, ko‘kka bo‘y cho‘zdik.
Kamolot tojisan ilmu urfonim,
Aql zakovatda birlashib o‘zdik.
Gohida bellashdik bo‘lgancha raqib,
Lekin qayrilmadi do‘stlik qanotim.
Kunu oy, yillarni o‘tdik munosib,
Talabalik bo‘ldi shirin hayotim.
Bizni qabul qilgan kecha ostonang,
Bugun kuzatar xush tilaklar bilan.
Sen-la, orzulari ushalgan onang,
Qanchalar bu kunni kutgandi, bilsang!
Endi, elu yurting ishonchin oqla,
Aslo, so‘ndirmagin umid nurini.
Ulug‘ maslagingni qalbingda saqla,
Ziyoga chulg‘agin yoshlik shuurini.
Bu tun oydin tunlar aro munavvar,
Butun armonlarning qolmadi izi.
Qadringiz beqiyos, ustoz, naqadar,
Siz borsiz, qurimas ilm dengizi.
Ko‘p yillik zahmatlar tugar bu oqshom,
Balki, kutayotir porloq kelajak.
Taqdir saqlayotir qandayin in’om,
Yangi kasb, daraja, imkon muborak!
Hamid IKROM
QO‘QON universiteti bitiruvchisi
Shom aro ufqning yuzida shafaq,
Rom etar, naqadar, gulgun chehralar.
Baxmal lolalardan rangin zavqu shavq,
Dillarga ulashar cheksiz bahralar.
Talabalar gavjum ayriliq oni,
Lekin ko‘kdan ko‘ngil oydin, to‘lin oy.
Yanada charog‘on nurli osmoni,
Yulduzlar yer uzra kezar, hoynahoy.
To‘rt yil qadrdonim, bilim makonim
Bag‘rida ulg‘ayib, ko‘kka bo‘y cho‘zdik.
Kamolot tojisan ilmu urfonim,
Aql zakovatda birlashib o‘zdik.
Gohida bellashdik bo‘lgancha raqib,
Lekin qayrilmadi do‘stlik qanotim.
Kunu oy, yillarni o‘tdik munosib,
Talabalik bo‘ldi shirin hayotim.
Bizni qabul qilgan kecha ostonang,
Bugun kuzatar xush tilaklar bilan.
Sen-la, orzulari ushalgan onang,
Qanchalar bu kunni kutgandi, bilsang!
Endi, elu yurting ishonchin oqla,
Aslo, so‘ndirmagin umid nurini.
Ulug‘ maslagingni qalbingda saqla,
Ziyoga chulg‘agin yoshlik shuurini.
Bu tun oydin tunlar aro munavvar,
Butun armonlarning qolmadi izi.
Qadringiz beqiyos, ustoz, naqadar,
Siz borsiz, qurimas ilm dengizi.
Ko‘p yillik zahmatlar tugar bu oqshom,
Balki, kutayotir porloq kelajak.
Taqdir saqlayotir qandayin in’om,
Yangi kasb, daraja, imkon muborak!
Hamid IKROM
QO‘QON universiteti bitiruvchisi
👍3
ULUG‘ NE’MAT
Dunyo keng – bepayon zamin naqadar,
Adog‘siz samoga tutashgan go‘yo.
Olis manzillarga ketsam men agar,
Sensiz xalovat yo‘q, topganim ro‘yo.
Hatto sog‘inaman giyohlaringni,
Ko‘changdan o‘tar hur qizlaringni ham.
Sira tinchlik bermas nigohlarini,
Begona ko‘zlardan izlayman bir dam.
O‘zga yurtlar qancha bo‘lmasin sirli,
Topolmayman undan izlarin onam.
Tog‘lari ulug‘vor, bog‘lar sehrli,
Lekin bolalikdan aziz ostonam.
Men tug‘ilgan oshyon balki ko‘rimsiz,
Buyuklikka da’vo qilmas devori.
Yana shamollar ham esar tinimsiz,
Lekin eli sofdil, ko‘kda viqori.
Balki cho‘qqilarga chiqmas, quchmas ham,
Ammo yigitlarning ori bor osmon.
Oyu Marsga bizdan hali uchmas ham,
Bu xalq orzularda uchar begumon.
Ozod vatanimning Humo qushiman,
Ochiq osmonida sanayman yulduz.
Ro‘yobga aylangan elning tushiman,
Istiqlol ne’mati – bo‘ldik yorug‘ yuz!
Yana Temurlarning chiqar dovrug‘i,
Turkiy xalqlar bo‘lib bir tanu, bir jon.
Dunyoni egallar adolat tug‘i,
O‘zbekiston yana, yuksalgan zamon!
Hamid IKROM
UBS magistri
Dunyo keng – bepayon zamin naqadar,
Adog‘siz samoga tutashgan go‘yo.
Olis manzillarga ketsam men agar,
Sensiz xalovat yo‘q, topganim ro‘yo.
Hatto sog‘inaman giyohlaringni,
Ko‘changdan o‘tar hur qizlaringni ham.
Sira tinchlik bermas nigohlarini,
Begona ko‘zlardan izlayman bir dam.
O‘zga yurtlar qancha bo‘lmasin sirli,
Topolmayman undan izlarin onam.
Tog‘lari ulug‘vor, bog‘lar sehrli,
Lekin bolalikdan aziz ostonam.
Men tug‘ilgan oshyon balki ko‘rimsiz,
Buyuklikka da’vo qilmas devori.
Yana shamollar ham esar tinimsiz,
Lekin eli sofdil, ko‘kda viqori.
Balki cho‘qqilarga chiqmas, quchmas ham,
Ammo yigitlarning ori bor osmon.
Oyu Marsga bizdan hali uchmas ham,
Bu xalq orzularda uchar begumon.
Ozod vatanimning Humo qushiman,
Ochiq osmonida sanayman yulduz.
Ro‘yobga aylangan elning tushiman,
Istiqlol ne’mati – bo‘ldik yorug‘ yuz!
Yana Temurlarning chiqar dovrug‘i,
Turkiy xalqlar bo‘lib bir tanu, bir jon.
Dunyoni egallar adolat tug‘i,
O‘zbekiston yana, yuksalgan zamon!
Hamid IKROM
UBS magistri
❤🔥1❤1
TAMADDUN SARBONI
Botil yo‘qoladi haq kelgan chog‘i,
Zulmatni yoritar to‘lishganda oy.
Ustozlar mehridan ma’rifat bog‘i,
Bahor gullaridan oladi chiroy.
Quyoshdan charog‘on ilm ziyosi,
Koinotdan cheksiz tafakkuri bor.
Saodatli uning ikki dunyosi,
Haqqa eltar yo‘li, qalbda nuri bor.
Asli qadri osmon tog‘lardan ulug‘,
Lekin ko‘rinadi doim xokisor.
Xizrdek har qo‘ygan qadami qutlug‘,
Ilmidan cho‘llar ham yashnagan gulzor.
Hech kim tug‘ilgandan avliyo bo‘lmas,
U zotning hissasi ko‘pdir, beqiyos.
Buyuklar tug‘ilmas, daholar kelmas,
Agar bo‘lmaganda biror bir ustoz!
Umrimiz o‘tmoqda tongdan shom aro,
Zulmatdan nur sari yetaklar u zot.
Dunyoda yaralgan har bir ixtiro,
Bilsang ustoz bergan savodga isbot.
Jaholatga qarshi turar ma'rifat,
Demishlar: "Ilmdan yo‘q o‘zga najot!"
Insondagi barcha bor yaxshi sifat,
Ustoz mehnatidan topadi obod.
Navoiy nazdida ustozning haqi
Hatto yuz ganj ila bo‘lmaydi ado.
Shoirlar nazmidan Jannat peshtoqi,
Muallim sha’niga bitilur hatto.
Buxoriy, Beruniy, Farobiy kabi,
Ajdod ustozlarning ruhi bo‘lsin yor!
Hamon porlab turar ular oftobi,
Qiyomatga qadar so‘nmasin zinhor!
Bor bo‘lsin doimo ulardek ustoz,
Umrini ilmga tikkan fidokor.
Ongu shuurimizga berguvchi pardoz,
Olimu, sarkorlar bergan ziyokor.
Sizdan ta’lim olib qilamiz parvoz,
Barkamol avlodlar ulg‘ayar yana.
Haqdan, adolatdan so‘zlagan ustoz,
Tamaddunga boshlar bizni mardona!
Hamid IKROM
Pozilov Hamidjon Ikromjon o‘g‘li
"University of Business and Science" magistri
Botil yo‘qoladi haq kelgan chog‘i,
Zulmatni yoritar to‘lishganda oy.
Ustozlar mehridan ma’rifat bog‘i,
Bahor gullaridan oladi chiroy.
Quyoshdan charog‘on ilm ziyosi,
Koinotdan cheksiz tafakkuri bor.
Saodatli uning ikki dunyosi,
Haqqa eltar yo‘li, qalbda nuri bor.
Asli qadri osmon tog‘lardan ulug‘,
Lekin ko‘rinadi doim xokisor.
Xizrdek har qo‘ygan qadami qutlug‘,
Ilmidan cho‘llar ham yashnagan gulzor.
Hech kim tug‘ilgandan avliyo bo‘lmas,
U zotning hissasi ko‘pdir, beqiyos.
Buyuklar tug‘ilmas, daholar kelmas,
Agar bo‘lmaganda biror bir ustoz!
Umrimiz o‘tmoqda tongdan shom aro,
Zulmatdan nur sari yetaklar u zot.
Dunyoda yaralgan har bir ixtiro,
Bilsang ustoz bergan savodga isbot.
Jaholatga qarshi turar ma'rifat,
Demishlar: "Ilmdan yo‘q o‘zga najot!"
Insondagi barcha bor yaxshi sifat,
Ustoz mehnatidan topadi obod.
Navoiy nazdida ustozning haqi
Hatto yuz ganj ila bo‘lmaydi ado.
Shoirlar nazmidan Jannat peshtoqi,
Muallim sha’niga bitilur hatto.
Buxoriy, Beruniy, Farobiy kabi,
Ajdod ustozlarning ruhi bo‘lsin yor!
Hamon porlab turar ular oftobi,
Qiyomatga qadar so‘nmasin zinhor!
Bor bo‘lsin doimo ulardek ustoz,
Umrini ilmga tikkan fidokor.
Ongu shuurimizga berguvchi pardoz,
Olimu, sarkorlar bergan ziyokor.
Sizdan ta’lim olib qilamiz parvoz,
Barkamol avlodlar ulg‘ayar yana.
Haqdan, adolatdan so‘zlagan ustoz,
Tamaddunga boshlar bizni mardona!
Hamid IKROM
Pozilov Hamidjon Ikromjon o‘g‘li
"University of Business and Science" magistri
❤1👍1🕊1
KUTISH
Vokzal. Temir yo‘l bo‘yida odamlar,
Betoqat qimirlar tinmay qadamlar.
G‘arbga tomon botar kun boshi asta,
Sharqqa tikilgancha ko‘zlar shikasta.
Kunlar, soatlarda lahzalar sanab,
Tunlarni tushlarda o‘tkazar damlar.
Goh shirin, goh achchiq tashvishda sinab,
SHafaqdek yo‘qolib bormoqda g‘amlar.
Talpinar, potirlar qush kabi yurak,
Qadrdon uyiga oshiqib har kim.
Yuzingga o‘zini urib yelvizak,
Ayriliq va visol aro kezar jim.
Shahardan olisda kutar qishloqlar,
Unda qora ko‘zlar qolgan qadrdon.
Borsam borlig‘imni qaynoq quchoqlar,
Bir olam hislarga o‘rar begumon.
Ko‘nglimni ko‘tarar shirin xayollar,
Bolasin yelkaga olgan otadek.
Gohida yoshligin qo‘msagan chollar,
Kumushin eslaydi bo‘lib Otabek.
Kelajak orzusi, yo o‘tmish o‘yi,
Bizlarni qo‘ymaydi o‘z holiga hech.
Kuzatib yashaymiz umrimiz bo‘yi,
Tongni intiq kutib, kunni qilib kech...
Hamid IKROM
Pozilov Hamidjon Ikromjon o‘g‘li
"University of Business and Science" magistri
Vokzal. Temir yo‘l bo‘yida odamlar,
Betoqat qimirlar tinmay qadamlar.
G‘arbga tomon botar kun boshi asta,
Sharqqa tikilgancha ko‘zlar shikasta.
Kunlar, soatlarda lahzalar sanab,
Tunlarni tushlarda o‘tkazar damlar.
Goh shirin, goh achchiq tashvishda sinab,
SHafaqdek yo‘qolib bormoqda g‘amlar.
Talpinar, potirlar qush kabi yurak,
Qadrdon uyiga oshiqib har kim.
Yuzingga o‘zini urib yelvizak,
Ayriliq va visol aro kezar jim.
Shahardan olisda kutar qishloqlar,
Unda qora ko‘zlar qolgan qadrdon.
Borsam borlig‘imni qaynoq quchoqlar,
Bir olam hislarga o‘rar begumon.
Ko‘nglimni ko‘tarar shirin xayollar,
Bolasin yelkaga olgan otadek.
Gohida yoshligin qo‘msagan chollar,
Kumushin eslaydi bo‘lib Otabek.
Kelajak orzusi, yo o‘tmish o‘yi,
Bizlarni qo‘ymaydi o‘z holiga hech.
Kuzatib yashaymiz umrimiz bo‘yi,
Tongni intiq kutib, kunni qilib kech...
Hamid IKROM
Pozilov Hamidjon Ikromjon o‘g‘li
"University of Business and Science" magistri
✍1
YURTIM BAYROG‘I
Moviy osmon uzra yuksalsin shoning,
Amir Temur tutgan tug‘ning bor ruhi.
Mangu yuraklarda erur makoning,
Bor senda donishmand xalqim shukuhi.
Muqaddas iymonim pokligicha oq,
Porloq kelajakning orzulari bor.
Buyuk maqsadlarga bo‘lib bir mayoq,
Hilpira bayrog‘im, solgancha viqor.
Navqiron yoshlikning o‘zing timsoli,
Bizlarni boshlaysan g‘oliblik sari.
Sendan kuch oladi umid niholi,
Erkim, istiqbolim, senda bor bari.
Shamolning nafasi – shodlik onlari,
Samoga intilib hilpirar hamon.
Vatanim shavkati, sha’ni, shonlari,
Yanada yuksalsin chorlab sen tomon.
O‘saversin qadring tog‘dan-da, baland,
Har bir farzandlaring yutug‘larida.
Hech qanday to‘siqlar bo‘lmagan pisand,
Seni e’zozlagan ulug‘larida!
Jahon minbarida turgin abadiy,
Mening ozodligim ramzi bo‘lib qol.
Millatim ruhisan so‘nmas azaliy,
Sen bor, boyligimiz – yashar istiqlol.
Hilpira, Yurtboshi tutgan bayrog‘im,
Hilpira, dillarga solib bir g‘urur.
Sensan yuragimda aziz, ardog‘im,
Xalqimiz qalbini mangu et masrur!
Hamid IKROM
Pozilov Hamidjon Ikromjon o‘g‘li
“University of Business and Science” magistri
Moviy osmon uzra yuksalsin shoning,
Amir Temur tutgan tug‘ning bor ruhi.
Mangu yuraklarda erur makoning,
Bor senda donishmand xalqim shukuhi.
Muqaddas iymonim pokligicha oq,
Porloq kelajakning orzulari bor.
Buyuk maqsadlarga bo‘lib bir mayoq,
Hilpira bayrog‘im, solgancha viqor.
Navqiron yoshlikning o‘zing timsoli,
Bizlarni boshlaysan g‘oliblik sari.
Sendan kuch oladi umid niholi,
Erkim, istiqbolim, senda bor bari.
Shamolning nafasi – shodlik onlari,
Samoga intilib hilpirar hamon.
Vatanim shavkati, sha’ni, shonlari,
Yanada yuksalsin chorlab sen tomon.
O‘saversin qadring tog‘dan-da, baland,
Har bir farzandlaring yutug‘larida.
Hech qanday to‘siqlar bo‘lmagan pisand,
Seni e’zozlagan ulug‘larida!
Jahon minbarida turgin abadiy,
Mening ozodligim ramzi bo‘lib qol.
Millatim ruhisan so‘nmas azaliy,
Sen bor, boyligimiz – yashar istiqlol.
Hilpira, Yurtboshi tutgan bayrog‘im,
Hilpira, dillarga solib bir g‘urur.
Sensan yuragimda aziz, ardog‘im,
Xalqimiz qalbini mangu et masrur!
Hamid IKROM
Pozilov Hamidjon Ikromjon o‘g‘li
“University of Business and Science” magistri
❤2🕊1
TALABALIK
Yoshlikning navqiron onisan,
Betakror yillarning tojdori.
Umrimiz mehmoni-shonisan,
Kelajak umidim sardori.
Dillardan tillarga dostonsan,
Hali hech o‘chmagay izlaring.
Ko‘nglimiz bog‘ qilgan bo‘stonsan,
Yod etar yigitu qizlaring!
Egdingu egilmas boshimiz,
Kitoblar qoshida ming bora.
Yengmoqchi bo‘lasan doshimiz,
Imtihon chog‘ida tobora.
Orzularga ziyo, osmonsan,
Boshimizda doim parvona.
Parvoz uchun bergan imkonsan,
Qanot bo‘lgan har on mardona.
Keling, qo‘lni bering, ey, yoshlar!
Maqsad sari bo‘laylik biz jam.
Ko‘zlardan nur olsin quyoshlar,
Munavvar bu – yashnasin olam.
Kamalakdek rang-barang baxtdir,
Dunyolarga keng – g‘alabalik!
Kelajakka berilgan ahddir,
Tillolarga teng – talabalik!
Hamid IKROM
Pozilov Hamidjon Ikromjon o‘g‘li
"University of Business and Science" magistri
Yoshlikning navqiron onisan,
Betakror yillarning tojdori.
Umrimiz mehmoni-shonisan,
Kelajak umidim sardori.
Dillardan tillarga dostonsan,
Hali hech o‘chmagay izlaring.
Ko‘nglimiz bog‘ qilgan bo‘stonsan,
Yod etar yigitu qizlaring!
Egdingu egilmas boshimiz,
Kitoblar qoshida ming bora.
Yengmoqchi bo‘lasan doshimiz,
Imtihon chog‘ida tobora.
Orzularga ziyo, osmonsan,
Boshimizda doim parvona.
Parvoz uchun bergan imkonsan,
Qanot bo‘lgan har on mardona.
Keling, qo‘lni bering, ey, yoshlar!
Maqsad sari bo‘laylik biz jam.
Ko‘zlardan nur olsin quyoshlar,
Munavvar bu – yashnasin olam.
Kamalakdek rang-barang baxtdir,
Dunyolarga keng – g‘alabalik!
Kelajakka berilgan ahddir,
Tillolarga teng – talabalik!
Hamid IKROM
Pozilov Hamidjon Ikromjon o‘g‘li
"University of Business and Science" magistri
❤2🕊2
QUSHDAY YENGIL BO‘LING!
Taqdir hazilimi o‘tayotgan kun?
Orzular ekadi har on yo‘limga.
Kim neni istaydi, tilaydi bu tun?
Qalbimda borini tutar qo‘limga.
Ne tilasam bari bo‘lmas muhayyo,
Bu ham hayotimning buyuk hikmati.
Go‘zallik qilarkan doim mahliyo,
Haqiqatning esa bo‘lar zahmati.
Nozu ne’matlarga to‘la dasturxon,
Atrofida turar butun oilam.
Ezgu tilaklardan nurli xonadon,
Kelajakka mag‘rur boqadi bolam.
Ahir, sen men uchun aziz, muqaddas
Maqsadim boshida tug‘ilgan erksan.
Endi ortga yo‘l yo‘q, qaytma bir nafas,
Maslagim yo‘lida hamroh ekansan.
G‘animlar ortimdan toshlar otsalar,
Goho tegdi, goho yordi boshni ham.
Do‘stlarim tabassum ila sotsalar,
Yig‘lamay yuragim kuldi xotirjam.
Qushday yengil bo‘ldim har qanday damda,
Zaminga cho‘kmadim, ko‘kka bo‘y cho‘zdim.
Umrimiz past-baland yo‘l har qadamda,
Tanimdan ruhimni uzmayin o‘zdim.
Yelday esib kelgan o‘tarkan yillar,
Bilmam, ne sinovlar kutar oldinda.
Agarda pok bo‘lsa, orzuli dillar,
Odamlar olamda yashar oydinda…
Hamid IKROM
(Pozilov Hamidjon)
Taqdir hazilimi o‘tayotgan kun?
Orzular ekadi har on yo‘limga.
Kim neni istaydi, tilaydi bu tun?
Qalbimda borini tutar qo‘limga.
Ne tilasam bari bo‘lmas muhayyo,
Bu ham hayotimning buyuk hikmati.
Go‘zallik qilarkan doim mahliyo,
Haqiqatning esa bo‘lar zahmati.
Nozu ne’matlarga to‘la dasturxon,
Atrofida turar butun oilam.
Ezgu tilaklardan nurli xonadon,
Kelajakka mag‘rur boqadi bolam.
Ahir, sen men uchun aziz, muqaddas
Maqsadim boshida tug‘ilgan erksan.
Endi ortga yo‘l yo‘q, qaytma bir nafas,
Maslagim yo‘lida hamroh ekansan.
G‘animlar ortimdan toshlar otsalar,
Goho tegdi, goho yordi boshni ham.
Do‘stlarim tabassum ila sotsalar,
Yig‘lamay yuragim kuldi xotirjam.
Qushday yengil bo‘ldim har qanday damda,
Zaminga cho‘kmadim, ko‘kka bo‘y cho‘zdim.
Umrimiz past-baland yo‘l har qadamda,
Tanimdan ruhimni uzmayin o‘zdim.
Yelday esib kelgan o‘tarkan yillar,
Bilmam, ne sinovlar kutar oldinda.
Agarda pok bo‘lsa, orzuli dillar,
Odamlar olamda yashar oydinda…
Hamid IKROM
(Pozilov Hamidjon)
👍2❤🔥1🕊1
Vatanni asraylik!
Bir so‘z bor men uchun aziz, mo‘tabar,
Pichirlab aytsam ham jimirlar tanim.
Onamdek mehribon, xokisor, kamtar,
Bolamdek ko‘ngli pok doim Vatanim!
Tongda seni ko‘rib yashnaydi yuzim,
Bog‘laringdan to‘yib olaman nafas.
Tinchlik, omonlikda uyg‘onar ko‘zim,
Azondek yangraydi shukrona bir sas.
Bag‘ringda ulg‘aygan o‘g‘il-qizlaring,
Butun vujudida yashar sadoqat.
O‘rxun, Enasoydan topib izlaring,
Ko‘ziga to‘tiyo qiladi faqat.
Manguberdi, Temur eʼtiqod qilgan,
Asl o‘g‘lonlarning xoki bor senda.
Yovga bo‘ysunmoqni zo‘r isnod bilgan,
Buyuk ajdodlarning qoni bor menda.
Osmoning musaffo, qadring bebaho,
Har yering tabarruk, tuprog‘ing oltin.
Quyosh va oy kabi yuksakda tanho,
Qalbimning to‘rida yashaysan yorqin.
Sen iymon chirog‘i, sen ishonch tog‘i,
Senga xizmat qilmoq muqaddas ahdim.
Dunyo minbarida yurtim bayrog‘i,
Hilpirab turishi eng oliy baxtim.
Qay hunar, kasbda bo‘lmasin har kim,
Vatan kori uchun yashaydi mudom.
Allohim, yurtimni asragin doim,
Ozodlik, shu tinchlik bo‘lsin bardavom!
Hamid IKROM
Pozilov Hamidjon Ikromjon o‘g‘li
University of business and science magistri
Bir so‘z bor men uchun aziz, mo‘tabar,
Pichirlab aytsam ham jimirlar tanim.
Onamdek mehribon, xokisor, kamtar,
Bolamdek ko‘ngli pok doim Vatanim!
Tongda seni ko‘rib yashnaydi yuzim,
Bog‘laringdan to‘yib olaman nafas.
Tinchlik, omonlikda uyg‘onar ko‘zim,
Azondek yangraydi shukrona bir sas.
Bag‘ringda ulg‘aygan o‘g‘il-qizlaring,
Butun vujudida yashar sadoqat.
O‘rxun, Enasoydan topib izlaring,
Ko‘ziga to‘tiyo qiladi faqat.
Manguberdi, Temur eʼtiqod qilgan,
Asl o‘g‘lonlarning xoki bor senda.
Yovga bo‘ysunmoqni zo‘r isnod bilgan,
Buyuk ajdodlarning qoni bor menda.
Osmoning musaffo, qadring bebaho,
Har yering tabarruk, tuprog‘ing oltin.
Quyosh va oy kabi yuksakda tanho,
Qalbimning to‘rida yashaysan yorqin.
Sen iymon chirog‘i, sen ishonch tog‘i,
Senga xizmat qilmoq muqaddas ahdim.
Dunyo minbarida yurtim bayrog‘i,
Hilpirab turishi eng oliy baxtim.
Qay hunar, kasbda bo‘lmasin har kim,
Vatan kori uchun yashaydi mudom.
Allohim, yurtimni asragin doim,
Ozodlik, shu tinchlik bo‘lsin bardavom!
Hamid IKROM
Pozilov Hamidjon Ikromjon o‘g‘li
University of business and science magistri
👍2
JADIDLAR YURTI
Bu yurt qadimlikda Rimdan ulug‘roq,
Hatto ehromlarning umridan uzun.
Mardlik, jasurlikda To‘maris, Shiroq,
Dunyo afsonasi bo‘lganda bugun.
Olamni mahliyo aylagan doim,
Buxoriy, Beruniy tug‘ilgan diyor.
Oftob ziyosidan ziyodroq ilm,
Bu o‘lka bag‘rini yoritgan bisyor.
Fozillar yetishib chiqqan bu zamin,
Xalqlar muallimi bo‘lmish Farobiy.
Abadiy tarixga muhrlab nomin,
Turkiy til shuhratin yoygan Navoiy.
Buyuk fotihlarga o‘zingsan beshik,
Temur tig‘i oldi yarim jahonni.
Taqdir Hindistonga ochgancha eshik,
Bobur ilki ila yoydi iymonni.
Jaholat, zulmga egmagan bo‘yin,
Qilichdan keskirroq maʼrifatga boy.
Jadidlar nur bo‘ldi ozodlik uchun,
Tun uzra zulmatni yoritgan bir oy.
Amalda va tilda, dilda bir bo‘lgan,
Qodiriy joniga qasd qilgan tuzum.
Bir asr bo‘g‘ilgan, hur fikr o‘lgan —
Bu yurtni Cho‘lpondan etdilar mahrum.
Asli dushman emas qurol o‘qtalgan,
Ongu shuurimni bandi etgan yov.
Jadidlar g‘oyasi — erk deb atalgan,
Buyuk maslak uchun yoqilgan olov.
Bu olov qalblarda aslo so‘nmaydi,
Tafti hamon ko‘kdan kelayotgan nur.
Istiqlol mashʼali sira o‘chmaydi,
Jadidlar hamisha yashaydilar hur.
Hamid IKROM
Pozilov Hamidjon Ikromjon o‘g‘li
University of business and science
Pedagogika yo‘nalishi magistri
Bu yurt qadimlikda Rimdan ulug‘roq,
Hatto ehromlarning umridan uzun.
Mardlik, jasurlikda To‘maris, Shiroq,
Dunyo afsonasi bo‘lganda bugun.
Olamni mahliyo aylagan doim,
Buxoriy, Beruniy tug‘ilgan diyor.
Oftob ziyosidan ziyodroq ilm,
Bu o‘lka bag‘rini yoritgan bisyor.
Fozillar yetishib chiqqan bu zamin,
Xalqlar muallimi bo‘lmish Farobiy.
Abadiy tarixga muhrlab nomin,
Turkiy til shuhratin yoygan Navoiy.
Buyuk fotihlarga o‘zingsan beshik,
Temur tig‘i oldi yarim jahonni.
Taqdir Hindistonga ochgancha eshik,
Bobur ilki ila yoydi iymonni.
Jaholat, zulmga egmagan bo‘yin,
Qilichdan keskirroq maʼrifatga boy.
Jadidlar nur bo‘ldi ozodlik uchun,
Tun uzra zulmatni yoritgan bir oy.
Amalda va tilda, dilda bir bo‘lgan,
Qodiriy joniga qasd qilgan tuzum.
Bir asr bo‘g‘ilgan, hur fikr o‘lgan —
Bu yurtni Cho‘lpondan etdilar mahrum.
Asli dushman emas qurol o‘qtalgan,
Ongu shuurimni bandi etgan yov.
Jadidlar g‘oyasi — erk deb atalgan,
Buyuk maslak uchun yoqilgan olov.
Bu olov qalblarda aslo so‘nmaydi,
Tafti hamon ko‘kdan kelayotgan nur.
Istiqlol mashʼali sira o‘chmaydi,
Jadidlar hamisha yashaydilar hur.
Hamid IKROM
Pozilov Hamidjon Ikromjon o‘g‘li
University of business and science
Pedagogika yo‘nalishi magistri
🕊2
NURLI SIYMO
Kitobimni asta varaqlab,
Ko‘zim tushdi nurli siymoga.
Ong, shuurim ketdi charaqlab,
O‘yga cho‘mdim boqib samoga.
Navoiyda yuksak iste'dod,
Adabiyot mulki behisob.
Jaholatdan dunyoni ozod
Qilar undan qolgan har kitob.
Asrlarkim, aziz, mo‘tabar,
Yod etamiz u zot nomini.
Asarlari olamni bezar,
Taratgancha dur in'omini.
Quyosh kabi nur sochar hamon,
Yulduzlardek behisob, sirli.
Mana shuncha o‘tsada zamon,
Har bir satri qolar ta'sirli.
Payg‘ambarga bo‘ldi umri teng,
Haq ishqida yashadi yonib.
Yaratganning marhamati keng:
So‘z mulkini berdi ishonib.
Bitdi minglab g‘azallar, hatto
Sanamoqqa ojiz kamina.
Terilgandek marjon, bexato
SHoh baytlarga to‘ldi xazina.
Endi uni o‘qimoq kerak,
Uqmoq kerak har bir ma'nosin.
Ma'naviyat yuksalar beshak,
Gar kuylasak shoir navosin.
Hamid IKROM
Pozilov Hamidjon Ikromjon oʻgʻli
University of Business and Science
Pedagogika yo'nalishi magistri
Kitobimni asta varaqlab,
Ko‘zim tushdi nurli siymoga.
Ong, shuurim ketdi charaqlab,
O‘yga cho‘mdim boqib samoga.
Navoiyda yuksak iste'dod,
Adabiyot mulki behisob.
Jaholatdan dunyoni ozod
Qilar undan qolgan har kitob.
Asrlarkim, aziz, mo‘tabar,
Yod etamiz u zot nomini.
Asarlari olamni bezar,
Taratgancha dur in'omini.
Quyosh kabi nur sochar hamon,
Yulduzlardek behisob, sirli.
Mana shuncha o‘tsada zamon,
Har bir satri qolar ta'sirli.
Payg‘ambarga bo‘ldi umri teng,
Haq ishqida yashadi yonib.
Yaratganning marhamati keng:
So‘z mulkini berdi ishonib.
Bitdi minglab g‘azallar, hatto
Sanamoqqa ojiz kamina.
Terilgandek marjon, bexato
SHoh baytlarga to‘ldi xazina.
Endi uni o‘qimoq kerak,
Uqmoq kerak har bir ma'nosin.
Ma'naviyat yuksalar beshak,
Gar kuylasak shoir navosin.
Hamid IKROM
Pozilov Hamidjon Ikromjon oʻgʻli
University of Business and Science
Pedagogika yo'nalishi magistri
🕊2
NAVOIY RUHI
Necha asr oʻtgan boʻlmasin,
U qoldirgan tugamas meros.
Necha qasr oʻti soʻnmasin,
Uning tafti hamon beqiyos.
Karvonlarning izi qolmadi,
Lekin uning qalam izi bor.
Dovonlarning muzi qolmadi,
Navoiyning olam soʻzi bor.
Tunda balki porlamas quyosh,
Lek shoirning soʻnmas ziyosi.
Har kimda ham tugaydi bardosh,
Uning yashar komil dunyosi.
Cheksiz emas balki koinot,
Hadsiz erur ammo tafakkur.
Bir kun oʻtar bu foniy hayot,
Lek, yashaydi Navoiy magʻrur.
Ezgulikning goʻyo bulogʻi,
Simirasan, aslo toʻymaysan.
Firdavsdek yam-yashil bogʻi,
Koʻngilni hech uzib qoʻymaysan.
Shunchaki yod etmang soʻzini,
Yashang doim hikmatlarida.
Haykal qoʻymang, eslang oʻzini,
Oʻqib Qur’on oyatlarida.
Uning boqiy barhayot ruhi,
Kezar har bir oʻzbek uyida.
Ulugʻ siymo, soʻnmas shukuhi,
Yashar tirik shoir o‘yida.
Hamid IKROM
Pozilov Hamidjon Ikromjon oʻgʻli
University of Business and Science
Pedagogika yo‘nalishi magistri
Necha asr oʻtgan boʻlmasin,
U qoldirgan tugamas meros.
Necha qasr oʻti soʻnmasin,
Uning tafti hamon beqiyos.
Karvonlarning izi qolmadi,
Lekin uning qalam izi bor.
Dovonlarning muzi qolmadi,
Navoiyning olam soʻzi bor.
Tunda balki porlamas quyosh,
Lek shoirning soʻnmas ziyosi.
Har kimda ham tugaydi bardosh,
Uning yashar komil dunyosi.
Cheksiz emas balki koinot,
Hadsiz erur ammo tafakkur.
Bir kun oʻtar bu foniy hayot,
Lek, yashaydi Navoiy magʻrur.
Ezgulikning goʻyo bulogʻi,
Simirasan, aslo toʻymaysan.
Firdavsdek yam-yashil bogʻi,
Koʻngilni hech uzib qoʻymaysan.
Shunchaki yod etmang soʻzini,
Yashang doim hikmatlarida.
Haykal qoʻymang, eslang oʻzini,
Oʻqib Qur’on oyatlarida.
Uning boqiy barhayot ruhi,
Kezar har bir oʻzbek uyida.
Ulugʻ siymo, soʻnmas shukuhi,
Yashar tirik shoir o‘yida.
Hamid IKROM
Pozilov Hamidjon Ikromjon oʻgʻli
University of Business and Science
Pedagogika yo‘nalishi magistri
🕊2
Vatan sog‘inchi
(Bobur tilidan)
Sog‘indim bog‘dagi qushlar xonishin,
Chamanning kamalak tovlanishini.
Moviy osmoningda yulduz yonishin,
Go‘zal vodiylarda tong otishini.
Xotiramda doim o‘sha minorlar,
Uning haybatini tark etmagan sha’n.
O‘sha imoratlar, qal’a, devorlar,
Mening hayotimda iz solgan – Vatan!
Tuprog‘in ko‘zimga aylab to‘tiyo,
Madhini bitmoqqa ojiz qalamim.
Uning sog‘inchi ham qalbimga ziyo,
Vatandan judolik og‘ir alamim!
Chunonam tortasan bag‘ringa har dam,
Mayin havosini qo‘msaydi ko‘ngil.
Gulzorlaring ichra topsaydim malham,
Yomg‘iringda ivigan tuproq bo‘lsin dil.
Boladek talpinar o‘tli bu yurak,
Soylaringa tushib sovisa tanim.
Bag‘ringga qachondir qaytishim kerak,
Qiyomatda bo‘lsin, mayli, Vatanim!
Hamid IKROM
Pozilov Hamidjon Ikromjon o‘g‘li
University of business and science
Pedagogika yo‘nalishi magistri
(Bobur tilidan)
Sog‘indim bog‘dagi qushlar xonishin,
Chamanning kamalak tovlanishini.
Moviy osmoningda yulduz yonishin,
Go‘zal vodiylarda tong otishini.
Xotiramda doim o‘sha minorlar,
Uning haybatini tark etmagan sha’n.
O‘sha imoratlar, qal’a, devorlar,
Mening hayotimda iz solgan – Vatan!
Tuprog‘in ko‘zimga aylab to‘tiyo,
Madhini bitmoqqa ojiz qalamim.
Uning sog‘inchi ham qalbimga ziyo,
Vatandan judolik og‘ir alamim!
Chunonam tortasan bag‘ringa har dam,
Mayin havosini qo‘msaydi ko‘ngil.
Gulzorlaring ichra topsaydim malham,
Yomg‘iringda ivigan tuproq bo‘lsin dil.
Boladek talpinar o‘tli bu yurak,
Soylaringa tushib sovisa tanim.
Bag‘ringga qachondir qaytishim kerak,
Qiyomatda bo‘lsin, mayli, Vatanim!
Hamid IKROM
Pozilov Hamidjon Ikromjon o‘g‘li
University of business and science
Pedagogika yo‘nalishi magistri
👍4❤3