Соғинган (инсон)ларини қучоқлай оладиган инсонлар жуда бахтлидир.

Франц Кафка

***
Кетдим,
кўзларингда қолмоқ учунми,
Қўрқмасдан қўл урдим
буюк бир ишга —
Йигирма йил зўрға йиққан кучимни,
Бир кунда сарф этдим хайрлашишга.

Албатта, қайтаман,
дедимми расо,
Қайтаман соғинчинг
топганда якун —
Томчи, ёш оқмаса агар йиғласанг,
Мен берган гул ифор таратмаган кун...

Энди ҳеч кетмайди йўлингдан хазон,
Энди оғир кечар тунларда тушинг.
Севгилим, менга ҳам бўлмайди осон,
Қайта олмасликдан қўрқаман, тушун!

2021.10.09

Ҳумоюн Фаттоҳ

@MuhammadAkbarAzim

Арафа куни қилган дуомда у бор эди…

Солиҳлардан бири шундай дейди:

«Арафа кунида қайси дуони қилган бўлсам, бир йил ҳам ўтмасдан (унинг жавобини) оппоқ тонгдек кўрдим».

Солиҳлардан бири, ҳа, айнан солиҳлардан бири, мен эса солиҳ эмасман, лекин умидсиз ҳам эмасман.

Арафа куни учун дуоларингизни ёдда сақлаб, чин ихлос билан уни кутинг.

Арафа кунининг ашийясида¹ холи қолинг, уйингизнинг бир бурчагига бориб олиб Аллоҳдан нимаики ҳожатингиз бўлса сўраб олинг.

Ёдингиздан чиқарманг!

Аллоҳ таоло учун бутун ер юзидаги энг қиммат жавоҳирни сизга ато этишию бир пиёла сувни ато қилишида ҳеч қандай машаққат йўқ. Аллоҳдан энг кичик ҳожатингиздан тортиб энг каттасигача бирма-бир сўраб олинг.

Зулҳижжада Мусо алайҳиссалом Аллоҳ таоло билан сўлашган, зулҳижжанинг 10 куни билан Аллоҳ таоло қасам ичган.

Арафа йилнинг энг афзал куни бўлиб Аллоҳ таоло бу кунда шу қадар кўп инсонларни дўзахдан озод қиладики, бошқа кунларда бундай бўлмайди, хоссатан, бу кунда дўзахдан паноҳ сўраш афзалдир.

Арафа — таниш, билиш, англаш маъноларини англатади.

Бу кунда мўмин қуллиги, Сўралувчининг нақадар буюклигини англаган ҳолда дуо қилиши зарур.

Росулуллоҳ ﷺ айтдилар: «Дуонинг энг яхшиси арафа кунида қилинган дуодир. Мен ва мендан илгари ўтган пайғамбарлар дуода айтган энг яхши сўзлари:

لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ

«Ла илаҳа иллаллоҳу ваҳдаҳу ла шарийка лаҳу, лаҳул мулку ва лаҳул ҳамду ва ҳува ала кулли шай`ин қодийр».

Маъноси: Аллоҳдан ўзга (барҳақ) илоҳ йўқ. У ёлғиз, шериксиз. Мулк ҳам, ҳамд ҳам Уники ва У барча нарсага қодир.
         
Имом Термизий ривояти.

Суфён ибн Уяйна роҳимаҳуллоҳга: «Бу дуо эмас, сано-ку, унда нега Росулуллоҳ ﷺ уни дуо деб атадилар?» дейишганда у зот: «Карамли бўлган зотга айтилган сано ҳам дуодир. Аллоҳ сизнинг эҳтиёжингиз нималигини билади» деган эканлар.

Қадр кечаси яширин, лекин арафа муҳкамдир. Бу кунда ғафлатда бўлманг.

Абу Қатода розияллоҳу анҳудан ривоят қилинади:
«Набий соллаллоҳу алайҳи васаллам: «Аллоҳдан умид қиламанки, Арафа кунининг рўзаси ундан олдинги йилни ва ундан кейинги йилни каффорот қилур», дедилар».

Бешовларидан фақат Бухорий ривоят қилмаган.

Аллоҳ барчамизни ушбу улуғ куннинг фазилатидан насибадор қилсин, омин!

Ашийя — аср ва шом намози орасидаги вақт.

Бу йил ҳам уни дуо қиламан…

@MuhammadAkbarAzim

Бойкот қилинган маҳсулотлар ҳамда уларга муқобил маҳсулотлар.

Ҳавас қилдим, бизда ҳам бўлишидан умид қиламан.

@MuhammadAkbarAzim

Агар имконим бўлганда эди, қурбонлик гўштларини фаластинликларга юборардим.

Исломни замонавийлаштириш керак эмас, замонни исломийлаштириш керак.

«Цивилизациялар тўқнашуви ва янги дунё тартиби» китобидан.
©

@MuhammadAkbarAzim

Аллоҳим!
Ушбу умматдан ким ҳақда бўлмай ўзини ҳақда деб гумон қилаётган бўлса уларни ҳаққа қайтаргин!

Имом Аҳмад ибн Ҳанбал розияллоҳу анҳу

Тафовут

Юқоридаги суратдаги аёл исроиллик Ноа Аргамани, у 8 ой давомида Ғаззада асирликда бўлган. Шунча муддатдан сўнг ҳам соппа-соғ ҳолатда кулиб турибди.

Қуйида эса фаластинлик йигит Бадр Даҳланни кўриб турибсиз. У йигит бир ой сионистлар қўлида лагерда сақланган, ҳозирда ақли жойида эмас — бир ой ичида руҳий касалликка йўлиққан. Бу йигит ҳақида видеолар кенг тарқалди, танаси ўзига бўйсинмай қўйган, доим хавф остида тургандек қалтироқ тутиб турибди.

Тўғри йўлнинг далили бўлган илмни ўрган.

Имом Мотуридий роҳимаҳуллоҳ

@MuhammadAkbarAzim

Абдурроҳман Мешаяннинг уйига келсам, осмақопчиғимни тўлдириб китобларидан олиб кетишни ўйлаб қоламан. )))

Қ. Қ. Олиб кетсам ранжимайди, жаҳлиям чиқмайди ва сўрашимгаям ҳожат йўқ.

Шунчаки менинг китобларимни ҳам шундай олиб кетишса ёқмайди, унга шуни раво кўрмайман холос. ))

Исломий ахлоқлар гўзал инсоний ахлоқлардан ўзга нарса эмас!

Шайх Муҳаммад Саид Рамазон Бутий роҳимаҳуллоҳ