Бир тарафдан хатар кўринса-да, бошқа бир тарафдан яхши.

Твитдаги гаплар рост, бунга ҳаётда гувоҳ бўлганман.

Инстаграм ва бошқа ижтимоий тармоқларда ўз суратини “Ghibli” ва бошқа турдаги анимацион нусхасини тайёрлаш оммалашди. Бу хусусда эътиборли уламоларимиздан бўлган Маҳмуд Усмон ҳафизаҳаллоҳнинг 3 йил муқаддам ёзган постларини сизларга ҳавола этаман:

Бугун фейсбукда ўз суратининг эможи'га ўхшаш нусхасини яратиш «мода» бўлибди.

Яхшилар, жонли нарсалар суратини чизиш тўрт мазҳаб уламолар наздида ҳаром бўлган иш. Ижмо китобларида ҳатто бунинг ҳаром эканига ижмо қилингани айтилади.

Камераларда олинган сурат (фотография)ни аксар уламолар ҳаром эмас, сабаби у ҳаётда бор нарсанинг аксини ифодалайди, дейди.

Энди бугун фейсбукда одатга айлантирилган нарса — фотографиясини эможи каби, гўёки, чизилгандек суратга айлантириш уни фотография ҳукмидан чиқариб, қўл билан чизилган сурат ҳукмида қилиб қўйиши мумкин. Зеро фиқҳда қоида: нарсалар ўзларига энг яқин бўлган бошқа нарсалар ҳукмини олади.

Ҳадисда: «Аллоҳ сурат яратувчиларни лаънатласин», — дейилган. Имом Бухорий ривоят қилган ҳадисда Аллоҳ таоло махлуқларига ўхшатиб сурат чизганлар Қиёматда энг қаттиқ азобга дучор бўлувчилар экани айтилган.

Фуқаҳолар ҳадисдаги сурат жонли нарсаларни чизиш эканини таъкидлаганлар.
Шундай экан, бугун оммалашган ўз фотографиянгиздан эможи каби сурат ясаш ишига яқинлашманг.

Яна бир нарса, юқоридаги ишда ҳам, бошқа ишларда ҳам, билингки, одамзод бошқалар нима қилса подага ўхшаб эргашиб кетавермаслиги керак. Балки ҳар бир ишни дини, ақли ва виждони тарозисида ўлчаб, кейин уни қилиши ё ташлаши инсон учун муносиброқ.

Валлоҳу аълам.

@MuhammadAkbarAzim

Яралар ўзини ўзи ўпганда!

Бу ер Ғазза! Аллоҳ Ўз ишида ғолибдир!

Юрагим бузилган соатга ўхшайди — фақатгина сени кўрсатади.

@MuhammadAkbarAzim

Шу постни жойлашим билан телеграм ҳам «бузилиб» қолди. ))

Буни телеграм канали борлар тушунса керак.

Каналга 3-4 кун ҳеч нарса жойламасам бир қанча обуначи қўшилиб қолади, кейин нимадир ёзсам қочиб қолишади, тушунмайман, шунда ёзишим керакми ёки йўқ? ))

Фейсбукдаги Муаззам Иброҳим исмли опамизни танийсизларми?

Ҳар йили қандайдир арзимас иши туфайли мақтов олаётган хонимлардан фарқли ўлароқ, бу аёл чинакам инсонийликка намуна бўлиб келади мен учун.

Ҳозир ҳам саҳифасида саратон билан оғрийдиган болаларга хайриялар уюштириш билан банд.

Бироз олдин қизиқ бир ишига кўзим тушди, Туркияда бир қизни даволатиш учун кураш олиб бораётган эканлар.

Операция нархи $27000 экан. Аввал $4000, кейин $5000 йиғиб шифохонадан қарзни уза бошлаганлар. Кеча яна $4500 йиғибдилар. Энг қизиғи — Туркияда ўша қизни даволатиш мобайнида гидлик қилиб $500 топиб кечаги хайрияга қўшиб $5000 қилибдилар.

Ҳимматларини кўрмайсизми?!
Во ажаб, жуда таъсирландим!

Юқорида бироз зикр қилганим, одамларга кўп ҳам фойдаси тегмай тақдирланаётган аёллардан фарқли равишда, Муаззам опа мен учун бир неча йилларки йил аёли деб биладиган инсоним ҳисобланади.

Аллоҳ улардан рози бўлсин!

Туркияда зилзилалар кўпайиб, вайроналар остида қолганларга ёрдам бериш учун кўнгиллилардан бўлиб биринчи шу опа кетганлар.

Эҳҳе, санасам, саноғида адашсам керак, фақат яхшилик устида кўраман уларни.

Яхши инсонлар бор, улар орамизда, биздан уларга кўмак уларни қўллаб-қувватлаш ва хайрли дуолар қилиш билан бўлади.

Сизларга Муаззам опа иштирок этган бир кўрсатувга ҳавола қолдираман, кўринг, манфаатланинг:

https://www.youtube.com/live/8fxiQaAWocE?si=aLjQe3ZZ1vHIVjBA