• Мусҳафни токчага олиб қўйманг;

• нафл рўзада ҳам бардавом бўлаверинг;

• ҳар кун 20 ракат нафл ёки қазоларингизни адо этиб боринг;

• тилингизни ғийбат, чақимчилик, туҳмат ва бўҳтондан йироқ қилинг;

• дуода бардавом бўлинг;

• хайр-эҳсонни кўпайтиринг;

• фалон гуноҳни келаси Рамазон бошланганда ташлайман демай ҳозирдан ҳаракатда бўлинг;

Раббоний бўлинг, Рамазоний эмас.

@MuhammadAkbarAzim

Масжидимиз имоми Рамазонга оид ажойиб ҳикматларни сўзлаб бердилар охирги кунларда, насиб қилса, ёзаман.

Ёзмасам эслатинглар дея ёзиб қўйяпман.

Ассалому алайкум ва раҳматуллоҳи ва баракотуҳ!

Ҳофиз ибн Ҳажар роҳимаҳуллоҳ «Фатҳул борий» китобида айтадилар: «Ҳайит кунлари хурсандчилик, шод-хуррамликни ошкор (изҳор) қилиш диннинг шиорларидандир».
تقبل الله منا ومنكم صالح الأعمال
Аллоҳ сиздан ва биздан солиҳ амалларимизни қабул қилсин!

Ийдул Фитр муборак бўлсин, азизлар, Аллоҳ тутган рўзаларимизни даргоҳида ҳусни мақбул айласин, Ўзининг ҳузуридаги Райён дарвозасидан жаннатга киритсин.

Дунёда бўлиб турган, диндош биродарларимизнинг бошига келган синовларни аритсин, енгиллик берсин, барча мазлумларнинг дуосини мустажоб қилиб, Исломга қарши қавмлар устидан ғалаба берсин.

Барчамизга дунё ва охират саодатини ҳамда офият устида бўлишимизни насиб қилсин, омин!

@MuhammadAkbarAzim

Қачонки, мен бирор жойдан ўтаётган бўлсам ва ўша жойда кимнингдир ваъзи бўлаётган бўлса, хоҳ у ваъз қилувчи қанчалик оддий одам бўлсин, лекин мен бироз муддат унинг олдида тўхтаб оламан. Эхтимол, унинг оғзидан менинг қалбимга таъсир қиладиган бирор сўз чиқар ва Аллоҳ таоло менга ундан фойда етказар деган ниятда унга қулоқ тутаман.

Муфтий аъзам Муҳаммад Шафеъ Усмоний қоддасаллоҳу сирруҳу

Шайх Ёрқинжон домла роҳимаҳуллоҳ таржималари

@MuhammadAkbarAzim

Яшил юракча босадиганларга кўйнимда алоҳида боғча бор. ))

Саҳифам тўла яхшилар, тепадаги постларни ҳам яшиллаб 💚 чиқишибди. 🫂

Оғриқ-алам инсонларни ўзгартириб юборади. У уларни камроқ ишонишга, кўпроқ ўйлашга, инсонлардан узоқда бўлишга мажбур қилиб қўяди.

Жуброн Халил Жуброн

@MuhammadAkbarAzim

Менга олмахоннинг ҳаракатлари жудаям ёқди. У ўз жуфти (аёли)ни ташлаб қўймади. Аслида бу видео менинг шарҳимга муҳтож эмас.

Гўёки олмахон бу иши билан инсонларга дарс бериб қўймоқчи.

@MuhammadAkbarAzim

Айтганча, шу видеони Instagram саҳифамга жойлагандик, саҳифамга одатда ҳеч нарса жойламасдим, бир кўриб айтинглар-чи, яхши кутиб олишди, шекилли. ))

Ғайридин ва золимларга узоқ умр тилаш ёки шундай дуо қилиш макруҳдир, чунки бу улардан содир бўлаётган маъсиятларга рози бўлиш ҳисобланади. Золимга узоқ умр сўраш унинг зулми янада узоқроқ давом этишини сўраш демакдир. Балки золимнинг ҳаққига дуо қилганда Аллоҳ уни тавбага, солиҳликка муваффақ қилишини, зулмини бартараф қилишини сўраш билан чекланиш лозим.

Проф. Др. Салоҳ Абул Ҳожнинг «Тил сайқали» китобидан

@MuhammadAkbarAzim

Мен Худбинман!
Истакларим ҳам.
Меникилар —
Менга бўлишсин.
Мени демас, меникимаслар —
Мендан нари ўйнаб-кулишсин.
Мен Худбинман,
Мен севган инсон —
Менсиз нафас ололмай қолсин!
Йўқлигимдан қуласа осмон
Борлигимдан қувончга тўлсин.
Нигоҳидан сиғмасин ўзга,
Меҳрин менга берсин бус-бутун!
Ширингина жонидан кечсин
Биттагина қарашим учун!..
Юзларимни тиласин ойдан,
Сўзларимсин татимасин бол.
Менсиз бир кун яшай олдими —
Ана эшик!
Кетсин!
Бемалол!

Худбинман, а?..
Биламан!
Аммо,
Чорасизман.
Ҳайрон турибман.
Шундайлигим туфайли балки
Қаранг...
Ҳамон ёлғиз юрибман.

Малика (Салимова) Тавфиқ

@MuhammadAkbarAzim

Киши илм ва амални ўзида жамламагунча ҳаким бўла олмайди.

Ибн Қутайба рoҳимаҳуллоҳ

@MuhammadAkbarAzim

​​Ғунчалардан илҳомланиб кетдим, «Очилмаган гулларда ишқим» деб шеър ёздим, ўттачароғ-у, улашиппўйўрдим. )))

• • •

Баҳор келиб, гуллар очилмиш,
Ўз таъсирин кўрсатиб иқлим.
У гулларга эгалик ташвиш,
Очилмаган гулларда ишқим.

Очиқ гуллар бўлар гулдаста,
Уч кун ўтиб сўлар бир пасда.
Даъвом ишқдир, ошиқман хаста,
Очилмаган гулларда ишқим.

Очиқ гулга тўла ўнгу сўл,
Чарчагайман излаб бошқа йўл.
Бўлмайди деб сира қўлма-қўл,
Очилмаган гулларда ишқим.

Ёз келяпти қайраб тишини,
Четга суриб дунё ишини.
Бир мен кўрай очилишини,
Очилмаган гулларда ишқим.

Асалари унга етмаган,
Ҳам ифори, боли кетмаган.
Очилволиб булбул кутмаган,
Очилмаган гулларда ишқим.

Улар шундай юракдан урган,
Тушимга ҳам очилмай кирган.
Асл эркаклар ўстирган,
Очилмаган гулларда ишқим.

Дуоларим бўлсин мустажоб,
Қабул айланг билдирай ийжоб.
Аллоҳ учун ўраган ҳижоб,
Очилмаган гулларда ишқим.

2021.04.30 19:54

Муҳаммад Акбар Азим
#шахсий_ижод

@MuhammadAkbarAzim

Инсонлар оғриқларимизга малҳам бўлоладими?

Яқинда бир яхши суҳбатдошим билан шуни мулоҳаза қилгандик.

Улар: «Инсонлар малҳам бўлмас экан», — деганларида ўйланиб қолдим. Ахир нима сабаб одамларга интиламиз унда?

Мен айтдимки, одамлар малҳам қўйилганда унинг устидан боғланган боғич каби бўладилар.

Шуни яна озроқ ўйлаб кўрсак:
• бизнинг оғриқларимизга шифо фақатгина Аллоҳдан, буни малҳам деб олсак, боғич ўша малҳамни тутиб туриш учун керак;

• табиийки, баъзида иймон нури заифлашиб, тушкунликка тушамиз, хавотиримиз ортиб, ҳаловатимиз кетади. Худди шу пайт ҳам бизга иймон далда бўлади, лекин шу заифлашиб қолган иймонимизни ўзининг сўзи ва ёрдами билан инсонлар қувватлаб туради. Боғич ярага қўйилган малҳамни ташқи хавфлардан ҳимоялаб, уни тушиб кетишдан асрайди;

• гоҳида биз синамиз (маънан). Ўша пайт бизнинг синган қисмимиз тўғри қотиши учун ҳам шина (тиббий ускуна, суяк синганда ишлатилади) ва боғич керак бўлади, шинани тутиб туриш ҳам ўша боғичга боғлиқ.

Яна бошқа тарафдан қараб кўрсак:
• малҳам бор, унинг шифо бўлишига ишонч ҳам бор, лекин ташқи таъсирдан боғич орқали ҳимоя қилмасак, яраларимиз битиши мумкин, аммо сал секинлашиши мумкин, бизнинг Аллоҳга нисбатан гумонимизни тузатувчи бўлмагани каби, («Мен бандамнинг гумонидаман» мазмунидаги ҳадиси қудсийга ишора);

• баъзида боғичлар (оғир кунда далда бўлганлар)дан кечганимизда оғриқ бўлади, буни мисоли боғич ярамиздан чиққан қон билан бирга қотиб қолишига ўхшайди, вақтики, боғични ечмоқчи бўлсак, яра билан танамизга бирдек битиб қолган боғич, албатта, ярани қайта шилиб кетади;

• биз инсонлар баъзи боғичларга кўникиб қоламиз, улардан воз кечсак, аввалги қулайликни, хотиржамликни тополмаймиз, гўёки қўлимиз синиб шина боғлаб битгунча кутиб, қўлимизни ҳаракатлантирганимиз каби, боғич ечилгач бир муддат эркин ҳаракат қилишга қийналамиз.

Биз кўпинча шундаймиз, бизга далда бўлувчилардан, оғриқларимизни енгиллатганлардан воз кечамиз. Сабаби биз уни кирлатиб, ёмон аҳволга солган бўламиз, ўрнига янги, покиза боғичларни боғлаймиз ёки соғайиб уларга эҳтиёж сезмаймиз.

Бирор ким боғичларни ювиб қайта ишлатганини билмайман. Балки, биз бу борада исрофгардирмиз?!

Қ. Қ. Сизлар ҳам мулоҳазаларингизни ёзсангиз, албатта, мамнун бўламан.
Ўйлайманки, шартли сўзларни тўғри тушуниб ўқигансизлар.

@MuhammadAkbarAzim

Инстаграмимга яна битта шеърдан парча юклаб қўйдик. Ашағли бўпкетсам керак охири. ))

Ҳавола: https://www.instagram.com/reel/DIJYPmkMlW0/?igsh=MzRlODBiNWFlZA==