Ҳамма ифторни кутиб ўтирган бўлса керак. ))

Шу пайт яқин бир дўстимнинг янги саҳифасини сизларга ҳам илинай деб ўйлаб қолдим.

Ўзи ҳали талаба, араб, турк ва инглиз тилларидан таржималар ва шахсий фикрларини жойлаб туради, иншааллоҳ!

Ҳозирда t.me/with_husayn ҳаволаси билан фаолият бошлабдилар.

Қўшилиш ихтиёрий, албатта. )

РИЁ УЧУН АМАЛ ТАРК ЭТИЛАДИМИ?

Бир улуғ кишига бир одам шикоят қилиб: «Фалончи одам риё билан зикр қилади», — деди. У киши эса: «Сен риё билан бўлса ҳам зикр қилмаяпсан-ку. Унинг риёли зикри ҳам қиёматда милтираб турган чироқ бўлиб йўл кўрсатади», — деди.

Ҳазрат айтдиларки, у одамнинг амалида риё билан бирга ихлос ҳам аралашгани шайхга маълум бўлса керак.

Чунки холис риё учун бўлган амалда ҳеч қандай нур бўлмайди. Кейин яна айтдиларки, менинг маслаҳатим шуки, бирор ишни қилишда қалбингизга риё бўлиш эҳтимоли келса ҳам, ҳаргиз амални тарк қилманг. Балки нима бўлса ҳам бу яхши амални қилавераман, кейин истиғфор айтиб оламан деб ирода қилинг. (Риёни шундай муолажа қилинади).

Муҳаммад Шафеъ Усмонийнинг «Мажолиси Ҳакимул умма» китобидан.

Ёрқинжон қори (роҳимаҳуллоҳ) таржимаси

@MuhammadAkbarAzim

«Сизлар кичик деб билиб қилаётган хатоларни биз Росулуллоҳ ﷺнинг давларида ҳалок қилувчи хатолардан деб тарк қилардик».

Анас ибн Молик розияллоҳу анҳу

Эътибор беринг-а, буни саҳоба Анас ибн Молик розияллоҳу анҳу тобеъинларга қарата айтяптилар, бизни кўрганларида-чи?

Дарвишлар намозга турар эканлар, «фарз» деб эмас, «соғиндим» деб турадилар. Фиқҳда намозни вақтида ўқимаслик «қазо» дейилади. Дарвишлар наздида вақтида ўқилмаган намоз «ҳузурдан маҳрумлик» дейилади.

#эркин_ўгирма

@MuhammadAkbarAzim

Аёл муҳаббати жуда муҳим. Унинг ўрнини ҳеч нарса боса олмайди. У худди гўштга сепиладиган туздек юракка сингиб уни айнишдан сақлайди!

@MuhammadAkbarAzim

ИЗТИРОБ
Қани энди инсон ўз қалбига эгалик қила олса. Ундан ўзи истамаган туйғуларни ўчириб, сўнг хотиржам уйқуга кетса.

#таржима

Https://t.me/tarjumaan

Шу муборак кунларга етказган, яшаш имконини берган Аллоҳга чексиз ҳамду санолар бўлсин!

Моҳи шариф Рамазон охирлаб қолганини ўйлаб…

• Мусҳафни токчага олиб қўйманг;

• нафл рўзада ҳам бардавом бўлаверинг;

• ҳар кун 20 ракат нафл ёки қазоларингизни адо этиб боринг;

• тилингизни ғийбат, чақимчилик, туҳмат ва бўҳтондан йироқ қилинг;

• дуода бардавом бўлинг;

• хайр-эҳсонни кўпайтиринг;

• фалон гуноҳни келаси Рамазон бошланганда ташлайман демай ҳозирдан ҳаракатда бўлинг;

Раббоний бўлинг, Рамазоний эмас.

@MuhammadAkbarAzim

Масжидимиз имоми Рамазонга оид ажойиб ҳикматларни сўзлаб бердилар охирги кунларда, насиб қилса, ёзаман.

Ёзмасам эслатинглар дея ёзиб қўйяпман.

Ассалому алайкум ва раҳматуллоҳи ва баракотуҳ!

Ҳофиз ибн Ҳажар роҳимаҳуллоҳ «Фатҳул борий» китобида айтадилар: «Ҳайит кунлари хурсандчилик, шод-хуррамликни ошкор (изҳор) қилиш диннинг шиорларидандир».
تقبل الله منا ومنكم صالح الأعمال
Аллоҳ сиздан ва биздан солиҳ амалларимизни қабул қилсин!

Ийдул Фитр муборак бўлсин, азизлар, Аллоҳ тутган рўзаларимизни даргоҳида ҳусни мақбул айласин, Ўзининг ҳузуридаги Райён дарвозасидан жаннатга киритсин.

Дунёда бўлиб турган, диндош биродарларимизнинг бошига келган синовларни аритсин, енгиллик берсин, барча мазлумларнинг дуосини мустажоб қилиб, Исломга қарши қавмлар устидан ғалаба берсин.

Барчамизга дунё ва охират саодатини ҳамда офият устида бўлишимизни насиб қилсин, омин!

@MuhammadAkbarAzim

Қачонки, мен бирор жойдан ўтаётган бўлсам ва ўша жойда кимнингдир ваъзи бўлаётган бўлса, хоҳ у ваъз қилувчи қанчалик оддий одам бўлсин, лекин мен бироз муддат унинг олдида тўхтаб оламан. Эхтимол, унинг оғзидан менинг қалбимга таъсир қиладиган бирор сўз чиқар ва Аллоҳ таоло менга ундан фойда етказар деган ниятда унга қулоқ тутаман.

Муфтий аъзам Муҳаммад Шафеъ Усмоний қоддасаллоҳу сирруҳу

Шайх Ёрқинжон домла роҳимаҳуллоҳ таржималари

@MuhammadAkbarAzim

Яшил юракча босадиганларга кўйнимда алоҳида боғча бор. ))

Саҳифам тўла яхшилар, тепадаги постларни ҳам яшиллаб 💚 чиқишибди. 🫂

Оғриқ-алам инсонларни ўзгартириб юборади. У уларни камроқ ишонишга, кўпроқ ўйлашга, инсонлардан узоқда бўлишга мажбур қилиб қўяди.

Жуброн Халил Жуброн

@MuhammadAkbarAzim

Менга олмахоннинг ҳаракатлари жудаям ёқди. У ўз жуфти (аёли)ни ташлаб қўймади. Аслида бу видео менинг шарҳимга муҳтож эмас.

Гўёки олмахон бу иши билан инсонларга дарс бериб қўймоқчи.

@MuhammadAkbarAzim