Ҳар қандай инқилоб, ўзгариш, силжиш адолатсизлик узра содир бўлган. Энг буюк дин, Исломнинг пайдо бўлиб ёйилиши ҳам, кейинги ижтимоий эврилишлар ҳам, Ғарбнинг тараққиётда илгарилаши ҳам, Маркс кабиларнинг тенгликка қаратилган инқилобий ғоялари ҳам аслан адолатсизликка қаршилик ўлароқ вужудга келган. Токи адолат ва унга терс зулм тушунчаси бор экан, инсоният доим у учун ва унинг зиддига қарши кураш олиб боришда давом этади. Ва бу кураш инсон фитратида битилмиш олий ва улуғвор инсоний хатти-ҳаракатдир. Бу курашни онгли, ўзини англашга мудом интилган, нафсига қарши курашни ҳаёт тарзи ва амалига айлантирган киши наинки қўллаб, дастаклайди, балки унга аралашиб, унинг бир қисмига айланади ҳам. Бундай саъй-ҳаракатлар, интилишлар ҳамиша инсонларнинг ўзи ўртасида, ўзаро содир бўлади. Мана шунда инсоннинг кимлиги, чинакам қатъияти синалади. Адолатсизлик ва зуғумга кўп ҳолларда онгсиз, беидрок равишда йўл қўйилади. Адолатга талпинадиганлар эса шу важдан жамият бўйлаб онглилик учун ҳаракат қиладиганлардир. Онгли инсон сифатида ҳар ким бугун ўзи учун — чунки жамият унинг ўзидан иборат — ўзлик бу бутун инсониятга дахлдор сўз — адолат истаб ҳаракат қилмас экан, адолатли жамият хомхаёлларига ўралашиб, ўзини бундай сароблар билан овутиб ўтирмаса ҳам бўлади.

Манба: Тафаккур чизгилари

@MuhammadAkbarAzim

БИР ЗОТ...

Илоҳий каломда бир сўзки қутлуғ,
Фаришталар ундан ўтмас ҳаёда.
Онадан афзалроқ, отадан улуғ
Росулуллоҳ деган зот бор дунёда.

Ўтганлар ўтдилар, келганлар келди,
Кутганлар кутдилар, билганлар билди.
Бу ёруғ дунёни чароғон қилди –
Росулуллоҳ деган зот бор дунёда.

Мусулмон ўғлининг кўнгли хўп тўқдир,
Сабаб бор – ёзиғлиқ илоҳий тақдир.
Қоронғу кечада қоқилмоқ йўқдир –
Росулуллоҳ деган зот бор дунёда.

Офитобдан сўранг, моҳдан сўрангиз,
Айтурлар, бу надир, ёқут, фарангис –
Зулумот ичинда унга қарангиз,
Росулуллоҳ деган зот бор дунёда.

Саҳобалар кўрди кўзлари билан,
Юрдилар не бахтки ўзлари билан.
Бугун бизга малҳам сўзлари билан –
Росулуллоҳ деган зот бор дунёда.

Кетган бўлсалар-да орамиздан-да,
Аллоҳ еткаргувчи ноламиздан-да.
Чиройлироқ жажжи боламиздан-да,
Росулуллоҳ деган зот бор дунёда.

Ўтмиш юлдузига чўлғанмоқ азоб,
Тунлари аламдан тўлғанмоқ азоб.
Оҳ, тушга кирганда, уйғонмоқ азоб,
Росулуллоҳ деган зот бор дунёда.

Одамзод юрарди мотамга ўхшаб,
Нари борса Адий Хотамга ўхшаб.
Яшашни ўргатган одамга ўхшаб,
Росулуллоҳ деган зот бор дунёда.

Кўрмаган бўлсак ҳам севгувчимиз у,
Оғир дам умматим дегувчимиз у,
Ахир, ғамимизни егувчимиз у –
Росулуллоҳ деган зот бор дунёда.

Ул зотни кўргунча мўмин кулмагай,
Қарори тўлмагай, кўнгли тўлмагай.
Шаҳидлар шоҳида ўлмоқ бўлмагай,
Росулуллоҳ деган зот бор дунёда!

#Хайрулла_Ҳамидов

@MuhammadAkbarAzim

— Пулларингизни қаерда, қандай сақлайсиз, картадами ёки нақдми?
— Хотирамда.

Инстада ўқидим. 😄

Аллоҳ таоло айтади:

وَيَسْأَلُونَكَ عَنِ الْجِبَالِ فَقُلْ يَنْسِفُهَا رَبِّي نَسْفًا

(Эй Муҳаммад), улар сиздан тоғлар (қиёмат кунида қандай ҳолда бўлиши) ҳақида сўрайдилар. Бас, айтинг: «Парвардигорим уларни (қум каби) сочиб юборур».

Тоҳа сураси, 105-оят.

Тоғлар қанчалик улкан ва мустаҳкам бўлмасин, уларни бир лаҳзада қум каби сочиб юборишга қодир зот, сизнинг ғам-ташвишларингизни сочиб юборишга, уларни сиздан аритишга қодир эмасми?

@MuhammadAkbarAzim

«...Никоҳ гувоҳномаси – бу оилавий бахт биносига эгалик қилиш ҳуқуқини берувчи ҳужжат эмас, балки бахт биносини қуриш учун «ер майдони» ажратилганлиги тўғрисидаги гувоҳномадир. Эр ва хотин бу «қурилиш»да биргаликда бир умр меҳнат қилишади. Умр ниҳоясида эса ҳар бир оиланинг қурган биноси ҳар хил кўринишда бўлади:

• ё муҳташам ва мустаҳкам қаср;

• ё қурилиши тугалланмаган товуқхона;

• ё келгуси авлодлар учун сақлаб қолинадиган бебаҳо обида;

• ё на совуқдан, на ёғингарчиликдан сақлайдиган чайла;

• ё барча қулайликларга эга, лекин бир-бирига бегона одамлар яшайдиган меҳмонхона;

• ё бир умрлик жазони ўташ муассасаси;

• ё ердаги жаннат;

• ё ердаги дўзах;

• ёки ҳеч нима...»

© Абдужаббор Исомиддин

@MuhammadAkbarAzim

Дунёни илк бор тиниқ ҳолда кўраётган болакай🥲

@Ramushuz

Gul hidin sochardi kaftlarim ichi,
Chechak o'g'risiga chiqdim nogahon.
Voh, attang atrofda hech bitta kishi
Balki u bog‘bon deb qilmadi gumon.

- O'tkirbek Muhammadsobir

Одамлар орасида лайлатул қадр кечаси фақат йигирма еттинчи кечада бўлади деб ўйлайдиган кишилар ҳам бор.
Ваҳолангки, бу шайтоннинг аврашидир.
Бу фараз кўпчилик инсонлар зеҳнига Аллоҳ азза ва жаллага бошқа кечаларда ҳам юзланишларидан юз буришлари учун ўрнашиб қолган.

Имом Бутий роҳимаҳуллоҳ
Абдуллоҳ Ғуломов таржимаси

@MuhammadAkbarAzim

38-ўлчамдан бошқа оёқ кийим киядиганларни ҳеч тушунолмайман. Ман неча маротаба синаб кўрдим. Энг қулайи шу.

Бошқаси ё сиқади, ё оёғингиздан чиқиб кетавериб қадамингиз кўпаймайди.

Нимага бошқа ўлчамдагиларини киясизлар-а? Жиннироқми бу одамлар, тавба 😏😒

Гавҳар Насруллоҳ саҳифаларидан

#ним_табассум

@MuhammadAkbarAzim

Қўлимизда мол-дунё кўп бўлмаган пайтда эҳсон қилишни одат қилиб олишимиз керак. Зеро 10 минг сўмдан минг сўм эҳсон қилиш 10 млндан 1 млн эҳсон қилишдан кўра осонроқ.

Закотнинг энг оз миқдори ҳам шу сабаб 1/40 деб белгиланган, эҳтимол.

@MuhammadAkbarAzim

Ҳамма ифторни кутиб ўтирган бўлса керак. ))

Шу пайт яқин бир дўстимнинг янги саҳифасини сизларга ҳам илинай деб ўйлаб қолдим.

Ўзи ҳали талаба, араб, турк ва инглиз тилларидан таржималар ва шахсий фикрларини жойлаб туради, иншааллоҳ!

Ҳозирда t.me/with_husayn ҳаволаси билан фаолият бошлабдилар.

Қўшилиш ихтиёрий, албатта. )