Farzandingiz siz bilan gaplashishni, muammolarini bo‘lishishni istasa, hamma ishni to‘xtating va uni tinglang. Bundan ko'ra muhimroq narsa yo‘q!

#tarbiya

Kirill | Lotin

Ўз жонига зулм қилганлар:
• сени (ўзидан) йироқлатган кишига ҳам яқинлашаверишинг, яъни суймаганга ҳам суйкалаверишинг;
• сени ҳурмат қилмайдиган кишига ҳам тавозе қилаверишинг;
• танимаган одамингнинг мақтовини ҳам қабул қилаверишинг.

@MuhammadAkbarAzim

Рамазон келяпти деб севиниш иймондандир.

Ҳазрати Умар розияллоҳу анҳу

@MuhammadAkbarAzim

Сизларда қандай билмадим-у, менда бир ажиб ҳолат такрорланиб туради. У шундайки, бирор нарсани ўзимга тақиқлаб олсам, лекин кейинроқ шу нарсага интилсам, менга ўша ишни қилмасликка белги берилади. Ҳозир сизларга шу айтганларимга кўра икки мисолни ёзаман.

Биринчи воқеа 2023 йилнинг 15 июнида содир бўлганди, мен сира шортик киймайман, тиззамни ёпса-да, болдиримни очиб юришни ўзимга кариҳ санайман (ўтирганда ҳам тиззани ёпса кийиш жоиз). Ўша куни пайшанба эди, мен Тошкентга йўлга чиқмоқчи бўлиб ўзимга янги шим олдим, сотувчи кишидан ётиш учун юпқароқ трико сўрадим. Улар шортик олишни маслаҳат бердилар, оёқларимда тук қалинлашгандан буён фақат бир марта шортик кийганим ёдимда, сотувчи киши тиззангизни ёпади деганлари учун олишга қарор қилдим. Шимни пойчасини калталаш учун чеварга бердим, ўзимнинг бошқа жойда ишим бор эди, шу сабаб шортикни кўтариб юрмай деб чеварга омонат қолдирдим. Ишим битиб Тошкентга олиб кетадиган ҳайдовчи келишига яқин чевархонага бордим, шим тайёр экан, лекин шортик у ерда йўқ эди, чевар аёл шогирдлари билан роса излашди, лекин натижа бўлмади, чиндан ҳеч бир бурчакда йўқ эди, бирор мижоз адашиб олиб кетган деб ўйладим ичимда. Чевар опа топилса олиб қўяман, орада хабар олинг дедилар. Хўп деб хижолат бўлмасликларини тайинлаб чиқиб кетдим — шортик кийишни ўзимга кариҳ санардим, мана, олган шортигимни кийиш насиб этмади, демак, шортик киймасликда бардавом бўлишим керак деб хулоса қилдим.

Иккинчи воқеа бугун содир бўлди. Мен баъзи одатий касалликларда табиий йўллар билан даволанишни афзал кўраман. Масалан, шамоллаш бошланса занжабилли дамлама ичаман, бошим оғриса оғриқ қолдирувчи ичмайман, оғриқнинг сабабини излаб табиий чора кўришга интиламан, буни шифокор Наргиза Қурбон ҳамда муаллимам Дилфуза Комил тавсиясига кўра амалда қўллаб келаман. Бугун ифтордан бир неча соат аввал бошим оғрий бошлади. Баъзида очлик сабаб бошим оғриб қолгандек бўларди, буни ҳам шунга йўйдим. Лекин ифтордан кейин ҳам оғриқ қолмади. Хуфтон намозига яқинлашганда бу оғриқ билан жамоат намозида қатнаша олмайман деб ўйлаб қолдим, онамдан «Бол нол» сўраб ичиб олдим, лекин таъсир қилай демади, оғриқ кучайгандек ҳис этдим, азонга оз қолганди, яна дори ичиб оламан, бу аҳволда хуфтон ҳам, таровиҳ ҳам қийин ўтади деб ўйладим ҳамда «Кюпен» истеъмол қилдим, орадан 10 сония вақт ўтмай қайт қилиб юбордим, дориларни танам қабул қилмади, лекин шу қайт қилганим сабаб оғриқ кетмаса-да, енгиллади. Озроқ бош оғриқ билан намозни ўқиб олдим.

Охирги марта қачон дори ичганимни унутгандим.

Бошқаларга жоиз бўлса-да, ўзим учун қўйган баъзи тақиқларимдан гоҳида четга чиқадиган бўлсам, Аллоҳ таоло тарафидан эски қароримда қатъий бўлишимга бир белги берилар экан. Мендан талаб қилинадигани эса — ўша қарорларим тўғри эканини аниқлаш ҳамда уларга риоя қилиш экан.

Аллоҳ барчамизга тавфиқ, офият ҳамда ушбу муборак ойнинг баракотидан насибадор бўлишимизни насиб қилсин, омин!

#Тафаккур_учун

@MuhammadAkbarAzim

Қаранглар, кўнгилга хурсандчилик киритадиган видео олиб келдим. ))

Фаластинлик диндошларимиз биринчи ифторликни қилиш учун Ғаззанинг жанубидаги Рафаҳ шаҳрида тўпланишди.

Ушбу ифторлик Қувайт ташаббуси билан тайёрланган. Шунча азоб-уқубатларга, вайронагарчилик ва озиқ-овқат етишмовчилигига қарамай улар рўза тутишяпти. Аллоҳ улардан ва биздан қабул қилсин, омин!

Биктуб исмак — Файруз

Кимгадир буни жойлаганим маъқул келмаслиги мумкин, узр, азизлар.

Кеча бир нарсани ўйлабман, ИИБ ходимлари йилнинг 11 ойида ҳужраларда Қуръони Каримни ёдлаётган болаларни топиш, устозларини жарима ва жазога тортиш билан банд бўлишади.

Лекин, буни қарангки, Рамазон ойи келганда ўша ҳужраларда Қуръони Каримни ўрганиб ёд олган йигитлар масжид меҳробида, ҳалиги ходимлар эса масжид ташқарисида уларни «қўриқлаш» билан банд бўлади.

Аллоҳ кимларни азиз қилиб юқори кўтариши, кимларни…

Ҳа, майли, тушундингиз-ку, мезонлар бу дунёда ҳам акс этгандек кўриниб қолади.

Инсоннинг ичи қон йиғлар экан, юзининг табассум қилиши нақадар ҳам ғалати қобилият-а?!.

Аҳмед Ҳамди Танпинар

@MuhammadAkbarAzim

Seni soruyorlar.
Öldü mü diyeyim yoksa dönecek mi?
İkisi de imkânsız değil mi?
Çünkü biliyorum: asla geri dönmezsin.
Ve biliyorsun: sen benim için asla ölmezsin.

• • •

Сизни сўрайдилар.
(Уларга сизни) «Ўлди» дейми ёки «қайтиб келади» дейми?
Иккиси ҳам имконсиз эмасми?
Чунки биламан — сиз ҳеч қачон қайтиб келмайсиз!
Сиз ҳам биласиз — мен учун ҳеч қачон ўлмайсиз!

#Эркин_ўгирма

@MuhammadAkbarAzim

Сизлар ҳам ростини айтсангиз-да ишингиз битадиган ўринда ёлғон гапириб иш битиргач: «тўғрисини айтсам нима бўларди?» — деган савол билан ўзларингизни қийнайсизларми?

Ёлғонни ёмон кўраман, баъзида юқорида ёзганимдек ҳолатга тушиб қоламан, нега ёлғон ишлатганимни англолмайман.

Менимча, бунга ечим ўша заҳоти ёки кейин бўлса ҳам ростини айтиб нафсни қийнаш. Киши ёлғон гапириб қўйганини тан олгандан сўнг ўзини яна шу ҳолда кўришни истамайди.

— لا يوجد من يلائمك تماما
و لن تجد نصفك الاخر
ما لم يكن هناك تنازلات مشتركة…

— Сизга тўлиқ мос келадиган инсон йўқ. Ўзаро муросалар бўлмаса, ўзингизнинг иккинчи ярмингизни топа олмайсиз…

Видеода кўп маъно бор, хулоса ўзингиздан.

Саранжом-саришта, солиҳа аёлга эга хонадон замонавий таъмирсиз ҳам гўзал.

@MuhammadAkbarAzim

Мендан доим истиқомат (тўғри йўл)да бўлишимни кутманг, ахир мен ҳам инсонман. Хато ва тўғрилик орасида яшайман. Баъзида мени ҳам шаҳват чулғаб олади ва қизиқишлар ҳалокатга чорлайди.
Мен ҳам ҳаёт сўқмоқларида кураш олиб бораман. Гоҳида ёки кўпинча ғолиб бўламан. Лекин барибир мен узоқлашадиган, ортга сурадиган ва синиб қоладиган инсонман. Сен меҳр кўрсатишнинг ўзи билан мени ҳалок қилма. Лекин менга ёрдам бер, ёнимда тур. Инсон заифдир, деган маънони тушуниб етадиган кишига ўта эҳтиёжим бор.

Анвар Аҳмад ҳафизаҳаллоҳ таржимаси

@MuhammadAkbarAzim