Анчадан буён юзимга қаттиқ зарб билан нимадир тегмаганди. Бугун ўтин ёраётганимда бир ўтин учиб юзимга урилди. Бир муддат бурним қонаб турди, мен бурнимнинг ичидан қон оқяпти деб ўйлаб шунга хос харакат қилибман. Аслида бурнимнинг ташқи қисми зарарланиб, ўша ердан қон оққан экан, онам айтганларида кўзгуга қараб билдим. Яранинг ўрнидан сув оқаверди, онам спирт қўйишимни айтиб туриб олдилар.

Ўша зарб тушган пайт қаттиқ бир оғриқ бўлди, кейин қон оқаётганда фақат қон оқишини ҳис қилдим, оғриқни эса унчалик эмас. Бурним атрофида кичик чизиқ тушди. Ҳозир озроқ оғрияпти. Мен-ку шунчаки ўтиндан еган зарбамдан озроқ карахт ҳолга келиб қолдим. Бироз оғриқни, ачишишни айтмаганда — ҳаммаси жойида.

Бу шунчаки тинч уйда, қорним тўқ, устим бут бўлган бир вақтда бўлган ҳолат холос. Мен сизга иккинчи бир ҳолатни айтиб бермоқчиман, у тинч жойда эмас, асримизнинг айни кунларида, Фаластин диёрида бўляпти. Ташқарига бирозга чиқсангиз, атрофда ўзининг бадфеълини ошкора кўрсатиб пақилдоқ отаётган болаларга, йигитларга дуч келасиз, шовқин асабингизни бузади.

Худди шу отишма баландроқ товушда, ўлим билан якунланиши мумкин бир шаклда Фаластинда содир бўляпти, бугун юзимда сезган озгина оғриқ уларнинг бутун танасини қақшатяпти. Бугун бошпана бўлиб турган том эртага бошига қулаб ўлимга сабаб бўлиши мумкин бўлган нотинчлик устида умр ўтказишяпти. Устларидан ёғдирилган оқ кислота заҳридан танаси куйган болалар унинг оғриғидан ҳар куни азоб чекишяпти.

Мени онам озгина чандиққа спирт қўйдириб, ярамга инфекция тушишини истамаганларини қаранг, у ерда оналар йўқми, бор, албатта, лекин ўша оналарда боласини бағрига босишдан бошқа малҳам йўқ. Шаҳид бўлган гўдакларни қучиб дод солган ота-оналарга боқинг, худди болалари бу оҳ-воҳдан кейин тирилиб кетади деб мўъжиза кутиб қарайсиз, ичингизда уларга ҳамдардлик ҳисси уйғонмай қолмайди.

Йиғлайсиз, пиқиллаб, ўпкангиз тўлиб, айни шу ҳолатда уларни дуо қиласиз, ҳушуга тўлиб, ижобат бўлишидан умид қилиб, кейин-чи, кейин, албатта, ўз ишларингизга шўнғийсиз, худди бироз аввалги кўрганларингиз бўлмагандек, кинода кўргангдек бепарво бўлишингиз билан якунланади, сиз десам ранжиманг, бу менинг ҳолатим аслида.

Улар орасида эса ўша оғриқ, очлик, бошпанасизлик узра салкам 500 кунлик умрни ўтказиб қўйган юз минглаб оилалар бор. Боласи очликдан отасига мўлтираб, умид билан қараб турганда, чорасизликдан барг топиб едираётган ота-онанинг ички ҳисларини қисман ҳис қилоласизми? Бир ўйлаб кўринг!

Устига нима учун бомба ёғдирилаётганини тушунмайдиган, гуноҳи йўқ, покиза болаларнинг ҳар кунлик машаққатини, оёқяланг, юпун кийинган кўйи очликдан зир титрашини, бир неча километр нарига тушган бомба шовқинидан юраги ёрилгудек қўрқувга тушишини кўз олдингизга келтирасизми?

Албатта, мен сизларни уларга мендан кўра кўпроқ дуо қилувчи деган гумондаман.

Постни шу ергача ўқиган бўлсангиз, сиздан сўровим шуки, дуоларингизда Фаластин аҳлини ҳисобсиз жаннатга киришини, албатта, сўранг. Мен уларни бу дунёда кўрган машаққатларини, оғриқларини кўриб қиёматда улар билан йўлиқтирилишдан қўрққанимдан ҳам шу дуони қиламан, мен уларни шу ҳолатда ёрдамсиз ташлаб қўйган умматнинг бир қисми ўлароқ юзлашишдан уяламан. Улар ҳисоб-китоб қилинмасин, маҳшарда биздан мўминлик ҳаққи ҳақида сўралганда уялиб қолмайлик, мен бир шарманда уларнинг олдида минг хижолатдаман…

Қулоғи яхши эшитмайдиган кишини бирор марта бомдод намозини қазо қилмаганини кўриб тушундимки, бомдод намозига уйғоткич эмас, кўнгил қўйилар экан.

Меҳмет Йилдиз

@MuhammadAkbarAzim

Бир балиқчи донишманд айтадики: «Ўз қобиғига ўралган марвариддай бўл. Майли, сени чуқур (денгиз) ичра нафаси етган киши топсин (ёки чиқарсин)».

Ажойиб ҳикмат экан.

Аслини шу ерда қолдирай, яхшироқ таржима қиладиганлар топилиб қолар.

Bir balıkçı atasözü der ki; “Çekilip kabuğuna inci ol. Varsın derinden seni, nefesi yeten çıkarsın”.

@MuhammadAkbarAzim

«Ҳар бир эркакнинг биринчи фарзанди унинг аёлидир. Аёлини фарзандидек қабул қилолмаганлар никоҳини давом эттира олмайди».

Қодир Мисирўғли
#Эркин_ўгирма

@MuhammadAkbarAzim

«Оқилга бир нарсани бутунлигича тутсанг, бир бўлагини олиб кифояланади. Жоҳилга бир бўлагини тутсанг, бутунлигича оламан дейди».

Одинахон Мухаммад Содиқ

@MuhammadAkbarAzim

Бўйдоқ дўстларимга бир яхши амалнинг хабарини берай. ))

Имом Нававий роҳимаҳуллоҳ: «Шаввол ойида никоҳланиш мустаҳабдир», — дейдилар.

Жоҳилият даврида араблар шаввол ойида никоҳланмас эдилар. Лекин Ислом келгач, Росулуллоҳ ﷺ бу ойда никоҳланишни жорий қилганлар.

Хоссатан, Оиша онамиз розияллоҳу анҳо Росулуллоҳ ﷺ билан никоҳлари шаввол ойида бўлганини фахр билан эслаб: «Росулуллоҳ ﷺ шаввол ойида мени ўз никоҳларига олдилар, шавволда мен билан бирга яшашни бошладилар, у Зотнинг қай аёллари мендан кўра насибалироқ», — дер эдилар. Ўз қариндош аёлларининг тўйи шавволда бўлишини мустаҳаб санар эдилар.

Имом Муслим ривояти.

Мени ҳам дуо қилиб қўйинглар, шу ойда никоҳланиб суннатни иҳё қилсам эди деб ният қилиб турибман.

@MuhammadAkbarAzim

Ҳа, айтганча, ҳижрий — қамарий ойларнинг кетма-кетлигини билмайдиганларга эслатай, шаввол ойи Рамазондан кейин келади. ))

Уйланаман десенгам кулишади-я одамлар, товба. 🫂

Ризқ ҳақида

Бир обиддан қаердан егулик топиши ҳақида сўралганида, у шундай жавоб берган экан:

يا فتى، إن الذي نصب الرَّحي يأتي لها بالطحين

«Эй бола! Тегирмонни яратган Зот унга буғдойни ҳам келтириб қўяди».

У ўзининг «тегирмон» деган сўзи билан тишларни назарда тутмоқда. Яъни тишларни яратган Зот уларга чайнайдиган ризқини ҳам беради, демоқда. Қисқа қилиб айтганда, тишни берган ризқни ҳам беради. 😊

Ихтиёр Марғилоний саҳифаларидан
(Таҳрирланди)

@MuhammadAkbarAzim

Анжир ҳақидаги мақолам «Мўминалар» журналида чоп этилибди. ))

@MuhammadAkbarAzim

Афсусланиш, билсанг, ўлимдан кучлироқ жазо. Ҳамма ҳам бир куни ўлади, бироқ тириклигида қилмишидан афсус чекувчилар кам топилади, бу — азобли».

«Руҳшунос» сериалидан.

#Фильмдан_иқтибос

@MuhammadAkbarAzim

Жума тонгидаги бомдод намоз мусулмон одам ҳафта давомида ўқийдиган энг яхши намоздир.
Абдуллоҳ ибн Умар розияллоҳу анҳудан ривоят қилинади:
Набий ﷺ : «Аллоҳ ҳузуридаги энг афзал намоз жума куни тонгдаги намозни жамоат билан ўқиш», — дедилар.

Имом Табароний ривояти

@MuhammadAkbarAzim

ҲАЁТ СПЕКТАКЛИ

Кечаги ёш бола бугун кемшик чол –
Биров туғилганда биров ўлади.
Яна ўша ўзим хоҳламаган роль...
Дунё томошабин бўлиб кулади.

Одамларга айтар бошқа гапим бор,
Тугаб боряпман-у, нега барча жим?
Мени маъзур тутинг, жаноб Режиссёр,
Бахтлилар ролини ўйнаб чарчадим...

2006
Беҳзод Фазлиддин

@MuhammadAkbarAzim

Намоз ўқишни бошлаганимга 7 йил бўлай деяпти, афсуски, жуда кеч бошлаганман. Аллоҳнинг фазли билан ўша йилнинг ўзида телеграмда диний-маърифий каналларга админ бўлганман .

У пайт каналлар анча эркин юритиларди, шахсий каналимда 4400 атрофида обуначи йиғилган. Канални юритиш мобайнида бошқа диний-маърифий канал админлари билан яқиндан танишганман. Аллоҳга ҳамдлар бўлсин, мадраса кўрган устоз ва толиби илмлар менга кўп нарсани ўргатишган. Телеграм ботлардан яхши фойдалана олардим. Шу сабаб уларга техник ишларда ёрдам берардим.

Ўзим эса ақийда, фиқҳ ва бошқа масалаларда улардан кўп нарсани ўрганганман. Аллоҳ таоло ҳидоят қилса бирдан катта ишларга ҳам қувват бериб қўяр экан. Намозни бошлаганимдан бир йил ўтмай туриб Шукуруллоҳ домланинг “ISLOM YULDUZI” телеграм каналида ёрдамчи админ бўлиб қолганман.

Қўлимдаги смартфон Шукуруллоҳ домла тарафидан ҳадя қилинган.

Кейинроқ канал расмий қилинган, назорат кучайган, вақт ўтиб домлани ишдан бўшатишган. Қайтганларидан сўнг админлар ҳам алмашишига тўғри келган.

Гап бу ҳақида эмасди, ўша йилларда ўқиган ва мен энг кўп хиёнат қилган бир ҳадис бор, ўша даврларда мени таъсирлантирган, тилимга ўрнашиб қолганди ҳатто.

Уқба ибн Омир розияллоҳу анҳу Расулуллоҳ ﷺ дан: «Эй Аллоҳнинг Расули, нажот недир?» — деб сўрайдилар, шунда Расулуллоҳ ﷺ: «Тилингни тий, уйингга сиғ, хатоларингга йиғла», — деганлар.

Имом Термизий ривояти

Бугун менинг энг катта мусибатим шу, тилимни тиймайман, уйга сиғмайман, хатоларимга чин маънода йиғламайман.

Ўқиганларимиз фақат маълумот сифатида сақланса-ю, амалга кўчмаса, ўқиганларимизга амалсизликнинг оқибатини ҳаётда кўриб, гўё ўша ҳадиснинг шарҳини ўқигандек бўлар эканмиз.

Ўйлаб кўринг, тилингизни тиймаганингиз учун қанча мусибатларга, ёмонликларга, нафратга дучор бўлгансиз?

Иқтибос кўчириш, фикр ташишнинг ўзи ҳаётимизни ўзгартирмайди, бу ўзимизга қарши ҳужжатни кўпайтиришга ўхшайди.
Кўп нарса ёзмоқчи эдим, фикрларимни жамлолмаяпман.

Аллоҳ бизга ўқиган яхши амалларимизга амал қилишни, ёмон амаллардан қайтишимизни муваффақ қилсин, омин!

Сукут сўздан кўра фойдалидир. Чунки ҳар бир сўз нафснинг гапириши учун туғилади. Нафснинг гапириши эса илоҳий файзнинг қабул қилинишига тўсқинлик қилади.

Мавлоно Саъдуддин Қошғарий роҳимаҳуллоҳ

***

Сукутим камлиги учун кўп панд еяпман, ўзим чарчаб кетяпман кечирим сўраб…

@MuhammadAkbarAzim

Gohida men soatlab bir joydan jilmay, uyqu vaqtida uxlamay 1-2 oyda bitta kitob yozaman. Keyin oylab Din ishlari bo'yicha qo'mitada ruxsat kutadi, sahifalovchi "3-4 kunda sahifalab beraman" deb 2-3 oy olib yuradi, musahhih "15-20 kunda o'qib beraman" deb 2 oy o'qiydi...

#Ijod

@GiyosiddinYusuf

Тезда ўқиб қўйсам хавотирга тушиб қолмасангиз бўлди, устоз. 😁

Саҳифаловчидан чаққонроқ эканман, хайрият! 💪✊

Асалдан асалроқ сўз топсанг гапир,
Азалдан гўзалроқ сўз топсанг гапир.
Акс ҳолда, дўстим, сукут сақлагин,
Сукутдан афзалроқ сўз топсанг гапир.

Муаллифини билолмадим

@MuhammadAkbarAzim