ҚАЛАМ ҚУРИГАН...
Абу Довуд роҳимаҳуллоҳнинг "Зуҳд" номли китобида келади:
"Абдуллоҳ ибн Масъуд розияллоҳу анҳу шундай дер эди:
"Аллоҳнинг қадари ҳақида: "Қани энди шу иш бўлмаса эди", деганимдан кўра оғзимга чўғ солиб токи ўчиб қолгунича тишлаб ўтирганим афзалроқдир!".

Қалам кўтарилганини, саҳифалар қуриганини билиш ақиданинг мукаммаллигидандир.
Сизга етган зарбани қайтаришнинг иложи бўлмаган аслида.
Сизга етган йўқотишларнинг ман қилишнинг иложи бўлмаган аслида.
Ҳаракат қилиб ета олмаган нарсаларингиз аслида бутун борлиғингизни сарф қилсангизда, сизники бўлмайдиган нарсалар бўлган.
Сизга етган яхшиликни аслида ҳеч ким қайтариш қувватига эга бўлмаган.
Сизга етган ёмонликни ҳам ҳеч ким қайтаришга қодир бўлмаган аслида.

Бу маъноларни модомики қалбингизда жойлаштириб олмас экансиз қийналасиз!


https://t.me/Abdulqodir_Polvonov

«Кимга айби айтилмаган бўлса, у ўз айбини истеъдод деб билади».

#Саъдий Шерозий роҳимаҳуллоҳ

@MuhammadAkbarAzim

Айблаш англашдан қулайроқ, чунки англасанг ўзгаришинг лозим бўлади.

Пиями Сафа

@MuhammadAkbarAzim

Яхшилайдиган (шифо бўладиган) фақат вақт эмас.
Вақтни қандай ўтказганингиз ҳам муҳимдир!

#Эркин_ўгирма
@MuhammadAkbarAzim

Мен жуда яхши тушунаман, инсон нимага қаттиқ боғланса, шу билан синалади.

@MuhammadAkbarAzim

Кеча шом намозидан кейин масжидда ўтиргандим, иккинчи қаватдан пичирлаб чақирилган овозни сўнгра қарсакни эшитдим, қарасам, бир қори ака (мураттаб қори, киноясиз ёздим) мени чақиряптилар. Бош кийимларини уларга улоқтиришимни сўрадилар. Негалигини кейин билдим, хонақоҳ шифтида қоп-қора бўлиб ис (ўргимчак ини) бир қалин чизиқ осилиб турарди, турли чанглар ёпишиб қорайиб кетган, менимча, шу сабаб кўзга яққол ташланарди.

Очиғи, шу исни кўрганимга анча бўлганди, лекин ҳиммат қилиб олиб ташламаган эдим. Шифтнинг баландлиги 8 метр атрофида, ис хонақоҳнинг қандилга яқин тарафида бўлгани учун узаядиган дастали шифт тозалайдиган супурги ҳам етмасди, шунинг учун унга бош кийимларини улоқтираётган эканлар.

Бир неча бор уриндилар, бўйинларидаги шарфларини ҳам тугун қилиб отдилар, қайта-қайта уриндилар, лекин ҳар сафар нишонга тегмасди, ташқаридан юқорида айтган супургимдан топиб келдим, чамалаганимдек, чиндан етмади.

Хуллас, бош кийимни ўраб биринчи қаватдан туриб отиб кўрдим, нишонга жуда яқин улоқтирдим, қори ака 5 м масофадан туриб бунчалик аниқ отолмаётган эдилар. Шу сабаб мен тепага чиқишимни, у киши пастда туриб улоқтирган нарсаларимизни менга қайтариш учун тушишларини айтдилар, ўрин алмашдик. Бош кийим ҳамда шарфни бир неча бор отганимдан сўнг, улар енгиллик қилаётганини тушундим. Иккинчи қаватда ёйилган жойнамознинг бирини узун ҳолатда ўрадим, ўртасидан тугун боғладим, оғирлик марказга яқин бўлиши учун. Бош кийим ва шарфдан кўра яхшироқ учди, аммо у билан ҳам бир неча марта уриниб нишонга текказиш имкони бўлмади, гоҳ шарф, гоҳ бош кийим, гоҳ жойнамозни исга қараб отардим, ниятимни тузатишга уриндим, басмала айтмаётганим ёдимга тушди, бир неча бор басмала айтиб отдим сўнгра «Ла ҳавла вала қуввата илла биллаҳ» калимасини зиёда қилдим, шундан кейинги озроқ уринишда жойнамоз билан нишонни урдим.

Ис енгил бўлгани учун ҳавода эркин, бир маромда пастлаб борди, биринчи қаватда турган қори ака осонлик билан уни ушлаб олдилар, кейин қори ака: «Исни ҳам масжиддан кетгиси йўқ, жуда секин тушди», — дедилар.

Мени эса бошқа нарса ўйлантирди.
Биз муаммо қаршисида қолсак, бошимизни ҳали у-ҳали бу дарвозага урамиз, кимнингдир олдида бўйин эгиб ёрдам сўраймиз, ҳеч бир иш чиқмагач, жойнамоз устига чиқиш кераклигини, эслаймиз, дуоларни ёдга оламиз, куч ва қувват ёлғиз Унинг Ўзидан эканини эслаймиз. Шу билан бизнинг ишлар жойнамоз устида ҳал бўлиб кетади.

Агар аввалдан жойнамоздан фойдаланиб, ёлғиз Аллоҳдан мадад сўрасак эди, ишларимизнинг ҳал бўлишида бирор шахснинг эшигига бош урмаган, олдида бўйин эгмаган бўлардик. Эришмоқчи бўлган нарсамиз муҳимлилиги даражасида бизда қатъият ва Аллоҳга бўлган дуода давомийлик бўлиши зарур.

Аллоҳ бизни Ўзигагина ибодат қиладиган ва фақат Ўзидан ёрдам сўрайдиган қулларидан қилсин, омин!

Бош кийимни улоқтиришни бировнинг уйига бош уриб бориш, шарф бўйинга ўралгани учун уни кимнингдир олдида бўйин эгиб туриш, жойнамозни эса Аллоҳга дуо-илтижо учун қароргоҳ деб тафаккур қилдим.

Эслатма: Ҳанафий мазҳабида эркак киши қарсак чалиши жоиз эмас, рухсат берилган ўринни билмайман, қори ака хато қилгандилар.

@MuhammadAkbarAzim

«Бас, қаёққа кетмоқдасиз?!»

Таквир сураси, 26-оят.

Биз ҳам ўзимизга савол беришимиз керак: «Ҳозир турган жойимиз бормоқчи бўлган жойимизга элтиб борадиган йўлдами?!»

Жавобни ўзингизга беринг.

@MuhammadAkbarAzim

"Ғазолик ёзувчи Жиҳод Ҳалласнинг таъкидлашича, Ғазо сектори аҳолиси 2023 йил 7 октябрдан бери давом этаётган бомбардимон қилиниш, ўлим ва очликдан азоб чекаётган бўлишларига қарамай, хурсанд бўлиб, Суриядаги биродарларининг саодатига шерик бўлишмоқда".

Нўмон ибн Башир розияллоҳу анҳудан ривоят қилинади:
Набий соллаллоҳу алайҳи васаллам дедилар: "Мўминларни меҳр кўрсатишда, дўстона алоқаларида, хайрихоҳликларида бир жасаддек эканликларини кўрасан. Агар бир аъзо безовталанса, жасаднинг қолгани у учун бедорлик ва иситма билан оғрийди". (Бухорий ривояти)

Мени тушунинг, чунки мен китоб эмасман, ўлганимдан кейин очиб ўқиб бўлмайди. Тириклигимда тушунишингиз керак.

Шоир Ўғуз Атай
#Эркин_ўгирма
@MuhammadAkbarAzim

Гўзал ахлоқни яхши инсонлар билан дўст бўлиб қозониш мумкин. Чунки инсон табиати яхши ва ёмонни ўғирлайдиган ўғридир.

Ибн Қудома ал-Мақдисий роҳимаҳуллоҳ

@MuhammadAkbarAzim

Баъзи инсонларни унутмадик, лекин энди уларнинг исми зикр қилинганда табассум қилмаймиз.

#Низор_Қаббоний

@MuhammadAkbarAzim

ДУНЁ

Камбағалнинг қайнат қозонин,
Ўртаҳолга берақол улов.
Дунё, дунё, бўйдоқ ҳолидан
Бир кунгина ҳол сўрсин биров.

Ҳажга бормоқ истар онахон...
Ўзинг бергил унга тасалли --
Каъба ичра мунглуғ қалбини
Боғлаб юбор ишқ риштаси-ла!

Кўзларида попукдек назар,
Қошларида баҳорий сурма –
Тўй кунида куйган қизларга
Куёвларни улашгин чирмаб!

Кўтарилсин миллатдан мискин,
Ғарибларнинг оҳию ғами.
Болаларнинг оғизларида
Тугамасин музқаймоқ таъми.

Аммо бир зот сўраса сендан
Молу давлат, боқмагил қиё –
Яхши шеърлар ёзиши учун
Шоирингни аяма, дунё!

@Xayrulla_Hamidov_adabiyot

Эй Хайрулло, жон недир ғам ютмаса,
Синдир қаламингни сўзи ўтмаса.
Аллоҳ десанг қалбинг тўлиб кетмаса,
Шеър ёзишга бало борми, биродар!

@MuhammadAkbarAzim

Xudoga oʻzingizni tenglamang!

Nadomat boʻlishi kerak tavbada. «Yoshlikda boʻladi-da endi. Falonchiyam qilgan, pistonchiyam qilgan, men ham qilsam qilibman-da endi. Parvardigor, oʻzing kechirgin», desangiz, kechirilmaydi u.

Nadomat boʻlishi kerak. Odam alayhissalom: «Fa nasiya» — unutib yeb qoʻygan. 300 yil yigʻlagan deyiladi shu gunohiga. 300 yil. Yer yuziga tushgandan keyin.

Bu qayerdan kelib chiqadi? Allohning azamatidan, bandani oʻzining darajasini bilganidan kelib chiqadi. Siz osongina osiy boʻlayotgan boʻlsangiz, Allohni tanimayotgan boʻlasiz, azamatini koʻrmayotgan boʻlasiz, ulugʻligini bilmayotgan boʻlasiz, qadrini bilmayotgan boʻlasiz, qadrlamayotgan boʻlasiz, osongina gunoh qilayotgan boʻlsangiz. Oʻzingizni katta olayotgan boʻlasiz.

Agar shariatning hukmiga ichingizda qarshilik boʻlsa, siz Xudoga oʻzingizni teng qoʻyayotgan boʻlasiz, nega bunday hukm qiladi, deb. Bandalik emas u. Ana shu, taslim boʻlib qalbingizdan tavba qilganingizda keyin amallarga oson tavfiq boʻladi.

Ustoz Husayn Buxoriy

Menda har doim sabablarim bor,
hatto oshkor qilmasam ham,
behuda narsa qilayapdi deb o'ylamang.

#Doktor Mustafo Mahmud

@alamiy_uz

VIDO

...Va nihoyat ko‘nglimni uzdim,
Oshiqlardek ma’yus, dilafgor.
Sendan kelgan ozorlig‘ nadur,
Men o‘zimdan bezorman, bezor.

Ishqqa tashna ma’yus qiz edim,
Yuragimga nur bo‘lib inding.
Bu dunyoning zulmatlarida,
Sen hammadan yaxshi ko‘rinding.

Bilmadimki, bu ishq o‘tkinchi,
Bilmadimki, senga yetmasman.
Seni tashlab ketib soz qildim,
To sen meni tashlab ketmasdan.

Mayli, yorim sendan ginam yo‘q,
Taqdirimda mangu kuz fasli.
Sen bevafo bo‘lsang ayb emas,
Bu bevafo dunyodir asli.

©Guljamol Asqarova

@aytilmagan_bitiklar

ҒУРБАТ

• Нафснинг хоҳишлари олдида имконсиз қолган, унга қарши туришга кучи етмай ожиз қолган ақл ғарибдир.
• Ўз миллатини, ватанини яхши кўргани учун унга имкон қадар хизмат қилишга уринса-да, лекин бу борада ўзи хоҳлагандай ҳаракатланолмайдиган инсон ғарибдир.
• Хато йўлни кўриб туриб, ундан одамларни огоҳлантиришга ҳарчанд ҳаракат қилмасин, одамлар унинг таълимотига қарши юраверадиган шахс ғарибдир.
• Ҳақиқатни англаб бошқага англатолмайдиган ёки англатса-да гаплари ерда қоладиган киши ғарибдир.

Хуллас, ғурбат дунё!

#Улуғбек_Бухорий ҳафизаҳаллоҳ

@MuhammadAkbarAzim

​​ДУНЁНИ БОЛАЛАР ҚУТҚАРАДИ
...Бугун уни ишдан бўшатишди. Кўзига дунё қоронғи кўриниб, уйига ҳам боргиси келмади. Кўнглида алам билан кетиб бораркан, елкасига урилган копток зарбидан қалқиб кетди. Жаҳл билан ўгирилиб қаради ва рўпарасида айбдорона мўлтираб турган болакайга кўзи тушиб, ўшқирди:
- Кўзингга қарасанг ўласанми? Ҳе, афтинг қурсин, ярамас!..
Болакай қўрқиб кетиб, коптогини олди-ю, қочиб қолди. Аёл зардаланиб елкасини қоқаркан, эрталабдан буён ичига ютаётган аламлари кўзларидан ёш бўлиб қуюла бошлади. У одамларнинг эътиборини тортмаслик учун шу атрофдаги ўриндиқлардан бирига ўтирди, лекин барибир кўз ёшларини тиёлмади. Бошини эгиб олганича, пиқ-пиқ йиғлай бошлади. Ногаҳон сочларида митти ва майин кафтнинг тафтини ҳис қилди ва секин бошини кўтариб қаради. Чамаси беш ёшлардаги қизча аёлга ҳамдардлик билан тикилиб турарди.
- Йиғламанг, хола, - деди у ширин овоз билан. Кейин бир қўлида сиқимлаб турган ширинликларини унга узатди:
- Манг, олинг...
Аёл нотаниш қизчанинг бу меҳрибонлигидан тўлқинланиб кетди. Ўзига келиб, қизчанинг лўппи юзларидан беозоргина чимчилаб қўйди:
- Раҳмат, асалим! Жудаям ақлли қиз экансан-а...
- Сизниям ойингиз ўлиб қолдилами?
Аёл қизнинг овозидаги дарддан сесканиб кетди.
- Маниям ойим ўлиб қолганла... Лекин ман энди катта қиз бўп қолдим, йиғламайман... Сизам йиғламанг, ҳали ҳаммаси яхши бўлади...
Аёлнинг бошидан бир челак муздай сув ағдарилгандай бўлди. Рўпарасида турган шу миттигина қизалоқнинг катта дарди олдида ўзининг ташвишлари нақадар арзимас эканини ҳис қиларкан, ўзини ўзи ёмон кўриб кетди. Уни маҳкам қучоқлаб, бағрига босаркан:
- Ўзим ўргилай сендан, - деди меҳри ийиб. – Тўғри айтасан, ҳали ҳаммаси яхши бўлади. Сенам дунёдаги энг бахтли қиз бўласан!
- Ман ўзи бахтли қизман-ку, - деди қизча аёлни баттар таажжубга солиб. – Мани дадам борла, укам бор, бувим борла... Бувим қўғирчоғимга чиройли кўйлакча тикиб бердила... Мани ўйинчоқларим, китобларимам роса кўп, бизникига борсангиз, сизгаям китобларимдан бераман...
Аёлга кичкинагина қизалоқнинг БАХТ ҳақидаги тасаввури ва саботи катта дарс бўлди. Уйига қайтгач, иш столида турадиган дафтарига катта-катта ҳарфлар билан «Дунёни болалар қутқаради», - дея ёзиб қўйди.

Шаҳина ЮСУФ тайёрлади
"Маърифат саодати" газетасининг 2018 йил 12 март сонидан олинди
©
@MuhammadAkbarAzim

«Умри озайганига қарамай, мол-дунёси кўпайганига хурсанд бўладиган аҳмоқлардан бўлиб қолма!»

Абдулфаттоҳ Абу Ғудда, «Уламолар наздида вақтнинг қадри» китобидан.

@MuhammadAkbarAzim