Товонингни ўпган тупроқ бўлай, жон қизим, сен йиғлама…

«Ҳақсизликка қарши жим турган тилсиз шайтондир!»

Йўқ, йўқ ва яна йўқ!

Ўзбекистонда АЭС қурилмаслиги керак, ҳар бир соғлом ақл эгаси, Ўзбекистонни ватаним деган ҳар бир ўзбекистонлик бу қандай кулфатлар яратишини англаб, тушуниб, ҳис қилиб турипти.

АЭС бу сиёсий хатар. Давлат мустақиллигини сўроқ остида қолдиради.

АЭС бу иқтисодий хатар. АЭС бу ижтимоий хатар. АЭС бу экологик хатар.

Ёлғон гапириладиган маконда, ҳукумат халққа ҳисобдор бўлмаган юртда АЭС қурилмаслиги керак. Қайси ақл дунёни ядровий шантаж билан қўрқитаётганларга, ўзлари қурган иккита АЭСни босиб олганларга АЭС қурилишини ишониб топшириши мумкин?

Бугун бор, эртага йўқ қанақадир Султоновлар, қанақадир Мирзамаҳмудовлар, қанақадир Аҳмедходжаевлар АЭС қуриб тажриба ўтказишмоқчи бўлишса, марҳамат, бунинг учун Ўзбекистондан бошқа макон танлашсин.

Мен рози эмасман, рози бўлмайман. Бизнинг Ўзбекистондан бошқа захира ватанимиз йўқ!

Маълумот учун: Ёзда Жиззах вилоятида россия тарафидан АЭС қурилиши режалаштириляпти!

Мен бунга қаршиман!

Баъзан ўтмиши энг ёмон бўлган одамлар ўзларига энг яхши келажакни яратадилар.

Умар ибн Хаттоб розияллоҳу анҳу

@MuhammadAkbarAzim

“Olim - oddiy narsadan murakkablikni topadigan, keng bilimi, tushunchasi va aql-zakovati tufayli murakkab narsalarni soddalashtira oladigan kishidir.”

— Imom as-Sanusiy رحمه الله

Chora bormi?

Xazon boʻlgan gʻuncha kabi
Soʻlmaslikka chora bormi?..

«Сендан воз кечганларга рағбат кўрсатма!»

Ҳазрати Али розияллоҳу анҳу

Нақадар ҳақ калималар!

Воз кечганларга рағбат кўрсатиб:
• қадрсизланасиз;
• ўзлигингизни йўқотасиз;
• туйғуларингиз топталади;
• сизни оёғости қилишади, уларнинг ёнида айбдор қулдек кўринасиз;
• қувватингиз кетиб, умидларингиз чилпарчин бўлади;
• сўзларингизни вазни йўқолади;
• хотиржамликни йўқотасиз, ибодатларингизни ҳушу ва ҳузу тарк этади.

@MuhammadAkbarAzim

Телеграмда шахсини очиқламай (Исми ўрнида бирор эмоджи, нуқта ва бошқа бирор белги қўйиб олиб) ёки номаълум рақамдан қўнғироқ қилиб ўзини таништирмай гаплашадиганларни хушламайман, буни ҳурматсизлик деб биламан.

@MuhammadAkbarAzim

Odatda sahifamga bunday narsa joylamayman. Lekin shu kishiga yordam berib, ogʻirlarini yengil qilaylik.

Ra’no Aliyeva:

Бу постни чорасизликдан ёзяпман. Бир ўзимнинг қўлимдан ҳеч нарса келмаяпти...
Кўпчиликнинг хабари бор - халқаро журналист Бобур Комилов шогирдим эди. Унинг бир акаси ва Бобуржоннинг ўзи ҳам жигар циррози туфайли оламдан ўтишди. Яна бир акаси – онасининг охирги илинжи, ишонган тоғи Ўткиржонда ҳам шу хасталик аниқланганига беш йил бўлди. Шифокорлар жигар ўтказиш зарурлигини айтишган. Аммо Ўткир Комиловда бу вақт мобайнида операция учун маблағ бўлмади. Она 500 минг сўм пенсия олади. Ўткирнинг аёли эса яқиндагина маҳалла идорасига ишга кирди. Болалари талаба, ўқувчи. Ўткир икки йил аввал ётиб қолгач, оиланинг ночорлиги яна ҳам ортди. Бир неча марта ҳайрия ёрдамида пул йиғишга уриниб кўрдик. “Кун.уз” сайти орқали, фейсбук ижтимоий тармоғи орқали ҳам уринишлар бўлди. Яхши инсонлар томонидан юборилган пуллар Ўткирнинг дори-дармонига зўрға етди.
Бугун Ўткирнинг ахволи оғир. Шифокорлар тезликда жигар кўчириб ўтказилмаса, кўпга бормайди дейишмоқда. Ўткир оиланинг боши, уч фарзанднинг отаси, онаизори Муслима опанинг охирги умиди... Икки ўғлини тупроққа берган она учун учинчи ўғлининг ҳам ночорлик сабаб жон таслим қилишига бардош бериши қанчалар аламли эканлигини тасаввур қилиб бўлмайди...
Бир қанча жамғармаю, давлат ташкилотларига қилинган мурожаатлар ҳозиргача натижа бермаяпти. Яна шу халқимизга, биродарларимизга, савобталаб инсонларга суянишга мажбурмиз. Ҳиндистонда жигар кўчириб ўтказиш амалиёти айтишларича 23 мингдан 28 минг долларгача экан. Билмадим, қисқа фурсатларда бу маблағни топиб бўладими, йўқми?... Нима бўлганда ҳам чиқмаган жондан умид. Илтимос, шу постни максимал репост қилинглар !
Тома-тома кўл бўлур дейди халқимиз. Халқ катта куч! Ҳар ким агар 10 минг сўмдан эҳсон қилса ҳам айтилган маблағ тўпланиб қолса ажабмас. Ўткирнинг ҳаётда қолишига ҳисса қўшишни истаган инсонлар учун унинг онаси Муслима опанинг пластик картаси рақамини ёзиб қолдираман: 8600061053537824
Комилова Муслима

ПС: пост тагида ва изоҳда Ўткирнинг икки йил аввал “Кун. уз” сайти орқали қилган мурожаати ҳаволасини илова қиляпман.
Умидимиз аввало Аллоҳдан, кейин сизлардан азиз ватандошлар!

https://youtu.be/LsD-3bEOxiY?si=Lc72caNwJXyT4c21

Фаластинда ҳалок бўлганларни кўриб танамдан бир қисмини йўқотгандек бўляпман, гўё нураб боряпман…

СЕВАДИ...
Агар мендан сўрасангиз:
- Муҳаббатдаги энг гўзал нарса нима?
Мен айтаманки:
- Омонлик ва хотиржамлик!

Бунда кимдир сизнинг қўлингиздан эмас, қалбингиздан тутганини ҳис қиласиз...
Омонлик бу- бировга сизни хароб қиладиган имконни берасиз, аммо бутун борлиғингиз билан у сизга ҳатто гул ҳам отмаслигига ишонасиз...
Ораларингда нима бўлмасин, у сизга оддий шабада ҳам озор етказишини истамайди...
Ораларингда бўлиб ўтган уруш-жанжалларга қарамай унинг олдида қадрли бўлиб қолаверасиз...
Омонлик дегани кимнидир ўзингиздаги энг чуқур нуқта томон бошлайсиз. Худди китобнинг саҳифаси каби унга очиласиз. У худди кўзларини эҳтиёт қилгани каби сизнинг сирларингизни сақлашига ишонасиз...
Омонлик дегани бу кимгадир заиф нуқтангизни кўрсатасиз. Ҳаётда ўзингизни турли зарбалардан ҳимоя қилиш учун кийган совутингизни унинг олдида ечасиз. Сўнг унинг ўша заиф нуқтангизни босмаслигига, жароҳатингизга бармоғини суқмаслигига ишонасиз...
Омонлик дегани бу очилиш. Очилган кишингиз сизнинг бу очилган жойингизни сизга қарши ишлатмаслигидир. Унга ишониб қўлингизни берасиз. Қўлингизни қўйиб юбормаслигига бутун борлиғингиз билан ишонасиз. У билан гарлашганда худди ўзингиз билан гаплашгандек ҳис қиласиз ўзингизни. Унга ўзингизни оқлашга мажбур бўлмайсиз, масалани унга тушунтиришга мажбурият ҳис қилмайсиз. Чунки у сизни тўғри тушунишига ишонасиз...
Гарчи сизнинг таъбирингиз сизга хиёнат қилсада, унинг фаҳми хиёнат қилмайди. Сўзларингиз хато кетсада, унинг нияти хато кетмайди. Унинг елкасига бош қўйиб хижолатсиз йиғлай оласиз. Ўзингизни заиф сезмайсиз. Синиб парчаланган қалбингизни унга топширасиз. У қалбингизни даволашига инонасиз...
Туйғуларингиз қандай бўлса шундайлигича яшайсиз. Ташвишланасиз, ғазабланасиз, рашк қиласиз, ўзингиз билан ўзингиз овора бўлиб қоласиз. Аммо буларнинг барига қарамай у сизни севишига ишонасиз!

https://t.me/Abdulqodir_Polvonov

"Meshpolvon" kinosidan.

@niyohs

Ayollar, qizlar tafsilotlarga asoslangan, bu dunyoning asosiy detallariga, voqelikning asosini tashkil etadigan kichik xususiyatlar ustida fikr yuritadi, harakat qiladi. Masalan farzand bilan muomala, ovqat pishirish, uyni toza-sarishta saqlash, umumann poklik masalalari, jamiki inson uchun birlamchi, fundamental ahamiyat kasb etadigan masalalarni ular koʻpincha oʻz boʻyniga oladi, qilishni burchi deb biladi. Va bu toʻgʻri ish. Alloh yaratgan qonuniyatning bir qismi bu.

Har qanday holatda ham istisnolar boʻlishi mumkin. Ayollar umumiyatlar emas, xususiyatlar nuqtayi nazari ustida oʻz dunyoqarashi va tafakkurini shakllantirar ekan, erkaklarda koʻpincha shuning teskarisi uchraydi. Ular umumiylatlar bilan shugʻullanadi. Shu bois ham hozir va tarixda umumiy voqelikni tashkil etuvchi tub masalalar, mohiyat ustida ayollarning fikr yuritgani, falsafa-ijtimoiy fanlar, jamiyat tartibi, boshqaruvi kabi umumiy mavzular xususida kitoblar yozganini deyarli uchratmaysiz. Chunki fitrat ulardan buning teskarisini taqozo qiladi. Erkaklar esa tom ma'noda falsafachi, tugʻma fikr yurituvchi. Bu ularning ustunligi, ayollar ulardan past mavqeda ekani nuqtayi nazaridan emas, balki tabiati, xilqati shuni taqozo etganidandir. Bu Yaratganning xohish-irodasi. Ammo-lekin istisnolar bor.

Faqat jamiyat oʻsha istisnolar uchun zamin va sharoit yaratib beroladigan darajada ilgʻor boʻlishi kerak, aks holda, misol uchun ayollardan ham kuchli mutafakkirlar, faylasuflar, ijtimoiy jabha vakillari, chinakam qonun ijrochilari chiqishini kutish bekor. Bunda men diniy muhitning oʻzini nazarda tutmayapman. Umuman sekulyar muhitda ham asosiy masala baribir yoshlikdan beriladigan, oilada qadimdan shakllangan tarbiyaga borib taqalishi rost. Biz odatda oʻsha kamyob istisnolar boricha oʻzini namoyon etgan yahudiylar yoki ilgʻor gʻarbda yetishib chiqadigan ayollarga havas qilishimiz mumkin. Va bundan oʻz navbatida ayollar ham har jabhada erkaklar kabi teng qobiliyat, mahorat va natija koʻrsata olishi mumkin, degan xato tasavvur va xulosani chiqaramiz.

Bu esa – chuqur yanglishish. Men umumiy barcha jabha va kasb-korlarni, hozirgi zamonaviy sohalarni nazarda tutmayapman. Jamiyatning aksar belgilari, umumiy normallik qoidalari, ilm-fan, intellektuallik asoslarini erkaklar belgilab beradi. Biz intelligensiya ichida koʻplab ayollarni uchratishimiz mumkin boʻlsa-da, masala baribir oʻsha ziyolilik konsepsiyasining asoschilariga borib taqalaveradi inkor etsak ham. Shuning uchun siz oʻsha "istisno" boʻlishga harakat qilsangiz, shunchaki oʻqishning, yoki bundaylarga qiziqishning oʻzi kamlik qiladi. Avvalo bunday istisnolik, anomaliyaning birinchi belgisi bu originallik, asllik, nimadir yangicha narsani yarata olish, fikrlash boʻladimi, tafakkur boʻladimi, jamiyat bilan bogʻliq narsa boʻladimi, uni ommaga tanishtira bilish.

Erkaklarda esa bugungi kunda bunday ishlarni ado eta oladigan toifalar yaqqol koʻzga tashlanishiga qaramasdan, tizimning qusuri sababli ularning tasavvur va uzoqni koʻruvchilik tugʻma qobiliyatlari oʻldirilmoqda. Qoliplashgan, bir xil jamiyatda, hamma narsa senzura ostiga olingan, inqilobiy fikrni siyosiyni qoʻyib turing oddiy ijtimoiy kayfiyat mutlaqo qabul qilolmaydigan sotsiumda erkaklar qatlami oʻshanday potensialni aslo yuzaga chiqara bilmaydi. Lekin bizda bitta imkon bor. U ham boʻlsa – oila. Bunda tanlov erkinligiga egamiz. Oilamizda shunday muhit yarata bilishimiz kerakki, kelgusi avlodning bir qismi boʻladigan farzandlardan oʻsha potensialni tamomila namoyon etiladigan va bunga munosib muhit va zamin beroladigan oʻqimishli ayollar sinfi hosil boʻlsin. Zotan, karyera oilaning oʻzidan boshlanadi.

Сен учун азиз бўлган инсонни кичик бир хатоси ёхуд айби учун тарк қилма. Чунки Аллоҳдан бошқа ҳеч ким мукаммал эмас.

@AbdullohRahim

Соғинган (инсон)ларини қучоқлай оладиган инсонлар жуда бахтлидир.

Франц Кафка

***
Кетдим,
кўзларингда қолмоқ учунми,
Қўрқмасдан қўл урдим
буюк бир ишга —
Йигирма йил зўрға йиққан кучимни,
Бир кунда сарф этдим хайрлашишга.

Албатта, қайтаман,
дедимми расо,
Қайтаман соғинчинг
топганда якун —
Томчи, ёш оқмаса агар йиғласанг,
Мен берган гул ифор таратмаган кун...

Энди ҳеч кетмайди йўлингдан хазон,
Энди оғир кечар тунларда тушинг.
Севгилим, менга ҳам бўлмайди осон,
Қайта олмасликдан қўрқаман, тушун!

2021.10.09

Ҳумоюн Фаттоҳ

@MuhammadAkbarAzim