Мазлумнинг уйи вайрон, дили хуфтон бўлган ҳолда золимни ётоғида роҳат берма, Аллоҳим!

Хазина топгандай бўлдим, роса хурсанд бўпкеттим.

Марғилонлик тадбиркорлар ишлаб чиқаряпти экан, таъмидан ҳам кўра номи мени ўзига тортди, ростдан малҳам бўлсайди!..

На отамизнинг елкасига бош қўйиб йиғлай олдик,
На онамиз куйинмасин деб дардимизни айта олдик.
Ўзимизни ўзимиз улғайтирдик.
Яна ўзимиз ўлдирдик.
Ҳаммасини ичимизга кўмдик…
Камига билинмасин деб устига гул ҳам экдик.
Таги мозор, усти гулзор.
Тушунтиролмадик, кўп чарчатдилар, ўнгланолмадик.

@AbdullohRahim

***

Ғунчалар пуштиранг ва заъфар
Зангори япроқлар шаҳрида.
Ғунчалар орзумдек ҳар сафар
Ғунчалар қалбимнинг бағрида…

Қалбимнинг бағрида бир жаҳон
Ғаройиб эртаклар айтади.
Мен қайтиб келмасман ҳеч қачон,
Ғунчалар, албатта, қайтади.

1963
Рауф Парфи

@MuhammadAkbarAzim

Олис ва имконсиз кўринган бир иш бир онда яқин ва мукаммал бўлиши мумкин. Насиб жуда гўзал бир эҳтимолдир.

@MuhammadAkbarAzim

Икки гўзаллик жамланганда. ;)

Бугун жияним Мадинахон келганди, хотиржам, юзида табассум, эркаланиб ёнимда бўлди.

Ушбу суратдаги қизалоққа қараб жияним билан солиштира туриб, фаластинлик болаларни нималардан маҳрум қилишаётганини тасаввур қиляпман…

Ilm olinglar serialma serial yuravermay hayot 1 marta beriladi o'yinlardagiday tirilib kelib qayta xato qilmay yashayman deb o'ylamanglar. Shu omonatni egasiga avaylab olib borishimiz kerak.

Асқар Маҳкамнинг «Ваҳдат куйи» китобидан

#Тасодифий_саҳифа

@MuhammadAkbarAzim

Қачон оналар покланса, миллат покланади.

Устоз Ҳусайн Бухорий ҳафизаҳуллоҳ

@MuhammadAkbarAzim

Ғазза учун қилинаётган бойкот туфайли старбакс қаҳвасининг акциялари бугунги бозорда 15.8 фоизга пастлаган.

Сиз ва яқинларингиз орасида бойкот қандай кетяпти?

Бараканинг маъноси нима?

Бараканинг асл маъноси бирор нарсадан қийинчиликсиз фойдаланиш деганидир. Айни шу иш баракадир. Бу таърифга кўра, инсонларни бир-бирларига нисабатан «Аллоҳ фалон ишни сенга муборак қилсин», деган гапларининг маъноси: «Аллоҳ сенга шу ишда бирор қийинчиликсиз манфаат берсин», — дегани бўлади.

Шунингдек, барака икки хил тушунчани ифода қилиши мумкин: Биринчиси, доимий зиёда бўладиган ва кўпайиб борадиган яхши ишга нисбатан барака сўзи ишлатилади.
Иккинчиси эса, қийинчилик ва машаққатсиз эришиладиган ишларни ҳам барака дейилади.

Валлоҳу аълам!

#Имом_Мотуридий. Таъвилот ал-Қуръон: Анъом, 155.

Устоз Ихтиёр Марғилоний ҳафизаҳуллоҳ

#Сўз_маъноси

@MuhammadAkbarAzim

Намозни кечиктириб ўқишимиз баробарида барча ишларимиз кечикади.

Ризқ Аллоҳдан.....

Ижтимоий тармоқларда кузатинг:
Instagram | Facebook | Telegram

Инстаграм тармоғида фотожурналист Мотаз Азаизани кузатиб борардим, Фаластиндаги ҳолатни ёритиб борарди, охирги кунларда фаластинликлар аҳволи ҳақида пост жойламаганди, видео ёки сурат қўймаганди.

Атиги 9 дақиқа аввал қўйилган пост эътиборимни тортди, у ҳам кун санаяпти экан…

Менимча, журналист тинч жойда ҳозир, лекин ҳолатни ўз кўзи билан кўрган киши сифатида чинакамига қайғуда эканида шубҳам йўқ.

Аллоҳ фаластинликларга нажот берсин!

ҚЎЯВЕРИНГ, ҲАЛИ У ФАЛУЗАЖ ЕЙДИ

Илмнинг шарафи

Абу Ҳанифа раҳматуллоҳи алайҳнинг шогирди Қози Абу Юсуф раҳматуллоҳи алайҳ айтади: “Отам вафот этганида мен ёш бола эдим. Онам мени газлама оқловчига олиб бориб топширди. Мен Абу Ҳанифанинг дарс ҳалқалари олдидан ўтиб кетаётиб, у ерда тўхтаб дарс эшитиб ўтирардим. Ортимдан онам келиб, қўлимдан тутиб, дарс ҳалқасидан олиб, газлама оқловчининг олдига элтиб қўяр эди. Мен эса онамнинг хоҳишига хилоф ўлароқ Абу Ҳанифанинг дарсига борар эдим.
Иш шундай давом этавергач, онам Абу Ҳанифага: “Бу бола етим бўлиб, фақатгина менинг урчуғим (ип йигирадиган чарх) орқасидан едирадиган нарсамдан бошқа ҳеч нарсаси йўқ. Сиз эса бу болани айнитдингиз”, деди.
Шунда Абу Ҳанифа: “Қулоқ солинг, ўйламасдан гапирманг, ҳали бу бола шундай илм оладики, ферузадан бўлган ликопчада хандон писта ёғидан қилинган фалузажни ейди”, деди.
Онам: “Сиз ақлдан озган қария экансиз”, деди.
Абу Юсуф раҳимаҳуллоҳ: “Мен қози бўлиб ишлаётганимда бир куни халифа Ҳорун ар-Рошиднинг ҳузурида эдим. Шу пайт ферузадан бўлган ликопчада фалузаж олиб келинди. Шунда у менга: “Бундан енг, бу нарса биз учун ҳамма вақт ҳам тайёрланавермайди”, деди.
Мен: “Бу нима экан, эй мўминларнинг амири?”, деб сўрадим.
У: “Бу фалузаж”, деди.
Мен жилмайиб қўйдим.
У: “Нима учун куляпсиз?”, деди.
Мен: “Шунчаки кулдим, Аллоҳ мўминларнинг амирининг умрини узоқ қилсин!”, дедим.
У киши эса: “Кулишингиз сабабини айтинг”, деди.
Мен мазкур воқеани айтиб бердим.
Шунда у: “Илм дунё ва охиратда манфаат беради ва юқори мартабага кўтаради. Аллоҳ Абу Ҳанифани раҳматига олсин! Дарҳақиқат у кўз билан кўра олмайдиган нарсаларни ақл кўзи билан кўрар эди.”, деди”.
Имом Абу Юсуф раҳматуллоҳи алайҳ ҳақларида Абу Ҳанифа раҳматуллоҳи алайҳ “У шогирдларимнинг ичида энг билимдони”, деб айтар эдилар. (Ал-Бидоя ван-ниҳоя)

Фалузаж – ун, сув, асал ва бошқа унсурларни қўшиб тайёрланадиган юмшоқ ширинлик.

Устоз Қудратуллоҳ Сиддиқметов саҳифаларидан

@MuhammadAkbarAzim

#free_PALESTINE 🇵🇸