Қалблар ором олсин!

«Нажм» сураси

Шайх Маҳмуд Халил Ҳусорий роҳимаҳуллоҳ

@MuhammadAkbarAzim

Яқин орада шунақа гўзал қироат тинглаганмидингиз-а?!

Сулаймон ибн Сурад розияллоҳу анҳудан ривоят қилинади:
«Набий соллаллоҳу алайҳи васаллам билан ўтирган эдим. Икки киши сўкишаётган эди. Бирининг юзи қизариб, бўғизтомирлари шишиб кетди. Шунда Расулуллоҳ соллаллоҳу алайҳи васаллам: «Мен шундай бир калима биламанки, агар у ўшани айтса, ундаги дарғазаблик кетади. «Аъуузу биллааҳи минаш‑шайтоон» деса, ундан дарғазаблик кетади», дедилар. Унга: «Набий соллаллоҳу алайҳи васаллам: «Аллоҳдан шайтон(нинг шарри)дан паноҳ сўра» дедилар», деб айтишди.

Муттафақун алайҳ
(Бухорий 3282, Муслим 2610)

Шарҳ: «Ғазаб» луғатда розиликнинг тескарисидир. Аслида ғазаб шиддат ва қувват маъноларини англатади. Араблар қаттиқ харсангни «ғазба» дейишади. Ғазаб ҳам шундан олинган. Зотан у қаттиқ жаҳл чиқишини англатади.
Уламолар ғазаб хусусида бир-бирини тўлдирувчи бир неча таърифлар айтганлар.

Журжоний «Таърифот»да ғазабни: «У қалбнинг қони қайнаганда ўзгариш бўлиб, кўкс сокинликка эҳтиёж сезади», деб таърифлаган. (167-бет).

Имом Ғаззолий: «Ғазаб қалб қонининг интиқом талабида ғалаён қилишидир», деган.

Манба: Hadis.Islom.uz

@MuhammadAkbarAzim

Топсанг яхши турмуш ўртоқ,
Яхши бўлар турмуш, ўртоқ!

Хайрулла Ҳамидов

@MuhammadAkbarAzim

Устозим Ғиёсиддин Юсуфнинг «Мен ҳам китоб ўқийман» номли китобларини кирилл алифбосидаги нашри учун тасҳиҳ қилаётган эдим.

Американинг Огайо [Ohio] штати университети номи китобда келган. Штат номи ўзбек тилига юқоридагидек қабул қилинган, лекин мен боядан буён нега Оҳайо эмас деб бош қотиряпман. Ахир Огайо деб талаффуз қилиш руслар учун қулай холос-ку.

Кўнглим Огайо деб ёзишга ҳеч кўнмаяпти. ))

Сизлар нима дейсизлар?

Кайфиятим йўқ пайти мен:

Ёғоч михга: «Мени жароҳатладинг-ку!» — деди.
Мих жавобан: «Бошимга тушган зарбанинг қанчалик оғир эканини билганингда, мени маъзур тутган бўлардинг!..» — деди.

Баъзида кимдир бизни ранжитади, дилимизни хира қилади, жароҳатлайди. Аммо у ҳис этган оғриқнинг маҳсули бизни яралаган бўлиш эҳтимоли борлигини унутамиз. Сенинг ўрнингда мен бундай қилмасдим деб маломат қилмаслик, бошқанинг мусибатини енгил санамаслик керак.

@MuhammadAkbarAzim

200 кун, бугун Ғаззада уруш бошланганига 200 кун бўлди…

Agar siz musulmonlarni nafl namozlarini toʻliq ado etadigan, juda taqvodor qilib qoʻysangiz-u, lekin ularni keng atrof-muhitdan uzib qo'ysangiz, mamlakat qay tarafga ketayotgani-yu oʻlkada ularga nisbatan nafrat uyg'onayotganidan bexabar qoldirsangiz, unda nafl namozlarni qo'yib turing, tez orada musulmonlar besh vaqt namozlarini ham o'qishlari imkonsiz bo'lib qoladi. Agar siz musulmonlarni o‘z yurtida musofir (begona) qilib qo‘ysangiz, ularni ijtimoiy voqeliklarga ko‘r qilib, mamlakatda ro‘y berayotgan tub o‘zgarishlarga, joriy etilayotgan yangi qonunlarga, odamlarning qalbi va ongiga hukmronlik qilayotgan yangi g‘oyalarga befarq bo‘lishiga sabab bo‘lsangiz, shunda (mamlakat) siyosiy ishlarida ishtirok etish u yoqda tursin, musulmonlarning o'z mavjudligini ta'minlashi ham mushkul bo'lib qoladi.

(C) Abul Hasan Ali Nadviy

@Tafakkur_chizgilari

Аллоҳ ҳузуридаги энг ёмон гуноҳ давомли қилинган гуноҳлардир.

#Ҳазрати_Али розияллоҳу анҳу

@MuhammadAkbarAzim

Суфён ибн Уйайна роҳимаҳуллоҳдан сўрашди:

— Сабаби номаълум бўлган ғам қаердан келади?

— У сен қилиш ниятида бўлсанг-да, қила олмаганинг гуноҳнинг меваси. Унинг жазоси ўша ғам бўлган.

Шайхул Ислом имом Ҳарроний «Фатово», 14/111.

@MuhammadAkbarAzim

Шайх Муҳаммад Зоҳид Кавсарий роҳимаҳуллоҳни салафий(ваҳҳобий)ларга нега кескин раддиялар билан жавоб берганларини секин-аста англаяпман.

Салафийлар аҳмоқ, мутаассиб, такфирчи тоифа эканида шубҳам қолмади.

Ботил қанчалик безантирилса ҳам ботиллигича қолаверади.

СЕНГА СОВЧИ ЮБОРМОҚЧИМАН

Махлуқотлар ичра гўзалсан,
Жамолингни мен кўрмоқчиман.
Сен ариғи болу асалсан,
Сенга совчи юбормоқчиман.

Ёшлигимдан мақташди сени,
Менга қаттиқ исташди сени.
Мафтун айлаб қўйгансан мени,
Сенга совчи юбормоқчиман.

Ибодатда ва ёки ишда,
Сенга қалбан боғлайман ришта.
Мужда¹ олиб келсин фаришта.
Сенга совчи юбормоқчиман.

Ошиқларинг топилар кўплаб,
Етсам дейман сенга куч тўплаб.
Сутларингдан ичай деб ҳўплаб,
Сенга совчи юбормоқчиман.

Гарчи яхши фазилатим кам,
Лекин сени истайман ҳар дам.
Ўнгдан келсин никоҳ шартномам²,
Сенга совчи юбормоқчиман.

Сен ясаниб кутмоқдасан шай,
Сени истаб Ҳаққа ёлворай.
Ҳузурингга покланиб борай,
Сенга совчи юбормоқчиман

Сени ўйлаб ётаман ҳар кеч,
Эшикларинг қулфларин еч.
Мен бағрингда ухламайман ҳеч,
Сенга совчи юбормоқчиман.

Рўза тутиб нур зиё сочай,
Сўнг дунёдан сен томон қочай.
Ҳузурингда рўзамни очай,
Сенга совчи юбормоқчиман.

Эй воҳ! Сени отам ҳам севар,
Дўст-биродар, оғам ҳам севар.
Кимдир кўпроқ кимдир кам севар,
Сенга совчи юбормоқчиман.

Топай дейман сенда саодат,
Совчим — тавҳид, маҳрим — ибодат.
Сени қаттиқ соғиндим, ЖАННАТ,
Сенга совчи юбормоқчиман.

2020.08.23
22:13

Муҳаммад Акбар Азим

Мужда — хушхабар
Никоҳ шартнома — амал дафтари.

#Шахсий_ижод

@MuhammadAkbarAzim

Odamlar modellarga eʼtibor qaratadi, anti-modellarga eʼtibor qaratishganda yaxshiroq boʻlishardi.

©️ Taleb Nassim

Idealingdagi shaxs kim? ushbu savolga har birimiz bir marta boʻlsa ham duch kelganmiz. Albatta, ideallarimiz boʻlgani yaxshi. Lekin ideallar oʻz nomi bilan ideal. Ularga yetishishni imkoni qiyin yoki umuman imkonsiz.

Ammo anti-modellar (oʻxshashimiz kerak boʻlmagan shaxslar)ning sifati bizga yaxshiroq ayon. Ularni sifatini bilasiz, shunchaki ularga oʻxshamaslik sizni hayotingizni yaxshilashi mumkin.

Masalan: siz oila boshligʻisiz, qoʻshningizni yomon oila boshligʻi sifatida bilasiz. Uning sifatlari:
- ichkilik ichadi;
- ayoli va farzandlarini uradi;
- oila aʼzolariga elementar eʼtibor qaratmaydi;
- farzandiga soʻkinib murojaat qiladi;
- farzandini boshqalarni oldida sazoyi qiladi;
- koʻchada boshqa ayollar bilan yuradi.

Demak, sizda endi nima qilmaslik haqida aniq yoʻl mavjud. Yuqoridagi sifatlarni aksi.

Endi shuni oʻzingizga moslang, kimsiz talaba? Xodim? Biznes egasi? Turmush oʻrtoq? Kimligingizni aniqlang va anti-modellarni aniqlashtirib oling.

P. S. Anti-modellar tasavvuriy boʻlsa ham boʻladi. Ideallardan kechish shart emas.

Ибн Қаййим рoҳимаҳуллоҳ деди:

«Ҳақиқий содиқ енгиллик кутади ва Аллоҳнинг раҳматидан умидини узмайди».

«Мадорижус соликин» китобидан.

@MuhammadAkbarAzim