Аллоҳ жуда ҳам яқин эканига ишонган лаҳзангизда маҳзунлик тўсатдан йўқолиб қолади.

Айман Ёғий

Шайх Муҳаммад Содиқ Муҳаммад Юсуф ҳазратлари ўқиш давомида чет эллик талабалар орасида биринчи ўринни эгаллаб, бир неча марта мукофотларга сазовор бўлганлар. Одатда олти ойда бир марта таътилга келар эдилар. Бир сафар келганларида: «260 та китоб ўқидим», — дедилар. Бу эса бир кеча-кундузда бир яримта китоб ўқидим дегани эди.
Кутубхона мудири бўлиб ишлаган Тоҳир Ноус шундай деган эди: «Муҳаммад Содиққа китоб ташиб чарчаганман».

Муҳаммад Амин Муҳаммад Юсуф, «Исломга бағишланган умр, Хотира китоб»идан

***
Лутфу карамингга умрим мунтазир,
Мангу муҳаббатни тақдир қилиб бер.
Эй бутун оламда Буюк Муҳаррир,
Ҳаётимни Ўзинг таҳрир қилиб бер.

© Беҳзод Фазлиддин

Умар ибн Хаттоб розияллоҳу анҳу айтади: «Инсон Исломга келгандан кейин унга солиҳ дўстдан кўра яхшироқ нарса ато қилинмаган. Агар сизлардан бирингиз биродаридан меҳрибонлик кўрадиган бўлса, уни маҳкам ушласин, ўшандай дўстга камдан-кам эришасиз».

Абу Толиб Маккий, «Қут ал-қулуб»

Биз нафратланмаймиз. Шунчаки муҳаббатимизни изҳор қилишдан тўхтаймиз холос.

Мубашшир Аҳмад

Кимгадир айтолмаган, тилингизга келтиролмаган, энди эса айтишга имкон йўқ бўлган сўзлар борми?

Шу ҳавола орқали менга ёзинг, шахсингиз номаълум тарзда келади хабарлар.

Енгиллаб олишингиз учун: https://t.me/QuestionUZ_Robot?start=f00d0cc0b09e49

Мен ўқиб йиғлайман ўзим хат ёзиб,
Сенга етиб бормас мен битган хатлар.

© Аъзам ЎКТАМ

📨 Sizga yangi anonim xabar bor!

Seni sevaman haliyam. Sendan voz kecholmayapman. Sen haqingda yomgʻirga, gulga, osmonga, oyga soʻzlayapman. Sevgi desa xayolimga birinchi boʻlib sen kelasan. Beixtiyor sening ismingni aytaman.
Oʻshanda-oʻshanda senga "ha" demaganimga afsuslanaman. Toʻgʻri, u paytlarda qoʻrqardim, yosh edim. Lekin sen bilan boshqacha boʻlardimi deb oʻylab afsuslanaman haligacha. Bir necha bor sening oʻrningni toʻldirmoqchi boʻldim. Lekin boʻlmadi. Senga soʻzim bilan ham xiyonat qilishga tilim bormadi. Bilasanmi, sen qaytsang, ikkilanmay qabul qilaman qayta. Koʻnglim hech kimga isimayapti hali ham. Goʻyoki sen qaytadiganday boʻlaveryapsan. Goʻyoki... Goʻyoki... Ikkimiz baxtli boʻladigandekmiz. Qalbimning bir chekkasida unsiz ovoz hayqirib:
Qaniydi shunday boʻlsa...
Qaniydi-ya...
deyapti hozir.

Seni qalbim bilan sevaman. Pok va maʼsum, oʻsha birinchi va oxirgi uchrashuvimizdagi bola koʻnglim bilan sevib qolaman seni...

📨 Sizga yangi anonim xabar bor!

Кел,
шунчаки бирга чой ичамиз,
Кўзларингга қарамайман, кел,
Сиёсатдан гапирмайман ҳеч,
Нолимайман бирор тузумдан,
Ҳуқуқи йўқ инсонлар учун
йиғламайман бағрингни тиғлаб.
Уруш ҳақда оғиз очмайман,
Мазлум билан нима ишим бор?
Қишлоқларда ночор одамлар
бир амаллаб кўрсин кунини.
Тиржаяман қуёшга қараб,
тишим оқи кўринар фақат
чиқармайман асло унимни.
Тушларимда босқинчилардан
қутқармайман гўдакларни ҳам
қайғу тўла сатрларимни,
сенинг билан кўрмайман баҳам.
Ақл қурсин, тафаккур қурсин
Виждонга ўт тушсин, азизим.
Аҳмоқ бўлиб яшайлик бир кун
бир дақиқа, ҳеч йўқ бир лаҳза.
Қачонгача кўз ёш ичамиз?
чой ичайлик одамга ўхшаб.
Кел, шунчаки…

Меҳриноз Аббосова

📨 Sizga yangi anonim xabar bor!

Ҳа, ҳозир бир инсонга айтадиган гапим: Тезроқ совчи юбормасез бошқасига берворишади. Уйдегиларим бу сафар катъий, ҳаракатизи қилинг. Дарс ўтаётганимда 50 марта хонамдан ўтиб, келишимни ойнадан пойлашизиям биламан, лекин билмаганга оламан. 😁

Эй фарғоналик йигит, ким бўлсангизам тезроқ газини босинг. Лаллайиб йўлини пойлаб юраверманг. 😂

Мен эмасман, тарих ўқитувчиси экан у йигит. 🗿

Оғизни таом билан банд этиш уни бекорчи гаплар ила машғул қилишдан яхшидир. Чунки овқат вазнни орттиради, аммо гуноҳларни кўпайтирмайди.

Постларининг гўзаллигидан ўзи (қалби)нинг гўзаллигини ҳис қиласиз.

Бомдодга уйғотиб қўядиган аёли бўлишини истайдиган йигитга турмушга чиқа кўрманглар, қизлар. Ҳаёти давомида ҳар куни бажарадиган ибодатига ўзида қувват тополмаса, сизнинг ҳақларингизда ҳам куч тополади деб ўйламайман.

Аллоҳ таоло ўзининг каломида намозни нафси синиқлардан бошқа кишиларга «оғир иш» деб зикр қилади. «Оғир иш»ларнинг аввалгисини заифа аёлига юклаб қўйиши тўғри эмас.

Нафсни ислоҳ қилиш учун биринчи қадам

Ҳакимул уммат, Ҳазрати Мавлоно Ашраф Али Таҳановий қуддиса сирруҳ айтадилар:
«Ғазабни тийиш сулук ва тариқатнинг катта бир қисмидир. Қайси банда Аллоҳнинг йўлида юришни хоҳласа ва ўзини ислоҳ қилишни истаса, унинг учун биринчи қадам ғазабини жиловлаш фикрини қилишдир».

«Иршодоти акобир» китобидан.
Абдулқайюм Комил таржимаси.

Агар сабр қилсангиз, тақдирда белгилангани сиз билан содир бўлади ва сизга ажр берилади. Агар сабр қилмасангиз, барибир тақдирда белгилангани сиз билан содир бўлади, лекин сиз хор ҳолатда бўласиз.

Ҳазрати Алий карромаллоҳу важҳаҳу

Бир дўстим видео юборибдилар, унда Туркиядаги масжидларда одам кам, ёшлар жамоатга кам чиқиши айтилган экан. Туркиядаги ҳолатдан бехабарман-да, лекин ўзимизда ҳам шунга ўхшаш фикрлар юради. Масжидлар тўлмаслиги, жамоат 5–10 саф бўлиши ва ҳоказо гаплар.

Ҳа, чиндан ҳам жамоатда одам камдир, лекин бу намозхонлар камлигини англатмайди. Масжидимиз хизматчиларидан бирлари айтади: «Пешин намозига таҳорат қилган кишилар сабаб қайта ювиш учун 2 та сават сочиқ билан тўлади, лекин пешин ва аср оралиғида шу 2 та саватни бир неча бор бўшатаман», — дейдилар. Яъни намоз ўқийдиган кишиларнинг аксари жамоат намозига етиша олмайди, аммо намозини масжидда ўқийди. Масжидда икки намоз орасида деярли одам узилмайди дегани бу.

Ҳамма нарса бизга кўрингани каби бўлмайди, азизлар.

Qoriya singlimizning muolajasiga yordam kerak!

Bemorligi: Sepsis 2-daraja.
Oilaviy holati: bitta bolasi bilan ajrashgan, otasi yo'q, yaqinlari to'liq ta'minlay olmaydi.
Muolaja turi: 2-3 oy muntazam davolanish kerak. Oyiga 25–30 mln so'mgacha ketadi.
Zarur mablag': 30–40 mln so'm.

Men bemorning hujjatlari bilan tanishib chiqdim. Ishonchli, haqdor. Tushgan pullarni bemorga yetkazilishiga kafilman. Imkon qadar yordam qilaylik, azizlar.

Karta raqam:

HUMO: 9860170105241146

VIZA: 4195 2500 5069 5590
O'z nomimda.

G'iyosiddin Yusuf

#ulashamiz