Инсон умри давомида йўл қўйган энг катта хатоларга муҳтожлик туфайли қўл уради. Пулга муҳтожлиги туфайли эмас, меҳрга муҳтожлиги туфайли...

© Шаҳобиддин Луқмон

@yaxshi_insoniy

Hajman kichik, lekin mazmun jihatidan ulkan hisoblangan 5 kitob:

1. “Iqrornoma” (Lev Tolstoy) - birinchi kursligimizda adabiyot ustozimiz majburan o’qitgani uchun million marta tashakkur aytaman! Kitobdagi fikrlar haligacha miyamda aylanadi. Yana bir qayta o’qishni reja qilyapman.

2. “Morrining seshanba darslari” (Mich Elbom) - bu kitobni ikki yil avval o’qiganimda bosh qahramonning optimistligiga qoyil qolgandim. Hayotning eng og‘ir damlarida ham mehribonlik, sabr va minnatdorlik bilan yashash mumkinligini ko‘rsatadi. O’qib chiqishga arziydi.

3. “Iztirob” (Rashod Nuri Guntekin) - bu kitobni o’qiganimda hali maktab o’quvchisi edim, nomiga mos ravishda iztirob bera olgan rostdanam. Hayotingiz davomida to’g’ri deb bilganlaringiz noto’g’ri bo’lib chiqishi mumkinligini eslatadigan kitob.

4. “Hojimurod” (Lev Tolstoy) - chin insoniylik va haqiqiy hayot tasvirlangan asar! Tolstoy qahramon taqdiri orqali inson sha’ni, erkinlik va vijdon masalalarini shunday teran ko‘rsatadiki, uni o‘qib insonning asl qadri haqida chuqur o‘ylab qolasiz.

5. “Skafandr va kapalak” (Jan Dominik Bobi) – hayotni qadrlashga undaydigan asar. Yozuvchi butunlay harakatsiz qolgan bo‘lsa-da, ichki dunyosini tasvirlab, odamzotning ruhiy qudrati cheksizligini ko‘rsatadi. Kitob sizni nafaqat hayotga, balki har bir oddiy lahzaga minnatdor bo‘lishga chorlaydi.

Siz bu ro’yxatdagi kitoblardan qaysi birini o’qib ko’rgansiz? Ularning qatoriga yana qaysi kitoblarni qo’shgan bo’lardingiz?