Ўзимдан чарчаган кунлардаман.

Жаҳит Зарифўғли

Бугун сиз азизларга тавсия қиладиган китобим устозим Ғиёсиддин Юсуфнинг «Севдириб тарбияланг» китобларидир.

Нега бошқа китобларига тақриз ёзмай, айнан шу китобга тақриз ёзяпман?

Сабаби бу китоб устозимнинг фарзанд тарбияси борасида ёзган китобларининг энг қамровлиси ҳисобланади, китоб 4 бўлимдан иборат — ҳар бир бўлим ўзига хос маълумотлар билан бойитилган.

Биринчи бўлим: Тавсиялар

Ушбу бўлимдаги маълумотлар асосан тажрибаларга ҳамда шифокорлар, тарбия борасидаги соҳа мутахассисларининг тавсиялари билан бойитилган. Кириш қисми учун ҳам ажойиб танлов, чунки кўпчилик ота-оналар фарзандининг ўсиш жараёни, саломатлиги ҳақида қайғуради. Айнан шу каби зарурий маълумотлар китобнинг аввалидан жой олган. Яъни китобнинг бошидан фарзандингизнинг кунини қандай тақсимлашни, саломатлиги учун нималар қилишингиз кераклиги, ўйинлар орқали унинг ақлий ва жисмоний саломатлигида ижобий ўзгаришларга эришиш йўлларини ўрганасиз.

Иккинчи бўлим: Улуғларнинг тарбияга доир сабоқлари

Сиз юқоридаги бўлимда Ислом динига хос гўзал одобларни юртимизнинг машҳур уламолари ва ўз асрининг етук мужтаҳидларидан бизгача нақл қилинган ҳикматлари билан танишасиз. Кўпчилик ота-оналар болаларидан худди катталардаги каби қобилиятларни талаб этади, масалан, кимдир 4 ёшли фарзандига Қуръони каримни хатм қилдира олгани ҳақида эшитса, нега менинг боламда бундай бўлмайди деб тушкунликка тушиб қолади. Китобда болага қандай муносабатда бўлиш, уларга болаликнинг ширин дамларини бахш этиш, унинг хулқ-атвори ҳақидаги асоссиз норозиликларга жавоб берилган. Бундан ташқари, болада илм олиш, ишдаги интизомни шакллантириш, касб-ҳунарга йўналтириш борасида тавсиялар берилган. Фарзанд тарбияси ва уммат ғамидаги киши учун ушбу бўлим жуда ҳам кўп ҳикмат билан бойитилган.

Учинчи бўлим: Таржималар

Сиз «Таржималар» бўлимида бир қанча тиллардан, асосан рус тилидан таржима қилинган кўплаб фойдали маълумотларга эга бўласиз. Ушбу бўлимда асосий эътибор замонавий дунёда боланинг руҳий ва жисмоний саломатлигини яхши сақлашга қаратилган деб ҳисоблайман, албатта, китобни ўқиган киши ўзи учун бошқа хулосани олиши ҳам мумкин. Бўлимда фарзандингиз феъли ҳақида яқиндан танишишингиз учун тест ва топшириқлар ҳам жой олган. Ота-онанинг болага ғазаби, боланинг ота-онага қиладиган инжиқликлари батафсил баён қилиниб, уларга ечим кўрсатиб ўтилган. Боланинг тилини топишда ёрдам берадиган сабаблар айтиб ўтилган.

Тўртинчи бўлим: Савол-жавоблар

О, бу бўлимда сиз муаллифнинг ўзи билан, уларга берилган саволларга оила борасида йиққан билим ва тажрибалари асосида берган жавоблари билан танишасиз. Устозим ҳар бир саволни атрофлича ўрганиб, юртимизда анчайин машҳур аҳли илмлар билан маслаҳатлашиб, содда ва тушунарли тилда жавоблар тақдим этганлар. Лекин бир афсус қиладиган тарафи бор — китобдаги энг қисқа бўлим шу. Гўёки устозим савол-жавоблар борасида ёзган бошқа китобларига ҳавола қолдиргандай бўлганлар. Агар сизни фарзанд тарбиясида қийнайдиган саволлар бўлса, марҳамат, фалон китобимда бунга батафсил тўхталганман дегандек. 😁

Аслида устозимнин ушбу тўрт бўлим учун алоҳида ёзилган муфассал китоблари мавжуд, тақризга кириш қисмда айтганимдек, «Севдириб тарбияланг» китоби устозимнинг бир қанча китобларнинг ёзиш мобайнида йиғилган, аммо китобга кирмай қолган муҳим ва фойдали маълумотларини ўзида жамлаган кенг қамровли китоблари ҳисобланади.

Китобни олиб ўқийдиган китобхўрлардан илтимосим шуки, китобда имловий хатолар бўлса, менга айтинглар, устозимга ўзим мавридини топиб етказаман. Чунки китобни мен тасҳиҳ қилганман. 😄

@MuhammadAkbarAzim

Китобнинг кўриниши билан танишволилар. 😄

Мўмин мақталганда ўзида ўзи шоҳид бўлмаган сифат ила мақталгани учун Аллоҳдан ҳаё қилади.

Ибн Атоуллоҳ Сакандарий роҳимаҳуллоҳ

@MuhammadAkbarAzim

Бир кечада икки бор уйғотадиган дарди бор одамга уйғоткич керак бўлмайди.

Ba'zi odamlar xohlaganiga erishmasa, istaklari ijobat bo'lmasa, mahzun bo'lib, aytadigan gaplari bir xil: taqdir... ko'nikamiz... shunaqa bo'lishi kerak ekan-da... .

Aslida, boshqacha bo'lishi mumkin emasmidi?

Bog'dagi daraxtning oldiga bir odam kelib, havaslandi va olmaga qo'l uzatdi. Yetmadi. Nasib bo'lmadi deb, ortiga qaytishi - bu, qismat emas.

Olmaga qo'ling yetmadimi? Daraxtga chiq, shoxini eg, juda bo'lmasa qoqib tushir. Shuniyam eplolmasang o'zi uzilib tushishini kut!
Ana o'shandan keyin olma nasibasi qadarda bor, yo'qligi bilinadi.

Odam o'ziga bog'liq sabablarni to'liq bajarmasdan, qulay vaziyatni yaratmasdan turib, oqibatni Allohning taqdiri deb bilishi - ahmoqlik.

Sabablarini qilgan ko'p ishlarim ham amalga oshmagan deydiganlarga:
Birozdan keyin yana ochiqishingizni bilsangiz ham ovqatlanasiz. Yana chanqashingiz mumkin holda suv ichasiz... Kecha yegandim, kecha ichgandim-ku deb, bugun harakat qilmagan odam halok bo'ladi...

Mo'min (mo'mina) hech qachon ezilgan, lallaygan, shalpaygan o'limtikka o'xshamaydi. O'z qo'rqoqligini, jur'atsizligini "Taqdir" nomi bilan yashirmaydi.
Dunyo bir bo'lsin - siz bir bo'ling, muhim emas. Yetarki, Allohga tavakkul.

@incikupeli

Буни кўрган 27-33 ёшлиларнинг кўзига нимадир «киради».

Умид

— Борар йўлинг тор туюлса-чи?
— Аллоҳ кенглик қилади раво.
— Сен истаган иш бўлмаса-чи?!
— Бўлгунича қиламан дуо!..

Муҳаммад Акбар Азим
2025.08.19

Tolibi ilm boʻlgan bir bemorimiz bor. Olti oydan buyon ogʻir dard bilan kurashib keladi. U kishi uchun bir necha bora xayriya e'lon qilganmiz, ko'pchilik moddiy yordam bergan.

Bemorimiz, afsuski, hozirgi kunda kasalliklari juda avj olgan, oshqozon saratoni tashxisi qoʻyilishi mumkin boʻlib turibdi. Vaqtida davolanmaslik oqibati hatto o'limga olib kelishi mumkinligi uchun biz yana sizga yuzlandik. Dori-darmon, muolajalari uchun moddiy yordam kerak. Dorilari u yoqda tursin, tekshiruv — analizlarga ham imkonlari yoʻq ekan. Kasallik bilan shaxsan oʻzim tanishib, oʻrganib chiqdim.

Azizlar, imkoningiz boricha — oʻn ming soʻmdan boʻlsa ham ushbu savobli ishga bosh qoʻshishlaringizni iltimos qilamiz.

Tushgan pullarni bemorga yetkazilishiga men kafilman.

Karta raqam:
9860606738075005
O'z nomimda.

G'iyosiddin Yusuf

Агар насиб бўлмаса, инсон дуо қилишга ҳам эринади.

Дуо қилиш ҳам насиб (тақдир)дир

Шуни аниқ билки, ўзгага нима ичирган бўлсанг — у хоҳ ширин, хоҳ аччиқ бўлсин — ўша қадаҳдан бир кун ўзинг ҳам ичасан.

Нажиб Маҳфуз

Алишер Султонхўжаев таржималари

- Insonning bir tutumi bo‘lishi kerak.

- Xos qarashi, tushunchasi, ishqi va maqsadi bo‘lishi kerak.

- Ko’kka ko’z tikmaganlarning qalbi ko‘proq qorayadi.

- Inson eng ko‘p osmonga oshiq, keyin qorong’ulik va she’rga va har doim Allohga.

- Uchishni o‘rganmay turib, ko‘chishga majbur bo‘lgan qush kabi qalbimiz.

- Eh, bu yolg‘izlik suyak kabi go’yo, qay tarafga dumalasang ham botaveradi.

- Inchunin men sindim, soch uchlarimga qadar.

- Bu kichkinagina yurakda qanchadan-qancha haqqing bor seni.

- Meni qabul qil, yoningga ol, ketaylik.

- Chiqqan eshigimni qattiq yopishim bilan tanilgan bo‘lsam-da, sening eshiging yopilib ketmasin deb, qo‘limni oraga qo‘ydim.

- Endi sen yo‘qsan, ustiga-ustak uzoqdasan.

- Qo‘llaring butkul yolg‘iz, bilaman.

- Ko‘zlaring yana to‘libdi, bu gal ham men uchun bo‘lsa kerak.

- Nogoh kimdir oldimdan chiqib “qandaysan?” desa, pinak buzmay “yaxshiman” deyman.

- Mayli, bitdi bu she’r, boshqa misra kerak emas.


© Jahit Zarifo'g'li

Муҳтарам ота-оналар:
• фарзандингизнинг аврат жойларидан ўпиб-эркаламанг;
• лабларидан ўпишни одат қилманг;
• кийимларини одамлар бор жойда алмаштирманг.

Унутманг! Шахсий чегара оиладан бошланади. Фарзандингизни ёмонлардан ҳимоя қилмоқчи бўлсангиз, унга чегара сақлашни ўргатинг.

©Турк аёлнинг видеосидан

Унча-мунча ёмон кайфиятдан чиқиш учун мен:

Ёшлигимда математикага пухта эдим, фақат мактабда ўқишим 6–8-синфларда анча пастлаб кетган, шулар қаторида математика ҳам.

Лекин ҳозиргача калкуляторга эҳтиёж сезмайман, алҳамдулиллаҳ!

Устозим Дилфуза Комил «Ўзимиз билан юзма-юз» дарсларида математик масалаларни тез-тез ечиб туриш фикрлашга ижобий таъсир кўрсатишини айтиб ўтдилар, хусусан, баъзи кучли ёзувчиларнинг энг зўр билган фани, ҳатто мутахассислиги математикага боғлиқ бўлганини айтдилар.

Бугун шу «Қизиқарли математика» китобини харид қилдим, ёшлигимда ҳам шу номдаги китобни ўқиб тугатгандим, фақат жилди қора эди, ҳозир юқоридаги китобни варақлаб улар бошқа-бошқа эканини билдим.

Қизиқ ва енгилроқ масалаларни сизлар билан бўлишиб турайми, нима дейсизлар? ))

Қ. Қ. Мен ўқиб масалаларини ечган китобим ўзбек аёли тарафидан ёзилган эди, энди эсладим. ))

Қизиқ, китобдаги илк масалани Ҳазрати Алий каррамаллоҳу важҳаҳу ечиб берган фиқҳий масала орқали ечиб олдим. :)

Шу масалани овозлаштириб жойлаб қўйяпман.

Бироз кўп гапирвордим, узр. Масала ўзи қисқа эди. ;)

#қизиқарли_математика

Биттаси бор… имконсиз, аммо (уни) жуда истайман!

Бу дунёда сизни изтиробга солаётган, қалбингизга ором бермаётган ҳолатлар — кўпинча ўтмишда қилинган гуноҳларингиз оқибатидир.

— Унда бунинг ечими нима?

Уламолар шундай дейишади:
«Агар банда ўзини тузатса, маъсиятни тарк этиб, Аллоҳга итоат билан юрса, Аллоҳ таоло ҳам унинг жазосини офиятга, ғамини фароғатга айлантиради».

Аҳмад Ийсо Маъсаровий