Ёзишга вақтим, баъзида кайфиятим бўлмаяпти. Лекин бугун ёзмасам бўлмайдиган кун — Ашуро куни.

Бу куннинг фазилатидан насибадор бўлиб қолинглар, азизлар!

Жуда кўп телеграм каналларда унинг фазилати ҳақида хабар ўқигандирсиз, эҳтимол.

Абу Ҳурайра розияллоҳу анҳудан ривоят қилинади:
«Расулуллоҳ ﷺ: «Ким Ашуро кунида аҳли-аёлига кенглик қилса, Аллоҳ таоло унга йилнинг қолганини кенг қилади», — дедилар».

Имом Байҳақий ривоят қилган.

Имом Ҳофиз Суютий бу ҳадисни саҳиҳ деган.

Абдуллоҳ ибн Масъуд розияллоҳу анҳудан ривоят қилинади: Расулуллоҳ ﷺ: «Ким Ашуро куни аҳли-аёлига нафақада кенгчилик қилса, Аллоҳ унга йилнинг қолганини кенг қилади», — дедилар.

Имом Розий ривоят қилган.

Ироқий айтади: «Бу ҳадиснинг бир қанча йўллари бор бўлиб, унинг баъзиларига саҳиҳ деб қарор берилган. Баъзиларига эса, имом Муслимнинг шартига кўра саҳиҳ дейилган.

Аммо Ашуро кунида рўза тутиш ва кенгчилик яратишдан бошқа амалларнинг асли йўқдир. Жумладан, Ашуро куни кундузи ёки кечаси байрам қилиш, сурма қўйиш, бўяниш каби ишларни жумҳур фуқаҳолар – Ҳанафий, Моликий, Шофеъий ва Ҳанбалийлар бидъат деганлар. Бу ишларнинг бирортаси мустаҳаб эмасдир. Бу ҳақда келтирилган ривоятлар бидъатчиларнинг тўқиб чиқарган бидъатлари бўлиб, улар бу амалларни ўзларининг бидъатларини қўллаб-қувватлаш учун тўқиганлар.

Ушбу кунда тутиладиган рўзанинг фазилати:
Абу Ҳурайра розияллоҳу анҳудан ривоят қилинади:
«Расулуллоҳ ﷺ: «Рамазондан кейинги энг афзал рўза Аллоҳнинг ойи муҳаррамдадир. Фарз намоздан кейинги энг афзал намоз тунги намоздир», — дедилар».

Имом Муслим ривоят қилган.

Абу Қатода розияллоҳу анҳудан ривоят қилинади:
«Набий ﷺ: «Ашуро кунининг рўзаси ўзидан олдинги йилнинг гуноҳларига каффорат бўлади», — дедилар».

Имом Муслим ривоят қилган.

Дуо қипқўйинглар, мен ҳам аҳли-аёлимга кенгчилик қилишим учун солиҳа бир жуфт ато этсин. 😄

@MuhammadAkbarAzim

Ичингизда: «бу ҳалол, бу ҳаром, буниси эса шубҳали», — дейдиган бир овоз бор.

Уни йўқотиб қўйманг!

Мен ўртада қолдим:
сени унутишга ҳаракатим билан ҳар нарсада сени соғинишим орасида.

@MuhammadAkbarAzim

Ҳожатни талаб қилишдаги энг катта воситалардан бири, Аллоҳга таваккал қилишдир. Чунки Аллоҳ таваккал қилган кишининг (ҳожатини раво қилиш учун) Ўзи кифоя қилади.

Ибн Ражаб роҳимаҳуллоҳ

@MuhammadAkbarAzim

Шундай бир мағлубиятлар борки, уни тан олиш, кўникиш учун йиллар кетади.

Ҳар тонг: «балки, ҳаммаси яхши бўлар», — деган умид билан кунни бошлаб, ҳар кеч муҳаббатингизга муносиб қадр бермаган инсонни кутиш азобидан толиқиб: «бугундан ҳаммасини унутаман», — деган қасд билан тунни қаршилайсиз.

Тонгда яна…

Жаъфар Aс-Содиқ роҳимаҳуллоҳ айтадилар: Aгар осмондан (Aллоҳнинг балоси ўлароқ) чақмоқ тушса ҳам истиғфор айтаётган одамнинг бошига тушмайди, зарар бермайди, чунки Aллоҳ таоло: «Улар истиғфор айтиб турган ҳолларида Aллоҳ уларни азобламайди», — дея марҳамат қилган.

@MuhammadAkbarAzim

Сизга суянганлар бор экан, йиқилишга ҳаққингиз йўқ.

Тўғри, қийин замон, аммо мушук ошириб юборибди. ))

Ҳукамолар айтади: «Эр аёли касал бўлганда билинади. Аёл эри камбағал бўлганда билинади.
Фарзандлар ота-оналари қариганда, ака-укалар мерос тақсимланганда, дўстлар қийинчиликда, қариндошлар бошга машаққат тушганда, ҳақиқий муҳаббат манфаат тугаганда, ҳақиқий мўмин эса бошига синов тушганда билинади. Яна шундайлар борки, ҳолат ва вазиятга қараб ўзгараверганидан уларни билиш ўта мушкул иш».

Улуғбек Бухорий ҳафизаҳаллоҳ саҳифаларилан

@MuhammadAkbarAzim

ТАЪНА
Сени бутун бармоқларингдан жудо қилган бири (сени) уни ушлаб қололмаганинг билан айблар экан.

Жасур Ҳасан таржималари

@MuhammadAkbarAzim

Аёл табиати…

Смартфонингиз экранини 180° айлантириб кўринг.

Йиқилдингми?...
Кўзларингда
Бунча алам,
Бунча алам!
Усту боши чанг кўрмаган,
Дард кўрмаган
Эрка болам!

Шиддатингнинг шамолига
Ҳушинг бир зум
Шайдо бўлди...
Сенинг равон йўлларингда
Бу тош қайдан
Пайдо бўлди?

Ёки ақлинг кетганмиди,
Энди тошлар
Қолмаган деб?
Лаънатладинг, болам мени
Йўлдан тошни
Олмаган деб...

Эрка болам, кечир мени,
Оқсуягим,
Мурувват қил!
Тошли-тошли бу дунёда
Майсадай хор
Яшадим, бил.

Тошлар билан кураш тушдим
Кураш бекор
Кетмагандир,
Қолган бўлса бирор зил тош,
Болам, кучим
Етмагандир...

Усмон Азим

@MuhammadAkbarAzim

Укам билан суҳбат қурганимизда доим бир гапни такрорлайди:

«Биз қилган муомaламиздан сўраламиз, Бизга қилишаётган муомaладан эмас», — деб.

Шифокор Наргиза Қурбонова саҳифасидан.

@MuhammadAkbarAzim

Ҳатто шамол ҳам китобни варақлаб кўради.

И. Грачев.

#Зўргапэкан

@MuhammadAkbarAzim

Соя…

Ўзингизни ёлғон билан оқлашингиз мумкин, лекин ёлғонни ҳеч нарса билан оқлай олмайсиз.

Жияним Мадинахонга сувчечак тошибди. Баданини ям-яшил қилиб дори суртиб қўйишган, тўғри, бу дорининг рангсизи ҳам бор экан, аммо ранглисини суртишга мажбур бўлишди, шекилли

Қарасам кўнглим эзиляпти. Ўзи 5 кун давом этаркан тошма тошиши. Шу билан касаллик якун топар экан.

Яшил рангни қанчалик ёқтирсам-да, ҳозир шу ранг ранжитяпти мени.

Керакли дорилар олинган, ўзим ишонган шифокор опа билан маслаҳатлашдик ҳам, кўнглимизни анча хотиржам қилдилар.

Деярли барчамизда бўлиб ўтиб кетган бу касаллик беғуборгина жиянимга теккани кўнглимни анча оғритаётган бир пайтда Фаластинда бундан минг марта оғир касаллик билан оғриётган гўдаклар ичидан нима ўтяпти экан деб қоляпман, уларнинг ота-оналарини-чи?

На дори, на шифокор етарли эмас, озуқа таъминоти ҳам узилган. Нари борса кунлик 150-250 ккл овқат ейишади, агар топиша олса…

Бўлди, синган қўл-оёқлар, ёрилган бошлар, узилган таналари ҳақида айтишимнинг ҳожати йўқ. Юқоридаги ёзганларимнинг ўзи жудаям даҳшатли…

Аллоҳ тез кунлардан барча мазлум диндошларимизга офият, нажот берсин, дунё ва охират саодатини насиб қилсин, омин!

Ўзимдан чарчаган кунлардаман.

Жаҳит Зарифўғли