مترددٍ ليه ؟وانت تعرف باللي نريد
يا كلمةٍ عشت ابيها منك ما نلتها

كلمة ..أحبك ليا وخرتها ماتفيد
ما دام تقدر عليها ليه ماقلتها
#مرافق _الجود

يارفيق الدرب شكواك الحميده
خلها بالصدر لتكشف جهتها

الظروف اللي توصلك الحديده
تشتكي من فوقها للي تحتها

اعيش غربة بال ..وايامي ..اغراب
من مدةٍ ماهي بـ و الله قريبه

ولو عاشها..الطفل الرضيع ادنى الاسباب
صد ونفر عن ديد الام وحليبه

لو عاشها.. العاشق نسى ضحكة الناب
اول مايترك من سببها حبيبه

ولو عاشها .. المذنب دمح ذنبه و تاب
كمل حياته ببين مكه وطيبه

ولو عاشها .. الكافر عرف رب الارباب
راجع حساباته …وكسر صليبه

كافحتها والراس الاصوك ليا شاب
ينبيك عن فعل الليالي مشيبه

هزمتها في ليلٍ اسود ومحراب
وستسهلت بمر الإه الصعيبه

قام السعد عقب التعب يطرق الباب
العبد ماله عن قدره ونصيبه

ماعندي احلى من قضى دين طلاب
الا اني افدي من حلالي مصيبه

وماعندي اكبر منك ياعتق الارقاب
الا عفاف الرجل عن ما يعيبه

انا لـ نفسي مالي ومال الاحزاب
اللي تعنصر للفشل ..والغليبه

مدام لا الشيمه.. مكانه ..ومرقاب
منته محصل جرتي في شعيبه

ماجفت الاقلام لا الصحف كتاب
والعذر عن طول الهجر والمغيبه
ماجد_العطوي