"لا يخدعوك بهالصور"
(1-2)

من خلال الصورة يريد يكلك انت لازم تمنع المتحرش وتردعه بالقول والفعل, واهم شي مالك حق تنصح البنية ولو بكلمة!!!
حلو, ميخالف بس تحجي من منطلق انساني لو إسلامي ..؟

🔴 اذا يحجي من منطلق ديني #اسلامي:
اتفق وياك, بالاسلام من فروع الدين (الامر بالمعروف والنهي عن المنكر) ، يعني لازم المسلم يحجي ويدافع عن كلمن يتعرض للظلم والاذى ، والله يجازي المؤمن في حال تعرض للاذى, والافعال الخاطئة واضحة من ناحية إسلامية, وهذا واجب انساني يدعمه الإسلام كل الدعم..

⚠️ بس اكو نقطة مهمة, اذا تسولف بالدين كون تخلي المتدين يمارس واجبه الديني بصورة كاملة(واني احچي عن الامر بالمعروف والنهي عن المنكر), مو يطبق الامر الديني نص ونص, مثلا من واجبي انصح الناس باجتناب المحرمات مثل التبرج والتزين والعري وباقي حالات الفساد والافساد بالمجتمع, مثل ما انصح بغض البصر وعدم التحرش ، فلا تكَلي حرية شخصية والدين حالة بين العبد وربة ومحد نايم بكَبر الثاني..
مو تجي تستغل واجب عندي وتمنعني من واجب اخر عالمزاج والمشتهاية..!! هذا يسمو نصب واحتيال وضحك عالعقول..

🔴 اما اذا تحجي من منطلق #انساني : فلازم تفهم بعض النقاط:
(ملاحظة : الإنسانية بنظر العلمانيين وغير المتدينين متمركزة حول ذاتها وما تحتاج للدين ينميهه ويوجهه ويمنعهه من الانحراف, وهاي ما نعتبرهه إنسانية أصلا بل انحراف عن الانسانية ولكن رح نستعين بتعريفهم للإنسانية حته نرد عليهم بي )

🔸حسب انسانيتك, احتمال الي تسمي متحرش هذا ما يقصد السوء بفعله او قوله, فظاهرا من المفترض ماكو غلط بفعله.!!! اما بالإسلام فالخطأ واضح...

🔸حسب انسانيتك, شنو اليخليني اعرض نفسي للخطر من اعترض عالمتحرش وادافع عن البنية..؟ خو هي تأخذ حقهه بنفسهه باعتبار الكثير يقولون ماكو فرق بين الجنسين واي تمييز مرفوض والمرأة قوية ومو بحاجة لواحد..؟

🔸حسب انسانيتك, كثير من حالات التحرش والمعاكسة مو ثابت انها تحرش, والدليل بعض البنات تتقبلهه, واحتمال نفس البنية تتقبلها بيوم وما تتقبلها بيوم حسب الحالة المزاجية والظروف المحيطة, واحتمال البنية تتقبلهه من شخص وتعتبرهه تحرش من شخص اخر حسب فلوسه ومكانته وجمال شكله..

🔸 انسانيتك شنو مصدرهه..؟ حته نعرف شنو الشي الإنساني وشنو مو انساني حته تحاسبني على اساسه..؟ اما الإنسانية الي نعتقد بيهه مو نتاج بشري يخطئ ويصيب وانما فطرة الله في الانسان ، ودين الله واوصياءه يقومون الإنسانية ويمنعوهه من الانحراف..

⚠️ بالنتيجة حسب انسانيتك : مو كل أنواع التحرش واضحة , فاذاً مالك حق تحاسبني وتلومني على أساسها ....يابه سالفتك نكَعهه واشرب مايهه

وتحية لكل واحد بطل يشوف الخطأ ويصححه بإيده او بلسانة او بقلبه وذلك اضعف الايمان..

#يتبع
....................
https://t.me/Moon_clouds


للتعليق اضغط < هنا >
....................
https://t.me/Moon_clouds