‏يكفيني أغيب وخافقي ماجاك منه قصور
‏ويكفيك أتذكر كل ليله لهفه عناقي

‏تذكر يوم أخليك أتباهى كبرياء وغرور
‏يوم إني أتحدى بك وأخيب هقوة الهاقي

‏وتذكر يوم أعذرك وأنت لاصادق ولامعذور
‏أدور لك عذر وأصدقه وأكذب أحداقي ..

‏" ادوّر ملامح وجهها في وجيه الناس
‏انا خايف انساها ماني خايف اذكرها "

‏يا شعرك اللي علّم الليل الظلام
‏يا مبسم مهما أشوفه ما أشبعه
‏عيُونك الكسلا قبل وقت المنام
‏تعطي قصيد الشاعر المبدع سِعه
‏دامِك معي لا يشغلك كثر الكلام
‏أحد ما يكون بخير والجنـه معه؟

‏يا طروش تاصلونه تقدرون تجونه
‏علموه ان العذر ما يقنع الدياني

‏وعلموه اني بدونه ويش انا من دونه
‏ما لاحـد منا غناةٍ من وجود الثاني

‏وعلموه اني على خبره وطيب ظنونه
‏أذكره مانساه لو إنه نوى ينساني

):

اطالب بأغنية صح قلبي حزين 💔.

‏سال دمع الغرام وضاق صدر المدينة
‏واقبل الليل ما فيه اسئلة ما سألها

‏قال صاحبك وينه قلت ما عرف وينه
‏انتهت قصةٍ كنت احسب اني بطلها

‏من لقى مثل وجهه ما لقى مثل عينه
‏ومن يشوف العيون الناعسه ما جهلها

‏صح قلبي حزين وصح نفسي حزينة
‏بس وصلك غنيمة مستحيل اعتزلها

):

‏وشيّدنا لك الدنيا عماير حب ثم قصور
‏وعرفنا أنّك تبي الفرقا وتبي تخيّب هقاوينا

‏مافيه .. ثاني ولا ثالث ولا رابع
‏أنت أحب أحبابنا ، وأقرب قرايبنا !
‏ٰ
‏عز الله أن الهوى والحب له طابع
‏والشوق لو نسفهه جايبنا جايبنا
‏ٰ
‏قام يحدانا لـ قربك شوقنا النابع
‏الين ناخت على بابك ركايبنا
‏ٰ
‏ترى فراغاتنا اللي بين الاصابع
‏ما خلقت الا عشان أيدي حبايبنا !

‏ياشين الغياب اللي بلا سبه وتبرير
‏غياب اللي ما فكر بقلبي ولا حنه

‏يموت الغلا من قلة الوصل والتقدير
‏مثل موتة المعروف لا صار به منه

‏أنا مدري هو بخير ولا ماهو بخير
‏عسى دورة الأيام ما غيرت ظنه

‏قولوله لا عاد يطاول البعد والتقصير
‏ترا البعد والتقصير مايدخل الجنه

):

..