🔷 Астанада Қазақстанның сутегі энергетикасын дамыту мәселелері бойынша дөңгелек үстел өтті

▪️Энергетика министрлігі Германия халықаралық ынтымақтастық қоғамының (GIZ) Астанадағы Сутегі дипломатиясы кеңсесімен және Германия энергетика агенттігімен (dena) бірлесіп «Қазақстанның сутегі энергетикасы тұжырымдамасы: жоспарлаудан іске асыруға дейін» тақырыбында дөңгелек үстел өткізді.

▪️Іс-шара 2040 жылға дейінгі сутегі энергетикасын дамытудың жаңартылған тұжырымдамасын жүзеге асырудың практикалық қадамдарын талқылау алаңына айналды. Дөңгелек үстел жұмысына мемлекеттік органдардың, халықаралық ұйымдардың, қаржы институттарының, ұлттық компаниялардың, бизнес өкілдері, сондай-ақ сарапшылар мен академиялық қауымдастық қатысты.

▪️Алғы сөзбен Энергетика вице-министрі Бақытжан Ілияс пен Германияның ҚР-дағы Елшісінің тұрақты орынбасары Ульрих Кинне сөз сөйледі. Баяндамалар барысында сутегі энергетикасын дамыту елдің энергетикалық саясатының негізгі бағыттарының бірі және экономиканы декарбонизациялау мақсаттарына қол жеткізу құралы ретіндегі маңыздылығы атап өтілді.

▪️Бірінші сессия аясында қатысушыларға Қазақстанның сутегі энергетикасының жаңартылған тұжырымдамасы таныстырылды. Оның негізгі ережелері, соның ішінде мемлекеттік саясаттың басым бағыттары, сутегін қолданудың перспективалы секторлары, сондай-ақ саланы дамыту бойынша ұсынылатын шаралар қаралды. Декарбонизациялануы қиын секторларда парниктік газдар шығарындыларын азайту мәселелеріне және елдің ұзақ мерзімді климаттық мақсаттарына қол жеткізудегі сутегінің рөліне ерекше назар аударылды.

▪️Екінші сессияда сутегі энергетикасы және декарбонизация саласындағы жобаларды іске асырудың қаржылық механизмдері талқыланды. Халықаралық қаржы ұйымдарының өкілдері инвестицияларды тартуға, жобаларды дайындауды қолдауға және инвестициялық тәуекелдерді азайтуға бағытталған қолжетімді қаржыландыру құралдарын таныстырды.

▪️Үшінші сессия мемлекеттік органдар, халықаралық ұйымдар, жеке сектор және ғылыми қауымдастық арасындағы ынтымақтастықты дамыту мен іс-қимылдарды үйлестіру мәселелеріне арналды. Қатысушылар Тұжырымдаманы тиімді іске асыру тетіктерін талқылап, сондай-ақ халықаралық тәжірибелерді, соның ішінде Германияның сутегі энергетикасы саласында үйлестіру құрылымдарын құру тәжірибесін қарастырды.

▪️Іс-шара аясында интерактивті сессия да өткізіліп, онда қатысушылар Тұжырымдаманы іске асырудағы өз рөлдерін талқылап, саланы одан әрі дамыту бойынша практикалық қадамдар ұсынды.

▪️Дөңгелек үстел қорытындысы бойынша қатысушылар ведомствоаралық өзара іс-қимылды одан әрі нығайту, сондай-ақ Тұжырымдаманы іске асыру және Қазақстанда сутегі энергетикасын дамыту жөніндегі практикалық қадамдарды үйлестіру қажеттігін атап өтті.

🔷 33,7 млрд кВт·сағ: І тоқсанда Қазақстанда электр энергиясын өндіру профициті қамтамасыз етілді

▪️2026 жылдың бірінші тоқсанының қорытындысы бойынша Қазақстанның энергетикалық жүйесі негізгі көрсеткіштердің тұрақты оң динамикасын көрсетті.

▪️Алғашқы 3 айда электр энергиясын өндіру көлемі 33,7 млрд кВт·сағ құрады, ал тұтыну 33,6 млрд кВт·сағ жетті. Осылайша, генерация профициті 100 млн кВт·сағ деңгейінде қамтамасыз етілді, бұл энергия жүйесінің теңгерімді жұмысын растайды.

▪️Ағымдағы жылы Қазақстанда дәстүрлі және жаңартылатын энергияның 2,6 ГВт қуатын пайдалануға беру жоспарлануда. Биыл 4 бу-газ қондырғысы, 2 жел электр станциясы, 4 күн электр станциясы іске қосылып, екі электр станциясын кеңейту жоспарлануда.

👉🏻Бұл жобаларды іске асыру 2027 жылдың бірінші тоқсанының соңына қарай елдегі энергия тапшылығы мәселесін толық шешуге, ал 2029 жылға қарай электр энергиясының тұрақты профицитіне шығуды қамтамасыз етуге мүмкіндік береді.

🔶 33,7 млрд кВт·ч: в I квартале в Казахстане обеспечен профицит производства электроэнергии

▪️По итогам первого квартала 2026 года энергетическая система Казахстана продемонстрировала устойчивую положительную динамику ключевых показателей.

▪️За первые 3 месяца объем производства электроэнергии составил 33,7 млрд кВт·ч, тогда как потребление достигло 33,6 млрд кВт·ч. Таким образом, обеспечен профицит генерации на уровне 100 млн кВт·ч, что подтверждает сбалансированную работу энергосистемы.

▪️В текущем году в Казахстане планируется ввод в эксплуатацию 2,6 ГВт мощностей традиционной и возобновляемой энергии. Будут введены 4 ПГУ, 2 ветровые электростанции, 4 солнечных электростанции и планируется расширение двух электростанции.

👉🏻Реализация этих проектов позволит уже к концу первого квартала 2027 года полностью решить вопрос энергодефицита в стране, а к 2029 году обеспечить выход на устойчивый профицит электроэнергии.