⚜️Орталық Азияда энергетика трансформация жолында — ҚР Энергетика министрі

▪️Астана қаласында өткен RES-2026 Өңірлік экологиялық саммиті аясында Қазақстан Республикасы Энергетика министрлігі мен Азия даму банкінің қатысуымен «Орталық Азияның тұрақты энергетикалық болашағын қамтамасыз ету: таза энергия және инновациялар» тақырыбында негізгі сессия өтті.

▪️Іс-шараға Қазақстан Республикасы Энергетика министрі Ерлан Ақкенженов, Орталық Азия елдерінің мемлекеттік органдарының өкілдері, халықаралық ұйымдар, оның ішінде Азия даму банкі мен БҰҰ Еуропалық экономикалық комиссиясы, сондай-ақ энергетика саласының жетекші сарапшылары мен бизнес өкілдері қатысты.

▪️Сессияны ашқан Қазақстан Республикасы Энергетика министрі Орталық Азияның таза энергетиканы дамыту үшін зор әлеуетке ие екенін және энергетикалық көшу бойынша маңызды өңірлік орталыққа айнала алатынын атап өтті. Өз сөзінде ол декарбонизация, энергетикалық қауіпсіздік және тұрақты экономикалық өсім арасындағы теңгерімді қамтамасыз ету қажеттігін ерекше айтты.

▪️Сессияның бірінші бөлігінде қатысушылар жаңартылатын энергия көздерін дамыту, энергия жинақтау жүйелерін қоса алғанда, инновациялық шешімдерді енгізу, сондай-ақ өңірлік энергетикалық интеграция перспективалары мен инвестициялар тарту мәселелерін талқылады. Инвестициялық тәуекелдерді төмендету құралдары мен аралас қаржыландыру тетіктеріне ерекше назар аударылды.

▪️Талқылаудың екінші бөлігі әділ энергетикалық көшу мәселелеріне арналды. Оның ішінде адами капиталды дамыту, әлеуметтік тұрақтылық және жергілікті қауымдастықтарды тарту мәселелері қарастырылды. Қатысушылар Қазақстанның климаттық ерекшеліктерін ескере отырып, энергетика секторын трансформациялауда технологиялық және әлеуметтік аспектілерді қатар қамтитын кешенді тәсілдерді қалыптастырудың маңыздылығын атап өтті.

▪️Сессия қорытындысы бойынша өңірлік ынтымақтастықты одан әрі дамыту, саясатты үйлестіру және тәжірибе алмасу Орталық Азияда энергетикалық көшу үдерісін жеделдетудің негізгі факторлары екені атап өтілді. Қазақстан тұрақты энергетиканы дамытуға, инновациялық технологияларды енгізуге және халықаралық әріптестікті нығайтуға бейілділігін растады.

▪️Қазақстан Республикасы Энергетика министрлігі инвестициялар тартуға қолайлы жағдай жасау, жаңартылатын энергия көздерін дамыту және елдің сенімді әрі тұрақты энергиямен қамтамасыз етілуін қамтамасыз ету бойынша жұмысты жалғастырады.

🔷Энергетика министрлігі, ЕҚДБ және Экология министрлігі «QaJET» энергетикалық көшу инвестициялық платформасын құру туралы меморандумға қол қойды

▪️РЭС-2026 екінші күні Қазақстанның энергетикалық ауысуына арналған «QaJET» елдік инвестициялық платформасын құру жөніндегі өзара түсіністік туралы меморандумға қол қойылды.

▪️Құжатқа Энергетика министрі Ерлан Ақкенженов, Экология және табиғи ресурстар министрі Ерлан Нысанбаев және ЕҚДБ-ның Орталық Азия мен Моңғолия бойынша басқарушы директоры Хусейн Өзхан қол қойды.

▪️«QaJET» жаңа платформасы инвестицияларды тиімді жұмылдыруды қамтамасыз етуге, мемлекеттік бастамаларды үйлестіруге және Қазақстанның энергетика секторындағы төмен көміртекті жобаларды дамытуға бағытталған.

▪️Қатысушылардың айтуынша, аталған тетікті құру Қазақстан мен ЕҚДБ арасындағы әріптестікті нығайтуда, сондай-ақ елдің тұрақты және «жасыл» даму мақсаттарын ілгерілетуде маңызды қадам болмақ.

⚜️Қазақстан Орталық Азияда әділетті энергетикалық ауысымды ілгерілетуде

▪️RES-2026 саммитінің екінші күні «Орталық Азиядағы әділетті энергетикалық ауысым: саясат, инвестициялар және адами капитал» тақырыбында панельдік сессия өтті.
Іс-шараға мемлекеттік органдардың, халықаралық ұйымдардың, қаржы институттарының және бизнес өкілдері қатысты.

▪️Сессияда сөз алған ҚР Энергетика министрі Ерлан Ақкенженов Орталық Азияның дамуында маңызды кезең басталғанын атап өтті. Оның айтуынша, өңір елеулі ресурстарға ие және энергетикалық инфрақұрылымды жаңғыртуға жоғары әлеуеті бар.

▪️Министр Қазақстан үшін энергетикалық ауысым тұрақты экономикалық өсімді қамтамасыз ету және энергетикалық қауіпсіздікті нығайтудың негізгі стратегиялық бағыты екенін айтты. Сондай-ақ елдің ұзақ мерзімді мақсаты – 2060 жылға қарай көміртегі бейтараптығына қол жеткізу.

▪️Сессия барысында Қазақстанның энергетикалық саясаты үш негізгі бағыттың теңгеріміне негізделетіні айтылды. Атап айтқанда, энергиямен сенімді қамтамасыз ету, халық пен бизнес үшін қолжетімділік және экологиялық тұрақтылық.

▪️Сонымен қатар адами капиталды дамытуға ерекше назар аударылып отыр. Энергетика саласының қажеттілігіне сай кадр даярлау платформасы іске қосылады. Бағдарлама жаңартылатын энергия көздері, цифрландыру және автоматтандыру бағыттарын қамтиды.

▪️Жиында энергетика саласына инвестиция тарту шаралары таныстырылды. Елде жел және күн энергетикасы жобаларын іске асыру жалғасуда. Сондай-ақ инвестициялық жобаларды іріктеуде ашық аукциондар тәжірибесі қолданылуда.

▪️Іс-шара аясында Қазақстанның энергетикалық ауысымына арналған ұлттық цифрлық инвестициялық платформаның іске қосылғаны хабарланды. Бұл тетік энергетикалық инфрақұрылымды жаңғырту және озық технологияларды енгізу мақсатында мемлекеттік және жеке инвестицияларды біріктіруге бағытталған.

▪️Сонымен қатар Әл-Фараби атындағы Қазақ ұлттық университеті базасында Салалық технологиялық құзыреттер орталығын құруға ерекше назар аударылды. Орталық энергетика саласындағы жобаларға талдамалық қолдау көрсетіп, цифрлық модельдеу технологияларын енгізуге және жаңа технологиялық шешімдерді дамытуға ықпал етеді.

▪️Қатысушылар Орталық Азия елдері арасындағы өңірлік ынтымақтастықты нығайтудың маңызын атап өтті. Бұл әріптестік энергетикалық инфрақұрылымды дамытуға, энергетикалық қауіпсіздікті арттыруға және электр энергиясы саудасын кеңейтуге мүмкіндік береді.

✔️Қазақстан тұрақты энергетикалық болашақты қалыптастыру мақсатында халықаралық серіктестермен, инвесторлармен және технологиялық компаниялармен ынтымақтастыққа ашық екенін мәлімдеді.

🔷Атырауда халықаралық геологиялық конференция өтті

▪️Атырауда Халықаралық ғылыми-практикалық геологиялық конференция өтті, оған Қазақстаннан, сондай-ақ Орталық Азия, Еуропа, АҚШ және Қытай елдерінен 250-ге жуық маман қатысты. Конференция жұмысына сондай-ақ Ерлан Ақбаров қатысып, елдің ресурстық әлеуетін тиімді игеру үшін геологиялық барлау жұмыстарын дамыту мен заманауи технологияларды енгізудің маңыздылығын атап өтті.

▪️Талқылаудың негізгі тақырыбы Каспий маңы ойпатының терең орналасқан палеозой шөгінділерінің мұнай-газдылық перспективалары болды. Қатысушылар геологиялық барлау саласындағы өзекті мәселелерді, соның ішінде заманауи технологияларды қолдану, терең қабаттардың әлеуетін бағалау және жаңа мұнай-газ кен орындарын ашу перспективаларын қарастырды.

▪️Іс-шара барысында қазақстандық және шетелдік сарапшылардың жер қойнауының тектоникалық құрылысы, геологиялық барлаудың инновациялық әдістері, экологиялық және өнеркәсіптік қауіпсіздік мәселелері, сондай-ақ салаға цифрлық шешімдер мен жасанды интеллект технологияларын енгізу жөніндегі баяндамалары ұсынылды.

✔️Конференция геология саласын дамытуға бағытталған тәжірибе алмасу, ғылыми білімдерді бөлісу және практикалық шешімдер әзірлеу үшін маңызды халықаралық алаң мәртебесін тағы да растады.

🔶В Атырау прошла международная геологическая конференция

▪️В Атырау состоялась Международная научно-практическая геологическая конференция, приняли участие около 250 специалистов из Казахстана, а также стран Центральной Азии, Европы, США и Китая. В работе конференции также принял участие вице-министр энергетики РК Ерлан Акбаров, который отметил важность развития геологоразведки и внедрения современных технологий для эффективного освоения ресурсного потенциала страны.

▪️Ключевой темой обсуждения стали перспективы нефтегазоносности глубокопогруженных палеозойских отложений Прикаспийской впадины. Участники рассмотрели актуальные вопросы геологоразведки, включая применение современных технологий, оценку потенциала глубоких горизонтов, а также перспективы открытия новых месторождений углеводородов.

▪️В ходе мероприятия были представлены доклады казахстанских и зарубежных экспертов, посвящённые тектоническому строению недр, инновационным методам геологоразведки, вопросам экологической и промышленной безопасности, а также внедрению цифровых решений и технологий искусственного интеллекта в отрасли.

▪️Конференция подтвердила статус одной из ключевых международных площадок для обмена опытом, научными знаниями и выработки практических решений для дальнейшего развития геологической отрасли Казахстана.