ተወዳጅ ማርሲል ዛሬ በሚል ይታላለፈ የነበረው ፕሮግራም እነሆ በ Telegram መቷል ::
Join us @yoniteaching_zare1
+
Join our main channel @Yoniteachings

የስጋን ስራ መግደል

ክፍል 3
(የሀጢያት ተፈጥሮ)

👉ብዙ ክርስቲያኖች የሚጨነቁት በየ ጊዜው ስለሚሰሩት ሀጢያት እንጂ ሀጢያት እንድንሰራ ስለሚገፋፋን ውስጣዊ ተፈጥሮአችን አይደለም።
👉ጌታን ካገኘን በኃላ የምንፈተን አልመሰለንም ነበር።ቸርች ተቀባቹህ ተብለን ቅባት ከወረደብንም በኃላ ወይም ስለ መንፈስ ቅዱስ ሙላት ተፀልዮልን መሬት ወድቀን ስንነሳ ደግመን ውስጣችን ሌላ ነገር የሚመኝ አይመስለውም ነበር።ከኮንፈረስ ሞቅታ ማግስት በቤተክርስቲያ የተሰማን ግለት ሁሌ አብሮን የሚውል ይመስለን ነበር።እየዋለ ሲያድር ግን እራሳችንን እዛው በድሮውና በማንወደው ማንነታችን ውስጥ ተዘፍቆ እናገኘዋለን።እስኪገርመን፣እስክንናደድና ተስፋ ቆርጠን እስክናዝን ድረስ ተውነው ያልነው የሀጢያት ፈተና ክፋኛ ሲፈታተነን ና ሲጥለን እናገኘዋለን።
👉እግዚአብሄርን ለመታዘዝና ለመከተል በሞከርን ቁጥር ወደኃላ እየጎተተ ድሮ እናደርገው ወደነበረው አሁን ግን ወደተውነው ወይም ልንተወው በደምንፈልገው ነገር እየመለሰ የሚጥለን ሀጢያት የሚያሰራን ነገር ውስጣችን እንዳለ እንረዳለን።ቤተ ክርስቲያን እየሄድን፣ጌታን ተቀብለን፣ጌታም የእውነት ገብቶን ነገር ግን ጌታ የሚያከብር እንከን የሌለበት ህይወት መኖር ያቅተናል።ጭራሽም የሚታይ የድፍረት ሀጢያት በህይወታችን እየደጋገመ ይገለጣል።ጌታን እናውቃለንና በፊቱ ተፀፅተን አንዳንዴም እያለቀስን ይቅርታ እንቀበላለን።ለግዜውም ጤነኛ እንመስላለን ነገር ግን እንደገና እራሳችንን በዚያው አስቀያሚ የሀጢያት ምኞት እናገኘዋለን ከዚያም ንስሀችን ሳያድር በዚያው ሀጢያት ወድቀን እንገኛለን።
👉አንዳንዶቻችን ጼጥሮስ እንዳለው ነፍስን በሚዋጋ የስጋ ምኞት እንሰቃያለን።ብዙዎች በከፍተኛ የፍትወት ምኞት ሲቃጠሉ ይዉላሉ ያድራሉ።ሌሎች ደግሞ በአሮጌው ሰው ማንነት እየደጋገሙ በመገለጥ በድንገት እራሳቸውን ሲሳደቡ፣ሲቆጡ፣ሲያሙ፣ሲያማርሩ...ያገኙታል።ከስጋቸው ሲበርዱ ወይኔ ባላደረኩ ይላሉ።ስለዚህ የብዙ ክርስትያን ህይወት ወይኔ ባላደረኩ በሚል ቁጭት የተሞላ ነው።ከዚያ ቁጭት ገና ሳይወጡ እራሳቸውን በዚያው ሀጢያት ደጋግመው ሲወድቁና የሚወዱትን ጌታ ሲበድሉ ያገኙታል።በዚህም አንዳንዶች በህይወታቸው ካለው የሀጢያት ምኞት ሱስና ቀንበር የተነሳ መዳናቸውን ተጠራጠረው አሉ።ፈፅመው በተስፋ መቁረጥና እኔ ለጌታ አልገባም በሚል ስሜት ዉስጥ ያሉም የትዬ ለኔ ናቸው።የሚያሳዝነው ብዙዎቻችን እንዘምራለን፣እንሰብካለን፣ቤተ ክርስቲያን እንሄዳለን ከላይ ስንታይ ሸጋ ነን ነገር ግን ብቻችንን ስንሆን ስራችንና ምኞታችን ሌላ ነው።ገና ከመሄዳችን የት መጣ የማይባል ነገር ይረብሸናል፣ልባችን የረከሰውን እየተመኘ ያስቸግረናል፣እግራችንም ወደ የሀጢያት አዘቅት ዉስጥ ይሮጥብናል።

👉ታዲያ ጌታን አውቀን ድነን ይህ ሁሉ ለምን ይሆንብናል?ችግሩ ምኑ ጋር ነው?በቀጣይ ክፍሎች የምናየው ይሆናል።ግሩፖች ላይና ለወዳጆችዎ ሼር ያድርጉ።
ይቀጥላል
@musicforchrest
@musicforchrest

ልዩ መልዕክት ከየኢየሱስ አገልግሎት(Jesus' Ministry)

በአለፈው አመት የጦርነት አመት ነበር።ብዙ መንፈሳዊ ጦርነቶችንም አድርጌአለው።በአንዳንዶቹ ጦርነቶች ላይ አመርቂ ድልን ሳገኝ በአንዳንዶቹ ተሸንፌአለው።አንዳንድ ጦርነቶች ከጠላት የመጡብኝ ሲሆኑ አንዳንዶቹ ከራሴ ድካም የመጡ ነበሩ።ጌታ ግን አልተለየኝም ነበር ሁሉም የሆነው በእርሱ ነው።ይህ ታሪክ የኔ ብቻ ሳይሆን የብዙዎቻችሁ ነው።ብዙዎቻችን በማያባራ በተመሳሳይና መልኩንም በሚቀያይር ችግርና ጦርነት ውስጥ አልፈናል አመቱን ሙሉ።
አመቱን ሙሉ ለበርካታ ሰዎች ፀልያለው በርካታ ሴቶችንንና ወንዶችንም አማክሬአለው።በዚህ ሁሉ የተረዳውት የእግዚአብሔር ልጆች ምን ያክል ቀንበር እንደተጫናቸው፣ምን ያክል ውስጣቸው እንዳዘነና ተስፋ እንደቆረጡ ነው።በርካቶቻችን በጣም ተስፋ መቁረጥ ውስጥ ገብተናል።የምንጠብቃቸውም መልካም ቀናት እርቀውብናል።ብዙዋቻችንም አለም በምተታወቅበት የብቸኝነት ስሜት ውስጥ ወድቀናል።ብዙ ክርስቲያኖችን ቀርቤ ሳወራቸውና አብሬአቸውም ስፀልይ ገና ምንም ነገር ሳልነግራቸው ስቅስቅ ብለው ያለቅሳሉ።በውስጣቸውም ብዙ ብሶት አለ።
አዲሱ አመት ሲገባ አካባቢ ጌታን ጌታ ሆይ ተናገረኝ አልኩት።ከቀናት በኃላ አንድ ድምፅ ሰማው "አይዞህ" የሚል።ለጌታ ጉድለቶቼን ዘርዝሬ ብነግረው ስለአገልግሎቴ እንጅ(ይህም በሌላ ነብይ ነው) ስለ ሌላ ነገርና ህይወቴ ምንም አላለኝም።ብዙ ድምፅ ብጠብቅም ጌታ አይዞህ አለኝ።በዚህም ተፅናናው።
መንፈስ ቅዱስ አይዞህ ላንተ ብቻ አይደለይ በዚህ አመት ለምታገኘው ሰው ሁሉ አይዞህ ፣አይዞሽ ብለህ ህዝቤን አፅናና አለኝ።ስለዚህ እናንተንም እላለው አይዞሽ አይዞህ አይዞአችሁ።
ጌታ ጌታ ነው።መቸም እንደሚመጣ አናውቅም።ምን ያክልም ለኛ ቅርብ እንደሆነ በሙላት አናውቅም።ነገም ሌላ ቀን ነው። ነገ ለእኛ ወደ ህይወታችን የሚያመጣውንም አናውቅም።በምንም ውስጥ እንሁን በዚህ ሁሉ ግን በአንድ ነገር እርግጠኛ ነን ኢየሱስ በውስጣችን አለ።ኢየሱስንም ማንም ሊነጥቀን አይችልም።ኢየሱስ ካለ ደግሞ ሁሉም አለ። ተፅናኑ ተፅናኑ!!!!!
አይዞህ አይዞሽ አይዞአችሁ!!!!
አብርሃም ይልማ


@musicforchrest
@musicforchrest