دنيه بلا ابو   ما تسوه وظلام
ومن ترحل علي   عالدنيه السلام
زينب شفتها من تون زينب شفتها  
عدمن عفتها ياعلي عدمن عفتها
*
طالت بفگدك صفنتي     وشوفتك بويه راحتي   خيمتي وطاحت خيمتي   شوف
ماينحمل فگدةالابو   من يرحل ايعوضه منو     افگد حنانه والدفو     شوف
يابويه احس ظهري انحنه     وياهو اليعايدني السنه   ظليت بويه مدوهنه  شوف

يوميه انجرح     وتعبني الزمان
بفراگك علي     فارگت الحنان
من فارگتها اتعذبت من فارگتها
عدمن عفتها ياعلي عدمن عفتها
***
مافارگتني صورتك      وليليه اروح الحجرتك      جم مره مت ابفرگتك   وين
ابجي عله عشرتنه الصدك   وماجنت اضنن نفترك   عايفني كل ساع احترك   وين
ارجعلي مو حالي صعب    بفرگاك حسيت بغرب  غيابك علي شلعت گلب   وين

وحشه دنيتي    وصارت كلها ليل
تعبني الهجر    وماظل بيه حيل
روحي خذتها من رحت روحي خذتها
عدمن عفتها ياعلي عدمن عفتها
*
تودعني وبعينك حزن   وكلما صحت بويه تحن    تباوع عله امتوني وتون
ليش
وجفوفي تلزمها شكثر       وتصيح ابعد ياشمر      زينب تظل ام الخدر
ليش
وصوطك ابعده والحبل    ابنيتي مو مالت هزل   ومحد تره شاف الها ضل ليش

مو مالت سبي    زينب بت دلال
بالك ياشمر      تجتفها بحبال
لو جتفتها تنجرح لو جتفتها
عدمن عفتها ياعلي عدمن عفتها
****
كربله هيه اكبر جرح     حرك وسبي تله وذبح    سلب وهزل سهم ورمح   ضيم
خيمتج زينب تحترك    ومتونج ايصيرن زرك   وحسين صدره ينسحك  ضيم
وهناك يم المشرعه       عباس اخيج مصرعه       وجفينه يمه مگطعه         ضيم

مرمي عله النهر    ويمه الرايه هاي
وصابو جربته    ومنها اتبده ماي
عينه اعرفتها من السهم عينه اعرفتها
عدمن عفتها ياعلي عدمن عفتها
*
بحلامي اشوفن كربله     خيل وزلم كرب وبله  حاجيني ياهو حرمله     ذاك
ذاك الطفل جنه عرف     مو للسهم نحره ترف     عبدالله طير ويختلف     ذاك
ياهيه ذيج التبجي هم   توجعها اذنها وكلها دم    تركض  رقيه من الألم    ذاك

مجروحه الاذن    وتگوم وتطيح
وتسحك عالجمر    بويه الحك تصيح
شگد عذبتها كربله    شگد عذبتها
عدمن عفتها ياعلي عدمن عفتها
**
ذاك الحسين اعله الثره    بسيفه الشمر حز منحره     اثنعش طبره يطبره     راح
من الشمس جسمه يحترگ ومن الحوافر والسحگ صدره عله ظهره ينطبگ
راح
   عطشان اخيج ينذبح    والف وتسعمية جرح    وينرفع راسه عله الرمح   راح
سلمي بكل وكت    عالخد التريب
وشعندج دمع     ابجيه عالغريب
شگد حيرتها مصيبته شگد حيرتها
عدمن عفتها ياعلي عدمن عفتها
****
تمت
ميثم العمري

نعي وكأني بمولاتي زينب تخاطب اخوتها وقمر العشيرة ع

يمر طرواك ويفرفح دليلي
وعگبك من رحت هل مات حيلي
ويدمعات الهظم ترسن شليلي
كبل لا موت اتنطر تجيلي

**

وكلما شفت وحده ويخوهه
ابجي اعله روحي الفرگوهه
واليمهه اهلهه ايدللوهه
بـــس انه مهظومة ونسوهه

****

وريتك تجي هل جاي موتي
ووياك هـــــــم جايب اخوتي
عـــباس ماتــــــــسمع نخوتي
مافـــــــــــززك هاليوم صوتي

***

يخواني هسه  المـوت مرلي
ولحگوا اعله بتكم ها يأهلي
بالدنيا زيــــــــــنب انه  شلي
وعيـــــــني لحد الموت هلي

***

الشاعر
محمد البنداوي

ابوذيـة

يمن لعبت عليك الخيل يوله
اسولفلك عليه اشصار يوله
الخنيث يصير زلمه لون يوله
وانه حرمه او ولوني شلون بيه

سيد غالب الرضوي الكربلائي

قصيده لشهداء الحشد المقدس
الوزن بحر طويل
ـــــــــــــــــــــــــ

بترابك دفنه اورود عينــــــــك ياعلي اعليهم
شبان الحشد ذوله الغــــــــيره تنومست بيهم
ـــ
فدووها روسهم للدين وكلحنه رفعنــه الراس
 لهاي الگاع صاروا سور خذوها ادروس من عباس
سمره خشوم للكلفات  مايــتوصف النبراس
شما نذكرهــــــــم  ونقره مانگدر نوافيهم
ام عـــ✍🏻ـــــلي البابلي
ـــــــــــ
مانكدر نوافيهم اسباع،وضحوا بدمهم

غيرة حيدره بيهم وصافي ياحليب امهم

امسابك على الموت ارجال حي الله ونعم منهم

احظرهم ياعلي الكرار وسجلها اساميهم
ام احــــــ✍🏻ــــــمد الهاشمي
ـــــــــــــ

احضرهم ياعلي ذوله بسمك صاحوا اليرعب
عدهم غيره ميخافون متربين علملعب
ميهابون من الموت  دمهم حار للمذهب
نار الحرب من اتصير اول ناس تلگيهم

✍️ المله ام احمد الساعدي
ــــــــــــــــ
حي الله  الحشد البطال بيهم غيره من حسين
صار ازماط بالوحدات گالوا مانعوف الدين

ننطي ارواحنه للموت ومانوگف الامر الشين

عقيدتنه تضل للدوم  والعدوان نگضيهم

ام ✍🏻زين العابدين لمحمداويه
ــــــــــــــــــــــــــ

​عـطر هـيـل الـسـواتـر. ذول.. فـزعـوا فـزعـة الـفـرسـان
بـيـهـم غـيـرة الـعـبـاس. أولاد الـحـشـد ـشـجـعـان
خـذوا طـبـع الـكـفـيـل. بـزود.. وعـلّـوا لـلـنـصـر بـنـيـان
بـاسـمـك يـا عـلـي صـاحـوا.. وزالـوا زمـرة الـطـغـيـان
​بـصـفـحـات الـمـجـد بـالـدم.. نـخـط ونـرد نـسـمـيـهـم

✍🏻الشاعره مريم العبوديه اسيرة الأحزان ام سكينه 💔
ــــــــــــــــــــــــــــــــــ
​عـيـنـك يـاعـلـي عـلـيـهـم.. مـشـو لـلـمـوت مـشـايـة
واحـدهـم نـذر روحـه.. ومـانـزل ابـد رايـة
​نـذروا لـلـعـراق أرواح.. وبـحـب الـوصـي آيـة
بـجـاه جـفـوف أبـو فـاضـل.. لـلجـنـه تـحـيـيـهـم
​✍🏻الشاعره مريم العبوديه اسيرة الأحزان ام سكينه 💔

وهمان وماعندك فكره
من هدّمت اكبور العتره
افتح بيدك گلب الشيعي
تلكه اربع بيبان وحضره

……………………………………………………………


جدك امس كاسر ضلع . عالسيده ايوج ناره
بحسابه ينهي ام الحسن . يقصي الامير ابداره
صح ذبح محسن بس صبح . بيرغ نصر بسماره
ذوله الله رافعهم گمر  .  يخسه اليطفي انواره

جدك وينه الـ بالدم حاكم
مات وبس ما ماتت فاطم
اسأل هاي الشمس التضوي
اتگلك انا ابنيت الزهره

……………………………………………………………


الحسن مو قصة گبر .  الحسن عالم ثاني
بحروفه تضحك دنيتي . تطرد جميع احزاني
اصبي عيني خافن ينحسد.وعليه طبگت اجفاني
راسمله بخيالي الكبر  .  وعليه درت ذرعاني

صوت و بأسم الحب يتجدد
فدوه لاسمك يا ابو محمد
للقبله امن اوكف يوميه
اشتم كهوه اتهب من گبره

……………………………………………………………


گومك اهل سوط وسبي . گوم اعوجيه و حافر
لاچن حجتها ام الخدر  .  المن الفوز اباجر
زين العباد ومرقده  .  ابكل الضماير حاضر
والگلب نصين انجسم . نص جعفر ونص باقر

وشريان الدم بيهم ناطق
يحيا الباقر يحيا الصادق
يحيا الخله الشام اتخورس
كال انا ابن الحزوا نحره

……………………………………………………………


هذا الفعل يعني الضعف . مهزوز خايف منهم
نهر ويغرّگ كل ظلم . والناس تشرب ميهم
ميتين بس ترجف زلم . لمن يمر طاريهم
وكبورهم طرة شمس .زمرة هند فضحتهم

حمره امك رفت رايتها
وامي من الجنه اعبايتها
انت ابن الذباها اهدومه
وانا ابن الماداير ظهره

……………………………………………………………


مشكلتك اتحس ابنقص . ما دگلك احد ثايه
ما نازل ابربعك خبر . لا حجت عنهم ايه
لا مرجع ولا مجتهد . عندك تسير ابرايه
بيد اليلطمن موقفك .تروح وتجي بحجايه

الله يزيده الجابه الأيده
عاف حسين وحب ايزيده
تندم و اتعض اصبع باجر
من اتشوف النار الكبره

……………………………………………………………


باجر نهد هدة اسد . باجر نجيكم فزعه
جيش و يقوده المنتظر .سيف الفقار ايرفعه
وين ابن تيميه القذر . وين ابن باز و ربعه
تشردون وتظل العگل . حفاي كلها امفرعه

جيبو العايل والمتعدي
يركع حدر اجدام المهدي
صفره ولا من دم بيها
تغدي وجوه اسعود القذره

……………………………………………………………
✍️ ( سيد خضر الزاملي )

دنيه بلا ابو   ما تسوه وظلام
ومن ترحل علي   عالدنيه السلام
زينب شفتها من تون زينب شفتها  
عدمن عفتها ياعلي عدمن عفتها
*
طالت بفگدك صفنتي     وشوفتك بويه راحتي   خيمتي وطاحت خيمتي   شوف
ماينحمل فگدةالابو   من يرحل ايعوضه منو     افگد حنانه والدفو     شوف
يابويه احس ظهري انحنه     وياهو اليعايدني السنه   ظليت بويه مدوهنه  شوف

يوميه انجرح     وتعبني الزمان
بفراگك علي     فارگت الحنان
من فارگتها اتعذبت من فارگتها
عدمن عفتها ياعلي عدمن عفتها
***
مافارگتني صورتك      وليليه اروح الحجرتك      جم مره مت ابفرگتك   وين
ابجي عله عشرتنه الصدك   وماجنت اضنن نفترك   عايفني كل ساع احترك   وين
ارجعلي مو حالي صعب    بفرگاك حسيت بغرب  غيابك علي شلعت گلب   وين

وحشه دنيتي    وصارت كلها ليل
تعبني الهجر    وماظل بيه حيل
روحي خذتها من رحت روحي خذتها
عدمن عفتها ياعلي عدمن عفتها
*
تودعني وبعينك حزن   وكلما صحت بويه تحن    تباوع عله امتوني وتون
ليش
وجفوفي تلزمها شكثر       وتصيح ابعد ياشمر      زينب تظل ام الخدر
ليش
وصوطك ابعده والحبل    ابنيتي مو مالت هزل   ومحد تره شاف الها ضل ليش

مو مالت سبي    زينب بت دلال
بالك ياشمر      تجتفها بحبال
لو جتفتها تنجرح لو جتفتها
عدمن عفتها ياعلي عدمن عفتها
****
كربله هيه اكبر جرح     حرك وسبي تله وذبح    سلب وهزل سهم ورمح   ضيم
خيمتج زينب تحترك    ومتونج ايصيرن زرك   وحسين صدره ينسحك  ضيم
وهناك يم المشرعه       عباس اخيج مصرعه       وجفينه يمه مگطعه         ضيم

مرمي عله النهر    ويمه الرايه هاي
وصابو جربته    ومنها اتبده ماي
عينه اعرفتها من السهم عينه اعرفتها
عدمن عفتها ياعلي عدمن عفتها
*
بحلامي اشوفن كربله     خيل وزلم كرب وبله  حاجيني ياهو حرمله     ذاك
ذاك الطفل جنه عرف     مو للسهم نحره ترف     عبدالله طير ويختلف     ذاك
ياهيه ذيج التبجي هم   توجعها اذنها وكلها دم    تركض  رقيه من الألم    ذاك

مجروحه الاذن    وتگوم وتطيح
وتسحك عالجمر    بويه الحك تصيح
شگد عذبتها كربله    شگد عذبتها
عدمن عفتها ياعلي عدمن عفتها
**
ذاك الحسين اعله الثره    بسيفه الشمر حز منحره     اثنعش طبره يطبره     راح
من الشمس جسمه يحترگ ومن الحوافر والسحگ صدره عله ظهره ينطبگ
راح
   عطشان اخيج ينذبح    والف وتسعمية جرح    وينرفع راسه عله الرمح   راح
سلمي بكل وكت    عالخد التريب
وشعندج دمع     ابجيه عالغريب
شگد حيرتها مصيبته شگد حيرتها
عدمن عفتها ياعلي عدمن عفتها
****
تمت
ميثم العمري

لهلنه امشينه ذوله موش أهلنه    اهل الشام مابيهم محنه
ظلينه غريبات       خاف انرد سبيات
**
دارت الايام بيه                ورجعت محد الي
الياوكت ابقى غريبه     وماكو واحد من هلي
امس كتبو يلا زينب        فوگ جدراني ارحلي
صحت من رجعو اليه      منين اجيبك ياعلي

اخذني وياك شلي بديرة الشام     من زينب علي شتريد الايام
اريد بحضرتي اتبات       خاف انرد سبيات
****
من زمان الشام غربه       وناس تكره من زمان
خير لا تترجي منهم             ذوله ما ألهم أمان
بعد وي گوم آل اميه            عمه ما النه مكان
گومي خل نمشي لهلنه          الكربله آن الأوان

اظل المن وشنهي ظلتي اهنا      ويوميه اتهدد شيلي منا
اهواي بگلبي لجمات        خاف انرد سبيات
****
بغربتي والصحن خالي      اوين زواري اصيح
مرقدي اظلم او وحشه    وخايفه الگبه تطيح
الأمس بالطف سلباني      سلب اليوم الضريح
الشام واهل الشام عمه  گلبي من عدهم جريح

ظلينه غرايب احنه الاثنين     ورجعنه محد النه وتهمل العين
عدهم صرنه اسيرات         خاف انرد سبيات
****
آه ياغربة رقيه                الها گلبي ينعصر
سنين صار الها وحيده    وبيها ما واحد يمر
مثل هالايام جانت     ايمرها زاير تنتظر
يكسر الخاطر گبرها    ويمها يفتر جم شمر

گبرها هالسنه بيد آل أميه     وتهد الحيل غربتها رقيه
محد الها هيهات        خاف انرد سبيات
****
ليش هاي السنه گبري    يختلف عن السنين
جانت الزوار يمي     وبيها ريحه من الحسين
كل سنه تگصدني جانت    مثل يوم الاربعين
ماشفت واحد اجاني     والمواكب ذيجه وين

يحيون الزياره بگبري كل عام    جا ليش السنه مايمي خدام
عافوني حرامات          خاف انرد سبيات
****
الكربله خلينه نمشي          ونترك اديار الغرب
اهناك نسكن بين اهلنه        عمه وعزاز الگلب
بالعراق الناس طيبه        علينه دمعتهم تصب
مشي كلهم يعتنونه        وحنه نوگف عالدرب

من كل الدول تگصدنه زوار     وتخدمنه المواكب ليل ونهار
اهناك انرد عزيزات       خاف انرد سبيات
****
تمت
ميثم العمري

الشاعر الموفق ميثم العمري
اداء الخادم محمد السماوي