من الحاجات إلى بتوريني اني ماشية صح اني ألاقي كل حاجة بتتربط ببعضها وانا مشاية، ساعات كتير بنبدأ حاجات إحنا مش عارفين هتوصلنا لفين بنكون عارفين انها مهمة مفيدة كويسة بعض الأحيان لابد منها لكن مش بنكون عارفين النتايج خصوصاً لو حد متعدد المهارات أو الشغف ده ممكن يكون عائق في بعض الأحيان إلى هو أنا بعمل كل ده ليه ولو متعاملتش مع نفسك صح هتلاقي نفسك روحت في حتة غلط خالص من التفكير

لما تلاقي نفسك بتتعلم حاجات كتير في مجالك بشكل مباشر أو حتى براه كون انك تلاقي انهم بيرطبتوا ببعض ده شئ بوريك انك ماشي صح علشان كدا لما بقعد فترة كبيرة مش شايفة إلى بعمله متناغم مع بعض او كل حاجة في وادي بقلق وبقعد اراجع نفسي والى بعمله ساعات بكون محتاجة اثق في إلى بعمله وبيكون محتاج وقت لا أكثر ولا أقل علشان ألاقي عائد أو ترابط وساعات بكون ماشية غلط فعلا ومحتاجة رأي حد في الحاجة إلى بعملها وساعات بغيرها خالص

ساعات كتير هتحتاج تثق في الطريق إلى ماشي ومتبطلش حاجة من غير سبب مقنع مش معنى انك مش لاقي عائد ان الحاجة دي غلط أكيد في استفادة ولو واحد في المية، ولو محتاج رأي حد في حاجة إنت بتعملها ميكنش حد كبير وعنده خبرة بس لا كمان يكون فاهمك وفاهم انت عايز توصل لإيه ويكون شايف القيمة إلى انت شايفها لانك لو روحت لحد مش شايف القيمة إلى انت شايفة هيقلل منها وهقولك متروحش هناك أصلا، لكن لو حد فاهمك وفاهم القيمة إلى بتحاول توصلها هيعرف بخبرته ونظرته هيصلحلك نظرتك لو فيها شئ من الخطأ وهيعرف يرشدك

السبت إلى فات نزل 2 Ep من ال Podcast المحببة ليكم "منمن في الكوباية" تعويضاً للإسبوعين إلى فاتوا 🤎🙈

حلقة بنتكلم فيها ليه كامل مش كامل وإزاي ساعات كتير بنيجي على نفسنا وبنجلد فيها مع إنك بتكون شغال كويس
https://open.spotify.com/episode/0b5GdV5s4phy7Tj76Jp9um?si=dffb27564e684b63
والحلقة المنتظرة مين منمن وليه الكوباية 😂🙂
بعد كدا هنقول أنا منمن واحنا في الكوباية😌😂✨
https://open.spotify.com/episode/31IjYSfyFSCsvIdF5Ab4Co?si=d1ff44938dff4e48
بقيت واخدة بآلى ان في ناس مبقتش مستنية Announcment بمجرد ما بيجي يوم السبت بيكونوا مستنيين الحلقة وبجد الواحد سعيد بالناس الجميلة دي ✨🤎☕ والناس إلى دايما بتدى Feedback وبتساعد ال Podcast تتطلع بشكل أفضل ☕🤎✨


#منمن_في_الكوباية #Podcast #spotify #sepa

https://vconnct.us/64qmeqbk

Meeting Link

واحد من ال Repos الى اشتغلت عاليها من أول سنة في الكلية هو ال Python Repo ده

https://github.com/MennahMabrouk/Python-Projects/tree/main

الحكاية بدأت اني لقيت ناس على اليوتيوب بتقولى يا طالب يا صغنون انت محتاج ال GitHub ده اختراع عظيم تقدر ت Market لنفسك وتحط شغلك وتشتغل مع زمايلك الى بيبوظوا الكود عاليه وانت مرتاح علشان تقدر عادي ترجع للكود علشان فيه Version Control 🤔😐


لما روحت ابص عاليه مفهمتش حاجة وقعدت اخبط فيه شوية واستكشفه لوحدى, طبعا اسهل تروح تشوف فيديو يعرفك ويشرحلك تعمل ايه بس انا بحب اجرب كل حاجة بايدي الأول😅😅

وأول Project File اترفع بجد كان ال Snake Game كنت فرحانة جدا بيها قعدت اشتغل يوم كامل وكنت بحاول افهم كل حاجة فيها 😂🌟

من Snake Game ل Algorithm Projects ل EDA Project Analysis
جزء من رحلة التلت السنين هتلاقوها في Repo واحد 🫡

ال Repo لسة بيتعمله Update كل شوية وبقى في ناس بتخش تشوفه من صحابنا وفي منهم بدأ يبنى Repo يحكي قصته وقصة سعيه في الكلية أو البرمجة 😎🤓


https://github.com/MennahMabrouk/Python-Projects/tree/main
خش ال Repo واعرف ان بدايته كانت
Print("Hello World")


لو عايز تعمل Save لل Repo اعمله Star وهيفضل عندك ⭐ 🌟
#mennahtullah_mabrouk #github #python #repository

من الحاجات الجديدة إلى بقيت بحب أعملها وقت الامتحانات اني احط كل واحد ورا بعض وجنبه اهم الحاجات إلى لو خلصتهم كدا حلو آوي ونروح نشوف حاجة تانية غير الامتحان🙄

كل ما بروح بشيل واحدة منهم وبقطعها بقول الحمد لله عديت يلا نركز على إلى وراه نخلص إلى مكتوب بس ونراجع الصبح وحلو آوي كدا😊

من وجه نظرى والى بينفع معايا انك تحط الامتحانات أولوية مع تكملة باقي شغلك حتى لو بشكل أقل أفضل مليون مرة من تكريز حياتك للامتحانات بس.... ال Rebound إلى بيحصل بعدها وانك تحاول ترجع لل Routine الأساسي بتاعك هيقعد وقت طويل لو انت بتهمل حياتك الأساسية وقت الامتحانات
التوازن في الأسبوع ده هو انك تستمر بسرعة أبطأ في حياتك مع وضع الامتحانات أولوية ليك✨

#رمضانيات_خفيفة #مذاكرة #امتحانات #study #mennahtullahmabrouk #bioinformatics