Намоз вақтлари:
25.08.2025 - ДУШАНБА

Telegram | Facebook | Instagram | YouTube

Аслида қанақа?

Намозда нега Иброҳим алайҳиссаломга салавот айтамиз?

Ҳар намозда Ташаҳҳуддан сўнг салавот айтаётиб: "Иброҳим (алайҳиссалом)га салавот йўллаганингдек..." деган жумла бор.
Аслида шу жумла орқали ҳақиқаттан Иброҳим алайҳиссаломга салавот айтиладими?амиз.
Намозда Иброҳим алайҳиссаломга ва Пайғамбаримиз Муҳаммад соллаллоҳу алайҳи ва салламга ва у зотларнинг оила аҳлларига ҳам салавот айтамиз. Яъни ташаҳуддан сўнг: “Аллоҳумма солли ала Муҳаммадин ва ала али Муҳаммадин кама соллайта ала Иброҳима ва ала али Иброҳима иннака ҳамидун мажид. Ва барик ала Муҳаммадин ва ала али Муҳаммадин кама барокта ала Иброҳима ва ала али Иброҳимма иннака ҳамидун мажид” саловатини ўқиймиз. Ундаги "кама соллайта ала Иброҳим" жумласи "Иброҳимга салавот айтганингдек" деганидир.
Иброҳим алайҳиссаломга саловат айтишимизнинг сабаби Қуръони каримнинг Шуъаро сурасида келган:"Ва менга кейин келгувчилар ичида содиқ мақтовлар бўладиган қилгин" (84-оят). Яъни, бу оят ўтиб кетганимдан кейин ҳам одамлар мени қиёматгача яхшилик билан эслаб юрадиган қилгин деганидир. Иброҳим алайҳиссалом доим ушбу дуони ўқиб юрар эдилар. Аллоҳ таоло у зотнинг дуоларини ижобат қилди ва: "Ва кейингилар ичида унинг учун (олқишлар) қолдирдик" деди (Вассоффат сураси, 108-оят). Яъни, “Биз то қиёматгача келадиган инсонлар ичида Иброҳимни яхши хотира билан, унга мақтов айтиб эслашликни қолдирдик” деганидир.
@mehrob_uz

"Аллоҳ таоло бир бандасига яхшиликни ихтиёр этса, унинг тилига саййидимиз Муҳаммад соллаллоҳу алайҳи ва салламга салавот айтишни осон қилиб қўяди”.

“Бўстонул воизийн” асаридан.

@mehrob_uz

ИЛМ АФЗАЛМИ, БОЙЛИКМИ?

Бузругмеҳрдан сўралди:
– Илм афзалми ё мол-дунё?
– Илм, – деди у.
– У ҳолда нега олимларни бойлар эшигида кўрамиз-у, бойларни олимлар эшигида кўрмаймиз? – дейишди.
– Чунки олимлар молнинг фойдасини билади, бойлар эса илмнинг афзаллигидан бехабар, – жавоб берди Бузругмеҳр.
@mehrob_uz

Буюк сир

Муҳаммад Мустафо соллаллоҳу алайҳи ва салламга доимий салавот айтиш натижасида инсон қалбида лаззат ва сокинликни ҳис этади. Зеро, салавот бу нур ва барака манбаидир. Қачон салавот айтсангиз, қалбингизга нур инади ва бу нур танангиздаги ҳар бир ҳужайрага кириб боради. Натижада бутун танангиз нуронийга айланади.
Салавот туфайли инган нурни етмиш минг фаришта қўриқлаб туради. Фаришталар Аллоҳнинг аскарлари бўлиб, улар салавот айтувчини ҳам инсу жинларнинг ёмонликларидан муҳофаза қиладилар.
Шуни унутмайликки, кўп салавот айтиш бу, Пайғамбаримиз алайҳиссаломни қалбан улуғлаш демак. Шундай экан, қалбингизда ҳеч бир дунё иши у зотни улуғлашдан ғолиб келмасин.
Кўп салавот айтиш туфайли сиз ибодат ва зикрларга ҳам ҳеч қандай чарчоқ ва эринчоқликсиз қодир бўласиз. Ҳатто, салавот инсондаги кўплаб касалликларга асосий шифо манбаидир. Албатта, Аллоҳ таоло ирода қилган бўлса, салавот шифога сабаб бўлади. Аммо, шуни ҳам билиб олиш лозимки, мўминга етадиган турли бало ва офатлар икки хил бўлади. Бири, бандани гуноҳ ва маъсиятлар чиркинидан поклаш учун, иккинчиси, унинг даражасини юксакларга кўтариш учун бўлади. Мўмин банда Аллоҳ таолога яқинлашган сари, унинг бошига келадиган бало ва офатлар ҳам ортиб бораверади...
@mehrob_uz

Намоз вақтлари:
26.08.2025 - СЕШАНБА

Telegram | Facebook | Instagram | YouTube

Абу Жаъфар Муҳаммад ибн Алий айтади: Аллоҳ учун бандасининг илтижосидан-да суюклироқ нарса йўқ. Қазони фақат дуо қайтаради, холос. Хайрли амалларнинг ичида яхшиликнинг мукофоти ва ёмон ишларнинг ичида зулм-зўравонликнинг жазоси жуда тез келади. Ўзининг айбини кўрмасдан бировларнинг камчиликларини қидириб юрмоқ, ўзи қилмайдиган ишни бошқаларга буюрмоқ ва беҳуда нарсада суҳбатдошининг дилини оғритмоқ кишининг ёмонлигига кифоя қилади.
@mehrob_uz