بالنسبة للموزونة الي بعد التخرج سألت دكتور يعتبر متخرج من وقت قصير قال لي كل سنة تتغير بس هي كانت بالترتيب الآتي:

50٪ إختبار الهيئة
30٪ معدل الجامعة
20٪ نقاط السيرة الذاتية

فأنتو تحطون التطوع، و البحوث في السيرة الذاتية، طبعًا ممكن تتغير بس على الأقل كذا تاخذون فكرة عن الموضوع.

تجربتي مع مقابلة فريق جسد واحد التطوعي:

المقابلة كانت في برج المستشفى الشمالي في الدور ال16 في غرفة المؤتمرات، صاير زي المسرح المتقدمين يقعدون على الكراسي ينتظرون أدورهم بينما فيه طاولة كل شوي يقوم لها متقدم يقابلونه، وقت المقابلة كان من تسع لين 11، يعني تجون الغرفة المذكورة في هالوقت، ما أدري شنو صار على الي جا بعد ال11 لأن رحت مبكر و طلعت مبكر و الأفضل تسوون كذا، هي المقابلة سهلة، و أي أحد ينقبل فيها بس ممكن يحاولون يستفزونكم ببعض الأسئلة أو بأسلوبهم، مهما كانت إجابتكم بتنقبلون غالبًا بس يفضل تعطونهم إجابات نموذجية، و تحاولون ما تعطون رد فعل عنيف لأن هالشي يعطيهم إنطباع سلبي، من أمثلة الإستفزاز أنهم مثلاً يقولون للطالب ليش يتطوعون حريم أكثر من الرجال و ليش ما نخلي التطوع مفتوح لهم لحالهم فيعني حاولوا تعطون إجابة محايدة، أو ممكن يجي يقول لكم تقييمكم صفر، أمس كان فيه محاضرة تعريفية حق الي خلصوا المحاضرة، و الي يشرح قال لنا أنه مسوي كذا في المقابلة، هو ما قابلني بس على كلامه أنه كل شوي قال حق واحد صفر فأنتو في هالمواقف لا تعطون رد فعل عنيف أو سلبي، غير كذا المقابلة تعتبر سهلة حيل، و القبول بعدها مضمون حيل.

في هالرسالة بجمع روابط المنصات حقين التطوع؛ عشان ما حد يتشتت، بسم اللّٰه نبدأ:

1️⃣-المنصة الوطنية للعمل التطوعي/
▪️منصة تطوعية شاملة.
▪️جهات واجد ينزلون الساعات فيها فمهم يكون عندكم حساب.
▪️الرابط: https://nvg.gov.sa/

2️⃣-منصة الهلال الأحمر للتطوع/
▪️توفر فرص تطوعية إنسانية متنوعة، مثل الإسعاف، و إفطار الصائم، و غيرهم.
▪️بعد التسجيل في المنصة يتم التواصل مع أحد مشرفي القروب للحصول على رابط قروب الهلال الأحمر.
▪️الرابط: https://srcavolunteer.srca.org.sa/#!/ar/login

3️⃣-فريق جسد واحد التطوعي(مستشفى الموسى)/
▪️فريق تطوعي تابع لمستشفى الموسى يوفر فرص تطوعية صحية، و غير صحية.
▪️يعطون ساعات تطوعية، و شهادات.
▪️التسجيل معاهم فيه شي من التعقيد حيث أنهم يطلبون مقابلة شخصية، و غيره بس يبقى شي مفيد فممكن يستاهل.
الرابط: https://docs.google.com/forms/d/e/1FAIpQLSfwqFcYczHk8jFIJbLBzzve1CXLH4_V01xxNJV9qUChO5vRaQ/viewform

4️⃣-منصة التطوع الصحي/
▪️منصة تابعة لهيئة التخصصات الصحية.
▪️بعد ما تسجلون فيها مطلوب منكم تسوون الدورة حقتهم عن بعد، هي موجودة في الموقع حقهم، و مسجلة تقدرون تخلصونها عالسريع.
▪️الرابط: https://volunteer.srca.org.sa/#!/ar/home

5️⃣دورة BLS تابعة لجمعية القلب السعودية/
▪️دورة مدفوعة قيمتها 250.
▪️تحصلون منها شهادة رسمية مدتها سنتين.
▪️الرابط: https://eban.com.sa/en/basic-life-support-bls-english-arabic/p1588900292

6️⃣بعد ما تتطوعون تحتاجون توثقون الي سويتوه فهنا يجي دور السجل المهاري حق الجامعة/
▪️تدخلون الرابط و تسجلون دخول.
▪️تضغطون على الثلاث شرطات.
▪️تسوون إضافة حق الساعات أو شي زي كذا.
▪️الرابط: https://services.kfu.edu.sa/Services/Account/Login?ReturnUrl=%2FServices%2F%3FReturnUrl%3D%252fAcademicWorkshops%252fSkillRequest%252fHome

ملاحظات:
🔺الرسالة قابلة للتعديل و الإضافة.
🔺آخر تحديث للرسالة 23/1/1446 الموافق 29/7/2024.

و اللّٰه ولي التوفيق

بالنسبة لرقم أربعة منصة التطوع الصحي إذا سجلتوا تدخلون على ذيلي، اسمهم دورات بس أنهم مب عبارة عن محاضرات، تقدرون تسوونهم عالسريع

بوضح بشكل بسيط فكرة BLS:
باختصار انت عادي تاخذها أو لا بكيفك هي فكرتها وهدفها الأساسي عشان يعرفوا الفرق بين الشخص العادي و الطالب صحي عشان كذا لما بتقدم على تطوع في المشتشفى أو تطوع ميداني أو أي شيء راح يسألونك عنها عشان اقلها يعرفوا إذا عندك خلفية بسيطة بس أو لا لأنها هي تعتبر شيء أساسي.
...............................................
ونا نصيحتي:
إذا انت تشوف نفسك ماتتطوع أو تطوعاتك قليلة مايحتاج تاخذها لأن هي بس مدتها سنتين وبعدين تحتاج تجددها والسعر ٢٥٠ ريال... ف اللي تطوعاته بسيطة فقط لا تاخذها هادي تقدر تسوي أشياء كثير بدونها..

إذا انت من الاشخاص المهتمين بالتطوع الحج مثلا أو حتى بعض تطوعات الهلال الأحمر أو ودك تنزل مستشفى صيفي تتعلم تحتاج تاخذها يعني باختصار تعتمد عليك.

طبعا أي طالب صحي يقدر ياخذها ماتقتصر على الطب فقط

والله ولي التوفيق.

تطبيق إرتقاء معتمد فيه أغلب المؤتمرات و الدورات الي ممكن تفيدكم.

https://t.me/ResearchSteps

قناة تعليمية مجانية موجهة من والى طلاب التخصصات الصحية لتعليم أساسيات ومبادئ البحث العلمي 🔬

شروط هيئة التخصصات الصحية للمجلات لقبول الأبحاث عند التقديم للبورد السعودي 🇸🇦

1⃣ كيف نتأكد من الشرط الأول؟
ابحث عن بيانات المجلة في موقع
NLM Catalog

2⃣ كيف نتأكد من الشرط الثاني؟
ابحث عن بيانات المجلة في موقع
WoS Master Journal List

3⃣ كيف نتأكد من الشرط الثالث؟
عن طريق معلومات وبيانات المجلة بموقعها الإلكتروني

#Resource